angels-share

 

Mara ime i ka frikë bubullimat!

Më në fund ia dola ta trimëroj ...

Teksa i thashë: Mara, nuk janë bubullima.

Janë engjëj që luajnë "bowling".

 

Sot në mëngjes më pyeti:

O mam, engjëjt luajne bowling edhe natën?

Iu përgjigja:

Në atdheun e engjëjve o bij,

nata kurrë nuk bie!

 

...

Gjithë natën rri e mendoj se si t'i përgjigjem

kur të më kërkojë 

të shkojmë në atdheun e engjëjve?!

 

...

Ndoshta do t'i them : 

Ti prej andej ke ardhur ...

të takohesh me Mamën ...

këtu, në Atdheun e Emigrantëve!

 

1 Komente

Frike nga engjejt qe luajne "bowling" nuk kish Mara? Une shume!

....Atdheu i Emigranteve....

 

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).