Në një intervistë për Zërin e Amerikës ligjvenësi demokrat nga Nju Jorku Eliot Engel, bashkëkryetar i Grupit për Çështjet Shqiptare në Kongresin amerikan, bënë thirrje që palët në Shqipëri ta zgjidhin vetë krizën politike.  Si një vend që kërkon të anëtarësohet në BE,  në Shqipëri duhet të ketë stabilitet, thotë ligjvenësi amerikan. Ndërsa përsa i përket zhvillimeve të fundit në Kosovë, lidhur me korrupsinin, zoti Engel thotë se çështja e imazhit është shumë e rëndësishme për Kosovën si një shtet i ri që përpiqet të sigurojë njohje.

 

Zëri i Amerikës: Zoti Engel si bashkëkryetar i Grupit të Ligjvenësve për Çështjet Shqiptare në Kongres, pas anëtarësimit të Shqipërisë në NATO dhe pavarësisë së Kosovës, sa ka ndryshuar roli juaj në Kongres, kur bëhet fjalë për çështjet shqiptare?

Eliot Engel: Siç e dini unë jam themeluesi i Grupit të Ligjvenësëve për Çështjet Shqiptare në Kongres para 20 vjetësh dhe kam qënë vazhdimisht bashkë-kryetar i grupit, ndërsa të tjerët janë ndryshuar herë pas here. Para 20 vjetësh, kur filluam, njerëzit as nuk e dinin ku ishte Kosova, ata mund të kishin dëgjuar emrin, por nuk e dinin ku binte, ndërsa Shqipëria shihej si një vend i largët, i mbyllur, i kontrolluar nga komunistët. Sot situata ka ndryshuar. Siç thatë ju, Shqipëria është krenare që është anëtare e NATO-s, Kosova është krenare që është e pavarur. Shpesh u them miqve të mi amerikanë, se kudo që të shkojnë në botë, nuk do të gjejnë miq më të mirë se sa shqiptarët, por ashtu edhe shqiptarët nuk kanë miq më të mirë se amerikanët. Kur shkoj në Kosovë ose në Shqipëri, shoh njerëz dashamirës, njerëz që më thonë se e pëlqejnë Amerikën dhe duan të jenë aleatë të Amerikës.

Roli im sot nuk është më të edukojë njerëzit për Kosovën ose Shqipërinë, por të merrem me çështjet që janë të rëndësishme për këto dy vende. Për shembull unë kam kërkuar me këmbëngulje që Shqipëria të anëtarësohej në NATO. Sa herë ka pasur dëshmi, ose sa herë më është dhënë rasti, unë kam folur për rëndësinë e anëtarësimit të Shqipërisë në NATO. Sot kjo është bërë realitet. Tani po punojmë për Shqipërinë që synon të anëtarësohet në BE dhe një ditë edhe Kosova do të anëtarësohet si në NATO edhe në BE. Tani nuk ka më nevojë t’i bësh njerëzit të ndërgjegjshëm për Shqipërinë dhe Kosovën, por herë pas here duhen kujtuar, që ta kthejnë vëmendjen tek këto dy vende.

Zëri i Amerikës: Shqipëria zhvilloi vjet zgjedhjet e para të përgjithshme, që pas anëtarësimit në NATO dhe është në procesin e anëtarësimit në Bashkimin Evropian. Por zgjedhjet janë kundërshtuar ashpër nga Partia Socialiste e opozitës e cila këto ditë, ka filluar edhe një grevë urije.  Si i shikoni ju zhvillimet e fundit politike në Shqipëri?

Eliot Engel: Unë besoj se shqiptarët duhet ta zgjidhin vetë situatën e krijuar politike. Nuk besoj se amerikanët duhet t’u tregojnë shqiptarëve se çfarë të bëjnë. Zgjedhjet siç dihet përfunduan me rezultat të ngushtë. Shqipëria ka një sistem demokratik. Procesi demokratik funksionoi. Njera palë sot kundërshton dhe ndjehet se rezultati nuk ishte i drejtë, pala tjetër thotë se ka siguruar mandatin për të qeverisur. Por këtë duhet ta zgjidhin vetë shqiptarët, jo t’u thonë amerikanët si të veprojnë.

Zëri i Amerikës: Por palët siç shihet nuk po arrijnë t’i zgjidhin mosmarrëveshjet. Si ndikon kjo situate për imazhin e vendit si një demokraci e qëndrueshme?

Eliot Engel: Do të ishte më mirë mos të kishte përplasje të tillë publike, pasi pa dyshim si një vend i ri anëtar i NATO-s dhe si një vend që kërkon të anëtarësohet në BE, do të ishte më mirë po të kishte stabilitet. Këtu në Amerikë ne patëm rastin e zgjedhjeve të vitit 2000, Al Gori ndaj presidentit Bush, që u kontestuan deri në fund dhe në përfundim ishte Gjykata e Lartë, që me një rezultat tepër të ngushtë, 5 me 4 vendosi në favor të presidentit Bush. Dikush më tha në atë kohë, që dallimi mes Shteteve të Bashkuara dhe shumë vendeve të tjera është se, në se ajo që ndodhi në Amerikë do kishte ndodhur në ndonjë vend tjetër, tanket do të kishin dalë në rrugë.

Në Shtetet e Bashkuara ne vendosim gjithshka përmes procesit kushtetues. Kjo duhet të ndodhë edhe me Shqipërinë. Kjo luftë publike nuk është e mirë për imazhin e Shqipërisë. Por përsëri unë nuk mund t’u them palëve çfarë të bëjnë. Ky nuk është roli im. Roli im është të siguroj sa më shumë ndihmë për Shqipërinë që të mundem, të bëjë sa të mundem për të focuar më tej marrëdhëniet e Shteteve të Bashkuara me Shqipërinë,  të siguroj fonde të qeverisë amerikane për Shqipërinë. Ky është roli im.

Zëri i Amerikës: Një koleg i juaj, ligjvenësi Delahunt, kryetar i Nënkomisionit për Evropën në Komisionin për Marrëdhëniet me Jashtë të Dhomës së Përfaqësuesve, përmes një letre dërguar kryeministrit Berisha, ngre shqetësimet e tij për gjendjen politike dhe ndër të tjera sugjeron edhe hapjen e kutive të votimit, Cili është mendimi juaj për këtë?

Eliot Engel: Çdo ligjvenës mund të japë mendimin e tij. Ligjvenësi Delahunt po jepte mendimin e tij. Ai nuk flet në emër të qeverisë amerikane dhe nuk përfaqëson qëndrimin e qeverisë amerikane. Ai bëri të ditur qëndrimin e tij, por duhet të jetë e qartë se ai flet për veten e tij.

Zëri i Amerikës: Dhe ju vetë, keni ndonjë mendim lidhur me çështjen e kutive.

Eliot Engel: Nuk besoj se roli im është t’u them palëve në Shqipëri çfarë të bëjnë. Ka njerëz që thonë se ato duhen hapur. Ka të tjerë që thonë se socialistët duhet të kthehen në parlament. Nuk më takon mua të përfshihem në këto çështje. Unë dua të vazhdoj të ndihmoj Shqipërinë pa marrë anën e njerit apo tjetërit në mosmarrëveshjet politike, ose të them se çfarë duhet të bëjnë shqiptarët. Kam plot shqetësime këtu në Shtetet e Bashkuara për t’i thënë qeverisë time se cila është rruga e drejtë që duhet të ndjekë për një sërë çështjesh, që nga reforma shëndetësore e të tjera. Nuk mund t’i them një vendi tjetër, një vendi mik,  se çfarë duhet të bëjë.

Zëri i Amerikës: Le të ndalemi tek Kosova. Kohët e fundit kanë filluar hetime ndaj Ministrit të Transporteve Fatmir Limaj nën dyshimet për korrupsion.  Kryeministri Thaçi, po ashtu ka bërë kritika të ashpra, ndaj institucioneve ndërkombëtare në Kosovë, si EULEX-si apo ndaj përfqaqësuesit civil Peter Feith. Si I shikoni këto zhvillime në Kosovë?

Eliot Engel: Korrupsioni është problem. Në Ballkan lufta ndaj tij duhet të vazhdojë. Unë kam folur me kryeministrin Hashim Thaçi dhe ai më ka thënë se e shikon me seriozitet problemin e korrupsionit dhe po e lufton atë. Korrupsioni është një problem me rrënjë të thella që nuk është e lehtë për ta çrrënjosur, është një problem i vazhdueshëm. Ne folëm për çështjen e imazhit dhe imazhi është  i rëndësishme për Kosovën si shtet i ri, që përpiqet të sigurojë njohje.  Nuk ka ditë në Uashington, që nuk përpiqem për Kosovën. Përditë flas me amabasadorë, ministra të jashtëm kryeministra, presidentë, që t’i bind për të njohur Kosovën. Dhe pa dyshim që çdo gjë që dëmton imazhin e Kosovës nuk është e mire. Ne theksojmë vazhdimisht që megjithë problemet, Kosova, populli i saj po punojnë shumë për të ndërtuar shtetin e ri. Por ka edhe një përqindje shumë të vogël njerëzish që bëjnë veprime të gabuara.

Unë jam mbështetësi më i madh i Kosovës në Uashington dhe jam krenar për rolin që luajtën Shtetet e Bashkuara për pavarësinë e Kosovës.  Unë isha në Kosovë ditën e pavarësisë më 17 shkurt dhe të nesërmen, që ishte ditëlindja ime, kjo kishte dalë në gazetë. Për mua kjo ishte dhurata më e mirë për ditëlindje. Gjerat në Kosovë po shkojnë mirë. Korrupsioni gjithmonë duhet çrrënjosur. Por unë nuk dua që korrupsioni të jetë lajmi nga Kosova, unë dua që përparimi drejt së ardhmes të jetë lajmi nga Kosova. Shumica e vendeve evropiane e kanë njohur Kosovën. Janë gjirhsej 66 vende që e njohin shtetin e ri dhe ne do të vazhdojmë përpjekjet që edhe vende të tjera ta njohin Kosovën.

Zëri i Amerikës: Kohët e fundit ka patur sërish zëra për mundësinë e ndarjes së Kosovës si një prej zgjidhjeve në marrëdhëniet e saj me Beogradin. A mendoni se çështja e ndarjes apo shkëmbimit të territoreve mund të jetë një alternativë?

Eliot Engel:Jo. Mendoj se kjo është ide e keqe. Po të fillosh të shkëmbesh territore në Ballkan, kjo nuk do të ketë fund dhe mund të çojë në luftra ose vështirësi më të mëdha. Kosova nuk duhet të ndahet. Serbët në Beograd po luajnë një lojë të rrezikshme, çdo hap që hedhin është i kalkuluar. Ata duan ndarje, duan të mbajnë veriun, Mitrovicën, Trepçen, por kjo është e rrezikshme. Edhe në Serbi ka shqiptarë, në Luginën e Preshevës, ata do të dëshironin të ishin pjesë e Kosovës. Në se fillon ndryshimi i kufijve, ku do të përfundojë. Çdo të ndodhë me Republikën Serpska në Bosnje, çdo të ndodhë me kroatët në Bosnje, ata do të donin të lidheshin me Kroacinë dhe ajo që do të mbeste, do të ishte një enklavë e vogël boshnjake që nuk do të mbijetonte dot në se Bosnja shpërbëhej? Duhet shumë kujdes me këto.

Nga ana tjetër në Kosovë ka patur përparim me pakicën serbe. Njerëzit shpesh harrojnë se shumica e serbëve në Kosovë nuk jetojnë në veri, por në mbarë Kosovën. Ishte gjë e mirë që pjesëmarrja e serbëve u shtua në zgjedhjet në Kosovë. Gjithmonë flas me udhëheqjen në Prishtinë për rëndësinë e mbrojtjes së pakicës dhe se shqiptarët nuk mund t’i trajtojnë serbët, ashtu si serbët i trajtuan shqiptarët gjithë këto vite. Në përgjithësi qeveria në Kosovë po bën një punë shumë të mire për t’i integruar serbët në shtetin e ri. Unë nuk jam në favor të ndryshimit të kufijve.

29 Komente

Aaaa pse ky Delahunt e paska pas mendim personal ate qe duhet te hapen ca kuti eee,e shef ti qe keta socialistet paskan genjyer kur thane qe Amerika ka thene hapni kutite? Ne fakt mire e ke ti se dhe nje kongresmen nga Libofsha i PS te hapen kutite tha kur u zgjodh Bushi President.

 

Eliot Engel: Unë besoj se shqiptarët duhet ta zgjidhin vetë situatën e krijuar politike. Nuk besoj se amerikanët duhet t’u tregojnë shqiptarëve se çfarë të bëjnë. Zgjedhjet siç dihet përfunduan me rezultat të ngushtë. Shqipëria ka një sistem demokratik. Procesi demokratik funksionoi. Njera palë sot kundërshton dhe ndjehet se rezultati nuk ishte i drejtë, pala tjetër thotë se ka siguruar mandatin për të qeverisur. Por këtë duhet ta zgjidhin vetë shqiptarët, jo t’u thonë amerikanët si të veprojnë.

 

Eliot Engel: Do të ishte më mirë mos të kishte përplasje të tillë publike, pasi pa dyshim si një vend i ri anëtar i NATO-s dhe si një vend që kërkon të anëtarësohet në BE, do të ishte më mirë po të kishte stabilitet. Këtu në Amerikë ne patëm rastin e zgjedhjeve të vitit 2000, Al Gori ndaj presidentit Bush, që u kontestuan deri në fund dhe në përfundim ishte Gjykata e Lartë, që me një rezultat tepër të ngushtë, 5 me 4 vendosi në favor të presidentit Bush.

Në Shtetet e Bashkuara ne vendosim gjithshka përmes procesit kushtetues. Kjo duhet të ndodhë edhe me Shqipërinë. Kjo luftë publike nuk është e mirë për imazhin e Shqipërisë.

Zëri i Amerikës: Një koleg i juaj, ligjvenësi Delahunt, kryetar i Nënkomisionit për Evropën në Komisionin për Marrëdhëniet me Jashtë të Dhomës së Përfaqësuesve, përmes një letre dërguar kryeministrit Berisha, ngre shqetësimet e tij për gjendjen politike dhe ndër të tjera sugjeron edhe hapjen e kutive të votimit, Cili është mendimi juaj për këtë?

Eliot Engel: Çdo ligjvenës mund të japë mendimin e tij. Ligjvenësi Delahunt po jepte mendimin e tij. Ai nuk flet në emër të qeverisë amerikane dhe nuk përfaqëson qëndrimin e qeverisë amerikane. Ai bëri të ditur qëndrimin e tij, por duhet të jetë e qartë se ai flet për veten e tij.

A do ta degjoje maloku Rama kete aktivist te shquar te ceshtjes shqiptare?Nuk e besoj se ndryshe nga ky,Rames nuk i intereson Shqiperia dhe imazhi i saj,por pushteti.Sot "e pavarura" Anila Basha hyri ne greve urie duke na kujtuar, ne deklaraten e saj  vitin 1997...

Sa qejf ke te konspektosh! Sic duket ke qene i mire dikur ne konspektimin e veprave te Enverit . Cfare note e ke pasur marksizem leninizmin, po historine e PPSH-se? Mos me thuaj se te kane ngelur. hahahahahahahahahahahaha

ore, ca ka me u habit ktu xhanem? kjo pritshmeria prej te huajve eshte shume e hidhet per mu. E perdorim si tip barometri qe do na thote kush eshte levizja e radhes.

p.s. ca mund t'ju mesojne amerikanet me shume shqiptareve pas zgjedhjeve Bush vs. Kerry? Pati zona ku Kerry kish marre vota minus! pati rezultate dukshem te manipulume dhe ju la faji kompjuterave (por jo softit te perdorur). Mjaft njerez protestuan, kerkuan hetim po politikani  i pergjegjshem mbetet i tille. Kerry pranoi humbjen dhe kaq, histori e perfunduar.

Brado, Pas germimeve intensive, cer konkluzioni nxore? Patatina apo Lajthia? Do te thosha te ndiqje pisten e ujit me vitamina etc.

Ata kane 2 dite ne bisedime nentoksore mer cun. Ambasadori amerikan eshte gjithashtu pjese aktive e negociatave. Te henen ose te marten besoj se i mbyllin punet e veta dhe i lirojne robve bulevardin.

 

Me nje fjale Eliot Engel, ( paska heqe s per ti hyre politikes) thote qe vendosni vete, zgjidheni vete.

Presidenti e ka lexuar kete artikull?

Ka "intelektual" Shqiperia qe i kerkojne Presidentit te nderhyje per zgjidhje?

Kemi ne institucione qe jane siper partive ( parti= grupime politike me synim pjesmarrjen ne votime per zgjedhje ) qe duhet ti japin nje drejtim kesaj gjendje ngerçi ?

Pse Rama nuk merr komisioneret dhe i dergon ne prokurori , qe ato te tregojne se çfare ka ndodhur me 28 Qershor?

Pse Pd, nuk merr komisioneret e Ps-s dhe i dergon ne prokurori , per te deshmuar se çfare ka ndodhur me 28 Qershor?

 

... komisioneret mund te akuzohen vetem ne qoftese hapen kutite sepse aty jane edhe gjurmet, faktet!! kjo duhet te behet shembull per zgjedhje e tjera,deri tani nuk eshte denuar as edhe nje komisioner, me gjithse dihet qe ata kane ber trafik votash ne menyrat me te paligjshme dhe me te denueshme, por qe jane mbuluar sic jane mbuluar edhe me 28 qershorin e vjetshem!  

Keto ane-mbajtjet ketu te peshku te bejne per te vjelle nganjehere.

Boll se na vdiqet duke justifikuar sa njerin sa tjetrin. Keto forca politike te dyja kane nje pergjegjesi te madhe mbi shpatulla dhe jane drejpersedrejti fajtore per situaten e krijuar.

Populli e beri punen e tij, shkoj votoi si cdo qytetar Europian.

Boll i mbrojtet me kaq pasion sa edin sa saliun se na e shpifet.

Heu, qenka pe verteti.

Do bejne greve ne NY te ndryshoje ligji ne Shqiperi te behet si kushtetuta e Amerikes?  Po mire, si ndryshohet me referendum nga sistemi mazhoritar ne sistemin republike perfaqesuese, me zgjedhje popullore direkte te presidentit (pothuajse direkte ndermjet kolegjit elektoral.)  Se limiti per ate pune eshte vene.  

Ne e hoqem edhe nje fare votimi pothuajse te drejtperdrejte per parlamentaret, edhe u be me lista te S.B-se e te E.R.  

5- Duke u solidarizuar plotesisht me luften e veprimtarine e organeve ligjzbatuese dhe politiken shpetimtare te SHBA-se kunder terrorizmit dhe fundamentalizmit nderkombetar 

wth? :o

 

Nuk ka fare rendesi ca thote Engel apo kushdo tjeter ne bote. Na mjafton qe ai Delahanti tha qe duhet te hapen disa kuti. Te pakten te hapen dy-tri, dmth te clirohen nga burgu kutist disa vota tani qe jane futur ne burgun grevist disa individe te popullit shqiptar opozitar.

Gjithashtu kjo greva e urise para OKB-se duhet te ndodhe sa me shpejt. Shpresoj te behet dhe aty me cadra si para kryeministrise dhe njerzit te bertasen "dil nga kulla o Sali", apo duhet te thone "Bani" instead?

Gazetarja komplet e pavarur Anila Basha nga ana tjeter bravo i qofte qe do futet ne greve virgjerie per 24 ore ... urie desha te them, pardon.... greve urie.  Do futet gje Kokedhima valle ne greve urie per 1 ore e 22 minuta? Po Lubonja ca pret, pse nuk futet, se ky ka dhe pervoje me greve urie nga burgu?

Speaking of Lubonja, e pa njeri kete emisionin? Kishte ndonje gje interestorante apo hic?

 

P.S. Keto jane vertet gallata. Veshtire te thuash nese jane me shume per te qeshur, qare apo 10re. lol

Nga ana tjeter, kryekutisti pse u largua sot nga Shqiperia, qe ti shmangej takimeve me ambasadoret e huaj dhe me presidentin, apo vertet do beje ndonje takim te rendesishem tet-a-nent ne Bryyhhhksel?

 

P.P.S. Si ka mundesi qe akoma s'eshte botuar ne shtyp ndonje artikull me titullin Jam grevist (si ne rastin e ceshtjes homo-klodiste), ose me titullin Nje grevist bie ne spital ne Tirane, 22 te tjere ngrihen ne OKB?

Juve qe jeni ne meme-at-dhe, amanet kutine dhe Ruzhdine!

Ligjvenësi Delahunt po jepte mendimin e tij. Ai nuk flet në emër të qeverisë amerikane dhe nuk përfaqëson qëndrimin e qeverisë amerikane. Ai bëri të ditur qëndrimin e tij, por duhet të jetë e qartë se ai flet për veten e tij.

 

Po keto mediat e Rames TOP-i,News24,Vizion+,Shekulli,GSH etj ,se bashku me Leskajn,etj na cane koken qe Amerika tha keshtu e ashtu???????

 

 ketij amerikanit bravo i qofte per qendrimin.

 

solidar...

sa vota duhen per ta ndryshuar kushtetuten nese ka dyshime se pengon transparencen e zgjedhjeve?

sa vota duhen per te votuar nje gje te tipit

ligj kushtetues ....

neni 1 

te gjitha materialet zgjedhore jane te konsultueshme nga cdo i interesuar ne cdo moment. 

 

(nese berishes i shkakoton probleme dyshimi se mund te kete kundershime kushtetuta sot mbi transparencen e plote te procesit zgjedhor, nuk ka asnje problem qe te zgjidhet me kartona ne parlament)

neni 1 

te gjitha materialet zgjedhore jane te konsultueshme nga cdo i interesuar ne cdo moment.

No kidding! Nga cdo i interesuar? Ne cdo moment? Ne se ti gene, me gjen nje vend te vetem qe ka nje ligj te tille, atehere une do te jem i pari te shkoj ne greve urie para OKB-se. With all due respect, ky propozim qe po ben eshte nje nga budallalleqet me te medhaja qe mund te ekzistojne dhe me ler te shpjegohem perse.

Rinumurimi i votave, qofte edhe nje zone te caktuar kerkon para se gjithash ndjekje procedurash strikte, burime njerezore dhe financiare. E. Rama nuk u besoi 20,000 komisionereve te tij qe u paguan jo vetem per diten e votimeve por kushedi sa dite para e mbrapa tyre. Pse nuk na ekzistoka mundesia e vjedhjes se votes gjate procesit te rinumerimit? Perderisa kutite do te hapen, dhe sipas teje me kerkese te kujtdo dhe ne cdo moment kohe, atehere do te duhen me mijera njerez te besuar nga cdo parti (pyet Ramen sa e veshtire eshte t'i gjesh), duhet t'i paguash mire per gjate gjithe kohes (ku ta dish se kur i teket spartak ngjeles apo erion veliajt qe morren me pak se 1% te votave te ankohen per te rregulluar rezultatin smiley ). Shkurt muhabeti eshte nje gomarllek i madh. Mos u mundoni te shpikni rroten o njerez! Nuk i ngeli Shqiperise e shqiptareve te shpikin ligjet e demokracise. Ne gjithe vendet demokratike, kur partite pjesmarrese ne zgjedhje nuk bien dakord per rezultatin, paraqesin provat para gjykatave, dhe vetem gjykatat kane te drejte te vendosin ne se do te hapen kutite apo jo, dhe ne se po, kush do t'i numeroje. Eshte absurditet i madh fare, qe ne nje situate te tille kryetari i nje partie i drejtohet asaj te partise tjeter me "Hapi kutite ti ore, perndryshe ik nga pushteti!" As me behet vone fare kush iken e kush rri ne pushtet ne Shqiperi - une s'jetoj ne ate vend. Por ama, eshte edhe e veshtire te shohesh nje marrezi kaq te madhe dhe te mos shprehesh habine. Jo pak here ka ndodhur qe ai vend eshte marre me qafe pikerisht nga ata qe gjasme i qajne hallin popullit, kur ne fakt, i qajne hallin vetem pushtetit te tyre, parase se tyre, dhe jane gati t'i vene zjarrin atij vendi, duke perdorur keta syleshet e shkrete qe u vene nga pas si mish per top. Eshte per te ardhur keq se sa naive jane njerezit ne ate vend, sa te painformuar, e sa te manipulueshem.

Po, gene, ky qe na propozon eshte ligji, eshte zgjidhja! Lum si ne per keto mendje!

 

Përmetar, ke shumë të drejtë!

Nuk mund të bëhemi peng të kërkesave dhe tekave të një apo dy personave dhe t'i kënaqim ato teka sa herë t'i mbushet mëndja ndonjërit që të kërkojë "transparencë".

Por... në rastin konkret, nuk kemi të bëjmë me një apo dy personazhe çfardo që bëjnë një kërkesë të tillë, POR PËR GJYSMËN E PARLAMENTIT.

Nëse nuk ka forcë dhe gjysma e Parlamentit, ç'shpresë mund të kesh ti/unë/ai/ajo që të mund të na realizohet ndonjë kërkesë "e çuditshme" nga ana e qeveritarëve tanë?

Jo gjysma, por edhe sikur 3/4 e parlamentit te jete, perseri ceshtja ne parim eshte njesoj. Ne se gjate ndeshjes Inter - Bayern, te themi shenon gol Bayern-i dhe keto te Interit ankohen, cfare duhet te ndodhe sipas teje? Duhet t'i thone Arjenit, "ore do ta anullosh ate golin ti, apo te futemi ne greve urie ne?"  Situata eshte shume e ngjashme. Nuk ka kuptim t'ia kerkojne Berishes hapjen e kutive, hic fare! Nuk ka kuptim te bejne grevera urie per ta rrezuar nga pushteti, dhe pastaj t'i kerkojne qe te mbaje pergjegjesi per grevistet??? Jane gjera qe nuk kane piken e kuptimit. Ore une te shaj ne shtate breza ty, te them kryekriminel, hajdut, a ku di une se cfare, po degjo ketu - je i poshter po s'u kujdese nje cike per ne te greves?? Te duket serioze ty kjo? Une nuk e di, o rudete, por po bere sense ti nga gjithe kjo mesele, te lutem me ndihmo ta kuptoj dhe une... Mua deri tashti, jo se dua te ofendoj njeri, gjithe kjo histori s'me duket gje tjeter vec se nje debilizim masiv. Nejse, le te shpresojme qe me kohe njerezit te vine disi ne vete dhe te kuptojne qe kane qene mish per top. Eshte e pabesueshme ky lloj brainwashing kaq masiv. Demokracia u ka dhene mundesine njerezve te flasin lirisht, dhe pse jo, edhe te shajne lirisht. Por harrohet qe perpara se te flasesh duhet te kesh konsumuar te menduarit. Me duket sikur njerezit ne ate vend e konceptojne demokracine me te drejten e te folurit dhe ate te sharit vetem. Kur vjen puna tek te menduarit ua lene ate ne dore li-derrave politike. Kjo eshte aresyeja pse s'ben perpara ai vend. Thote li-derri "greve!", o burra greve edhe ne! Thote "digje", gati shkrepsen dhe dinamitin ne. Dhe pastaj ankohemi perseri e perseri se s'kemi politikane per te qene. Pikerisht, ashtu! Ne jemi te mrekullueshem, keta politikanet e dreqit s'merret vesht nga ngjane.Do jene dobica me siguri, se gjithe kjo race e zgjuar ne, s'ka mundesi!

Nuk mund t'mos jem dakord me ty dhe me shembujt që sjell, por, për të ndenjur në ambjentin futbollistik, pak rëndësi ka nëse i gjithë stadiumi dhe 3/4 e botës e shikojnë që mano di Dios bën një gol... në fund të fundit, është apo s'është gol, atë e vendos arbitri.
Është pikërisht pushteti që i mvishet arbitrit, ai që i jep të drejtë atij që të Vendosë se çfarë është e drejtë dhe se si duhet të jetë ajo (pamvarsisht rregullave dhe ligjeve të mirpërcaktuara që më par&eumlsmiley.

Arbitri në fushë bën ligjin. Nuk është ligjvënës, por fjala e tij nuk diskutohet.

A vlen ky shembull (futbollistik) dhe për një Parlament?!
Nuk e besoj!

P.s: Nuk po flisja për grevën... sepse për mua, që mendoj se e vetmja kalkolatriçe, që zgjidh disa lloj hesapesh, është pushka, këto mënyra proteste janë të papërshtatshme për një vënd pa kulturë futbollistike smiley

Permetar.

Me duket krejtesisht e kote te zgjatemi ne arsyen e ligjit , e ate mbi ligjit.

Ka 10 muaj qe diskutohet mbi bojkotin e Rames dhe nuk ka levizur 1 cm çeshtja, as majtas as djathtas.

Ne pamje te pare duket sikur Pd-ja eshte ne avantazh mbi Ramen sepse ka mbeshtetjen e ligjit, e kunderta e Rames qe nuk ka kerkuar asnjeher kete mbeshtetje.

E ne fakt per mendimin tim eshte Rama ne avantazh, eshte Rama qe po ben politike, ndersa Pd-ja ose me mire te themi Berisha nuk ka arritur te gjej zgjidhjen politike. Nje figure politike si Berisha duhej patjeter te pergjigjej me te njejten menyre. Ne kete lufte per pushtet , ku politika e Rames  ka kaluar kufijt e ligjit, Berisha gabon qe kerkon te mbrohet pas ligjit.Po ti referohemi shembullit qe ke sjelle midis Bajern e Inter, kam pershtypjne se ajo qe kerkon Inter duhet te ishte " dilni nga fusha ta sqarojme se kush eshte me i forte", sepse Rama nuk lot ne fushe , ka dale jashte saj, dhe Berisha duhet te gjej menyren ti pergjigjet kesaj thirrje.

Ateher vijme tek ajo aksioma e famshme " mos me trego se sa i poshter eshte kundershtari yt, me trego sa i zoti je ti".

mos me trego se sa i poshter eshte kundershtari yt, me trego sa i zoti je ti

Qenka aksiome e famshme kjo eh? Po a s'na thua kush dhe si e beri te famshme kete aksiomen ne Shqiperi? Shiko cuno, vetem se degjove, lexove apo mesove dicka te re sot nuk do te thote qe e kuptove se c'dmth.

 Shiko cuno, vetem se degjove, lexove apo mesove dicka te re sot nuk do te thote qe e kuptove se c'dmth.

keshtu foli plaku i urte kinez qe dinte cdo gje, bile dhe numrin e fijeve te barit ne lendinen matane kodres...

Tt.

Nuk vij tek peshku per ta hequr ty lumturin e se kaluares, e te shtoj dhembjet e se sotmes.

Eshte nje artikull per Titon, ku e gjitha qe mund te mbledhen per figuren e tij eshte kjo; " Nuk i intersonte se si sillej kundershtari, e rendesishme ishte si e perballonte ai kundershtarin ".

Kjo eshte edhe shkaku pse quhen politikan te medhenj, politikan te vegjel, ose jopolitikan.

Gjithe keto diskutime per cfare that ky kongresmen i huja apo ai deputet europarlamentar. Cfare rekomandon (urdheron) ky udheheqes Evropian apo drejtues Amerikan. Valle kjo eshte pavarsia e shqiperise? Ne nuk bejme dot azgje pa mare ne fillim mendimin se cfare thote ai apo ai i huaj.

 

Per disa ketu apo  dhe jashte ketij akuariumi Shqiperi nje shtet de-jure i pavarur eshte ne rregull te  pranoj cdo lloj varesie nga te huajt, ndersa Kosova nje shtet de- jure akoma gjysme i pavarur nuk eshte ne rregull te kete varesine e atyre qe perpiqen ti japin pavarsine. Pse nuk krijohet nje Vetvendosje ne Shqiperi dhe te kerkoj nga Qeveria dhe politkanet shqiptare ti zgjidhin vete problemet e tyre dhe jo te behen kukulla pa llogjike e cfare thote/mondon/urrdheron ky apo i huaj.Pse nuk krijohet nje Vetvendojse ne kete ane te kufirit Shqiptar te kerkoj nga te huajt boll na dhate urdhera kontrakdiktore e na corodisni me keq se sa jemi te coroditur.  Apo sepse ne rojme vetem per aparence. Meqenese Kosova de-jure nuk eshte akoma e pavarur hajde te luftojme kedo e cfardo, edhe ata qe po perpiqen te na japin ndihme ne njohjne e pavarsise. Ndersa meqense Shqiperia eshte de jure e pavarur , varisia de-facto as qe ka rendesi fare.

 Përmetari - 8 Maj 2010 - 5:24am

 

No kidding! Nga cdo i interesuar? Ne cdo moment? Ne se ti gene, me gjen nje vend te vetem qe ka nje ligj te tille, atehere une do te jem i pari te shkoj ne greve urie para OKB-se. With all due respect, ky propozim qe po ben eshte nje nga budallalleqet me te medhaja qe mund te ekzistojne dhe me ler te shpjegohem perse.

With all due respekt, nuk besoj se ti je nga ata qe luftojne per parime qe mund te bien ndesh me interesin tend prej militanti (nuk eshte gje e keqe te jesh militant, eshte gje e keqe te mos jesh militant parimesh). Me kete rast e konsideroj lodhje te kote faktin se po te them qe une thjesht te tregova ne vija te trasha se problemi i antikushtetueshmerise nuk egziston (thjesht per kulture, "person i interesuar" nuk eshte shprehje per hartime po kjo ka pak rendesi)

Rinumurimi i votave, qofte edhe nje zone te caktuar kerkon para se gjithash ndjekje procedurash strikte, burime njerezore dhe financiare. E. Rama nuk u besoi 20,000 komisionereve te tij qe u paguan jo vetem per diten e votimeve por kushedi sa dite para e mbrapa tyre. Pse nuk na ekzistoka mundesia e vjedhjes se votes gjate procesit te rinumerimit? Perderisa kutite do te hapen, dhe sipas teje me kerkese te kujtdo dhe ne cdo moment kohe, atehere do te duhen me mijera njerez te besuar nga cdo parti (pyet Ramen sa e veshtire eshte t'i gjesh), duhet t'i paguash mire per gjate gjithe kohes (ku ta dish se kur i teket spartak ngjeles apo erion veliajt qe morren me pak se 1% te votave te ankohen per te rregulluar rezultatin Wink&nbspsmiley. Shkurt muhabeti eshte nje gomarllek i madh.

Ke perseritur ato qe the me lart e mua me takon te perseris se thjesht e vetem te tregova qe kushtetuta nuk eshte pengese. (nuk po flasim per ankesa per rregullim rezultati por per kontroll te rezultatit pasi eshte vulosur - ate qe thua ti e permban kodi elektoral edhe pse nuk u zbatua)

Fakti qe ti kalon nga ceshtja e kushtetueshmerise tek nje ceshtje e administrimit teknik (e financiar) te procesit te transparences eshte nje hap perpara qe po e shenoj si merite tenden.

Mos u mundoni te shpikni rroten o njerez! Nuk i ngeli Shqiperise e shqiptareve te shpikin ligjet e demokracise.

Shqiperise e shqiptareve i mbetet vetem te mendojne se si mbrohet sistemi demokratik ne kushtet ku ndodhen. Mbrohet nepermjet kontrollueshmerise se procesit zgjedhor e ndeshkueshmerise se shkeljeve.

 

Ne gjithe vendet demokratike, kur partite pjesmarrese ne zgjedhje nuk bien dakord per rezultatin, paraqesin provat para gjykatave, dhe vetem gjykatat kane te drejte te vendosin ne se do te hapen kutite apo jo, dhe ne se po, kush do t'i numeroje. Eshte absurditet i madh fare, qe ne nje situate te tille kryetari i nje partie i drejtohet asaj te partise tjeter me "Hapi kutite ti ore, perndryshe ik nga pushteti!"

Nuk me ka rene rasti te studioj TE GJITHE vendet demokratike por pak me siper u sqaruam se askush nuk i mohon te drejten parlamentit te beje transparence te zgjedhjeve. Ndryshon e drejta me te drejten ekskluzive. Gjykata ka te drejte te urdheroje zbatimin e ligjeve por parlamenti i ben ligjet (dhe ne kete rast, nese eshte e nevojshme, mund te behet nje ligj).

 As me behet vone fare kush iken e kush rri ne pushtet ne Shqiperi -

 

Kete nuk ta besoj.

une s'jetoj ne ate vend. Por ama, eshte edhe e veshtire te shohesh nje marrezi kaq te madhe dhe te mos shprehesh habine. Jo pak here ka ndodhur qe ai vend eshte marre me qafe pikerisht nga ata qe gjasme i qajne hallin popullit, kur ne fakt, i qajne hallin vetem pushtetit te tyre, parase se tyre,

Ai vend eshte marre me qafte gjithmone nga ata qe kane vjedhur apo rrembyer pushtetin qe i takon sovranit popull ti jape kujt ti doje qefi.

Nuk duhet te te habise fakti se shqipetaret votojne ke te duan. Duhet te te indinjonte fakti se keto vota rrezikojne te vidhen nga ai qe ka me shume pushtet ne dore ne momentin e votimit.

dhe jane gati t'i vene zjarrin atij vendi, duke perdorur keta syleshet e shkrete qe u vene nga pas si mish per top. Eshte per te ardhur keq se sa naive jane njerezit ne ate vend, sa te painformuar, e sa te manipulueshem.

 

 

          Po, gene, ky qe na propozon eshte ligji, eshte zgjidhja! Lum si ne per           keto mendje!

 Kjo qe te propozova ishte vetem nje shembull i thjeshte i tejkalimit te cdo dyshimi qe mund te te lindte ne lidhje me kushtetueshmerine apo ligjshmerine e transparences se procesit zgjedhor. Tani qe e tejkalove kete dyshim (pa patur nevoje fare te analizojme legjislacionin egzistues), po deshe, flasim edhe per anen teknike te ceshtjes. Gjithsesi, rendesi ka qe edhe ti u binde se ligji nuk eshte aspak pengese.

 

 

Gjithsesi, rendesi ka qe edhe ti u binde se ligji nuk eshte aspak pengese.

Whatever makes you happy, gene. Debati me ty me kujton ate qe thuhet per francezet: "...edhe kur te lene radhen per te folur, mos kujto se po te degjojne c'po thua: thjesht po mendojne c'te thone me pas..."

Ne se eshte ashtu si thua ti, atehere pse nuk ekziston nje ligj i tille gjetke? A vertet mendon se ne po i mesojme botes demokracine me keto ligje? Une jurist nuk jam, por perjgigja per mua eshte e qarte (dhe ketu po supozoj se pengesat administrative, sic i quan ti, nuk ekzistojne = kemi burime financiare e njerezore te pafundme): Ka konflikt te paster interesi. Se pari, objekti i ceshtjes ne fjale eshte pikerisht legjitimiteti e parlamentit. Ne se nje deputet nuk dihet e ka vendin apo jo ne paralment, ku e gjen ai te drejten te votoje se c'drejtim duhet te marre kjo ceshtje? Bazuar ne c'ligj?  Se dyti, shumica ne parlament eshte dakord te ngrihet komisioni parlamentar, i kryesuar nga pakica. Por nuk mund te jete ky komision qe te beje rinumurim votash, nuk mund te jene ata qe te marrin vendime qe i takojne institucioneve te tjera (kolegjit zgjedhor) - eshte konflikt i hapur interesi. Ne se nje komision i tille do t'i jepet e drejta te zevendesoje kolegjin zgjedhor, jo vetem qe problemi s'ka per t'u zgjidhur ndonjehere (anetaret e komsionit s'kane per te rene ne konsensus, pavaresisht se c'ka brenda kutive), por krijon nje precedent te rrezikshem, ate te anashkalimit te institucioneve te drejtesise. Se treti, c'kuptim ka te behet ky rinumerim per transparence? Ne se mund te "vertetohet" se dikush nuk e meriton vendin ne parlament, pse do PS-ja qe personi ne fjale te vazhdoje te perfaqesoje njerezit qe nuk e kane votuar? C'logjike eshte kjo? Se fundi, pse duhet te paragjykohen rezultati (votat jane vjedhur) kur rinumerimi nuk eshte bere ende, dhe kur opozita nuk ka qene ne gjendje te jape prova qe te mbeshtesin keto deklarata? Si ka mundesi qe nuk del 1 komisioner i vetem nga 20,000 besniket e cartur te PS-se te faktoje nje shkelje te vetme ne votime? Korruptuar? Ku jane provat? 

Ndaja, e gjitha kjo histori ne nje vend normal demokratik nuk do te ishte gje tjeter vecse nje flluske sapuni cudia e se ciles nuk do te zgjaste me shume se 3 dite. Fakti qe ne Shqiperi po zgjat 1 vit eshte me te vertete shume shqetesues. Keshtu eshte si e shoh une kete problem.

 

Ishin 20 mije antare (militante) komisionere te PS.Ne gjysmen e komisioneve mazhorancen e kishte PS.
Ne cdo vend numurimi kishte pervec komisionereve edhe vezhgues qe mbanin shenim votat (jo vetem por me te tjere qe i rrinin prane) si dhe deputetet e sotem te PS qe qendronin vigjilente per cdo vote dhe qe e kishin ne dore ti urdheronin per te firmosur apo jo proces verbalet.Pra ,me transparence se kaq nuk ka si te behet.
Tani.U shit komisioneri,u shit vezhguesi,por rezulton qe eshte shitur edhe deputeti.
Pyetni nje here deputetet e PS me qe i njeh : "Ne qendren e numurimit ku ishe ti a u vodhen vota ? "
Jam i sigurte qe pergjigja do te jete "JO" e prere "jane shitur ne nje vend tjeter",por se ku eshte ky vendi tjeter asnje nuk e di.
Atehere ku u vodhen keto vota ?

Pikerisht per argumentet e drejta qe ti thua, duhet te hapen kutite, per ti treguar Ed kokederrit se ai shpif, per ti treguar PS se eshte nje parti antipopullore, per ti treguar popullit se qeveria e ka menaxhuar ne menyren me te mundeshme ligjore procesin e zgjedhjeve, dhe se fundi per ti treguar gjithe botes se Sali Berisha eshte lideri me i denje dhe ky popull eshte me fat qe drejtohet nga ai.

 

Edhe une jam dakord me ty Berbero.Prandaj Rama ti perjashtoje keto deputetet e shitur,komisioneret e shitur dhe per ti treguar te gjithe popullit te majte qe vetem ai eshte i pa shitur, ti perjashtoje familjarisht, duke i treguar te gjitheve qe eshte lideri me i denje qe kane duke e udhehequr PS drejt fitorjeve te reja (po i pat ngelur me njeri ne parti) 

Po ti kerko transparence te zgjedhjve bajrak (se kjo te takon si qytetar i ndershem) pastaj merakosu per njeren a po tjetren parti (kjo te takon si qytetar i interesuar mbi nje vizion qeverises apo nje tjeter)

Përmetari - 8 Maj 2010 - 11:42pm 

Gjithsesi, rendesi ka qe edhe ti u binde se ligji nuk eshte aspak pengese.

Whatever makes you happy, gene. Debati me ty me kujton ate qe thuhet per francezet: "...edhe kur te lene radhen per te folur, mos kujto se po te degjojne c'po thua: thjesht po mendojne c'te thone me pas..."

 

Nuk e kuptova se ma the ne gjuhe te jashtme po gjithsesi ti dhashe pergjigjet pike per pike dhe ne ate postim ti u shqetesove VETEM per ceshtjet administrative e financiare. (une nuk mund te nxjerr konkluzione mbi ato cka do te shkruash me vone)

Ne se eshte ashtu si thua ti, atehere pse nuk ekziston nje ligj i tille gjetke? 

E para, nuk e di nese egziston gjetke (dhe as ti nuk e di) dhe, e dyta, mund te te sillja si arsye kryesore faktin qe "gjetke" nuk mbaron gjykimi i bashes per shkak se "silvia konti", qe berisha vendos ne komande me urgjence, e con ceshtjen ne gjykate pas perfundimit te afateve kohore per hetimin. Ne thelb, po te them se nuk mund te kerkosh mbeshtetje ne nje pike te caktuar duke krahasuar sisteme sociale e ligjore te ndryshme.

A vertet mendon se ne po i mesojme botes demokracine me keto ligje? 

Une dua transparencen e zgjedhjeve ne shqiperi dhe nuk pretendoj ti mesoj asgje irakut apo afganistanit

Une jurist nuk jam, por perjgigja per mua eshte e qarte (dhe ketu po supozoj se pengesat administrative, sic i quan ti, nuk ekzistojne = kemi burime financiare e njerezore te pafundme): Ka konflikt te paster interesi.

sigurisht qe ka konflik interesi (te piset ama). Dikush kerkon vote te lire e dikush tjeter kerkon ta vjedhe kur to doje.

Se pari, objekti i ceshtjes ne fjale eshte pikerisht legjitimiteti e parlamentit.

Une kam pershtypjen se ti po perdor fjalen "legjitimitet" ne kuptimin qe i dha bumci (ligjshmeri vs legjitimitet) ndaj moisiut dhe kjo nuk hap asnje problem ne punen e parlamentit, pervec faktit qe shumica jo legjitime (por e ligjshme per sa kohe egziston vula formale e KQZ dhe asnje vendim gjykate) duhet te konsultohet me ngushte me opoziten (ceshje legjitimiteti dhe jo ligjshmerie)

Ne se nje deputet nuk dihet e ka vendin apo jo ne paralment, ku e gjen ai te drejten te votoje se c'drejtim duhet te marre kjo ceshtje? Bazuar ne c'ligj?

 tek ligji zgjedhor dhe konsensusi politik qe ka ofruar "i demtuari" 

Se dyti, shumica ne parlament eshte dakord te ngrihet komisioni parlamentar, i kryesuar nga pakica. Por nuk mund te jete ky komision qe te beje rinumurim votash, nuk mund te jene ata qe te marrin vendime qe i takojne institucioneve te tjera (kolegjit zgjedhor) - eshte konflikt i hapur interesi. Ne se nje komision i tille do t'i jepet e drejta te zevendesoje kolegjin zgjedhor, jo vetem qe problemi s'ka per t'u zgjidhur ndonjehere (anetaret e komsionit s'kane per te rene ne konsensus, pavaresisht se c'ka brenda kutive), por krijon nje precedent te rrezikshem, ate te anashkalimit te institucioneve te drejtesise.

Nuk behet fjale aspak per RInumerin votash. Ne patem nje numerim votash per shkak te shperndarjes se mandave ne parlament dhe tani opozita po kerkon nje TJETER numerim votash, te ndryshem nga i pari per efekt te transparences se procesit.

Se treti, c'kuptim ka te behet ky rinumerim per transparence? Ne se mund te "vertetohet" se dikush nuk e meriton vendin ne parlament, pse do PS-ja qe personi ne fjale te vazhdoje te perfaqesoje njerezit qe nuk e kane votuar? C'logjike eshte kjo?

Kjo eshte llogjike kompromisi. Ti me lejon te hetoj fajet e fajtoret dhe, nese nuk ke pergjegjesi penale (pasi thjesht ke perfituar "padashur" - dicka e tipit "bona fides &quotsmiley mund te vazhdosh te votosh ne parlament me ligjshmerine qe te jep procesi zgjedhor i mbyllur (pikerisht se parlamenti nuk eshte gjykate)  dhe legjitimitetit qe te jep opozita si "pale e demtuar" qe heq dore nga nje e drejte.

 Se fundi, pse duhet te paragjykohen rezultati (votat jane vjedhur) kur rinumerimi nuk eshte bere ende, dhe kur opozita nuk ka qene ne gjendje te jape prova qe te mbeshtesin keto deklarata? Si ka mundesi qe nuk del 1 komisioner i vetem nga 20,000 besniket e cartur te PS-se te faktoje nje shkelje te vetme ne votime? Korruptuar? Ku jane provat? 

 

Egziston dyshimi se ka patur vjedhje (qe forcohet cdo dite nga refuzimi i hapjes se kutive). provat qe vertetojne (apo kundershtojne) kete gjykim jane ne kutite qe ti nuk do qe te hapen. 

Ndaja, e gjitha kjo histori ne nje vend normal demokratik nuk do te ishte gje tjeter vecse nje flluske sapuni cudia e se ciles nuk do te zgjaste me shume se 3 dite. Fakti qe ne Shqiperi po zgjat 1 vit eshte me te vertete shume shqetesues. Keshtu eshte si e shoh une kete problem.

Kthehemi tek fillimi. Ne nje vend normal demokratik kutite do te ishin hapur kur opozita e kerkoi ne KQZ (sipas ligjit zgjedhor) dhe ceshtja nuk do te zgjaste me shume se 3 dite.

 

"Fakti qe ne Shqiperi po zgjat 1 vit eshte me te vertete shume shqetesues. Keshtu eshte si e shoh une kete problem."

 

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).