Klasa e pushtetarëve shqiptarë tashmë e falimentuar moralisht e ka gjithnjë e më të vështirë të mobilizojë elektoratin e saj nëpërmjet retorikës politike. Hendeku moral e material midis shpërfilljes e hedonizmit të zotëruesve të pushtetit dhe sikletit dhe ndotit që kjo klasë politike ngjall në popull është tashmë aq i madh, sa asnjë mesazh politik nuk mund të merret seriozisht, nuk mund të besohet më. Shumë shqiptarë në përditshmërinë e tyre janë shndërruar me plot të drejtë në skeptikë, ata nuk duan më të dëgjojnë për rritje taksash apo ulje taksash, për shtet social apo për shtet të tregut të lirë, për mjekësi private apo universale, për arsim privat apo për arsim publik. Me pak fjalë, popullit i është pështirosur politika e cila në njëzet vjet rresht i është servirur në mënyrën më të padenjë.

 

Logjika ta do që në këtë moment, pikërisht për të thyer ecurinë monotone e regresiste kësaj politike banale do të duhej të lindte politikja, risia, ajo ngjarje që do të bënte të rilindte shpresa. Mirëpo, siç konstaton filozofi Alain Badiou “e rrallë është ekzistenca e ngjarjeve”, e siç ka ndodhur rëndom në histori, risitë shpesh i mbyt tendenca konservative e atyre që kanë interes të ruajnë status quo-në, apo mungesa e shtyllës kurrizore tek ata që mëtojnë të përfaqësojnë “rininë”. Shkurt, e reja nuk po duket në horizont dhe për momentin na mbetet veç të analizojmë këtë realitet politik për të cilin nisëm të flasim. Në tryezë të analizës gjenden pra masat mosbesuese e të zhgënjyera që nuk duan as të dëgjojnë të flitet për politikë dhe elitat e pushtetit që edhe pse kanë kontributin më të madh për “vrasjen” e politikës, kanë gjithsesi nevojë të mobilizojnë këto masa, t’i çojnë ato në kutitë zgjedhore ku mbase votohet për emra të ndryshëm, por aspak për alternativa të ndryshme. Në konceptin e Antonio Gramsci-t për hegjemoninë bëhet e qartë se dominimi e shfrytëzimi nuk janë thjesht ekonomikë (si pretendojnë marksistët klasikë) por edhe politikë e kulturorë. Vetëm përmes propagandave mobilizuese që ngjizin identitete të tilla (politike e kulturore) pushteti politik arrin të garantojë mbijetesën, vetëm përmes kësaj propagande pushteti ekonomik arrin të garantojë konsumin, e kështu me radhë…

Po që të kthehemi në Shqipëri, ajo që më intereson në këtë shkrim është të shihet me kujdes se në ç’mënyrë politika i thërret qytetarët për t’i mobilizuar. Natyrisht, nuk vlejnë më dogmat e doktrinat politike, sepse ato tingëllojnë të pasinqerta në gojë të profanëve që nuk janë kujdesur kurrë për të kultivuar ide, apo për të perceptuar e konceptuar realitetin. Por mjeshtër të kopjimit, siç janë rëndom politikanët shqiptarë, ata e kanë marrë zgjidhjen nga vendet e tjera europiane, se edhe aty një fenomen i ngjashëm ka ndodhur në vitet e fundit sa i përket depolitizimit të politikës. Në periudhën e quajtur “post-ideologjike” polarizimi politik ka pushuar së qeni i ndarë në të majtë e në të djathtë dhe ka krijuar dasinë e re (tepër të zbrazët) midis liberalëve globalistë kozmopolitë dhe patriotëve konservatorë nacionalistë.

Në Shqipëri thirrjet kryesore për mobilizim, tash e njëzet vjet kanë të bëjnë me një lloj kozmopolitanizmi kulturor e me një lloj liberalizmi ekonomik. Duke njohur kompleksin e shqiptarëve të prangosur për një kohë të gjatë brenda kufijve e të zhveshur nga çdolloj individualiteti apo prone personale, politika nuk e pati të vështirë të shpërndajë në tubat e propagandës tezat e tregut të lirë dhe të integrimit. Paçka se në tregun e lirë global shqiptarët s’kanë me se të shkëmbejnë ndonjë mall, sepse nuk prodhojnë gjë, paçka se integrimi në struktura europiane apo atlantike ngjan më tepër me një lugë bosh kur përmendet në sy të qytetarit mesatar shqiptar që paguhet 250 euro në muaj, apo në sy të 18% të popullit që merr më pak se 1 euro në ditë… Dikush mund të thotë që integrimi në sens afatgjatë do të mund ta përmirësojë këtë realitet, por si? Përse nuk po ndodh kështu në Bullgarinë e në Rumaninë e integruar tashmë? Mirëpo nuk është vetëm ekonomia dhe politika, paradigma e globalizmit mbështetet fort edhe në një dimension kulturor, për të krijuar hegjemoninë. Për shembull shqiptarëve u shitet si i suksesshëm kushdo që është arsimuar jashtë shtetit, në dëm të atyre fatkëqijve që mund të njohin me kompetencë fushën e tyre, por kanë fajin e pashlyeshëm të të studiuarit në atdhe. Po ashtu, si model i jetës së mirë vijon të propagandohet (mes telenovelave e filmave, po edhe nëpër legjenda urbane) jetesa kozmopolite, udhëtimet e pambarimta, shopping-u nëpër qytete tejendanë globit, konsumi i shfrenuar i kotësive, fotografitë para veprave të shquara të artit, apo ekzotizma nga më të ndryshmet. Njerëz që promovojnë modele të tilla u rekrutuan shumë shpejt nga politika, mjaft të përmendim këtu retorikën e partisë G 99, apo aktivitetet e KOP-it. Madje, në fushatën e fundit elektorale qe shumë e lehtë të vije re se si jo vetëm yjet e jashtështetshme Erion Veliaj e Gert Bogdani, po edhe ata më pleqtë mes politikanëve tashmë i kishin krijuar vetes aureolën e “njeriut të shëtitur”, e njeriut që e do Europën dhe Amerikën, e kozmopolitit që fëmijët i arsimon gjetiu, e qejfliut që gruan e çon me pushime matanë oqeanit, apo e boss-it që zotëron biznese nëpër botë e që i mbyll paratë (e vjedhura përgjithësisht këtu) nëpër bankat e Zvicrës. Ky është pjesërisht imazhi që politika po përpiqet t’i veshë vetes, imazhi i një populli të cilit Shqipëria i rri deri diku ngushtë… (e kjo lidhet edhe me entuziazmin masiv që injektohet ndër turma me rastin e liberalizimit të vizave – pra dëshira juaj u plotësua, tash lirisht bëhuni “citoyens du monde”).

Por rrekja kozmopolite – integruese nuk mundet kurrsesi t’i flasë gjithsecilit, sidomos shumësisë inkonsistente që përbën popullin shqiptar. Për ata që nuk kënaqen nga perspektiva e kozmopolitizmit, po nga kjo klasë politike e paaftë që të ofrojë risinë politike prodhohet një tjetër thirrje mobilizuese, në antipod me të parën. Kjo thirrje mobilizuese s’është veçse nacionalizmi apo lokalizmi – partikulariteti ekstrem. Mjaft të analizosh sjelljen populiste të politikanëve sa herë që flitet për Himarën fjala vjen, se si nuk pushohet së shari një njeri i rëndomtë si Bollano, mjaft të shohësh se sa rëndësi u jepet ndeshjeve të kombëtares (futboll është i shkreti), apo përpjekjes për të ngjallur një krenari mbi simbole e mbi mite që nuk mundet t’i pranojë logjika e njeriut të shekullit XXI. Kështu me radhë thirren në lojë pellazgët, ilirët, Skënderbeu, Dukagjini, Ismail Qemali, Ahmet Zogu, Enver Hoxha, Nënë Tereza etj. Gjithandej diskutohet për histori e për krenarinë e paraardhësve, për nënën e Aleksandërit të Madh, apo për gjyshin e Napoleonit. Një qasje krejtësisht historiciste e romantike, një qasje që lë të kuptohet sa bosh është identiteti i shqiptarit të sotëm, aq bosh sa mund të mbushet me lloj-lloj pallavrash apo të vërtetash që i përkasin një kohe tjetër, para se të lindte vetë shqiptari në fjalë, i cili gjithsesi arrin të ndihet krenar për këto pa pasur ndonjë meritë të veçantë (se nuk ka kurrfarë merite kush ka lindur në Shqipëri apo diku tjetër, duhet sqaruar kjo). Rruga e kombit këndej, rruga e kombit andej, a thua se kombi ka mbetur i varur për leckash tek ajo rrugë, e s’bën dot pa të. Natyrisht që kjo përqasje nacionaliste arrin të prodhojë modelet e veta mobilizuese për shqiptarët se ajo u thërret zakoneve, besës, konsensusit të burrave, urtësisë apo burrërisë të dikurshme që kaq shumë përpiqen ta reflektojnë politikanë si Topi, Ruçi, Godo, apo së fundmi Oketa, Meta, Majko etj. Këtyre natyrisht që u qan zemra për Kosovën dhe pikëllohen kur nuk i ftojnë nëpër evenimente përkujtuese historike, pasi pretendojnë të përfaqësojnë atë konservatorizmin babaxhan patriotik të trashëguar nga baballarët e tyre (e pikërisht për këtë arsye të vjetruar e të dalë boje).

Mirëpo duhet bërë e qartë për të gjithë që si kozmopolitanizmi globalist ashtu edhe nacionalizmi partikularist nuk janë veçse dy anë të së njëjtës monedhë, e kjo është monedha kallpe e kësaj klase politike që nuk mundet të artikulojë ndryshimin. Të dyja këto retorika i përkasin rendit të simbolikës, ato nuk mbërrijnë të prekin realitetin e përditshëm, madje nuk kanë asnjë domethënie për sa i përket zhvillimit të qytetarit e të shoqërisë shqiptare. Kjo shoqëri ka nevojë për partikularitetin e vet real, për zhvillimin e territoreve ku të mund të prosperojë ekonomikisht, politikisht e kulturalisht, por këto territore nuk janë ato të nacionalizmit kitsch. Kjo shoqëri gjithashtu ka nevojë për universalizmin e vet, për solidaritetin e për bashkëpunimin me popujt fqinjë e më tej, po ky universalizëm nuk prodhohet nga realiteti bosh i kozmopolitanizmit vanitoz, apo nga shfrytëzimi e kontrolli i garantuar nga tregjet globale. Nacionalizmi dhe lokalizmat e ndryshme pra i përkasin partikulares simbolike ashtu siç kozmopolitanizmi i përket universales simbolike. Elita aktuale e pushtetit, edhe në këto retorika të saj mobilizuese nuk ka arritur të kuptojë problemet e vërteta të shoqërisë, nuk ka arritur të ngjizë Politikën në dimensionin e saj të vërtetë.

Natyrisht që për politikën aktuale është kaq e vështirë të kuptohet që Universalja Politike i përket internacionalizmit, e sidomos që ky internacionalizëm është vetëm bashkëpunues e në asnjë mënyrë treg asimilues apo perandori shtypëse. Universalja Politike nuk është ai realitet që shtyp partikularet, por lind prej tyre. Nuk ka ikur koha e “atdheut” siç thonë kozmopolitanët (për ironi e thoshin këtë edhe në ’37, por Hitleri u mësoi tjetër gjë). Po nga ana tjetër “atdheu” nuk mund të konceptohet më në terma të “gjakut, dheut edhe racës”. Atdheu duhet nënkuptuar si territori i domosdoshëm i një komuniteti për të mbijetuar e për të zhvilluar vetveten, pa hyrë në armiqësi me askënd e pa iu përulur askujt.

Simbolikat e nacionalizmit dhe ato të kozmopolitanizmit rreken të ngjallin krenarinë tek individi, sepse vetëm kështu mund të zhvillojnë identitete të mobilizueshme. Por këto identitetet janë kryesisht pasive. Kështu, shqiptarët mësohen të jenë krenarë pse janë shqiptarë, shkodranë, myslimanë, europianë, të diplomuar, të bardhë, të fortë etj. Gjithashtu, mësohen të krenohen pse kanë babanë e pasur, shtëpinë e bukur, makinën e madhe, shumë vula në pasaportë, dhjeta në dëftesë etj. Krenari e foljeve ndihmëse do ta quaja këtë, krenari e foljeve jam dhe kam. E kjo i shkon krejtësisht për shtat një politike të mefshtë mendërisht, pasi nuk e duan krenarinë aktive. Askush nuk u dashka të jetë krenar pse bën, pasi kjo do të sillte rreziqe në një shoqëri që nxitet të jetë e përgjumur dhe e nemitur.

Kuptohet që zgjidhjet nuk kanë si vijnë prej simbolikes, por prej logjikimit mbi realen. Rasti i Himarës, për shembull nuk zgjidhet duke sharë Bollanon, apo duke prozvalur grekët e ku di unë, por thjesht duke krijuar një realitet ekonomik, politik e kulturor më të mirë për banorët e Himarës. Në Shqipëri kushdo ka të drejtë të ndihet grek, pse jo spanjoll në dashtë, ama po ia krijove kushtet, askush nuk do të dojë të ikë prej këndej e të ndërrojë pasaportën, siç kanë bërë qindra mijëra shqiptarë “racëpastër” në njëzet vitet e fundit. Po kështu, rasti i rrugës së kombit (dhe i çdo rruge tjetër), fakti se kjo rrugë bashkon Shqipërinë me Kosovën dhe ndihmon një sërë krahinash të rimëkëmben nuk e justifikon aspak vjedhjen e parave të shqiptarëve që duhet të përdoreshin vetëm e vetëm për shtruarjen e rrugës. Hyrja në NATO dhe liberalizimi i vizave nuk mund të shërbejnë si argumente për ta zhvendosur vëmendjen nga varfëria akute, nga mungesa e strehimit, nga shkatërrimi i ambientit, nga papunësia e nga shkatërrimi shqetësues i arsimit dhe i shëndetësisë që po lihen në dorë të idiosinkracisë së privatëve.

Në analizë të fundit, duhet kuptuar qartë që asgjë e re nuk mund të vijë nga kjo shtresë pushtetarësh që është ezauruar në misionin e tyre tranzicional. Edhe kur flet për shqiptarin europian, edhe kur flet për shqiptarin tradicional, kjo klasë politike përpiqet të shmangë e të anashkalojë problemet individuale dhe komunitare të shqiptarit real, të atij që përditë përballet me halle që gjithnjë e më shpesh i përballon i vetëm, pa ndihmën e shtetit. Risia, me gjasë nuk ka për të ardhur prej kësaj klase politike, dhe e vetmja shenjë dalluese e saj ka për të qenë marrja përsipër e përgjegjësisë që nënkupton të folurit e të vepruarit politik, ndryshe nga palaçollëqet që kemi parë e përjetuar gjer sot.

 
 
 
 

64 Komente

Ora, me pelqu interpretimi Juaj.Shume e drejte.Ka marr shkopin i biri i botes dhe mbi plot te verteta, pa asnje seleksionim, ja u leshon kembeve gjithkujt, pa thene  apo pa e menduar se do te duhej ti analizonte me mire ato qe thote.Dhe me ne fund ku mbrin? Çfare  shtegu na tregon.....? Asgje.Nje shprehje dufi  mund te thuhet..

Çfare  shtegu na tregon.....?

 

Ja shtegu : "e vetmja shenjë dalluese (dmth SHTEGU - shenimi im) e saj ka për të qenë marrja përsipër e përgjegjësisë që nënkupton të folurit e të vepruarit politik"

 

 

Arber, chapeau!

Ora dhe Grava, per mendimin tim shembujt jane dhene (ne fund te fund ky eshte thjesht nje artikull dhe jo studim shkencor qe do mbushte faqe te tera). Psh, Bollano - fakti qe nuk u denua me burg nga nderhyrjet ne gjykate nuk do te thote qe nuk vazhdon te shahet nga te majte dhe te djathte per interesa te tyre. Kombetarja e futbollit - si e mat ti vemendjen qe i tregon Shqiperia ndaj asaj qe i tregon psh Italia? Simbolet qe nuk jane permendur jane ato te meposhtmet - iliret, pellazget, Skenderbeu, etj qe me te vertete nuk kane llogjike ne shek e XXI. Te gjithe shqiptaret(dmth jo vetem qytetbotistet) ndihet me kot krenare kur permendet Aliu i Egjiptit, Ferid Murati i Viagra-s, prejardhja e Qyprillinjve apo e Ataturkut, gjyshi i Armstrongut, vellezerit Blues, etj. Mjafton te lexosh gazetat dhe te bisedosh me njerez jo-qytetbotiste.

Sa per Atdheun konkluzioni me te cilin une pajtohem eshte ky.
"Po nga ana tjetër “atdheu” nuk mund të konceptohet më në terma të “gjakut, dheut edhe racës”. Atdheu duhet nënkuptuar si territori i domosdoshëm i një komuniteti për të mbijetuar e për të zhvilluar vetveten, pa hyrë në armiqësi me askënd e pa iu përulur askujt."

"Krenari e foljeve ndihmëse do ta quaja këtë, krenari e foljeve jam dhe kam. E kjo i shkon krejtësisht për shtat një politike të mefshtë mendërisht, pasi nuk e duan krenarinë aktive. Askush nuk u dashka të jetë krenar pse bën, pasi kjo do të sillte rreziqe në një shoqëri që nxitet të jetë e përgjumur dhe e nemitur."

"Edhe kur flet për shqiptarin europian, edhe kur flet për shqiptarin tradicional, kjo klasë politike përpiqet të shmangë e të anashkalojë problemet individuale dhe komunitare të shqiptarit real, të atij që përditë përballet me halle që gjithnjë e më shpesh i përballon i vetëm, pa ndihmën e shtetit. Risia, me gjasë nuk ka për të ardhur prej kësaj klase politike, dhe e vetmja shenjë dalluese e saj ka për të qenë marrja përsipër e përgjegjësisë që nënkupton të folurit e të vepruarit politik, ndryshe nga palaçollëqet që kemi parë e përjetuar gjer sot."

Artikull i bukur por do doja te shihja vazhdimin mbi te folurit dhe te vepruarit politik. Si mund te organizohen shqiptaret?

Psh, Bollano - fakti qe nuk u denua me burg nga nderhyrjet ne gjykate nuk do te thote qe nuk vazhdon te shahet nga te majte dhe te djathte per interesa te tyre.

Atehere na cito dike qe e paska sharre Bollanon qofte i majte qofte i djathte, vetem nje, megjithese besoj se nuk e kundeshton dot as ti qe eshte nje palo burre qe i meriton te 99-tat.

Kombetarja e futbollit - si e mat ti vemendjen qe i tregon Shqiperia ndaj asaj qe i tregon psh Italia?

Si e mas une apo si e mat autori? Une thash qe ne cdo vend ku kam qene kombetares i kushton me shume vemendje dhe biles permes kombetares trumpetohen ndjenjat patriotike, te shkruash per politike e te thuash qe kombetarja eshte thjesht futboll, si te duket ty? Tani ndryshimin e shoh ne minutazh televiziv, ne shtyp, ne deklarata, etj etj. Ai trajneri i Frances dha llogari para nje komisioni parlamentar te ngritur posacem per deshtimin e kombetares ne botror. Nje kombetare vetem thjesht sport nuk eshte. Do ishim populli me karagjoz ne bote nqs do e konsideronim edhe kombetaren thjesht si nje skuader futbolli qe s'meriton te ngjalle ndjenja.

Simbolet qe nuk jane permendur jane ato te meposhtmet - iliret, pellazget, Skenderbeu, etj qe me te vertete nuk kane llogjike ne shek e XXI.

Si s'paskan llogjike? Ne c'fare kuptimi? Jane figurat me te ndritura te historise te popullit shqiptar. Une nuk di te karakterizohet ndonje shekull, aq me pak XXI, per indiference apo amnezi historike.

Te gjithe shqiptaret(dmth jo vetem qytetbotistet) ndihet me kot krenare kur permendet Aliu i Egjiptit, Ferid Murati i Viagra-s, prejardhja e Qyprillinjve apo e Ataturkut, gjyshi i Armstrongut, vellezerit Blues, etj.

E pse ndihen kot krenar? Ndihen krenar me te drejte ashtu sic ndihet c'do popull per figurat historike te nxjerra nga gjiri vet. Natyrisht askush nuk flet per histerizem, por shqiptaret jan popull qe e an vuajtur kete indiferencen ndaj historise te tyre, dhe ja kemi pare pasojat.

Mjafton te lexosh gazetat dhe te bisedosh me njerez jo-qytetbotiste. Sa per Atdheun konkluzioni me te cilin une pajtohem eshte ky. "Po nga ana tjetër “atdheu” nuk mund të konceptohet më në terma të “gjakut, dheut edhe racës”

Secili ka atdheun e tij, imi eshte gjaku im, dheu ku kan lere te paret e mi aq sa mban mend trungu im familjar, dhe raca ime. Per qytetbotistet mund te jete nje koncept me i gjere se kaq, por ja qe nuk tregojne dicka te tille, sepse nuk mund te duash nje evgjit komshi pa dashur me pare vellain tend. Nuk mund te flasesh per nje perfshirje me te madhe, deri ne perfshirje nderkombetariste kur nuk pranon me pare me elementaren. Njesoj si te merresh me string theory duke perqeshur ata qe thone bota eshte e rrumbullaket, kupton?  Njaca rregulla baze jan vendosur nga mijera vjet eksperience e nuk presin kalamaj qytetbotiste te shesin mend.

. Atdheu duhet nënkuptuar si territori i domosdoshëm i një komuniteti për të mbijetuar e për të zhvilluar vetveten, pa hyrë në armiqësi me askënd e pa iu përulur askujt."

Vetem kaq te thoshe mjafton. Zhvillimi eshte i pamundur pa etapa, dhe pa njohjen dhe pranimin etyre.

Duhet te kuptohet nje here e mire qe nuk mund te hidhet balte mbi kombin, historine dhe kulturen per hir te inateve personale, politikave aktuale, apo utopive kalimtare. Mua me duket shume jo-njerezor nje mentalitet qe shtron pyetjen - pse je krenar? C'problem ka apo c'problem sjell krenaria ime? Une psh jam krenar per Adem Jasharin e dikush tjeter me ate qe vrau Adem Jasharin. Eshte nje trend budalla ky i te marrit me gjera te cilat gjenerojne krenari kombetare. Nqs ka dicka qe i mungon ne fakt shtetin shqiptar eshte pikerisht atdhetarizmi, dhe eshte e pakuptimte fare te akuzosh politiken shqiptare per nacionalizma, eshte ose budallek te besh nje gje te tille, ose per perfitim.

Per mendimin tim Shqiperia akoma nuk u ka dhene sa duhet figurave te nderuara historike qe kan shtruar rrugen per egzistencen e popullit tone sot, me keta qe jemi e keshtu sic jemi. Le tu ngrihen bustet dhe permendoret cep me cep Shqiperise, te tregojme se jemi nje komunitet qe di te vleresoje sakrificen e gjithkujt ne dobi te vendit dhe popullit, duke filluar qe nga Pirro i epirit, Aleksandri i madh, Teuta, Skenderbeu, e deri tek Aliu.

"Le tu ngrihen bustet dhe permendoret cep me cep Shqiperise, te tregojme se jemi nje komunitet qe di te vleresoje sakrificen e gjithkujt ne dobi te vendit dhe popullit, duke filluar qe nga Pirro i epirit, Aleksandri i madh, Teuta, Skenderbeu, e deri tek Aliu."

Haleluja! Ta bejme Shqiperine varreze, nje piramide gjigande monumentesh ku te fitojne perjetesine gjithe hijet e ndritura te kombit, nderkohe qe te pangrenet te ngopen me gure. Sakrifica nuk vleresohet me permendore e me buste. E kjo per te cilen flet ti, nuk eshte krenari, por fodullek. 

E ke gabim, sepse gabimi kryesor i Shqiperise eshte qe nuk vlereson sakrificen ne dobi te shoqerise por vlereson perpjekjet korruptive anti-shoqerore, dhe rezultatin e kemi vuajtur te gjithe. Nqs dikush ben nje sakrifice atehere e meriton te jete i pavdekshem ne nje memorial apo bust, si shprehje e mirenjohjes te nje shoqerie drejt se mires. Le ti ngrihet monument Pirros dhe mbreterve te tjere ilire mu ne qender te Tiranes, le te mbushen parqet dhe shkollat me bustet e rilindasve. Le tu ngulitet femijeve ne koke qe te vegjel qe shoqeria nderon dhe respekton ate qe punon per bashkim dhe progres, jo larot, rrugacet dhe pordhacet. Pa respektin per historine dhe figurat historike, pa respektin per sakrificat gjate historise nuk mund te ndertohet nje e ardhme.

Dakord. Por nderkohe, e hedhim ne vote se kush do e prese shiritin e perurimit te ketyre permendoreve dhe busteve, kush do qeshe e zgerdhihet, kush do na e beje te mundur, Nene Terezen, Pirron e pidhin e nones se vet? Pastaj, t'iu ngreme nje bust edhe ketyre qe ngriten buste, se do dale ndonje idiot tjeter si puna jote qe te thote se edhe keta e meritojne bustin, sollen progresin, e keshtu me rradhe.

eko, fjalia Juaj e fundit  nukte duket se ka brenda ate qe themi ?

 Pergjigja eshte e thjeshte. Shqiptaret duhet te organizohen ashtu si e gjithe bota e qyteteruar. Pas simboleve qe i dashurojne te gjithe ose pjesa me e madhe.

Fatkeqesisht (shiko dhe ca tema urrejtjeje ne kete blog) na pelqen te mblidhemi sipas stilit arab: rreth asaj qe urrejme. Ndaj ne takimet tona mbizoterojne  te sharat, te shtyrat, rrahjet e gjoksit dhe peshtymat...

na pelqen te mblidhemi sipas stilit arab: rreth asaj qe urrejme

 

Se pari, "stili arab" nuk mbledh rreth urrejtjes. 

Se dyti, nuk ekziston ndonje "stil arab". 

Se treti, ajo qe ti le te supozohet, dmth "stili oksidental" (bardhosh e i qyteteruar), nese mbledh dhe organizon rreth simboleve qe i dashurojne "te gjithe, ose pjesa me e madhe" (sic.), e qe i bie te jene po ashtu kozmopolitizmi dhe nacionalizmi, eshte pikerisht ai stil qe po denoncojme ketu. Keshtu qe e mbafshin per vete edhe ate "stil". 

 Stalker, muhabet i gjate ky. Arabet zihen si qen me njeri tjetrin e vrasin njeri-tjetrin neper xhamija me bomba, por ka nje gje  ku bashkohen pa dallim feje, krahine dhe ideje. Urrejtja dhe fajesimi per gjithshka i Amerikes dhe Izraelit. 

Stili oksidental (jo domosdoshmerisht i bardhe, pa dyshim i qyteteruar) mblidhet rreth "Give peace a chance" , koncerteve per ndihma humanitare e per mbeshtetjen e dikujt etj. 

Sidoqofte nuk e kam per turp kozmopolitizmin sepse jam rritur dhe edukuar me frymen e viteve 60. Ja me thuaj ti pse duhet te jem me shume krenar qe jam qytetar shqiptar sesa qe jam qytetar kanadez.

Per cilet arabe e ke fjalen ?? Se jane dy gjera te dallueshme : e ke fjalen per politiken (zyrtare) te vendeve arabe apo per popujt arabe ? Nese e ke fjalen per te parët, nuk me duket se jane fort te ndryshem se ata te vendeve oksidentale : politike shterpe prodhojne dhe ata, prej vitesh e dekadash.
Ndersa nese e ke fjalen per popullin, une nuk di qe ata u vritkan me njeri-tjetrin. Ne disa prej ketyre vendeve, te quajtura arabe, operojne disa organizata te orientimit islamist, por nuk kam degjuar ndonjehere qe te jene qytetaret ata qe "zihen si qen me njeri-tjetrin neper xhamija me bomba".

Qe ka nje stil arab qe vret njeri tjeterin ne diten e luftjeve fetare kjo ska dyshim dhe eshte shume e vecante  ne vendet e lindjes se mesme

por qe te thuash

Stili oksidental (jo domosdoshmerisht i bardhe, pa dyshim i qyteteruar) mblidhet rreth "Give peace a chance" , koncerteve per ndihma humanitare e per mbeshtetjen e dikujt etj

Do te thote te njohesh boten nepermejt Woodstock-ut. Ja qe Woodstock-u eshte shume i vogel se bota e civilizuar.

Ajo qe dallon dallon stilin oksidental eshte se kur ulesh ne tavoline dhe bashkbiseduesi e shikon qe ti ke pikpamje te kunder te tijat, bashkbiseduesi oksidental nderon biseden ne nje teme qe te dy jane ne nje mendje. Krejt kundra nga stili arabik qe  tjetri nxjer koburen/jataganin po te kesh mendim ndryshe nga ai i bashkbiseduesit. ( pak a shume si stili yne smiley&nbspsmiley

Respekti ndaj bashkbiseduesit qofte ky edhe jo i sinqerte apo i detyruar nga ligji, familja e shoqeria, eshte baza e nje shoqerie oksidentale. Deshira e nje beteje me bashkbiseduesin per tu shpallur fitimtar eshte stili oriental

Ti me siguri qe e ke me te degjuar kete muhabet, se po ta kishe me eksperience, nuk do ishe gjalle ketu sot, por do te te kishte grire me JATAGANIN e vete ndonje arab.

PF, mos ke dashur te thuash jo  si je shprehur? Se me duket se nuk e ke te drejte.Nuk vrasin arabet njeri tjetrin, por ata qe kane futur hundet  gjat  shume viteve, ne punet e arabeve, i nxisin qeverrite e ketyre vendeve te ecin  ne kahjen e kundert te interesave te popujve te tyre. Popujt e ketyre vendeve, vetem kundershtojne, shpesh  me forma edhe jo fort dobiprurese.Per mua, faji  i gjendjes se "luftes se perhershme"  ne Lindjen e Mesme eshte i Amerikes.Ne fakt eshte i ...naftes

i artikulum shkelqyshem per mendimin tem modest. Shqiptaret nuk duhet te ushqehen me luge boshe dhe me propagande sic eshte zakon. Mu m'intereson ca vjen pas asaj fjalise te fundit.

ca vjen pas asaj fjalise te fundit

Politikë, ça te vije tjeter ? 

E marrte dreqi!

U bene te gjitha "post" dhe nuk arritem dot ti shijojme fare.

Njoftem post-modernen, kur nuk dinim akoma se kush ishte modernia.

Kapem post-industrializimin, pa u industrializuar mire akoma.

Keta njezet-vjecaret po perballen me post-ideologjiken, pa e njohur fare ideologjiken.

Edhe ti tani moj politike? Edhe ti u bere qe tani post-politike, pa u bere politike fare?

Cfare te beje robi i shkrete?! Hajde e te mos coroditet tani!?

 Eh keto s'jane gje fare. Ke degjuar ndonjehere per post coitum?

P.S.

Eh, sa frustruese eshte te kesh post coitum pa arritur ndonjehere ne coitum

Per mendimin tim nuk eshte dhe aq e komplikuar. Politika eshte nje proces qe fillon tek njeriu. Ne jemi ketu ku jemi sepse njerezit ne Shqiperi nuk kane deshire te jetojne me njeri-tjetrin dhe jo vetem ne qytete si Tirana, por kjo vihet re gjithmone e me shpesh neper fshatra apo qytete te vegjel. Mungon deshira per komunikim dhe kultura e dialogut. Arsimi qe brezi i ri merr neper shkolla eshte shume i dobet. Duhet filluar vetem me edukimin per tia lene organizimin gjenerates tjeter? Apo ka shpresa dhe per ne?

nje sinteze e mire..Ne vija te trasha kjo eshte situata apolitike..Po mua me duket e veshtire qe ky realitet politik shterp 20 vjecar i formesuar ngadale te shembet kolllaj..

Fillon me;  Klasa e pushtetarëve shqiptarë tashmë e falimentuar moralisht e ka gjithnjë e më të vështirë të mobilizojë elektoratin e saj nëpërmjet retorikës politike

          dhe mbaron me;

Në analizë të fundit, duhet kuptuar qartë që asgjë e re nuk mund të vijë nga kjo shtresë pushtetarësh që është ezauruar në misionin e tyre tranzicional.....e vetmja shenjë dalluese e saj ka për të qenë marrja përsipër e përgjegjësisë që nënkupton të folurit e të vepruarit politik, ndryshe nga palaçollëqet që kemi parë e përjetuar gjer sot.

Vetem konstatim ,konstatim dhe konstatim.

Njesoj si te shkruash qe Afrika eshte e varfer dhe ke zbuluar vezen e Kolombit.Shkrim shume i dobet,nuk ja vlen te diskutohet sepse nuk ofron  zgjidhje per te diskutuar.Te gjithe e dime kete realitet te veshtire qe po kalon shoqeria jone.Analiza e nje realiteti behet per te dale ne nje konkluzit se si te dilet apo ndryshohet ky realitet.Bile te permendesh futbollin dhe Bollanon si problemet nga me shqetesuse te nje shoqerie ne transformim tregon perceptim dhe gjykim   te ceket ose te gabuar qe i bene ketij realiteti ,pa permendur shkakun.

Nje essay rutine pa vlera per ate qe e ka bere si dhe per ate qe e poston ketu.....

Arber, ne thelb do ta shikoja si probleme identiteti. 

Nga njera ane mosperfillje identiteti, qe merr formen e injorimit, apo neglizhimit te influences te cdo lloj sensi identiteti te perbashket me te tjeret.  Shfrytezuar me se miri nga modelet kontemporane ekonomike, kjo kategori individesh vendos objektivat, prioritetet dhe "jane ishuj me vete."  Konsumim ne mase, sa me shpejt, sa me shume.  Per me teper, duke qene te tille, do bejne c'te jete e mundur per te akumuluar e konsumuar sa me shume, duke perdorur cdo mjet, perfshi ketu dhe korrupsionin, vjedhjen, ne kurriz te te tjereve, per te arritur objektivat e tyre, duke shperfillur cdo fije sociale.  

Nga ana tjeter, kemi reduktim identitetesh ose afiliacione te vecanta.  Ne kete sens, perqafohet nje identitet i vetem, ne kurriz te shume perkatesive te tjera.  Shembujt jane ne keto qe jane sjelle me siper.  "Kozmopolitanet" qe injorojne lidhjet, identitetet lokale, dhe "nacionalistet" qe u mshojne lidhjeve lokale duke injoruar identitete te tjera.  Keto kategori i vura ne thonjeza sepse u varion perkufizimi.  Psh, tek "nacionalistet" mund te futen individ qe mjaftohen me nje identitet, ate fisnor apo klanor.  Pra, behet fjale per mono-izem.

Diku ne artikull ke perdor togfjaleshin "boshlleqe identitetesh."  Pikerisht pra, jane keto ura qe duhen krijuar dhe kultivuar.  Nje shqiptar, nuk eshte vetem shqiptar, por ka nje perkatesi fetare (ose jo), profesionale (sindikata), interesa lokale, por edhe kozmopolitane, interesa filantropike, pikepamje politike etj.  Ne nje shoqeri te shendetshme civile, keto afiliacione kultivohen dhe barazpeshohen.   Ne nje shoqeri te shendetshme civile, individi nuk voton me verberi partiake, apo klanore, apo thjesht per ishullin e vet, por peshon voten e tij/saj duke marre parasysh edhe interesat e tjera.  Ne mungese te ketyre hallkave, jemi ne situaten qe jemi.

perpjekja qe behet per te vene atdhetarizmin perballe qytetbotizmit  eshte e pa vend ne rastin e shqiperise pasi atdhetarizmi  per momentin  eshte ne arrest shtepie,ndersa  njesimi i lokalizmit  me atdhetarizmin  eshte bere qellimisht   pasi dihet qe aleanca qytetbotisto-krahinariste eshte kundershtarja kryesore  e atdhetarizmit  qe ne shqiperi eshte ne ne nivelin me minimal te mundshem.helbete kalimi nga internacinalizmi[proletar] te perbotizmi nuk eshte  fare i veshtire  mjafton nje shqipe me doza te larta greko-latinizmi dhe u' kry'

@ albano :

Por mua me duket e veshtire qe ky realitet politik shterp 20 vjecar i formesuar ngadale, te shembet kolllaj..

 

 

Gjasat jane te kesh te drejte : mjafton te marrim si shembull fqinjin tone jugor, Greqine (anetare e NATO-s qe prej vitit... 1952 !  smiley  ) e qe ka mbi 40 vite qe prodhon kryesisht realitet politik shterp (me gjithe disa levizje emancipuese, si ato sindikale etj ). Sepse siç thote dhe vete autori i shkrimit, tendenca eshte më se tepermi ajo e  status quo-se, dmth e pellgut, e moçalit. 
Nese do ta shihnim ne kendveshtrim filozofik, kjo te kujton Niçen qe thosh : "Njeriu me mire preferon hiçin, sesa te deshiroje (ose jo) ndonje gje" (l'Homme aime mieux vouloir le néant que ne pas vouloir...&quotsmiley

Po nuk levizem, asgje nuk leviz vetë. Në demokracite parlamentare te sotme, kjo mbi te gjitha vjen nga fakti qe ekonomia (ose me sakt, ajo qe quhet ekonomi - mos te harrojme se edhe sherbimi meteorologjik ben parashikime më te sakta se ekonomistet e sotem !) pra ekonomia anullon politiken. C'tragjedi, po te kemi parasysh qe ekonomia nuk eshte as e mire, as e keqe, pra nuk ka ndonje vlere (me perjashtim te vleres se tregut, dmth te parasë, si ekuivalent i pergjithshem -- po më kujtohet JL Godard qe thote ne filmin e tij te fundit :  "Paraja u krijua me qellim qe njerezit mos te shihen drejt e ne sy me njeri-tjetrin" (L'argent a été créé pour que les gens ne se regardent pas dans les yeux). 

Nese pra presim, mbetet te "pritet" hiçi, per me teper qe ne princip, demokracite parlamentare (borgjeze,... ti quajme si te duam), kane per horizont luften. Pra hiçin e Niçes. Puna eshte se ne vlejme me shume se :

 

 

Shkrim i qelluar edhe i argumentuar.

lum, termi post politike ka kohe qe lakohet prej ktyne neo liberalve. Nuk mund t'them se ja vej veshin ktyne debateve serioze politike ne tv po mes darts ose poker dhe ktyne, perfundoj me "vra veten" duke pa kto. Mesa kuptoj une, kjo nuk i referohet politikes te vjeter dhe te rese, mgjse, ne njifare menyre post politika po vihet re me shume sot kur argumentet ose nismat e mirfillta politike qe ishim mesu me degju po ja lejne vendin 'marketizimit' te nji profili te ri politikani qe i reklamohet mases njelloj si nje produkt po jo si politikan. Ne kuptimin, qe ky politikan eshte "cool, trendy, vishet bukur, eshte ne hap me kohen ose teknologjine etj" pavarsisht se nuk shpalos asnji ide politike te veten. Pra eshte thjesht nji imazh i cili ne rastin me te mire, reklamohet nga partia e vet ose ne rastin me te keq, eshte produkt i grupeve te interesit pas tij ose nga media qe e reklamon. Obama psh, paraqitet si nje i tille prej disa republikanve.

ke njefare te drejte ketu. Obama paraqitet si rasti i post-politikes por nuk e di sa qendron ne kembe ky argument. Obama paraqiti nje platforme politike dhe terhoqi votues nga shtresa te gjera te popullsise. Tani se pari duhet definuar qarte se cfare kuptohet me post-politike. Sigurisht rrymat marksiste kete e shpjegojne me pushimin e njerezve se menduari politikisht (keshtu i bie si thote LD me siper, qe politike paskan bere vetem Enveri me Ramizin) apo imagjinimin e nje shoqerie ndryshe nga e sotmja. Por kjo nuk ndodh se mungon politika apo teatri politik, idete etj, por pikerisht se keto gjera jane jashtezakonisht shume prezente sot. Cdo gje sot eshte politike dhe si rrjedhim asgje nuk eshte politike pastaj. Gjithmone po te flas me gjuhen e marksisteve, politikja sot eshte bere norme dhe ne kete menyre ruan status-quo-ne kapitaliste. Si do t'i besh opozicion konsumerizmit ti? Duke bere hartime qe i shan me rob shpie politikanet drejtues ne vend? apo duke folur per komunizmin? Jo, se ben dot komunizmi kete gje. Kete mund ta beje feja aktualisht. Shkrimin u perpoqa ta lexoja po s'ja dola dot deri ne fund. Ishte shume i gjate dhe aspak terheqes, fjale boshe dhe te cekta. Kopjim i keq i ca rreshtave te lexuara shpejt e shpejt.

po pranej them; qe bie qe n'thelb krahasimi me dullen dhe mizin se propaganda qe benin ata nuk kish si qellim sigurimin e votave (mbeshtetjes) sepse 99.9%-in nuk ja prekte kush atyne. Dmth, e pare nga kjo ata ishin largu me kohe nga masat bile, aq shume ishin shkeput saqe nuk arriten me kuptu se thika kish shku ne palce per njerezit e zakonshem qe ngriheshin qe n'3-4 te mengjesit me mor qumesht e kos.

Br3dharak.

 

Me fal per vonesen, peshku me kishte dhene dite pushimi.

Post, siaps fajlorit do thote , " ne vend te tij".

Kush ka bere politik para kohes se sotme ne Shqiperi ?

Sipas shkruesit, keto qe jane sot, nuk din te bejne politik ?

Kur nje i ditur qe njeh shume mire gjitha filozofet , e me e bukura thote " qe filozofia nuk eshte per tu diskutuar", ciles figure shqiptare i referohet kur ben krahasimin, sot me ...!

S'ka thene asgje me shume se thot gazeta shqip.

Plus kesaj ja vazhdon me injorancen e tij, rruga e kombit qe jane vjedhur leket.

Ku e lexoi se jane vjedhur leket, nuk kemi asnje dokument prokurorie, gjykate te shkruaj se jane vjedhur leket, etj, etj.

Bravo sol-nocturnus. Nje shkrim i pjekur dhe plot empati. Ke pershkruar mjaft bukur dhe pa arrogance panoramen aktuale te politikes shqiptare dhe te gjithckaje qe rrotullohet rreth saj. Ndjej nje fryme "pop" ne kete shkrim dhe me vjen mire per kete. Nqs. do qe idete e tua te lexohen nga masat kjo eshte e domosdoshme me gjithe rreziqet qe kjo mbar. Madje une do te kisha evituar referencat nga autoret e majte per te parandaluar cdo lloj paragjykimi, natyrisht duke sakrifikuar korrektesine. - Dicka qe me duket se s'ke permendur dhe qe une besoj se duhet te perqendrojme vemendjen eshte fakti qe ne Shqiperi aktualisht gjendemi perballe nje situate ku politiko-biznesi po grumbullon asete te medhaja. Prona, likuiditet, etj. Une shoh se ajo "ideja" qe permendej prej shume vitesh pas 90-es, pra ajo qe "pasuria ne fillimet e kapitalizmit grumbullohet fale padrejtesise" sot po merr jete ne nje forme shume te lexueshme dhe me permasa gjigande. Duhet reflektuar per kete. Anet pozitive dhe negative te ketij fenomeni.

Nepermejt plehrave te politikes aktuale ka mbuluar  dhe ceshtjen kombetare. Nje trap i zqut ky Zaimi.  Ngaqe ka aq shume qelbersilleqe ne politiken e sotme eshte shume kollaj te fshehesh edhe ceshtjen kombetare, bile patriotizmin mund ta maresh ta mbeshtjellesh me qelbersilleqet e poltikes se sotme dhe te duket me plehre se vete plehra politike.

Ora me pelqeu analiza tende

PS. Nuk e kuptoj pse sikur jane shtuar shume artikuj te tilla tek PPU?

Te njejten gje qe ben edhe ti me Albin Kurtin. Trap i zgjut paske qene edhe ti o Toko, ne te kundert, mos projekto zgjuaresine tende tek te tjeret.

Lulian

Ske kuptoj se cfare lidhje ka Albini dhe hapat e tij te nxituar me kete teme. Apo gjej coban e kerko dhalle smiley 

Nesje ka trapa e trapa ti duhet te jesh nga keta te dytet smiley

".... Mirëpo duhet bërë e qartë për të gjithë që si kozmopolitanizmi globalist ashtu edhe nacionalizmi partikularist nuk janë veçse dy anë të së njëjtës monedhë, e kjo është monedha kallpe e kësaj klase politike që nuk mundet të artikulojë ndryshimin. Të dyja këto retorika i përkasin rendit të simbolikës, ato nuk mbërrijnë të prekin realitetin e përditshëm, madje nuk kanë asnjë domethënie për sa i përket zhvillimit të qytetarit e të shoqërisë shqiptare... " 

Bukur dhe sakte.

Për ata që nuk kënaqen nga perspektiva e kozmopolitizmit, po nga kjo klasë politike e paaftë që të ofrojë risinë politike prodhohet një tjetër thirrje mobilizuese, në antipod me të parën. Kjo thirrje mobilizuese s’është veçse nacionalizmi apo lokalizmi – partikulariteti ekstrem.

Se pari nacionalizmi dhe lokalizmi nuk jane e njejta gje.  Se dyti nuk kam pare asnje politikan, parti apo tjeter subjekt politik te perdori nacionalizmin si thirrje mobilizuese sepse ne Shqiperi sot per sot nuk egzsiton ndonje subjekt politik qe mund te quhet nacionalist me plote goje.

 

 

Mjaft të analizosh sjelljen populiste të politikanëve sa herë që flitet për Himarën fjala vjen, se si nuk pushohet së shari një njeri i rëndomtë si Bollano,

Na thuaj pak se cili politikan paska sjellje populiste ne Shqiperi dhe na e be pak lidhjen e ketij populizmit te supozuar me nacionalizmin, se mua nuk me duket hic ashtu sic thua ti.  Sa per Bollanon, une vallai s'kam degjuar asnje politikan (i vetedeklaruar i majte apo i djathte) ta shaj Bollanon per gjera me te renda qe ai ka thene e bere se ky incidenti i fundit, e jo me vazhdimisht sic aludon ti.

 

 

mjaft të shohësh se sa rëndësi u jepet ndeshjeve të kombëtares (futboll është i shkreti),

Nuk ka ndonje subjekt politik qe perdor ndeshjet e kombetares si mjet ne thirrjen e tyre mobilizuese (nacionalizmin) qe ti aludon.  Rendesi ndeshjeve ju jepet nga vete Shqiptaret kudo ne trojet etnike Shqiptare apo jasht tyre, sepse aty gjendet e vetmja vater e nacionalizmit organik Shqiptar te pandotur nga politika.  Aty gjenden kombi i bashkuar simbolikisht, matane shtetit perendimor te qeverisur nga mbeturina komuniste apo shtetit verior eksperiment multietnik i OKB-BEve.  Aty Shqiptaret qe ndihen ende Shqiptare mund te ndihen krenare e mund te shprehin vullnetin e tyre te vertete politik qe subjektet politike Shqiptare kudo qe ndodhen e kane braktisur komplet per hir te neoliberalizmit, kozmopolitanizmit, globalizmit, euro-integrizmit e te tjera terma boshe qe keta te ashtequajtur politikane papagallosin lart e poshte per t'u bere servile e qurravece shembullore ne menyre qe te ruajne pushtetin e tyre politik e ekonomik.   Pa permendur ketu pastaj, pasionin qe kane nje pjese e madhe e kombit Shqiptar per futbollin, qe ti e paraqit si thjesht "futboll i shkreti".

 

 

apo përpjekjes për të ngjallur një krenari mbi simbole e mbi mite që nuk mundet t’i pranojë logjika e njeriut të shekullit XXI.

 Ca eshte kjo?! Trashegimia kombetare e kulturore dhe krenaria e te qenit pasardhes te saj nuk eshte mode rrobash qe ndryshon me kohen sepse nuk i shkon permas ideologjise marksiste.

 

Kështu me radhë thirren në lojë pellazgët, ilirët, Skënderbeu, Dukagjini, Ismail Qemali, Ahmet Zogu, Enver Hoxha, Nënë Tereza etj.

Keta te tjeret thirren ne loje normalisht, por Enver Hoxha thirret ne loje si simbol kombetar vetem nga vellezrit tuaj ideologjike: stalinisto-enveristet. E sigurisht per arsyes komplet te ndryshme nga krenari kombetare.

 

Gjithandej diskutohet për histori e për krenarinë e paraardhësve, për nënën e Aleksandërit të Madh, apo për gjyshin e Napoleonit. Një qasje krejtësisht historiciste e romantike, një qasje që lë të kuptohet sa bosh është identiteti i shqiptarit të sotëm, aq bosh sa mund të mbushet me lloj-lloj pallavrash apo të vërtetash që i përkasin një kohe tjetër, para se të lindte vetë shqiptari në fjalë, i cili gjithsesi arrin të ndihet krenar për këto pa pasur ndonjë meritë të veçantë (se nuk ka kurrfarë merite kush ka lindur në Shqipëri apo diku tjetër, duhet sqaruar kjo).

 

Njeriu qe nuk di te kaluar e tij s'e ka idene as ku do shkoj ne te ardhmen.  Ai qe nuk njeh historine dhe prejardhjen e tij, nuk ka gjasa t'a rrespektoj, dhe kur nuk e rrespekton athere nuk rrespketon as identitetin e tij, e keshtu rrezikon ta zhduke kete indentitet qe me qindra-mijra breza ka derdhur gjak per t'a ruajtur.  Indentiteti i Shqiptarit sot eshte bosh pikerisht se ai po largohet shume larg identiteti te tij real, ate te gjysherve e stergjysherve te tij, per nje identitet eurointegrues, faktor rajonal paqsor ballkanik, konsumist, fetar, grek, italian apo ku di une c'tjeter per arsye te komplekseve dhe injorances.

 

 

Natyrisht që kjo përqasje nacionaliste arrin të prodhojë modelet e veta mobilizuese për shqiptarët se ajo u thërret zakoneve, besës, konsensusit të burrave, urtësisë apo burrërisë të dikurshme që kaq shumë përpiqen ta reflektojnë politikanë si Topi, Ruçi, Godo, apo së fundmi Oketa, Meta, Majko etj.

 

Vallai nga keta te mesipermit i vetmi qe mund te cilesohet si me qasje nacionaliste, eshte Godo i cili eshte teper i moderuar ne kete perqasje per shume arsye dhe nuk ka prodhuar ndonjehere modele mobilizuese te bazuara ne kete perqasje.  Ne fakt as ka arritur te mobilizoje masa ne pergjithesi dhe pike, e sigurisht ditet e tija te tentativave per mobilizim kane mbaruar me kohe.  Te tjeret jo vetem qe s'kane perqasje nacionaliste, por me plot goje jane anti-nacionaliste te thekur; nje tufe komunistesh te vjeter e te rinj, matrapazesh, dallkaukesh, interesaxhinjsh.

 

Këtyre natyrisht që u qan zemra për Kosovën dhe pikëllohen kur nuk i ftojnë nëpër evenimente përkujtuese historike, pasi pretendojnë të përfaqësojnë atë konservatorizmin babaxhan patriotik të trashëguar nga baballarët e tyre (e pikërisht për këtë arsye të vjetruar e të dalë boje).

 

Ca konservatorizmi babaxhan patriotik perfaqesoka dikush si Gramoz Ruci aman?!  Me karar dhe mufkat Arber.  E dime qe je teper larg te qenit nacionalist, por kjo nuk eshte arsye per te bere njerez si Gramoz Ruci nacionalist.

 

Mirëpo duhet bërë e qartë për të gjithë që si kozmopolitanizmi globalist ashtu edhe nacionalizmi partikularist nuk janë veçse dy anë të së njëjtës monedhë, e kjo është monedha kallpe e kësaj klase politike që nuk mundet të artikulojë ndryshimin. Të dyja këto retorika i përkasin rendit të simbolikës, ato nuk mbërrijnë të prekin realitetin e përditshëm, madje nuk kanë asnjë domethënie për sa i përket zhvillimit të qytetarit e të shoqërisë shqiptare. Kjo shoqëri ka nevojë për partikularitetin e vet real, për zhvillimin e territoreve ku të mund të prosperojë ekonomikisht, politikisht e kulturalisht, por këto territore nuk janë ato të nacionalizmit kitsch. Kjo shoqëri gjithashtu ka nevojë për universalizmin e vet, për solidaritetin e për bashkëpunimin me popujt fqinjë e më tej, po ky universalizëm nuk prodhohet nga realiteti bosh i kozmopolitanizmit vanitoz, apo nga shfrytëzimi e kontrolli i garantuar nga tregjet globale. Nacionalizmi dhe lokalizmat e ndryshme pra i përkasin partikulares simbolike ashtu siç kozmopolitanizmi i përket universales simbolike. Elita aktuale e pushtetit, edhe në këto retorika të saj mobilizuese nuk ka arritur të kuptojë problemet e vërteta të shoqërisë, nuk ka arritur të ngjizë Politikën në dimensionin e saj të vërtetë.

Nacionalizmi dhe kozmpolitanizmi globalist s'jane aspak ane te te njejtes monedhe.  Ane te te njejtes monedhe jane kozmpolitanizmi globalist dhe ideologjia qe ti adhuron: komunizmi internacionalist i proletariatit.  Ne Shqiperi nuk ka qasje nacionaliste ne klasen e ashtequajtur politike; po fare fare ama.  Nuk as qasje realse as qaje kitsch per mobilizim masash per ruajtje pushteti.  Deklarime komplet te gabuara qe e hedhin poshte gjysmen e artikullit tend.

 

Po nga ana tjetër “atdheu” nuk mund të konceptohet më në terma të “gjakut, dheut edhe racës”. Atdheu duhet nënkuptuar si territori i domosdoshëm i një komuniteti për të mbijetuar e për të zhvilluar vetveten, pa hyrë në armiqësi me askënd e pa iu përulur askujt.

Fatkeqesisht per kozmpolitanet dhe ju neo-marksistet zizekiane, gjeneza e kombit tone nuk mund te ndryshoje se nuk i shkon per shtat ideologjise tuaj.  Ne jemi ata qe jemi, e kjo toke ka prodhuar e do vazhdoje te prodhoje kete rrace qe i  ka rrjedhur e i rrjedhe ne deje i njejti gjak.  Territori i dosmosdoshem per mbijetese e zhvillim per kombin Shqiptar momentalisht gjendet ne lloj lloj pushtimesh ideologjike e fizike, dhe qe ky territor te jete prap ne duart tone duhet te bejme c'eshte e mundur perfshi ketu edhe hyrjen ne armiqesi me kedo qe na del perpara.

 

Sa per artikullin pergjithesi, do thoja dobet.  Gjysma eshte e gabuar dhe false (mbi nacionalizmin), dhe gjysma tjeter eshte artikuluar me pare nga vete ty dhe plot te tjere.  Sic thote dhe dikush tjeter me siper, jepen konstatime tashme te kuptuara dhe nuk jepet asnje zgjedhje.

Politika e mirefillte kerkon ekzistencen e 'polisit', qe sot quhet komb. Ku nuk ka bashkesi  nuk ka politike te mirefillte.

Politika e hershme ne Greqine klasike mundesohej nga bashkesia Polis, politika moderne mundesohet nga bashkesia Komb.

Ky koncepti i komunitetit qe perdoret ketu eshte nje lloj bishtnimi nga esenca e realitetit,pasi ky koncept nuk thote asgje, s'ka asnje domethenie politike i pashoqeruar nga koncepti i shtetit apo i kombit(apo etnise).

Por kur koncepti i komunitetit shoqerohet nga koncepti i shtetit, meqe shteti modern eshte shtet-kombi, vetvetiu nenkupton komuniteti kombetar.

Kete Zaimi se ben dot se bie ne kunderthenie, prandaj shet mjegull. Ne fund te fundit ka perhere njerez qe e blejne mjegullen.

Qe te kemi politike te mirefillte duhet te kemi polisin modern, komunitetin modern, domethene kombin. Keshtu bashkesia arrin te jete subjekt politik dhe te kerkoje e te nxjerre te verteten e saj politike.

Por Shqiperia nuk eshte dhe nuk mund te jete subjekt politik qe kerkon te verteten politike, pasi nuk perfaqeson polisin modern. Si shtet-komb i cunguar ajo mund te perfaqesoje ne rastin me te mire nje subjekt e cunguar, kurse realisht perfaqeson nje objekt politik.

Prandaj shqiptaret ndahen ne dy pjese:

1- ata me syte nga kozmopolitizmat (Europa,Islami e Komunizmi).

2- ata me syte nga nacionalizmi (edhe ketu ka dallime nga nacionalizmi krahinonor e fetar tek ai i mirefillte).

Kozmopolitet (globaliste,islamike e komuniste) jane ata qe e pengojne kombin shqiptar te kthehet ne subjekt politik e te kerkoje te verteten e tij politike, pra te hyje ne esencen e politikes. Per keta kombi shqiptar eshte objekt politik, qe te verteten politike ja sjellin te tjeret nga jashte ( Brukseli,Meka apo Zizeku).

Nacionalistet anipse te hallakatur, ne thelb kerkojne qe kombi shqiptar te arrijne ate shkalle ndergjegjesimi qe ti lejoje te kthehet ne subjekt politik, ne polisin modern, e ti jape jete politikes se mirefillte, ajo qe realizohet brenda polisit modern, brenda gjithe kombit.

Politika e mirefillte nuk ka ekzistuar ndonjehere ne Shqiperi, kurse proto-politika e mirefillte ka ekzistuar gjate viteve 1878-1912.

Qe prej 1912 ne jetojme ne politike te gjymtuar, anomale, gje qe do vazhdoje derisa gjithe kombi shqiptar te mos perfaqesoje nje subjekt politik i cili kerkon te verteten e tij politike.

Ne jetojme e kerkojme te genjeshterten tone politike. Ky shkrim i Zaimit perfaqeson te rremten e politikes, e verteta jone politike gjendet vetem kur kombi shqiptar shihet si subjekt politik.

Te marrim ngjarjen e djegjes se flamurit per te ilustruar pengesen qe perfaqesojne kozmopolititet ne ndergjegjesimin e shqiptareve se si komb ata jane prandaj duhet te paraqiten si nje subjekt politik.

Ndodhia eshte politike, mesazhi eshte politik, gjithe barbarizma serbe ne shkaterrime e pengimin e ndeshjes drejtohej ndaj nje ngjarje politike te lidhur me Kosoven.

Nacionalistet ndodhine e perjetojne si politike, ashtu si eshte ne realitet, dhe jane te shqetesuar. Po kozmopolitet?

Kozmopolitet nuk shqetesohen per ndodhine ne vetvete, se eshte nje cope lecke e djegur nga ca huligane serbe. Shqetesimi i tyre eshte reagimi shqiptar ndaj kesaj ngjarje.  Kozmopoliti nuk kerkon pse-ne e ndodhise, mjaftohet me verejtjen se ka nje grup huligan qe po djeg nje lecke e cila rastesisht eshte flamuri shqiptar i cili si simbol kombetar nuk eshte i ndonje vlere per te pasi ai eshte 'nderkombetar', keshtu qe e ka kapercyer dhenien e vleres se simboleve kombetare.

Keshtu ndersa nacionalistet marrin shkas nga ndodhia politike per te kerkuar te verteten e tyre politike, pra duan te paraqiten si subjekt politik, kozmopolitet nga ana e kundert thone se kjo nuk eshte ndodhi politike, por edhe sikur te jete ne si shqiptare nuk mund te jemi ne gjendje te arrijme te verteten, se ate na e sjell Brukseli, Meka apo Zizeku. 

Keshtu ne vend qe gjithe shqiptaret si komb te marrin shkas e te kerkojne te drejten e te qenit subjekt politik, rrine edhe zihen me njeri-tjetrin, jo eshte keshtu po eshte ashtu, pra ne vend te rruges se unitetit ndiqet rruga e perçarjes, vendin e perpjekjeve per te perfaqesuar nje polis modern e zene perpjekjet e çarjes se pelhures kombetare.

E gjithe kjo eshte pasoje e pengeses kozmopolite e cila eshte aktualisht teper e madhe qe nacionalistet ta kapercejne dhe te shikojne me tej, drejt gjetjes se vertetes politike te kombit shqiptar nepermjet shnderrimit qofte edhe te pjeseve te pavarura te kombit ne subjekte politike.

 

Duke mos i hequr asnje presje asaj qe thoni ju, problemi nuk eshte vetem qasja pragmatiste e kozmopoliteve ( deri ne nihilezem) ndaj ceshtjeve qe prekin ndjenja kombetare dhe identitare, por sulmi ose angazhimi aktiv i tyre ne perbuzjen e vet ndjenjave kombetare. Pra arrihet deri aty sa perqeshet krenaria e dikujt qe ndihet shqiptar, por respektohet absolutisht ndjenja fallco e nje shqiptari qe ndihet grek psh. Dhe eshte e pakuptueshme mania per tu marre me ceshtje me rendesi historike per kombin edhe ne tema qe duhet te jene eskluzivisht vetem per politiken e dites. Une mendoj se eshte nje pjese e medias qe qellimisht i meshon ketij aspekti per arsye te erreta, por qe pjesa me e madhe eshte e infektuar nga semundja e nihilizmit, e nje tradite te shqiptareve per te kritikuar vetveten deri ne shkaterrim, gje qe nuk e kan vendet fqinje.

Psh eshte bere e modes qe te sulmohen figurat historike apo trashegimnia historike dhe folklorike e popullit shqiptar cuditerisht duke i kthyer ne figura apo etapa historike abstrakte, dhe kjo vetem kur kemi te bjeme me shqipetaret dhe Shqiperine, sepse te njejtit njerez qe ulin deri ne nihilizem faktin qe Gjergj Kastrioti ishte shqiptar nga i ati, mbrojne me zell te cuditshem faktin qe e ema ishte sllave. (gjithmone sipas tyre).

Te njejtit qe ulin vlerat e popullit shqiptar ndaj rezistences anti-osmane mbrojne me zell te cuditshem bashkepunimin ne kete rezistence edhe te popujve te tjere ballkanik krahas shqiptareve. Pra ka nje nonsens ketu.

 

Une psh ne kete blog jam marre me temat historike dhe identitare sepse te tilla tema kan ardhur, nuk i kam hapur une, dhe cuditerisht jan hapur nga kozmopolite, pra nje agresivitet intelektual qe ka deshiren por jo forcen per te mbajtur nje argument bosh, dhe nje qasje e tille natyrisht qe provokon debat. Ndoshta ky eshte edhe qellimi i tyre, nuk e di.

 Nuk besoj tek sinqeriteti i shumices te atyre kozmopoliteve ne debat sepse shoh qe shumica kan mize nen kesule, pra debati eshte shterp me ta, keta jan pseudo-kozmopolit, sepse dyshoj qe do ishin kunder figurave historike dhe kombetare te vetem disa qindra vjetesh me pare te popullit shqiptar, po te kishin vizituar ndonje qender te qyteterimit botror, si Londra psh, ku perballe parlamentit, mu tek kembet e big ben-it ka nje monument gjigand kushtuar Budaka-s, nje princeshe e britanikeve qe udhehoqi luften kunder Romes. Flasim per princeshem e nje populli te lashte te britanise vetem mijera vete, qe ka shume pak lidhje me popullin britanik te sotem, i perbere nga skoceze, angleze,wellsiane, irlandeze etj, per mos te folur per ardhjet masive te popujve te ndryshem ne britani gjat periudhave te caktuara kohore. Keta po te ishin ne Londer do kerkonin ta hidhnin ne ere nga themelet ate monument. Mua me duket vertete e pakuptimte kjo lufte ndaj historise dhe identitetit te caktuar te shqiptareve, shume e pakuptimte!

Patjeter keto qe permend jane te drejta, keta tipa vuajne nga nje inkoherence logjike e llahtarshme, te cilen perpiqen ta mbulojne me parimin e autoritetit, bukurshkrimin dhe parrulla budallepsese progresisto-modernisto-emancipiriviriiste. Jane sofistet moderne dhe arma kryesore eshte relativizmi sofistik.

 

Fakti eshte qe ai zotnia lart nuk ka stigmatizuar vetem nacionalizmin e llojit shterpe, por edhe kozmopolitanizmin. Fatkeqesia eshte, qe toca si ju te dy me lart, jane aq ekstremista sa qe nuk jane ne gjendje te shohin pervecse bardhe e zi. Nuk jane ne gjendje te kuptojne se po stigmatizove abuzimin me nacionalizmin, nuk do te thote se je kozmopolitan. Fatkeqsia eshte qe ka nje dore te mire idiotesh qe e ndajne boten o ne te zeze o ne te bardhe, o me ne o kunder nesh, por qe sic e ka thene edhe Zajmi me larte, kozmopolitane apo nacionaliste qofshin keta ekstremiste, jane ane te ndryshme te se njejtes medalje injorance dhe fodulleku. Nese nuk iua thith truri qe mund te kete edhe nje vije te mesme, larg fallsitetit ekstrem te te dyja paleve, atehere nuk iua thith. Megjithate, vazhdoni ulurimat kunder kozmopolitaneve. Ne mundsh, here pas here, nxirre koken nga rera dhe shiko me objektivitet pozicionin tend, dhe shiko me objektivitet qe kur tjetri thote se po ngrihet kunder nacionalizmit kitsch dhe simbolik dhe jo kunder nacionalizmit te vertete, apo real, nuk po ushtron relativizem sofistik.

 

O Kodra, mos keshtu mo burre me keto argumente te forta keshtu mo burre se i gozhdove te gjithe.  S'ngele njeri pa share, ne cdo teme.  Te keqen e etikes se debatit.

Sa per Zajmin dhe ca ka thene ai me lart, e para e punes Zajmi duhet te mesoj ca dmth nacionalizem njehere e pastaj te bej tentativa te dalloj ate kitchin nga ate jo kitschin.  Nacionalizmi ai i verteti, qe ta kuptosh ti bashke me Zajmin, eshte par excellence ekstremist, se po nuk ishte nuk eshte nacionalizem.  Prandaj keto shashkat tymuese me fjale te tilla si "ekstrem" per te trembur robrit, nuk te hyn ne pune.

Sa per ate qe thua qe Zajmi ka stigmatizuar nacionalizmin e llojit shterpe, si Zajmi dhe ti duhet njehere te kuptoni qe, ne Shqiperi nuk egziston fare nacionalizem ne menyre institucionale (qofte shterpe apo jo) prandaj s'ka se ti stigmatizohet dicka qe nuk egziston.

Shih me siper kritiken qe i kam bere pjeses te artikullit mbi stigmatizimin e te ashtequajturit nacionalizem shterpe nga Zajmi.

Po mire, ti fatkin qe je shqiptar nuk e quan ofendim. As nuk do e quaje ofendim po te ishe kinez apo amerikan. Po ashtu nuk eshte ofendim qe je mashkull, e nuk do ishte ofendim po te ishe femer. Tashti, pse e quan ofendim faktin qe je i trashe.

Ej, po mire ketu ne nje blog interneti ne anonimitet qe mund te sillesh si dickwad e ti ofendosh njerzit duke ju thene toc, idiot, i trashe etj etj. kur nuk i'a del dot mbane debatit, po ne realitet kur debaton me dike dhe nuk e perballon dot a ke b*le te mjaftueshme ti thuash ne fytyre qe eshte idiot, toc e i trashe?

Nejse, e ke treguar me kohe dobesine tend...sa here te sfidon dikush ne ate qe thua, ja u kthen direkt me ofendim...

Ty? Gjithe diten. Dorian Kulla quhem, dhe shpall qe i pakapshem, kushdo qofte, eshte nje cope idioti.

Ti nuk sfidon ate qe thuhet. Ti je i trashe, nuk kupton ate qe thuhet. Apo duhet me qene PC, e ate qe nuk kupton ate qe thuhet mos ta quajme te trashe.

Po pra, gjithe diten keshtu prap tastieres ti s'te le gje mangut.  Ej, po ka pak rendesi se jep emrin ketu, prap anonim mbetesh...prap trim tastiere mbetesh.  Njerez si puna jote, qe jane goxha te gatshem te ofendojne dike tjeter neper blogje interenti anonime ka shume gjasa qe kane komplekse inferioriteti, ngaqe nuk kane asnje shanc te shfryhen keshtu ne realitet e shyqyr qe gjejne nje blog anonim e clirohen psikologjikisht.

 

Mire une qekam i trashe si pas teje, por ti s'me ke share vetem mua si i trashe, apo toc, idiot etj etj. por edhe shume te tjere ketu kur te kane thene dicka qe s'te shkon per shtat.  Pra kush idioti i trashe ketu? Ai qe shan cdo kend qe i del perpara, apo ai qe ka nje etike debati?

Por kjo nuk do te thote se shume te tjere ketu nuk jane idiote, te trashe, apo toca. Dhe jo pse mund te kene thene ndonje gje qe nuk me ka shkuar per shtat, por sepse jane te tille. Idrizi, psh, thote shume gjera qe nuk me shkojne per shtat, por kjo nuk e ben te trashe. E me qe e solle llafin ke etika e debatit, etika e do qe ne debat i trashi, toci dhe idioti te quhen te tille. Ndonjehere edhe une behem i trashe, idiot e toc. Ky mund te jete nje rast i tille, nuk e ve ne dyshim. Tashti po mos ishe si une, do dukeshe diku per ndonje kafe te ma vertetoje qe nuk je i tille, e nuk do vazhdoje te beje gam gam ketu.

Vallai po te jetoja ne NY do dukesha per kafe me gjithe qejf...

Lulian, une nuk heci me parulla, bota nuk eshte bardh e zi, mund te jesh edhe keshtu edhe ashtu, rrofte Zizeku, Brukseli apo Meka.

O je nacionalist o nuk je, nuk ka ketu terci-verci, edhe jam edhe s'jam, sipas qejfit tim.

O je kozmopolit o nuk je, nuk ka ketu terci-verci, edhe jam edhe s'jam, sipas qejfit tim.

 Nacionalizmi ka paraqitjet e veta, kozmopolitizmi paraqitjet e veta.

Aty ku logjika behet pershesh, gjen nacionaliste qe propogandojne paraqitje kozmopolite dhe kozmopolite qe propogandojne paraqitje nacionaliste. Por nuk eshte se keta udhehiqen nga ta zeme logjika e esences, keta thjesht nuk i bejne asaj qe thone nje vetkritike logjike, ti nder ta.

Pastaj sikunder e do historia qe nga kohet e qepes, fillon pseudo-hermeneutika , jo po se une,ai,ajo se kisha/kishte me kete kuptim, po e kishte me ate, jo se kishte me ata po me keta, une i thashe ai me tha, falemnderit shume.

Nacionalizem kiç ca dmth nacionalizmi i Kiços ?

Vendodhja ime eshte e qarte, as nen rere as mbi re. Perderisa po flitet per te verteten politike ne Shqiperi, per mua ajo gjendet vetem nese shqiptaret e mendojne kombin shqiptar si polisi modern dhe kete gje e pengojne kozmopolitet e çfaredo flamuri te huaj, perfshire zotroten. Ti je pengese, sepse si kozmopolit me ndalon mua te kerkoj te verteten politike duke u nisur nga te qenit shqiptar. Si mund ta kerkoj une te verteten politike te kombit tim, nese nuk nisem nga te qenit shqiptar? Kjo eshte e pamendueshme.

Ti kerkon te verteten politike te njerezimit, kerkoje nuk te thote njeri gje, por nuk mund te mohosh dot se e verteta politike e njerezimit, kerkon njerezimin si polis, sepse bie ndesh me vete konceptin e politikes.

Ti je i lire te spekullosh sa te duash mbi te verteten politike te njerezimit, por persa kohe nuk kemi njerezimin si polis, e kupton edhe vet, qe ky eshte ushtrim teorik pa lidhje me perditshmerine.

Perkundrazi perditshmeria thote se polisi universalisht i njohur sot eshte shteti-komb, dhe ne rastin tone eshte absurde te mos mendohet kombi shqiptar si mundesia e polisit dhe te vertetes politike, pasi do ishte jashte realitetit.

Pra nevoja e zbulimit te se vertetes politike te shqiptareve, lidhet pashmangshmerisht me kombin. Por meqe tek ty e tjetri e tjetri nuk lidhet me kombin, atehere ti nuk mund te pretendosh per kurrfare perpjekje vetjake per gjetjen e se vertetes politike te shqiptareve.

Fakti qe ne jetojme ne erresire politike, i detyrohet pikerisht perpjekjeve te munguara per gjetjen e te vertetes politike te shqiptareve dhe eshte e pamundur qe ti, Zajmi apo kushdoqofte me ushtrimet tuaja teorike mbi te verteten politike te njerezimit, do arrin te gjeni te verteten politike te shqiptareve.

 

 

Ti nuk ecen me parrulla "bota nuk eshte bardhe e zi," por ecen me parrulla "bota eshte bardhe e zi," "nuk mund te jesh edhe keshtu edhe ashtu," "rrofte Fukyama, Huntington, urra!"

Ia te bejme nje vetkritike logjike te pretendimit se nacionalizmi dhe globalizmi nuk jane eksklusive, se mund te jesh te dyja, ose asnjera, dhe te ruash nje lloj konsistence logjike. Problemi me logjiken eshte qe do kellqe, dhe kerkon qe te pranosh konkluzionet nese qendrojne. Problemi qe ke ti eshte kur thua se globalizmi, apo kozmopolitanizmi, nuk e perfshin te qenit nacionalist, apo se nuk mund te jesh te dyja apo asnjera, pra i perkasin shenjes logjike te ekskluzivitetit ndaj njeri tjetrit. Kjo eshte gabim per shume arsye. Mund te jesh shtetas shqiptar me kombesi shqiptare, shtetas shqiptar me kombesi greke, shtetas kosovar me kombesi shqiptare, shtetas amerikan, italian, britanik, me kombesi shqiptare, dhe ne fund te fundit mund te jesh edhe shtetas shqiptar, me kombesi shqiptare, nga Kruja - qytet i bekuar - dhe te mos kesh asnje spital me anestezist deri ne Tirane, apo shtetas shqiptar me kombesi shqiptare qe te ka plas tubi i mutit ne lagje. Ne totalitetin e ketyre rasteve, nacionalizmi me kozmopolitanizmin nuk jane ekskluziv. Disa prej ketyre jane probleme reale, qe vija nacionaliste do i zgjidhte me mire (Kosove-Shqiperi), disa te tjera do zgjidheshin me mire nga nje politike globaliste (Shqiparo-Grek, Greko-Shqiptar), disa do zgjidheshin me mire duke qene edhe nacionalist edhe globalist (shqiptar qe punon kamarier ne Rome), e disa te tjera nuk ka nevoje te jesh as nacionalist, as globalist qe t'i zgjidhesh, (dibran pa spital lokal, alidems qe i ka plas muti, etj, etj). 

Tashti, te mohosh inkluzivitetin e ketyre, do te thote te mohosh realitetin. Realiteti eshte ai qe jetojme sot, ku shume probleme politike nuk kane te bejne as me njeren as me tjetren, apo kane te bejne me te dyja. Ti nuk e shikon kete, sepse e ke koken ne rere. Po ashtu nje kozmopolitanist i thekur nuk e shikon, sepse po ashtu e ka koken ne rere. Kozmopolitanist te thekur ka sa te duash, jane ne pergjithesi ata qe e kane bere flamurin e Kosoves me xixa shume e qe i meshojne praktikave te pakices. Jane tipat e Sorrosit qe ngrene ceshtjen e Romeve ne Ballkan kur Romeve po iu rrasin valixhet ne France e po i degdisin pikerisht ne Ballkan.

Tashti, kosovareve po iu privatizohet gjithcka, dhe me kete privatizim, po iu rriten cmimet, e po iu bie dhe cilesia. Cfare eshte pergjigja nacionaliste ne kete mes? Duhet t'i qaset sipas tregut te lire, e te shitet Kosova me gjithe Shqiperi per nje Euro, apo u duhet dhene prioritet vendasve te pafuqishem, apo duhet sektori publik te administrohet nga shteti? Se te thuash Shteti-Komb duke e kualifikuar kete entitet thjesht si modern, o sa mire me kene Shqiptar, etj parrulla te tilla, mbetesh pa ngrene. Krutanet nuk kane spitale. Cfare eshte pergjigja nacionaliste ketu? Skenderbeu ka qene shqiptar? Kujt i plasi per Skenderbeun nga ishte kur te plas temthi, ne plot kuptimin e fjales?

Ekzistojne pra, raste reale, dhe jo teorike, ku as qasja kozmopolitane, as qasja nacionaliste nuk zgjidhin pune. Ekzistojne po ashtu raste reale ku te dyja te zgjidhin pune. Identiteti politik eshte i shumellojshem. Ta besh politiken duke u nisur vetem nga nje pozicion, dhe te ofrosh si arsyetim per kete zgjidhje vetem modernitetin e shtetit-komb, apo vetem postmodernitetin e kozmopolitanizmit, i bie ta kesh koken ne rere si struci. Kjo eshte ceshtja. Hajd e gjeje relativizmin sofistik kur them se as njera as tjetra nuk duhen kur ne Shqiperi ka a s'ka pese spitale me anestezist, dhe keto pothuajse te gjitha ne Tirane. Hajde e gjeje relativizmin sofistik kur them se duhen te dyja kur komunitetet shqiptare ne Diaspore jane nga me te dobtat. Teori? Une po flas per raste reale. Teorine moderne hajde beje ti dhe jep edhe direktivat pastaj.

Nuk ka kurrfare pjeseperputhje logjike mes nacionalizmit dhe kozmopolitizmit, ka nje lemsh te relativizmit sofist te tipit mund te jesh shqiptar dhe kamarier ne Rome, sikur te qenit nacionalist shqiptar perjashtoka a priori te qenit kamarier ne Rome, me pak fjale te qenit nacionalist shqiptar u varka nga vendbanimi absolut gjate gjithe jetes ne Republiken e Shqiperise.

 '''Krutanet nuk kane spitale. Cfare eshte pergjigja nacionaliste ketu? Skenderbeu ka qene shqiptar?'''

Ti ngaterron kekun me byrekun si perhere. Pse kur nuk ka spitale ne Kruje na qenka çeshtje as kozmopolitesh as nacionalistesh meqe nacionalistet thenkan keni mjek Skenderbeun ?

Ku e ke psonisur kete logjike, se as retorika nuk i lejon shkarje te tilla ?

Ky eshte problem administrativ i lidhur me nevojat jetike te qytetareve te caktuar ashtu si dibrani pa spital lokal, alidems qe i ka plas muti, etj, etj.

Ti thjesht po therrmijezon politiken per te gjetur pika te perbashketa ku humb kuptimi i dallimit mes nacionalizmit dhe kozmopolitizmit.

Kjo eshte si te thuash qe njeriu eshte gomar dhe anasjelltas gomari eshte njeri meqe te dyja palet jane gjitare.

Qe realiteti sa me shume therrmijezohet, aq me pa kuptim behen dallimet e para ne teresi, kjo nuk do mend, se sa me shume te therrmijezoj realitetin biologjik aq me i afert me duket njeriu me shimpanzene dhe aq me pa kuptim me duket dallimi mes tyre sepse kane 99% te materialit biologjik te njejte.

Ky argumen sofistik haset shpesh per te ndaluar kerkimin e se vertetes e cila kalon nga aftesia e te dalluarit te gjerave ne rrafshe te ndryshme e jo nga aftesia e futjes se gjithçkaje ne nje kazan.

Ti per me teper me trgon se politika e jashtme na qenkersh pune  kozmopolitesh, ne nje kohe qe politika e jashtme ne boten e shtet-kombeve udhehiqet nga parimi   i interesit kombetar.

Kjo gje nuk ndodh vetem tek shtet-kombet qe nuk perfaqesojne nje subjekt por nje objekt politik, tek shtetet dhe kombet e merdhifura.

Kozmopolitet ne nje shtet -komb kane kuptim vetem kur ky ka arritur te jete subjekt politik, tek ato qe jane objekte politike jane pengese e perhershme, qe duhen kapercyer, nese ai komb kerkon e verteten e tij politike. Nese do te jetoje ne te genjeshterten politike le te brohorase kozmopolitet.

 

Aqifo, e kam shume te qarte qe logjika jote nuk mund ta kaperceje nivelin pjese/teresi, ku pjeset jane ekskluzive me njera tjetren. Por beji nder vetes dhe mos kembengul kur te thone se nuk eshte e vetmja lloj logjike, per te mos thene se as nuk eshte me e sakta. Ajo ku po operon Zajmi, une, Badiou, e te gjithe qe prej Freges, eshte logjike perkatesie dhe jo logjike pjesesh.

Po, une po thermijzoj politiken. So what? Mos qenka shabllonizimi qe ofron ti me i sakte? Problemi jot eshte i njejti me problemin qe shfaq edhe teza e frymes kombetare si zgjidhje e problemeve politike qe ofron edhe Shinasi Rama. Fryma kombetare eshte shume e gjere e shume e ngushte njekohesisht, nuk mund te zgjidhe problemet politike me karakter lokal, ashtu si nuk mund te zgjidhe problemet politike me karakter global. Jepi kombit ate c'ka i perket kombit. Dhe fakti eshte qe problemet politike jane edhe te tilla, te thermijezuara pa pasur nevoje qe thermijezimin ta bej une. Kjo qe po them une nuk eshte si te thuash se njeriu eshte gomar e gomari njeri vetem se qenkan te dy gjitare. Ose nuk e ke marre vesh ate qe po them, ose po i ben bisht kot. Ajo qe po them eshte njesoj si te thosha se une jam une e ti je ti, pavaresisht ne jemi te dy shqiptare apo te dy njerez. Ajo qe po thosha eshte se problemet politike te nje dibrani nuk jane te njejtat me ato te nje gjirokastriti vetem sepse qenkan te dy shtetas shqiptar, ashtu si dhe nuk jane te njejta problemet politike te nje kosovari me ato te nje shqiptari, pavaresisht ne jane te dy kombas shqiptar. Kjo eshte e pamohueshme. Politika nuk eshte thjesht furca te medha, por kerkon detajizim te holle. Ne mos, "ti thjesht ke internet," dhe kembengul te kunderten thjesht sepse mundesh.

Une nuk kam per ta rrokur ndonjehere logjiken sofistike ku vepron ti e te ngjashmit e tu.

Therrmijezimi i politikes ashtu si i çdo fushe tjeter, ka kuptim vetem brenda rrafsheve ku gjykohet, nuk ka kuptim teresor si ia jep ti.

Dallimi nacionalist-kozmopolit behet ne rrafsh tjeter nga rrafshi i problemit te spitalit dhe dibranit. Dibrani ndodhet brenda nje shteti, problemet e tij administrative varen nga shteti dhe shteti udhehiqet nga parime baze te cilat vendosin edhe si veprohet per dibranin.

Dallimi nacionalist-kozmopolit behet lidhur me qendrimin ndaj kombit, jo ndaj spitalit te Dibres apo ka nevoje apo jo njeriu qe te pije uje.

Aty, meqe universalja e sotme i takon shtetit-komb, te vetmit qe mund ta rrokin kete universale jane nacionalistet, prandaj dhe jane ata qe kerkojne te verteten politike te kombit. Ti kete gje nuk e kupton dot pa braktisur logjiken sofiste dhe therrmijezimin e politikes.

Kombi eshte e verteta e sotme jo se e thone nacionalistet, por se perfaqeson universalen e sotme e thote strukturimi i botes ne shtet-kombe.

Pa kuptuar kete te vertete udherrefyese, ti mund te therrmijezosh sa te duash politiken, nuk ke per te kuptuar gje. E thashe dhe e perseris pa shquar se cili eshte polisi nuk ka te vertete polis-tike, rreth polisit. Kjo eshte logjike fare e thjeshte.

Ti mbase me politike nenkupton diçka tjeter dhe me te vertete politike diçka tjeter nga e verteta e polisit, por nuk ke fjalet e pershtatshme per ti thene.

Prandaj, gjej njehere fjalet, shpik ndonje gjuhe tjeter me nje gramatike tjeter qe te mundeson logjiken tende, pastaj eja dhe shpjegoje.

Me kete gjuhe qe po perdorim , fjalet e saj dhe gramatiken qe lejon vetem logjiken e njohur edhe si deduktive, ti je jashte loje, po krejt jashte loje.

Po he pra he. Polisi i sotshem eshte shtet-komb. Nderkohe qe polis, apo komunitet lokal, nuk ka. Apo me polis ke parasysh dicka tjeter pervec komunitetit? Nuk e besoj. Sidoqofte, ty t'u ka bllokuar lentja tek permasa kombetare e "polisit," vec ate ke ne fokus. Nuk eshte vetem ajo. Eshte edhe ajo lokale, eshte edhe ajo globale, etj, etj. Nejse, se me ty nuk i gjehet fundi, i fiton te gjitha argumentet.

p.s. nese vertete kerkon te komunikosh dhe kerkon te rrokesh logjiken, shkepute kualifikimin paragjykues, pranoi premisat si te verteta, ashtu si dhe te keshillon cdo abetare logjike, permbys konkluzionin, dhe nese konkluzioni i permbysur rrjedh nga premisat, atehere e kam gabim, por nese jo, atehere jam ne rregull. Qe ta shtroj ne menyre formale qe ta kesh kollaj.

Disa probleme politike jane kombetare

Disa probleme politike jane globale

Disa probleme politike jane edhe kombetare edhe globale

Disa probleme politike nuk jane as kombetare as globale

----------------------------------------------------------------

Kombetarizmi dhe globalizmi nuk jane pozicione ekskluzive ne politike.

 

p.p.s. Meqe je ekspert logjike dhe ekspert mode njekohesisht, a mund te me sqarosh se ca dreqin eshte "universalja e sotme."

Ore, une e di qe je i çuditshem ne logjike, po te vleresoj se ke kellqe ne ndryshim nga ndonje tjeter si ti, qe s'ka. Por te kesh kellqe do te thote edhe te pranosh ndonjehere vendimin e logjikes, perndryshe vemi tek muhabeti i trimit, eshte trim se eshte i guximshem apo se eshte i lajthitur.

Tani une s'po mohoj se ka probleme lokale, po deshe vemi tek komiteti i lagjes, i pallatit e komiteti qe fut hundet ne marredheniet burre-grua. Ka gjithnje e kudo komitete qe mbrojne bashkesine, kjo eshte e pamohueshme.

Por te gjitha keto, qe dikur mund te kene perfaqesuar edhe universalen dmth parashtrimorin kryesor te sillogjizmit politik sot perfaqesojne partikularen, dmth parashtrimorin mbeshtetes te sillogjizmit politik, pasi politika e sotme me krijimin e bashkesive gjithnje e me te medha, nga mijera bashkesi politike te shqueshme si 'polise' ka perfunduar ne trajtimin e pak qindrave bashkesive te shqueshme si polise, numri i te cilave po kahnon drejt tkurrjes.

Keshtu kur une bej sillogjizmin politik per te filluar deduktimin e se te vertetes politike me duhet ne radhe te pare universalja e sotme(qe per fat te mire lidhet me krejt boten jo me boten e njohur pjeserisht), parashtrimori kryesor, ai qe eshte i vertete sepse i pranuar boterisht. Ky parashtrimor eshte kombi, sepse shtet-kombi eshte struktura e sotme boterisht e pranuar dhe kjo gje dihet, mjaft te dish abetaren e politikes se jashtme.

Lokalja qe ti ke aq per zemer, meqe te sherben per argumentimin tend, sot eshte parashtrimori mbeshtetes, por dje ishte vete polisi dmth parashtrimori kryesor.

Pra kur nisesh te kerkosh te verteten politike te duhet se s'ben sillogjizmi i pare, '''shkaku zanafillor''', pastaj nga ky burojne sillogjizma te tjere ne baze te raportit shkak-pasoje deri sa arrihet tek e verteta politike.

Mbi qendrimin qe mbahet ndaj kombit si parashtrimori kryesor i sillogjizmit politik dhe dihet qe perfundimi i sillogjizmit permbahet tek parashtrimori kryesor, kemi edhe fillimin e rruges per tek e verteta politike.

Ketu  ka 2 qendrime, ai qe e nis sillogjizmin politik me kombin dhe per mua ka nisur rrugen per tek e verteta politike dhe ai qe ja mohon kombit, dhe e nis rrugen per tek e verteta politike me njerezimin.

Kur ti e nis me njerezimin nuk po ben kurrfare sillogjizmi politik, pasi njerezimi nuk eshte polis, po ben nje ushtrim abstrakt pa lidhje me perditshmerine.

Tani çndodh me shqiptaret. Shqiptaret nisen nga interesi i menjehershem vetjak, per te cilin ata jane shume te logjikshem dmth ne gjykimin e praktikes vetjake ata perdorin nje logjike te hekurt.

Mirepo shoqerisht  kjo logjike vetjake nuk pi uje, se logjika e mbijeteses se me te fortit tek anetaret nuk jep ne rrafsh bashkesie te sotme nje bashkesi te logjikshme. Ne bashkesite e para 5 mije vjeteve po, kjo bashkesi ishte e logjikshme, por jo sot.

Pra problemi thelbesor eshte se bashkesia shqiptare nuk eshte e logjikshme dhe as qe e ka nisur sillogjizmin politik si praktike e mirefillte, e kulluar institucionale.

Ashtu si shqiptari te than piten ne logjiken e interesit vetjak, kete duhet ta beje bashkesia shqiptare ne lidhje me interesin e saj vetjak. Por per te arritur kete bashkesia shqiptare ka nevoje per sillogjizmin politik qe do e çoje tek e verteta e saj politike. Bashkesia shqiptare eshte e palogjikshme si individualitet dhe per kete ndikojne per keq kozmopolitet.

 

 

Edhe nje gje tjeter. Ti kur e hedh voten, nuk e hedh per nje qeveri qe mendon se politikat shendetesore do i kete efektive? Vertete te mjafton qe partia per te cilen voton te ndjeke universalen e sotme si te ishte moda, pa c'i qi t'emen arsyes se pse votojme ne rradhe te pare? Une jashte loje jam, e di, por shyqyr qe je ti qe je brenda loje dhe e legjitimon politiken e sotshme.

Aqif futi ndonje cosmopolitan sonte se relaksohesh.

Shume rendesi u jepet ketyre kozmopolitsave. Mua, vertet mi ngrejne nervat noi here dhe me bejne te shfryje, po kaq. Mbaron me aq. Se ne te vertete jane ca çerra qe bejne si te sofistikum kot sa per te rene ne sy si çuna interesant dhe te ditur, po qe s'kane asnje vlere apo ndikim ne ate qe ndodh. Edhe ata me te rriturit ne moshe, koqe kanari jane qe s'mund te ndikojne prape ne asgje, se s'mund te prishin ate qe eshte tashme dhe qe ka nje zhvillim te vetin natyral qe asnjeri s'mund t'i bej gje.

Po te keni parasysh shkrimin e kristo frasherit ku flitej per nje mbledhje qe ishte organizuar ne 92 nga disa ortodokse te cilet kishin dale me nje deklarate ku nder te tjera thuhej se perendi-shqiperi jane nje etj. Ja me thoni ju çfare mund ti bej kushdo, qofte edhe janullatosi, ketij shpirti qe tashme ekziston, dhe perderisa eshte, do jete deri ne fund. Eshte madje qesharake te mendosh se mund te nderhysh ne keto gjera (dhe ketu fut edhe veten qe nganjehere nderhyj, se jam i bindur qe keto pune ecin vete pa asnje ndihme) prandaj them, qe tallni trapin kur s'keni ç'te beni me keta tipa, po shume seriozisht s'eshte per ti marre. E shumta qe mund te bejne eshte te vonojne nje proçes qe tashme ka nisur (rrofte rilindja) dhe qe ka per te perfunduar.

Nga e gjithe kjo ngjarja e flamurit, mua per nje gje me erdhi keq, qe akoma s'qenka pjekur koha, qe te dalin perfaqsues nga te dy partite dhe te thone dy fjale, e te marin ne nje fare menyre ne mbrojtje, ate ndjenjen qe paten besoj te gjithe, kur pane ato pamje. po varja megjithate, se ne mos sot, do dalin neser patjeter.

 He me dolen?

'''Nacionalizmi ai i verteti, qe ta kuptosh ti bashke me Zajmin, eshte par excellence ekstremist, se po nuk ishte nuk eshte nacionalizem.'''

Shiko i Pakapshem, fjalet duhen perdorur me kujdes mbi te gjitha kur flitet per nacionalizmin shqiptar.

Nga Rilindasit e deri me sot, nuk ka ndonje paraqitje nacionaliste te perkufizueshme si 'ekstremiste' ne kuptimin politik te saj, pra si jashte sistemit demokratik.

Nacionalizmi shqiptar deri me sot, ka perfaqesuar deshiren per demokraci, per zgjidhjen e çeshtjeve ne kuvend me ane te bashkekuvendimit, pra mendohet e veprohet bashkarisht per te miren duke u perpjekur te shoshitet aq mire çeshtja sa te arrihet ne miratim me shumice te kenaqshme, pasi supozohet logjikisht se e mira e perbashket nuk mund te jete e mira e 51% te shqiptareve. Lojrat politike pastaj bejne te veten, por ne çeshtjet thelbesore 51% nuk mund te mos shihet shtrember.

Mesa di une ky nuk mund te quhet ekstremist ne kuptimin politik qe fjala ka sot, si jashte sistemit demokratik.

Kur thua nacionalizem i mirefillte ne politiken e brendshme, thua nacional-demokraci, ose demokraci kombetare.

Paraqitjet e tjera, qe bien ndesh me kete esence te nacionalizmit shqiptar, jane rrethanore, te kushtezuara nga nje gjendje e jashtezakonshme ose nga nderhyrja e mendesise imperialiste e cila me perkufizim eshte paraqitje kozmopolite, pasi imperializem do te thote doktrine perandorake.

 

Ideja thelebesore e artikullit eshte  e thjeshte dhe nuk ka nevoje per sterhollime perkufizimesh. Nje pjese e merites se shkrimit qendron te kjo thjeshtesi..Me dy fjale, nacionalizmi i tepruar dhe fiktiv e zhvendos vemendjen nga realiteti komunitar...Nje shembull ilustrativ eshte dhe djegia e flamurit te djegur...Ketu duhet pare gjithashtu roli i medias..Mobilizimi i identitetit nacionalist amplifikohet dukshem deri sa robte identifikohen te i njejti flamur ne facebook..Ne kete menyre identitetet e tjera dalin ne plan te dyte, ruhet statusquo-ja, pra ruhet dhe menyra e erret e te berit politike..dhe qifet gjithashtu i bien curubabes se i bien bukur..

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).