Gjithnjë kam dashur të kuptoj konceptin prapa institucionit të “Besës”. Dikur, për mungesë informacioni dhe mitizim të konceptit nga shteti komunist, kjo ishte e pamundur, sepse Besa siç na e përshkruanin librat nuk kishte më funksionin e saj natyral dhe kish mbetur thjesht një legjendë.

Në lëndinat e Dragobisë Enver Hoxha i kërkonte Besën malësorëve dhe mjaftonte një foto për të dyllosur gjithçka. Besa, dikur Besa e Zotit, u transformua në Besën e Burrit apo të Shqiptarit. Ato pak parime mbi të cilat mbështetej u zhveshën nga trupi i konceptit dhe pa shumë mundim u krijua një legjendë romantike, e mbështetur mbi parimin themelor të materializmit: E reja mohon të vjetrën duke marrë prej saj më të mirat!

Besa u largua nga individi dhe mund të jepej apo të kërkohej edhe nga entitete abstrakte, siç ishte Partia, shkolla, ushtria, apo deri edhe shtetet. Boshllëku i krijuar nga zbrazja e konceptit u mbush pak nga pak me diktaturën e ligjit, i cili ishte i pandjeshëm ndaj efektit moral, psikologjik dhe fizik, sepse nuk mund të jepte apo të kërkonte Besë. Për pasojë shohim paradoksin ku Enver Hoxha mund t’i kërkonte Besën apo t’ia jepte një malësori, por kjo nuk garantonte paprekshmërinë e atij individi, sepse ligji nuk mund të jepte apo merrte besë dhe për pasojë mund të shkelte mbi çdo marrëveshje që dikush kish bërë me dikë, qoftë ky dhe vetë ligjbërësi.

Ky parim i hoqi Besës të drejtën për kundërveprim të sanksionuar nga e Drejta Kanunore. Thyerja e zinxhirit logjik që e kish mbajtur gjallë institucionin e Besës për shekuj solli dhe devijimin e saj në diçka naive, thuajse fëminore, që pas ndalimit të klerit në Shqipëri, humbi çdo bazë mbështetëse zakonore në përgjithësi.

Pastaj erdhën poetët që e mitizuan në ekstrem konceptin, duke e kthyer pak nga pak në një legjendë që nuk kishte më asnjë vlerë përdorimi. Besa u kthye në një fjalë që merrej për bazë vetëm kur thuhej nga goja e personazhit pozitiv, e heroit. Koncepti devijoji deri në atë pikë sa që një malësor akuzohej për diçka shpesh etiketohej me: Ka thyer besën e Partisë.

Në të kundërt të kësaj dolën figura mitike si Besniku i Partisë (Hysni Kapo). Zbulimi i kësaj metodologjie psikopërpunuese u përdor gjerësisht në frontet e vështira të punëve dhe sidomos në ruajtjen e kufirit. Emri Besnik u përhap shumë, sepse në sytë e drejtuesve partiakë nënkuptonte “besnik ndaj Partisë”.

“Të jap Besën” devijoi deri në një zëvendësim banal për “të jap fjalën”. Pa krismat e pushkës dhe pellgjet e gjakut Besa nuk kish më asnjë vlerë. Një institucion i mbi 500-vjeçar u katandis në një shprehje fletërrufesh për më pak se 30 vjet. Besa vdiq!

Por çfarë është, apo më mirë të themi ishte, Besa? 

 

 



Në Kanunin e Lekë Dukagjinit thuhet:

“Besa âsht nji vade lirije e sigurimi, qi shpija e të vramit i ep dorërasit e shpijarvet të tij, tuj
mos i ndjekë per gjak perkohsîsht e mjé në vade të caktueme”.

“Besa është një kohë lirie e sigurimi (për të mos vrarë), që shtëpia e të vrarit ja jep dorërasit (vrasësit) dhe pjesëtarëve të familjes së tij, duke mos i ndjekur për gjakmarrje përkohësisht, deri në një kohë (datë) të caktuar”.

Ky është përcaktimi kanunor i Besës. Detajet e tjera janë teknikalitete relative që kanë të bëjnë me kohën hapësirën, të drejtat dhe detyrimet. Thelbi i Besës është pezullimi i përkohshëm i vdekjes.

Nuk dua të futem në shpjegime të tjera se si merret apo jepet Besa, sepse kjo që po shkruaj nuk është një ese mbi ligjin dhe të drejtën, por një tentativë për të zbuluar një të vërtetë mbi ne si popull. Mbi psikologjinë dhe traditën, mbi tempullin tonë shpirtëror.

Si fillim buhet thënë se Besa nuk ka asnjë mbështetje tek e drejta Biblike, ku mbështetet krishterimi, të cilin historianët tanë përpiqen ta proklamojnë si fenë e vërtetë të shqiptarëve, përkundrazi është një karshillëk i plotë ndaj tij. Paganizmi i Besës bie në sy që nga vetë struktura e saj. Paraqitet si materializim i shërbëtorit të një perëndie të përgjakshme, që gjakun e lan me gjak! Një rreth vicioz që mban gjallë vetveten duke kërkuar sakrifica njerëzore në mënyrë sistematike, të përhershme, të padiskutueshme dhe të pashmangshme.

Shtrohet pyetja pse u ndërtua institucioni i Besës. Sigurisht që nuk doli nga hiçi. Si çdo ligj tjetër në botë është shkruar për të kontrolluar shkeljen e vetvetes. Duke u mbështetur në parimin se “ligji është shkelur para se të shkruhet”, është e logjikshme të kërkojmë të imagjinojmë se si mund të ketë qenë situata para se shqiptarët t’i impononin vetes Besën.

Për të imagjinuar se si mund të kemi qenë para se të ngrihej me urtësi institucioni i Besës dua të sjell një shembull jashtë Shqipërisë, te një popull i lavdishëm për historinë e tij, te gjermanët.
Një popull që ka mundur të krijojë kryeveprat më të mëdha në art, letërsi, arkitekturë, industri e kudo kanë punuar, është gjithashtu përgjegjës për Hollokaustin dhe për shumicën e 72 milion të vdekurve gjatë luftës së dytë botërore. Është thuajse e paimagjinueshme që një gjerman mund të ishte i aftë të vriste pa diskriminim gjithkënd që do i dilte para. Pse i ndodhi kjo një populli kaq të madh? Ndodhi sepse nazistët thyen institucionet më të rëndësishme të popullit gjerman. Këto institucione ishin Përpikëria dhe Rregullit, Zbatimi i Ligjit dhe Respektimi i të Drejtës, Vlerësimi i Vlerës së Krijuar dhe jo i Krijuesit per se. Mungesa e këtyre institucioneve zbuluan anën më të errët të një populli të madh, që pa rregullat e tij mundi të kthehej në një përbindësh po aq të madh. Kjo çmenduri kolektive e bëri popullin më të lavdishëm të botës të paaftë për të korrigjuar vetveten. Aq tronditës është ky fakt për gjermanët edhe sot, saqë edhe bisedat për Luftën e II-të Botërore janë akoma të bezdisshme.

Kjo strukturë e frikshme është e aplikueshme dhe në rastin e shqiptarëve, por në një aspekt tjetër.

Nuk dua të shkoj në lashtësi për të gjetur se pse krijuam Besën shekuj më parë. Po qëndroj në këto 20 vitet e fundit, kur dhe gjakmarrja është rizgjuar me një fuqi të tmerrshme e të pakontrollueshme.

Nuk di të them se sa janë viktimat e gjakmarrjes të këtyre 18 viteve të fundit por me siguri do të jenë disafish i epokave më të errëta të kombit tonë.

Pse u kthye gjakmarrja dhe pse nuk po ruan të njëjtin ritual të mëparshëm? Thjesht, nuk është më institucion, është kasaphanë, barbari. Vrasja dikur ishte një ritual i mbështetur mbi rregulla kanunore të padiskutueshme, thyerja e të cilave kishte pasoja të rënda jo vetëm për vrasësin por dhe familjen e tij. Tani është thjesht vrasje, një barbari për të kënaqur mllefin dhe kërkesat psiko-sociologjike të personit që e kryen. Është një pasqyrim i asaj që kemi qenë para se të vendosnim me mençuri institucionin e Besës, pa të cilin nuk arrijmë të vetëkorrigjohemi.

Mund të shtrohet pyetja: pse bashkë me gjakmarrjen nuk u kthye dhe Besa në përdorim? Arsyeja është e thjeshtë. Karakteri i nxehtë i shqiptarin dhe tiparet e tij luftarake nuk janë gjëra të reja, por aftësi gjenetike të projektuara dhe inkorporuara te secili nga ne dhe që me përmbushjen e kushteve të caktuara ambientale e sociologjike, nxjerrin në pah prirjet dhe tendencat. Besa nga ana tjetër ishte një institucion i vendosur për të kontrolluar këtë karakter. Jemi të gjithë vrasës që në lindje atëherë? Sigurisht që jo, por me një shqiptar mund të vritesh më lehtë se me një grek apo italian. Të paktën këtë na ka treguar historia. Megjithatë, kjo nuk mund të justifikojë atë që ka ndodhur në këto vite. Sigurisht që jo, por nëse marrim parasysh apriori këtë tipar gjenetik agresiv e individualist, të vërtetuar plotësisht nga historia jonë dhe e përziejmë me një kulturë pagane, ku e mira dhe e keqja janë relative, vendosur në një ambient dhe kohë ku mungon ligji, konkluzioni është i qartë.
Kaos!
Siç e thashë, i vetmi instrument që në shekuj rregullonte mënyrën se si shqiptarët vrisnin njëri-tjetrin dhe mbante nën kontroll gjakun tonë të nxehtë nuk është më.
Sistemi komunist u përpoq të fshinte këto tipare gjenetike nga trupi i kombit duke proklamuar njeriun e ri, por vetëm sa i ndrydhi, nuk mund t’i zhdukte. Përpjekja nuk ishte një gabim në vetvete, sepse të gjithë duam që një mëngjes mos ketë më gjakmarrje, por shkatërrimi i institucioneve që na kishin mbajtur në vetëkontroll për shekuj, është gabimi më i pafajshëm që mund të bëhej.

“Vrasja” apo shkatërrimi i Besës, na la të Pabesë.
“Vrasja” apo shkatërrimi i Zotit na la pa një shtyllë morale të qartë.

Kur njeriu nuk dallon dot më të mirën nga e keqja, ka bërë hapa prapa në evolucionin e tij shpirtëror dhe pa parime, qartësi logjike, rregulla dhe frikë, nuk është gjë tjetër veçse një përbindësh inteligjent që askush nuk e do pranë.

Pas gjithë këtyre mendimeve, nëse dikush do më pyeste nëse preferoj më mirë gjakmarrjen apo ligjin, do i përgjigjesha se sot nuk kemi më gjakmarrje por gjakderdhje pa diskriminim. Sa për ligj, pa mbështetje morale çdo ligj i shkruar dhe nga parlamenti më i mirë i botës nuk ka asnjë vlerë.
Ajo që ne nuk arrijmë të kuptojmë sot është se Besa arrinte të na kontrollonte jo sepse ishte ligj, por sepse ishte parim moral. Pa të nuk jemi veçse...

“Me çue gjind per besë âsht kanû, me dhânë besë âsht detyrë e burrni.”
“Të çosh dikë për të kërkuar Besë është ligj, ta japësh është detyrë dhe burrëri.”

Ligj, Detyrë dhe Burrëri! Sa larg tingëllojnë këto fjalë sot!

Dritan Kici pasioni.net



Read more: http://stopinjorances.blogspot.com/2009/09/pa-besen-kemi-mbetur-te-pabese.html#ixzz14IuSouBJ

24 Komente

Karakteri i nxehtë i shqiptarit dhe tiparet e tij luftarake nuk janë gjëra të reja, por aftësi gjenetike të projektuara dhe inkorporuara te secili nga ne dhe që me përmbushjen e kushteve të caktuara ambientale e sociologjike, nxjerrin në pah prirjet dhe tendencat.

Njesh vetem per kete, sikur edhe xhevahiret me te rralla te antropologjise, historise, ligjit, psikoanalizes etj etj etj te jene pershkruar ne reston e artikullit.

Pa he, na thuaj pse njesh?

Amon o Monde... smiley thenie si ajo qe citove e shumta vertetojne gallatshem universet paralele.

I pakapshem, dorashken qe po hedh e njoh.  Keshtu qe do harxhonim kohe ne duel/dialog, kur ne fund, si une, si ti do jemi prape aty ku u nisem ne pikepamjet personale.  Keshtu qe po u kursej te dyve kohe, mjaftohem me ate qe thashe persiper smiley.

Nje fjale : OMG! 

5*****  Sepse m'dha 1 ide si ta shtyj ditën sot smiley Duke ngju Sepulturat Chaos AD / Rooots Bloody Roots njëkohësisht me narrativën e mëposhtme:

 Jemi të gjithë vrasës që në lindje atëherë? Sigurisht që jo, por me një shqiptar mund të vritesh më lehtë se me një grek apo italian. Të paktën këtë na ka treguar historia. Megjithatë, kjo nuk mund të justifikojë atë që ka ndodhur në këto vite. Sigurisht që jo, por nëse marrim parasysh apriori këtë tipar gjenetik agresiv e individualist, të vërtetuar plotësisht nga historia jonë dhe e përziejmë me një kulturë pagane, ku e mira dhe e keqja janë relative, vendosur në një ambient dhe kohë ku mungon ligji, konkluzioni është i qartë.Kaos!

(Kaos / Kaos/ Kaos/ Kaos)
 

Kur njeriu nuk dallon dot më të mirën nga e keqja, ka bërë hapa prapa në evolucionin e tij shpirtëror dhe pa parime, qartësi logjike, rregulla dhe frikë, nuk është gjë tjetër veçse një përbindësh inteligjent që askush nuk e do pranë.
(Askush/ Kush/ Askush/ Kush/ Askush: Pa Paaaaaaarimmmeeee!)

Siç e thashë, i vetmi instrument që në shekuj rregullonte mënyrën se si shqiptarët vrisnin njëri-tjetrin dhe mbante nën kontroll gjakun tonë të nxehtë nuk është më...

(NUK është!...Nuk është më/ No more/ No more më!)

5 ylla t'sinqert.

po vazhduan keto lloj shkrimesh, do perfundosh se degjuari deicide. smiley 

Ueee Deicide. Nuk e kom harru jo; qy nga koha e kasetofonit gjyskilsh dhe kufjeve me tel rrobash smiley

 Jo more mik jo ! Nuk me duket se e thua  mire.Besa nuk "lindi" nga Kanuni.Kanuni e mori dhe e ngriti ne kod.Pse ? Sepse  Besimi, te besuarit e njerit ndaj nje tjetri, sapo lindi prona private, u shperdorua, kur  tjetri  shperdoroi mbi  besimin.Ne komunen primitive nuk kishte problem besethyerje.Ehuuu! jane te thella keto nuk eshte Kanuni baze per ta spjeguar..

   Vrasja, apo shkaterrimi i ZOTIT, na la pa nje shtylle morale te qarte...

Je me nje guxim prej te marri... 

 ..Ka degjuar kush, sot e 2000 vite te jete shkatrruar ZOTI?

 Nje shkrim i merzitshem dhe i hallakatur. Se ku e gjen guximin ky autor te s'pjegoje rrenjet dhe shkaqet e nazizmit me nje te rene te lapsit, nje zot e di. Nje zot e di c'do te thote me '' Ndodhi sepse nazistët thyen institucionet më të rëndësishme të popullit gjerman. Këto institucione ishin Përpikëria dhe Rregullit...'' Vetem perpikmeria dhe rregull nuk mungonin ne  kohen e nazizmit. Gazetaret e huaj qe vizitonin gjermanine nazizste shkruanin per nje persosmeri organizimi. Per nje rini te shendeteshme dhe me moral. Nazizmi eshte subjekt per psikologe, mjek psikiater, historiane dhe nje zot e di c'fare tjeter.... Zoti Kici i ben te gjitha profesionet dhe jep rezultatin pa rezultat.

Sidoqofte te kthehemi tek besa shqiptare pas ''ezaurimit'' nazist.

Nje hallakatje ku futen ne nje thes periudhat historike, njerezit qe kane jetuar ne kohe te ndryshme, dhe vete besa si koncept aq i nderlikuar. Ja c'thuhet: ''Besa është një kohë lirie e sigurimi (për të mos vrar&eumlsmiley, që shtëpia e të vrarit ja jep dorërasit (vrasësit) dhe pjesëtarëve të familjes së tij, duke mos i ndjekur për gjakmarrje përkohësisht, deri në një kohë (dat&eumlsmiley të caktuar...”.

Besa eshte edhe fjala e dhene zoteri, per dicka tjeter qe s'ka te beje vetem me vdekjen. '' Kostandin te ardhte gjema/ ku e le besen qe me dhe/ besa e tretur nen dhe....''

Ne kushtet e inekzistences se shtetit ligjor, lindi besa. Kush e di sa e lashte eshte? askush.

Ja c'thote autori: ''Mund të shtrohet pyetja: pse bashkë me gjakmarrjen nuk u kthye dhe Besa në përdorim? Arsyeja është e thjeshtë. Karakteri i nxehtë i shqiptarin dhe tiparet e tij luftarake nuk janë gjëra të reja, por aftësi gjenetike të projektuara dhe inkorporuara te secili nga ne dhe që me përmbushjen e kushteve të caktuara ambientale e sociologjike, nxjerrin në pah prirjet dhe tendencat. ''

Ekspozese se Kicit i mungon llogjika elementare. E si mund te kthehet Besa, si nje e tere zoteri? Ne kushtet e nje shteti ligjor ( me te meta, por perseri ekzistent) hallka e beses, ne zinxhirin e gjakmarrjes, eshte e pamundur. Askush nuk ka nevoje per besen e dikujt sepse organet shteterore do vine te te arrestojne. Nuk i duhet kujt kjo bese. Ai qe vret duhet te largohet, per ti shpetuar drejtesise ( organeve shteterore). Nuk ka te beje me karakterin e nxehte apo jo te nxehte te shqiptarit. Ka te beje me kushtet e reja ekonomike dhe politike.

Ja dhe xhevahiri i fundit : '' vrasja'' apo shkaterrimi i Beses na la te pa bese''

  Veshtire, shume veshtire te te kuptoj zoti Kici. Per c'fare e keni fjalen zoteri?

Qe zoti vdiq, kjo dihet. Tani se fundmi thuhet se ka vdek dhe njeriu.

“Të jap Besën” devijoi deri në një zëvendësim banal për “të jap fjalën”.

Ja dhe nje perceptim "idiot" i koheve moderne. Sa lexova kete fjali, ndalova se lexuari "ekspertin" e rradhes te katrahures Shqiptare.

Ne Jug te Shqiperise nuk perdoret fjale "bese" per te simbolizuar nje premtim te bere apo ruatjen e ketij premtimin deri ne vdekje. Jepet FJALA! Apo shprehja qe e pershkruan bukur  " Burrin e lidh fjala , jo litari".

Pra, kemi nje gjest, tradite shqiptare mijra vjecare si ne JUG dhe VERI qe vetem pershkrimi dallon, por ne thelb shume pak ndryshojne.

Ja dhe nje fakt tjeter interesant. Ismail Qemali kur mberriti ne Vlore nuk kerkoi besen por fjalen ne Laberi.

I vetmi idiot qe kerkoi Besen Ne KUC te Vlores ishte Sali Berisha per miratimin e Kushtetutes se tij me 94. Aq sa filloi te qeshte gjithe fshati!

 

 

 

Para se besa te ishte besa e kanunit/ligjit dmth njeriut, besa ishte besa e Zotit.

Besa vjen nga be-ja dhe jep besoj e besim, po nga be-ja vjen edhe 'betoj'/betohem qe ka kuptim te perafert me zot-oj/zot-ohem ku nga rrenja Zot, duket lidhja e qarte me hyjnoren ose me sakte cilesine e saj 'absoluten'.

Zot-ohem, bet-ohem, bes-oj ka perhere kuptimin e diçkaje absolute. Kur une zotohem, them se do i dal 'Zot' punes ne kuptimin absolut.

Pra edhe besa ka kuptimin e diçkaje 'absolute', qe nuk diskutohet fare. Rrenimi i kesaj fjale, ka lidhje me humbjen e konceptit te absolutes nder shqiptare, nuk ka me asgje absolute ose me sakte me thuaj mbi çfare betohesh te them çfare quan absolute (betohemi per koke te plakes, djemve,femijeve dmth absolutja sot eshte vetem brenda familjes, kurioze ketu qe per koke te gruas apo te burrit nuk betohet askush smiley ).

Por absolutja ka qene perhere Hyjnorja,Zoti, prandaj edhe ne domethenien e saj me te kulluar, besa eshte besa e Zotit.

Pra Besa eshte e Zotit, kurse Fjala eshte e Burrit/Njeriut.

Kur konceptimi shqiptar i absolutes/Zotit, u zevendesua nga ai hebraiko-kristian, ne jug besa e Zotit shqiptar kaloi si Besa e Krishtit dhe fjala ngeli e burrit/njeriut, ndersa ne veri Besa e Zotit u kthye ne besen e njeriut.

Keshtu i pabese ne kuptimin e pare ne jug ka pas qene njeri qe si ka dhene besen Zotit te vertete, pra te krishteret akuzonin myslymanet si te pabese dhe myslymanet te krishteret si te pabese. Meqe beson ne Zotin e rremte atehere vetvetiu i pabese merr edhe kuptimin njeri pa virtyrte, ku virtyti i pare i burrit eshte mbajtja e fjales, keshtu qe i pabese merr kuptimin e dyte si ai qe s'mban fjalen.

Ne veri perkundrazi besa humbi kuptimin e beses se Zotit dhe u be besa e njeriut, keshtu u integrua ne marredheniet sociale e ato te se drejtes zakonore si besa qe njeriu i jep njeriut, pa pranine e Hyjnores, por duke ruajtur kuptimin e absolutes, pra absolutja zbret nga Hyjnorja tek njeriu.

Keshtu besa zuri vendin e fjales, e fjala ne kanunin e Lekes s'ka ndonje vlere, si me poshte:

 NYE I TETËDHETEGJASHTËT.
Fjala.
"Fiala mort sbân ". "Shtriga në giak nuk bien". "Goia s’qet kend në giak".
 §.521. Fjala e gojës s'ême hîn në vesh të tjetrit, e i treti e perdoron per rrênim të kuej, un rri e tallem.
§.522. Fjala e ême në shkaktofët vrasë të pergjegjme un rri e zgerdhihern, nuk mùnd të më kapë kush per pûnë të liga, qi shkaktoi goja e ême. 

Ketu del diçka qe justifikon llafazanin, pra Fjala ka marre veç kuptimin e llogjeve dhe futjakotizmit, si te thuash ajo qe njihej dikur si fjala e gruas.

Kjo sepse besa iu mbivendos kuptimin te pare te Fjales si fjala e burrit/njeriut dhe fjala ngeli si llogje peshku. Pra ne veri Besa nuk u pa me si besa e Zotit/Perendise.

Psh ne jug kjo :

§.521. Fjala e gojës s'ême hîn në vesh të tjetrit, e i treti e perdoron per rrênim të kuej, un rri e tallem.

ka qene e papranueshme, ky burri qe ketu rri e tallet, ne jug mban pergjegjesi se burri qe hap ngaterresa nuk eshte burre po grua, meqe teorikisht gruaja hap ngaterresa.

Per mendimin tim, besa ka filluar te rrenohen qekur humbi koncepti shqiptar i Zotit dmth njeriu pa Zot eshte njeri i pabese, sepse besen qe njeriu ka ja jep vetem Zotit, pasi besa eshte e Tij.

Besa si besa e njeriut, ligjit te njeriut, rregullave te njeriut, fjales se njeriut etj eshte fillimi i shkaterrimit te konceptit te lashte te Beses. Ka ruajtur kuptimin absolut sepse kanuni njihej si absolut, por pa Zotin e pa Kanunin, besa eshte koncept per tu futur ne Muze.

 

 

P.S i jap besen nje njeriu, i jap besen Partise, i jap besen nje çeshtjeje, i jap besen Atdheut etj, nuk duhen konceptuar kurre si nje marredhenie e kulluar dyshe, mes besedhenesit dhe nje entiteti tjeter (njeri, parti, ideologji, toke etj), por si marredhenie treshe, njeriu, Zoti dhe entiteti tjeter, ku Zoti thirret si deshmitar i ZOT-IMIT ABSOLUT, qe besedhenesi kryen.

Prandaj besedhenia eshte diçka shume e forte, nuk jepet besa(dmth nuk thirret Zoti) nese ti nuk je i sigurte se mund ta mbash Zot-imin. Besedhenia ka te nenkuptuar bene, me vrafte Zoti nese nuk e mbaj zotimin.

Por ky eshte kuptimi dytesor i Beses, ne kuptimin e pare, te mirefillte Besa eshte zotimi qe i jepet Zotit, besa eshte cilesi qe Zoti na ka dhene ne per te pasur mundesine te jemi me Te, pra ne jemi tek Zoti dhe Zoti eshte tek ne, fale beses se Zotit.

Kuptimi tretesor eshte, une Aqifi i jap besen partise ngaqe jam burre zakoni, dmth po shes pordhe me fjalen bese. Ne pergjithesi ky lloji i trete ka qene e eshte mjaft i perhapur, ky eshte virusi qe ja ka brejt' kuptimin hyjnor fjales Bese.

Ja ca menyra te perbetuari ne shqip Aqif:

 

Ca fjalë nga jugu i Shqipërisë:

Për bukë.
Buka më zëntë sytë.
Për këtë bukë që na mban me frymë.
Më vraftë buka që hanj.

Për këtë baltë që do të na hajë (tuke përpjekur këmbën për tok&eumlsmiley.
Për këtë dhé që na ushqen dhe na mban gjallë.

Për këtë gur (tuke zënë gur me dor&eumlsmiley.
Për këtë zjarr (tuke diktuar zjarrin).
Për synë e djellit (tuke diktuar djellin)

Për kokën e djalit të vetëm që mezi e kam.
Për kokën e djemvet.
Për kokën time.
Për kokët time që s'ma bën më nëneja.
Për këtë nur (drit&eumlsmiley që po digjet aty (tuke diktuar dritën e ndezur).

Për sytë të ballit.
Mbetësha pa sy (tuke zënë sytë me dor&eumlsmiley
Mbetësha pa sy dhe lipsha derë më derë.

Për shpirtin e atyre që po treten atje (tuke diktuar varre)

Pano Tase - Visaret e Kombit 1941

 ".... Kur njeriu nuk dallon dot më të mirën nga e keqja, ka bërë hapa prapa në evolucionin e tij shpirtëror dhe pa parime, qartësi logjike, rregulla dhe frikë, nuk është gjë tjetër veçse një përbindësh inteligjent që askush nuk e do pranë..." 

 

Artikull interesant qe ia vlente ta lexoje. 

 Artikull idiot! Hyjnizim i Beses, Kanunit, Barbarise, Primitivizmit nga njerez qe u ka ngel ora tek Lahuta e Malcise. Ne vend te hulumtoj raportet e robit shqiptar me shtetin, autoritetin, ligjin , autori vajton renien e organizimit tribal.

Idiotizem eshte te barazosh besen dhe kanunin me barbari dhe primitivizem, sidomos kur nuk ke djeni mbi keto institucione.

 Kshu mendon ti.Me e udhes do te ishte te argumentoje bindjet e tua se sa te me etiketosh per idiotizem. Nqs je ti autori shkrimit, e kuptoj nxitimin tend .Megjithate nuk cuditem.Cdo kohe ka donkishotet e vet.

 Besa qofte aty ku eshte po me duket me shume si mitizim prozaik nga ato qe idealizojne shtetet per te mbrujtur identetet. Ne kohet e sotme ka rendesi shteti ligjor, kushtetuta, rendi sesa keto udhetimet romantike ne retrospektive.

artikulli shume i dobet

 Te nderuar admin.

Te arrini  tu imponohet me fshirje nje idiot kalibri qe ka hap per here te pare syte ne jete tek PPU dhe cdo gomarllek i duket sikur shkelqen ......si ky qe vjen e tjerr ketu me nik te pakapshem ....Ju qofshi .

Ne se e kini mision  "ngacmimi " per mua NDRROJINI Kurs! Me qe po e perdorni si Plaku Shukar ,dmth "shume aktiv" duhet te kini pak meshire edhe per te. Eshte sfarciato per nivelin e PPU!Ne cdo prurje ku nderhyn po ju nxjerr fare feminore ne njohje e argumente .

Vertet eshte kohe e marre qe prodhon Ypra me shumice ,  por te pakten kjo kategori nuk Ju eshte imponuar me fshirje deri me tash . Dhe ne shume raste nje sy prej te mituri e ve re "dashurine " e madhe tuajen per denger-dengeret e tij .

Sa per kujtese edhe njehere ,pothuaj 99.99% ketu tek PPU me100 anetare smiley e dine .Pervec atij me te kapme qe habitet me veten sa bukur i  thote mendimet !

Kanunet ne Bote kane ekzistuar ne kohen e mesjetes qe datojne me fund...ardhjen  e Napolonit ne Fuqi.

Ai ndertoi , botoi dhe orientoi Boten Moderne drejt Kodit Ligjor qe mori citimin Kod i Napolonit. E gjithe Bota mbeshtetet ne te.

Pika BAZE e ketij KODI si Principi Baze i cdo lloj Kodi Penal apo Civil ......eshte Hakmarrja .

Kur Hakmarrjen e merr individi mbi bazen e Rregullave Kanunore..ajo Shoqeri quhet ose ne daci therritet Shoqeri Primitive , Tribale,Klanore etj etj ... ne keto/ ato lloj Shoqerish te pazhvilluara,  mund te komentohen me " rendesi " artikuj te tille , per nje nga aksesoret e pare te Kanuneve qe eshte BESA .Dhe kjo ne formene saj klasike te lidhur me GJAKUN ,dmth Vrasjen , vjedhjen ,Grabitjen etj etj 

Kur Hakmarrjen ,  e merr Shteti me Ligjet e tij ,(mire apo  keq ..ndrrohet e pershtatet Kodi ) keto /ato lloj shoqerish quhen ne daci thirren ,Shoqeri tetcivilizuara ,  qyteteruar ,Moderne etj etj .Dhe keto shoqeri godasin kryesisht ne themele ato organizime qe kane emra te ndryshme por njihen si MAFIE  te mbeshtetura mbi BESEN- Kanunore !

Tani edhe Ju ne daci  mbajeni ate debil te vije rrotull me"argumente 'origjinale "se kanuni zotrije  " por seriozisht per gjera te vertetuara e te varrosura perfundimisht me shekuj perpara , mbase edhe duhen ditur para se te bien artikuj qe merren me argumente ( u thencin ) nga Tribale !

Me vjen pak ligsht kur lexoj edhe fh qe te pakten qesh kur lexon ata "ku e njof Frojdin ti mer jahu"..por kesaj rradhe SERIOZISHT JA VLEN KJO PYETJE smiley

 ...nje  diçka, qe sa kam une njohuri nuk thuhet ashtu ne veri ...te  jugut:

..Me vrafte buka qe hanj

Na, e shprehim:

E me vrafte buka qe ha, ne te genjej!

Ajo "nj",  eshte e perdorshme ne zhargonin e   Çamerise dhe e Devollit

 

Idiotizem eshte te barazosh besen dhe kanunin me barbari dhe primitivizem, sidomos kur nuk ke djeni mbi keto institucione.

 

Perkufizim shum i sakt.

Ne kohe te otomanve u bame u bame jeniceret me te terbum , ne koh te komunizmit u bame komunistat ma te thekun ne bote , ne kohe te demokracise jena modernistat ma te mdhej ne bote . Shumica jone jena prudukte te nje dite as nuk kena te shkume dhe as te ardhme .Nuk kena te shkume se i rame mohit, kur iu tek osmanve dhe komunisteve dhe nuk kena as te ardhme se nuk e dime se ca do iu teket perendimorve neser.

Pabesia ka qene menyre jetese gjysh prej osmaneve dhe komunisteve dhe ashtu veprojm edhe sot . Kujt i duhet besa, nderi , morali , e drejta etj .. etj.....

 

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).