Reflektimi lidhur me vendin dhe me rolin e intelektualeve ne jeten publike eshte i nevojshem dhe i dobishem dhe per mua ka kene nje preokupim qe e kam pase gjate gjithe ketyre vjeteve ne mergim. E megjithate, shkas per analizen e meposhtme u be nje shkrim i sotshem i botuar ne gazeten Shekulli. Autori i shkrimit synon te argumentoje se intelektualet qe nuk marrin anen e dikujt ne perplasjen politike te parise se Tiranes, e qe, ne kete rast, nuk shohin drejtesine e kerkesave te kryetarit te PS-se, te para simbas optikes se kryetarit te saj e te shkruesit, jane duke i bere nje sherbim te madh Sali Berishes. Mirepo, sipas autorit, intelektualet qe jane duke folur kunder te dy paleve te parise, qe jane duke ndenjur menjane apo jane duke u sjelle super partes, jane krejt gabim. Argumenti i tij eshte se intelektualet e tille po tregohen drite-shkurter, e, nder te tjera, 'diletante,' 'injorante,' 'apatike,' 'te paafte,' e me mungese te theksuar 'mendimi kritik', njerez per te cilet autori i shkrimit ndjen meshire sepse jane 'deshtake' e 'te ngrate.'

Edhe kur zhvishet nga vulgariteti, ajo qe bie ne sy ne kete shkrim eshte niveli i ulet profesional. Shkrimi eshte i mbushur me sulme personale e fyerje te panevojshme dhe qe nuk ndihmojne askend. Keto kategorizime ekstremiste e tejet infantiliste, aq me shume qe iu drejtohen individeve e personave qe kane qene e jane aktive si ne jeten politike ashtu edhe intelektuale, nuk ngjesin e nuk jane pershkrim i personave por i mendesise dhe i nivelit te vete autorit. Edhe pse justifikohen prej autorit me argumentin se keto intelektuale nuk e kuptojne se me hapjen e kutive, qellimi i kryetarit te PS-se nuk eshte ardhja ne pushtet por vetem vendosja e te drejtes se mohuar ne vend ka menyra te tjera per te thene mendimin tend. Ne nje nivel tjeter, autori permend edhe 'grupime intelektualesh' qe ndajne karakteristika e mesiperme, nder te cilet, per arsye te kuptueshme, mua me beri pershtypje 'grupi i Shinasi Rames.' Sipas tij, Shinasi Rama dhe intelektualet e ketij grupi jane bartes te kesaj mendesie dhe qe duhet te zgjohen e te kuptojne se jane teresisht gabim e ne sherbim te nje kauze te gabuar.

 

Mendoj se autori eshte treguar shume i nxituar dhe jo i matur me kete shkrim pa kurrfare vlere e kontributi per debatin publik. Injoranca nuk asht argument, pavaresisht se paraqitet me force te madhe. Shkrimi jo vetem qe ka nuk boshtin e duhur, por edhe tregon nje kuptim shume te ceket te rolit te intelektualit, e ne rastin tim, edhe te kendveshtrimit e te argumentave te mija. Shkrimi eshte i mbushur me kontradikta te tilla qe e bejne argumentin e tij, jo vetem moralist por teresisht pavlere e qesharak. Nuk duhet te merresha me nje shkrim te tille, nuk e vlen kohen time, por ceshtja e rolit te intelektualeve, edhe pse e abuzuar deri ne ekstrem, eshte e nevojshme dhe e dobishme me u trajtue si duhet.

Per ta mbeshtetur mendimin tim, duke mos mundur te prek cdo element te nevojshem per nje argument te gjere, edhe pse shume gjera i kam permendur ne shkrimet e mia te tjera, do te cek disa aspekte te vendit e te rolit te intelektualeve ne lidhje me politiken. Ne vecanti do te ndalem tek transparenca, duke e perdorur kete si nje rast per me ilustrue argumentin e ngritur me lart. Ne fund do te parashtroj edhe disa gjykime e zgjidhje personale te mijat lidhur me kete problem.

 

INTELEKTUALI DHE VENDI I TIJ NE SHOQERI

Si nje person qe merret me idete, d.m.th., me krijimin, shperndarjen e interpretimin e ideve, te mendesive, te botekuptimeve e te vlerave, me autoritet e me kompetence, shpesh te vertetueme me tituj e grada shkencore, intelektuali ka nje vend te vecante ne cdo shoqeri. Qofte si klerik, krijues artistik, studjues apo si profesor, detyra e tij eshte me mbajte gjithnje parasysh te miren e perbashket te grupit te cilit i perket dhe me ofrue zgjidhje profesionale.
Si ekspert i dijes per nje fushe te caktuar, intelektuali duhet me dhane analizen ma te paanshme, ma te drejte, te pandikueme nga interesi i momentit, as i tiji si individ e as i atyre qe kane pushtet. Ne kete drejtim, intelektuali duhet te flase me autoritetin e dijes, si zeri i se vertetes, dhe standarti i gjykimit te tij duhet te jete thelbesisht teknokratik, i paanshem dhe i pavarur nga opinioni sundues i kohes. Baza e gjykimit te tij eshte dija qe ai ka per nje fushe te caktuar. Prandaj intelektuale si Myslym Pashaj meritojne respekt sepse e perdorin dijen per te bere nje sherbim te cmuar publik.

Intelektuali mund te jete gabim dhe ka shume intelektuale qe kane bere zgjidhjet e gabuara: Giovanni Gentile, Martin Heidegger, e Carl Shmidt, jane do shembuj qe e ilustrojne mire kete gje. Zgjidhja e tyre ka qene e gabuar sepse ato u instrumentalizuan prej politikes, e kesisoj e humben kredibilitetin me fole ne menyre te paanshme; ato u bene vegla te vullnetit te nje grupi te caktuar. Edhe ne shtetin shqiptar, intelektualet qe u rreshtuan mbas Sali Berishes e udheheqesit te PS Fatos Nano, e mandej u perdoruan pa kushte prej tyne, si tipi i Neritan Cekes e shume nga KOP-sat, e kane humbe besueshmerine me kohe. Humbja e pavaresise se menduarit eshte humbje e besueshmerise, ajo te ben ushtar te parise e thejsht nje instrument te vullnetit te saj.

Ka edhe shume pseudo-intelektuale, njerez qe flasin por nuk e dine se cfare thone, ose qe jane thjesht pena te shitura ne sherbim te nje grupi te caktuar per interesa ekonomike, favore etj. Keta pseudo-intelektuale jane me te rrezikshmit, sepse duke u sjelle si partizane politike keto e kane gati nje mase te madhe mbeshtetesish militante qe pranojne cdo gje qe iu thuhet nga partia pa rezerva. Nder keto intelektuale hyjne pisqollat mediatike te tipit Fahri Balliu, etj.

 

Por, intelektuali i vertete duhet me kene ne gjendje me e thane te verteten ashtu si e mendon dhe e ndjen ai, pa pasur frike paragjykimet, menjanimet, ndeshkimet etj. Pra, intelektuali duhet ta shohe veten te cliruar nga te gjitha shterngesat qe jane te pashmangshme per dikend tjeter qe eshte perfshire ne jeten shoqerore e politike aktive si politikan apo si paterice mediatike e politikanit. Intelektuali eshte besnik i vlerave te verteta ne te cilat beson dhe metri me te cilin e gjykon veten eshte besnikeria karshi atyne vlerave e ndergjegja e tij. Si te gjithe te tjeret edhe une kam ba gabime por gjate 20 vjeteve qe une kam qene i perfshire ne jeten politike e intelektuale, si nje intelektual publik, jam ruejte fort qe mos me e shkele kete parim te shenjte per mue.

 

INTELEKTUALI DHE POLITIKANI

Nje hap i mire perpara do te ishte kontrastimi sado i percipte i intelektualeve e politikaneve. Ideali eshte mbreti-filozof i Platonit, mirepo ideali asht ideal sepse nuk mundet me u mbrri. Ne realitet, intelektuali dhe politikani levizin ne dy bote te ndryshme, jane ne dy profesione te ndryshme sepse intelektuali mendon per problemet duke peshuar zgjidhjet ne nivel moral e profesional, politikani duhet me i zgjidhe problemet si te mundet. Njeri vepron ne nivelin e te dobishmes e te desherueshmes, tjetri ne nivelin e te mundshmes e te nevojshmes. Si pasoje e veprimtarise ne keto dy bote te ndryshme, por jo gjithnje te papajtueshme, dallimi midis nje intelektuali e nje politikani eshte thelbesor, e per disa, si nata me diten.

 

Politikani duhet me gjete nje rruge me iu pelqye mbeshtetesve te vet, me zgjidhe probleme praktike, me mbajte parasysh shterngesat e ndryshme e te shumta ne vendmarrje. Natyra e veprimit politik eshte e tille qe politikani duhet me mbeshtete nje zgjidhje te kenaqshme e asnjehere optimale sepse ai vepron ne nje ambjent krejt tjeter prej intelektualit qe ka si shterngese vetem vlerat e veta e te verteten. Keto rrugezgjidhje te ndryshme te problemeve politike, krijojne bazen per nje konflikt te pazgjidhshem midis politikanit e intelektualit.

Prandaj, nje intelektual i vertete kurre nuk mundet me kene i kenaqur me politiken e dites e me dukurite e me zgjidhjet qe evidentohen ne procesin politik. Arsyeja eshte se gjithmone zgjidhjet qe behen nga politikanet do te jene jo te persosura. Gjithmone ka zgjidhje edhe me te mira e shpesh intelektuali i njeh keto zgjidhje. Kompromisi, pazarlleku, interesat e ngushta, ekzigjencat e mendesise, te kultures politike e institucionale, gjendja nderkombetare e shume elemente te tjera qe jane pjese e ketij kalkulimi ne vendimarrje jane gjithmone pengesa per arritjen e se mires me te madhe te mundshme, te asaj qe intelektuali mendon se duhet te mbrrihet ne te mire te te gjitheve.

Duke thene ate qe askush tjeter nuk mundet me thane, duke mbrojtur ate qe parimisht duhet bere, duke sugjeruar ma te miren gja te mundshme, intelektuali kryen nje sherbim publik te pazevendsueshem. Per te qene ne nivelin e duhur, intelektuali duhet ti shprehe, ti mbroje, e te mos heqe dore prej bindjeve te veta edhe me jeten e vet. Bindjet mund te jene te gabuara por ajo qe e dallon intelektualin prej te tjereve eshte te kenunit i qete me ndergjegjen e vet. Koha ka me i zgjedhe ato qe mendojne drejt e ato qe mendojne gabim. Politikani nga ana tjeter, mendon per mbi te gjitha, per mbijetesen e vet ne politike. Cdo zgjidhje qe ben, politikani e ben ne funksion te ketij objektivi. E mbijetesa e nje intelektuali eshte mbijetesa e ideve te tija.

 

Intelektuali duhet me jetue ne nje emigrim te vete-imponuar, edhe brenda nje shoqerie te caktuar, mos me kene i lidhur me interesa materiale qe bajne peng te politikes e te kujt. Ai duhet me e pase kurajon me fole pa frike. Intelektualet e kane si obligim me u kthye ne pjesemarres ne debatin publik dhe me i dhane shoqerise mendimin e tyre, ne vecanti kur flitet per fusha ne te cilat ato kane dije e jane te specializuar. Intelektuali qe don me marre e mos me dhane ne fushen e vet asht njelloj sikur nuk ka ekzistue ndonjihere. E duke kene nje nga doktoret e shkencave politike e profesoret e pakte shqiptare ne boten perendimore per politike, si dhe duke kene krejtesisht i pavarur nga paria e Tiranes, por edhe me nje te shkuar qe me ben nder ne politiken e Tiranes, moralisht une e ndjej per detyre me thane mendimin tim pa u ndikue prej kujt sepse gjykatesi i vetem eshte populli jem dhe metri me te cilin une e mas sjelljen time eshte e mira e popullit tim. Edhe pse une jam ne megrim, ne shtetin shqiptar kam edhe une hisen time.

 

NJE SHEMBULL ZGJIDHJEJE POLITIKE: KERKESA PER TRANSPARENCEN E ZGJEDHJEVE

Debati per transparencen e zgjedhjeve te Qershorit 2009 ka konsumue kohe, e jashtezakonisht energji ne Tirane. Natyrisht, intelektualet e Tiranes jane rreshtuar ose ne nje ane ose ne nje tjeter te barrikades. Si edhe shihet nga debati per 'Corapen e Tajlerandit,' por edhe nga shkrimet e shumta te individeve qe gjithkund tjeter do te klasifikoheshin si jo intelektuale, nje pale mbrojne Edi Ramen, nje pale mbrojne Sali Berishen. Te dy palet paraqesin argumentet e tyre, te rreshtuara me kujdes e te mbeshtetura ne te drejten ose kushtetuese ose morale.

Ne thelb te perplasjes per transparencen eshte kontrolli i pushtetit. Une nuk shoh ndonje gabim me mendimin tim se Sali Berisha kerkon te rrije ne pushtet deri ne fund te ketij mandati e se Edi Rama kerkon te marre pushtetin sa me shpejt qe te jete e mundur. Po nuk kerkoi me e marre pushtetin atehere nuk ka pse rrin ne politike. E per nje politikan, gjithcka i sherben arritjes se ketij objektivi te marrjes se pushtetit dhe ketu kerkesa per transparencen e zgjedhjeve sipas mendimit tim eshte pastertisht politike. Une nuk kam thene kund se po u hapen kutite ai do te behet kryeminister menjehere.

Por nuk ka dyshim se ne kete rast edhe hapja e kutive, qofte drejtperdrejt (vjedhja del ashiqare) qofte indirekt (shumica qeverisese e humbet legjitimitetin) do te coje ne kontestimin e gjendjes dhe ne zgjedhje te parakohshme. Po doli se i ka vjedhur votat Sali Berisha, si do te rrije ne pushtet ai? Po doli se ka pasur manipulime, aty jane komisioneret, eshte kollaj me ua hedhe fajin atyre. Por te gjithe e dime se, ne rastin me te mire, edhe sikur te shkojne edhe nje here tek Krokodili, Saliu do te hape tre kater zona, por jo te gjitha kutite.

 

Me duket se cdo gjykim tjeter qe e sheh kete perplasje si te motivuar nga deshira me nxjerre ne drite te verteten per hir te se vertetes apo me mbrojte kushtetuten e ligjin eshte i papjekur dhe naiv. Ne politike, ajo qe me sherben mua eshte e verteta dhe gjithmone ka nje ane qe paraqitet si e vertete per te mbrojtur kauzen tende.

A ka te drejte z. Edi Rama qe me kerkue hapjen e kutive e qartesimin e se vertetes? Padyshim qe ai ka shume te drejte. I hapi kutite edhe Iraku e jo me shteti shqiptar. Kutite duhet te hapen. Mirepo ne Irak i pranojne rezultatet ashtu si jane, e ne shtetin shqiptar ku zgjedhjet ishin krejtesisht te papastra e te pandershme, ku komisioneret u sollen si u urdheruan, ku ndodhen 'cudira ' elektorale, e te gjithe jane te vetedijshem per kete problem, te gjithe palet e dine se hapja e kutive con ne prishjen e ekuilibreve ekzistuese. Kjo eshte e papranueshme per disa si Sali Berisha e Ilir Meta por jetike per te tjeret si Edi Rama. E prandaj perplasja do te vazhdoje deri sa te vije puna qe edhe Sali Berisha te mos kete nga me shkue, si bie fjala, tek zgjedhjet lokale, zgjedhja e Presidentit, e deri ne zgjedhjet kuvendore te vitit 2013. Ose vete, ose me nderhyrjen e te huajve, kompromisi do te duket sikur eshte i pashmangshem. Mandej do te shkojme ne perplasjen e rradhes.

 

Nderkohe, intelektualet militante e pseudo-intelektualet jane rreshtuar ne mbrojtje te platforms se njeres pale. Ato perserisin argumentet e qemtuara me kujdes dhe kthehen ne tellallet e partise. Keto qe luajne lojen miq-armiq, jane ne Tirane, i kane hapesirat mediatike, e bertasin me fort se te gjithe te tjeret. Kush nuk iu bashkengjitet, eshte armiku por sjellja e tyre eshte tipike e pseudo-intelektualeve.

 

NJE INTERPRETIM NDRYSHE I KERKESES PER TRANSPARENCEN E ZGJEDHJEVE

Mendimi im, i shprehur gjeresisht edhe ne shkrimet e mia, eshte se te dy keta udheheqes te parise jane te motivuar vetem e vetem nga interesi personal dhe i strukturave oligarkike qe i mbeshtesin, sistemi qe ka ndertuar paria e Tiranes eshte me te meta te medha, dhe lejon e mundeson kesisoj perplasjesh, se sherri i rradhes behet vetem per interesat e tyre personale dhe se transparenca e votave po perdorohet per te arritur qellime te pastra politike personale.

Paria e Tiranes, qe mendon vetem e vete per vete, nen petkun e sherrit te rradhes, e perdor mendesine katundare (fshatare, rurale) per te mobilizue njerezit per qellimet e veta politike. Sali Berisha nxjerr me qindra mijra vete, burra qe ndryshe te vrasin per nder dhe iu ven perpara kengetaren Ciljeta, anetare e Keshillit Drejtues te PD, me ju kendue kanget e saja te preferueme. Saliu e ban kete me tregue forcen e vet e besnikerine qe pret e qe gjen tek mbeshtetesit e tij.

Po ashtu edhe Edi Rama, kryetari i PS, mbledh mbeshtetesit e tij po me metoda qe shfrytezojne mendesine katundare ne miting mbas mitingut e ka fillue me fole si Enver Hoxha dikur. Parimi qe e ndajne te dy keta prijatare te mitingjeve te mbushura me katundare eshte se se 'keshtu e lyp ky popull,' keto jane praktika qe japin rezultat dhe keshtu edhe kundershtari e kupton se sa i forte jam une. Prandaj pyetja ne shtyp eshte se sa mijra vete kishte njeri e tjetri ne mitingun e rradhes. Loja eshte tek mobilizimi se te dy palet i ruhen fort perplasjes. Edhe ne mes te greves, loja me perfaqesuesit e tyre u luajt ne perfeksion. Keto te deleguar u takuan perdite dhe mesazhet siguruese u dhane ne media etj. te dy palet e dine se po mori flake vendi, se shteti shqiptar eshte si nje mullar bari i thare, do te digjen keto vete.

 

Prandaj, synimi eshte qe te perplasemi, sa te mbajme tufen e militanteve bashke, te zgjidhim hallet tona, port e mos e leme sherrin ten a nxjerre edhe ne jashte loje. Eshte mendimi im i pandryshuar se te dy palet veprojne keshtu te shtyre nga interesat e tyre te ngushta e personale e pa fare respekti per popullin shqiptar e per interesat e tij jetike. Ato e kane cuar popullin ne kete gjendje, e kane lene ne kete gjendje jermi ideologjik e moral. Ato do te luftojne qe ta mbajne e ta kultivojne kete gjendje sepse injoranca eshte nana e sherrit, d.m.th., e konfliktit politik midis njerezve qe nuk kane mjete te sofistikuara me e interpretue boten e qe gjithcka e shohin ne nivele personale e keshtu bahen lehtesisht te mobilizueshem prej kryetarit te rradhes.

 

Keshtu duhet kuptuar kjo perplasja e rradhes per transparencen. Le te them ne paranteze, se konflikti midis tyre ishte i shmangshem sa kohe qe dukej se shpenzimet do ti paguante nje pale e trete. Produkti i kesaj marreveshje midis nje njeriu qe shkruen per cdo gja qe ndodh ne bote si kompetent, Kastriot Islami, e nje burokrati shume besnik i shefit te vet si Ilir Rusmajli, u formulua nje sistem zgjedhor qe ne dukje garantonte sundimin e parise e duokracine PS-PD dhe e mbylli lojen ne interest e dy partive te medha.

Mirepo duke kene se mendojne si arriviste te mirefillte, sa u krijuan mundesi te reja, pazaret e deriatehershme per qeveri teknike, per ngushtimin e hapesires se LSI-se etj. u prishen. E tash qe PS u denua te mbetet ne opozite per kater vjet, plasi sherri i pritshem dhe i paevitueshem por qe po menaxhohet me kujdes nga te dy palet.

 

Ne nje interviste te dhene shume kohe para zgjedhjeve pata parashikuar qarte se palet e parise nuk do ti respektonin marreveshjet e bera, se do te manipulonin dhe do te benin rremuje mbas zgjedhjeve sepse ashtu iu leverdis e pse nuk dijne e nuk dojne me veprue ndryshe. Koha provoj se une pata shume te drejte. Ajo interviste gjendet ne Youtube dhe lexuesi mund ta shohe kur te doje. Pra, sa iu prek interesi i tyre i ngushte, asnjera pale nuk pyeti per marreveshjen qe kishin bere dhe e shkelen me te dy kembet. Tash duhet te sillen keshtu se ndryshe e humbin mbeshtetjen. Por gjithmone jane te kujdesshem mos me i pre tana urat me njeni-tjetrin. Perplasja duhet te ndodhe vetem ne media e te sherbej per te mabjtur bashke tufen e militanteve te tyre.

Tash, ne kete konflikt te rradhes, te dy palet iu referohen rregullave te shkruara e vlerave morale, por loja politike ne shtetin shqipar nuk luhet me rregulla te shkruara e ne baze te parimeve morale. Nuk mendoj se motivimi i tyre eshte permiresimi i gjendjes se popullit shqiptar e as vendosja e drejtesise, sado e drejte qe eshte kerkesa e rradhes e PS-se. Sado fisnike qe jane keto motive me te cilat paraqiten sot te dy palet, njeri flet per mbrojtjen e kushtetutes e tjetri per per transparencen, sjellja e tyre koherente e konsistente ne te shkuaren provon krejt te kunderten. Cdo veprim i tyre behet thjesht nevoja per te pozicionuar veten dhe forcen politike qe perfaqesojne ne funksion te fitimit te zgjedhjeve te rradhes e te permiresimit te pozicionit te tyre ne parti e ne sistemin politik. Prandaj nuk ka rendesi drejtesia e kerkeses se Edi Rames. Ne nje vend ku gjithcka bahet me hile e poshtersi, ne nje vend ku partia qe drejton e mbeshtetesit tuaj jane epitome e hilese dhe e poshtersise, nje kerkese e tille per drejtesi, transparence e respekt te votes nuk eshte pjese e rregullave te marredhenies midis paleve te parise e cila i numeron ato qe i respektojne keto parime si anormale.

 

Plani? Salihi don me ndenje ne pushtet, me krijue nje baze mbeshtetesish qe i len me vjedhe edhe kater vjet dhe i perdor ma vone si don vete kur te dale ne opozite. Edi Rama kerkon me forcue bazen e vet politike brenda ne PS, me kene fituesi moral i zgjedhjeve te kaluara dhe fituesi i zgjedhjeve te ardhshme ne krye te nje partie qe edhe pse ne opozite eshte e konsoliduar nen udheheqjen e tij.

Por nuk eshte ky problemi. Sjellja e tyre katundare, e me katundaret respektive, eshte krejtesisht racionale dhe e kuptueshme ne politike. Problemi ashtu si e kam paraqitur une ne shkrimet e mia te shumta eshte se paria e Tiranes, pjese e se ciles jane edhe Edi Rama, Sali Berisha, Gramoz Ruci, Ilir Meta, Fatos Nano, Sabri Godo, Skender Gjinushi, etj., nuk i respektojne rregullat edhe kur i vendosin vete e me marreveshje. Kur nuk iu sherben dicka, kur nuk iu leverdis nje zgjidhje, e kur nuk marrin ate qe duen, atehere ato i drejtohen rruges sepse vetem rruga iu ka mbete.

 

Argumenti im eshte se ketu qendron tragjikomedia e politikes ne shtetin shqiptar: mobilizimi i katundareve, permes manipulimit te mendesise katundare, ne emer te interesave te tyre te ngushta, qe jane po ashtu karakteristike, interesa te ngushta vetjake katundare, ne sherbim te oligarkise se tyre e ne dem te shtetit e te interesit te pergjithshem. E asgja nuk e ilustron kete gje me shume se lufta e tanishme per transparencen e votes, nje stuhi qe vetem po forcon kontrollin e parise mbi popullin e shtetin ne nje kohe te veshtire krize te gjithanshme qe po e perfshin shtetin shqiptar si cunami. Lufta e cdo intelektuali duhet me kene e pakompromis dhe e drejtueme kunder parise e kunder ketij sistemi kriminal ne sherbim te saj. Te gjithe pjestaret e parise se Tiranes jane njelloj e te gjithe jane kunder shqiptareve.

 

PERFUNDIMI

Detyra e intelektualit te vertete eshte me mbajte parasysh interesat afatgjata, mireqenien, e sigurine e popullit te vet. Politikanet vijne e shkojne, populli mbetet. Politikanet jetojne per brohoritjet e turmes e per pasunine e lavdine e dites, pseudo-intelektualet duan te ndertojne karriera e te mbushin xhepat, e intelektuali i vertete shpreson qe mendimi i tij me jetue ne mendjen e dikujt. Prandaj, sa here ndeshemi me dukuri te tilla si ky shkrim i sotshem tek Shekulli, duhet te kujtohemi se rrugen qe kemi zgjedhe e kemi zgjedhe ne vete.

E sa per 'grupin Rama' mendova se duhet me i dhane nje pergjigje edhe ketij formulimi te artikullshkruesit. Une nuk e fitoj buken e gojes me politiken shqiptare, nuk jam ne sherbim te kujt, pos te ndergjegjes sime. Nje intelektual qe ka bindje te forta, edhe kur asht krejt vetem e ka kurajon me mbrojte bindjet e veta si ne rastin tim, kundershtareve te vet iu duket sikur asht grup e shumice.

 

26 Komente

Prandaj nuk ka rendesi drejtesia e kerkeses se Edi Rames.

Nje i trete, me formim e pozicion qe ka arrit prej merites, i paperfshire emotivisht dhe pa interesa direkte ne politiken shqiptare, patjeter qe eshte me racional ne analize dhe fakti qe dekripton algoritmin e politikes shqiptare, e ben jo te deshirueshem nga palet, sepse loja, sic u kuptu nga kodi zgjedhor, duhet te jete vetem 50/50(kuq ose blu).

transparenca e votave po perdorohet per te arritur qellime te pastra politike personale.

Po ashtu edhe Edi Rama, kryetari i PS, mbledh mbeshtetesit e tij po me metoda qe shfrytezojne mendesine katundare ne miting mbas mitingut e ka fillue me fole si Enver Hoxha dikur.

Nuk dua te mendoj qe autori thenien e pare e mbeshtet duke u bazuar tek e dyta...nuk je i besueshem,edhe se ke shume te drejte ,pasi kur flet me kujton enver hoxhen??...duke patur shume besim tek inteligjenca e autorit,do te me pelqente nje shkrim i tij ku te theksonte mangèsitè e tè metat e ps te udhehequr nga edi rama ne luften e saj te drejte pèr hapjen e kutive,dhe perse nuk paska te drejte ps e edi rama te bèj ketè betejè??pasi ketu nuk pashe gje...qè bèn njèsoj edi ramèn e sali berishèn...pèr tè tjerat 5!!!

dobet

shkrimi i meparshem i vuri ne dukje nje problem llogjik me argumentin/akuzen e ketij autori. ky shkrim nuk i pergjigjet asaj akuze por llomotitet kot me rolin e intelektualit etj etj.

meqenese autori paska humbur besimin tek politika shqiptare i bie qe te mos merremi me me votat. Nese eshte keshtu puna pse nuk beri thirrje qe para zgjedhjeve te mos votohej fare. asnje nga argumentat e paraqitur ketu nuk qendron. E kuptoj deshiren e autorit per ta mbyllur kete punen e kutive dhe per te vazhduar perpara, por politika shqiptare nuk eshte thjesht ne nje ekuiliber. Perkundrazi, jemi ne nje rremuje qe u arrit me dhune dhe pozita po vazhdon t'i ushtroje me dhune te gjitha urdherat qe vijne nga lart.

gjithashtu edhe gjuha e perdorur... shkrimin e meparshem e kritikuam per ofendimet e perdorura, ndersa SH.R. ne te njejten menyre vazhdon me fjale fyese si "katundare, fshatare, etj"

Per ata qe pertojne ta lexojne te gjithe artikullin: Replika (e gjate) ne thelb thote qe kokat hengshit se vete e keni fajin.

Keto fjale jane thene e sterthene shpesh ketu dhe i degjon shpesh edhe neper rruget e Shqiperise. Gjithsesi mendoj se ky qendrim, nuk duhet te jete qendrimi i nje intelektuali, per me teper i nje intelektuali qe nuk e fiton buken e gojes me politiken shqiptare dhe per me pak ne Shqiperi.

Une mendoj se intelektuale te tille duhet te argumentojne se pse njera apo tjetra parti ka apo ska te drejte. Kur zera te tille bashkohen, ata patjeter qe do degjohen (do apo sdo politika) dhe le te shpresojme qe ceshtja/et (ska rendesi kjo apo te tjera qe me siguri do vine nga pas) te zgjidhet/en drejt dhe keshtu ti afrohemi edhe njecike asaj gjeje qe quhet shtet i konsoliduar.

Te lumte, me pelqeu. Shinasi, une i bera 4 pyetje autorit, Bledarit, por gjer me tani, asnje pergjigje. 4 pyetjet tek tema e Bledarit dhe reagimi i ndonje komentatori ishin keto; 

Pjer Thomas - 8 Qer 2010 - 9:18pm 

1)Kur autori i dinte kaq mire keto gjera, pse nuk i tha me perpara.

2) çfar statusi ka autori, eshte i PS, i paparti.

3) Kujt i drejtohet, Shinasiut dhe Lubonjes, (qe te dy nuk e duan Berishen), apo ne ere, apo militanteve te PD. Kujt?

4) Pse e mbron rrejteshem Ramen, kur thote se; Rama nuk do pushtetin, nderkoh qe parazgjedhjeve, vete Rama pretendonte per Kryeminister, apo tani thote te kunderten, qe te behet i besueshem.

 

    A mund ti pergjigjet zoteria i nderuar ketyre pyetjeve.

1 përgjigje

kalliri - 8 Qer 2010 - 10:45pm 

O Pjer sinqerisht habitem me ty! Ky shkrim ka ardhur ketu qe ne pasi ta lexojme te bejme komente per shkrimin, per llogjiken apo faktet qe serviren, si dhe gte kundershtojme po me llogjike apo fakte per ato gjera qe nuk biem dakort. Ky me duket eshte nje perafrim intelektual i te diskutuarit. Mua mu duk se autori ne menyre shume te qarte dhe te bazuar ne fakte mbron tezen e tij (ose me mire te themi te PS) qe transparenca qe kerkohet mbeshtetet edhe ne ligjet dhe kushtetuten e ketij vendi!

Nese ti mendon ndryshe, bujrum kundershtoje, po mos u mer me gjerat anesore dhe me pak ose aspak te rendesishme.  Ai thote ja ku eshte Ujku dhe ti i thua ku jane gjurmet! Me keqeardhje por e vertete, edhe ti futesh tek intelektualet deshtak. smiley 

 

 

Pjer Thomas - 9 Qer 2010 - 3:20pm 

Kalliri, autori i ka paraqitur me detaje argumentat e veta, shum bukur, bazuar mbi ligjin, ben vetem nje gabim qe i pergjitheson ter intelektualet, mirpo pikerisht se eshte keshtu, mua me linden shum pyetje (une naivi bej gjthmon pyetje), dhe nga shum pyetje qe me linden une shkrojta 4 pyetje, qe nese zoteria i lexon komentet e temes se vete (dhe shpresoj se i lexon), te pergjigjet, pergjigje qe e plotesojne ter ate ç'ka dashur te thote ai.  

 

 

Endrity - 9 Qer 2010 - 5:34pm 

Pjer, autori ben gabimin e pare te madh qe nje intelektual nuk duhet te bej. Ate te imponimit me cdo kusht mendimin e tij, duke diskredituar pertej cdo limiti mendimin e kundert. Une e te tjere kemi folur aq shume per punen e interpretimit te ligjit ne kete blog sa eshte e lodhshme ti rithuash te gjitha dhe njehere. Thene shkurt inrepretimit i tij eshte ne rastin me te mire i diskutueshem, po me shume gjasa komplet i njeanshem dhe i gabuar. 

Dhe nga ky interpretim, te marresh guximin te akuzosh se kushdo qe nuk mendon si ty eshte "deshtak" eshte vetia e pare e provincialeve, e jo intelektualeve, shqiptar!

 

 

Pjer Thomas - 9 Qer 2010 - 6:30pm 

Pikerisht, Endrity, kjo me ka munduar apo me sakte kam thene me vehte; mos valle ligji per zgjedhjet ka lene shteg per ta interpretuar si te deshirosh.

--------------------------------------------------------------------------------------------

 

Te rekomandoj i dashur Shinasi, te lexosh dhe komentet e tjera te komentatorve te tjere, per te pare se si eshte pertypur kjo çeshtje nga shoqeria shqiptare, sepse aty tek faqja e diaspores (siç e quaj une) Peshkun, marrin pjese ajka e emigranteve, apo te pakten pjesa mbi mesataren e shoqerise. E shprehur ne gjuhen popullore thuhet; Ka shum te forta aty  smiley

 

O Pjer, a ka mundesi ta redaktosh ate shkrimin tend. Me siguri qe e ke bere copy paste, po sic duket eshte kopjuar edhe kodi dhe duket keq. Se merr vesh kush eshte ajo qe ke shkruar tani dhe kush jane pyetjet e meparshme...... 

Impresioni pare: duke qene se Prof. Rama perdor tek tuk fjale e shprehje ne gegnisht, me krijoi ndjesine sikur shkrimi vjen nga larg, se paku nja tetedhjete vjete larg.Megjithate  shkrimi tingellon kendshem dhe lexohet pa sforcim, fale gjuhes se kuptueshme, pa arabeska e sterhollime te stilit rokoko.

Ketu Shinasiu shtron disa probleme qe fare mire mund te behen objekt i diskutimeve teorike sikurse jane   raporti i intelektualit me politiken, dallimi ndermjet intelektualit dhe ekspertit, raporti i intelektualit me te verteten dhe interesin publik.

Disa nga pikpamjet e tij per keto raporte per mua jane te diskutueshme.

Si ekspert i dijes per nje fushe te caktuar, intelektuali duhet me dhane analizen ma te paanshme, ma te drejte, te pandikueme nga interesi i momentit, as i tiji si individ e as i atyre qe kane pushtet. Ne kete drejtim, intelektuali duhet te flase me autoritetin e dijes, si zeri i se vertetes, dhe standarti i gjykimit te tij duhet te jete thelbesisht teknokratik, i paanshem dhe i pavarur nga opinioni sundues i kohes.

Besoj se ka nje dallim ndermjet profesionistit teknokrat, ekspertit te nje fushe apo lemi dijeje me intelektualin si ze i kohes dhe interesit publik. Intelektuali mund te jete ekspert sikurse nje ekspert mund te beje intelektualin per nje ceshtje te caktuar.

Shinasiu kur flet per intelektualin e vertete ka parasysh nje person te pavarur nga partite, grupimet politike apo interesat pragmatiste te dites/momentit, jashte grupimeve dhe mbi dallimet/interesat grupore. Sipas ketij perkufizimi, portretizohet qarte kategoria e pseudo-intelektualeve te cilet z.Rama i quan pisqolla ose paterica mediatike.

Perpos  rasati te intelektualit -sherbetor partie besoj se eshte krejt i perligjur, madje do thosha i domosdoshem, roli intelektualit te angazhuar  i cili eshte me fleksibel perballe intelektualit te kastruar qe aderon ne nje grupim dhe s`mund te flase vecse me gjuhen e njeshit. Intelektuali i i vertete, thote Rama, synon te persosuren kurse politikani  synon te nevojshmen dhe kenaqshmen per vete dhe grupimin e tij.

E persosura mbetet perhere ideal dhe intelektuali pavarur qe udhehiqet nga te vertetat absolute, praktikisht nuk ofron zgjidhje dhe nuk i kontribuon realitetit imediatisht.  Shembulli tipik i ketij pozicioni mbi palet eshte vete shkrimi Rames , sidomos dy pikat e fundit . Nje veshtrim 180 grade i politikes dhe perfundimi: te dy palet dhe dy lideret sidomos, R &B luajne poker per interesat e tyre te ngushta.Ky pohim ka nje te vertete brenda por nuk eshte plotesisht e verteta. Sa do makiaveliste dhe amorale te jene liderat , ata i hapin rruge interesit te tyre egoist duke realizuar pjeserisht interesin publik. Ndryeshe i bie te jemi te gjithe te verber dhe marioneta te vullnetit te dy personave. Ne rastin e konfliktit ne fjale, kemi dy pozicione, dy te verteta ,te dyja  te ambalazhuara me retoriken e ligjshmerise dhe interesit publik.

Po si dilet nga ngerci ? Kete zgjidhje nuk e jep dot prof. Rama sepse intelektuali vertete nuk merret me teknikalitete sipas tij. Ne fakt, intelektuali vertete ose i pavarur, pra ai qe punon me idete dhe te vertetat, si busull ka interesin publik, ndryshe idete e tij nuk do kishin asnje vlere. Dhe duke qene keshtu, terthorazi ai eshte i perfshire dhe si i tille, duhet te beje nje zgjedhje, pra te angazhohet duke ruajtur distancen dhe integritetin e tij.

Prandaj preferoj intelektualin e angazhuar si me te dobishem per interesin publik sepse intelektuali angazhuar pa qene nevoja te endet ne qiellin e te vertetatve te amshume, do te orientoje drejt asaj te vertete qe eshte me  e mira e mundshme, krahasuar me gjysem te vertetat e paleve ne konflikt.

A jemi te sigurte qe ky eshte fundi i persiatjeve te profesorit? Une mendoj qe rrjedha logjike e gjerave do sjelle edhe tek zgjidhjet e propozuara, por njehere duhet diagnostikuar i semuri e pastaj i duhet sugjeruar ilaci. hapi i pare eshte qe i semuri ta kuptoje qe eshte i semure.

 Me vjen mire qe profesori ka vendosur te behet aktiv ne skenen shqiptare. I bejne mire nderhyrje te tilla shoqerise. Me vjen keq qe harxhon lapsin kot per te debatuar me nje neandertal!

Patriot, duhet ti hedhesh nje sy, temes tjeter ku ka shkruar Bledari.

dy gjera:

e para, pavaresisht se "leksionet" qe jep SH.R. mund te kishin ndonje vlere ne vetvete, ne kete shkrim jane thjesht arrogante sepse ky shkrim eshte si pergjigje e shkrimit te pare, dmth, gabimi qe ky autor ka bere ne nje argument te meparshem. Eshte arrogance te shkruash 5 faqe ese per menyren se si duhet te jete "intelektuali" (whatever that means).

e dyta, edhe nese SH.R. nuk eshte sherbetor i ndonje partie ai eshte i pozicionuar shume qarte se per ke eshte tifoz. Keshtu qe cdo perpjekje per tu dukur i pavarur eshte e kote

 

te gjithe palet e dine se hapja e kutive con ne prishjen e ekuilibreve ekzistuese. 

 

kalliri - 9 Qer 2010 - 1:23am

lol, jeta vazhdon, por eshte jete nen dhune, jete ku te eshte vjedhur liria, jete ku hajduti pa deshiren tende te qeverise, te vjedh, te shkerdhen dhe po e kundershtove apo ti faktosh vjedhjet edhe te vret.

Shenasiu te thote te pakten se demokracit perendimore jane ne stadin e sotshem fale debateve, protestave, konflikteve kushtetuese.

Ky debat qe eshte hapur ne vendin tone, parimisht eshte pozitiv, dhe keshtu duhet te jete, praktikisht duhet bere kujdes mos shkaterrojme edhe ate pak qe kemi arritur deri me sot.

Keto intelektual, gabimin me te madh e bejne qe kopjojne peshkun, stili i tyre eshte pa uje.

E djathta bashke me te majten kane miq e dashamir ne perendim, jurista te njohur , pse nuk sjellin mendimet e tyre per kete çeshtje, e vertet qe kushdo ka te drejte ti zgjidhe problemet e shtepise si don vete, por edhe keshillat te ndihmojne.

Ne keto raste merret parasysh edhe ngjashmeria e çeshtjes, emerohet çeshtja e ngjashme dhe behet krahasimi.

Ai krahasim qe ben Shenasiu per Irakun, ( per aq sa kemi marre vesht nga lajmet) ankimi ka ardhur nga KZZ, jo nga anetar te KQZ, nje kohe qe tek ne anetaret e KZZ nuk kane sjelle asnje ankim.

 

Une e kuptoj qe BHPrifti si nje ithtar qorr i Rames nuk pranon shume sterhollime ne shkrime me teme politike, kerkon hapur e qarte mbeshtetje per Ramen, por Shinasiut kot i bie ne qafe. Shinasiu eshte kembe e krye nje ram(z)ist i vendosur dhe me mire i sherben Rames keshtu, gjoja "intelektual i pavarur" kunder parise. Kjo replike njehere eshte nje pacavure. Ky thote qe nuk ka rendesi transparenca por ne fakt eshte krejt e kunderta, transparenca ka rendesi shume por kjo transparence duhet bere ne perputhje me ligjet dhe vendimet e gjykatave ndryshe ai shteti qe kerkon Shinasiu nuk behet kurre. Nese Berisha dhe Rama bejne marreveshje per te bere dicka ne kundershtim me ligjin atehere vendi ka destabilitet juridik. Kete duhet te thote Shinasiu nese eshte me te vertete "intelektual i pavarur" dhe jo te tentoje te mashtroje trashe me shembuj per hapje kutishe nga Iraku. Per ata qe se dine, rinumerimi ne Irak ndodhi pas vendimit te gjykates per dicka te tille. Nuk ndodhi pas urdherave politike te paleve politike qe kontestuan apo mbrojten rezultatin.

transparenca ka rendesi shume por kjo transparence duhet bere ne perputhje me ligjet dhe vendimet e gjykatave ndryshe ai shteti qe kerkon Shinasiu nuk behet kurre.

Po Shefi ka rene dakort per hapjen e kutive te materialeve zgjedhore. Deri dje kete e "pengonte" kushtetuta, ligjet ,gjykata. Je gjysem kohe mbrapa dirigjentit.

qe materialet zgjedhore te hapen dhe merren ne disponim nga kush te doje nuk ka pse bie dakort fare shefi, e parashikon Kodi Zgjedhor i miratuar me propozim te Rames. Marrja dhe investigimi i materialeve zgjedhore nuk eshte kundershtuar asnjehere, kjo eshte vetem alibia e rradhes e Rames. Ligjet dhe vendimet e gjykatave nuk lejojne rinumerimin e votave pasi per keto vota eshte shprehur gjykata.

Replika eshte aq e dobet sa nuk meriton as argumentimin se perse eshte aq e dobet. Mund te jete edhe Prof ky tipi por nuk paska aftesi thurrese.

Edhe nje sugjerim autorit, mundesisht here tjeter replika te jete me e shkurter dhe kompakte perndryshe ja humb interesin lexuesit. Paragrafet e pare i lexova me vemendje, te tjeret vetem sa i skanova shpejt me sy.

Shiko, pa lidhje me temen, dhe vertet pa te keq, por me ra ne sy perdorimi i titullit "profesor" me siper. Kjo fjala profesor, them per ketu ne US, kur perdoret kshu shqeto, pa mbiemra nga pas, eshte fjale me peshe shume. Eshte nje cike e rralle dmth. Nuk them per perdorimin alla studentce, se per studentin fakir, bachelor etj, "professor" eshte cdo anetar i staffit te fakultetit. Qe titujt ne Shqiperi jane ne nje inflacion te tmerrshem, dhe qe ka shku professorlliku 5 leke per krere, kete e di mire. Por ketu ne US, inflacioni nuk ka shkuar (ende) aq lart. Ka nje strukture hierarkike shume mire te percaktuar ne fushe te mesimdhenies. Autori mund qe eshte vertet tenured professor me titull (po nuk qe, ia uroj sa me pare, thjesht se eshte shqiptar), nuk e di dhe ashtu qofte, vetem doja me terheq vemendjen per saktesim. Sepse kerkon nje kohe te caktuar - tenure - dhe arritje te spikatura marrja e atij titulli.

Shtoj se ne cdo rast, kur dikush ka marre PhD (doctor of philosophy), eshte shume e udhes te quhet Dr. X, qe eshte titull shume i  respektuar dhe i drejte per cdo rast.

T'i pergjigjesh nje pacavureje si ajo e Bledar Priftit, vallahi, do te thote te mos kesh gjera me te rendesishme ne jete; te kesh humbur sensin se cfare eshte e rendesishme dhe cfare jo; te jetosh virtualitetin shqiptar dhe jo realitetin tend; ta kesh lejuar veten te te kete korruptuar mediokriteti i diskursit shqiptar; te kesh lene veten te korruptohesh nga gara se kush eshte i pari i klases! Dhe, me vjen shume cudi kur kujtoj qe Shinasiu jeton e punon ne NYC; ne nje ambjent ku ka plot gjera interesante per t'u kerkuar; ku mund te sherbeje per te ndertuar dhe kontribuar ne dijen globale dhe ku, atje ne NYC, eshte i pavarur dhe nuk e detyron askush (pervecse egos se tij) qe te perlyhet me nivelin e parise dhe "intelektualeve" te Tiranes.

 PS: Shume e zhgenjyer nga artikulli per katundarin - sinqerisht, per nje moment nuk u besova syve qe nje artikull i tille eshte shkruar dhe qe nje artikull si ai edhe botohet. Marrezi!

E drejte Emigrant. Titulli Prof. ne Shqiperi ka pesuar nje inflacion marramendes.

Ky titull qe duhej te tregonte vlera te rralla e te vecanta si floriri, ne Shqiperi  eshte shperdorur kaq shume dhe ka marre disa konotacione :

-Studentet i drejtohen rendom cdo mesimdhenesi Presor-e mbartur kjo prej kohes se shkuar  dhe per inerci vazhdon te perdoret pa teklif edhe nga breznit e reja.

-Pas 90`ky titull filloi te perdoret me nje konotacion shpotites ne zhargonin e perditshme.Cdo kush i drejtohet gjithkujt :he mo Profesor, c`kemi ? Tani thjesht per hir te muhabetit , po mundohem me gjet rrenjet dhe arsyet e ketij shperdorimi. Ndoshta jo pak, ka ndikuar ai i flamosur Come Cakshiri ke "Shi ne plazh" qe jo aq nga respekti sesa me romuz, i drejtohet dajes "pak te lajthitur" te Alberit.smiley

Nje arsye tjeter mbase eshte fakti qe ne kete kohe te llapjes se lire, te gjithe hiqen profesore, te gjithe japin mend per gjithcka: nga trafiku deri ne fluturimet kozmike. Ja te tregoj rastin e kasapit ku blej mishin. Pasi sigurohet per sasine e mishit qe do blej, fillon e me shtjellon ceshtjen e Rripit te Gazes, futet ne arsyetime filozofike per dallimet e kafshes me njeriun, pastaj prek ceshtjen e kutive, mediton per Shqiperine Natyrale dhe argumenton dobishmerine e hapjes se shtepive publike. Ndoshta fajin e kam une qe i drejtohem:he mo Profesor, c`do na thuash sot? smiley

Eshte dhe shahist i mire, luan ne llotosport dhe si hoby ka peshkimin. Tamam figure poliedrike,Prof. me nje llaf.

Nje arsye tjeter e perdorimit zbavites te fjales Prof. ne jeten e perditshme eshte besoj fakti se kemi kaq shume prof. me titull por pak ndricojne prej tyre ne publik.

PS: zotria ne fjale ,Sh.Rama eshte Ph.D dhe Prof. ne shkencat politike.

spiritus, nuk e besoj se eshte problemi te fakte te rendomta si "he mo profesor" por qe ketu behen njerezit dr. dhe prof. vetem se merren me politike, ose duke perkthyer materiale qe kane qene gjysem-risi ne italine e viteve '70 ose duke bere dokotoratura me tema qe veshtire se do pranoheshin edhe per tema masteri ne vendet ku shkolla eshte shkolle. dhe qe ne vend te rregullohet po dhitet perdite e me shume ky muhabet, psh jozefina do beje phd me korrespondence te juridiku.

Shume e goditur ajo me kasapin. Dhe po ashtu shume e vertete qe Rripin e Gazes e kemi bo telef m'analiza qe ne krye te heres. Kur lajmet fillonin: "Aman. Agjencia Hsinhua njofton se dje, forcat agresore izaelite...."

Tani persa i perket profesorllikut dhe poliedrizmit, pershkrimin e ke "tulle", si gjithnji xhanem. Une infon qe vjen prej teje nuk e verifikoj, e marr te mireqene, sic po marr edhe titullin e zotit Rama. Ndoshta duhet theksu se sa gje e madhe eshte kjo, sepse duke dit qe zoteria ka qene "dhjetorist", i bie qe ne rastin me te mire ta kete lene Shqiperine nga fillim 90-ta. Nuk di sa kohe i ka marre mbrojtja e PhD. Tani mbas kesaj, ka kaluar ne dy shkalle (se ka ca pune ky profesorlliku, nuk eshte "gelldap&quotsmiley, pra ka kaluar fazen e assistent professorit dhe ate te associate professorit dhe eshte bere "full professor" (tenured); ver re se kur thuhet "full", nenkuptohet qe deri tani ka qene cerek a gjysem a trecerek professor. Qe nje shqiptar te jete full professor ne nje universitet me goxha prestigj si NYU, ky eshte nje fakt qe meriton te pakten nje sekonde ndalje, heqje kapele dhe vleresimi. Fare pak shqiptare duhet te jene futur ne ate rreth, besoj - e kjo vlen per ata qe i hyjne karrieres akademike, gjithnje. Sepse suksesi ne korporaten amerikane ka tjeter kut vleresimi ($!!!).

ps. e perseris, e ke qare ate etydin e "presorit".

Ne median shqiptare i bihet shkurt: Prof. Sh.Rama. Une kerkova ne google dhe nga barra qe me vure , e verifikova serish dhe me rezulton associate profesor.

kqyre pak ket si nje shembull kariere akademike ku figuron edhe emri SH.Rames:

http://www.google.com/url?sa=t&source=we...

swed, po pikerisht prej ketij fakti, pra prej lehtesise se paperballueshme te te berit profesor, ka gjalluar kjo qesendisja ne zhargon: he mo profesor.

ketu mbase plagjiatura eshte me e theksuar por kam pat rast te lexoj ndonje doktorature nga te huajt dhe aty vertiten: shto uje, shto mjell, cito, analizo korifejte dhe shtoi rezultatet e ndonje anketimi lokal, dhe kalo matane.

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).