Punë e artistit Adrian Paci që konkuron për cmimin Artes Mundi. 

Kjo punë dhe të tjera janë në ekspozim në galerine "Peter Blum" ne NY, duke filluar më datë 2 Prill. 

41 Komente

Megjithese nuk duket mire ne kete foto, ideja eshte e bukur : tip tendence "shfaqja e kinemase ne pikture" (pikture eshte apo foto e "suvatuar"?). Pertej shfaqjes se te gjithe personazheve ne te njejten dhome me duket se ka dhe nje "fill historie", nuk merret vesh mire ketu nga cilesia e fotos, por duket se eshte diçka e tipit "ardhja e krusheqeve". Disa shprehje e poza jane "natyrisht" te arrira (ndrojtja - pritja - kurioziteti).

 M'pelqeka shume! 

Patjeter qe do shkoj ta shikoj!

M'kujto pak "The Four Freedoms te Rockwell"! Kete, Ardiani duhet me e qujte "The Nine Adetet" smiley

 

Ej, autor! Nuk e ka emnin Ardian, por ADRIAN PACI. Kujdes smiley

Cool, A ka ndonje adrese dhe ore hapjeje per kete galeri?

6:30 Peter Blum 526 W 29th St.

B shperndaje neper miq e artdashes sa per te balancuar c'ka tjeter serviret per art e kulture ne komunitetin shqiptar.

Peter Blum

526 West 29th Street
New York, NY 10001

Exhibition April 2- May 15

Opening reception April 2 from 6-8

Shume bukur.

(zotrules)  Dali eshte Piktor, ndersa ky eshte fotograf (videast, etj). jane jo vetem disiplina te ndryshme por edhe nivele te ndryshme. 

ka lind ne 69 dhe ekspoziten e pare e ka hapur ne 99. kur ka qene 30 vjeç dmth. duhet te jete bere artist rastesisht, se pastaj nuk ja ka nda me ekspozitave.

siduket e ka gjet stilin qe ha buke dhe po e bo telef.

cudi se te degjosh Pacin te flas ai e prezanton veten si piktor packa se njihet kryesisht per videot e instalacionet qe ka bere ne fillimet e tija ne skenen nderkombtare te artit. Paci artist ka lindur si ti thuash meqe vjen nga familje artistesh dhe nuk ishte rastesi qe u be i tille dhe goxha i sukseshem. Spo i jap pergjigje te metejshme idiotllekut tend qe ka hapur ekspoziten e pare kur ka qen 30 vjec.

 

 

dhe njehere se sia vlen te rri te te mbush mendjen ty per asgje e jo me per Ad Pacin por aty tek ai linku qe me nise mua te biografise nuk lexove gje "Selected Solo" "Selected Group Exhibitions" "Selected Bibliography" etj qe do te thote qe jo vetem Adriani po kushdo artist nuk mund te rreshtoj cdo ekspozite qe ka bere qysh se ka qen liceist as ka rendesi as tregon gje. kur ke marr pjese ne aq ekspozita me vlera nderkombtare e me the e te thash nuk rreshton tere ekspozitat qe mund te ket marr pjese Paci ne fillimet e tija si ne Shqiperi si ne Itali se i eshte dasht shume kohe, pune e mund te arrij tek kto qe ka rreshtitur aty. mos u bej kaq i trash! 

 vihen studimet po ti kete pasur ne lice artistik ose akademine e artit. nuk ka vene gje, sepse nuk eshte piktor, dhe ne ate kohe ne shqiperi nuk ka pasur as aparat fotografik e as kamera, dmth keto veglat me te cilat ben art sot.

ky ben te njejten gje si ai "artisti tjeter shqiptar kontemporan" Anri Sala qe ekspoziten e pare me sukses (ose çmimet e para kombetare dhe nderkombetare) i ka me 1998 (nje vit para ketij Pacit). 

pra nuk eshte çudi qe ky djali ta kete pasur kete Anrin si model ose udherrefyes ne rrugen e tij artistike. smiley

vetem se arti i tyre eshte efemer. 

i ka pasur studimet si ne lice si ne akademi te artit. ka qene zgjedhje e tija pse nuk i ka vene ashtu sic nuk ka vene qe sot jep mesim ne akademi arti sa ne Itali e neper bote gjithandej.

tani shihi pak kto pikturat e tija dhe me thuaj i bej dot un apo ti qe skemi studiuar ne akademi arti? Adrianit dhe videot i duken si piktura dhe vizualiteti i tyre eshte teresisht i bazuar mbi pikturen. mos e sill Salen ne kte muhabet se eshte tjeter per tjeter. 

http://www.artnet.com/artwork/425486525/...

www.francescakaufmann.com/gallery/viewer/040paci%20adrian/works/145_Decameron.jpg

www.francescakaufmann.com/gallery/viewer/040paci%20adrian/works/192_backhome.jpg

www.francescakaufmann.com/gallery/viewer/040paci%20adrian/works/152_WorkersLOW.jpg

www.francescakaufmann.com/gallery/viewer/040paci%20adrian/works/129epassages.jpg

Po na vdiq pra admini... nuk themi dot as qe i lumte dora AdNianit.

nejse, po e riprovoj, me nje shqipe jo-labe: Te lumte dora o Adniano. (nuk i rezistoj dot: "in jor fejs Dalia!&quotsmiley

Shume bukur, do i hypim trenit e do shkojm ta shofim.

Duket sikur nuk ka levizur fare venit dhe i ka shkrep nga e njejta pike e dhomes..

 

kjo menyre paraqitjeje te konceptit quhet "STORYBOARD"

shume  e bukur

Ej, mund te na sjelle ndonjeri/a nga ata qe do te shkojne ta shohin ndonje mbrese nga ekspozita (me falni per togfjaleshin e konsumuar "mbrese nga ekspozita&quotsmiley ? Flm smiley !

 ne fakt ajo nuk eshte ekspozite per te pare por per te blere. 

sepse ekspozuesi eshte galeri arti (dyqan pikturash) dhe jo ekspozite pikture si psh salloni vjeshtes, muze, etj, qe organizojne kryesisht entet shteterore te kultures.

ne keto galerite ka njerez me shumice e sidomos kurreshtare, vetem diten e vernisazhit. me pas hyjne vetem ata qe duan te blejne. per me teper atmosfera e ketyre vendeve i fut ne veshtiresi te pamesuarit, siç eshte rasti i shqiptareve qe shkojne ne "spektakle" te tilla veç per patriotizem.

siç eshte rasti i shqiptareve qe shkojne ne "spektakle" te tilla veç per patriotizem.

normalisht kjo do ishte plotesisht e vertete (dhe vlen ndoshta per 50% te atyre qe do tregojne koken sonte) por fakti qe Paci apo Prejlocaj jane shqiptare apo me origjine shqiptare vetem siguron besnikerine time per aktivitetin e tyre --- domethene qe ti ndjek rregullisht. E permend Prejlocaj sepse shpesh here kam vene ne pyetje nese eshte patriotizmi qe me shtyn te blej nje bilete $150 per shfaqet e tij...nderkohe qe per nje vallezim te Toni Dovolanit do kerkoja te paguhesha aq. Nuk mund te paguaj nje shume te tille per cdo shfaqe qe do deshiroja te ndjek (dhe ka shume ne NY) por tek Prejlocaj patriotizmi sikur funksionon te me heq hezitimin edhe pse do te paguaja ndoshta dy here aq sikur te qellonte te ishte japonez. Fakti qe eshte me origjine shqiptare eshte vrima e fundit e kavallit per mua.

 edhe per prelocajn patriotizmi te shtyn.

per ta provuar, mundohu te paguash po aq per nje tjeter korreograf po aq te njohur sa ai.

ndersa ata shqiptaret e thjeshte qe shkojne e shohin valltare shqiptare qe nuk i njeh kush perveç ne shqiptareve, perveç patriotizmit e kane dhe qejf muziken e tyre. bile me shume i shtyn qejfi sesa patriotizmi.

ose si me thene, ti kur shkon dhe sheh preljocaj, kerkon te perfitosh ne krenari, prej suksesit te tij nderkombetar. kerkon te ndjehesh mire mnjf.

edhe ata shqiptaret po ashtu kerkojne, vetem se ai qe perfiton me shume ne kete mes eshte kengetari dhe jo ata. du te them se lidhja e tyre eshte me direkte, me e vertete, me e sinqerte, sesa tendja me prelocajn. 

sepse ky nuk ta DEDIKON gje shfaqjen e tij. per te tjere burra e ka pergatitur ate. kjo mund te thuhet edhe per kete artistin ketu.

  

 

ja qe dhe kam paguar shuma aq te medha... si per koncerte, balet, e teater ku nuk ka pas fije shqiptari qe te me bej te ndihem krenare. une ne pergjithesi ndjek cdo gje sikur ta ma kishin DEDIKUAR mua... sepse e shoh veten te denje per te qene nje nga ato "burrat" por edhe me teper.

Fin, Ad Paci ka nje si tip fiksimi me disa momente kyce te jetes, dasmat, vdekjet, dhe percjelljen, apo trashegimin e identitetit nga nje gjenerate tek tjetra. Kjo ekspozite me duket se ishte fokusuar ne nje fare menyre tek te treja. Ne hyrje, djathtaz, projektuar ne nje cohe varur ne mes, nje femije ishte kapur ne kohe. Ka disa momente te kameres ne levizje qe kapin nje objekt te shtrire ne nje fragment kohor brenda casti te vetem. Nje fragmet i kondesuar ne nje cast. Femija qe vrapon mbi guralece dhe vete guralecet, pemet dhe qielli ne sfond te shperthyer ne ngjyra impresioniste, ala Monet, apo Cezane, fale kesaj teknike te kondensimit te nje fragmenti kohor ne nje cast te vetem, fale kondensimit te nje akti te plote, brenda thjesht nje gjesti.

Ne sallen kryesore, mbeshtetur ne murin kryesor, nje rrote gjigande prej druri me rreze nje meter. Rrota perbehej nga kater rrathe me te njejten qender, rrethi i pare bosh, mu nd te dukej muri pertej ku rrota ishte mbeshtetur, rrethi i dyte i pavizatuar, thjesht druri, rrethi i trete kishte te vizatuara disa takime mes burrash tipike shqiptare, ku me qeleshe ku pa qeleshe, vizatuar ne te tille menyre qe kembet e cdo takimi perfundonin ne qender te rrethit, nderkohe qe kokat e cdo njeriu qe takohej, tentonin te dilnin ne diameter te rrotes, dhe rrethi i katert serish i pavizatuar, ku ishin vendosur ne barazlargesi gjashte vida te medha. Mua me beri pershtypje dhe doja ta shihja te njejten pune edhe ne nje sofer. Mirepo si te thuash, i nxorra tjeter kuptim, kur dikush vuri ne dukje qe ky objekt, kjo rrote gjigande, mund te kishte funksion tavani prej nga mund te varej ndonje abazhur. (Kishim vendosur mos ia merrnim mendimin autorit). Duke pare qe do me duhej te beja sperdredhje per te pare figurat e takimeve qe ishin me kokposhte, kuptova qe gjesti ishte percjelle tek une. Vura re se kushdo vizitor duhet te bente gjeste deri gati gjimnastikore apo akrobatike per te hyre ne kontakt dhe per t'u takuar me kete objekt qe perfaqesonte takime.

Po ne sallen kryesore, ne muret anesore, nga nje krahe, dy tulla te vendosura mbi nje suprine, ne kend me njera tjetren, ku dukej se perfaqesohej po i njetji djale qe ishte ne sallen e pare, vizatuar kesaj rradhe mbi keto tulla, dhe jo projektuar. Perballe tullave, nje vizatim ne leter i po te njejtit stil, ku teknika impresioniste e pointilizmit vinte nga pixelizmi, derdhej ne pointilizem dhe kthehej serish ne pixelizem bardhe e zi ku ishte kapur nje vajze duke vrapuar. Sikur vajza te dilte nga korniza dhe te vazhdonte te vraponte ne mur dhe ti ta ndiqje kete gjest me sy, do arrije ne nje pike te dhomes as dy tre metra larg vajzes, ku ishin ne toke nje pale kepuce te bronxta. Kjo rruge te conte ne nje kthine, ku si ne kthinen e pare, kishte tashme kater projektime. Me xhirim shume te ngadalesuar, ne projektimin e pare, shihje profilin e nje nuseje (qe here me behej si nuse here si Motra Tone) kamera largohej ngadale dhe nje grua e vjeter, po aq ngadale, me duart te sigurta i ndryshonte pozicionin nuses per ta bere gati per ndonje poze. Ne projektimin e dyte, e njejta nuse, me xhirim po aq te ngadalesuar, ne kembe, duke dale ne fotografi me nje djale, dikush qe i rregullon jaken e kemishes djalit, dhe djali qe i rregullon balluken si me keqardhje faqen nuses. Ne projektimin e trete, e njejta nuse, por duke e puthur nje djale tjeter. Ai e puth, i ve doren mbi faqe, i afron faqen me fen e tij, kerkon qe ajo ta puthe, por kjo nuk ndodh. Ketu xhirimi i ngadalesuar fiton nje sensualitet dhe nje seksualitet te plote qe tek dy projektimet e para vetem sa ishte gjestikuluar. Ndersa tek projektimi i katert, vihet re dicka krejt e vecante. Eshte nusja ajo qe ka filluar gjestet. Ajo nuk eshte me ne rol pasiv, e rregulluar nga duart e plakes, vellait, apo duart dhe buzet aktive te burrit. Ajo tashme ka ne krahe disa femije, te cilet i puth lehte, ngadale, me xhirim te ngadalesuar, dhe te cileve iu zgjat nje buqete me lule. Kjo pune quhej Gjestet e Fundit. Kur del nga kthina dhe shikon serish kepucet e bronxta, kupton qe ato ishin kepucet e mblesit.

Dhe e fundit, ne kthinen tjeter, prapa barit, Lokja, shoqeruar nga poema Lokja e Ndre Mjedes. Nje skene, apo fragment filmi dasme, Adriani e ka ndare frame by frame, dhe cdo frame e ka vizatuar bardhezi, rreth njezet te tilla, ku e para duket nje Loke me shami te zeze, duke te pare ty tek e shikon, me drite hijet qe i bien ne forma te ndryshme, e megjithate pothuajse e njejta poze, e shkeputur, e ndare, e vecuar nga hareja qe derdhet diku ne sfond, duke pare e vetme diku drejt Grim Reaper, drejt nesh.

Atmosfera e ngrohte, birrat e ftohta, por me twistcap ku dhe cava gishtin.

 a i bleve gje ?

Ku kom pare une te blej nje Adrian Paci mer daje. Mos fol budallalliqe. Ad Paci blehet nga kolektore (ashtu, koleksioniste, doja me thone) serioze, muze, apo institute te afirmume.

 e kisha me ironi. smiley

tashti dua te te bej nje pyetje (thelbesore) ne lidhje me artistin (artin e tij ne fakt e jo personin e tij) :

pse ky merret me motive shqiptare. psh filmon nje dasem shqiptare dhe jo nje dasem italiane apo amerikane ta zeme. si mendon ti ?

Po ai Shqiptar eshte mer jahu. Ne ate ambjent eshte rrit. Ato dasma ka pa. Makines se nuses ne Shqiperi i ka shku me vrap per mbrapa. Thelen me te modhe te mishit qe ka pa ndonje here, ne dasem Shqiptare e ka pa per here te pare. Ku eshte thelbi i kesaj pyetje? Ne qofte se eshte thelbi me nda artistin nga personi, bujrum deri me i fare veni, po ne thelb te cdo artisti eshte nje njeri, me gjykime dhe paragjykime qe jane sa njerezore aq dhe artistike.

Edhe dicka tjeter.  Nuk e di per dasmat italiane, por per dasmat amerikane, po ke pare nje, i ke pare te gjitha.  Veri-jug-lindje-perendim.  Ndersa ritet ne Shqiperi, te pakten pa u perendim-uar akoma, kane vecorite e tyre, dhe shumellojshmeri krahinore.  

Ne US ndodhin edhe "gjera ndryshe."  Pashe ne televizor para ca kohesh nje dasem qe u be ne nje dyqan ku shiteshin mjete gjuetie.  Po shikoja se mos gjeja linkun dhe kur vura ne google "couple gets married ..." opsionet qe dalin te lene pa fjale ...  

 pergjigjen tende e pritja.

ai ka tashme vite qe jeton ne itali. nuk eshte me i vogel me gjurmuar makinen e dasmes, pra mendoj se mundet fare mire qe ete eksepriencen e tij te re italiane ta hedhe ne veprat e tija te sotshme. 

por jo ai nuk do ta bej dot, gjithashtu une vej bast me ty, qe ai edhe pse kurre nuk do te shkoje me te jetoje ne shqiperi, ai tere jetes se tija, po me motive shqiptare do i ngjyrose veprat. PSE ?

po ta jap pergjigjen vete, qe ne fakt gjendet "shpjeguar"  tek filmi Borat :

e ke pare besoj filmin, te kujtohet kur ajo familja amerikane çfare nuk i pranonin atij gazetarit kazak (edhe kur u solli mutin ne qese mbi tavoline ku po hanin buke), vetem e vetem si "diferencim kulturor" (dmth kulture e huaj e ndryshme nga jona, qe edhe pse e çuditshme ose e pakuptimte, meriton njohje, perkrahje dhe pse jo mbeshtetje). vetem kur ai u solli ate prostituten zezake ne shtepi, ata menjehere e flaken jashte, ngaqe tani ai i kaloi limitet e atij "diferencimit kulturor", sepse per ta zezakja ishte argument i njohur, i konsumuar, i pariparushem, e nuk perbente me ate "misterin ekzotik oriental" me te cilin i vishnin mikut te huaj te gjitha karlliqet.

po keshtu dhe me kete artistin tone. ai ME QELLIM nuk u flet te huajve me gjuhe UNIVERSALE, por ka nevoje edhe per nje çike atdhe. per ta mistifikuar edhe me vepren qe paraqet tek ata, per ta bere ate me folklorike ose ekzotike, per rrjedhoje me te pranueshme.

sepse diten qe do te beje motivet e tyre, do ta flakin jashte si ate boratin me zezaken. 

ketu po shtoj edhe ( per parulla armiqesore me te cilin debatova me lart) dallimin e preljocajt me artistet e tjere te njohur shqiptare, duke futur tek ta edhe kadarene. 

preljocaj eshte i vetmi (nga keta te njohurit ne bote) qe flet me gjuhe universale 100 %. eshte i vetmi qe trajton subjekte qindra here te trajtur nge te tjere (jo shqiptare)  para tij siç jane Romeo dhe Julieta, Siddarta, Borebardha e plot te tjere. se edhe kadareja ka nevoje "ti perlyeje" veprat me krahinalizem megjithese veten e fut tek kasta internacionale e shkrimtareve, pra ne fakt ai nuk e quan veten popull (te cilin folklori padyshim e mban gjalle).  

 

Kjo eshte absolutisht e pavertete. Paragjykimet e tua thjeshte sa vene ne dukje mungesen tende te informacionit. Paci punon me shume subjekte te cilat nuk mund te klasifikohen si vetem shqiptare. Te kujtoj nje pune, nder me te rendesihmet, dhe me te vleresuarat te tij, te blere nga MOMA, nje video, ne nje aeroport, ku ne shkallen qe te con tek avioni hipin nje grup burrash, meksikane, nese nuk gaboj, e qe avion nuk ka. Kjo pune trajton problemin universal te emigracionit, te cilin Paci, po te ishte ahstu si thua ti, do e merrte thjesht si problem shqiptar. Madje jo vetem qe nuk e ka trajtuar thjesht si problem shqiptar, por ka bere kujdes te mos bjere as pre e nje universalizmi fallso, ka bere kujdes qe keta burra qe hypin ne nje avjon qe nuk eshte, te mos jene te te gjitha rracave, si United Colors of Benetton, por t'i perkasin vetem nje demografike te vecante, demografia meksikane, brenda nje problemi universal.

Puna e Pacit nuk eshte ekzotike. Nuk eshte subjekti ai qe e ben nje pune ekzotike apo jo, por menyra se si e trajton subjektin. Dhe Paci eshte jashtezakonisht i kujdesshem per kete, perndryshe, gjynah qe nuk paska lexuar Hajdarin francez te PPUse, qe dhe te merrte pak mend.

Po domosdo qe s'prisje deri javen tjeter, se do qerajse smiley.  (Meqe ra llafi, me mua s'lahesh me nje birre, me llogarite e mia, i bie shume me shume se nje) smiley

Flm per shpjegimin, me pelqeka si koncept smiley.  Can't wait. 

Po mire, edhe dy, me shume se nje jane.

T'faleminderit Lulian, m'u duk sikur e pashe vete smiley ! Ne fakt une ia njoh ngapak vepren. Me ka pelqyer gjithmone menyra sesi e koncepton ai traditen, sesi e zberthen dhe e rimberthen me menyren e vet. Pastaj seç kane edhe diçka prej lojes punet e tij, biles edhe kur jane te mallengjyeshme (disa me duken vertet te tilla). Duket qe i perjeton ne menyre te shendetshme ndjesite qe i percjell e kaluara.

Fin, Nese ka njeri qe ka menduar mbi gjestin, kjo ishte ekspozite qe duhej pare. Nje fantazme qe clirohet nga arrestimi teknologjik i kohes; disa silueta pointiliste; pozicionet qe detyrohemi te marrim perpara nje objekti, qofte ky objekt nje njeri qe e takojme apo nje objekt i paidentifikueshem; rolet, aktive apo pasive, qe na transmetohen nepermjet kodit kulturor; dhurata; e me tej siluetat e zymta te Lokeve tek projektojne Vdekjen qe kane perballe: keto jane gjestet qe kishte kap Paci. Ishalla e ekspozon edhe ne Itali dhe ne Shqiperi kete ide. Ia vlen.

Me vjen mire qe te paska mbushur kaq shume! Jane te pakte artistet bujare ne kete drejtim: zakonisht veprat e artit kane nje efekt paralizues mbi spektatorin.

Punë e artistit Adrian Paci që konkuron për cmimin Artes Mundi. 

Kjo punë dhe të tjera janë në ekspozim në galerine "Peter Blum" ne NY, duke filluar më datë 2 Prill. 

 

O Parulla ...

Kjo e paraqitur ketu eshte nje punim ne forma kompozimi apo shume pune te montuara ne nje foto ???????

Forma kompozimi, eshte nje si tip muraleje, me nente skena nga nje dasem.

Nuk eshte subjekti ai qe e ben nje pune ekzotike apo jo, por menyra se si e trajton subjektin.

pyetja qe te bera une ishte : pse nuk trajton tematike italiane ky artisti ? aq me teper kur ti po thua qe nuk eshte subjekti ai qe e ben vepren ekzotike, por trajtimi i tij.

e une te thash, se pikerisht qe ta beje punen e tij ekzotike (origjinale), me qellim qe ta diferencoje ate nga artistet e tjere te shumte qe bejne TE NJEJTEN GJE (punojne ne te njejten menyre, kane te njejtat shije, perdorin teknika e mjete te ngjashme e qe perbejne kurdohere shumicen) si ai.

ik e shif se çfare ben Anri Sala, shume me i njohur ne arenen nderkombetare nga ky Caci. ben te njejten gje, video dhe kaptura nga keto videot te cilat ne permasa gjigante, salla elegante e te ekzpozuara me shije, te vendosura ne korniza te shtrenjta marrin vetvetiu vlera artistike bashkekohore, megjithese kjo nuk i ben keta vangoga. keta lloj artistesh quhen artiste zyrtare qe i ka çdo epoke artistike. keta tematiken e vjeter e shprehin duke perdorur teknollogjine me te re, ate te kohes. bashke me kete ose me moden qe i sjell keta zhduken edhe vete pasi e kane te pamundur te bejne gjera me peshe. (nejse se ketu nuk do te ndryshoj dot shijet e tua, e kam te qarte)

gjithashtu une nuk po them qe keta nuk vlejne, qe jane njohur me pa te drejte, qe e kane ozurpuar njohjen, etj. po them qe arti i tyre eshte EFEMER, ai nuk do ti qendroje kohes bile kerkesa e sotme ne tregun e artit ka ndryshuar (shih pak tek siti i galerise, ne 97-ten i ka artikujt e fundit, qe shkruajne per punen e tij, ky artisti). veprat e ketyre do te dergjen neper hangare (shteti francez i ka me mijera punet qe ka blere, nga artiste qe sot jane harruar e nuk i njeh me njeri, ndersa Pikasos nuk i bleu asnje pune te vetme, imagjino) deri sa koleksionistet e tyre ti qisin neper ankande e ti shesin me solde, po munden, siç shiti Kenzo, akoma sa s'qe vone, te gjithe koleksionin e tij te mbushur me art te tille kontemporan dyshues.

ps: gjithashtu kur thua qe kam mungese informacioni, gabohesh. une tere jeten time e kam kaluar ne ambjente artisti (piktori), fati ka qene doreleshuar ne kete drejtim, e me muhabete te tilla (dmth mbi artin) kaloj kohen. smiley

"po them qe arti i tyre eshte EFEMER"

"Even the Mona Lisa is falling apart." Tyler Durden.

Ca domethene art qe nuk eshte efemer? I vetmi art qe nuk eshte efemer eshte arti qe krijohet nga nje material qe i reziston kohes. Perndryshe Homeri eshte efemer, apo te pakten ai Homer qe nuk eshte regjistruar, Sofokliu, Virgjili, Leonardo, even the Mona Lisa is falling apart. Ky projektimi i perjetesise qe bejme ne tek arti, gjithashtu eshte efemer.

Ti me pyete pse nuk trajton tematike italiane, une te thashe qe ka trajtuar jo vetem tematike italiane, por edhe tematike amerikane. Dhe jo, Paci nuk ekzitifikon per te krijuar identitet te vecante, apo per te pasur origjinalitet. Paci ka nje estetike te vecante, qe nuk mund te konsiderohet ekzotifikuese, pikerisht sepse e sjell subjektin ne nje trajte shume te vecante, Paciane, dhe jo ne hullite e zakonshme te ekzotikes.

p.s. nese ti do kishe informacion, nuk do pohoje qe, "ai tere jetes se tija, po me motive shqiptare do i ngjyrose veprat," pasi ai ka shume vepra te pangjyrosura me motive shqiptare. Ka madje edhe vepra me motive italiane (per kete shiko tere punet qe ka me motive italiane te tradites se Dekameronit me informim nga Pasolini). Perderisa ti vazhdon dhe kembengul qe nuk ka, atehere ti nuk e ke informacionin e duhur.

 mona liza mund te thermohet, thuj atij Durdenit, por Leonardon e njohin dhe qent e kines, jo me njerezit. pastaj po te mos ta njihnin as ky bukurosh nuk do ta kish permendur. 

pra kjo e ben artin jo efemer. 

dmth kur edhe pas vdekjes, artisti ose veprat e tij jane REFERENCE e qyteterimit boteror. 

gjithashtu ti me duket nuk po me kupton drejt (jo se une e kerkoj kete gje me detyrim heee). une te flas per ekspoziten prezent, ti me flet edhe per punet e tjera te tij me tematike te larmishme (qe une per mungese informacioni nuk kam dijeni). 

ai galeristi me emer çifuti, ka pervoje se ndryshe do ta kish mbyll butikun qyshkur. kur ketij artisti i zgjedh vetem tematiken shqiptare, eshte se mendon se kjo ka me vlere ose paraqet me interes per klientelen e tij.

a po kupton qe ne fakt eshte NJESOJ !

ta zeme se artisti i propozon galerise tematike te tij te larmishme. kur ky i zgjedh ate shqiptaren eshte po njesoj (ne raport me spektatoret, njerezit, me historine) sikur ne fakt artisti te kish bere vetem pune te tilla. 

bile kjo ZGJEDHJE e imponuar nga lart (prej galerise ne kete rast) e detyron dhe vete artistin te "korrigjohet" me vone, dmth ai fillon e i perkushtohet vetevetisht qe sot e tutje vetem asaj tematike qe perben interes per galeristet e tij. POR kjo tutele, qe fillon pak nga pak e i behet si natyre, edhe e KUSHTEZON ate vete bashke me artin e tij, duke e lidhur detyrimisht me nje epoke te caktuar, me nje tematike te caktuar, me nje klientele te caktuar, me nje shije te caktuar, e me gjere. 

te shpjegova me kete rast edhe ate, se nga e di une qe ky artist nuk do te levize më prej tematikes shqiptare. 

 diskutimi me ty ishte ne fakt interesant. naten !

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).