Shamia? Liria ime më e madhe

shamia.JPGAimona Vogli
Gazeta Shqiptare
20/03/2008

Kufizimi” i shamisë ka qenë dhe liria ime më e madhe. Që në momentin kur kam zgjedhur shaminë, ndihem më e qetë. Mund të lëviz e vetme në orët e vona të mbrëmjes dhe ndihem e sigurt. Ashtu siç ndihem më e mbrojtur nga vështrimet apo ngacmimet e meshkujve. Madje edhe policët rrugorë teksa më shikojnë kur kaloj me makinë, kanë një tjetër sjellje kundrejt meje, një respekt që shumë herë më mungonte kur nuk e kisha vënë ende”. Kjo është Migena Vorpsi, studente e vitit të parë të Drejtësisë në një universitet jopublik, e veshur me shumë shije dhe e cila lëviz nëpër Tiranë me makinën e saj. Ajo që prej 1 viti mban shami, por asnjëherë nuk e ka menduar atë si kufizim. Ndihet e lirë dhe pse e mban atë, e cilëson si një obligim që feja e saj e kërkon, por kujdeset të thotë se kjo është një zgjedhje shumë personale. Ka zgjedhur të diplomohet në Drejtësi, pasi do të mbrojë të gjithë ato vajza e gra që u mbyllin dyert e shkollave apo nuk i marrin në punë vetëm për shkak të shamisë. E sjellshme, e mençur dhe moderne, ajo na servir një model të bukur të femrës myslimane, atë të femrës së shkolluar. Ajo është kundër asaj pjese të komunitetit mysliman, e cila e përdor shaminë për të mbrojtur fanatizmin e tyre dhe për të penguar vajzat të arsimohen. Ka qenë e punësuar për një kohë të gjatë, rreth 8 vjet në një shoqatë, është marrë me çështje sociale dhe kulturore. Ndërsa më 17 shkurt ka udhëtuar me makinën e saj drejt Kosovës, për të festuar ditën e Pavarësisë.

Vendosja e shamisë
Tashmë është 30 vjeç dhe studion në vitin e parë në degën Juridik, në një ndër universitetet private të Tiranës dhe krahas saj ka studiuar dhe një vit arabisht në Jordani. “Arabishtja më ndihmon ta kuptoj më mirë Kuranin”, - shprehet ajo. E mban shaminë prej 12 vjetësh dhe tregon se ka qenë një zgjidhje tërësisht individuale, rezultat i akumulimit të besimit dhe të njohurive mbi fenë islame. Për të ajo është një shenjë e respektimit të një vullneti hyjnor, ku gruaja duhet të shfaqet pa rënë në sy dhe për të mos tërhequr vëmendjen, shamia është thjesht veshja që i shkon për shtat bindjeve të saj. Tregon se ka qene e vështirë, sepse fillimisht familja e saj ka qenë kundra. I kanë ndaluar të dalë nga shtëpia për katër muaj, sepse nëse dëshironte të dilte duhet të dilte pa shami, ndërsa ajo nuk e ka pranuar një gjë të tillë. Por ndihet komode për zgjedhjen e saj që i shkon për shtat me konceptet, pavarësisht vështirësive. Shamia për të është thjesht veshje, që nuk mbart rregullat në pjesëmarrjen në shoqëri, ajo nuk mban një sistem vlerash, besimi është individual. Kjo veshje nuk ka një uniformë të caktuar, ku përcaktohet ngjyra ose modeli, kusht është që fytyra dhe duart të jenë jashtë dhe veshjet të jenë jo të ngushta. Por për shkak të kësaj veshje ajo nuk është e privuar nga aktivitete normale të çdo njeriu, ajo shkon në shkollë, ulet në kafe me djem dhe vajza, pra bën gjithçka që do.

Gjendja e vajzave me shami dhe institucione
E pyetur rreth çështjes së vajzave që mbajnë shami që janë përjashtuar nga shkolla, Migena shprehet se “ka një keqkuptim shumë të madh me termin laicizëm, dhe pse me këtë term manipulohet”. “Laicizmi” i shkollave, rregulloret dhe justifikimet e drejtorëve të shkollave, sipas saj nuk mund të shkelin Kushtetutën e Shqipërisë dhe konventën e të drejtave të njeriut, ku thuhet se çdo njeri ka të drejtë të arsimohet”, për këtë arsye tregon se zgjedhja për të studiuar në këtë degë ka një qëllim në vetvete. Qëllimin e njohjes së ligjeve dhe mbrojtjes së vetvetes. Sipas saj, kushtet e vajzave që mbajnë shami janë të kushtëzuara nga punësimi, i cili rrjedh dhe pagesa, shkollimi dhe varësia e tyre nga familja. “Shpesh herë vajza që mbajnë shami janë të detyruara të bëjnë punë që janë nën nivelin e tyre dhe me një pagesë më të ulët, sepse në realitetin shqiptar, institucionet shtetërore dhe ato jo shtetërore nuk i pranojnë dhe ashtu siç mund të kuptohet, nuk mund të jetosh i papunë”. E pikërisht ky realitet po bën që ato të jenë një ishull i “izoluar”, brenda komunitetit shqiptar.

Tradita shqiptare
Një tjetër problem është dhe çështja e traditës së munguar shqiptare. Sipas Migenës, pas 50 vjetësh ateizëm, nuk ka një model që bazohet në traditën shqiptare të të veshurit të shamisë. Shumë vajza influencohen nga mënyra e veshjes së vendeve ku kanë studiuar ato ose bashkëshortët e tyre (Afganistan, Jordani, Turqi etj). Duke qene se e njeh vetë arabishten, ka pasur mundësinë që të lexojë vetë materialet fetare dhe të zgjedhë dhe shpesh të stilojë vetë veshjet e saj. Pranon që në qarqet fetare për këtë çështje mbizotëron maskilizmi dhe “liberalizmi” i saj vjen nga leximi korrekt i teksteve fetare.

Fanatizmi
Shpesh zgjedhjes së vendosjes së shamisë i mbivishet një vello fanatizmi. Femrat që vishen në mënyrë të tillë nuk kanë kufizimin e qëndrimit vetëm në shtëpi, të mos punuarit ose arsimuarit, të mos qëndrimit me miqtë të seksit mashkull, etj. Për Migenën, shpesh fanatizmi i të ardhurve që përfitojnë nga veshja e femrës me shami për të fshehur një ndrydhje ndaj femrës, keqinterpretohet si një rregull fetar.

Dergoje artikullin me email Printoje artikullin

19 Komente

  1. InfraRed thotë:

    21 March 2008 @ 4:23 pm

    Te shkuara!

  2. Peshku Fluturues thotë:

    21 March 2008 @ 4:41 pm

    Migena! Po e pe qe “s’te kuptojne” ke gjithmone mundesine te aplikosh per strehim fetar per ne Arabine Saudite, ku do te mund ta shijosh plotesisht lirine tende. Bota eshte e madhe dhe cdokush mund ta gjeje nje shtepi per vehten e tij.

  3. pavaresia thotë:

    21 March 2008 @ 7:59 pm

    Migena nuk ke nevoje fare te kerkosh strehim fetar ne asnje vend.
    Qendro ne vendin tend se je shekullore atje. Nese dikujt sot nuk i pelqen, nuk i kane pelqyer as ato miliona nena e gra shqiptare gjate ketyre shekujve te fundit qe si kostum kombeter te tyre kane pasur pikerisht shamine.
    Migena qendro.
    Se perderisa qendron edhe Nene Tereza qe ka nje shami si ti dhe nuk i dihet se a eshte shqiptare apo jo edhe ti ke te drejten tende.
    Migena qendro.
    Per ti treguar atyre qe i perdorin lirine dhe te drejtat e njeriut vetem kur ua do qejfi dhe jo si standart per te gjithe.
    Migena qendro.
    Se ke qindra mijera qe simpatizojne perkushtimin dhe moralin tend dhe te gjitha migenave te tjera.
    Migena qendro.
    Se perdite e me teper po shtohet numri atyre grave dhe vajzave qe zgjedhin moralin.
    Migena qendro se kjo eshte shtepia jote.

  4. Tironsi thotë:

    21 March 2008 @ 8:11 pm

    Pune me shume spec eshte kjo. Megjithese une nuk kam piken e simatise per femrat qe mbajne shami, jam i detyrum te pranoj se ato kane te drejten e tyre. Sidomos kur ke te besh me te shkolluara si Migena, s’mund te perdoresh as argumentin qe u privohet liria femrave.

  5. Amazona thotë:

    21 March 2008 @ 8:44 pm

    Eshte e drejta e vajzes ne fjale si te vishet natyrisht,por duhet te dime prejardhjen dhe qellimin pse eshte vendosur shamia, (eshte detyruar me force dikur femra te mbulohej), si edhe nuk gjendet asgjekundi ne Kuran qe femra duhet te mbulohet me shami.Edhe dicka tjeter me duket se per femrat qe mbulohen nuk lejohen te ngasin makinen(ne vendet arabe) Une jam e mendimit qe ato femra qe zgjedhin te mbulohen, te rrine ne shtepi dhe t’i perkushtohen besimit qe kane zgjedhur.

  6. pavaresia thotë:

    22 March 2008 @ 10:06 am

    Propaganda dhe shpesh injoranca e njerezve ne raport me fene kane krijuar shume keqkuptime ne lidhje me shamine e femrave muslimane.

    Prejardhja e shamise ne kokat e femrave e ka zanafillen qe me mesazhet e para monoteise ne toke. Ne Tevratin cifut dhe Ungjillin e krishtere femra eshte e detyruar te mbulohet (lexo: Levetiku : 10,11, 13 ) ku i thuhet asaj qe te mbuloje koken ose te rruaje floket ne te kundert.

    Edhe ne Islam duke qene se eshte mesazhi i fundit i te njejtit Zot mbulesa eshte permendur disa here ne Kuran. Kjo pastaj perforcohet me tregimet profetike te quajtur shpesh (hadithe) te cilat japin detaje te mbulimit. Tregimet profetike kane autoritetin hyjnor pasi thuhen nga vete Profeti dhe transmetimi i tyre eshte krejtesisht i sakte ne saje te nje zinxhiri te sterprovuar nga ana e vertetesise.

    Prandaj nuk ka prejardhje me baze territori apo kombi, kudo qe jane muslimanet mbulohen, ne cilindo pike te globit ku jetojne.

    Muslimanja eshte e barabarate me burrin ne te gjitha te drejtat ku perfshihet edhe ngarja e makines. Sipas traditave te para muslimanet ishin ato qe ishin edhe pronare te medha tokash e pasurish te tjera ,ngitnin devete dhe shpesh u jepnin mesim edhe burrave. Ndryshimi me burrat nuk qendron ne te drejta po ne detyrime ku secili ka pergjegjesite e veta.

    Formati i muslimanes injorante qe ri ne shtepi nuk di asgje etj, eshte nje format i promovuar nga ata qe shume shpenzojne per t’i deformuar imazhin.

  7. Artian thotë:

    22 March 2008 @ 11:22 am

    Ne shkolla publike,dhe ne nje shoqeri civile ku feja eshte nje obsion i dyte dhe i ndare nga shteti, eshte me se e qarte qe as nje simbol fetar,kristian ose mysliman nuk duhet te duket ne aparence,pra as kryqi i kristianeve dhe as shamia ose hena nuk duhet te shfaqen,pasi ne publik,ne shkolla ne institucionet shteterore, njerzit kane bindje te ndryshme,kane opinione te ndryshme,Injoranca nuk eshte as ne krahun e myslimaneve as ne ate kristiane,ajo eshte prezente atje ku ajo insiston te pershfaqet me simbole.
    Simbolet fetare le te leme e ti marim ne vendet ku i perkasin,kishe, xhami ose ne jeten private shtepi etj

  8. pavaresia thotë:

    22 March 2008 @ 11:40 am

    E para shamia muslimane reklamohet gabimisht si simbol.

    Ajo nuk eshte simbol sic mund te jete kryqi apo ndonje shenje tjeter. Shamia eshte identitet. Vajza muslimane qe pas pubertetit ne te gjitha ambientet jashte shtepise se saj duhet te mbulohet, qe do te thote se ajo mbulohet ne te gjitha ambientet ku shkon. Pra nuk mundet ta heqe ate sic ndodh me kryqin qe e heq dhe e ve ose te themi me gjysem henen qe e heq dhe e ve. Shamia eshte identiteti i saj si muslimane, eshte sistemi i saj per te gjithe pjesen e jetes qe i ka mbetur, ndaj edhe kerkesa per ta hequr eshte kerkese per te hequr identiten e saj.

    E dyta
    Shkollat apo sistemi mesimor i shtetit eshte laik ne procesin e mesimdhenies. Kjo nuk do te thote se eshte laik edhe ne procesin e mesimarrjes. Tekstet, dhe procesi mesimor permban elemente laike ,pra te barazlarguar nga te gjitha fete, ndersa individi ka te drejte me identitetin e vet qe mund te jete cfaredo ta perthithe dijen.

    Nuk mundet qe ne menyre abuzive dhe anti kushtetuese ta kalosh laicizmin e shtetit ne laicizem te individid sepse individi eshte i lire te perzgjedhe menyren se si e perthith dijen. Nese do te ishte ashtu sic pretendojne disa atehere laik eshte edhe sherbimi mjekesor, sherbimet e tjera qytetare, atehere i bie qe te kufizohet muslimanja ne cdo fushe te jetes.
    Keto tentativa per ndalim jane aq sa antikushtetuese aq edhe diktatoriale.

    Pervec Frances shikoni qe gjitha vendet demokratike nuk pengojne absolutisht frekuentimin ne shkolla te vajzave muslimane.

  9. palaco-njeri thotë:

    22 March 2008 @ 12:22 pm

    Avash mor Pavaresia avash,merre me shtruar.Po per naturalistet qe duan te jene gjith kohen lakuriq,si duhet tja bejme ?ti lejojme dhe ata?
    Po sikur te gjithe femijet e vegjel te lejohne te dergojne ne shkolle publike identitetin fetar,atehere cbehet me identitetin kombetar?
    Ti nuk e di apo ben vete sikur nuk e di qe fete nqs lejohen (sidomos ne shqiperi) ne ambjente publike atehere nis nje lufte e ftohte midis tyre propagandistike kush e kush te konvertoje sa me shume ndjekes.

    Te thuash qe identiteti i femres muslimane na qenka shamia eshte qesharake,dhe propagandistike,sepse shamia nuk eshte peshore e besimit.Dhe feja nuk eshte ceshtje publike,por individuale shpirterore.
    Personat qe nuk i shikojne keto fakte qarte jane ose te ceket,ose dashakeqes.

    Tjetra eshte qe ne shqiperi ne kemi nje tradite laike dhe kemi nje identitet te forte kombetar dhe gjuhesor,qe nuk eshte aspak ne kundershtim me fene,perkundrazi lejon qe te krijohen marredhenie te shkelqyera midis komuniteteve te ndryshme fetare pikerisht sepse na bashkon identiteti kulturor,kombetar dhe gjuhesor,kurse shprehja propagandistike e fese,nuk do te sillte gje tjeter vecse percarje.

    Dhe se fundmi te te drejtoj edhe nje pyetje.

    A vihet ne dyshim qe feja dhe Zoti kerkojne dashuri dhe besim te sinqerte nga njeriu? Absolutisht jo.

    Atehere a mund ta vesh ne dyshim qe ata qe perhapin propagande dhe qe ndertojne xhami qe jane bosh afer rrugeve nacionale,per te mos fol per raste qe une personalisht i di (ku femra kompromentohen per te vendosur shami ,me shuma parash drejtuar atyre vet,ose familjareve burra te tyre).

    Atehere pra qe kemi nje shoqeri te bashkuar dhe nje koekzistence te shendeshme nuk mund te lejojme pseudo-identitete fetare ne ambjente publike.

  10. GEORGE thotë:

    22 March 2008 @ 1:11 pm

    Aimona Vogli thote :

    Kufizimi” i shamisë ka qenë dhe liria ime më e madhe. Që në momentin kur kam zgjedhur shaminë, ndihem më e qetë. Mund të lëviz e vetme në orët e vona të mbrëmjes dhe ndihem e sigurt…

    Sa hipokrizi te perzjeme me frike ka kjo vajze e re shqiptare (po te jete e tille).Mund te quhet e lire nje femer qe po e hoqi shamine e pret dhunimi.Cfar lloji lirie asht kjo,mund te jap spjegim Aimona ?
    Nje mizori ndodhi ne Afganistan ne nje shkolle,e cila u perfshi nga zjari dhe vajzat hoqen shamite,atehere filloj “liria” e saj,luftetaret talibane derdhen automatiket ne trupat e pafajshme te vajzave.
    Ne shqiptaret nuk duhet te behemi si majmun,te imitojme njerezit me te pa qyteteruar e fanatike ne kulm.

  11. pavaresia thotë:

    24 March 2008 @ 10:55 am

    Me fal ore palaco-njeri :
    Ne po flasim per njerez dhe jo per kafshe. Nuk di te kete njerez me parametra normale qe te duan te paraqiten lakuriq ne shkolle.
    Shamia eshte identitet per vajzat dhe grate besimtare. Une nuk thashe qe ato te cilat nuk kane shami nuk jane muslimane. Kurrsesi jo. Por ato qe mbartin shamine kane nje identitet te qarte viziv.
    Nga doli kjo qe ne kemi nje tradite laike ? Per cfare kohe po ben fjale. Nese i referohesh komunizmit ai ishte ateizem i imponuar dhe jo laicizem. Ndersa qe nga periudha prej 7 shekujsh te Bizantinizmit dhe 5 shekujsht te Islamit, tradita jone ka qene me baze fetare.
    Sic ndoshta nuk e di, shtetet komb linden keto dy shekujt e fundit. Me kete trend u fillua te nxirrej si primare identiteti kombetar mbi ate fetar.Prandaj kur flasim per tradite ajo shkon pertej 17 viteve te vockla te periudhes post moderne shqiptare.

    Ndersa persa i perket ndertimit te xhamive, duhet te dish se ne Shqiperi jane rindertuar me pak se 60% e xhamive ekzistuese.Ato nuk jane bosh dhe duhet gjithashtu te dish se po pelcasin nga numri i madh i besimtareve dhe nuk po lejohet ndertimi i te tjerave. nderkohe qe institucione kulti te feve te tjera po ndertohen me shume se nevojat dhe per me teper jo ne tokat e tyre.
    Eshte turp te thuash se feja blihet me para. Te pakten tek muslimanet jo. E di ti se cdo te thote te keq perdoresh ate sakrifice per hir te Zotit qe bejne ato gra e vajza fisnike. A ke njohur ndonje mulsimane te mbuluar me shami a ke pare ti se sa luftera kane bere ato me familjet e tyre te cilat i detyronin te hiqnin shamine. Krej e kunderta ka ndodhur. Me vjen turp te mendoj se ka njere te tile qe abuzojne me sakrificen dhe besimin e tjetrit.

    Per GEORGE:

    je kaq shume i painformuar dhe dashakeq sa nuk kam fjale. Eshte fakt qe vajzat e mbuluara ndjehen me te sigurta dhe per rrjedhoje me te lira ndaj shikimeve dhe ngacmimeve te meshkujve. Ne kete kontekst jane me te lira.
    Nese nuk je i bindur shiko tabloidet qe jane te mbushur me perdhunime apo ngacmime seksuale deri edhe tek mesuesit e shkollave.

    Shembulli i Afganistanit eshte abuziv. i percjellur nga media dashakeqese nuk ka qene ashtu aspak. Te gjithe e dime se Regjimi i talebaneve nuk perfaqeson civilizimin islam real. Perse nuk i referohesh periudhes se arte te civilizimeve muslimane te Andaluzise, Kordoves, Damaskut, Bagdatit, Sicilise ? Do te shohesh se iluminizmi evropian e pati zanafillen nga ky civilizim.
    Per me teper lexo “Kontributi i shkencetareve muslimane ne rilindjen evropiane”.
    Shamine e kane te detyruaehsme edhe te krishterat. Cfare faji kane muslimanet se te krishterat kane zgjedhur minifundin?

    Pertej asaj qe thame se pari jane njerez dhe kane te drejten te arsimohen dhe askush nuk mund te beje inkuizicion ne emer te laicitetit. Shkolla eshte institucion shteteror dhe ka detyre kushtetuese t’i garantoje arsimin shtetasve te vet te cfaredo besimi qofshin.
    Nuk e kuptoj perse nuk mertren si model SH.B.A apo edhe Britania dhe shtete te tjera evropiane te cilat nuk kane prolem ne garantiminm e te drejtave te besimit te individit.

    Se fundi ne preambulen e kushtetutes fillohet me shprehjen : “Me besimin te Zoti..” a mundet qe te kundershtohet kushtetuta kaq hapur vetem e vetem se tani per tani kjo fe nuk eshte ne mode ?

  12. palaco-njeri thotë:

    28 March 2008 @ 9:02 pm

    Ore pavaresia.para se te vazhdoj dua te pyes dy pyetje,dhe dua te me pergjigjesh me sinqeritet.

    1-) nga je me origjine,nga cfar zone shqipetare,dhe cila krahine.

    2-) a je apo nuk je me origjine familjare Turk?

    Qe ta dish o zoteri i nderuar,une historine e zones time te pakten por edhe te shqiperise ne pergjithesi e njoh mire,dhe nuk dua te hyj ketu ne detaje kush je ti e kush jam une,une historine nuk e njoh nepermjet medias apo nepermjet propagandes politike,qofte ajo komuniste dikur apo koruptive sot.

    Une njoh personalisht vajze shqipetare qe ka shami ne koke,dhe le ta leme ketu komentin mbi ato femra,duke mos u terhequr nga ato qe kam thene me lart.Ne shume raste eshte pikerish varferia familjare qe i kompromenton.

    Une gjithashtu e di shume mire se kush i sponsorizon gjith ato programe pro-fetare ne shqiperi sot,dhe se sa para harxhojne gjithashtu per propaganden e tyre e cila nuk ka aspak te beje me besimin e vertete por thjesht me ushtrimin e fuqise politike te disa shteteve te caktuara muslimane ne Europe.

    Per sa i perket asaj tradites laike,perjashto disa zona shume te vogla ne shqiperi,nga te cilat mund te jesh ti vete,si fshatra ne Kavaje,Tirane,Elbasan,dhe ne Qytetin e Shkodres ,dhe ne nje fare pike ne Kukes,Shqiperia historikisht ka qene laike.Pra ato zona te cilat ti permenda perbejne me pak se 10% te shqiperise,prandaj je ti ai qe duhet te matesh para se te flasesh,dhe te mesosh mire historine e shqiperise para se te propagandosh.

    Tjetra,shumica e popullsise muslimane te shqiperise te jugut eshte kthyer ne muslimane vetem gjate 2-3 shekujve te fundit dhe nuk ka patur tradicionalisht kulture te forte fetare as kur ishte popullsi orthodokse dhe as kur u kthye ne muslimane.Une mund te te jap shume shembuj te Hoxhallareve apo vete Mullaheve te Laberise te cilet kane luftuar per perhapjen e gjuhes shqipe dhe kane luftuar dhe kan derdhur edhe gjakun e tyre,te jap edhe shembuj konkret nqs deshiron zoteria juaj,per CESHTJEN KOMBETARE,dhe shume prej tyre kane hapur shkolla para se te hapnin xhami.

    Si mund te na shpjegosh atehere ti faktin qe shqipetaret pa dallim feje kane luftuar sebashku kunder armiqve te huaj te lloj lloj perkatesie fetare?
    Si mund te na shpjegosh faktin qe perkatesia fetare nuk ka qene biles as objekt debati midids rilindasve shqipetare te perkatesive te ndryshme fetare?

    Po si mund gjithashtu te na shpjegosh faktin qe cdo vend tjeter ne ballkan u nda sipas perkatesise fetare kurse shqiperia i vetmi vend qe u nda sipas perkatesise kombetare?

    Pra te gjitha keto,traditat tona,kultura jone,dhe trashegimnia jone familjare e shqipetareve (dua ta theksoj kete gje) dhe vete koshienca jone si popull,na tregon se ne jemi nje popull qe i respekton te gjitha fete dhe e respekton besimin,por nje popull me tradit laike.

    Nqs ke ndonje argument perkuder ketyre qe te thashe atehere BUJRUM.

    Edhe njeher po ta shpjegoj,ato xhamite qe thua ti nuk jane ndertuar,ti harron se jane xhami qe jane ndertuar gjate nje pushtimi te huaj,pushtim me karakter fetar ,sic ishte pushtimi TURK,i cili edhe kisha nga me te shenjtat i ktheu ne xhami.

    Dhe po ta drejtoj edhe nje here pyetjen.Dhe pastaj a me kundershton mua a kundershton rrugen e zotit te cilen perpiqesh te ndjekesh,mendohu ta zgjithesh vete.
    Kjo eshte analogjia,tjeter nuk ka.

    A kerkon zoti prej njeriut besim te sinqerte,dhe pasterti shpirterore(mbi te gjitha kerkesave te tija)? padyshim.

    A mund te quash besimtare njerez propagandist,hipokrite qe vetem ne udhe te zotit nuk jane ? absolutisht jo.

    A eshte propagande ndertimi i qellimshem i xhamive ne shqiperi (sidomos ne keto kohe) pergjate rruges nacionale ? Une mendoj se po.

    A eshte i sinqerte,apo qe i sherben zotit apo fese,kontributi financiar i dyshimte qe ben te mundur kete propagande ne shqiperi? Une mendoj se jo.

    A ka gjasa qe kjo propagande te kete per qellim perforcimin e kthetrave te Shteteve apo fuqive te huaja lindore (si puna e Turqise dhe vendeve Arabe) ne Shqiperi me qellim influencen e tyre ne Evrope .Une mendoj se ka shume gjasa,biles cdo arsyetim llogjik perputhet me kete.

    Dhe a eshte kjo ne cfaredolloj llogjike te shikohet ne perputhje me ndonje udhezim te zotit apo fese Islame?
    Une mendoj se jo,une mendoj qe kjo eshte politike e mirefillte,vetem per te rritur influencen e disa klaneve apo regjimeve ne bote.

    Dhe se fundmi,a ka ndonje udhesim feja islame qe lejon propagande,(mos e ngaterro propaganden me mesazhin e fese i cili percjell sinqeritet dhe synon driten),hipokrizi,apo mbeshtetje financiare nga njerez keqberes?

    Kete nuk e di ma thuaj ti.

    Tani nqs do i qendrojme fese me sinqeritet,fese Islame ta kam llafin,a mundet te lutem te me thuash apo citosh ndonje vers nga Kurani,qofte dhe nje te vetem ,ku supozohet,apo qofte edhe me nje shpjegim te bindshem llogjik presupozohet ne Kuran se sic na deklarove ti me siper

    SHAMIA NA QENKA IDENTITET I FEMRES MUSLIMANE???????????

    Qe ta mbyll ketu shkrimin tim pres pergjigje per pyetjen qe te kam shkruar,dhe pres edhe nje reflektim nga ana jote para se te me pergjigjesh.

    Shendet dhe Zoti te ndihmofte.

  13. pavaresia thotë:

    2 April 2008 @ 7:40 pm

    po te pergjigjem me sinqeritet,ne fakt nuk ka dallim ne postimet e mia se te gjitha jane me sinqeritet.

    1-) nga je me origjine,nga cfar zone shqipetare,dhe cila krahine.
    eshte private por nuk eshte nga ato qe thua ti. Qender e madhe e Jugut

    2-) a je apo nuk je me origjine familjare Turk?
    Jam shqiptar te pakten me dokumeta 700 vjet

    Une njoh personalisht vajze shqipetare qe ka shami ne koke,dhe le ta leme ketu komentin mbi ato femra,duke mos u terhequr nga ato qe kam thene me lart.Ne shume raste eshte pikerish varferia familjare qe i kompromenton.

    aspak e drejte. Nese ka nje rast qe njeh ti jane me mijera te cilat kane sakrifikuar per fene, sepse mbulesa sot nuk te jep leke, por te perjashton nga vendet e punes. Pra bie teza jote e interesit.

    Une gjithashtu e di shume mire se kush i sponsorizon gjith ato programe pro-fetare ne shqiperi sot,dhe se sa para harxhojne gjithashtu per propaganden e tyre e cila nuk ka aspak te beje me besimin e vertete por thjesht me ushtrimin e fuqise politike te disa shteteve te caktuara muslimane ne Europe.

    Te lutem na jep informacion. Mua me rezulton se prezenca islame ne shqiperi eshte shume e vogel ne krahasim me ate te krishtere e cila ka uzurpuar televizionet dhe deri tek semaforet me njerez qe te imponojne tekste fetare.

    Per sa i perket asaj tradites laike,perjashto disa zona shume te vogla ne shqiperi,nga te cilat mund te jesh ti vete,si fshatra ne Kavaje,Tirane,Elbasan,dhe ne Qytetin e Shkodres ,dhe ne nje fare pike ne Kukes,Shqiperia historikisht ka qene laike.Pra ato zona te cilat ti permenda perbejne me pak se 10% te shqiperise,prandaj je ti ai qe duhet te matesh para se te flasesh,dhe te mesosh mire historine e shqiperise para se te propagandosh.

    Une matem gjithmone para se te flas. Lexo vellai, lexo te keshilloj “Rreth perhapjes se islamit nder shqiptaret” bashkesi autoresh dhe studiuesish te huaj dhe vendas. Do shohesh qe je shume larg.

    Tjetra,shumica e popullsise muslimane te shqiperise te jugut eshte kthyer ne muslimane vetem gjate 2-3 shekujve te fundit dhe nuk ka patur tradicionalisht kulture te forte fetare as kur ishte popullsi orthodokse dhe as kur u kthye ne muslimane.Une mund te te jap shume shembuj te Hoxhallareve apo vete Mullaheve te Laberise te cilet kane luftuar per perhapjen e gjuhes shqipe dhe kane luftuar dhe kan derdhur edhe gjakun e tyre,te jap edhe shembuj konkret nqs deshiron zoteria juaj,per CESHTJEN KOMBETARE,dhe shume prej tyre kane hapur shkolla para se te hapnin xhami.

    Kjo eshte tipike e historise se diktatures. Pjesa me e madhe e klerikeve muslimane kane qene patriote te flakte sepse ata e kane konsideruar ashtu sic Islami e konsideron BEsimin = Atdhe. Lexo vella lexo: te rekomandoj Hafiz Ali Korcen. Dr. Petrika Thengjillin, Pr. Ferit Duken.

    Si mund te na shpjegosh atehere ti faktin qe shqipetaret pa dallim feje kane luftuar sebashku kunder armiqve te huaj te lloj lloj perkatesie fetare?
    Si mund te na shpjegosh faktin qe perkatesia fetare nuk ka qene biles as objekt debati midids rilindasve shqipetare te perkatesive te ndryshme fetare?

    Periudha e rilindjes perkon me renien e PErandorise OSmane, keshtu qe dilte detyre paresore dhe konsensuale qe te percaktohej integritetit shqiptar ,per ti shpetuar copezimit. Ne keto kushte debati per fene nuk ka qene paresore, megjithese nuanaca ka dhe shume “rilindas” kane punuar per llogari te copezuesit.

    Po si mund gjithashtu te na shpjegosh faktin qe cdo vend tjeter ne ballkan u nda sipas perkatesise fetare kurse shqiperia i vetmi vend qe u nda sipas perkatesise kombetare?

    Sepse feja ishte homogjene. REndesi kishte qe te copezohej homogjeniteti islam. Ndarja sipas perkatesise kombetare eshte teze absurde sepse shqiptaret ishin te nje perkatesie kombetare.

    Pra te gjitha keto,traditat tona,kultura jone,dhe trashegimnia jone familjare e shqipetareve (dua ta theksoj kete gje) dhe vete koshienca jone si popull,na tregon se ne jemi nje popull qe i respekton te gjitha fete dhe e respekton besimin,por nje popull me tradit laike.

    E kupton qe po t’i thuaje nje shqiptari jo me shume po 80 vite me pare se c’eshte laicitetit do te bente me gisht nga gomari i tij. TI flet me terma te cilat kane lindur rishtazi.

    Edhe njeher po ta shpjegoj,ato xhamite qe thua ti nuk jane ndertuar,ti harron se jane xhami qe jane ndertuar gjate nje pushtimi te huaj,pushtim me karakter fetar ,sic ishte pushtimi TURK,i cili edhe kisha nga me te shenjtat i ktheu ne xhami.

    Ministria e Arsimit shpalli rishikimin e historise me Turqine, pikerisht se ka pasur shume viktima te historiografise komuniste si puna jote qe akoma nuk e kane kuptuar qe ai ka qene integrim. Nuk ka pushtim qe te emeroje nga gjithsej 66 kryeministra, 33 shqiptare ne administraten e Portes se Larte. as me qindra Guvernatore. As ta beje Shqiperine me 4 Vilajetet me te medha dhe me te pasura ne Ballkan.

    A kerkon zoti prej njeriut besim te sinqerte,dhe pasterti shpirterore(mbi te gjitha kerkesave te tija)? padyshim.

    Po

    A mund te quash besimtare njerez propagandist,hipokrite qe vetem ne udhe te zotit nuk jane ? absolutisht jo.

    Jo

    A eshte propagande ndertimi i qellimshem i xhamive ne shqiperi (sidomos ne keto kohe) pergjate rruges nacionale ? Une mendoj se po.

    Ndertimi i xhamive ne tokat e veta nuk eshte propagande. Mos ngaterro propaganden helenike qe ben ne qender te Tiranes. Kam pershqtpjen se ke ngaterruar shenjestren.

    A eshte i sinqerte,apo qe i sherben zotit apo fese,kontributi financiar i dyshimte qe ben te mundur kete propagande ne shqiperi? Une mendoj se jo.

    Kontributi per te rindertuar objektet e kultit eshte me se legjitim. Duhet gjithashtu i dashur te dish se pjesa me madhe e xhamive ne zonat rurale jane ndertuar me kontributin e vete fshatareve.

    A ka gjasa qe kjo propagande te kete per qellim perforcimin e kthetrave te Shteteve apo fuqive te huaja lindore (si puna e Turqise dhe vendeve Arabe) ne Shqiperi me qellim influencen e tyre ne Evrope .Une mendoj se ka shume gjasa,biles cdo arsyetim llogjik perputhet me kete.

    Perderisa influenca islame eshte e dobet nuk ka gjasa. Gjasa ka qe influenca e minoriteteve fetare ne shqiperi qe sillen si maxhoritet te prodhoje ate qe thua ti.

    Dhe se fundmi,a ka ndonje udhesim feja islame qe lejon propagande,(mos e ngaterro propaganden me mesazhin e fese i cili percjell sinqeritet dhe synon driten),hipokrizi,apo mbeshtetje financiare nga njerez keqberes?

    Kete nuk e di ma thuaj ti.

    Jo, feja eshte e paster dhe kontibuesit duhet te jene ne te njejtat parametra. Nuk e kuptoj se ku e ke fjalen. Nese e ke fjalen per klerike p.sh. greke qe jane te sherbimeve sekrete apo qe dalin te implikuar me piramidat atehere po.

    Tani nqs do i qendrojme fese me sinqeritet,fese Islame ta kam llafin,a mundet te lutem te me thuash apo citosh ndonje vers nga Kurani,qofte dhe nje te vetem ,ku supozohet,apo qofte edhe me nje shpjegim te bindshem llogjik presupozohet ne Kuran se sic na deklarove ti me siper

    SHAMIA NA QENKA IDENTITET I FEMRES MUSLIMANE???????????

    Cdo urdher kuranor eshte detyrim i zbatueshem. teresia e urdherave te zbatueshme perben identitetin e nje muslimani. Shamia eshte identitet sepse eshte urdher kryesor per tu zbatuar per femren e cila ben pjese ne jeten publike gjate gjithe jetes se saj. Pra a nuk eshte identiet ?
    Lexo suren e Kur’anit EN NISA

    Qe ta mbyll ketu shkrimin tim pres pergjigje per pyetjen qe te kam shkruar,dhe pres edhe nje reflektim nga ana jote para se te me pergjigjesh.

    Shendet dhe Zoti te ndihmofte.

    Gjithashtu edhe ty. Reflektimi nuk eshte monopol vetem i imi.

  14. Ll thotë:

    2 April 2008 @ 7:45 pm

    Ufff, bera nje gabim shume te madh dhe lexova pergjigjen e mesiperme deri tek pika ku thuhet se pushtimi Turk ka qene “jo pushtim por integrim“. Shyqyr te pakten qe ishte nga mesi dhe jo nga fundi ky BUDALLALLEKU i dites se s’humba kohe te lexoja edhe pjesen tjeter!

  15. lulian kodra thotë:

    2 April 2008 @ 8:32 pm

    Leximi i Saidian qe i ka bere dhe i ben Sulstarova demonizimit te orientit prej shqiptareve, eshte sa i gabuar dhe edhe po hedh rrenje nder shqiptare. Kur je i pushtuar, kerkohet nje eksorcizem. Pjese e eksorcizmit eshte edhe thirrja e demonit ne emer. Ky demonizim nuk eshte i njejte me demonizimin qe i ben perendimi lindjes. Eshte demonizim legjitim sepse nderkohe qe perendimi ka pasur per qellim pushtimin e lindjes me diskursin demonizues, Shqiperia dhe Ballkani kane pasur per qellim clirimin prej pushtimit. Kjo per sa i perket demonizimit qe i i kane bere shqiptaret lindjes (fundja edhe Turqit e Rinj osmanllekut).

    Per sa i perket shamise. E para, kryqi nuk eshte simbol, por identitet i krishterimit, ashtu si eshte shamia identitet i gruas myslimane, dhe e dyta, Pavaresia thote “Cdo urdher kuranor eshte detyrim i zbatueshem.” Po ne qofte se zbatimi i urdherit kuranor, urdherit katolik, urdherit ortodoks, etj, bie ndesh me zbatimin e ligjit te shtetit i cili thote se ne institucione shteterore zbatohet urdheri i shtetit dhe jo i kuranit? Cili duhet zgjedhur atehere? Kjo eshte pyetje shume precize, qe kerkon nje interpretim shume te sakte te ligjit dhe te kuranit per pergjigje. Pavaresia, je e lutur.

  16. Qafir Arnaut thotë:

    2 April 2008 @ 8:47 pm

    Pergjigjja e vetme per keta halldupe qarramane qe duan vetem marketing te vetes (’jam e ndershme une, ju qe s’mbani shami e nxirrni barkun jashte jeni kucka’) eshte me poshte

    http://www.niputesnisoumises.com/

  17. Qafir Arnaut thotë:

    2 April 2008 @ 8:48 pm

    Ah po edhe Ll mos u bij shume ne qafe Turqve tani. nuk o i soj Turku me Asmonin

  18. J. thotë:

    2 April 2008 @ 8:58 pm

    Ore u kisha derguar per botim nje artikull qe kapte nje ane tjeter te ceshtjes fetare. Do e botoni gje?

  19. pavaresia thotë:

    3 April 2008 @ 9:10 am

    Per sa i perket shamise. E para, kryqi nuk eshte simbol, por identitet i krishterimit, ashtu si eshte shamia identitet i gruas myslimane, dhe e dyta, Pavaresia thote “Cdo urdher kuranor eshte detyrim i zbatueshem.” Po ne qofte se zbatimi i urdherit kuranor, urdherit katolik, urdherit ortodoks, etj, bie ndesh me zbatimin e ligjit te shtetit i cili thote se ne institucione shteterore zbatohet urdheri i shtetit dhe jo i kuranit? Cili duhet zgjedhur atehere? Kjo eshte pyetje shume precize, qe kerkon nje interpretim shume te sakte te ligjit dhe te kuranit per pergjigje. Pavaresia, je e lutur.

    Iulian
    e admiroj kerkesen tuaj per dije, ndryshe nga ndonjeri i cili lodhet te lexoje apo te zgjeroje horizontin me fakte te reja. Ketij te fundit i sugjeroj te lexoje “Fllade tolerance - Fermane te sulltaneve per shqiperine” nen kujdesjen e Dr. Shaban SInanit ku jepet nje pamje tjeter me fermane origjinale te nxjerre nga arkiva e shtetit,e tolerances ndaj feve te krishtera si dhe fakte mbi urdherat e sulltaneve te ndertojne shkolla.

    Urdheri i mbuleses ne fakt nuk bie ndesh me ligjin e shtetit, per arsye se nuk ka nje ligj te mirefillte i cili te ndaloje mbajtjen e shamive te femres muslimane ne institucione publike.

    Argumenti i tyre eshte vetem rregullorja e veshjes se shkolles dhe laiciteti i shkolles.

    Ndersa argumenti i muslimaneve eshte kushtetuta e cila garanton te drejten e besimit dhe shkollimit pa kushte dhe se bindja personale e reflektuar me shami nuk cenon aspak laicitetin e shkolles sepse nxenesja muslimane eshte marrese e dijes dhe ky proces eshte individual. Ndersa laiciteti eshte proces mesimdhenie dhe eshte kolektiv.

    Tani perse laiciteti cenohet nga nje shami ? Po le te themi se kemi nje muslimane e cila nuk mbart shami por gjithe diten ben propagande me shoqet e veta edhe ne ambientet e shkolles, bile duke sulmuar edhe darvinizmin apo edhe teori te tjera sekulare. Kush e demton me teper laicitetin?

    Kemi shume raste te deshmitareve te jehovait te cilat jane mesuese ne shkolla publike dhe bejne propagante te tipit jehovai me nxeneset e tyre dhe askush nuk u thote se po cenojne laicitetin e shkolles.

    Pastaj institucione shteterore jane edhe spitalet, ambulancat, sektoret e tjere te sherbimit tye cilat jane laike (ironi kjo duke qene se spitali ka emrin e Nene Terezes), perse nuk u kerkohet muslimaneve te heqin shamine edhe aty?

    Ne fakt kerkesa per hejen e shamise eshte ne thelb Aparteid, nese ne Afriken e Jugut behej ne baze te rraces, ketu behet ne baze te besimit.
    Zezakeve u mohohej e drejta e studimit, punesimit ne administraten shteterore, anatemoheshin, nuk kishin te drejte te merrnin pjese ne politiken aktive etj. E njejta gje po perpiqet te ndodhe edhe me femren muslimane. Nuk eshte ekzagjerim termi aparteid i cili bazen e ka nga rrenja apart- i vecuar, pra nje pjese e shoqerise vecohet, diskriminohet mbi baze besimi.

    Laicizmi nuk eshte ateizem, pra kushtetuta e shqiperise ne prambulen e saj fillon me “me besimn te Zoti …” pra nje shtet i cili ne dokumentin themeltar angazhohet qe me besimn te Zoti te ndertoje shtetin e te drejtes dhe ky i bazuar ne traditen e ketij populli.

    Nuk mund te gjesh asnje jurist te mirefillte i cili t’i jape te drejte kufizimit te dijes se nje besimtareje vetem per shkak te besimit, sepse ajo ne fakt po konsumon kushtetutshmerine e saj. Prandaj gafa juridike eshte se rregullore shkollash imponohen mbi kushtetuten, kjo sepse politikes apo edhe shtresave te tjera u intereson te jete keshtu.

    Ne fakt askush nuk ka thene se nje muslimane apo musliman nuk duhet te zbatoje urdherin e shtetit ne institucionet shteterore. Vajzat me shami zbatojne procesin shteteror te mesimdhenies. Perderisa shumica bie dakort qe shteti te jete laik edhe besimtert i nenshtrohen ketij postulati. POr ama shumica ka rene dakort me ane te kushtetutes se saj qe te garantoje lirine e besimit edhe ne dimensionin individual. Per sa kohe ky dimension nuk sjell ndryshime ne ligjet e shtetit (procesit te mesimdhenies)atehere nuk ka argument qe te ndalohet qenia e tyre ne keto institucione.

Komentet per kete teme jane te mbyllura.
Per t'u mbrojtur nga spam-i, Peshku pa uje i mbyll komentet e cdo teme pas 60 ditesh.

  • Po shikoni nje artikull ne faqen e arkivit te Peshkut pa Uje. Per te pare faqen aktive, shkoni tek peshkupauje.com