Akti i Kryeministrit tonë që shkoi në Krujë dhe tha aty se heqja e vizave është fitorja më e madhe e shqiptarëve që nga koha e Skënderbeut meriton një koment...

...sepse, sipas gjykimit tim, është dëshpërimisht dëshpërues në disa plane. Së pari, do të thosha se ky pohim të bën të mendosh se Kryeministri ynë nuk e ka haberin e koncepteve të sotme për historinë. E kam fjalën se ideja e vazhdimësisë së historisë së një populli që nga gjeneza e tij e deri më sot, me një qëllim të lartë që vjen e realizohet pas vuajtjesh e vështirësish shekullore, është një konstruksion mitologjik tashmë i provuar si shkencërisht i gabuar, por edhe si politikisht i rrezikshëm. Historia e popujve nuk është aspak diçka që ecën në mënyrë lineare dhe progresiste, e pashkëputshme; në historinë e çdo populli ka pasur periudha të ndryshme që nuk lidhen domosdoshmërish me njëra-tjetrën me ndonjë fill, ashtu sikurse pas periudhash të ndritshme ka pasur edhe të errëta, siç janë luftërat apo diktaturat (shpesh të lidhura me realizime projektesh të tilla teleologjike) që e bëjnë edhe çështjen e së ardhmes një pikëpyetje të madhe dhe një sfidë të përditshme të paparashikuar, që ka nevojë të modifikohet gjithmonë nga përballja me realitetin. Kurse kryeministri na dha një version të historisë që na bën të mendojmë se ai vetëm sa ka zëvendësuar nga dijenitë e tij nacional-komuniste të marra në periudhën e enverizmit, komunizmin me Naton dhe heqjen e vizave, çka nuk është një ogur i mirë as për mënyrën sesi i qasemi të ardhmes dhe as për arsimimin tonë të prapambetur, edhe kështu siç është.

 

Së dyti, t'u thuash shqiptarëve që kjo është arritja më e madhe që keni pasur në histori që në kohën e Skënderbeut, të bën të shtrosh pyetjen se cilat janë ngjarjet e tjera të shënuara të shqiptarëve në historinë e tyre, sepse kjo tingëllon sikur shqiptarët s'paskan pasur asgjë në histori, se ata, së bashku me malet e Shqipërisë, pasi u zhgënjyen nga rruga ku i udhëhoqi Partia e Punës dhe Enveri paskan pritur Partinë Demokratike dhe Sali Berishën që t'i nxjerrë në dritë. Është e vështirë të thuash se cilat janë ngjarjet më të shënuara të shqiptarëve në historinë e tyre. Por së pari do të thosha se, nëse do të fillonim të flisnim për histori shqiptarësh, me ngjarje të shënuara, do të duhet të kemi parasysh historinë e shqiptarizmës, që sikurse e thonë historianët e vërtetë fillon afërsisht në gjysmën e dytë të shekullit XIX dhe jo në kohën e Skënderbeut. E nëse do të flasim për ngjarje të rëndësishme të shqiptarizmës do të thosha se ka shumë ngjarje, duke filluar që nga botimet e para të Kristoforidhit, apo Lidhja e Prizreni apo hapja e shkollës së parë shqipe, botimi i poemave të Naimit, për të mos folur për shpalljen e pavarësisë më 1912 dhe të tjera ngjarje në kohën e Zogut ashtu sikurse ndoshta do të gjenim të tilla edhe në kohën e Luftës Nacional-Çlirimtare apo të Enver Hoxhës, - shumë më të rëndësishme sesa heqja e vizave për shqiptarët (gjithmonë pa harruar anën e kundërt të medaljes së tyre).

 

Së treti, ka një mashtrim dhe manipulim të madh kur tentohet të reduktohet individi në historinë e kolektivitetit të tij, duke iu thënë se ngjarja më e lumtur e jetës së tij është ajo e kolektivitetit të tij. Çdokush ka arritjet e tij në jetë dhe për shumëkënd këto janë shumë më të rëndësishme se heqja e vizave. Madje ka nga ata që mund të mos e duan Evropën fare dhe kjo është e drejta e tyre. Ndërsa imponimi që i bën shteti individit shqiptar nëpërmjet fjalës së Kryeministrit dhe propagandimit të saj se ai duhet të përjetojë si ngjarjen më të madhe të jetës së tij atë të kolektivitetit është një jehonë e atyre kohëve ideologjike kur individit i kërkohej nga pushteti ta konsideronte veten thjesht dhe vetëm si një ingranazh të makinës së madhe kolektive. Jam i bindur se po t'i pyesësh veç e veç shqiptarët që jetojnë brenda dhe jashtë atdheut se cila është ngjarja më e rëndësishme në jetën e tyre mund të të thonë shumëçka, si lindja e fëmijëve, apo martesa, apo arritja e një suksesi në punë, apo ku di unë, por jo heqja e vizave. E në këtë kontekst duhet thënë se puna e një politikani është të bëjë sa më të lumtur një numër sa më të madh njerëzish në vendin e tij, në shtëpinë e tij, në kopshtin e tij, në shkollën e tij. Dhe nuk ka pikë dyshimi se periudha që po kalojmë, me gjithë heqjen e vizave që është diçka pozitive, nuk është nga më të lumturat që na kanë gatuar politikanët tanë, por përkundrazi, nga më të vështirat, sepse po humbasim dita ditës një shpresë më të rëndësishme se ajo që të mund të shkojmë të shohim të afërmit në Evropë, shpresën se do të mund të jetojmë me cilësi jete, me drejtësi  e me dinjitet në vendin tonë. E në këtë kontekst, le të mos harrojmë se çështja e lëvizjes së lirë në Evropë mund të konsiderohet një arritje e qytetërimit evropian, edhe e jona sigurisht, por kurrsesi arritja më e madhe, aq më pak në kohën e sotme kur në shumë vende të Evropës po vihet re prirja e mbylljes ndaj të varfërve të Evropës siç jemi ne, apo ku prezenca e tyre shihet si një mundësi që këta të bëjnë punët e rëndomta që s'i bëjnë më evropianët.

 

Së fundi, më duket shqetësuese kjo prirja e udhëheqësve tanë të shekullit XX-XXI për t'u krahasuar me Skënderbeun dhe aq më tepër ajo e servilëve të tyre për t'i krahasuar me këtë. Enver Hoxha madje gati gati ia arriti dhe ia kaloi kësaj ambicieje, sepse i ngritën një monument edhe më të lartë se Skënderbeu, mu në sheshin "Skënderbej". Është shqetësuese, së pari, sepse tregon shkëputje delirante nga realiteti, ndërkohë që roli i një politikani është pikërisht të prekë përditë me dorë realitetin dhe ta plazmojë atë. Së dyti, nuk e kam fjalën se një politikan i sotëm s'ka të drejtë të aspirojë të krahasohet me Skënderbeun. Le ta ushqejë edhe këtë ëndërr, tek e fundit. Problemi është se çfarë e frymëzon këtë politikan për t'u bërë si Skënderbeu në imagjinatën e shqiptarëve.

 

Skënderbeu është një hero ndërkombëtar i Mesjetës, që shqiptarët e morën në shekullin XIX për shkak të origjinës së tij dhe e bënë mit të nacionalizmit, si nevojë identitare për t'u identifikuar si komb krahas kombeve të tjerë që po lindnin, si dhe për t'u frymëzuar në përpjekjet e tyre për pavarësi meqë kishte luftuar kundër turqve. Ky ishte realiteti i asaj kohe dhe miti u ngrit si nevojë e asaj kohe. Në realitetin e sotëm nuk kemi nevojë për identifikim kombëtar, sepse tashmë njihemi dhe as nuk jemi në ndonjë luftë. Ne sot kemi nevojë për heronj të politikës nga ata të kohës kur jetojmë, me fytyrë njeriu, që nesër mund t'i bëjmë edhe mite, por që të na frymëzojnë me punën e tyre për demokracinë, për lirinë, për të na çliruar nga nëpërkëmbja që na bën kasta që kemi në krye. Dhe Sali Berisha më duket se, për fat të keq, është shumë larg këtij heroi të politikës, pasi është kokë e këmbë në anën e nëpërkëmbësve.

30 Komente

Perse i detyroni njerezit te hidhen ne mbrojtje te vlerave historike kombetare dhe pastaj i akuzoni per nacionaliste? Turp te kesh Lubonja qe je nje nga helmuesit kryesor te diskursit publik ne Shqiperi.

E keni kapur keq me figuren e skenderbeut, keni disa vjet qe i jeni qepur si ai mbas asaj. Nqs do merreni me politiken, merruni, dhe flisni per politiken, lereni historine dhe traditen e popullit shqiptar.

Shqiptaria nuk eshte krijuar ne mes te shekulli XIX jo, por eshte vazhdimesi e fiseve Ilire deri ne ditet e sotme, do apo nuk do Lubonja apo te tjere syresh, kjo eshte nje vertete, dhe po na merzisni bythen duke u marre me kete pune tere kohen, vetem sot ne peshk jane dy tema kryesore qe kan po kete qellim, te godasin krenarine historike te shqiptareve duke perdorur argumenta te vlefshem kunder politikes plehre qe eshte sot ne Shqiperi.

PS. sa per identitetin shqiptar te Skenderbeut, ka folur vete skenderbeu ne leterkembimet e tija, dhe flet ajo qe eshte memorie kombetare e shqiptareve, dhe qe mbreteria e Arbrit ka qene mbreteri shqiptare, nga shqiptare, per shqiptare, qe nga jugu ne veri e mbeshtetur nga te gjitha fiset nuk ka asnje pike dyshimi. Ne jemi niperit dhe mbesat e tyre dhe jemi krenar.

Po mire, ty te shqeteson me shume fakti qe e ka pergojuar Lubonja Skenderbeun, fakti qe e ka pergojuar Berisha, apo fakti qe duke u strehuar nen hijen e monumentit te Skenderbeut ky mund t'ia dali edhe te te c'nderoje familjarisht, te te heqi buken e gojes, e ti te thuash, hallall, se te pakten e beri nen hijen e Skenderbeut. Hik ere te dhjefsha Skenderbeun, e kush e ka bere Skenderbeun. Kur nuk e con dot prindin, apo femijen ne nje spital shqiptar se ke frike se mos ta vrasin vete mjeket nga pakujdesia, kur e le Shqiperine me te katerta sepse po te rrish nuk di nga do te te vije kafshata tjeter e bukes, merre patriotizmin tend, me gjithe Skenderbeun bashke me kal, dhe fute atje ku nuk ndrrin dielli.

Ti ke ndonje problem qe me je qepur ne cdo teme keshtu? Une flas per veten time, ti fol per veten tende, nqs do mesime nga mua, shtro pyetje, dhe jam mese i gatshem te te pergjigjem, por mos me sulmo me pyetje kalamajsh.

Ajo qe kam thene dhe vazhdoj te them eshte qe Lubonja merr argumenta te vlefshem kunder politikes te dites dhe cuditerisht ne cdo shkrim te tijin apo sa here hap gojne ne publik i lidh keto argumenta me identitetin dhe krenarine kombetare shqiptare. Perse duhet ebre patjeter kjo lidhje sipas teje? Te mos flas fare per fallcitetin e argumentave historik qe perdor, a thua mbreteria e Arbrit paska qene nje mbreteri pa asnje lidhje me popullaten e sotme te te njejtit vend. Nqs budalleku apo injoranca per ty jan argument, ti gezosh.

 

Artikulli i Lubonjes qendron ne pergjithesi.  Shqetesimet qe ngre jane me vend.  Kjo mendesi "Kruje, o qytet i bekuar, prite prite km-n per tetor/nentor te dyte se te tjerat nuk quhen" nuk eshte ne rregull.

Por Lubonja mund te kursehej me paragrafin e fundit.  Hero "nderkombetar" qe u mor borxh nje xhiro se ashtu na duhej, apo diskutime per identitete kombetare ose jo, jane bere me pare, e do vazhdojne te behen.  Ketu vec terheqin zvarr nje problem tjeter.

Por Lubonja mund te kursehej me paragrafin e fundit.  Hero "nderkombetar" qe u mor borxh nje xhiro se ashtu na duhej, apo diskutime per identitete kombetare ose jo, jane bere me pare, e do vazhdojne te behen.  Ketu vec terheqin zvarr nje problem tjeter.

Monda, dua te te pergjigjem ty, sepse te cmoj shume, ndrysha nga ai Ora, qe nuk do ja hidhja qyrret ndonjehere.

Fakt eshte qe Skenderbeun si hero e sollen, jo per nje xhiro, por per ta lene ketu, Rilindasit arberesh.

Dicka interesante qe veren Prof.Dr. Peter Bartl ne librin e tij "Shqiperia: nga mesjeta deri tani" kur thote: "Rilindja shqiptare eshte pak e ekzagjeruar per tu quajtur Rilindje e shtetit shqiptar, pasi qe te rilindesh, do te thote qe te kesh lindur dikur me perpara dhe mepas te kesh rene. Gje qe per shtetin shqiptar nuk mund te thuhet nje gje e tille, pasi nje shtet shqiptar, ne kuptimin e vertete te fjales shtet, nuk ka ekzistuar ndonjehere ne mesjete."

Prandaj edhe "rilindasit" tane kishin nje problem te madh ne kete drejtim, dhe prandaj edhe thirren fantazmen e Skenderbeut per ta bere leitmotiv te nacionalizmit shqiptar. Atyre nuk eshte per tu vene faj, sepse ne kohen dhe vendin ku jetonin kishte filluar nje trend i ri historik, ku popujt zbuluan qe kishin nje nacionalitet perkates.

Perzgjedhja e Skenderbeut kishte te bente edhe me bujarine e kronikaneve te mesjetes qe dokumentuan me shume dhe me gjate per Skenderbeun sesa per prijesit e tjere shqiptar, si psh per Gjergj Arianitin. Sepse kur Gjergj Arianiti i zmbrapste pa rrjeshtje trupat e osmanllinjve dhe beri qe turqit te mos arrinin asnjehere deri ne Himare e Kanine, Gjergj Kastrioti ushtrohej akoma me shpata druri ne oborrin e sulltanit. Edhe titullin Atletae Christi e kishte ne fillim Gjergj Arianiti, me vone pastaj ia dhane edhe Gjergj Kastriotit.

Por sic e thashe me lart, Abedin mbaj shenim, kronikanet e kohes ishin me prane Skenderbeut dhe Skenderbeu ishte ai qe dinte te lidhte aleanca.

pedro, vleresimi eshte reciprok smiley

Persa i perket temes, pikerisht ketu e kam fjalen, qe ai paragraf ne fund, qe nuk ka lidhje fare me idene e pergjithshme te artikullit, ose ka lidhje te stergjate, heq vemendjen prej ceshtjes qe po diskutohet.  Per me teper, sepse dikush permendi qe eshte vetem nje fjali e km-s dhe Lubonja s'duhej t'i kishte kushtuar rendesi, por eshte, sic e dime, me shume se nje fjali.  Eshte mendesi, politike, fushate, dhe e llogaritur me se miri.  

Arsyeja tjeter qe ai paragraf eshte i tepert, edhe ne lidhje te stergjate, sic thashe ky debat, eshte bere, behet, e do behet, sepse edhe te duan shqiptaret (e shume prej tyre e kane fjet mendjen nga ajo ane) te mos ngrysen e gdhihen me Gjergj Kastriotin ne mendje, nuk te lene keto "debate."  

E ve "debatin" ne thonjeza, sepse nga te dy palet e debatit ka nje kendveshtrim te ngusht qe s'mund te krijoje vecse polemika si ato qe i kemi pare, e qe jane debatuar 100 here edhe ketu ne peshk. 

Persa i perket termit "rilindas" nacionalizmi romantik i Evropes Qendrore dhe Lindore pershkruhet ndryshe si "national awakening."  Ose sic e ka thene i madhi Prosi te filmi: "nje komb qe fle, vdes."  Dmth, pertej apo perqark termit "rilindas" mund te themi qe ata individe ishin njerezit qe u rane kembanave per te zgjuar popullin nga gjumi.  Per t'i mbledhur rreth kauzes kombetare.  Levizjet kombetare te "zgjimit" te shekullit 19 ne Europen Qendrore dhe Lindore, kane shume gjera te perbashketa.  Apelim ndaj heronjve, evokim te tyre: ti e di fare mire qe psh ne Gjermani u evokuan figura si Charlemagne, (ne pikepytje perkatesi "kombetare" me fqinjet) Barbarossa, etj etj etj.  Po ashtu rol kyc luajti figura e "poetit kombetar", nocione keto qe ishin te huaja per Perendimin.  Evokim mitesh e histori folku etj.  

Pra ne kete aspekt, Shqiperia nuk perben nje rast unik.  Pa u marre me referenca historike, kush ishte kush, nga ishte, cfare ishte, keto mjete u perdoren per nje qellim te caktuar dhe luajten rolin e tyre qe duhet te luanin per ate kohe.  Personalisht, perpjekjen per t'i cmitizuar apo per te qene historikisht korrekt, edhe sikur t'iu heqesh qellimet e tjera, por le ta zeme qe behet per hobi per te qene historikisht korrekt (qe ne pergjithesi eshte e pamundur) dmth, keto perpjekje i shoh si tkurrje intelektuale qe ne pamundesi per te perballuar problemet akute te te sotmes, apo me sakte akoma, ne pamundesi per te luajtur nje rol aktiv ne shoqerine sot qe aq shume i duhen intelektualet e lire e te pavarur, pra ne pamundesi, zgjedhin kete menyre per t'u afirmuar ne publik.  Jo njehere, jo dy here, por shume here.  Jam e mendimit qe Shqiperia nuk e ka kete luks.  

Je ti ai qe po me permend! C'me zuri ngushte dhe me detyrove te 10-s ne nje hale qe s'e kisha ndermend.

N'fakt me ket yrysht qe ka mor sala, nuk osht cudi qe nej dite t'na thote qe ka fol n'telefon me skenderbeun dhe ky e ka uruar edhe vete per vizat. smiley

 Edhe skenderbeu ka per ti thene...prit pak Sali efendi se une kam ikur ne Napoli atehere pa vize fare...e ti kthehet Sala jone...deri ne napoli ke vajtur more edepsez por une te coj ne ter shengenin more mosmirenjohes more katundar mati..

qe Sula shkoi ne Kruje per te pershendet Skenderbeun (e kom fjalen per statujen) boni mire. qe Skenderbeu nuk e rru hic per Salen ene kjo dihet. Ajo qe une nuk kuptoj eshte pse ky i drejtohet banoreve te krujes si sternipa te skenderbeut. Populli aktual i Krujes nuk ka asnje lidhje gjaku apo zakoni me popullsine e mbi 500 viteve me pare nen sundimin e Skenderit apo te fisit te Kastrioteve. Ata te shkrete, mbas renjes se Krujes u syrgjynosen qe te gjithe ne jug te shqiperise, ne Itali e me gjere, dhe teritorin e tyre e zune familje te jeniciereve apo bythelepires te perandorise Otomane. Kjo eshte historia o Sule!

Mu qesh me ate komentatoren , me emrin Mulaj .. Nga ushtria Italane eshte trasheguar emri i Mushkes = Mulaj ...po kjo qeka lloj pele qe komenton per Mushka smiley

Ashtu eshte berber.Krutanet jane turq.Edhe katoliket krutane jane turq.

Perse e keni te veshtire te besoni se me boshatisjen e Krujes fshatrat rreth e rrotull kane zbritur ne qytet sic eshte bere kudo.

Turqit jane turq dhe flasin turqisht.Shiko pakicen turke ne Kosove.Ata jane turq te vertete dhe jo krutanet qe nuk dine nje llaf turqisht.

nuk dine nje llaf turqisht

 

As fjalen llaf ?

ah ti je koqe kandari...

 

 

mua me pelqen ky shkrim, zoterinj

O zonje ti me habit. Se edhe nje amebe do dinte te zgjidhte mes nje pellgu me uje e nje me acid po t'ia jepje. Jo se eshte e zgjut e mendon po se e ndien. Tani, ne njerzit duhet te ngrihemi te pakten ne nivelin e njeqelizorve dhe te pakten t'i ndjejme ca gjera. shprehje si ajo qe skenderbeu ishte nje hero nderkombetar qe tani s'na duhet me se kemi nevoje per ca working class hero, jane ca idiotlliqe qe nuk di ça te them per nivelin intelektual te kujt e thote. ai qofte. dhe ti gjithashtu. po edhe monda qe distancohet nga nje budallallik i tille, se kuptoj si mund te vleresoje pjesen tjeter qe eshte po e tille. Ishte me mire kur gjerat ndjeheshin dhe jo mendoheshin.

bo  bo doli prap ky lubonja .ne cfardo lloj teme  te shkruaj ky lloj burri  ore do per sport do per transport  do per dashuri  e nxjerr inatin te identiteti kombetar,ama dije kaq ta besh dhembin ne shqiptare ishim ,jemi ,e do te jemi.ti me velon dhe kompanine qytetbotiste  shkoni e tufezohuni[integrohuni] ose behuni  grek ,serbe ,arixhinj ,evgjite .per ato qe thua per politiken jame dhe une dakort po ti se ke hallin te klasa e kalbur politike  por te nacionalizmi te cilin qellimisht e lidh me komunizmin  me demek per ta diskretituar .fatos ka ardhur koha te behesh pionier

Ne sot kemi nevojë për heronj të politikës nga ata të kohës kur jetojmë, me fytyrë njeriu, që nesër mund t'i bëjmë edhe mite...

 

Edhe Sala per mitizimin e tij po lufton.  Ne intervisten e tij me Forbsin, e filloi nga vetvetja me 1992shin dhe e mbaroi me veten ne 2010-ten.    ...ashtu ben edhe kudo qe shkon.  Arritjet e bera gjate kryesise se tij, sigurisht qe jane te nje niveli te pakrahasueshem me cdo gje tjeter keto 500 vjetet e fundit.

Per mua, hapja e vizave eshte nje proces natyral qe do behej pavaresisht se kush ishte ne fuqi.   Te quash arritje dicka qe do behej me apo pa ty, me duket delirante.   E keqja eshte qe populli ne pergjithesi i merr gjerat shabllon ashtu sic ua jep televizori, pa i perpunuar.  Prandaj edhe jam i sigurte qe figura e Sales do behet mitike.

Hej zot. Lubonja merr nje fraze idiote te berishes qe as fiksi s'denjoi ta perqeshte, aq idiote ishte, dhe i thur nje artikull te tere ku i fut dhe nje paragraf te fundit kastile per te prodhu sherr qe keshtu te quhet akoma opinionist qe shkakton debat. Si katandiset burri, eshte me then.

PO mos ki frike lubonje se pak nga pak po te zbulojne te gjithe se kush je. Nje kokerr ... Se vetem nje ... mund te shkonte e te thoshte kur diskutohej mareveshja detare me greqine: lejeni ate muhabet se dy peshq te qelbet jane. Ose te bej deklarata idiote qe kosova te perqendrohet te serbia se lidhjet ekonomike me te i ka patur dhe jane ekonomi te integruara.

Tani te kane ngel, eshte e vertete, ca nga keta qytetaret e botes mbare, a internacionalist si e qujn veten, qe i verbon me ato diskutimet per identitetet e longshme (apo jane fluide) kur bi fjala per himariotet dhe kaq. Gjithe te tjeret, e kuptojne se kur ia fut kot per gjera kaq elementare qe edhe nje femije i kupton, per te tjerat ia fut akoma me kot. Thuj me burr iher i gjo pro shqiptarve.

P.s. kot per kuriozitet, ça opinioni ka ky per janullatusin. Eshte shpreh noiher per te.

I ke ra me te o Genc . Ai shko ke nonji fshat si Kruja dhe bertet sikur eshte ne Vucidol me piskama . Ai eshte i rrjedhur ,Lubonja e analizon sikur ben gjera me mend . Ai thjesht duhet Perqeshur se eshte Qesharak edhe me vendime qe jane te natyrshme .

Ai ka idene se sikur te ribllokohen vizat (qe eshte plotesisht e mundeshme kur mendon se c'do bejne shqipot pas liberalizimit me KUSHT te tyre ) duhet te mbledhe popullin ne sheshin Skenderbej dhe te vajtoje per

Vdekjen e Stalinit smiley

Qe te analizosh Berishen seriozisht do te thote qe ....Lubonja ka dicka qe nuk funksionon rregullisht .

    Jo more  ..(nuk ta di moshen dhe  nuk guxoj te te thom: more  zoti Genci,ose me fal qe te flas  Genci) Genci jo! Ku guxojne Lubonja, Frroku, Preçi e ca te tjere, te hapin goje, pa le me te kritikojne  Greqipolitiken e Janullatosin. Prishen  ato ujevarat... qe rrjedhin.

   As mos i prit ne ato sokaqe.Te jete i sigurte edhe gjergji, qe figura te tilla, kurre nuk arrijne te behen mitike.Se me gjallje  jane kthyer ne tragjikomike..

Jo, jo. Per nga mosha i bie te jem djali i tij, po ketu eshte problemi. Ne vend te thote ai ndonje gje me mend e te na mesoje ne te tjereve ç'duhet bere, vjen e na thote gjera sikur do ti bjeri ne sy ndonjerit sa i kenduar eshte e sa i kulturuar eshte. Keto poza rioshi si kane hije.

O Tosi.

Por je edhe intiligjent mor burre.

Po fitorja me e madhe ne raport me europen.

Se fitorja me e madhe ka qene pavarsia, pastaj rrezimi i diktatures, ku ti nga kjo diktatur ke ngrene edhe llokuma edhe kerbaç.

Po ky Tosi e din shume mire se para L2b Shqiperia eshte mbajtur si vend me kulture e zakone turke.

Edhe ne kohe te diktatures, pershtypja e europianeve ka qene deri diku e tille.

Shqiperia nuk eshte shikuar me syrin e nje kombi europian, shkak besimi fetar ,por  edhe nga arseja qe kemi qene 500 vjet nen turkun.

Sot europa ka nje vizion tjeter per Shqiperin (  heqja e vizave tregon me qarte kete ).

Po pse more burr meresh me kotsira.

Pse mer lumi e ndryshuam gje DNA-ne qe papritur evropa qe deri dje sna donte sot na do? Po jo o burr, na futem se nuk mund te shtyhej me, ishte vendim politik, na futen se i jena njit si tumi pas kpuce ka nja 20 vjet.

Eh u be bota lesh arapi. Ngaterohet Skenderbeu, figura e tij komebtare me budalleqet e Berishes dhe Lubonja qe e tjer kete lesh duke e dredhur e dredhur per te bere  politike dhe antikombaterizem bashke.

Eh cfare sjell te kesh ne krye nje idiot si Berisha U jep materjal matrapazeve snobe si Lubonja te bejne pazar.

''''Historia e popujve nuk është aspak diçka që ecën në mënyrë lineare dhe progresiste, e pashkëputshme; në historinë e çdo populli ka pasur periudha të ndryshme që nuk lidhen domosdoshmërish me njëra-tjetrën me ndonjë fill, ashtu sikurse pas periudhash të ndritshme ka pasur edhe të errëta''''

Kjo eshte shkencerisht e vertetueshme hahahahaha.

Pas ketij gomarlliku, refuzoj te vazhdoj me tej leximin. Perveçse qe  eshte perfundim filozofik e jo historiografik(shkencor), ky eshte edhe sofistik, se eshte sikur te thuash qe jeta e njeriut, ka faza qe nuk lidhen domosdoshmerisht me njera tjeter me ndonje fill.

 

"....  Ne sot kemi nevojë për heronj të politikës nga ata të kohës kur jetojmë, me fytyrë njeriu, që nesër mund t'i bëjmë edhe mite, por që të na frymëzojnë me punën e tyre për demokracinë, për lirinë, për të na çliruar nga nëpërkëmbja që na bën kasta që kemi në krye. Dhe Sali Berisha më duket se, për fat të keq, është shumë larg këtij heroi të politikës, pasi është kokë e këmbë në anën e nëpërkëmbësve... "

 

Me duket thelbi i artikullit te Lubonjes, jane keto rreshtat e fundit.

Skënderbeu është një hero ndërkombëtar i Mesjetës, që shqiptarët e morën në shekullin XIX për shkak të origjinës së tij dhe e bënë mit të nacionalizmit, si nevojë identitare për t'u identifikuar si komb krahas kombeve të tjerë që po lindnin, si dhe për t'u frymëzuar në përpjekjet e tyre për pavarësi meqë kishte luftuar kundër turqve. Ky ishte realiteti i asaj kohe dhe miti u ngrit si nevojë e asaj kohe. Në realitetin e sotëm nuk kemi nevojë për identifikim kombëtar, sepse tashmë njihemi dhe as nuk jemi në ndonjë luftë.

 

Nje udheheqes qe shpenzoi pjesen derrmuese te jetes se tij duke luftuar nje okupator qe tentonte te pushtonte trojet etnike Shqiptare, brenda trojeve etnike Shqiptare, me shume pak ndihme te jashtme qeka hero nderkombetar?!

Shqiptaret e moren ne shekullin 19-te per shkak te origjines?!

E kam thene dhe me perpara kete gje, edhe po riperseris prap: Keta intelektualo-analistet tane shqipfoles jane teper te ditur ne filologjine e huaj, sidomos filologjine qe flet mi zhvillimet ideologjiko politike te Europes ne shekujt 18-19, por ama kane injorance masive mbi ligjin fisnor Shqiptar prej nga ngrihen dhe bazat e nacionalizmit Shqiptar.  Pavaresisht nga kjo, Lubonja e te tjere, kane prepotencen te dalin ne publik e te derdellisin per "mite" qe duhen "cmitizuar".  Mesa duket kur keta intelektualet tane dalin rrugeve te botes, si ne kuptim te pare e si ne ate figurativ, dalin me vecorine e koshit te plehrave.

 

As sa te qelluara jane shkrimet e Lubonjes qe zberthejne dhe sulmojne politiken Shqiptare, po aq te gomarllekut masiv jane tentativat e tij per ti hyre entologjise e per te sulmuar indentitetin dhe kombetarizmin Shqiptar duke perdor filologjine e huaj (qe sic thashe me siper s'vlen per kombin Shqiptar) per hir ideologjise globalisto-kozmpolito-eurointegruse qe Lubonja ka per zemer.

 

 

Dicka interesante qe veren Prof.Dr. Peter Bartl ne librin e tij "Shqiperia: nga mesjeta deri tani" kur thote: "Rilindja shqiptare eshte pak e ekzagjeruar per tu quajtur Rilindje e shtetit shqiptar, pasi qe te rilindesh, do te thote qe te kesh lindur dikur me perpara dhe mepas te kesh rene. Gje qe per shtetin shqiptar nuk mund te thuhet nje gje e tille, pasi nje shtet shqiptar, ne kuptimin e vertete te fjales shtet, nuk ka ekzistuar ndonjehere ne mesjete."

 

Dr. Bartl mesa duket s'paska njohuri mbi Principatat e Arbrit, Vlores dhe Kanines, Gjirokastres, Muzakajve, Aranitasve, Kastrioteve, Dukagjinasve, Topiajve, Despotatin e Artes...

 

 

 

 

 

 

Dr. Bartl mesa duket s'paska njohuri mbi Principatat e Arbrit, Vlores dhe Kanines, Gjirokastres, Muzakajve, Aranitasve, Kastrioteve, Dukagjinasve, Topiajve, Despotatin e Artes...

Tani mos ia fut si kau peles. Nuk paska njohuri thote! Po ai burri i huaj ka kaluar nje jete te tere duke i studiuar ato, kurse ti thua qe nuk ka njohuri.

Qe te jemi njecike serioze tani, pavaresisht qe dicka e tille eshte e veshtire tek PPU, kur vjen puna per tu pyetur ne rrethet akademike mbi studimet shqiptare, ky eshte nje nga ata qe i peshon fjala ne keto rrethe, dhe jo une e ti apo disa pseudoshkencetare te tjere.

Ca po ben ketu, po i apelon autoritet qe sipas teje ky profesori paska? Ky eshte falsitet induktiv.

Per me teper qe sipas teje ky supozohet te jete autoritet ne studime shqiptare, nuk duhet e beje gafa te tilla e te thote qe s'ka pasur shtet shqiptar ne mesjete.

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).