Albin Kurti dhe lëvizja  “Vetëvendosja” janë një shembull i shoqërisë civile, që del jashtë modelit që prej vitesh financohet dhe promovohet, si në Kosovë edhe në Shqipëri. Është një shoqëri civile që nuk është nën kontrollin e faktorit ndërkombëtar,  që nuk financohet apo promovohet prej tij. Është një shoqëri civile që nuk merret me trajnime, workshope apo fushata ndërgjegjësimi në hotele luksoze. Është një shoqëri civile që nuk jeton me projekte, seminare dhe konferenca. Është një shoqëri civile që nuk i mban ison asnjë ambasadori apo donatori, duke përsëritur klishetë e zakonshme të demokratizimit, integrimit, ndërgjegjësimit, institucionalizimit, apo të ndonjë imi tjetër. Është një shoqëri civile që sistemin aktual në Kosovë e quan kolonializëm. Që nuk vuan nga kompleksi i inferioritetit dhe ndaj pa droje thotë se shqiptarët mund dhe duhet të qeverisin vetë dhe jo nën tutelën e ndërkombëtarëve.   

Sikur të mos mjaftonin të gjitha këto, Albin Kurti është një aktivist i shoqërisë civile thellësisht politik dhe ideologjik, madje shumë më tepër sesa politikanët kosovarë.  Qëndrimet e tij, si dhe të shumë aktivistëve të Vetëvendosjes, nuk janë thjesht nacionaliste por edhe anti-neoliberale. Pra kemi të bëjmë me një lëvizje civile thellësisht politike, që nuk mjaftohet me sharjen dhe denoncimin e politikanëve shqiptarë, siç bëjmë ne këtej nga Tirana, por denoncon edhe politikat e fondamentalizmit të tregut që janë trualli ku rritet papunësia, korrupsioni dhe degradimi social i Kosovës.  Politika që prej vitesh serviren nga FMN dhe Banka Botërore me të njëjtin dështim si në Kosovë sot, ashtu edhe në Shqipëri dje, apo në Bolivi pardje. Pra me pak fjalë, Albin Kurti dhe lëvizja “Vetëvendosja” përbëjnë një fenomen politikisht jokorrekt.

Pikërisht këtu qëndron edhe rrezikshmëria e Albin Kurtit dhe lëvizjen që ai drejton. Kemi të bëjmë me një lëvizje që ushqehet nga vetë shoqëria kosovare e prandaj nuk e ka për gjë t’i kritikojë dhe t’i kundërvihet komunitetit ndërkombëtar.  Vetëvendosja është një lëvizje realisht popullore, që nuk mbush thjesht salla trajnimesh apo konferencash, por sheshe publike me qytetarë. Ama kjo rrezikon implementimin e sistemit politiko-ekonomik që po ndodh sot në Kosovë. Në thelb të këtij sistemi është një model politik neokolonial, ku korniza e veprimit, si për shoqërinë civile, edhe për klasën politike, përcaktohet nga faktori ndërkombëtar, kombinuar me një model ekonomik neoliberal, që synim primar ka hapjen e tregut të Kosovës ndaj produkteve dhe kapitalit të huaj, si nëpërmjet tregtisë së lirë edhe nëpërmjet privatizimit total. Probleme themelore për qytetarët si papunësia, apo rrogat e ulëta janë dytësore në këtë model.  

Të kuptohemi, mund të jesh dakord ose jo me ato që thotë “Vetëvendosja”. Ama ajo që është e pamohueshme është fakti që Albin Kurti dhe “Vetëvendosja” nuk flasin dhe as veprojnë me gjuhën e drunjtë dhe sterile të faktorit ndërkombëtar që prej kohësh po djersin për të civilizuar dhe demokratizuar ‘popullin e pagdhendur’ shqiptar. Përkundrazi, ato janë e vetmja lëvizje e organizuar dhe masive që i kundërvihet jo vetëm faktorit ndërkombëtar, por mbi të gjitha modelit që ai servir për Kosovën. Diçka të tillë sot në Kosovë (por edhe në Shqipëri) nuk e bëjnë as shoqëria civile, as politikanët dhe as shumica dërrmuese e intelektualëve. Albin Kurti bashkë me Vetvendosjen janë sot fytyra dhe forca reale e opozicionit në Kosovë.

Ndaj nuk është aspak çudi që Albin Kurti akuzohet nga Eulex sepse po organizon rezistencë. Sepse demokracia që serviret sot në Kosovë, por edhe në Shqipëri, pranon vetëm opozitën brenda një kornize të caktuar, opozitën politikisht korrekte.  Opozitën që nuk shqetëson shumë Ambasadorin amerikan apo donatorin evropian. Sot mund të shahen lirshëm politikanët shqiptarë, mund të denoncohet pa frikë korrupsioni i kudondodhur, mund të flitet pafund për forcimin e institucioneve apo zgjedhjet e lira, mund të qahemi lirshëm për kulturën politike që na mungon dhe për popullin e pagdhendur shqiptar, por është shumë e vështirë të kritikosh kornizën neo-liberale dhe neo-koloniale, brenda të cilës zhvillohet sot politika dhe ekonomia shqiptare në kuadrin e integrimit euro-atlantik. Pasi kjo kornizë përcakton jo vetëm kufijtë, por edhe termat e analizës dhe të aksionit politik dhe ekonomik. Albin Kurti del nga korniza me mungesën e tij të moderacionit, kur thotë se ‘shqiptarët mund të qeverisen vetë pa ndërkombëtarët’, me mungesën e tij të sensit të masës kur thotë se ‘privatizimi i pronës shoqërore është korrupsioni më i madh publik’. E sikur të mos mjaftonte kjo, ai bashkë me lëvizjen Vetëvendosja i kundërvihen kësaj kornize duke mobilizuar qytetarët kosovarë. Pikërisht për këtë akuzohet Albin Kurti sot. Dhe nuk ka dyshim që ai është fajtor!

69 Komente

Po flitet shpesh per rastin Kurti por asnjehere nuk eshte e tepert te flasesh per nje ceshtje te drejte. Ajo qe kerkohet te denohet nuk jane idete e tij politike, eshte me shume menyra e shprehjes se tyre. Eshte pavaresia e mendimit e cila eshte ne kundershtim me nje pluralizem mendimesh te komanduar. Pluralizmi i komanduar eshte si ajo puna e kukullave ruse qe perdoren per te vene ne skene nje skenar te parapergatitur. Ndersa rasti Kurti tregon se ka njerez, ka levizje qe nuk duan te ekzistojne per te mbushur vrimat e nje skenari te parapergatitur por duan te veprojne per te arritur qellimet e tyre politike ne menyre te pavarur. Te perkrahesh Albinin sot nuk ka lidhje me idete e tij anti neo-liberale por me lirine tone per te menduar dhe vepruar ne menyre te pavarur.

jam dakord, si me kajsiun, ashtu edhe me patriotin tim liberal, naimin smiley

Ke filluar te vesh "etiketa" falas smiley

Une nuk e kuptoj se si mund te mos jesh liberal. Keshtu eshte kur e lidh liberalizmin vetem me ekonomine smiley

Futja kot dhe une, por s'gjeta vend tjeter :

Canal+ sapo dha ne lajme nje ngjarje te vockel fort te çuditshme :

Bernard Kouchner per vizite ne Kosove. Perpara nje spitali, jep nje lloj konference shtypi. Nje serb e pyet per gjoja trafikun e organeve te serbeve nga shqiptaret. Pergjigja ishte (hapni veshet mire tani) :

- Hej shoko, per ç'djallin je duke folur ? Per ç'organe po flet ? C'kujton ti mik se une kam nje koke per te shitur organe ? Ku e ke pare ti kete, ç'i keni keto pyetje keshtu ?

Serbi vazhdon : po ajo shtepia e verdhe ?

Kouchner ia pret :

- Cfare shtepie verdhe ore ? Po pse e verdhe xhanem ?

Serbi vazhdon : ne Shqiperi...

Kouchner ia kercet i nxehur :

- Ik o trim se ti e paske vendin per ketu prapa (per tek spitali, se keta ishin tek shkallet e nje spitali), ik o mik se s'qenke ne terezi.

____________

J'adore ce Kouchner.

e kam pare ate intervisten dhe kam qeshe me te madhe, i forte ky Koucher smiley i ka fute ne halle serbt neper forume.

sa per kete - 'privatizimi i pronës shoqërore është korrupsioni më i madh publik' kjo eshte mese e vertete dhe provat gjinden si ne Shqiperi, Ceki apo Rusi ...personat qe i kane ne dore ti ndajne dalin fitimtare.

Ne duhet te mesohemi me realitetin e Kosoves dhe te shkruajme per Kosoven, dhe te shkruajme me syze te bojatisura me realitetin politik Shqiptar (PD & PS) qe bejne cdo lloj proteste per karrige dhe perfitime monetare vetjake, dhe as qe u funksion asnje gram tru per Shqiperine apo kombin Shqiptar

Nga personat publike ne hapsiren Shqiptare, Kurti eshte i vetem qe flet si Shqiptar per Shqiptaret...Te tjeret filozofojne e ligjerojne per arsye te ngushta ose sa per kaluar kohen...

Me shume se me Albin Kurtin, mendoj se njerezit duhet te merren me levizjen, nqs levizja ekziston. Sepse levizjet ne shqiperi dhe ne kosove me shume sesa nga emrat qe i kane udhehequr duhet te mesohen te karakterizohen me shume nga idete. Dhe njerezit duhet te bashkohen me shume rreth ideve sesa nga kauzat e personave te vecante pavaresisht se akuzimi i tyre mund te behet per shkak te levizjes dhe mund te jete dhe i padrejte.

Ne momentin qe kjo levizje merret me kauzen e mosburgosjes se Kurtit behet e ngjashme dhe identike me levizje te tjera qe kane ekzistuar gjate historise se shqiperise qe perpara shpalljes se pavaresise. Ne te njejten kohe levizja eshte dhe elitiste sepse udhehiqet nga lart - poshte, pavaresisht se nuk financohet nga nderkombetaret. Nuk vjen si nje shqetesim i pergjithshem per nderkombetaret ne Kosove, dhe menyra qe ajo ka perdorur deri tani ka qene ndergjegjesimi i njerezve, njefare agjitacioni dhe propagande kunder nderkombetareve.

Ne kete menyre eshte nje levizje e majte, udhehiqet nga nje lloj nacionalizmi i cili eshte ushqyer dhe edukuar nga komunizmi ne shqiperi qe te huajt i shihte vetem si imperialiste dhe shfrytezues. Por a do ishte Kosova e pavarur nqs nuk do ishin nderkombetaret? Sa do te ekzistonte Kosova si e pavarur nqs nderkombetaret do te largoheshin?

 

a ekziston kosova e pavarur tani qe jane nderkombetaret, shtrohet pyetja?

sa per pyetjet e tjera, tipit a do pavaresohej ndonjehere, dhe a do mund te jete e pavarur kur te ikin - ka shkruar nje artikull shume interesant Genc Kadriu, botohet javen tjeter te gazeta, keshtu qe nuk po e jap si pergjigje qe te mos prish kuriozitetin.

Pavaresia nuk duhet menduar si dicka abstrakte, nuk duhet ngaterruar me konceptin e mjegullt te lirise se pakufizuar. Pavaresia ka te beje me sovranitetin. Popullit te kosoves nuk i eshte lejuar sovraniteti. Kjo eshte kauza. Kjo kauze shfaqet fare qarte per syte e skeptikeve pikerisht tek denimi i nje personi qe eshte fajtor vetem pse kerkon sovranitetin e popullit te vet, dhe sepse kritikon institucionet.

 Artikulli eshte nje artikull per ti bere elozhe dhe jo nje artikull per te pare realisht Vetvendosjen. Dhe kuptohet qe ka nje arsye qe sillet ketu dhe jo artikuj te tjere qe jane kritike ndaj Vendvendosjes ( as pyetjet e drejtuar ne peshku nuk botohen po te kritikohet Albini) Sikur te shahej E Hoxha dhe admin te ishte Byroja Politke e KQ qe mer vendime cili shkrim te botohet e cili jo Nejse Mua me shume me pelqen artikulli me poshte

 

ebate&Itemid=122">Nga do t’ia mbajë “Vetëvendosja”? E martë, 02 Mars 2010 13:59 nga Korrieri OnLine ebate&Itemid=122">www.korrieri.com/index.php

Nga do t’ia mbajë “Vetëvendosja”?

Teorikisht, Kurti ka të drejtë kur sovranitetin e UNMIK-ut/EULEX-it tenton që ta zëvendësojë  me sovranitetin revolucionar që  nuk e pranon rendin ekzistues. Por, praktikisht, kemi të  bëjmë me një donkishotizëm revolucionar, ku në afatet e shkurta e të mesme nuk shihet se ekziston ndonjë premisë që të realizohet përmbysja e rendit dhe që, të paktën vetëm simbolikisht, ata të bëhen gjykatës të gjykatësve që sot ndjekin penalisht Kurtin dhe “Vetëvendosjen” 

 

Nga Shkëlzen Maliqi

Albin Kurti, i kërkuar nga gjykata, por jo edhe nga policia, e cila bëhet sikur nuk di ku qëndron ai ndonëse vazhdon me aktivitete politike, ka deklaruar për “Alsat”: “Unë nuk do të dorëzohem në polici vullnetarisht, po ashtu nuk do të shkoj as në seancën e ardhshme që është planifikuar të mbahet më 2 mars, meqenëse konsideroj që EULEX-i është një mision jodemokratik, i cili nuk e pranon pavarësinë e Kosovës”. Kjo deklaratë e Kurtit më është dukur shumë interesante për dy arsye. Po filloi nga dyta, pohimi se “EULEX-i është mision jodemokratik dhe nuk e pranon pavarësinë e Kosovës”, prandaj ai nuk do që t’i nënshtrohet gjykimit që e ka urdhëruar EULEX-i. Ajo që më bën përshtypje, nëse nuk gabohem, është fakti se me këtë Kurti në mënyrë implicite e pranon pavarësinë e Kosovës, e tillë çfarë është.

Ky nuk është  diskurs që e karakterizon Kurtin dhe lëvizjen “Vetëvendosje”, pasi që ata në vazhdimësi pohonin dhe demonstronin se pavarësia që ka dalë nga Pakoja e Ahtisarit nuk është pavarësi, por një mashtrim kolosal që Kosovën në mënyrë të sofistikuar e lë nën kontrollin e Serbisë. Por tani që, pas dy vitesh të shpalljes së “pavarësisë së rreme”, e kemi kuptuar të gjithë se gjërat nuk shkojnë ashtu siç e ka paraparë Ahtisari. E kemi kuptuar po ashtu se ky EULEX që u instalua nuk është mision sipas planit të negociatorit nga Finlanda.

Në këtë  aspekt, pohimi se “EULEX-i nuk po e pranuaka pavarësinë e Kosovës”, mua më duket si një rehabilitim i heshtur i Planit të Ahtisarit në pikëpamjet deri dje radikale të Kurtit, të paktën sa i përket vlerësimit të arritjes pozitive të 17 shkurtit të vitit 2008, kur u shpall pavarësia e Kosovës dhe shumica e kompetencave sovrane u bartën te Qeveria e Kosovës, pos atyre “mbikëqyrëse”, që përkohësisht edhe Ahtisari ia kishte lënë EULEX-it. Del se edhe vizioni i Ahtisarit ka qenë që EULEX-i të jetë mision kontrollues dhe mbështetës që do të punojë në forcimin dhe avancimin e pavarësisë së Kosovës, dhe jo si ky që kemi tash, një model gjysmak me hezitimin dhe neutralitetin e EULEX-it rreth statusit të pavarur të Kosovës, dhe kjo për arsye se nuk ekziston ende konsensusi i plotë i të gjitha shteteve anëtare të BE-së për njohjen e pavarësisë. Por që Kurti tani e njeh pavarësinë, siç është e gjymtë, dhe do që të angazhohet që ajo të bëhet e plotë, tregon edhe disponimi i tij që të marrë pjesë në zgjedhjet e Kosovës, si lëvizje që është apo si parti politike. Edhe pse ende nuk është formuluar qartë, ky është një avancim i madh në vizionin dhe strategjinë e “Vetëvendosjes”. Nëse Kurti do të pranojë që të futet në garë demokratike për votën e qytetarëve, ky do të jetë sinjal se kjo lëvizje po i afrohet modelit të aktivizimit demokratik, ku nëse pranon rregullat e lojës dhe parimet e garës, nuk mund të mohosh si deri më tani, legjitimitetin e partive të tjera që garojnë për pushtet, si dhe legjitimitetin e Kushtetutës dhe ligjeve ekzistuese. Nga një qëndrim revolucionar që e ka karakterizuar këtë lëvizje më parë, që nuk e ka pranuar vetë sistemin, që ka pamundësuar konsumimin e së drejtës për vetëvendosje të Kosovës, tani kjo lëvizje përcaktohet për një qasje evolutive, që qëllimi kryesor i saj, sovraniteti i plotë i Kosovës, apo edhe më parë, bashkimi i Kosovës me Shqipërinë mbi të drejtën e deklarimit plebishitar, të realizohet me metoda demokratike dhe sigurimit të shumicës së votave në garat elektorale.

Por ashtu sikur që EULEX-i është një mision gjysmak dhe i pafunksionalizuar, ashtu edhe ndryshimi në qëndrimet e Kurtit dhe të “Vetëvendosjes” janë gjysmake, ende jo të artikuluara mirë, të mos them edhe kundërthënëse. Këtë e konkludoj nga insistimi i Kurtit se ai ka drejtë të mos e pranojë sistemin dhe ligjet ekzistuese dhe të jetë njëfarë dore instancë jashtë ligjit. Në retorikën revolucionare janë të njohura rastet e komunistëve që kanë deklaruar, kur gjykoheshin nga gjykatat borgjeze, se “nuk i njohin ato gjyqe dhe rendin që sundon”. Edhe Kurti vazhdimisht pohon: “Nuk e njoh gjyqin e EULEX-it”. Nga ana tjetër, akuza kryesore e tij kundër EULEX-it është se në Kosovë është instaluar si instancë e sovranit, që vazhdon të jetë legjitimuese e UNMIK-ut ende të pademisionuar, dhe të mbetet instancë që ligji nuk e prek. Në të vërtetë, çdo sovran e ka këtë pozitë në sistemin që ndërtohet mbi bazën e autoritetit të tij. Perandorët dhe mbretërit kanë qenë sovranë që nuk i ka prekur ligji, pos nëse nuk u është mohuar sovraniteti nga sovraniteti popullor dhe i rebelimit revolucionar, i cili ka mundësuar zëvendësimin e instancës sovrane dhe të autoritetit suprem të pushtetit. Teorikisht, Kurti ka të drejtë kur sovranitetin e UNMIK-ut/EULEX-it tenton që ta zëvendësojë me sovranitetin revolucionar që nuk pranon rendin ekzistues. Por, praktikisht, kemi të bëjmë me një donkishotizëm revolucionar, ku në afatet e shkurta e të mesme nuk shihet se ekziston asnjë premisë që të realizohet përmbysja e rendit dhe që, të paktën vetëm simbolikisht, ata të bëhen gjykatës të gjykatësve që sot ndjekin penalisht Kurtin dhe Vetëvendosjen. Për këtë pamundësi sikur janë vetëdijesuar edhe protagonistët e lëvizjes “Vetëvendosje”, pasi që mendojnë që të futen në rrugën e garës partiake dhe ndryshimeve evolutive, jo atyre revolucionare. Kjo thyerje te Kurti dhe “Vetëvendosja”, sigurisht që është proces i dhimbshëm. Por zhgënjimet më të mëdha mund të vijnë më vonë, kur të kuptojnë se sa e gjatë, e lodhshme dhe joeksituese është gara demokratike ku duhet të ndiqen rregullat dhe parimet e tjera për realizimin e idealeve dhe programeve politike. 
 

Oo, po nje artikull tjeter e ke pare ti?

KOHA DITORE & KORRIERI:

NGA DO T'JA MBAJE SHKELZEN MALIQI?

E di besoj se Shkelzen Maliqi ndryshe nga ata ndaj te cileve perpiqet me shume sforcim te beje digresion, ka mundesi te denohet per vdekjen e anetareve te 4-5 familjeve te cilat i ka raportuar per veprimtari pro kombetare para vitit 1992?

E di besoj se Grupi i z.Maliqi promovon idene e Kosoves nen Serbi. Dhe se formula e ish Jugosllavise ishte me e mira e mundshme per Shqiptaret e Kosoves ( te cilet preferojne t'i quajne Kosovare, ne menyre qe te demostrohet se nuk kane asnje lidhje me Shqiperine)?

 Sot mund të shahen lirshëm politikanët shqiptarë, mund të denoncohet pa frikë korrupsioni i kudondodhur, mund të flitet pafund për forcimin e institucioneve apo zgjedhjet e lira, mund të qahemi lirshëm për kulturën politike që na mungon dhe për popullin e pagdhendur shqiptar, por është shumë e vështirë të kritikosh kornizën neo-liberale dhe neo-koloniale, brenda të cilës zhvillohet sot politika dhe ekonomia shqiptare në kuadrin e integrimit euro-atlantik

Po mire mor zot, po kush i ftoj keta "nderkomebtaret" te vinin ne Kosove. Nuk ishte ti, une, ne ata, ato, tere ne shqiptaret qe me '99 ulurime e qame ,u ulem ne gjunje e u puthem duart,  dolen ne prortesta qe keta "nderkomebtaret" te vinin te na shpetonin. Ne fakt kerkuma te hyni me trupa tokesore kur ata nuk deshim I shame dhe i perveluam kur na thane Jo nuk hyme me truap tokesore ne Kosove ne 99 Tani po i shajme pse jane ketu.

"Shqiperi te kam dh...jere Ste kuptova asnjehere" Tha Ai i madhi.

Kush tjeter vec nesh e ka fajin qe nuk jemi dot ne gjendje te fitojme lirine vete apo dhe te qeverisemi vete. Valle edhe per kete na e kane fajin te huajt?

Toko, ka nderkombetare e nderkombetare. Nderkombetar eshte edhe ai nga Zululandi edhe ai nga Zelanda e Re, edhe amerikani edhe rusi. Ajo qe kerkohet eshte pikerisht te ndergjegjesohen shqiptaret per veteqeverisje ne menyre qe ms ti "mundojme" nderkombetaret duke u marre me punet tona. Se qe thua ti politiken "gjej shesh e bej pershesh" e zbatojne te gjithe ata te cileve nuk u kerkohet llogari qofshin nderkombetare ose shqiptare.

Vetevendosja detyrimisht qe do ti drejtohet njerezve me parulla se nuk ka sesi behet e degjueshme. Tani qe po flasim psh thelbi i levizjes se tyre nuk eshte largimi i NATO-s por perqendrimi i rolit te NATO-s ne ruajtjen e integritetit territorial te Kosoves dhe pershpejtimin e ngritjes ne kembe te FSK-se. Nqs FSK do te vazhdoje keshtu sic eshte (ushtri me me pak se 2000 vete pa te drejte armembajtjeje) atehere ja ku e ke shtetin fantazem dhe jofunksional.

Sot EULEX ka pushtet ekzekutiv ne Kosove. Kalimi i kompetencave tek institucionet vendore eshte pezulluar. Dhe fakti eshte qe asnje nga punonjesit e EUEX nuk ka interes qe gjendja ne Kosove te permiresohet sepse humb vendin e punes dhe shperblimet qe jepen per pune ne vendet e "veshtira".

Nuk ke pra pse ngaterron mirenjohjen qe duhet te kene shqiptaret, jo per "nderkombetaret" por per USA dhe disa vende te tjera europiane, me punen dhe rolin e tanishem te "nderkombetareve".

Albini nuk eshte se nuk njeh Zululandin apo Zelanden e Re ai nuk njeh NATON( Pjese e se ciles eshte edhe SHBA)  ELEUX ( pjese e se ciles eshte dhe Gjermania apo Anglia) apo cdo institucion tjeter nderkombetar. Nuk Kam degjuar Albinin te thote se nuk shkoj ne gjyq se gjykatesi i ELEUX eshte nga Zulandi Ai thone nuk shkoj se nuk e njoh autoriten e kesaj gjykate sic tha ne '98 ndaj gjykates serbe. Pra ai shikon Sebine dhe ELEUX njesoj pushtues dhe nuk njeh autoritetin e tyre njesoj. Mos valle Albini ben dhe aludimin se ndaj ELEUX duhet vepruar njesoj si ndaj serbise?

Po cila Gjermani eshte ne EULEX? Ajo e Rilkes, Habermas-it, Adornos, Marcuses, Walter Benjaminit, Hannah Arendt apo Gjermania e teknokratit medioker qe di te prodhoje vetem dhune policore apo burokratike?

Cila France eshte ne EULEX ajo e De Gaullet, Sartre-it, Albert Camus, Michel Foucault-se, Derrida-se, Margaret Duras, apo ajo e Kryepolicit dhe njekohesisht shefit te tashem te EULEX Yves de Kermabon?

Cila Britani eshte ne EULEX ajo Joyce-it, Lawrencet, Virginia Woolfit e Winston Churchill, GEorge Orwell apo ajo e STEVEN CURTIS shefit te policise se UNMIKU-t qe urdheroi vrasjen e demontruesve shqiptare dhe aktivisteve te VETEVENDOSJES?

Na e ndani pak kete. Po ama duke pasur parasysh gjithe c'eshte shkruar nga keto zonjat dhe zoterinjte me larte, qe jane themeli i asaj Europe qe aspirojme e qe vete europianet na i kane mesuar. Me pas krahasojeni me vendimet e veprimet qe propozohen ne Kosove.

Se mos harroj ai Bashkimi i famshem Europian dhe OKB se njeh ende Kosoven si shtet te pavarur. BE dhe OKB njeh rezoluten ende rezoluten 1244 - ku Kosova konsiderohet ende nen Serbi.

Toko- Francen e cliruan amerikanet- nese e di. Keta nuk ua dhane grate dhe jetet e tyre amerikaneve, por u thane falemnderit dhe nje dite do te shkoni ne shtepine tuaj. Pse toko vazhdimisht ke nje metalitet nenshtrues? Vertete do me interesonte te die kete!

degjohet bukur fjala "vetevendosje"....por Albin Kurtet nuk kane sqaruar asnjehere perpara publikut se si do jete ajo "vetevendosje" ....

une preferoj me mire drejtimin e kosoves nga instancat europiane, deri ne ndertimin e infrastrukturave shteterore demokratike sesa "VETEVENDOSJEN" e njerezve si Albin Kurti qe nuk e kane te qarte se si ndertohet nje shtet demokratik....

 

"Njerezit qe nuk e kane te qarte se cdo sjellin pas nje revolucioni, jane shume me te rrezikshem edhe se vete sistemet autokratike"

Friedrich Nietzsche

(book-The Will to Power...chapter-The European Nihilism)

si moj eri nuk e paskan sqaruar? vetevendosja behet me shprehje te popullit, me referendum per formen e regjimit dhe per kushtetuten. kaq e thjeshte eshte, kjo eshte vetevendosja.

ne dashte populli voton per pavaresi, ne dashte voton per te ndenjtur me serbine, ne dashte voton per tu bashkuar me shqiperine. ne dashte voton per monarki, ne dashte per republike. kjo pra eshte vetevendosja moj eni, kaq e thjeshte eshte, nuk perfshin revolucion brenda, as Nietzche. Njerezit luftuan per t'u cliruar, dhe clirim do te thote te vendosesh vete mbi vendin tend dhe menyren e qeverisjes.

ashtu si levizja vetevendosje edhe ti sol,, nuk e paske te qarte menyren e qeverisjes...

 

 

une nuk e di akoma nese albin kurti eshte per anarki,komunizem,fashizem,islamizem apo demokraci perendimore...

ose ta bej me te qarte shqetesimin tim..

une jam per vetevendosje vetem ne rastin qe do vendoset nje demokraci ala perendimore ne kosove...per te gjitha te tjerat nuk ia vlen as vetevendosja e as pavaresia....

moj eri, po pse ngaterrohesh me kembet e tua? Levizja per Vetevendosje, per te cilen mund te marresh informacion sa te duash sepse i shkruajne qendrimet e tyre dhe i publikojne, si kauze kryesore ka kalimin e sovranitetit tek populli sic ndodh ne cdo vend demokratik perendimor.

Deri me tani Albin Kurti, apo Visar Ymeri, apo Liburn Aliu, apo Xhelal Svecla, apo Glauk Konjufca (per te permendur ca emra), nuk kane dale te thone votoni per ne, se ne do vendosim regjim stalinist apo fashist. Jo, ata thone qe populli duhet te jete sovran, kushtetuta dhe institucionet e Kosoves duhet te rrjedhin nga pushteti i popullit. Izmat qe thua ti vijne nga paranoja jote. Eshte e vertete qe Vetevendosja denoncon klasen politike te sotme ne Kosove, por e denoncon si ilegjitime, sepse nuk eshte mandatuar nga populli, dhe si te korruptuar, sepse po vjedh. Askund nuk eshte thene qe Vetevendosja eshte levizje anti-politike, perkundrazi, eshte levizja me politike dhe me europiane qe ekziston ne hapesiren shqiptare. Shko thuaji qytetareve te shtetit me te humbur te europes qe do te qeverisen nga OKB-ja per nje kohe te pacaktuar, dhe se do te zhvishen nga sovraniteti, dhe do ta shohesh se si reagojne...

 

Ku e bazon ti friken tende per nje te ardhme "joperendimore" dhe "jodemokratike" ne Kosove? Te cila shprehje e Vetevendosjes? Po pse moj eri shpreh gjykime te pabazuara ne fakte?

vetevendosja eshte nje maske qe fsheh ideologjine e ketyre njerezve...

qe mund te manipulojne masat injorante qe nuk njohin pikpamjet ideologjike apo kuptimin e tyre...

te gjithe shqiptaret me mend, e dine qe nato apo eulex nuk do te rrije ne kosove perjetesisht..por po pergatisin terrenin qe ky shtet te kaloje sa me pare ne duart e shqiptareve...duke ndertuar nje model shteti perendimor mbi bazen e ekonomise se tregut (mbi filozofine neo-liberaliste)...kurse  albin kurti me shoke jane kunder kesaj filozofie, ne te gjitha deklaratat dhe kritikat e tyre ata kane treguar se kane pikpamje nacional-socialiste...

pra idea e vetevendosjes eshte thjesht nje maske per tju kundervene kesaj filozofie qe po zbatohet ne kosove..sepse me tu hedhur bazat e nje shteti neo-liberal ne kosove , nuk do te jete me e mundur qe njerez si albin kurti te ushtroje filozofine e tyre...(nacional-socialiste)....

 

ahaa, po mire moj eri, ti thuaje qe ne fillim qe paske dashur te grisesh masken. po mire, merri shkrimet e tyre, zbertheji argumentat dhe kundershtoji, grisjau masken. kush te pengon moj xhan? c te shtyn qe nuk vepron si njeri i kulturuar, qe merret me argumenta, por vjen e cirresh pa sjelle fakte?

i ke te shkrimi lart

e ke te shkrimi poshte.

 

shihe pak si artikulohet ne fakt koncepti i demokracise, lirise dhe sovranitetit.

mba nga pak dhe shenime. sepse konceptet e meposhteme i referohen jo me pak as me shume por te pakten nja 20 - 25 autoreve me te rendesishem perendimore te Filozofise politike.

www.vetevendosje.org
(Per te gjithe ata te cilet nuk duan te jetojne pafundesisht ne padijeni)

Manifesti i LEVIZJES VETEVENDOSJE!

Liria nuk jepet. Ajo është e drejtë e pandërmjetësuar dhe nevojë e domosdoshme. Liria është e panegociueshme. Zhvillim i papenguar i mundësive vetanake. Një popull është mundësitë e tij: Liria është vetëzhvillim; zgjedhje e lirshme e rrugëve për ndërtimin e fatit kolektiv. Vetëvendosje e popujve - Liri e individëve. E kundërta është mohim i thelbit të qenies njerëzore si qenie shoqërore. Joliria është tëhuajsim.

Vendi ynë për shekuj me radhë nuk ka qenë i lirë. Pas pushtimit osman, erdhi okupimi serb. Ky i fundit ka qenë jo aq konflikt ndërmjet popujve, sa prodhim i elitës intelektuale dhe politike serbe. Historia e kësaj elite në raport me Kosovën është historia e një korpusi projektesh për dëbimin masiv të shqiptarëve nga trojet ku ata jetonin dhe shfarosjen e tyre. Që nga projekti 'Naçertanja' i Garashaninit (1844), e deri te Memorandumi i Akademisë së Shkencave të Serbisë, i vitit 1986, ka një vazhdimësi në qëllime, mosndryshim në përmbajtje. Vetëm diçka ka ndërruar përgjatë kohës: aspektet teknike për realizimin e këtyre planeve hegjemoniste. Ato janë bërë më perfide.

Çdo herë pushtetet në Serbi kanë qenë nacionaliste dhe shoveniste, sepse Serbia mbante toka të okupuara dhe popuj të shtypur. Madje, ato përherë kanë konsideruar se Serbia është e vogël dhe duhet të bëhet e madhe. Kjo ka qenë paradigma e politikës së Serbisë dhe misioni i saj. Në veçanti, shqiptarët ishin në shënjestër. 24 programe të ndryshme janë hartuar e zbatuar për dëbimin e shqiptarëve, asimilimin e tyre dhe kolonizimin e trevave që ata i popullonin me serbë. Dëbimi ishte i heshtur në kohë paqeje kur kryhej përmes diskriminimit, persekutimit dhe represionit, ndërsa ishte masiv dhe i shpejtë në kohë luftërash kur kryhej përmes pastrimit etnik, masakrave dhe terrorit. Programet kryesore famëkëqija ishin: "Naçertanja" nga viti 1844 i Ilija Garashaninit, Projekti i parë i Vasa Çubrilloviqit "Shpërngulja e Arnautëve" nga viti 1937, Konventa jugosllavo-turke për shpërnguljen e shqiptarëve në Anadoll nga viti 1938, Projektet e Ivo Andriqit dhe Ivan Vukotiqit nga viti 1939, Projekti "Serbia homogjene" i Stevan Molevacit i vitit 1941, Projekti i dytë i Vasa Çubrilloviqit "Problemi i pakicave në Jugosllavinë e Re" nga viti 1944, Marrëveshja Xhentëlmene Tito-Kyprili për shpërnguljen e shqiptarëve në Turqi e vitit 1953, e deri te Memorandumi i Akademisë së Shkencave dhe Arteve të Serbisë të vitit 1986 dhe Programi Jugosllav për Kosovën i vitit 1988. Nikola Pashiqi, Petar e Aleksandar Karagjorgjeviqi, Milan Stojadinoviqi, Dragolub-Drazha Mihajloviqi, Aleksandar Rankoviqi e deri te Slobodan Milosheviqi veçse zbatonin këto projekte e programe.

Kur u bë e sigurt se Lufta e Dytë Botërore do të përfundojë në favor të aleatëve antifashistë, udhëheqja serbo-jugosllave shkeli dhe hodhi poshtë si të pavlefshme Rezolutën e Bujanit (Bunjajt), të 31 dhjetori 1943 - 1, 2 janar 1944, të cilën unanimisht, me pjesëmarrje të shqiptarëve, serbëve dhe malazezëve e kishte nxjerrë Këshilli Antifashist Nacional-Çlirimtar i Kosovës e Rrafshit të Dukagjinit. Në Rezolutë, thënë shkurt, pas përfundimit të luftës kërkohej e drejta për vetëvendosje deri në shkëputje për shqiptarët e Kosovës të pushtuar nga Serbia që nga viti 1912. Pas Luftës së Dytë Botërore, popullit të Kosovës i mohohet padrejtësisht shprehja e vullnetit të lirë. Ky "vullnet" falsifikohet si dëshirë e popullit të Kosovës për t'iu bashkëngjitur federatës jugosllave. Përbrenda federatës, vendi ynë kishte një status të pabarabartë me 6 njësitë tjera federative. Kosova kishte më së paku liri. Ja përse, si rrjedhim, ishte më e pazhvilluara. Sepse, çka tjetër është një popull, nëse jo ushtrimi i lirshëm i mundësive për t'u vetëzhvilluar politikisht, ekonomikisht, kulturalisht?

Kufijtë aktualë të Kosovës janë përcaktuar në vitin 1947. Tri dekada pas, Kushtetuta e vitit '74 i garanton vendit njëfarë gjysëmlirie. Që pas mbarimit të Luftës së Dytë Botërore, ky ishte momenti, kur populli ynë ishte në pikën më të largët nga ndikimi i pushtetit të Beogradit. Prandaj, bashkëjetesa ndërmjet shqiptarëve dhe serbëve gjatë asaj periudhe ishte më e mirë, sepse represioni ishte më i ulët. Gjithsesi, gjysëmliria është joliri. Për më tepër, atëbotë vendit tonë i ishte avancuar pozita kushtetuese, në mënyrë që, duke i ofruar këtë gjysëmliri, ta shndërronin atë nga një koloni klasike siç ishte, në një koloni të brendshme.

Kjo kohë ishte e shkurtër: pas vdekjes së diktatorit Tito, drejtpeshimi i forcave përbrenda federatës u çrregullua. Filloi dominimi serb. Rritja e robërisë në Kosovë qëndron në përpjestim me forcimin e ndikimit serb përbrenda federatës. Zhbërja edhe e asaj gjysëmlirie ndodhi pas ardhjes së Millosheviqit në pushtet: autonomia e Kosovës suprimohet në vitin 1989. Ky është momenti kur Kosova ishte më së afërmi pushtetit serb. Jorastësisht, përgjatë 10 vjetëve pasuese represioni rritet deri në shpërthimin e luftës së armatosur ndërmjet aparatit shtetëror policor e ushtarak serb dhe popullit të Kosovës.

Shteti serb në luftën e fundit në Kosovë vrau mbi 12.000 njerëz. Mbi 95 % prej tyre civilë të pafajshëm. Të pambrojtur. Kryesisht fëmijë, gra dhe burra të moshuar. Më shumë se 3000 persona të rrëmbyer janë ende të pagjetur. Pjesa dërmuese e tyre gjenden në Serbi. Afër 20.000 femra të dhunuara. 740.000 persona të deportuar dhunshëm. 120.000 shtëpi të shkatërruara nga ushtria serbe. Ekonomia e rrënuar.

E gjithë kjo kronologji e hidhur e rrjedhës së ngjarjeve e ka një emër: mungesë e të drejtës së një populli për vetëvendosje.

Pas mbarimit të bombardimeve të NATO-s dhe suspendimit të sovranitetit faktik të Serbisë mbi Kosovën, në vend u instalua administrata e misionit të përkohshëm ndërkombëtar të Kombeve të Bashkuara, UNMIK-u. Administrimi i UNMIK-ut në Kosovë është regjim antidemokratik. Si mund të ndodh ndryshe me një sistem, thelbi i veprimeve të të cilit është negacioni i vullnetit të popullit? Përkohshmëria e papërcaktuar e UNMIK-ut është bërë e padurueshme. Pushteti i tij këtu është antiteza e vetëvendosjes. Prandaj lirinë s'e kemi as sot.

Në krejt këtë sfond, institucionet e përkohshme të vetëqeverisjes, në rastin më të mirë janë pjesë plotësuese e legjitimitetit të këtij pushteti. Ato duke qenë mekanizma të këtij ingranazhi, nuk janë përfaqësuese të drejta të interesave të popullit, sepse interes fundamental i popullit është realizimi i vullnetit të vet.

Realizimi i vetëvendosjes nënkupton ikjen e administratës së UNMIK-ut nga Kosova. Prezenca ndërkombëtare në vendin tonë (përpos përfaqësive diplomatike) të jetë e reduktueshme në ca mekanizma të domosdoshëm për monitorimin e të drejtave të pakicave.

Vetëvendosja është themeli i statusit të qytetarit. Ndërkaq, dokumenti bazik në të cilin gjen mbështetjen e plotë administrimi i Kosovës (Rezoluta 1244), secilin individ e trajton vetëm si banor, status të cilin mund ta gëzojë edhe refugjati. Vetëvendosja nënkupton si e tillë vetëshpalljen e Qytetarit. Për vetëvendosjen nuk ka zëvendësim. Ajo i siguron rrënjët e individit në proceset politiko-shoqërore. Vetëm liria mundëson që nga bashkësi etnike të bëhemi bashkësi politike. Që të jemi vetë përcaktues të identiteteve tona si qytetarë e jo të veçuar e të kategorizuar kolektivisht nga pushteti.

Për vendin tonë vetëvendosja e brendshme është e pavlefshme, nëse ajo nuk shoqërohet me vetëvendosjen e jashtme. Ne nuk kemi nevojë për sikurinstitucione, pasi që çfarësia e tyre nuk është në të njëjtën kohë e drejtë për të vendosur për vete. Çdo bllokim i nevojës së popullit për të qenë burim sovraniteti do të manifestohet si rritje e pakënaqësisë, si rrezik për ripërtërirje krizash të vazhdueshme, luftërash të reja.

Kosova është çështje e lirisë. Tragjeditë e saj, të cilat duke mos mundur të mbesin të izoluara, kanë pasur implikime negative edhe në rajon, janë pasoja të pashmangshme atëherë kur një popull privohet nga liria. Kjo ka ndodhur sa herë që për Kosovën kanë vendosur të tjerët, e jo ajo vetë. Dhe, meqë problemi i Kosovës asnjëherë nuk është zgjidhur kur për të kanë vendosur të tjerët, e veçanërisht Serbia, joliria e vendit tonë rregullisht ka nënkuptuar natyrën shoveniste dhe hegjemoniste të regjimit në Serbi. Kushtetuta e vitit '74 nuk ishte zgjidhje, sepse ajo e linte të hapur mundësinë që Kosova, duke qenë më e dobët, të ishte gjithnjë e ekspozuar ndaj rrezikut për të qenë e shtypur. Ja përse kulminimi i regjimit shtypës të Serbisë me shfarosjen e mijëra shqiptarëve gjatë luftës së fundit në Kosovë nuk ishte diçka e rastësishme. Të rastësishme nuk ishin as luftërat e tjera në Slloveni, Kroaci dhe Bosnjë. Duke u nisur nga parimi se e keqja nuk do të hezitojë të ndodhë sa herë që asaj t'i lihet shtegu çelë, jetësimi i lirisë ndodh vetëm kur të gjitha këto mundësi mbyllen.

Sot e kësaj dite, kur ndryshimet qeveritare në Serbi edhe pas rënies së Milosheviqit janë kryesisht kozmetike dhe aspak kualitative, vetëvendosja për Kosovën hap rrugë për demokratizimin e pushtetit në Beograd. Kjo arrihet përmes vetëvendosjes: pushteti në Serbi mund të demokratizohet vetëm atëherë kur çështja e Kosovës të mos mbetet problem i ndërgjegjes së pushtetarëve atje. Pavarësimi i Kosovës nga Serbia përbën edhe emancipimin e Serbisë nga Kosova, sepse përbën një goditje të rëndë për projektet shoveniste, mendësinë koloniale dhe nacionalizimin agresiv në Serbi. Vetëvendosja si shkëputje definitive është edhe altruizëm. Kontribut i paçmueshëm për normalizimin e raporteve të acaruara qindvjeçare me fqinjët. Garanci për qetësimin e rajonit. Kjo është në interesin e BE-së, ngaqë gjirit të bashkësisë së familjeve evropiane mund t'i bashkohen vetëm vendet e demokratizuara në të cilat popujt vendosin vetë për fatin e tyre.

Çështja e Kosovës nuk mund të zgjidhet duke investuar në demokratizimin e pushtetit në Beograd. Problemi zgjidhet jo atëherë kur synohet ndryshimi i opinionit të brendshëm serb për Kosovën, por atëherë kur Kosova pushon së qeni objekt i këtij opinioni. Përpjekjet për ta parë këtë zgjidhje si pjesë të ndërrimit të elitave politike serbe në pushtet, janë të gjykuara të dështojnë. Kur opozita e atëhershme akuzonte Milosheviqin për politikat e tij ndaj Kosovës, për ta nuk ishte problem shkelja e të drejtave më themelore njerëzore që po u bëhej shqiptarëve, por keqmenaxhimi i luftës. Kjo opozitë e dikurshme, sot është në pushtet. Pse të presim nga ata që të jenë të drejtë ndaj vendit tonë? Prandaj, zgjidhja ka një emër: vetëvendosje!

Liria kolektive është kushti fundamental i lirisë individuale. Atëherë kur mungon liria kolektive, suksesi i lirisë individuale është vetëm një ndodhi aksidentale. Efektet progresive të lirisë së individit mund të bëhen dukuri vetëm nën ekzistimin total të lirisë së shoqërisë. Pikërisht ngaqë vendit tonë i mungon liria kolektive, trendi i standardit jetësor të popullit është në rënie. Në Kosovë janë 300.000 të uritur. Kur mungon liria, barazia dhe drejtësia, mungesa e bukës bëhet e pashmangshme. Pa liri, regresi është i garantuar. Jetësimi i të drejtës për vetëvendosje nuk është garantim i domosdoshëm i suksesit, por, gjithsesi - krijim i kushteve për zhvillimin e lirë të mundësive. Marrja mbi supe e përgjegjësisë që suksesin ta bëjë motiv gjakues, dështimin - mësim përmirësues. Vetëvendosje, sepse ky është minimumi i kompensimit moral për padrejtësinë shekullore, represionin e vazhdueshëm, shkeljen e pandërprerë të dinjitetit, qindra mijëra dhunime dhe dhjetëra mijëra vrasje, shkatërrime dhe dëme të përgjithshme.

Vetëvendosje, sepse asnjë populli nuk mund t'i vendosen kushte për lirinë e vet. Sepse çdo popull ka të drejtë të dekolonizohet; të jetë përcaktues absolut i kahjeve të zhvillimit të mundësive të veta; i resurseve vetanake ekonomike; i pasurive të veta nëntokësore. Të përcaktojë lirshëm identitetin e tij dhe të kultivojë i papenguar frymën autentike kulturore. Vetëvendosje, sepse kjo është diçka e natyrshme: është gjë e pritshme të vendosim në interes të vetes më shumë seç do ta bënte këtë gjë tjetërkush dhe gjithkush tjetër për ne.

Vetëvendosje! Pa kusht. Deri në shkëputje përfundimtare. Deri në çlirimin e plotë të vendit.

Burim Mali - 12 Mar 2010 - 6:04pm 

Toko- Francen e cliruan amerikanet- nese e di. Keta nuk ua dhane grate dhe jetet e tyre amerikaneve, por u thane falemnderit dhe nje dite do te shkoni ne shtepine tuaj. Pse toko vazhdimisht ke nje metalitet nenshtrues? Vertete do me interesonte te die kete!

Sepse jam pjese e nje populli qe nuk di te qeveriset. Jam pjese e nje kombi qe historikisht ka luftuar dhe ka sakrifikuar per lirine e tij por nuk ka ditur ta mbaj ate liri. Pjese e nje kombi qe si rezutat i gabimeve te tij humbi gjysmen e trojeve dhe tani qe ka nje shprese per ti rifituar ato troje ( ose nje pjese te tyre)   kam firke se perseri do ti humbasim dhe perseri se nuk dime si ti mbrojme ato qe fitojme

Ja perse, dhe ja perse krahasimi tend me francen nuk ka fare vend ketu.

E drejte cfare thua. Ne fakt e ndajme nga pak te gjithe te njejten frike. PO a kemi te drejte te luftojme per te kunderten e kesaj frike?

A e kemi ne te drejten qe te pakten ta mendojme veten te krahasueshem me civilitetit te cilin i perkasim?

A nuk eshte e vleresueshme cdo perpjekje qofte intelektuale qofte politike qofte me veprim konkret per ta deshiruar veten si te krahasueshem me ta?

A ia vlen ta provojme nese mundemi qe kete deshire ta perkthejme ne vullnet?

Ne s'mund te heqim dore pa nisur ende. Cdo gjenerate i takon t'i beje perpjekjet e saj e te besoje se mundet.

"liria kolektive" qe propagandohet pas termit "vetevendosje" eshte nje lloj manipulimi qe i behet lirise se individit....

liria kolektive te con ne shume raste edhe ne humbjen e lirise se individit, kur kolektivi nuk ka kulturen perkatese te lirise...

kultura dhe inteligjenca njerezore nuk eshte ceshtje kolektive....

shtetet komb u krijuan me qellim qe te garantojne e te shtojne lirite dhe prosperitetin e individit, nje nje shkalle me te madhe se sistemet e tjera (mbreteri apo perandori)....por ne qoftese nje shtet komb nuk i garanton keto liri apo prosperitet te individit atehere shtrohet pyetja ...perse duhet te ekzistoje ky shtet??????kujt i sherben ky shtet?????

gabimi yt eshte, kur e trajton kombin si nje njeri te vetem...ose si nje vullnet te vetem..dhe kjo nuk pasqyron te verteten njerezore.....ne nje komb ka individe qe dine te sjellin lirine por ka edhe individe qe dine vetem te kufizojne lirite.. dhe kur brenda nje kombi sasia e njerezve qe nuk dine te sjellin liri apo duan te eksperimentojne me to eshte me e madhe se individet qe e dine c`eshte liria, aty kemi nje problem te madh qe ve ne pikepyetje vete ekzistencen e kombit..

nuk eshte e rendesishme se a vendos vete apo jo...por cfare do sjellesh pas vendosjes. sepse nese pranojme qe eshte e rendesishme vetem fakti qe ne vendosim vete dhe jo ajo c`fare vendosim...atehere kush do ta paguaj koston e nje katastrofe apo nje vetevendosje te keqe? pasoja keto me dimensione kombetare.

 

sofi, o ajer i fresket!

ne shqiptaret duhet te jemi 100 here me te kujdeseshem nga keto teori...

per vete eksperiencen tone te keqe ne veteqeverisjen e kombit shqiptare pas 1945-es..sepse keshtu (si albin kurti) mendonin edhe atehere. qe kemi te drejta legjitime te vetevendosim per gjithcka..edhe per lirite themelore te njeriut e per pronen..dhe me kete justifikimin e vetevendosjes se kombit u bene krimet me monstruoze mbi individin dhe te drejtat e tij.

Ne aspektin nderkombetar sot, te drejtat e kombeve per te percaktuar lirite themelore te individit ne vendin e tyre jane limituar mjaft..fale nderhyrjes ushtarake te kombeve te civilizuara dhe pikpamjeve neo-liberale te tyre.

Une personalisht jam pro ideve neo-liberale...dhe pro lirive universale te individit mbi ato te vetevendosjes kombetare...JAM PRO BOMBARDIMEVE TE CDO LLOJ KOMBI QE DHUNON LIRITE E INDIVIDIT DHE JUSTIFIKOHET PAS TEORISE ,SE BRENDA KUFIRIT ADMINISTRATIV TE NJE KOMBI MUND TE NDODHE GJITHCA ME VULLNETIN E POPULLIT (EDHE DHUNIMI I INDIVIDIT)..

 

Mos harroni... qe fale ideologjise Neo-Liberale u be e mundur edhe nderhyrja e NATO-s ne Kosove...

Po kush ia hoqi te drejten e VETEVENDOSJES Shqiptareve?

Apo pa dashje ndodhi qe nje dite nje pjese e shqiptareve u gjenden pjese e  shteteve te tjera?

1913 te thote gje?

Si ka mundesi qe NATO nderhyri ne 1999 dhe jo me pare?

E nese nderhyri atehere e njohu dhe ushtarakisht, se politikisht e juridikisht po se po (sipas qasjes se bukur neoliberale) TE DREJTEN E VETEVENDOSJES se popullit shqiptar. Apo jo?

Pra mbeshteti Luften e UCK-se apo jo?

Po lufta e UCK-se per cfare po behej? Per venien e te drejtes se mohuar ne vend apo jo? Pra shkeputja nga ish Jugosllavia dhe bashkimi i natyrshem me Shqiperine apo jo?

Po si ndodhi qe ndryshoi rruges?

A pritej qe pas 1999-es te behej referenduam qe te vendosnin Shqiptaret?

Po pse s'na lejuan?

Pse e paten Gjermanite kete te drejte e ne jo?

Po Sllovakia pse pati mundesi ta ushtroje te drejten e Vetevendosjes? Pse nuk pyeti kush se cfare sistemi politik do te kishte Sllovakia kur te ndahej nga Cekia?

Sepse kjo pyetje nuk shtrohet kur flitet per te drejten e vetevendosjes. Ajo eshte e drejte fondamentale. Para cdo sistemi konkret politik. Aplikimi i kesaj te drejte te jep mundesine te diskutosh per format e qeverisjes.

Po si ndodh qe cdo vend europian e me gjere perendimor ia lejon vetes aplikimin e kesaj te drejte ne menyre te drejtperdrejte nga vete populli pra, e ne rastin tone duhen ndermjetes qe te ruajne vijen ideologjike te demokracise dhe neoliberalzimit.

 

 

disa gjera te vockla:

E meqe Nderhyrja e NATOs dhe doktrines neoliberale eshte kaq e vlefshme dhe sukseshme, pse shqiptaret nuk shkojme dot ne veri te Mitrovices?

Si ndodhi qe ka tre a kater gjuhe zyrtare ne Kosoven e sotme?

Pse nuk eshte Parlamenti i Kosoves autoriteti me i larte?

Pse kushtetuta e Kosoves eshte me poshte per nga fuqia se Pakoja e Ahtisarit?

 

Shqiptaret luftuan jo per te nderruar sundimtare. Po per te pasur te drejten te vetevendosin, jo llojin e regjimit politik, por Bashkimin, unitetin kombetar, sovranitetin territorial, mundesine e nje komuniteti politik qe respekton individin, ne ate mase qe ai mundet te shprehet se pari per bashkimin kombetar. Ky eshte se pari kuptimi i lirise kolektive. Ka pra nje realitet konkret ku shprehen lirite.

Kosoven e ndihmuan qe te ishte me vehte e te vetevendoste apo ta kishin per vehte e te vendosnin per te?

Nese kjo "per vehte" eshte nevoja e Neoliberalizmit per sundime te reja, atehere me vjen keq por kjo doktrine jeton ne te shkuaren e vet aspak te lavdishme, ate te KOLONIALIZMIT.

***************************************************

 se fundi, reference nga kampionet e demokracise neoliberale :

1917 - The United States entered the War on the British side in 1917, and President Wodrow Wilson declared the principle of self-determination should govern any post-war re-organisation of territories that were formerly controlled by the Ottoman Impere.

eri, po ti qenke pro pushtimeve dhe pro skllaverise moj cupe, nje neoliberale e vertete... Mire e ke ti, me mire te na qeverisin te tjeret, ne te ulim kurrizin e te punojme, se mund te na ndodhi sic na ndodhi ne 45...

albin kurti te beje parti politike e te futet ne gare elektorale si gjithe te tjeret..dhe te negocioje si njeri i civilizuar kerkesat e tij...

NUK NEGOCIOHET e PANEGOCIUESHMJA.

VETEVENDOSJA eshte e drejte e panegociushme. Pra eshte e drejte baze. Kete na kane mesuar perendimoret. Negociohet pasi qe eshte aplikuar kjo e drejte.

Kur Shtetet e Bashkuara shpallen pavaresine nuk negociuan me Mbreterine. Revolucionaret e Frances nuk negociuan me askend kur shpallen Republiken. Greket, Shqiptaret nuk negociuan kur u ndane nga Perandoria Osmane. 

Irlandezet nuk negociuan kurre e as nuk negociojne. 

Gjermanite nuk negociuan kur u bashkuan. Shemben murin.

Sipas ciles kulture politike duhet te negociojme vetevendosjen? Sepse te gjitha mesimet qe na vijne nga perendimi na thone te kunderten.

gjithca qe eshte ide njerezore negociohet....edhe kombi eshte thjesht nje ide....qe si qellim ka respektin e njeriut

vetem te drejtat e individit jane pe panegociueshme...ato te drejta dhe liri qe lidhen me natyren njerezore ...

albin kurti duhet te shpjegohet ne radhe te pare se si e kupton natyren njerezore, lirite e individit...dhe se si kjo vetevendosje do ti siguroje keto liri dhe keto te drejta....e pastaj flasim nese ka apo nuk ka te drejte, nese duhet te vetevendosi apo jo....

mbase si disa shqiptare te tjere juve nuk e keni kuptuar akoma, perse NATO nderhyri ne kosove....

NATO nderhyri ne kosove per te mbrojtur ato vlera qe kuptojne vendet pjestare te NATO-s. dhe jo per ato vlera qe bien ne kundershtim me ta.

 

Cilat vlera pra?

tani, se po shkel ne terrene te pasigurta, dhe qenke dhe goce e sjellshme. Ti e ke hallin te na qeverisin te tjeret, apo e ke hallin qe Albin Kurti te beje parti politike?

Nese do qe te na qeverisin te tjeret, fare mire, eshte legjitime te duash nje gje te tille.

Nese e ke hallin qe Albini te beje parti politike, sepse keshtu bekan gjithe te tjeret, dhe keshtu behet i civilizuar, me vjen keq po je gabim. edhe ne parajsen tende neoliberale, kudo ne boten globale liberale, njerezit e civilizuar kryesisht i gjen jashte partive. Dhe grupimet si Vetevendosja, grupime qe perfaqesojne interesa shoqerore, gjenden kudo, dhe respektohen, madje madje (hapi syte mire) edhe ne Ameriken Kampione te Demokracise, te Natos, te Liberalizmit dhe te Erit.

Qenke pak fashiste ti Eri, qe deshiron te ndalosh levizjet qytetare, duhet ta pranosh kete. Legjitime eshte dhe kjo Eri, ne si komb jemi cquar ne shekuj per prodhim fashistesh qe duan t'i heqin popullit te drejten e shprehjes dhe organizimit, si dhe per prodhim njerezish qe preferojne te jene nen pushtim (administrim, quaje si te duash)

Megjithate, me pelqen, se je e sinqerte, s'ke turp ti shprehesh hapur tezat e tua, sic bejne nje tufe me palaco ketu ne kete forum

Po ndodh rendom te shohesh haptazi ne fakt nje lloj Fashizmi te Keqkuptimit. Edhe sa do te vazhdoje te flitet kaq gabim?

Shkollat ne Shqiperi  jane shume rende sepse me c'duket po prodhohen vetem Keqkuptues edhe te doktrines sunduese. Ky lloj neoliberalizmi degjohet vetem nga fraza te cuditshme shqiptaresh. 

Autori i shkrimit vjen nga shkolla perendimore. Edhe mund ta themi se e njeh mjaftueshem cfare eshte kultura politike fondatore e perendimit. Prandaj dhe thekson se ne fakt Albin Kurti eshte emrin nen te cilin Perendimoret zbulohen se nuk po aplikojne te drejtat e demokracine qe ata vete na kane propozuar.

E keqja ne fakt eshte se s'del koha per te thene se cfare prodhon ky sistem i te drejtave te njeriut dhe ky diktat i demokracise neoliberale, sepse duhet t'i besh avokatin ne menyre qe te kuptohet defekti i prodhuar ne Kosove.

per mua e dashur sofi, nuk ka asnjelloj rendesie se do kete vetevendosje ,bashkim kombetar apo ndarje ne dy shtete....

rendesi per mua ka vetem fakti se cdo te sjelli vetevendosja,bashkimi apo ndarja....

besoj se te gjithe qytetaret e ndergjegjshem luftojne per te permiresuar jeten, te shtojne lirite dhe te drejtat e tyre...LE TE FLASIM NJEHERE SE CESHTE JETA E MIRE, LIRIA DHE TE DREJTAT DHE PASTAJ SHKOJME TE FORMULAT E ZGJIDHJES...

RENDESI KA ESENCA DHE JO FORMA

Esenca (sic te shpjegohet dhe me poshte, me shume durim ne fakt) pra nuk eshte e ndare nga forma.

Por edhe nese vendoset nje lloj radhe...

Meqe ka rendesi esenca pra Vetevendosja, vjen ajo e para dhe me pas vjen forma pra ajo e qeverisjes.

esenca, sipas Platonit, eshte potencialitet i ekzistences. Sipas Akuinasit esenca eshte ajo cka bashkon, universalizon, dhe ben te ekzistoje ekzistencen, nje lloj motori. pastaj, qe nga Dekarti der te Husserli esenca ishte "ego cogito". Hegeli per esencen thoshte se "e vetmja e vertete per te cilen jemi te sigurt eshte liria per te ruajtur mendjet tona, duke menduar". Dmth behet fjale per nje esence te mendimit.

Sipas te treja koncepteve, me rezulton Albini me shume esencial se sa paranoja jote ekzistenciale.

Eri, mos fillo te flasesh me fjale te medhaja, se po ngaterrohesh me kembet e tua. Ti nuk je magjistare te dish se c'do te sjelli. Ti je thjesht frikacake, e dashuruar me te tashmen qe nuk do te ndryshoje kurre, pavaresisht difekteve, sepse ti ke frike nga e ardhmja. Ehu, sa ka patur historia si ty o Eri, njerez qe ishin kunder cdo lloj ndryshimi (dhe kunder cdo logjike). Pooor, ti nuk je liberale Eri. As neoliberale, ti thjesht je nje fashiste, konservatore, e pa informuar qe ke frike nga e nesermja. Eshte shume gallate qe ka dhe njerez si ty, arsyeja here pas here ben shaka me njeriun...

ju po dialogoni vetem per tu kundervene.....ashtu si vetevendosja e albinit, nje kundervenie "instiktive" qe buron ndoshta nga formimi nacional-socialist i tij dhe juaji..

por asnje nga ju nuk po pergjigjet per pikepamjet mbi rendin social dhe per idealin qe perfaqesojne njerezit e "vetevendosjes"..mbi lirine e individit apo mbi pronen...

se ne fund te fundit ju po kerkoni kliente....dhe kesisoj ju duhet te shpjegoni pikpamjet tuaja qe njerezit tju kuptojne....

teoria "derr ne thes" eshte jashte mode ne kohen e neo-liberalizmit.

O eri, teoria "derr ne thes" eshte teoria ku ti ke rene koke e kembe brenda, aq sa nuk arrin as te ndjekesh logjiken e diskutimit.

Ketu diskutohet liria e popujve per vetevendosje, nje liri e cila qendron e sanksionuar edhe ne dokumentet themelore te liberalizmit tend, si psh ne Karten Universale te te Drejtave te Njeriut, ne Karten e themelimit te OKB etj etj. Si edhe ne kushtetutat e shume vendeve qe sot jane pishtare te neoliberalizmit.

Ajo qe po mbron ti nuk quhet neoliberalizem, por neoimperializem. Autori i ketij shkrimi, qe po diskutojme, para tre vjetesh ka qene nje artikulues goxha me i bindur, me i artikuluar dhe me i sakte se ty filozofikisht (imagjino, ti s'di as se c'do te thote koncept i esences). E megjithate ja ku e ke se c'shkruan. Nese ti dyshon qe autori i ketij artikulli, se bashku me 170.000 shqiptare qe kane nenshkruar peticionin ne shqiperi, kosove e maqedoni jane derra ne thesin e ndokujt, gabohesh rende. Per me teper qe nder ta ka nje liste intelektualesh, politikanesh, apo njerezish te ndryshem te shquar, ndersa ti je thjesht nje anonim keqdashes, ksenofil, antishqiptar dhe fashist.

Meqe po shtron prape pyetjen e paranojes tende mbi ate cka vetevendosja do te beje neser, po te marre pushtetin, po te perseris edhe nje here qe Vetevendosja nuk kerkon pushtetin. Kjo nuk eshte levizje politike e krijuar rreth synimit per pushtet, eshte levizje politike e krijuar rreth synimit per te fituar sovranitetin populli i Kosoves. Shpresoj qe te arrish te kuptosh kaq pak gje (veshtire se do e kuptosh, duke patur parasysh se cfare makabritetesh profane shkruan me siper). Ti je kunder sovranitetit te popullit, kete e kuptoj, por ky eshte qendrimi i yt, pranoje hapur, mos perdor mbulime te tipit "keta jane keshtu, ndersa une jam neoliberalist". Ti s'je neoliberalist, ti je nje person qe deshiron vec te miren tende, packa se kjo kushton te ligen e bashkatdhetareve te tu.

 

Sol & Sofi,

Me duket se ne kete rast, te dy ju keni ca "gjynahe". Ky/kjo Eri83 eshte duke thene mire e bukur : ne çfare ujerash notoni ? Bejeni te ditur platformen apo mendimin, me qarte, me shkoqur, me bujarisht.

Nese te kujtohet, para ca kohesh te pata ftuar edhe une qe te shprehesh qarte mbi idete e tua, t'i analizosh e te thuash perse je me kete dhe perse nuk je me ate, por s'mora pergjigje, si gjithmone.

Me ç'kam pare une ketu me lart, ky/kjo Eri83 shprehet qarte : po thote se Kurti nuk luan hapur, nuk i hap kartat. Une jam dakort qe te hyjme ne diskutime sovranitetesh dhe neokolonializmash, por puna eshte se nuk e shoh qarte as "lojen" e Kurtit, as tenden, as te Sofise. Mundohem t'ju lexoj me vemendje, por s'arrij te kap qarte. Faji im ? Mbase. Por edhe ju ama, po qe se jeni pak me bujare nga ç'jeni sot, mbase na ndihmoni t'ju kuptojme.

Kurti me kujton pak rastin e PCF (Partia Komuniste Franceze) me 1999, qe manifestonte ne rruge kunder bombardimeve te NATO, qe kuptohet, sipas saj, keto bombardime beheshin nga imperialistet amerikane qe nuk e kuptojne Europen dhe perziejne kot.

Dhe parulla ishte : "ARRÊTEZ LES BOMBARDEMENTS, AUTODETERMINATION"

Tani kete s'e kuptoja une : si do ta benin kosovaret vetvendosjen kur Millosheviçi po i shkaterronte me ushtri. Kur i pyesnin komunistet : more po mire ore, me ju jemi, nuk duam bombardime as ne, por ç'te bejme tjeter ? keta komunistet pergjigjeshin : po ja, te pushojne bombardimet dhe te behet referendum ne Kosove per vetevendosje.

More po si ta bejme kete referendum, ka lufte atje ore zoteri ! E komunisti pergjigjej : kjo eshte si pasoje e imperializmit amerikan, populli serb po vuan, edhe ai kosovar gjithashtu, dhe popujt e hane gjithmone, e terrci-verrci. Me nje fjale, futja kot si per 12 te nates.

Po njelloj me kete historine e Kurtit : more po edhe une e di se ne Kosove nuk duhet te kete te huaj qe drejtojne, por si t'ia bejme ore, kete me thuaj ti !

Ti do me thuash, po ja ore, le t'i marrin kosovaret punet e pushtetit. Ore po une jam dakort, por si, si, si, si ?

Pyetja thelbesore eshte : SI ?

Ke te drejte kur thua qe "s'arrin ta kapesh qarte".

 

Edhe njehere kembengul, pergjithesisht qashtersia te fanepset para syve ose nga inteligjenca e mrekullueshme ose nga Boun sensi, me bukur do qe nga te dyja se bashku.

pikerisht njerez te tille si ty...qe etiketojne e bejne psikologun e bashkebiseduesit...nuk jane te pergjegjshem...dhe kesisoj kur flisni per vetevendosje thjesht te kallni friken....

nese ti nuk ke frike te thuash se liria dhe sovraniteti i popullit eshte e parendesishme dhe e panevojshme, dhe nuk ke frike te thuash qe liria eshte e frikshme, e nese ti nuk ke frike te perdoresh gabim koncepte themelore te filozofise, sic eshte esenca, do te thote qe ti s'ka pse te kesh frike kur te quajne fashiste, ksenofile dhe injorante, sepse po ia garanton vetes keto etiketime pikerisht me ato qe thua.

e nese ke frike ti, pune per ty. mos dil me nga shtepia ne momentin kur kosova do te fitoje te drejten e vetevendosjes.

kosova do ta fitoje vetevendosjen... por jo prej albin kurtit...

sapo ke nxjerre nje perfundim korrekt logjik (me fal per habine, po konsistenca nuk qenka virtyt i yti).

Po, Kosova do ta fitoje vetevendosjen, dhe jo prej Albin Kurtit. Kjo eshte ajo cka beson vete Albini, anetaret e vetevendosjes, autori i ketij artikulli, dhe te gjithe ne. Kosova do ta fitoje vetevendosjen, sepse i perket popullit, e nuk e ndalin dot diskutimet injorante te tipit "vetvendosje per cfare, vetvendosje per ku".

kete perfundim ta kam thene qe ne fillim te debatit.....

qe vetevendosja ose pavaresia e kosoves do vije pasi te ndertohen bazat e nje shteti neo-liberal..nga eulex dhe nato

pra ti eri ke tezen qe: Kosova eshte me mire te qeveriset nga europianet dhe qe njerezve si Albin Kurti nuk i duhet patur bese sepse keta kerkojne qe te mos qeverisen nga europianet.

 

Veri gud, vazhdo me mendte e tua.

Nuk po te keshilloj as te lexosh me shume, as te mendohesh me shume, se e shoh qe je e rritur.

S'ma kishte prere kurre mendja qe ly blog do arrinte te mblidhte kaq shume xhiba...

O hurbinek, se po me ben te dyshoj per aftesite qe ke ne te lexuar, Levizja per Vetevendosje eshte levizje politikisht heterogjene, ka brenda te majte e te djathte, liberale e konservatore. Eshte levizje me nje agende te shprehur haptazi, qarte e ne menyre transparente. Kerkojne qe popullit te kosoves t'i jepet sovraniteti. Si? Duke u lejuar te beje referendum mbi formen e sistemit, kushtetuten dhe formen e qeverisjes. Si do lejohet te beje referendum? Duke i njohur pavaresine.

Kaq po diskutohet, kjo eshte ceshtja e Vetevendosjes.

Nuk po diskutohet ketu a do te vije Albini ne pushtet, dhe po erdhi c'do te beje. Albini ende nuk ka bere te ditur per publikun qe synon pushtetin, kur ta beje, do te mund t'ia bejne pyetjet te interesuarit e drejtperdrejte. Tani po diskutohet VETEVENDOSJA.

Dhe nuk ka rendesi nese kete vetevendosje e kane kerkuar pacifistet franceze apo dreqi me te birin, kjo eshte rreshkitje logjike (xhanem... spo e vret me mendjen njeri per logjike nder shqiptare, s'ke pse ta vrasesh ti me erin). Vetevendosja eshte parimi mbi te cilin eshte ngritur cdo shtet modern, perfshi dhe Francen e Kushnerit tend te dashur. Kosovaret nuk jane njerez me bisht qe t'ju mohoet kjo.

Cdo diskutim i tipit "te na tregojne hapur kartat" eshte paranoje e panevojshme. Me hapur se kaq nuk ka si te tregohen kartat.

Kjo qe thoni ju eshte si te shkosh tek aktivistet pro-abortit dhe t'u thuash "na i tregoni hapur kartat se ku doni te dilni me levizjen tuaj pro-abortit". C'eshte ky konspiracionizem i madh, kaq popull delenxhi paskemi qene?

Bien. Ecoute-moi bien, mon petit Solus :

- Kur ti flet per "referendum mbi formen e sistemit, kushtetuten dhe formen e qeverisjes", a mund ta di perse e ke fjalen ?

Nuk e di por me duket se ti dhe Kurti mohoni ate çka quhet histori. Ose proces historik. Pavaresia e Kosoves, e shpallur para dy vjetesh, nuk ishte keshtu "rrufe ne qiell te hapur", por qe erdhi si pasoje e nje procesi te gjate qe ka filluar qe prej te pakten 20-25 vjetesh.

E dyta, asnje lloj ndihme nuk do t'i jepej popullit te Kosoves nese Kosova nuk do te bente pjese ne planet e nje SHTETI DEMOKRATIK. Dmth, ketu jane pernjehere te perjashtuara : shteti fetar, shteti komunist. Kjo duhet ditur mire, nese Kurti ka probleme dhe me kete pike, atehere ai qenka Don Kishot modern, dhe s'merrka vesh mire.

Te gjithe popujt, or lum zotnia, kane arritur tek ai referendumi qe thua ti pas vitesh e dekadash te tera procesi. Dhe Kosova eshte e perfshire sot (dmth SOT PER SOT) ne nje proces pavaresimi te plote, por jo vetem kaq : duhet gjithashtu dhe nje stabilitet shteteror. Nese Kosova nuk del si shtet i qendrueshem, qe te mbahet ne kembe vetvetiu, atehere gjithçka lekundet. Ti do te thuash : po jo se te gjithe popujt vendosin vete çfare bejne.

OK, ashtu eshte, ama te gjithe popujt kane dhe detyrime ndaj te tjereve ; psh, ata duhet te formojne nje shtet te tyrin qe ploteson detyrat dhe detyrimet qe ka nje shtet. Nese nje shtet i ri i sapoformuar rrezohet çdo pranvere dhe çdo vjeshte, si mendon ti, te duron kush ty ne mes te Europes te besh lojera te tilla ?

E sot per sot, duke qene i ditur qendrimi i Serbise, Kosova nuk mundet (per njeqind arsye) qe te jete nje shtet i qendrueshem. Ti do thuash prape : po me mire te vdesin te gjithe sesa ne roberi.

OK, por duhet ta dish ama se sot kohet kane ndryshuar, te pakten ne Europe. Europa angazhon nje proces, e fut diçka ne rrugen e zgjidhjes, pastaj e le kete te behet ngadale, te piqet mire. Sepse te ishte aq lehte sa thua ti, Francezet apo Gjermanet nuk harxhojne taksat e tyre duke mbajtur rendin ne Kosove, apo jo ? Porse ata parashikojne trazira nese terhiqen pernjehere, dhe keto trazira shkaktojne probleme qofte ne psikiken e europianeve (masakra, debime) e qofte ne shtepite e tyre (refugjate, kriminalitet).

Prandaj keto pune nuk behen keshtu si thua ti, me nje paf ! te gishtave. 

______

Pyetje : ç'kupton ti me referendum mbi llojin e sistemit ?

A mund te jesh me i qarte ? Cfare opcionesh sheh ti ? 

Problemi i Kosoves per BE e Ameriken eshte stabiliteti, e jo menyra e qeverisjes me referendum.

Kosovaret kerkojne nje te drejte te tyren, te drejten e vetqeverisjes, kryesorja, thelbi i te drejtave te njeriut.Parimisht asnje nuk eshte kundra,praktikisht detyrohesh te ngresh supet.

Pyetja qe mund te shtrohet, eshte se sa garantojme ne Shqiptaret ( Kosove e Shqiperi bashke) se do kete stabilitet ne mardheniet me Serbet, ne problemet me pakicat serbe qe jetojne ne tokat Shqiptare, se politika e jone jep garanci ne kontrollimin e situatave delikate, qe te mos perseritet '98.

Jam i mendimit se EULEX, nuk qendron per fitime personale, ( deshira e tyre mund te jete) po nuk eshte  se perfaqsuesit e EULEX-it, mundet te vendosin se ka ardhur dita te largohen nga Kosova.

Perqendrimi i trupave ne Kosove, shume vete e shohin si mundesi per te krijuar nje kufi me lindjen sa me larg perendimit,e besueshme per politiken e se ardhmes, ndersa per politiken e momentit nje konflikt i ri midis serbis e kosoves , permbys gjithe rezultatet e arritura nga BE e USA ne kete rajon, kalon krejtesisht ne favor te Rusis.

Levizja per vetvendosje si princip nuk eshte levizje e gabuar, teorikisht per momentin duket e parakohshme. Si do qe te jete, i sherben nje qellimi te mire, duke pasur kujdes te mbaje sa me larg komunistet.

Bien. Ecoute-moi bien, mon petit Solus :

C'me flet sikur te kam dashnore?

 

Tani, sa i perket referendumit, une nuk e kuptoj nga te vjen ideja se do te propozohej nje shtet jo-demokratik? Edhe nga te vjen ideja edhe me absurde se shteti jo-demokratik do te fitonte me vota ne referendum?

Referendumi behet mbi formen e qeverisjes (monarki, demokraci parlamentare, demokraci presidenciale etj), mbi shtetin (do jemi te pavarur, do jemi bashke me shqiperine apo bashke me serbine) dhe mbi kushtetuten.

Kaq. Aty pastaj kushtetuta lejohet te kete ate preambulin e famshem qe fillon me "Ne populli i Kosoves e shpallim veten ..."

 

Nese Kosova para 11 vjetesh u clirua prej Serbit, kjo do te thote se u clirua qe te jete e pavarur, jo qe te jete e varur prej BE-ut (qe zyrtarisht nuk ia njeh pavaresine). Vetem duke qene e pavarur do te mundet Kosova te nise procese te mirefillta stabilizimi e zhvillimi, apo integrimi ne dac.

Perse e "cliruan" Kosoven kur nuk kane ndermend ta lene te jete e pavarur? Askush nuk po kerkon largimin e forcave ushtarake prej Kosoves, ata kane ngritur nje baze super gjigande, le te qendrojne aty, meqe e cliruan vete Kosoven. Por nuk ka pse te kontrollojne shtetin, gjykatat, ekonomine, gjithcka.

Kjo sjell shtremberime te medha. Imagjino ti dhe franca jote e dashur sikur t'ua zgjidhte qeverine Xha Semi. Ne rast krize kujt do t'i kerkonit llogari? Ne rast skandali kujt?

Kjo po ndodh ne Kosove, po qeveriset vendi nga nje tufe te paaftesh injorante, po privatizohen asetet ne operacione te dyshimta shpejt e shpejt, nen bekimin e nderkombetareve (qe jane drejtperdrejt te interesuar se kompanite e tyre po i blejne keto asete). Por populli nuk ka kujt t'i kerkoje llogari, se pushteti final ne Kosove nuk i perket popullit, i perket Pieter Feithit dhe Kartes se Ahtisaarit plus 6 pikat e Ban Ki Munit.

Ne nje shkrim te paradyjavshem te saktivista nga Avni Zogiani analizohej intervista e dhene se fundmi e ambasadorit amerikan ne prishtine, i cili shprehej se "po, kosova ka nevoje per nje riciklim te te gjithe klases politike, e cila eshte e paafte, e korruptuar, por ky riciklim duhet te ndodhe pas disa vjetesh, kur Kosova te jete stabel" ne te njejten interviste amb. amerikan shprehej se ishte me rendesi per Kosoven qe te privatizonte brenda vitit gjithcka te mundshme. Pra thote hapur se po, ju keni te drejte qe doni te nderroni menyre qeverisjeje, dhe te zgjidhni vete qeveritaret tuaj ne menyre qe te kerkoni politika te pershtatshme prej tyre, po kjo mundesi do t'ju jepet vetem pasi keta gangsteret qe punojne per ne te kene privatizuar gjithcka. Pastaj jemi gati tju dorezojme celesat e kashtes.

Dhe po te kujtoj edhe nje here, nese qellimi i nderkombetareve qenka vertet ndalimi i serbise, le te vazhdojne te mbajne prezence ushtarake, po s kuptoj c lidhje ka kjo me prezencen politike?

Avash se na trembe me ate dashnoren. Meso pak frengjisht France se te ben mire. E mos rri me frengjisht Shqiperie apo Bullgarie se eshte tjater gje.

"Petit" eshte si buke e djathe ketu. E di ate historine e Pushkashit, atij futbollistit hungarez ?

Eh mire, nga 1954, francezet luanin futboll mire (Kopa) por prape, mbeteshin si kineze perpara gjermaneve dhe hungarezeve. Dhe Pushkashi i qesendiste Francezet :

Po mo po, Francezet me "leurs petites femmes, leurs petites voitures, leurs petites maisons et leur petit... football"

E kuptove tani rendesine e "petit" ? Se mos vjen kendej nga Franca dhe rrah ndonje ne metro kur te te thote : fais gaffe à la porte, mon petit !

__________

Per te tjerat, shume mire e ke, s'te kundershtoj dot me. Por per merakun tend, rikthehu here pas here ne postin tend dhe reflekto : koha te pjek, thone.

O hurbinek, mos u tremb, e ke zakon shume te keq kete punen e "folklorizimit" te debateve. Po diskutonim vetevendosjen, nuk me interesojne petitet e frances, apo Ferenci spanjoll.

Perse Vetvendosja nuk ka bere publike akoma nje program te qarte ?

Nuk ka nje program te tille? Shume Donkishoteske kjo

Nuk do ta shpalle publikisht? me shume rrezik e pikpyetje kjo

Mendimi im eshte se aventurjere te pershpejtuar si ky Albini ( qofte edhe me qellime te mira) me shume i prishin pune ceshtjes kombetare se sa e ndihmojne ate

lexoni nje pacavure te botuar ne Washington Times

GORIN: The blackmail of AmericaHow the United States became Albania's enforcer 

Te kujton Ahmadinaxhadin kjo shkrimtarjjme mohimin e krimeve te Serbeve ne Kosove. Mirpo brenda artikullit plot me genjeshtra ajo me shume mjeshteri ka futur eshte veprimet e Vevendosjes. Dhe jane keto veprime qe sot nje lexues i zakonshem por me fuqi vote Amerikan beson tere pacavuren. Dhe fuqia e ketij votuesit sjell ngateresa ne mbeshtetjen e Amerikes ndaj Kosoves 

Ku jane Vetvendosja dhe trimat e saj ti pergjigjen ketij artikulli per te treguar te verteten Apo ata nuk njohin as Washington Timesin si gazete kapitaliste, borgjese e imperjeliste, perendimore?

Ku jane intelektualet shqiptare  ne te dy anet e kufirit ti pergjigjen kesaj Ahmadinaxhates Serbo-Amerikane?  

Apo te tere ne jemi te zene me Albinin ? Mos harojme Kosova u clirua por nuk eshte akoma e pavarur. Lufta politike vazhdon si ne '99. Perpjekjet duhet te jene po aq te fuqishem sot sa dje kur bindem perendimin te nderhynte ne Kosove.

Na sot zihena mes vedis.

Do thone jena patriote

komuniste disa t' tjere

do shajne per tradheti

Per monizem do t'tjere

Por jemi vllazën t'gjith more t'mjerë

Hajni  e i koruptumi

serbi e rusi ju kane hute

Për me ju damun me ju vorfnue

 

Do te thoshe Vaso Pasha sot.

 

 

 

Zoteri po ju ku jeni?

PO pse s'ia beni ju repliken shkrimit?

A ju dhemb logjika kur e lexoni?

Po, kush ju pengon te reagoni?

 

Kjo nuk eshte ceshtje private, as e ndonje korporate. Kush e di i pari dhe s'reagon ka me shume pergjegjesi se ata qe se kane pare ende.

 

O Toko, o poet lirik, te dhje*sha Vasho Pasen je. E ka postuar Sofia me siper manifestin e vetevendosjes, mos perhap panik kot.

Na bej dhe ndonje vjershe tjeter, po kesaj radhe e dua me stil asdreni, ose me stil esad mekuli.

Fillojme pra dhe njehere. Meqe eshte me mire qe kundershtimet qe te behen pasi qe e njeh shume mire ceshtjen, jo pa e njohur ende.

www.vetevendosje.org - ka shume me teper informacion nga c'mendoni. Ia vlen meqe keni te gjithe kohe te shkruani e te merreni me shkrime gjithfarellojesh. E meqe shkrimet e tyre kane stil mbase ju vlejne jo vetem per te kuptuar te gjithe platformen por edhe ju furnizojne me fraza. Duke qene se jane levizja me perendimore e propozuar ndonjehere nga shqiptaret.

 

*****************************

Mallkimi i stabilitetit

Shkruar nga Albin Kurti / Thursday, 16 July 2009  

 Zgjedhjet parlamentare të 17 nëntorit 2007 u patën mbajtur për dy arsye kryesore. E para, meqë shpallja e pavarësisë po shtyhej për vitin 2008, duheshin zëvendësuar protestat e demonstratat me karnevalet e fushatës parazgjedhore. Dhe, e dyta, meqë po përfundonte mandati i Ekipit të Unitetit që banonte në avionin e linjës Prishtinë-Vjenë, duhej sjellur në pushtet koalicioni i madh PDK-LDK si zëvendësim për të.

Një vit pas shpalljes së pavarësisë, u shtynë zgjedhjet parlamentare për kohë të pacaktuar, përsëri për dy arsye kryesore. E para, meqë besohet se për t’i zëvendësuar protestat e demonstratat me karnevalet e fushatës parazgjedhore mjaftojnë këto zgjedhjet lokale (të cilat njëherazi e zbatojnë decentralizimin). Dhe, e dyta, meqë tashmë e kanë koalicionin e madh qeverisës PDK-LDK, konsiderojnë që nuk kanë nevojë për zgjedhje sepse e kanë zgjedhjen e duhur.

Pavarësia e shpallur e vendit është dashur t’i rrisë mundësitë e zgjedhjeve të qytetarëve për pushtetin qendror, porse ka ndodhur e kundërta. Kur s’kishim pavarësi, kishim zgjedhje. Tash, që u shpallëm të pavarur, s’kemi zgjedhje.

Menaxhimi i këtillë me zgjedhjet në Kosovë nuk vjen nga një njeri i veçantë në Bruksel, Washington a New York. Madje, as nga ndonjë grup specifik e i konsoliduar politikanësh a diplomatësh perëndimorë. Strukturimi dhe organizimi i jetës politike institucionale në Kosovë është i përcaktuar nga mirëmbajtja e paradigmës së stabilitetit. Ashtu sikurse që institucionet financiare ndërkombëtare duan stabilitet makroekonomik të Kosovës, institucionet politike ndërkombëtare duan stabilitet politik të Kosovës. Kaq. Zhvillimi politik, ekonomik dhe shoqëror i Kosovës, sipas tyre, pret. Arsyeja pse Fatmir Sejdiut, Hashim Thaçit dhe Jakup Krasniqit ndërkombëtarët u dhanë leje ta shpallin pavarësinë me 17 shkurt 2008 është krejt tjetër prej arsyes pse qytetarët e Kosovës e duan pavarësinë. Ndërkombëtarët e lejuan shpalljen e pavarësisë vetëm për ta evituar destabilizimin e Kosovës. Qytetarët e donin pavarësinë sidomos për ta mundësuar zhvillimin e Kosovës. Sëkëndejmi, këtë pavarësi nuk e kemi si rezultat i aftësive të politikanëve tonë, por si rezultat i potencialit destabilizues të popullit tonë.

Që prej përfundimit të luftës në Kosovë nuk ka pasur opozitë të vërtetë parlamentare. Dominimi ndërkombëtar ka inkurajuar krijimin e sa më shumë partive të reja politike, dmth. copëzimin e politikës vendore dhe, mandej, bashkimin e tyre përfundi sundimit ndërkombëtar. Pra, individualizim dhe totalizim, mu ashtu siç kishte shkruar Michel Foucault. Qeveria e parë ishte fëmijë i PSSP-së së atëhershëm, Michael Steiner: bashkëqeverisje e tri partive kryesore. Qeveria e dytë ishte fëmijë i PSSP-së tjetër, Soren Jessen Petersen: koalicion ndërmjet LDK-së e AAK-së që kur vinte në krizë ndërronte kryeministrin. Mirëpo, as atëherë realisht nuk kishte opozitë. Kjo qeveri ishte nën hijen e Ekipit të Unitetit që bënte pazare me Serbinë për territorin, kulturën, forcat e (pa)armatosura dhe rregullimin institucional të Kosovës. Qeveria e tretë, kjo e tanishmja, është fëmijë i ish ambasadores amerikane, Tina Kaidanow: një tjetër Ekip i Unitetit brenda së cilit praktikisht ndodhet edhe partia më e madhe opozitare, AKR-ja. Mbi të gjitha, partitë opozitare të kësaj dekade asnjëherë nuk kanë dalluar në diçka thelbësore prej pozitës. Fjala kryesore e politikës në Kosovën e pasluftës ka qenë konsensusi, jo opozita. Paradigma e zhvillimit do ta kërkonte opozitën e fuqishme, kontraditat që shpiejnë përpara. Paradigma e stabilitetit e kërkon konsensusin, pajtimin gjithëpërfshirës që e ruan gjendjen ekzistuese.

Krerëve institucionalë e partiakë vendorë sigurisht se iu ka konvenuar kjo gjendje. Pasuria e tyre nuk vjen prej pagave që marrin sado të larta qofshin ato. Politikanët e Kosovës janë pasuruar në Kosovën e varfër e të pazhvilluar, në Kosovën e paradigmës së stabilitetit. Ata s’kanë interes që ta zhvillojnë e përparojnë Kosovën. Edhe burokratët më të rinj ndërkombëtarë (ICO-ja dhe EULEX-i) vazhdojnë t’i tolerojnë politikanët e Kosovës të vjedhin, sepse ata nuk po i vjedhin ndërkombëtarët, por neve qytetarët e Kosovës. Në këtë mënyrë, ndërkombëtarët po i bëjnë krerët e Kosovës të dobët politikisht dhe të pasur privatisht, meqë pikërisht kësisoj e maksimalizojnë servilitetin ndaj tyre.

Zaten, kështu është kur je nën protektorat ndërkombëtar. E, protektorati është kontroll. Na ‘mbrojnë’ për të na kontrolluar, për të na mbajtur të disiplinuar, për të qenë ashtu siç u hyjmë në punë atyre. Ndërkombëtarët na mbajnë nën protektorat sepse populli ynë s’është i parashikueshëm sikurse politikanët që janë super të kontrolluar e të kontrollueshëm. Ndërkombëtarët na ‘mbrojnë’ për t’u mbrojtur prej nesh. Në anglisht, fjala ‘protection’, si rrënjë e shprehjes ‘protektorat’, do të thotë mbrojtje. Kosova është nën protektorat ndërkombëtar, mirëpo, që të mbrohen ndërkombëtarët. Dhe, jo çfarëdo ndërkombëtarësh, por ata që përbëjnë pushtetin në Kosovë dhe interesat e politikave e korporatave të huaja që përfaqësojnë. Protektorati ndërkombëtar është mbrojtje për ndërkombëtarët që protektojnë.

Mbase, së paku në këtë aspekt, ne jemi para shumë popujve të tjerë. Besojnë që s’kanë arritur të na dresojnë ashtu siç e kanë planifikuar. Prandaj, do të vazhdojnë të na ‘mbrojnë’.

 

Per te gjithe meraklinjte e Demokracise ketu, dhe per te gjithe PYETESORIN "VETEVENDOSJE PER CFARE"?

****************************************

Çasti i demokracisë

Shkruar nga Albin Kurti   

Thursday, 05 November 2009

“Demokracia është qeverisje e popullit, nga populli, për popullin – me theks të veçantë te qeverisja.” – Harold Wilson

Kutia e votimit është një vend ku qytetari takohet me sistemin. Aty ai provon ta zgjedh kandidatin nga i cili dëshiron të përfaqësohet. Nuk dihet nëse qytetarit do t’i plotësohet kjo dëshirë. Dhe nuk dihet se për kë ka votuar ai. Mirëpo, dihet që gjithsesi me atë rast ai e ka legjitimuar sistemin nga ana e tij dhe ia ka plotësuar këtë dëshirë sistemit. Kur kryetari i Kosovës, Fatmir Sejdiu, gabimisht thoshte që votimi është obligim kushtetues (dhe jo një e drejtë që fundja mund të mos shfrytëzohet), ai vetëm sa po e shprehte këtë dëshirë të sistemit për t’u legjitimuar. Në një vend si puna e Kosovës ku ka rregullisht votime për parti por asnjëherë nuk ka referendum për asnjë çështje (si privatizimi, decentralizimi, Kushtetuta, flamuri, himni etj.), votimi patjetër degradon në legjitimim.

Mosvotimi në Kosovë nuk është as indiferencë e as pasivitet. (Paramendojeni po të kishim referendum për integrim në NATO apo BE se çfarë do ta kishim pjesëmarrjen e qytetarëve me atë rast.) Njerëzit te ne nuk votojnë sepse ndjehen të mashtruar nga i gjithë ky sistem që i pasuron politikanët e i varfëron qytetarët. Jashtë çështjeve të ekonomisë dhe të sovranitetit (për të cilat nuk po zgjedh paraprakisht qytetari), demokracia është veçse demokraci formale (e cila e ka për qejf legjitimimin posteriori nga qytetari). Gjersa po e shesin Kosovën si resurs (përmes privatizimit neoliberal) dhe si territor (përmes decentralizimit mbi baza etnike), tash e ftojnë qytetarin të zgjedh! Qytetari nuk po ftohet të zgjedh kurrfarë të ardhme, por po ftohet që t’ia jep aminin së kaluarës, avazit të vjetër.

Përfshirja formale e qytetarit është manipulim me qytetarin. Edhe në këto zgjedhje, të pasurit (që janë pakic&eumlsmiley po i kërkojnë votat e të varfërve (që janë shumic&eumlsmiley, në mënyrë që të pasurohen edhe më shumë. Asnjë nga kandidatët që po garojnë nuk është i papunë në Kosovë ku papunësia është 60%. Asnjë kandidat nuk është i varfër në Kosovë ku 40% jetojnë me më pak se 2 dollarë në ditë. Asnjë kandidat nuk është nga shtresa tejet e varfër dhe e uritur, në Kosovë ku 18% jetojnë me më pak se një dollar në ditë. Partitë politike po i harxhojnë miliona euro në fushata bajate. Ato kërkojnë votat e qytetarëve shumica e të cilëve janë ose të varfër, ose të papunë, e zakonisht të dyja këto. Por, partitë nuk u japin të holla të varfërve e të papunëve dhe nuk investojnë në ta e për ta. Partitë duan që qytetarëve të cilëve ua kanë marrë mirëqenien dhe perspektivën, tash t’ua marrin edhe votën. Votat e qytetarëve shndërrohen në para për politikanët. Më shumë vota, më shumë para. Më shumë para, më shumë vota. Për edhe më shumë para.

Por, nga bisedat e shumta me qytetarë të ndryshëm, jam bindur se edhe ata pak që do të votojnë dhe legjitimojnë këtë sistem, nuk besojnë në të. Më parë besojnë në përfitimet e drejtpërdrejta që mund t’i nxjerrin nga sistemi i këtillë. Një numër i konsiderueshëm i votuesve kosovarë e kanë kuptuar tërë lojën dhe orvaten të nxjerrin përfitime nga kjo lojë. Nëse e ndihmon në fushatë filan partinë dhe në fund e voton kandidatin e saj, kjo mund të të shpërblehet pastaj me ndonjë vend pune që ta ofrojnë si shpagim për angazhimin militant, ose edhe me ndonjë tender komunal a qeveritar. Madje, nuk është e thënë që të keshë kompani tënden për të fituar tender. Tenderi ta krijon edhe kompaninë që duhet ta fitojë atë tender. Lojaliteti partiak e bën të realizueshme edhe të paimagjinueshmen. Këta votues nuk konsiderojnë që demokracia kosovare ua përmison gjendjen të gjithëve ose shumicës, e mandej rrjedhimisht edhe atyre, por ata janë të bindur që demokracia jonë edhe ashtu e avancon vetëm një pakicë, dhe është mirë që të shtyhen për të zhvatur diçka edhe këta. Shteti tashmë është privatizuar, shteti është uzurpuar e po vjedhet, dhe çfarëdo vjedhje nga të tjerët është veçse vjedhje e plaçkës së hajnave, besojnë këta. Kësisoj, shumica e asaj pakice që voton, këtë e bën meqë përfiton direkt nga pjesëmarrja në proces: e ka ndonjë të afërm ose shok që kandidon dhe andaj shpreson në përfitim për vete, ose, megjithatë, i konvenon materialisht kjo situata aktuale në të cilën sado-kudo është duke u pasuruar (anipse ankohet gjithë ditën shumë më tepër sesa ata që janë të varfër).

Po mirë, nëse nuk mund të identifikojmë ndonjë parti, institucion apo procedurë në Kosovë për të cilën do të mund të themi se është njëmend demokratike, a ka ndonjë interval kohor demokratik në Kosovë? Pra, nëse s’paskemi demokraci në hapësirë dhe në strukturë, a kemi demokraci në kohë? lace wsmileyt="on">Polace>, ama fare shkurtimisht. Demokracia në Kosovë është fotografi. Demokracia është çast. Nuk është e vërtetë se demokraci kemi vetëm një ditë në katër vjet, pra atë ditë kur qytetarët votojnë. As ajo ditë s’duket kaq mirë. Qytetarët e Kosovës kanë demokraci vetëm një sekondë në katër vjet (apo aq shpesh sa kemi zgjedhje) – në momentin kur qytetari që voton e ka fletën e votimit përgjysmë brenda kutisë së votimit dhe ende nuk e ka lëshuar atë. Një sekondë më herët, s’ka demokraci: qytetari votues paradoksalisht e ka mundësinë e kontrollit të pushtetit që s’është edhe kontroll i pushtetit. Një sekondë më vonë pushteti tashmë është shumë larg prej qytetarit, ai i ka dalur dore atij sikurse fleta e votimit: kandidatët që do të fitojnë në fund i ndan një humnerë e tërë prej qytetarëve – humnerë izoluese materiale dhe institucionale. Me paratë që kanë, ata do të jetojnë në një botë tjetër; e, nëse vendosin të zbresin në botën e qytetarit, atëherë këtë e bëjnë duke qenë në makina të blinduara e të rrethuar me truproje, plotësisht të izoluar me këto prej qytetarit. Pushtetari gjithmonë bëhet i paarritshëm. Pushtetari është i paarritshëm. Të gjithë e kemi parë se si kur vetë kandidatët votojnë, ata e mbajnë pezull fletëvotimin që të kapen sa më gjatë nga aparatet fotografike të gazetarëve. Thuajse pavetëdijshëm dëshirojnë ta zgjasin sekondën e demokracisë. Thuajse pavetëdijshëm na e zbulojnë të vërtetën: demokracia është çast, demokracia është fotografi.

Secila fushatë dhe secila parti po na e konfirmon që partitë politike në Kosovë janë thelbësisht demobilizuese. Ato i thonë qytetarit: ti rri, dhe unë ta sjell rrymën, ujin, vendin e punës, parkun, kanalizimin etj. I premtojnë mospunë qytetarit, e inkurajojnë atë të mbetet spektator, sepse e cilësojnë qytetarin si një dembel injorant, të reduktueshëm në dembelinë e tij injorante. Politikanë të sinqertë dhe të vërtetë janë vetëm ata që u thonë qytetarëve se nuk mund t’ua përmbushin premtimet pa u bërë aktivë edhe vetë qytetarët. Pra, një demokraci ku qytetari është pjesëmarrës e jo spektator i cili pret ta përfaqësojnë. Me një qytetar spektator dhe pasiv nuk ecet para. E, me politikanë që e duan dhe i mirëmbajnë qytetarët pasivë në tribina, ecet veçse mbrapa.

Pa një rizgjim shoqëror e kombëtar, i cili do të na shpiejë drejt situatës ku politikanët i frikësohen qytetarëve e jo anasjelltas siç është rasti tani, demokracia do të jetë sundim mbi popullin, e jo sundim i popullit. Me këso zgjedhjesh, me këto zgjedhje lokale, nuk zgjidhet asgjë. Ato janë pjesë e problemit.

Vazhdojme per ata te cilet ende se kane te qarte "gjendjen e gjerave ne Kosove" - dhe pelqejne Kissinger + ekranin e madh te TV-se.

**************************************

Rendi më i ri botëror

Shkruar nga Albin Kurti

Thursday, 17 September 2009

Përgjithësisht pranohet se konfliktet që eskalojnë sot në botë, janë gjithnjë e më shumë brenda shteteve e gjithnjë e më pak ndërmjet shteteve. Kjo lëvizje e rrit rëndësinë e policisë dhe e zvogëlon atë të ushtrisë; hegjemonia e fjalës ‘siguri’ zhvillohet në llogari të fjalës ‘mbrojtje’. Jetojmë në epokën kur realiteti ynë është më parë ai i regjimeve policore (gjithnjë e më të sofistikuara) sesa ai i regjimeve ushtarake (që pëlcasin disi banalisht atëherë kur ngjajn&eumlsmiley. Kjo nuk do të thotë se ushtritë po zhduken. Aspak. Ato vetëm po ridefinohen. Ushtritë gjithnjë e më shumë kryejnë punë policore dhe i përngjajnë policisë. Ato nuk mbrojnë territore dhe nuk sulmojnë ushtri të tjera, por vëzhgojnë me kujdes dhe izolojnë elemente destabilizuese. Shpesh ushtritë bëjnë përgjime e arrestime më shumë edhe se vetë policitë. Ushtria është policia e re.

Bosnja dhe Kosova nuk mbesin prapa. Përkundrazi. Ato janë avantgardë e rendit më të ri botëror. Politika Evropiane e Sigurisë dhe Mbrojtjes i ka pasur 22 misione nëpër botë për 10 vjet. Mirëpo, Bosnja dhe Kosova janë të veçanta – dy vende që BE-ja ua premton anëtarësimin gjersa udhëheq me sundimin ndërkombëtar mbi to. Prandaj, mos u shqetësoni kur na cilësojnë si të prapambetur. Ne nuk jemi të prapambetur. Të gjithë të tjetër janë të prapambetur. Tek ne të tjerët mund ta shohin ardhmërinë e tyre. Tek ne që s’kemi të ardhme po vazhduam kështu.

Brenda Bashkimit Evropian çështje është ekonomia. Jashtë BE-së çështje është siguria. Javier Solana është Përfaqësues i BE-së për Politikë të Jashtme dhe Siguri. Një dyfishim ky gjithsesi për vendet si puna e Kosovës. Kosova është çështje e politikës së jashtme duke qenë çështje e sigurisë dhe është çështje e sigurisë duke qenë çështje e politikës së jashtme. EULEX-i është mision i BE-së jashtë saj por është edhe ministria e vërtetë e brendshme e Kosovës. Dhe, gjithashtu, gjersa do ta kemi EULEX-in doemos do të mbesim jashtë BE-së.

Regjimi ndërkombëtar në Kosovë, e posaçërisht KFOR-i, flasin për paqen si për një prodhim të përditshëm të tyrin. Jo si për paqekrijim apo paqebërje nga viti 1999 por si një paqeprodhim i përçdoditshëm. Regjimi ndërkombëtar në Kosovë e projekton veten si një fabrikë të paqes, e paqen si produkt serik të tyre. Çdo ditë të re që e jetojmë ata na e shndërrojnë në një ditë të paqes, që do të thotë, në një ditë pa konflikt e trazira, në një ditë të sigurt. Natyrisht se njëmend bëhet fjalë për ditë pa konflikt e trazira, por pas një periudhe disavjeçare do të duhej të mos e përmendim më këtë gjë, apo jo? Duke e cilësuar kohën vetëm si kohë pa konflikte e trazira, kjo i afirmon konfliktet e trazirat anipse duke konstatuar mungesë të tyre. Por, e këtillë është siguria. Kaloi edhe një ditë e sigurt. Për tjetrën s’dihet. Por, dihet që e kemi KFOR-in.

Rendi, siguria, qetësia janë fjalë policore. Porse ato do t’i gjeni në billboard-at e KFOR-it jo më pak se sa në broshurat e policisë. Madje, edhe FSK-ja është veçse polici. Në fakt, shtojcë e policisë. Një lloj xhandarmërie në rastin më të mirë. Skuadër zjarrfikësish, e notarësh shpëtimtarë në rastin më të keq.

Te EUSR/ICO-ja, si dhe te EULEX-i, njeriu i caktuar që duhet të merret me Lëvizjen VETËVENDOSJE! është i sektorit të sigurisë, jo ai i shoqërisë civile. Kurrë s’i kemi parë, ose dëgjuar këta njerëz. Mbase ata na shohin, dëgjojnë e përgjojnë. Ngjashëm, edhe shumica e gazetave e vendosën aksionin tonë të përmbysjes së makinave të EULEX-it në rubrikën e sigurisë. Këtë nuk e bëri me paramendim dikush i caktuar aty në redaksitë e gazetave. Ashtu do të ishte kollaj. Do të flisnim për ata persona dhe motivet e tyre. Çështja është se ky kategorizim i aksionit tonë është shprehje e së pavetëdijshmes (tashm&eumlsmiley kolektive (edhe të gazetarëve). Dhuna strukturore e sistemit është çështje politiko-juridike. Reagimi ndaj kësaj dhune bëhet çështje e sigurisë (sic.). Sigurisë së kujt? Sigurisë së pushtetit, natyrisht. Kur të na shikojnë neve këtu poshtë, ata duhet të ndjehen të sigurt atje lart. Cili qytetar na denoncoi në polici se i është rrezikuar siguria apo prishur qetësia pas rrokullisjes së 25 xhipave të EULEX-it? Asnjë. Sa qytetarë na kanë thirrur për të na përgëzuar për aksionin? Me qindra sosh.

Zhvendosja te çështjet e sigurisë e rezistencës politike ndaj tyre është mekanizëm i depolitizimit. Për politikën e demokracinë nevojitet siguria njëherë, predikojnë ata. Mirëpo, kjo siguri e tyre, në fakt, është pikërisht siguri veçse e tyre – siguri e kësaj politike dhe demokracie që ndërtohet mbi konceptin e prioritizimit të sigurisë. Siguria s’ka të bëjë me territorin (e Kosovës të cilin siç e dimë nuk po na e mbrojn&eumlsmiley. Siguria është e deterritorializuar. Ajo ka të bëjë me ata që duhet të ndjehen të sigurt: me njerëz të caktuar në cilindo territor që ndodhen ata – jo me territorin, çfardo njerëzish qofshin aty. Siguri e njerëzve të rëndësishëm lart, jo mbrojtje e territorit poshtë. Dhe, siç na mëson Michel Foucault kur shpjegon konceptin e tij ‘governmentality’, kjo siguri s’ka se si bëhet vetëm për të tashmen por bëhet edhe për të ardhmen. Siguria është koncept që patjetër shtrihet në të ardhmen. Siguria është siguri e së ardhmes. Prej këtu, pashmangshëm, ligjërimi për sigurinë shndërrohet në kontroll të njerëzve nga ana e pushtetit, në trajtim brutal të së paparashikueshmes së tyre. Në mënyrë që t’i kontrollojë njerëzit, pushteti e parashikon të paparashikueshmen e njerëzve si të zezë, si rrezikim i skajshëm i mundshëm. Dhe, të rrezikon mandej paraprakisht, në emër të sigurisë.

Nëse hyn në një sistem të këtillë, d.m.th. përfundi tij, dhe bëhesh i dëgjueshëm aty, atëherë edhe takohesh e bisedon me politikanët e diplomatët e majave të sistemit. Nëse konteston koordinatat e sistemit dhe kursin zyrtar atëherë t’i caktojnë takimet me policët, gardianët, prokurorët e gjykatësit e sistemit. Mund të zgjedhësh, apo jo?

Nëse flet, nëse vetëm flet, ama gjithnjë e më butë, atëherë të konsiderojnë edhe lider politik. Bëhesh udhëheqës kur sigurohen se do t’i ndjekësh; bëhesh politik kur hyn në politikën e tyre. Pra, bëhesh lider politik kur më së paku je i tillë – kur s’je më as lider e as politik. Ndërkaq, nëse fillon të veprosh, jo vetëm të flasësh, nëse t="on">lace wsmileyt="on">nislace> e vepron në përputhje me fjalët kundërshtuese, atëherë bëhesh çështje e sigurisë. Mund të zgjedhësh, apo jo? Mund të votosh, siç do të thoshin disa, apo jo?

Per te gjithe te shqetesuarit mbi cfare mund te mendoje VETEVENDOSJA ne lidhje me ceshtjet e vogla te ekonomise se vogel ne Kosove:

Për diferencimin e prodhuesve nga tregtarët

Shkruar nga Albin Kurti  

Thursday, 04 February 2010

Komuniteti i biznesit. Këtë shprehje e kanë shpikur tregtarët. Atyre iu leverdis që kjo shprehje të blihet nga qytetarët. Të duket se biznesmenët janë bashkë, se janë komunitet. Në fakt, dallimi thelbësor është pikërisht përbrenda komunitetit të biznesit, dallim ndërmjet tregtarëve dhe prodhuesve, ndërmjet atyre që shesin e blejnë dhe atyre që prodhojnë.

Në kundërshtim me logjikën formale të Aristotelit, Gilles Deleuze konsideronte që diferenca nuk është diferencë e varur nga identiteti, se identiteti nuk i paraprin diferencës, por anasjelltas. Aristoteli thoshte që A=A, B=B, A≠B, dhe sëkëndejmi A-B≠0, dmth. kemi diferencën që varet nga identiteti meqë është diferencë ndërmjet identiteteve. Porse Deleuze thoshte që mu kjo diferencë ka jetë të pavarur që strukturon tutje mandej. Sipas Deleuze diferenca nuk duhet përkufizuar negativisht; diferenca është, kurse identiteti bëhet, dhe jo e kundërta.

Në shoqërinë tonë, si në aspektin material, po ashtu edhe në atë kulturor të klasës, më afër janë konsumatorët gjithnjë e më të varfër me prodhuesit që gjithashtu po varfërohen, sesa këta prodhues me tregtarët që janë gjithnjë e më të pasur. Pra, shumë më i madh është dallimi midis prodhuesve dhe tregtarëve sesa midis prodhuesve dhe konsumatorëve. Në rrethanat aktuale, në nivelin që ka shoqëria jonë, më e rëndësishme është nëse biznesmeni është prodhues apo tregtar sesa nëse qytetari është biznesmen, apo jo? Pra, diferenca e brendshme në komunitetin e biznesit është (diferenca) themelore.

Sërish, është Deleuze ai që sqaronte se ‘A’ në fakt është diferenca ndërmjet ‘a’ dhe ‘a’ etj. Deleuze konstatonte supremacinë e diferencës së brendshme. P.sh. ai besonte që një njeri e shquan dallimin ndërmjet një njeriu tjetër dhe një kali sepse, para së gjithash, e shquan dallimin ndërmjet dy njerëzve çfarëdo. Dallimi ndërmjet dy produkteve nuk është përjetimi i ndryshëm nga përdorimi i tyre, por marrëdhënia në prodhim që ka rezultuar me ato produkte. Historia e produktit që e konsumojmë e përcakton jetën tonë e jo e tashmja e atij produkti, jo aktualiteti banal i tij. Prodhuesit janë prodhues të mallrave të Kosovës kurse tregtarët janë shitës të mallrave në Kosovë. Duhet t’i diferencojmë prodhuesit (vendor&eumlsmiley që e forcojnë Kosovën, prej tregtarëve që i forcojnë vendet prej nga ata na i sjellin produktet (e huaja).

Shteti nuk mbahet me supermarkete e me qendra tregtare. Shteti mbahet me prodhim. Nuk ka punësim dhe as mirëqenie për qytetarët pa prodhim. Kosova ka deficit enorm tregtar. Raporti eksport/import është vazhdimisht nën 10% (ndërsa më 2009 kjo përqindje kishte rënë madje në 8.5%). Shumica dërrmuese e parave që vijnë nga diaspora jonë shpejt nxirren jashtë vendit përmes konsumit masiv që iu bëhet produkteve të huaja. Tregtarët e fuqishëm janë të lidhur me udhëheqësit politikë të të gjitha partive kryesore. Ata i financojnë fushatat parazgjedhore dhe, pas zgjedhjeve, shpaguhen me tenderë dhe ligje të favorshme për tregtinë e tyre që e ka ngritur importin mbi vlerën e buxhetit të Kosovës. Shteti i këtillë i Kosovës nuk është në shërbim të prodhuesve vendor që nuk i subvencionon fare, por në shërbim të tregtarëve të huaj që ua ka hapur tregun për gjithçka. Nuk do t’i blejë askush prodhimet tona pa i blerë njëherë ne vetë ato. Prodhimet vendore nuk forcohen nga jashtë por nga brenda: përmes përkrahjes së shtetit dhe konsumimit të qytetarëve.

Të gjithë ata që nguten të pyesin se çfarë të bëhet për produktet e nevojshme që nuk i prodhon as Kosova dhe as Shqipëria, duhet t’iu përgjigjemi me pyetje: sa janë të kujdesshëm vetë ata që rregullisht t’i blejnë produktet që tashmë prodhohen në Kosovë e Shqipëri? Ndërkaq, të gjithë atyre që arsyetohen se ka shumë produkte të huaja që janë më të lira, duhet t’iu përgjigjemi sërish me pyetje: çfarë kanë bërë ata që të organizohen kundër UNMIK-ut dhe qeverive të pasluftës, të cilët me politikat e tyre fiskale janë vënë në shërbim të tregtarëve (të mallrave të huaja) dhe kundër prodhuesve (të mallrave vendore)?

Në jetën tonë publike patjetër duhet ta sjellim atë që e maskon realiteti: antagonizmin ndërmjet prodhuesve dhe konsumatorëve në njërën anë, dhe tregtarëve e koniukturave politike dhe institucionale në anën tjetër. Duhet ta kemi betejën që ta kemi fitoren. Mbase këtu edhe do të duhej të ndahemi nga Deleuze: ta pranojmë kritikën e Deleuze ndaj Aristotelit, por jo edhe atë ndaj Hegelit (përkatësisht ndaj dialektikës si sintetizim i kundërthënieve nëpërmjet tejkalimit të tyre drejt një uniteti cilësisht më të lart&eumlsmiley.

Mungesa e zgjidhjeve politike dhe ekonomike në Kosovë doemos i shton problemet sociale. Grevat dhe protestat gjithsesi do të shpeshtohen dhe rriten. Sepse asfalti nuk hahet. 45% të vafër dhe 18% në varfëri të thellë nuk i kanë hall gropat nëpër rrugë, por ato në stomak. Në vend se të ndërtohen fabrika të cilat mandej do të na e sillnin edhe asfaltin e ri, po shtrohet asfalti që t’ua ndërtojë e forcojë fabrikat të huajve që shesin gjithnjë e më shumë produkte të tyre tek ne.

Siç e ka shpjeguar profesor Nuri Bashota në një punim të tij, infrastruktura nuk është zhvillim ekonomik por bartëse e zhvillimit ekonomik. Infrastruktura e re në Kosovë do të jetë më shumë bartëse e zhvillimit të huaj sesa e zhvillimit tonë, përderisa politika ekonomike është në funksion të privatizimit, kurse politika fiskale në funksion të importit. Teksa shkojmë e vijmë te halla në Prizren ose te daja në Besianë, do të hasim gjithnjë e më shumë në maune me mallra të huaja e gjithnjë e më pak në ato më mallra vendore.

Tani sqarime te rastit:

1.Deri javen qe kaloi Levizja VETEVENDOSJE ka botuar 245 numra te gazetes se saj "VETEVENDOSJE".

2. Ne kete gazete ka per rreth 4 vjet qe shpaloset i gjithe programi dhe platforma e saj e detajuar. Nje pjese e rendesishme e shkrimeve analizave dhe reagimeve botohen nje here ne jave si suplement ne nje nga gazetat kryesore ne Kosove.

3. GJITHE NUMRAT JANE NE WEBSITE TE PUBLIKUAR. JU E KENI DURIMIN TE LEXONI APO JO? MEQE JENI TE MERAKOSUR SIC JAM DHE UNE.

MANIFESTIN QE SHPJEGON TE GJITHE PLATFORMEN E KENI PAK ME LART - MJAFTON TE LEVIZNI PAK KURSORIN.

Me poshte keni nje pjese tjeter te rendesishme.

Kete boun sens per shpjegime dhe informim do ta kem vetem njehere jo dhe aq ne vleresim te diskutimeve tuaja, por ne respekt e admirim te dy deshmoreve te kesaj levizje Mon Balaj e Arben Xheladini, qindra aktivisteve te arrestuar, drejtuesve me te sinqerte e me te kthjellet qe ka hasur ndonjehere shqiptaria mes tyre dhe z.Kurti dhe se fundi ne respekt te rreth 200.000 qytetareve shqiptare qe kane nenshkruar peticionin ne mbeshtetje te Vetevendosjes dhe kunder gjyqit te Albin Kurtit.

Une i kam mesuar te gjithe keto pa m'i treguar askush. Ju te gjithe te shqetesuarit per adresat se ku te shpie vetevendosja te pakten lexojini qe te kundershtoni lezetshem, duke mos harruar ata qe kane vdekur tashme dhe qe jane dhunuar per hir te lirise.

******************************************

nga platforma e VETEVENDOSJES - www.vetevendosje.org

Vetëvendosje sepse...

  • Vetëvendosje, sepse çdo popull ka të drejtë të zgjedh lirshëm rrugën e ndërtimit të fatit kolektiv.
  • Vetëvendosja është kushti themelor i lirisë. Gjithçka më pak ësh­të joliri. Joliria është e padrejtë. Padrejtësia është e pa­pra­nueshme. Luftoje padrejtësinë!
  • Vetëvendosje, sepse liria kolektive është kushti fundamental i lirisë individuale.
  • Vetëvendosje, sepse burim i vetëm i sovranitetit është populli dhe askush tjetër.
  • Vetëvendosje, sepse çdo popull ka të drejtë të dekolonizohet.
  • Vetëvendosje, sepse sa herë kanë vendosur tjerët për ne, e jo ne për veten, kemi qenë të shtypur.
  • Vetëvendosje, sepse zgjidhja është liria, dhe ajo ndodh vetëm atëherë kur kjo çështje nuk lihet në ndërgjegjen e pushteteve në Beograd.
  • Vetëvendosje, sepse problemi zgjidhet jo atëherë kur synohet ndryshimi i opinionit të brendshëm serb për Kosovën, por atë­he­rë kur Kosova pushon së qeni objekt i këtij opinioni.
  • Vetëvendosja është goditje e fuqishme ndaj çfarëdo aspiratash hegjemoniste.
  • Vetëvendosja është mbyllje e shtegut të së keqes.
  • Vetëvendosja ndikon në denazifikimin e Serbisë.
  • Vetëvendosje, sepse ky është minimumi i kompensimit moral për padrejtësinë shekullore, represionet e vazhdueshme, shke­ljen e pandërprerë të dinjitetit, qindra mijëra dhunime dhe dhjetëra mi­jëra vrasje, shkatërrime dhe dëme të përgjithshme.
  • Vetëvendosje, sepse kjo është diçka e natyrshme: është gjë e pritshme të vendosim në interes të vetes më shumë seç do ta bënte këtë tjetërkush dhe gjithkush tjetër për ne.
  • Vetëvendosje! Pa kusht. Deri në shkëputje përfundimtare. Deri në çlirimin e plotë të vendit.

Sofi - 15 Mar 2010 - 4:16am

 

Zoteri po ju ku jeni?

PO pse s'ia beni ju repliken shkrimit?

A ju dhemb logjika kur e lexoni?

Po, kush ju pengon te reagoni?

 

Kjo nuk eshte ceshtje private, as e ndonje korporate. Kush e di i pari dhe s'reagon ka me shume pergjegjesi se ata qe se kane pare ende

Une jam ketu ne rehatine time. Perse nuk i pergjigjem une?

1001 arsye

Nuk jam shkrimtar/

Nuk jam gazetar

Nuk jam intelektual

Nuk di anglisht

Nuk kam kohe

Nuk di kujt ti shkruaj

Nuk kam mare flamurin e patriot

Nuk jam organizate

nuk ....nuk..... nuk..... nuk..... nuk.....

Ky eshte justifikimi im.

Po tuaji Zonje e nderuar?

Sa per artikujt me shumice qe ke sjelle duhen nete dimiri te te mbush mendjen se ato nuk jane programe por fjale fjale fjale pa vlere treguese.

Nejse  Naten

Ah Sol, per fyerjet qe me ben nuk meriton pergjigje

 

 

Nuk jam shkrimtar

          Nuk jam gazetar

         Nuk jam intelektual ....

 

Keshtu qe nuk keni dhe mundesine t'i gjykoni artikujt dhe platformen qe ekziston tashme. Me vjen keq! Pra kurseji netet e dimrit.

 

Po tuaji Zonje e nderuar?

Une nuk kam justifikim. Dhe nuk me pelqen rehatia.

 

nese ky albin kurti dashka te vere ne jete mendimet abstrakte te "Gilles Deleuze" na mori lumi te gjithe shqiptareve....

 

po ne gjithe ata filozofe qe me parimet e tyre u ndertuan demokracite perendimore, kete budallin zgjodhi albini???? qe nuk e merr per reference asnje shtet perendimor????

keta qenkan delirante....te shkeputur totalisht nga realiteti.

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).