Grimca poetike…

Hapësirë pa kohë…

Ndoshta kur të kenë ikur të gjithë…
muzgjet…agimet…eklipset…ekuinokset…
stinët…gjethet..retë…erërat…
kur të jenë lodhur të gjithë astrologët mbi horoskopët e mi…
kur hapësira s’do të ketë më kohë…
dhe në vizatimet e fëmijëve dera e shtëpise akoma do jetë e mbyllur…
ndoshta kur zogjtë do fillojnë të ngatërrojne pranverat…
dhe Udhë e Qumështit s’do të ketë më gjinj…
atëhere do të shfaqesh ti…
……………………….
hënë e zbehtë…në befasi e zënë
nga Yll’ i Mëngjezit…

Natyrë e qetë në ap. 342

Një foshnjë qan një kat më lart…
Një cift rënkueshëm pallohet një kat më poshtë…
E shtrirë mbi shtrat ti shkul një thinjë nga seksi yt
dhe i buzëqesh një pranvere imagjinare…
………………………………………..
Pritja, një monalizë larg teje,
flirton kalendarët….

Zjarri…

Jam zjarr…
Nuk më shuajnë dot…
Më vjedhin…
Prometenjtë e mi digjen rrugës
pa aritur të më falin askund…

Deheroizëm…

Heronjtë lindin të plagosur…
kthehen në mite të damkosur…
……………………………….
Turma ua mjekon plagët
për t’i rivrarë më pas…
pa plagë.

Rutinë

…në qerpikët e kësaj bote ngecur jam
dhe lot më duket pështymë e saj…

The last subway

Trenin e fundit e lë gjithnjë të më ikë…
Eshtë i juaji njerëz…
i gjithi i juaji…
Nxitoni… hipni në të…
Është e fundit…
Dhuratë nga unë…
…………………….
Trenin e fundit e lë gjithnjë të më ikë…
Jam vetmia juaj.

Bota juaj…

Më vret mirësjellja juaj dinake teksa përtypni cimcakëz të markës “Mea culpa”…
Më trishton mungesa hipnotike e xhelozive …
Më tret kalkulimi juaj aq i përpiktë i të dashuruarit në castin e duhur…
Më tmerrojnë pasionet që një makinë llogaritëse i tërheq zvarrë si
Akili kufomën e Hektorit…
Më shembin… më dërmojnë fytyrat tuaja në formë portofoli…
vështrimet e qelqta të syve të bërë synet
dhe duart tuaja të bardha ku dielli kurrë s’ndalon…
………………………………..
Po gjaku…gjaku c’pësoi vallë?
Dhe gjakut i keni vënë silikon?
………………………………….
Mallkuar…mallkuar delikatja bota juaj…
dhe skërmitja që ju e quani dashuri…
I harruar tymos dhe në heshtje vuaj
si cigan që i kanë vjedhur Danubin e tij……

(Artan Gj. Hasani)

www.artangjyzelhasani.webs.com

Dergoje artikullin me email Printoje artikullin

31 Komente

  1. Perparim Hysi thotë:

    3 March 2008 @ 11:02 pm

    Poezi te bukur.Kumte te bardha dhe nje poet qe nuk sodit,por godit.Ka frymemarrje ne poezi dhe,sikur t’me premtonte”koha”,do i lexoja serishmi e serishmi.

  2. belle_fleur thotë:

    3 March 2008 @ 11:35 pm

    Mallkuar…mallkuar delikatja bota juaj…
    dhe skërmitja që ju e quani dashuri…
    I harruar tymos dhe në heshtje vuaj
    si cigan që i kanë vjedhur Danubin e tij……

    Bukur Whisper!

  3. losttext thotë:

    4 March 2008 @ 2:42 pm

    kane bukurine e vyshkjes se nje lendine utopike keto poezi, edhe pse gjej kontradikta (personalisht, te pakten) ne figura ku hubris mbetet i dyzuar.

  4. Vemendje thotë:

    4 March 2008 @ 11:03 pm

    “si cigan që i kanë vjedhur Danubin e tij……”

    lexoj:

    si cigan i vjedhur prane Danubit te tij….

    losttext provone hera heres qe gjen tekst

  5. losttext thotë:

    4 March 2008 @ 11:17 pm

    Me ndje, Vemendje, s`te kuptova…

  6. Vemendje thotë:

    5 March 2008 @ 2:28 am

    per vezhgimin e losttext;

    gjetje ne tekst, shohe hera heres te beje losttext. Lexues i mire qe thote mendimin po aq te mire rreth shkrimeve.

  7. losttext thotë:

    5 March 2008 @ 2:55 pm

    flm, Vemendje

    Pa te keq, dhe fare pa reference domethenieje te rendesishme, verej se menyra sesi i nderton fjalite, me duket si perkthim nga nje gjuhe tjeter, apo kohe tjeter.

    Gjithsesi, e pranoj qe kjo gje ma shton vemendjen, per te kuptuar drejt…ushtrim i mire.

    Per poezite me lart them se ja vlen te diskutohen; ku jane poetet e kritiket e Peshkut? :D

  8. Kapiten Kapiteni im thotë:

    5 March 2008 @ 4:20 pm

    “si cigan që i kanë vjedhur Danubin e tij……”

    lexoj:

    si cigan i vjedhur prane Danubit te tij….

    losttext provone hera heres qe gjen tekst”

    1-nuk arrij as una ta deshifroj kete koment!!!ndoshta ngaqe nuk eshte i qarte…varg i vjedhur dmthn?apo ashtu e lexon ti,e then keshtu….

    2-Një cift rënkueshëm pallohet një kat më poshtë… ky varg eshte me banal se sa ta lejon poezia,vetem nje fillestar do e gjente te shprehur kaq “pallushem” poetikisht ate varg.
    3- fjala peshtyme…?tek poezia “rutine”?e pavend!!!
    4-poezia “zjarri” duhet te kishte tjeter titull ose perdorimi i figures “prometenjte,ndoshta une di ta kuptoj si shpetimtarin e njerezimit dhe vetem,me ben ta shoh pak kontradiktore ne poezi.

    5-”Deheroizëm…

    Heronjtë lindin te damkosur(te plagosur)
    kthehen në mite të plagosur…(te damkosur)
    ……………………………….
    Turma ua mjekon plagët
    për t’i rivrarë më pas…

    ky eshte versioni im i kesaj poezie.

    te me fali autori….

  9. Idris thotë:

    5 March 2008 @ 5:01 pm

    .dhe Udhë e Qumështit s’do të ketë më gjinj…
    ————–%————–
    hënë e zbehtë…në befasi e zënë
    nga Yll’ i Mëngjezit

    Them se keto vargje jane gjetje te nje kategorie superiore ,do te thoja pa frike te krahasuara me NOLIN gjate perkthimit te Rubairave.
    Zgjohu!……
    Mengjezi me shigjet e grisi
    perden e nates ,yjt i arratisi……
    Kjo tregon se ndjenjat Tuaja BUROJNE uje te paster.Thellohu ne kete linje
    qe mund te nxjerre per mua nje KALIBER.
    Per ato deheroizmat!!!!! ……Tonelata leter griheshin edhe ne fabriken e Letres ne Lushnje, lere me te kalosh kufijte.
    Thjesht, mund te jene “sprova ” per te kontrolluar “zemerimin”! :)
    Urime!

  10. Laura thotë:

    5 March 2008 @ 7:17 pm

    Me pelqejne shume poezite e tua….

    Kur do na i dhurosh ne nje liber?

    :)

  11. Vemendje thotë:

    5 March 2008 @ 8:08 pm

    Kap.. Kap…
    eshte mos ndarja e vargut te permendur dhe te variantit si e lexoj une ate, me pas vleresoj nderhyrjet dhe vleresimet e losttext ( qe theme se gjen dhe nuk humbet tekst)
    Pjesmarrja ne blog duhet te jete vete referuese se c’munde te shkruaj dikush. K.K. rekomandoj te relexosh mendimin e losttext te ketij shkrimi edhe te ndonji te me parshem, qe te mos ilustrosh ne menyre te percaktuar gjykimin tend per vargjet, se rrezikone te mos thuash aq sa vertet ti do te thuash. Kuptome drejt, s’eshte gabim c’permende nga vargjet, por losttext ma tha ate ne forem me te plote edhe pse pa ilustruar.

  12. whisper the real thotë:

    5 March 2008 @ 8:37 pm

    Faleminderit komentuesve te gjitheve pa perjashtim…Por doja te theksoja dicka qe e shoh ne pergjithesi ne komentet letrare qe merren persiper te behen nga lexuesit per poezi te ndryshme… Pra kalimi i tagrit qe kane si lexues dhe komentues..dhe kalimi ne territorin e krijuesit…

    “si cigan që i kanë vjedhur Danubin e tij……”

    lexoj:

    si cigan i vjedhur prane Danubit te tij….

    losttext provone hera heres qe gjen tekst

    vemendje…ti NUK ke te drejte si lexues apo komentues te tjetersosh krijimin letrar….Ai eshte i shkruar sic e ka shkruar autori…Ti ke te drejte si lexues dhe komentues te shkruash mospelqimmin apo pelqimin tedn per ate qe lexon…ke te drejte te argumentosh ose jo …por gjithnje me citime nga teksti i shkruar nga autori dhe jo nga hamendesimet…Ai vargu qe ti e lexon sic thua me siper nuk eshte vargu im, por i yti…pra ne kete kontekst nuk perben koment mbi poezine qe shkruajtur nga une…

    kapiten…ai cifti nuk ben dashuri, por thjesht pallohet…Pse nuk bejne dashuri, por pallohen? Sepse ashtu vendosi autori ne poezine e tij…
    Ne lidhje me fjalen pallim te perdorur aty mund te te rendisja nje liste te gjate poetesh “fillestare” qe nga Bodler , Cummings… Bukowski e Guinsberg e plot e plot te tjere te cilet perdornin ne krijimet e tyre shume me fjale “dirty” se pallimi…
    Gjithashtu kapiten sic thashe edhe me siper ti si lexues NUK ke te drejte te tjetersosh poezine apo vargun tim…e aq me pak ta kometosh me pas te tjetersuar sipas leximit tend…
    Po ashtu kapiten…fjala “peshtyme” une mendoj se eshte pikerisht pjese funksionale ne idene e atyre dy vargjeve te poezise Rutine..Ti thua eshte e tepert…Mendimi yt…
    Kapiten…Prometeu vodhi zjarrin nga perendite…(veprimi i pare) dhe pastaj ua fali njerezve (veprimi i dyte)…Nuk po komentoj me shume…
    Mirepres cdo kritike apo koment LETRAR te asaj qe shkruaj..te ASAJ QE SHKRUAJ…

  13. Vemendje thotë:

    5 March 2008 @ 10:05 pm

    Po heshtjen, krahas komenteve e mirepret?
    Natyrisht te asaj qe me bene mua te lexoj ate qe lexoje dhe jo ate qe ti thua.
    Une s’kame pse deklaroje komentin e leximit, ato ndodhin, une vetem sa i deshmoj ato, ekzakt sic bene ti me poezin, ku s’te ndalone njeri te thuash gjerat si te vijne, pra, ato vijne edhe tek lexuesi. Dikush mire eshte te mos humbe fillin e asaj qe ka, nese ka ndonji fill nga fillimi ne fund.
    Te berit e poezise eshte akti yt i pare, ndersa akti i dyte eshte qe na e sjell t’a lexojme. Dhe une ate bej, natyrisht si dua e beje kete, pa menduar ne se eshte nga ato veriante qe ti mund te biesh dakort, sic bene edhe ti ne poezine tende, s’konsiderone, dhe me te drejte qe lexuesi t’a redaktoje poezine tende ne procesin e berjes se saj, se ti s’duhet t’a dish ne se ekziston ky (lexues-redaktor)

    Pa heshtje eshte kjo si pergjigje, me heshtje eshte ajo qe ti mendon, dhe ky eshte gabimi qe ve ne dukje ti.

  14. whisper the real thotë:

    6 March 2008 @ 2:48 am

    vemendje..me duket se nuk po te kerkoj shume apo jo?

    Pra…meqenese merr persiper te japesh nje opinion mbi nje krijim letrar llogjika e thjeshte thote qe duhet t’i rreferohesh atij krijimi letrar nese kerkon qe te jesh i besueshem dhe te kryesh misionin prej komentuesi qe merr persiper…pra te lexosh ate qe shkruaj une sic e kam shkruar une te zeze mbi te bardhe dhe nese ke ndonje koment te komentosh ate qe kam shkruar une te zeze mbi te bardhe si autor dhe jo ate qe shkruan ti…jo ate qe do deshiroje ti te kisha shkruar une…Ti si lexues mund te nxjerresh nga vargjet qe lexon kuptime dhe nenkuptime, ide apo nenide…imazhe apo nunaca qe as autorit nuk i kane shkuar ndermend…por gjithnje ne baze te tekstit te shkruar nga autori dhe jo te nderhyrjeve ne varg qe mund te besh ti me (ve)mendjen tende…
    E drejta jote legjitime te interpretosh si te te doje qejfi nje varg por aspak e drejta jote te tjetersosh ate varg te shkruar…e aq me keq edhe ta komentosh sic e shkruajte ti dhe jo autori…
    Kur permend fjalen “lexues-redaktor” a nuk e kupton se flet gjera absurde?
    Pra sipas teje na sjell dikush nje poezi qe ta lexojme…e marrim dhe i ndryshojme ca vargje sipas qejfit tone…pastaj krijesen hibride e komentojme sikur te ishte e autorit…Kjo eshte ajo teori te cilen shkruan ti me siper…Ta quaj novacion tendin kete gje?
    Duhet te kuptosh qe krijimi ka mbaruar ne kohen qe e sjell autori para teje si lexues dhe t’i mund ta interpretosh ate krijim si te mendosh ti…sic dhe sa di…mund edhe te mos e lexosh fare…mund edhe ta hedhesh te plehrat…por nuk ke aspak te drejte ta tjetersosh “fizikisht”…t’i heqesh e t’i shtosh “pjeset e tua te kembimit”…te cbesh e ta ribesh sipas deshires tende…sepse nuk e ke ate te drejte…nuk eshte krijim i yti por i dikujt tjeter..nuk eshte prone e jotja intelektuale por e dikujt tjeter…etj..etj…
    Cudi…dicka te tille nuk e kisha ndeshur kurre me pare…
    Sinqerisht i rilexoj me vemendje shenimet e vemendjes ne kete teme dhe nuk gjej aty asgje te lidhur me temen poetike…e as me ate qe kam shkruar une…
    Nuk besoj duhet shume vemendje per te kuptuar dicka kaq te thjeshte dhe normale…

  15. Vemendje thotë:

    6 March 2008 @ 3:29 am

    ” “si cigan që i kanë vjedhur Danubin e tij……”
    lexoj:
    si cigan i vjedhur prane Danubit te tij….
    losttext provone hera heres qe gjen tekst”

    Keto jane tre rradhe”
    epara: vargu yt: “si cigan që i kanë vjedhur Danubin e tij……”

    i dyti: si e lexoj une kete varg tendin: si cigan i vjedhur prane Danubit te tij….

    itreti: per losttex “losttext provone hera heres qe gjen tekst”

    Mos e merr me t’keq, aq sa t’buron ne radhet qe shkruan, se po keqkupton nje fragment te leximit tim, s’do te thot se ne vecas s’kemi te drejt, por e shohim ndryshe. Mundohu edhe t’i pergjigjesh ndonji gjeje ne “favor” te atij qe “gabon”.
    Me vjen keq qe une lexoj ate qe ti shkruan dhe ti shqetesohesh per ate qe po lexoj.
    p.s. Une e lexova vargun tend, dhe pastaj une mendova te shkruaja nje nga shume variante te atij vargu, per qejfin tim, edhe pse dikush po e lexone ate.

  16. lulian kodra thotë:

    6 March 2008 @ 3:51 am

    Whisper, nuk me duket se po i le shume vend vetes per komente. Jo se komentet jane te ndonje niveli kush e di se sa te larte, por edhe pergjigja “kapiten…ai cifti nuk ben dashuri, por thjesht pallohet…Pse nuk bejne dashuri, por pallohen? Sepse ashtu vendosi autori ne poezine e tij…” nuk me duket ndonje pergjigje kush e di se sa e larte. Per me tej, se kane perdorur bukovski, ginsberg, etj, fjale te tilla ne poezine e tyre, kjo nuk eshte arsye pse po i perdor ti keto fjale, vetem po te jete imitim me dashje. Ben vaki, une imitoj shpesh psh, do e kuptoja. Ai pallimi nje kat me poshte, bashke me femijen qe qan me lart, e shton ndjenjen e sikletit, e thinjes se shkulur, e padurimit, keshtu qe per mendimin tim, “pallimi” shkon perpara embelsise se berjes dashuri. Por ti nuk e the kete. Ti the se ashtu dua une. Pike.

    Sa per ate diskutimin me Vemendjen, them se e ke gabim. Kjo poezia, “natyre e qete ne ap.342″ per shembull, edhe pse e ke shkruar ti, ne momentin qe e lexoj une dhe me pelqen, nuk eshte me e jotja, por e imja. E kam thene me pare kete, dhe nga shume poezi ketu tek peshku vetem nje poezi e Losttext ma ka dhene kenaqesine t’a bej timen, pervec kesaj. Prandaj, ate pjesen e dyte, “pritja, nje monalize larg teje, / flirton kalendaret…” duhet t’a shpjegosh, ose perndryshe, do me duhet t’a shkruaj si duhet te ishte.

  17. whisper the real thotë:

    6 March 2008 @ 6:29 am

    Degjo lulian, e prisja nderhyrjen tende, per aresye qe ti i di fort mire…por e prisja te ishte skrupuloze dhe profesioniste…
    Meqe po ben jo vetem specialistin qe vulos gjithshka (jo vetem ne fushen letrare), por me duket se perpiqesh pa ndonje aresye te dukshme te besh edhe interesantin, po te them tani nja dy fjale:

    Ti thua:

    Jo se komentet jane te ndonje niveli kush e di se sa te larte, por edhe pergjigja “kapiten…ai cifti nuk ben dashuri, por thjesht pallohet…Pse nuk bejne dashuri, por pallohen? Sepse ashtu vendosi autori ne poezine e tij…” nuk me duket ndonje pergjigje kush e di se sa e larte

    Po sigurisht …autori e vendosi dhe as luliani e as kapitenet… e ushtria…Te pyes direkt: mos valle duhet te te merrja doren ty se cfare e si te shkruaja??? Cfare pergjigje tjeter mund te jape nje autor ne nje rast te tille?
    Pra lexuesi-kapiten e quajti veprim fillestaresh perdorimin e fjales “pallim”. Une e sqaroj lexuesin qe merr persiper te beje nje koment letrar se autori e perdori ate fjale sepse ata po palloheshin ose sic e shkruan ti ne veprat e tua prozaikopoetike po “qiheshin”…dmth nuk benin dashuri…por thjeshte po shfrynin renkueshem epshet fizike…dhe ne gjuhen shqipe per kete rast thuhet “qihen, pallohen apo shkerdhehen”…
    Une kam zgjedhur nje fjale qe ne letersine e botuar shqipe eshte quajtur me e tolerueshme, gje qe duket nga perdorimi i kesaj fjale ne botimet e ndryshme shqipe…Ku eshte problemi yt djalosh? Ke ndonje fjale te re zotrote???

    Meqe zotrote dikur vertet jepje shpresa per te qene poet duhet ta kuptoje kontrastin e 3 momenteve te poezise ne 3 kate te ndryshme te te njejtit pallat… te te njejtes jete…(po ta shpjegoj edhe ty sic do ua shpjegoja edhe peshqve te tjere qe turbullojne ujerat me dashje)
    Ne katin siper ka nje femije…fryt dashurie…ka gezim…ne tjetrin ka nje cift qe edhe pse nuk dashurohen te pakten bejne seks…ka rutine pra…thjeshte seks… kurse ne katin e meposhtem ka thjeshte vetmi…ka edhe iluzion…nje grua e vetmuar e cila dallon shenjen e pare te pleqerise ne pubisin e saj…
    Meqe dikur ishe “kulle” e tani mesa shoh je bere “rrenoje”, sidoqofte kaq elemente te thjeshte poetike te asaj poezie duhet t’i kishe kapur syri yt i “kujdesshem” dhe “sqimatar”…apo jo “Borghes” i vockel?

    Me poshte ti thua:

    Per me tej, se kane perdorur bukovski, ginsberg, etj, fjale te tilla ne poezine e tyre, kjo nuk eshte arsye pse po i perdor ti keto fjale, vetem po te jete imitim me dashje.

    Nga e nxorre kete ? Une nuk e thashe qe une e perdora ate fjale meqe e ka perdorur bukowski e kompani ,sic tjeterson ti qellimshem fjalet e mia, por e cilesova shume mire dhe hapi mire syte e lexoje se aty e ke te shkruar: qe perdorimi i asaj fjale nuk eshte shenje fillestaresh sic thote kapiteni, sepse ne baze te asaj llogjike do te ishin fillestare edhe bukowsket e ata qe kam cituar une…E kuptove tani? Nese akoma nuk deshiron ta kuptosh eshte problemi i yti dhe aspak i imi…Une e kam per detyre te te ndricoj paqartesite sic do beja me cdo peshk tjeter “daltonik”…Duhet ta dije qe une nuk kam as idhuj e as modele imitimi…nuk kam as Borges e as Eliot…sado te me pelqeje krijimtaria e tyre…e aq me teper te me frymezonin ata per perdorimin e fjales “pallim” te cilen fatmiresisht e kemi mesuar disa dite pas fjaleve te para ne gjuhen tone te dashur shqipe…

    Me tutje thua:

    Sa per ate diskutimin me Vemendjen, them se e ke gabim. Kjo poezia, “natyre e qete ne ap.342″ per shembull, edhe pse e ke shkruar ti, ne momentin qe e lexoj une dhe me pelqen, nuk eshte me e jotja, por e imja. E kam thene me pare kete, dhe nga shume poezi ketu tek peshku vetem nje poezi e Losttext ma ka dhene kenaqesine t’a bej timen, pervec kesaj.

    Ok…merre edhe kapitenin, edhe vemendjen dhe hajdeni t’u jap edhe copyrightin dhe ribejeni ate poezi sipas qejfit tuaj, shtojini dhe hiqini vargje…komentojeni dhe kenaquni…por vetem pasi t’ua jap une copyrightin…

    Prandaj, ate pjesen e dyte, “pritja, nje monalize larg teje, / flirton kalendaret…” duhet t’a shpjegosh, ose perndryshe, do me duhet t’a shkruaj si duhet te ishte.

    Nese vertet ti lulian ke nevoje qe une te te shpjegoj ty vargjet e cituara me siper me vjen keq por qenke bere vertet nga kulle germadhe..dhe pa thonjza kete rradhe…
    Ide te madhe paske per veten kur thua se perndryshe do te te duhet t’i shkruash si duhet te ishin ato vargje…
    Kush je ti zoteri qe paske kete aftesi qe percaktoke se si duhet te ishin ato vargje? E kupton se cfare nonsense ke thene me siper?

    Sigurisht qe e kupton, por…

  18. macia_blu thotë:

    6 March 2008 @ 7:31 am

    Ndoshta kur të kenë ikur të gjithë…
    muzgjet…agimet…eklipset…ekuinokset…
    stinët…gjethet..retë…erërat…
    kur të jenë lodhur të gjithë astrologët mbi horoskopët e mi…
    kur hapësira s’do të ketë më kohë…
    dhe në vizatimet e fëmijëve dera e shtëpise akoma do jetë e mbyllur…
    ndoshta kur zogjtë do fillojnë të ngatërrojne pranverat…
    dhe Udhë e Qumështit s’do të ketë më gjinj…
    atëhere do të shfaqesh ti…

    Meqenese une liriken tende te embel , me shume- te nxehte! do thoja e kam shijuar edhe me pare, nga keto te ketij postit zgjodha kete.”hapsire pa kohe”
    Qe ti ke besim ne veten tende , dhe i beson asaj qe shkruan , kjo duket ne secilin varg. Ndersa pergjigjet e posht poezive nuk e di pse ta venitin sigurine qe tregon gjate krijimit? Ose keshtu me duket mua. (sorry).
    … Me pergjigjet qe ke dhene ketu , me kujton veten time dikur ne FSH. Kur per nje plesht dogja jo jorganin por shtepine. Nejse, me duket sikur te kuptoj.
    … Ne poezi, ti ashtu si kapiteni, si une , si luliani , e di shume mire se fjala zgjidhet. Fjalori dhe vete fjala ( se cila fjale )i/e poezise dihet qe duhet te jete me i/e pasuri sidomos ne kuptim/e, Poezia percohet nepermjet fantazise se lexuesit. Jo drejteperdrejte. Nese ta zeme fjala “vesh” qe nuk eshte edhe kaq e shemtuar ne fakt, ne momentin qe e lexon ne nje poezi te kujton vetem dhe drejtperdrejte nje shqise te shquar ( ate te degjimit) per mua eshte fjale qe asnje poezi nuk do ta mbarte, kushdo ta kete shkruar poezine me vesh , qofte edhe borgesi qe une e kam idhull . Po borgesin kam idhull jo bukovskin. Mora nje shembull jashte poezise tende… por qe mund te them se fjala qire, eshte shume me e bukur se seks, ose pallim . Qofte edhe vetem ti shikosh si fjale se me cfare bashketingelloresh perbehet njera apo tjetra nga tre tria qe tregojne nje akt aspak banal do thoja, por ama ordiner( ordiner ne kuptimin me te drejteperdrejte te fjales ordiner.Psh ne poezi nje mashkull nuk do te mund te thoshte si ne kafe. ( e qiva filanen!) Por ( u qime me filanen).
    Shpresoj te me kesh mirkuptuar. Perndryshe … - Ti shkruan me shpirt…. lirika te nxehta. Aq te nxheta sa mua me vjen te bie ne dashuri nga fillimi, ndonese jam tmerrsisht ne dashuri!
    Tung!

  19. whisper the real thotë:

    6 March 2008 @ 8:22 am

    mace te falenderoj per nderhyrjen…

    … Me pergjigjet qe ke dhene ketu , me kujton veten time dikur ne FSH. Kur per nje plesht dogja jo jorganin por shtepine. Nejse, me duket sikur te kuptoj.

    Mua nuk me duket sikur te kuptoj, por te kuptoj dhe mirekuptoj plotesisht, mace…jam plotesisht dakort…ashtu eshte…
    Une sigurisht nuk i djeg jorganet e mi per pleshta, por konkretisht jo une, por i njejti plesht perpiqet deshperimisht te djege te njejtin jorgan over and over sa here qe jorganin e shtroj ne natyre mbi nje koder…prane nje kulle apo buze nje perroi me peshq…

    Ti je poete…te lexoj…jo rralle te shijoj ne vargje…por kurre nuk e kam cuar ndermend te tjetersoj vargun tend…ate varg qe mua mund te mos me kete pelqyer…Fjala vjen…Une mund te kem lexuar poezi te kulles si proze sepse nuk kam gjetur aspak poezi aty edhe pse ai e ka vargezuar per t’i dhene forme poezie…apo proze te dikujt tjeter e kam lexuar si poezi, sepse brenda meje ajo rridhte si varg dhe jo si rresht…Deri ketu shkon liria ime si lexues…pa i ndryshuar asnje germe apo rrokje, e jo me te ndryshoj vargje… madje edhe te shkruaj fjala vjen se si ti duhet ta kishe perfunduar poezine “Tigri i Borgesit” apo qe kulla Kapelen e tij ta perfundonte si dokumentari “Kapelja e Hitlerit”…Ne kete rast ajo ajo nuk do te ishte liri e lexuesit, por nje keqperdorje lirie prej sharlatanesh (per etike perdora nje fjale teper te bute)

    Jam dakort qe fjala pallim eshte me pak e fisme ne krahasim me sinonimet e saj te lartpermendura nga ty, por sic e shpjegova edhe ne postim te mesiperm eshte zgjedhur qellimshem dhe jo rastesisht nga une ajo fjale ne ate rast pikerisht per te treguar qe edhe ai seks i tyre..edhe ajo qirje e tyre eshte e grades me ordinere..pra ne fakt eshte nje pallim…Dhe heroina e asaj poezie nuk ka as gezimin e jetes -familjen dhe femijen, nuk ka as pallimin…por ka vetmine e pritjes…vetmi e cila veshtiresohet edhe me shume nga shenja e pleqerise -thinja ne pubisin e saj…por akoma me shume veshtiresohet nga pritja e cila nje monalize larg saj(monaliza si simbol i enigmes…e persorur ne kete rast si njesia me te cilen mas distancen mes heroines se poezise dhe pritjes…(pra nje distance po aq enigmatike sa vete buzeqeshja e Monalizes…nje distance po aq e pashpjegueshme si vete buzeqeshja e Monalizes…nje pritje po aq ironike sa vete buzeqeshja e Monalizes) flirton kalendaret…flirton me kot te gjitha ditet…ditet qe ikin dhe vine te njejta…te njejta…ndaj edhe ajo i buzeqesh nje pranvere imagjinare…iluzioni me te cilin na ushqen shpesh vetmia…
    Sigurisht kete shpjegim te poezise sime nuk e bera per ty mace…ti je Poete…

  20. Kapiten Kapiteni im thotë:

    6 March 2008 @ 12:40 pm

    Whisper THE REAL!!!
    Respekt njeri!!!

    e bera me qellim ate nderhyrje…por me vjen mire qe nuk re ne kurthin e nje njeiru qe asnehere nuk ka gabuar ne fjalet e tij!!!

    ti ke te drejte.plotesisht te drejte!sepse dhe sorra nuk i shan zogjte e saj,te ndodhe ndryshe s’ka se si!!!

    ta kam zili mace.por gjithesesi une fjalen “pallim”,s’do e zevendesoja me fjalen “qirje”,por me fjalen “shkerdhyerje”…
    dhe dicka real the whisper,kur te japesh pergjigje te tjera me openminded man,jo per mua se nuk e vras menderen per asigja!mos me thuaj se po ia fus kot kur them me openminded.tregon hapsire kendveshtrimi per fjalen si proces ngjizjeje.dhe ti je poet e kupton mire se cdo te thote te shkruash poezi.

    sec prrallis ne delir diku me siper per poet e per letrar,per nderhyrje,per lexues e lesh me qime,une kam nje doreshkrim qe po me gerric prej kohesh qe ta botoj,e si “poet ne pritje” ngaqe jam i pasigurte po kerkoj nje redaktues te zotin qe tja krasise ato shfrimet e mia frenetike ne trup te “Fjales dhe Poezise”.shoh qe di ti besh ato nderhyrjet me vend,tek poezite e tua,nese nuk e interpreton per fyerje apo ironi nje ftese te tille,je dakort ti redaktosh?vertete!!!

    sepse ajo qe bera une me siper me fjale fillestaresh eshte e tille,redaktim edhe pse s’te pelqen.nga ana teknike e te shkruarit mendoj.duhet. asnjerit prej nesh,edhe pse gjithesescili prej nesh e kerkon nje dore dhe nje sy te jashtem te kapi tepricat ne shkrirje e siper te trurit,kur dikush e ben,nuk na pelqen.pse ishte Kapiteni ndoshta?pse ishte Vemendja ndoshta?pse ishte macja blu ndoshta?dhe une them Ndoshta!por ndoshta ama qe do te thote se duhet te matesh pa te hidhesh perpjete si zorra n’prush.sepse asnjerit nuk ja njeh aftesine aq sa te mundesh te shkosh me tutje se nje “ik e pirdhu!”.sepse ti vertete mendon se e ke kry misionin tend si poet,por ama ke nje lexues qe nuk te pyet por te thyen koken dhe nje lexues i poezise,me shqisen e kalitur nper poezine e kujdo poeti te madh,e pret prej bukovskit,borgesit,cummings,por kur ca hibride naive si puna ime nisin e shkeleshkojne lulishtja behet nje kasahane qe se merr vesh i pari t’dytin.dhe ndihem krenar per injorancen time per te tre keta poete,sepse i fundit qe kam lexu e qe ka lene gjurme te pashlyeshme ne shijet e mia quhet leonard Cohen,po,po ai kantautori kryenec.dhe nje poezi e Nitroshit
    GRUA,FEMRA IME

    Grua!!!
    Kur të më kesh krijuar
    të më kesh pjellë sërish
    ashtu siç më shikon, siç më prek,
    siç më ndjen me dashurinë tënde
    kur të më lëpish me gjuhë gjakun
    që trupin ma mbulon mbas lindjes së vështirë
    kur të më nuhasësh, e të më miklosh me frymë
    kur të më ushqesh me lëngun e bardhë të dashurisë tënde
    të më rrisësh burrë
    e me burrin që bëre të krenohesh
    kokën të mbështesësh në mua
    për të kërkuar prej meje mbrojtje e dashuri
    kur të më thekesh mes kofshësh
    e prej meje të lypësh jetën
    kur jetën time ta rrisësh mes legjendash
    kur të vrasësh për mua gjithë bishat e kësaj bote
    e të më flasësh pambarimisht për lotet
    kur të këndosh këngën më të bukur për kallzat e grurit
    kur me erën të bësh një kurorë veç për mua
    kur të përkëdhelësh me gjinjtë e tu
    përgjumjen time të lodhur
    që rrëket në frymëmarrjet e fantazisë sime
    të të shoh të zhveshur
    kur të më puthesh aq herë sa yje ka qielli
    e përjetësinë ta mbledhësh në një ëndërr
    kur me durimin tim të plakesh
    e vdekjen ta presim bashkë
    kur të fundmin çast të jetës sime të më avitesh
    e re si ditën kur të njoha
    kur të më duash, të shtrihesh pranë trupit tim
    e frikën time ta trembësh ashtu si dikur trembje përbindëshat
    e makthin, nga ëndrrat e mia
    kur trupin e ftohur të ma ngrohësh me buzë
    dhe akullin e vdekjes ta gërvishtesh me qerpikët e gjatë
    kur të qash mbi trupin tim
    e të më nderosh me lule të verdha që ti e di sa shumë i dua
    kur në heshtjen e kohëve të mendosh për buzëqeshjen time të trishtë
    kur kollën time të degjosh, edhe pse më s’jam
    kur kafenë e mëngjesit ta bësh për të dy
    kur lotin tënd që rrugën merr në shtegun e faqes
    të ma dhurosh si të vetmen gjë që të ka mbetur
    kur ditët e tua pa mua të jenë rendja e fundit drejt krahëve të mi
    atëherë ti grua
    qofsh femra ime.

    po ashtu dhe nje cikel me poezi nga Losttekst botuar po ketu tek peshku.per te tjerat….yhyyyyyyyyyyy…do te dalin kapitene e kapitene qe do i trazojne keto ujra sa te te dalin perhundesh.sepse kane dale me pare,sepse ka dhe tani,sepse do kete!!!eshte i pashmaangshem real the whisper…don’t you think!

    edhe nje here me vjen keq qe nuk te lavderova…kushedi, te kishe qene me i duruar do te kisha bere dicka.edhe pse e dija me pare qe ti nuk ke nevoje per furça.duket qarte!!!

    P-S: losttext c’te shtyu valle ti ftosh “Poetet dhe Kritiket e peshkut” te diskutojne per keto grimca poetike???

    whisper the real
    respekt!!!

  21. losttext thotë:

    6 March 2008 @ 2:33 pm

    P-S: losttext c’te shtyu valle ti ftosh “Poetet dhe Kritiket e peshkut” te diskutojne per keto grimca poetike???

    Asgje e vecante, Mon Capitain, pervec faktit qe shume diskutojme per politike dhe ekspertiza te tjera, e vec pak per poezi… :)

  22. whisper the real thotë:

    6 March 2008 @ 4:53 pm

    kur te japesh pergjigje te tjera me openminded man,jo per mua se nuk e vras menderen per asigja!

    sec prrallis ne delir diku me siper per poet e per letrar,per nderhyrje,per lexues e lesh me qime,une kam nje doreshkrim qe po me gerric prej kohesh qe ta botoj,e si “poet ne pritje” ngaqe jam i pasigurte po kerkoj nje redaktues te zotin qe tja krasise ato shfrimet e mia frenetike ne trup te “Fjales dhe Poezise”.

    edhe nje here me vjen keq qe nuk te lavderova…kushedi, te kishe qene me i duruar do te kisha bere dicka.edhe pse e dija me pare qe ti nuk ke nevoje per furça.duket qarte!!!

    kapiten…me vjen keq qe jam i detyrua te replikoj se shumti ne nje teme poetike…

    Openminded? Mos perdor fjale qe me sa shoh nuk ua ditke mire kuptimin…ose edhe nese ua di kuptimin i perdor ne vend te gabuar…

    Po te sqaroj dicka qe ta mesosh nje here e mire ti dhe garda…
    Une nuk e sjell ketu poezine time qe te konfirmohet apo te marre bekimin nga lexuesit kushdoqofshin ata…Nuk e sjell qe te marre dekorata dhe lavderime apo t’ i varin teneqen…
    Thjesht e sjell qe dikush ta lexoje…I pelqen apo jo kjo eshte e drejte e tij…I pelqen ta komentoje per mire apo per keq kjo eshte e drejte e tij…I pelqen te mos e komentoje fare kjo eshte e drejte e tij…I pelqen ta injoroje teresisht, te mos e lexoje dhe te klikoje ne nje faqe apo autor tjeter eshte e drejte e tij…Kjo do te thote te jesh openminded si autor ne kete rast…

    Por konkretisht c’ndodh me ju…me ty dhe me garden?
    1-Tjetersoni…cmontoni…montoni…deformoni fizikisht poezine e dikujt dhe vargjet e saj origjinale dhe fusni vargjet tuaja me argumentin “ashtu me do qejfi mua si lexues”, dhe kete e quani kritike letrare…koment letrar…dhe e drejte e legjitime e juaja prej lexuesi….
    2-Udhezoni autorin se si duhet te kish vene titullin poezise se tij…
    3-Kerkoni t’i imponoheni autorit se si ta shkruaje poezine e tij…cfare vargu duhet te kish shkruar…cfare fjale duhet te kishte perdorur…dhe ne vazhdimesi kjo me nje ton dhe gjuhe prej “specialistesh” e “kompetentesh” qe arrini deri atje sa te kontrolloni edhe idete qe jane ne mendjen e autorit…te cilat ju i dinin me mire nga vete ai.…dhe perseri kete e quani “kritike letrare”..koment letrar…te drejte legjitime tuajen si lexues…

    Dhe kur autori reagon duke u kujtuar qe NUK E KENI ASPAK TE DREJTEN TE DEFORMONI FIZIKISHT VARGJET E DIKUJT TJETER ju e akuzoni se nuk eshte tolerant…nuk eshte openminded…nuk i pelqen kritika…kerkon vec ta lavderojne…etj…etj…
    Kjo qe ben ti kapiten bashke me garden nuk eshte kritike letrare, por kur behet ne vazhdimesi si e vetmja menyre me te cilen ju dini te beni “kritiken letrare” e ka emrin gerricje…dhe NUK eshte karakteristike e lexuesit…Gerricje qe nuk i vlen as temes..as krijimit…as autorit…e as lexuesit te temes…Kujt i vlen? U vlen atyre qe nuk dine te perballen me nje poezi ne menyre letrare…eshte paaftesi e tyre… eshte mosdije e tyre apo eshte thjeshte deshmi e nenndergjegjes se tyre kjo eshte pune per ta dhe nuk me intereson fare mua si autor…Nuk jam ketu per investigime subkoshience te kapitenit apo te gardes…

    Tjeter gje…Kapiten…kujdes…mos perdor menderen (meqe e permende ti) ne vend te mendjes…Te duket delirant kur nje autor kerkon mostjetersimin e krijimit te tij? Dhe nuk te duket delirante ajo qe beni ju, ti dhe garda duke tjetersuar duke tjetersuar krijimin e dikujt tjeter duke e deformuar ate, duke i dhene te drejte vetes per t’i treguar se cfare titulli e cfare vargjesh duhet te heqe apo te vere ne poezine e tij???

    Une edhe mund ta kisha injoruar ne vazhdimesi me mosreagim “kritiken tuaj letrare”, por e pashe te aresyeshme te reagoja sepse kuptoj qe e keni bere mode te ky blog qe ne nje teme poetike pjesa dermuese e komenteve te jene letrare e te lidhura me subjektin poetik…Lexon gjithshka te temat poetike por shume rralle kritike letrare…e akoma me pak fryme konstruktive dhe ndershmerie ne ato komente…Komentet e ketushme jane pergjithesisht te skajshme…per mire apo per keq….jane ose superlativa ose denigrim…ne varesi te taboreve dhe perkatesise se tyre…por kritike apo komente letrare gjen shume shume pak…
    Ketu pergjithesisht thuhet “Ky krijim nuk ben” dhe nuk thuhet “ky krijim nuk me pelqen”, ketu thuhet “ky krijim eshte kryeveper” dhe nuk thuhet “ky krijim me pelqen”…ketu ka vec dy permasa…qielli per ata qe na pelqejne dhe toka per te zvarrisur ata qe nuk na pelqejne…Ate pjesen e mesme..mes qiellit e tokes akoma nuk e keni zbuluar per fatin tuaj te keq kryesisht…sepse ne fakt as ata te qiellit e as ata te tokes as nuk humbasin e as nuk fitojne nga menyra me te cilen ju beni te ashtuquajturen “kritike letrare” tuajen…Sigurisht kjo eshte ceshtje formimi intelektual i cili eshte nje proces i gjate….eshte ceshtje qytetarie ne komunikim me vlerat shpirterore…por eshte edhe ceshtje karakteresh e subkoshiencash sigurisht…

    ps. kur permenda fjalen “poet” gjate replikave te mia nuk e kam pasur fjalen per ty, ndaj take it easy…

  23. Idris thotë:

    6 March 2008 @ 5:24 pm

    Shume gjate e ne veten e pare W…Duhej dikush tjeter te kish bere kete para dhe prapashtese…
    Megjithate poezite e tua shijohen..C’eshte nevoja per me shume ?????
    As traktat,as rryme ,as ndryshese,as propozim as paraqitje e re, HIC!
    Vetem nje nderhyrje e lodheshme qe po ta shohesh holle holle te ka
    merzitur…dhe merzia eshte si “Ena nen Presion”…shperthen
    Bjere te lutem….ose sic i thoshte dikush- dikur nje shoku te ngushte;
    Ne se me te vertet je i merzitur sic me shkruan…
    Atehere dergome _________________Produktin_______________.
    Presim!

  24. lulian kodra thotë:

    6 March 2008 @ 5:26 pm

    O Tani, sinqerisht e ke ti? Po une e justifikova mo vlla fjalen “pallim” per hir te pritjes ne pjesen e dyte te poezise, (pse do te me lexosh vetem budallalliqet, se une nuk jam si ty, i them ndonjehere keto) dhe thashe qe se bashku me cingerrisjen e nje femije qe qan nje kat me lart, me sikletin e nje qimeje qe shkulet ne nje kat tjeter, krijon atmosfere padurimi, atmosfere qe e ndjeva, te thashe.

    Ca halli ke? Ca jane keto budallalleqe, ishe poet, e s’je me poet, a thua se po na ofendon atje ku s’mban me. Epo mire, nuk jam poet dhe nuk e kam pretenduar ndonjehere. Ca pastaj?

    T’a tha edhe macja me duket. Qe jemi autore e i zgjidhim fjalet, madje edhe ne menyre arbitrare ndonje here, na ben vaki. Por nuk me duket se i ke zgjedhur fjalet ne menyre arbitrare ne keto Grimca Poetike, keshtu qe kur thua, “ashtu vendosi autori” po na e kthen kusurin mangut. Kete te thashe, qe ne fillim, nuk po i hap rruge komenteve me arbitraritet.

    Nuk eshte lufte Tani. Hiqe nga mendja. Une nuk krijoj qe te kem nje status me te larte se ty, apo se nje tjeter, apo nje tjeter, ne hierarkine e poeteve. Krijoj se me jep kenaqesi, dhe jam i bindur se per kete arsye krijon edhe ti. Kete te kerkova te shpjegoje. Ne qofte se kenaqesia jote eshte arbitrariteti, atehere lere fare dhe mos u pergjigj, se je pergjigjur bindshem.

  25. whisper the real thotë:

    6 March 2008 @ 5:30 pm

    korrigjim gabimi:

    eshte:

    sepse kuptoj qe e keni bere mode te ky blog qe ne nje teme poetike pjesa dermuese e komenteve te jene letrare e te lidhura me subjektin poetik

    duhet:

    sepse kuptoj qe e keni bere mode te ky blog qe ne nje teme poetike pjesa dermuese e komenteve te MOS jene letrare e te lidhura me subjektin poetik

  26. Kapiten Kapiteni im thotë:

    6 March 2008 @ 5:47 pm

    Whieper the real
    me binde se paskam perdorur ne vendin e gabuar ate fjale!!!
    dicka nuk kuptoj ne komentet e tua pse e pergjithson dhe thua “kapiteni dhe garda e tij”?
    isha une ai qe bera nje koment,qe redaktova nje poezi.Nuk te pelqeu,po mire or burre kaperdije se edhe une nje nga te shumtit per te cilet nuk do me ia dite isha,me te cilet je mesuar tashme i gjen kudo,deri dhe tek peshku.

  27. Vapa e Gushtit thotë:

    6 March 2008 @ 6:08 pm

    megjithate pallimi mua me duket si zgjedhje e pershtatshme per kete rast. dy sinonimet e tjera me duken me shume emocionale: “shkerdhyerje dhe qirje” mbartin nje lloj pasioni, kurse pallimi eshte varjanti me degradues i aktit. me sakte, femra pervelohet e mallohet per pak “pranvere”, ndersa keta nje kat me lart e kane mundesine, po ne vend te saj zgjedhin pallimin, duke e “perdhunuar” ironikisht vetmine e tjetres. pallimi e shpreh me mire natyren instikt te njeriut - mendimi dhe kendveshtrimi im personal sigurisht.

    sa per diskutimet e tjera, W, me duket sikur kete shperthimin ketu e ke ca te grumbulluar nga perplasja ne vite me karvane te tere kritikash, pseudo-kritikesh, sherrxhinjsh, cmirezinjsh etj etj etj. Nuk po them qe reagimi ishte pa vend, vetem se ishte me “i zjarrte” nga c’duhej. Ti mund te pyesesh se kush jam une qe vendos se c’mase a karar duhet te kete reagimi i nje poeti. Nuk jam shume jo, thjesht dikush qe ka vite qe te lexon e shijon, e ne te shumten e raste ta kupton edhe mbron dhe shperthimin.

    nejse, poezite qe solle mua me shijuan.

  28. edrus thotë:

    6 March 2008 @ 7:46 pm

    Jam zjarr…
    Nuk më shuajnë dot…
    Më vjedhin…
    Prometenjtë e mi digjen rrugës
    pa aritur të më falin askund…

    Nuk e di pse s’më pëlqeu ky “Zjarri” që nuk i hykërka në punë njeriu.

    I harruar tymos dhe në heshtje vuaj
    si cigan që i kanë vjedhur Danubin e tij……

    Kjo më pëlqeu jashtëzakonisht… sepse megjithëse mund ta kem vuajtur shpeshherë vetëminë, kur imagjinova ciganin pa lumin e tij … thashë që, paska dhe më keq.

  29. Vemendje thotë:

    6 March 2008 @ 8:43 pm

    Poezia e Nitroshit: Gruaja
    Autori e “sheh” kete grua kur ish i madhe me vlere per nje te till, dhe urtesia i ka ul kapaket e syve kur ngre poezine; lind njeriun (burr), rrit e bene gati kete burre per nje grua, gati se gruaja e meriton kete Burre.
    Pra, nuk zgjedh poeti te kerkoj nga momenti qe i ngifet organi seksual gruan qe do, ai e gjen ne moment, per nje frymemarrje ai lind, rrit, zbukuron dhe ja dhuron kete poezi para se ti jap Gruan e merituar.

    Nuk po analizoj poezine ne fjale, por referohem se sa ndryshe do ish poezia ne fjale e Nitroshit nqs ai do te kerkonte nga ai moment, i te qenurit gati, e perpara. E kunderta beri poezine, ai e kthen mbrapa burrin, ne nje burre te porsa lindur qe i rrjedhin ne shtratin e tij te gjitha ujrat e burimeve per te shuar etjen me poezi per gruan.

    Sa kontrast me rastin ne fjale te reagimeve te Wi..the real;
    jo vetem harron se ajo qe jep te dialogoje eshte poezi, por s’ka ku kthehet ky njeri, te mbaje nje variant me poetik ne kete dialog, ky di te jete Grrices si gjemb ferre, lenduar, e gjakosur do te takohet me poetiken sikur eshte i porsa lindur. Jo, s’ke gjak lindjeje mbi vete!

    Nje keshille lexuesi per Wisper the real;
    Mblidh germadhen qe krijon ne debat, dhe meso nga deshira e poezise qe shkruan, e mos u hap b.thsh.

  30. aldi thotë:

    14 March 2008 @ 11:55 am

    me pelqyen te gjitha jeni njesha

  31. da vinci thotë:

    22 March 2008 @ 3:35 pm

    Keto poezite me gjithe komentet e autorit pronar te poezive , vuajne shume nga deliri.

Komentet per kete teme jane te mbyllura.
Per t'u mbrojtur nga spam-i, Peshku pa uje i mbyll komentet e cdo teme pas 60 ditesh.

  • Po shikoni nje artikull ne faqen e arkivit te Peshkut pa Uje. Per te pare faqen aktive, shkoni tek peshkupauje.com