- Intervistë ekskluzive me Karla del Ponten, ish-kryeprokuroren e TPI-së në Hagë

 

 

Ish-kryeprokurorja e Tribunalit të Hagës, Karla del Ponte, shpreh dëshirën e saj që të punojë si hetuese e pavarur në Kosovë.

Në një intervistë për gazetën “Shqip”, ish-kryeprokurorja e Tribunalit të Hagës tregohet më e matur në fjalorin e saj kur flet për raportin e Dick Marty-t dhe për dyshimet e saja të shprehura në librin e vet “Gjuetia...”, i cili bëri jehonë pas botimit.

Intervistoi: Nefail Maliqi

 

Zonja Del Ponte, raporti i Dick Marty-t ka bërë jehonë si në mediat ashtu edhe në qarqet ndërkombëtare. Ky raport ka pasur kundërshtime dhe është konsideruar spekulativ dhe jo serioz, sidomos nga pala shqiptare në Prishtinë e Tiranë. Mendimi juaj rreth këtij raporti, i cili më pas gjeti mbështetje edhe nga rezoluta e miratuar nga KE-ja në Strasburg?

Carla del Ponte: Të dhënat e raportit që përmendët, unë, siç e dini, kam nisur hetimet edhe në kohën kur isha kryeprokurore e TPI-së, në Hagë, por nuk kam mundur të vazhdoj hetimet për arsye të ndryshme. Siç e dini, kam pasur edhe kritika e vërejtje ndaj disa gjërave që kisha vënë në librin tim. Raportin e Dick Marty-t e kam lexuar me mjaft kujdes, ku kam vërejtur disa gjëra interesante dhe të ngjashme, me të cilat pajtohem, por aty kam hasur edhe në shumë gjëra të reja që nuk i kam ditur, para publikimit të këtij raporti. Pas gjithë këtyre dëshmive, dyshimeve ne duhet të fillojmë një hetim në rajon, pasi në Kosovë ka pasur trafiqe organesh. Prandaj edhe duhet një hetim nga një ekip plotësisht i pavarur për të zhvilluar anketa në Kosovë e më gjerë. Dhe nëse paska pasur trafiqe organesh dikush duhet të jetë përgjegjës dhe ata duhen gjetur ku janë e ku s’janë.

 

Zonja Del Ponte, lufta u krye në Kosovë dhjetë vjet më parë dhe gjatë këtyre viteve të fundit Kosova ka qenë e kontrolluar nga policia ndërkombëtare dhe vendore, nga ajo lokale deri tek Interpoli. Risjellja në vëmendje e këtij hetimi pas pavarësisë dhe integrimit në BE, mos kemi të bëjmë me një mosbesim tuajin ndaj policisë së OKB-së, EULEX-it dhe ndërkombëtarëve në këtë vend?

Carla del Ponte: Hetimet duhet të bëhen nga kushdo qoftë dhe duhet të jenë të pavarura plotësisht. Për këtë nevojitet një ekip, instrumente të nevojshme për t’i dalë në krye kësaj afere në Kosovë dhe natyrisht në bashkëpunim me Kosovën dhe jashtë saj. Unë nuk di, nuk di... për atë se kemi apo jo besim në policinë e EULEX-it, por ajo çka mund të them këtu është se Dick Marty është ai që dyshon në këtë strukturë policore të EULEX-it dhe sipas të cilit kjo polici nuk është e aftë dhe në gjendje efikase të bëjë një punë korrekte e të vihet në dispozicion të mbrojtjes së dëshmitarëve.

 

Ju ishit kryeprokurore e TPI-së për vite me radhë. Komuniteti ndërkombëtar ka bashkëpunuar vazhdimisht me Kryeministrin Thaçi, emri i të cilit përmendet në raport. Pse nuk bëtë hetime më herët dhe pse nuk bëtë arrestime sa ishit në funksion të kësaj gjykate ndërkombëtare, por kujtoheni tani pas pavarësisë së Kosovës?

Carla del Ponte: Jo, jo... unë nuk kam përmendur në librin tim Hashim Thaçin dhe nuk e implikoj atë në trafik organesh. Nëse e ka përmendur dikush emrin e Hashim Thaçit, ai është Dick Marty. Për mua zoti Thaçi s’ka të bëjë me këtë aferë. As unë vetë nuk di kush duhet implikuar në këtë aferë, por thuhet se këtu ishte e implikuar UÇK-ja, që padyshim lidhet me disa persona.

 

Domethënë ju nuk e akuzoni zotin Thaçi?

Carla del Ponte: Jo, jo assesi nuk e akuzojmë, madje me të njihem nga Dejtoni, atje jemi takuar e kemi biseduar.

 

Zonja del Ponte, më kujtohet si sot intervista e fundit me ju, kur patët thënë se nuk do ta linit TPI-në pa arrestuar “gjithë peshqit e mëdhenj” pra kriminelët në Ballkan. A janë Mlladiç dhe kriminelët e tjerë serbë që shëtisin në Beograd, “peshq të vegjël”?

Carla del Ponte: Pajtohem me ju se Mlladiç nuk është “peshk i vogël”, madje shumë “i madh”. Mlladiç, i cili gjithnjë gjendet në ikje është kriminel. Beogradi po të dojë mund ta zërë dhe duhet të tregohet më bashkëpunues me TPI-në, pasi kështu duhet të justifikojë përfshirjen e Serbisë në Bashkimin Europian. Karaxhiçin e kanë arrestuar, por vullnet të tillë të mirë politik duhet të tregojë Beogradi edhe me arrestimin e Mlladiçit dhe ta gjejnë ku është e ku s’është. Unë jam e sigurt se ai është diku në Serbi dhe Beogradi duhet ta tregojë veten. Besoj se do ta gjejnë një ditë, edhe pse ai po provon gjithnjë të fshihet nga një pjesë e popullatës dhe po strehohet nga shtëpia në shtëpi. Edhe këto ikje të Mlladiçit një ditë do ta kenë fundin e tyre dhe ai do të jetë vizitor i radhës në Hagë.

 

Ministri serb Jeremiç në Gjenevë ia ka futur kot për Tiranën... Pas daljes në dritë të raportit të Dick Marty-t flitet me të madhe rreth një “shtëpie të verdhë”, që ka edhe pronarin e saj, i cili është shqetësuar nga spekulimet rreth saj. Madje ai ka ngritur edhe një ankesë padi kundër Dick Marty-t. Nga ana tjetër, ministri serb Jeremiç në Gjenevë ka implikuar edhe Tiranën zyrtare në këtë aferë të trafikut të organeve. Pse pikërisht Tirana?

Carla del Ponte: Nuk duhet të merremi me supozime. Ministri serb Jeremiç, duke implikuar Tiranën, mund t’ia kenë futur kot. Por mos harroni se ekziston kjo “shtëpi e verdhë”, ne kemi qenë aty dhe e dimë se çfarë ka ndodhur aty, ne kemi bërë hetime dhe se kjo aferë s’ka të bëjë asgjë me Shqipërinë apo me Tiranën. Përkundrazi Tirana ka ofruar bashkëpunim në këtë drejtim. Pra për t’i hedhur poshtë gjithë këto se janë apo s’janë spekulime e bëjmë një anketë, kush dhe cili ka gisht në këtë aferë të trafikut të organeve në Kosovë dhe pikë. Prandaj edhe njerëzit mund të akuzojnë kë të duan, por s’është ashtu. Prandaj edhe nevojitet një hetues në rajon. Po i kthehem Thaçit. Ai ka deklaruar se nuk ndihet fajtor dhe në këtë drejtim nuk është plotësisht i pafajshëm. Ne i besojmë atij dhe ai do të jetë në të ardhmen personi numër një me të cilin duhet bashkëpunuar për ndriçimin e këtyre hetimeve.

 

Nga përgjigjet tuaja marr përshtypjen se keni dëshirë t’u prini këtyre hetimeve në Kosovë. Meqenëse tashmë jeni në pension, mendoni se e përballoni kryerjen e një misioni të tillë?

Carla del Ponte: Po natyrisht, pas mbarimit të mandatit tim si ambasadore, edhe pse jam në pension, padyshim që kam dëshirë të jem në krye të këtyre hetimeve për trafik organesh në Kosovë, pasi unë jam ajo që e kam nisur dhe kam dëshirë t’ia dal në krye.

 

E zëmë se u krijua kjo gjykatë, siç e quani ju të pavarur, por kush duhet të qëndrojë mbrapa saj?

Carla del Ponte: Po, ne llogarisim të na mbështesë padyshim Këshilli i Sigurimit të OKB-së dhe këto hetime mund të bëhen në bashkëpunim me autoritetet në Prishtinë e gjithsesi me policinë e EULEX-it. Kjo kërkon angazhim dhe masa speciale për të nisur punën ky mision.

 

Po, por çfarë po ndodh me çështjen e ish-kryeministrit të Kosovës Ramush Haradinaj? Ai lirohet, kthehet, del e hyn në Hagë, merret nga ata të Hagës kur t’u teket. Kemi një përshtypje se kjo gjykatë tashmë është bërë si Migro-s, ku dalin e hyjnë njerëzit.

Carla del Ponte: Nuk di se çfarë po ndodh me të. Vetë ai doli njëherë në mungesë të provave, që sipas meje, s’duhej të lirohej. Por sidoqoftë ai sërish u kthye, pasi atëherë nuk posedonim prova të mjaftueshme, çka dëshmitarët mungonin apo nuk dëshironin të dëshmonin kundër tij dhe ai u lirua. Tani presim se çfarë tregon procesi i ri kundër tij.

 

Znj. Del Ponte, keni liruar e arrestuar kriminelë e të pafajshëm. Para jush ka pasur kryesisht njerëz të aferave të ndryshme, kriminelë e diktatorë, cili ju ka befasuar apo ka qenë më i vështiri si kryeprokurore e TPI-së?

Carla del Ponte: Puna si kryeprokurore aq sa është interesante, po aq e vështirë, sepse në Hagë të akuzuarit që vijnë nuk janë engjëj e as turistë, por kanë bërë diçka dhe për këtë edhe i kemi futur në burg nga 5, 8, 10, 15 e 20 vjet. Ata kanë bërë dëme kundër njerizimit, kundër popullatës civile. Për atë botë asgjë nuk mbetet, mos të harrojë asnjë kriminel në Serbi apo në Kosovë. Por për karrierën time ishte mjaft sukses dhe interesante kapja dhe prurja e diktatorit serb Millosheviç në Burgun e Hagës. Pra nuk është dhe punë aq e lehtë të arrestohet e të burgoset një burrështetas, një president i një shteti, i cili me aparaturën e tij, i printe një grupi kriminelësh që bënë krime dhe masakra, bashkë me spastrime etnike në Kosovë, kundër popullatës së pafajshme shqiptare. Por ai vdiq në burg.

 

Për publikun, i cili gjithsesi ka një kureshtje. Si vdiq ai? Ka disa hamendësime: vdiq vetë apo e mbyti dikush për t’ia mbuluar turpin historik Serbisë?

Carla del Ponte: Jo, jo ai vetë vdiq dhe nuk e besoj se do ta ketë të lehtë as në atë botë.

 

Kosova, pas shpalljes së pavarësisë, është në rrugë të mbarë të integrimeve e njohur nga superfuqitë botërore dhe pjesa dërrmuese e vendeve anëtare të BE-së. Behgjet Pacollin e njihni sigurisht si vendas nga Lugano dhe i zgjedhur si president. Ju çfarë mendoni për këtë zgjedhje?

Carla del Ponte: Unë nuk di çfarë flasin të tjerët për zotin Pacolli. Mesa di unë, ai është shkarkuar për shkak të disa mosmarrëveshjeve. Por mund t’iu them vetëm një gjë për të, se edhe nëse rizgjidhet, ai sërish është një njeri punëtor dhe mund të jetë padyshim edhe president i mirë i Kosovës, dhe pse të mos e drejtojë ai shtetin e Kosovës?!.

Gjenevë/ONU, 5 prill

32 Komente

po keta trafikantet nuk kishin aq evro sa ta zhduknin nga faqja e dheut shtepin e e verdhe? kjo perhere me ka bere pershtypje si fakt.

ndoshta shpia e verdhe eshte metafore.. kupton ti.. nanje konjeksion me kinezt.

 "...nevojitet një ekip, instrumente të nevojshme për t’i dalë në krye..." trapiantit te organeve. Mjafton qe Znj Del Ponte te pyese mjekun e familjes dhe ky i spjegon se trapianti ne fjale eshte absolutisht i pamundur (shko dhe shih gazetat qe pershkruajne trapiantin e Nestor Treskes si fitore e madhe te shkences shqiptare me pranine e mjekeve me te mire te Italise ne salle dhe ne lidhje video me Barin) ne kushtet per te cilat flitet.

Atehere, po sikur Znj Del Ponte dhe Zt Marty ta dijne shume mire (sikurse edhe e dijne) te verteten e thjeshte, dmth qe trapianti nuk ka ndodhur, atehere e gjithe intriga qendron ne pyetjen perse vazhdojne te thone nje genjeshter shqeto (qe e dijne mire qe eshte genjeshter) duke tundur flamurin e ndershmerise?

Te gjithe bejme kompromise per te gjetur pune por me duket se kjo perpjekje e Znj Del Ponte i kalon te gjithe kufijte e ndershmerise per te cilen Znj Del Ponte del si flamurtare.

Eshte genjeshter e paster dhe Znj Del Ponte e di me mire se kurrkush...dhe megjithate vazhdon te luaje theater me shpresen qe te gjeje nje pune per te bere llaka-llaka.

 "po sikur Znj Del Ponte dhe Zt Marty ta dijne shume mire (sikurse edhe e dijne) te verteten e thjeshte, dmth qe trapianti nuk ka ndodhur, atehere e gjithe intriga qendron ne pyetjen perse vazhdojne te thone nje genjeshter shqeto (qe e dijne mire qe eshte genjeshter) duke tundur flamurin e ndershmerise?"

Fiks ate pyetje kam edhe une.

Ministri serb Jeremiç, duke implikuar Tiranën, mund t’ia kenë futur kot. Por mos harroni se ekziston kjo “shtëpi e verdhë”, ne kemi qenë aty dhe e dimë se çfarë ka ndodhur aty, ne kemi bërë hetime

Kete e ka lene truri me duket, ose e din se qeveria Shqiptare dhe ajo Kosovare nuk kane breke per ta quar ne gjyq per shtermberim te imazhit te Shqiptareve! Del Ponte ka ik nga strukturat  kriminale, por do te riprodhoje pasuri per vete ne shpine te Shqiptareve! Vete akademiket dhe kirurget Serb kane thene se nuk ka pike shanci qe Shqiptaret ta kene bere ate pune se do shume ekspertize! tani vone po behen keto gjera ne nje spital te vetem Serb! Le mo ne nje stan Shqiptar para 10 vjetesh!

po ndoshta vetem sa e kane provuar disa here e nuk kane dale me sukses. po qe shtepia e verdhe, e verdhe me pigment paska qene se nuk i ka dale akoma boja.

kulle e ngjyer me te verdhe nuk besoj e ka pa ne enderr as kandinski.

e bejne qe te bindin keta tanet se ja se cdo te thote te mbash fjalen e THene.

pyetje e N.M: Ministri serb Jeremiç në Gjenevë ia ka futur kot për Tiranën...smiley

pergjigje e Carla del Ponte: Nuk duhet të merremi me supozime. Ministri serb Jeremiç, duke implikuar Tiranën, mund t’ia kenë futur kot....smiley

paska qene bisede e lezetshme  ''profesionale''.  ne cilen kafene e kane bere...smiley

 O njerez, ndajini gjerat. Nuk behet fjale per transplante, por per trafik organesh... eshte nje gje me e thjeshte. Kjo sa per saktesim, ne diskutimet tuaja.... Ne nuk jemi te fushes, po pati ndone mjek ketej nder anet e ppu, te na jape ndone ekspertize profesionale, mbi trafikun e organeve, dhe mundesite per ti bere keto...

Se sipas mendimit tim Injorant, ne kete fushe, eshte njesoj, si te therresh nje bageti, ti heqesh nje organ, dhe t'ja marresh dhe t'ja fusesh ne nje kuti frigoriferike, dhe ta shpiesh ne destinacion. Po keto qe thashe une, a jane te mundeshme teknikisht???? Ja ketu duhet te rahin diskutimet. 

Flm, per mirkuptimin.

demo, ja çfare thote, nder te tjera, prof.dr serb Goran Kronja:

Svedok: Përse thoni se nuk besoni që atyre fatkeqëve të rrëmbyer në Kosovë dhe Metohi tu jenë nxjerrë organet?

Goran Kronja: Sepse procedura e marrjes së organeve është shumë e sofistikuar dhe e ndërlikuar. Nuk jam i sigurt se kuadrot mjekësorë kosovarë të jenë të përgatitur profesionalisht ta bëjnë një gjë të tillë, dhe për më shumë të kenë edhe logjistikën e nevojshme. Sepse, për marrjen e organit, krahas të tjerave, janë të nevojshme kushtet sterile dhe mbështetja e mirë laboratorike si dhe tretësira shumë të shtrenjta.

Deri para pak kohësh tek ne, që jemi më të furnizuar nga ana materiale dhe logjistike se sa Kosova dhe Metohia, vetëm Akademia Mjekësore Ushtarake (VMA-Beograd) ka patur laboratorin e duhur për bërjen e atyre tretësirave. Përveç kësaj, që të merrni një organ, ai duhet të jetë i një cilësie të caktuar. Sepse, nëse transplantoni një veshkë të sëmurë tek një organ tjetër, nuk keni bërë asgjë. Përkundrazi. Dhe e treta, nuk mund të merret organi, dhe doktori që do ta transplantojë të mos ketë mundësi ta shohë cilësinë e atij organi.

Svedok: Nga kush përbëhet ekipi për transplant?

Goran Kronja: Në rastin e transplantit, ose edhe marrjen e organit, merr pjesë grupi i kirurgëve vaskularë, kirurgë subspecialistë për organe të caktuara, si edhe specialistë të tjerë. Zakonish ekipi përbëhet nga tre deri katër kirurgë.

Svedok: Një faktor me shumë rëndësi në rastin e transplanteve, sikurse thonë specialistët, është edhe koha. Për sa kohë duhet të transplantohet veshka dhe për sa mëlçia?

Goran Kronja: Ka shumë faktorë, por koha ka shumë rëndësi. Gjatë gjithë kohës së transplantit, mjekët në të vërtetë bëjnë një garë të vazhdueshme me kohën. Fillimisht merret një pjesë e gjëndrave dhe një gjëndër limfatike e dhuruesit në mënyrë që të përcaktohet kodi i imunitetit, dhe sipas kësaj të gjendet i sëmuri që do ta marrë atë organ. Kjo është edhe një arsye më tepër për të cilën jam i mendimit se në Kosovë e Metohi dhe në Shqipëri nuk mund të bëhet, sepse nuk janë të aftë as teknikisht dhe as i kanë mjetet për ta bërë një gjë të tillë. Tek transplantimi kadaverik, konservimi i organit, i cili është eksplantuar, fillon që në trup. Instalohen kanila që të hedhin jashtë tretësirën për konservim, ftohen organet qëkurse janë në trup. Organi që eksplantohet duhet nxjerrë në një mënyrë të tillë që nuk duhet dëmtuar as nga pikëpamja biokimike. Atëherë bëhet i ashtuquajturi bernxh – organet e nxjerra pastrohen në tavolinë mirë e mirë, mbushen me konservues dhe futen në një kontejner steril për tu ngrirë. Madje edhe manipulimi me kontejnerin duhet të jetë steril. Gjatë kësaj kohe në mënyrë paralele bëhet procesi i marrjes së recipientit, ose marrësit të organit. Veshka duhet transplantuar gjatë 24 orëve, ndërsa mëlçia deri në dhjetë orë. Kur punoja në Akademinë Mjekësore Ushtarake, veshka „hidhej“ për 45 minuta deri në një orë.

Svedok: A mundet që veshkën për transplant ta marrë një kirurg apo urolog disi i mirë?

Goran Kronja: Çfarë do të thotë një kirurg apo urolog? Nuk është problemi vetëm ta nxjerrësh veshkën, por ta konservosh, ta përpunosh, ta bësh gati për transplant. Është me rëndësi edhe si është gjendja shëndetsore e njeriut të cilit i merret organi. Është i njohur i ashtuquajturi „sindromi i Bombeit“. Atje, një ndër tetë të sëmurë, të cilëve u është bërë transplant, vdes menjëherë ose sëmuret rëndë, e për pasojë vdes pak pas operacionit. Unë kam bërë 200 transplante dhe nuk kam patur as edhe një rast të tillë. E tërë procedura, është kaq e ndërlikuar dhe e lidhur me profesionalizmin dhe mbështetjen materialo-logjistike, saqë - në Kosovë e Metohi dhe në Shqipëri një gjë e tillë është thuajse e pamundur të bëhet. Nëse me të vërtetë është bërë, atëherë bëhet fjalë për një kriminalitet të organizuar me përmasa të gjëra.

Svedok: Shtypi ka shkruar se, në kohë kritike, në Kosovë dhe në veri të Shqipërisë, janë hapur disa spitale ilegale.

Goran Kronja: Spitalet për këtë qëllim duhet të jenë ta pajisura shumë mirë. Megjithatë, e vetmja mundësi, shumë reale dhe e njohur, kur bëhet fjalë për tregtinë e organeve është kjo. Në botë ekziston një kërkesë e madhe për organe, në mënyrë të veçantë për veshka. Ekzistojnë ndërmjetës që shpallin nëpër sajte dhe ofrojnë shërbime për shitje organesh. Kur shfaqet një njeri ekzistencialisht i kërcënuar, duke besuar se nga shitja e organit mund të fitojnë pare të madhe, i paguajnë biletën dhe e dërgojnë në një nga qendrat për transplant në shtetet fqinjë. Për shembull në Itali ekzistojnë disa sanatoriume të pajisur në mënyrë fantastike nga ana kadrovike dhe materiale.

 

 Me paska shpetu pa e lexu kjo teme. Shkurt, sakte dhe qarte. Kesaj i thone "...te besh nje verre ne uje...." Shume Faleminderit qe me inkluduat ne kete teme. Vertete qe ua di shume per nder.

ps

Po ata te verberit, Karla, aop Diku, me c para k-se, si nuk jane konsultuar me pare me specialistet.

Kaq trapa te jene.

Ca nuk ben keshtu mo vlla? Pse per t'u marre seriozisht eshte keto shpifjet e Del Pontes?

 

Ku dokumentet?

faktet u bene qofte pra?

po e paskan me akull bjeshkesh pra, se ajo zone nuk po ka drita as me lexu karlen edhe sot.

hahaaaaaaaaaa !!!!!!!!!! sa i bukur ky qenushi

Po si nuk doli nje gazetar qe te kete dy pare mend? Si nuk lexova asnjehere t'i bejne nje pyetje mbi profesionin e vet (ate te deklaruarin dhe zyrtarin, e jo ate qe di te beje ne te vertete kjo baxhelle), mbi nje ceshtje qe e ka mbuluar kjo aktualisht? Psh:

Karla, Slloboja a ishte fajtor apo i pafajshem? Ose: Si ka mundesi qe Slloboja vdiq i pafajshem? etj etj etj si puna e ketyre. Se sa te merremi duke i bere reklame librit te nje deshtakeje, qe e ka deshtimin qe ne gjen, si rrace qelibare qe eshte - italjane... me mire drejtojini pyetje qe t'ja marrin pergjigjen me pergjegjesi dhe seriozitet gjithe ish shefat e vet dhe shefat e saj aktuale... qe ta dine se cfare kellire kane te punesuar.

 ...kellire...., sa fjale me peshe. Dhe thone pastaj qe gjuha shqipe, eshte e varfer.....

 Per te qene shume konkrete dhe te thjeshte: eshte absolutisht e pamundur te kryhet nje operacion i tille ne shumicen dermuese te spitaleve, pale pastaj ne shtepine e verdhe.

Eshte absolutisht e sigurte qe njerezit e pare qe e dijne kete me mire se te tjeret jane C.d.Ponte dhe Dick Marty. (Serbet e dijne edhe ata por do te ishin shuuuuume te lumtur po te ishte e vertete).

Gazetaret, qe jane ne shumicen e tyre llapaqene jo profesionale, nuk e bejne kurre kete pyetje kaq te thjeshte qe e mbyll te gjithe muhabene...

 

 Gjon, pse ke bindjen qe del Ponte  eshte  aqe injorante sa te  jete  e pa dijshme ne sa percolli Beluli ? ku flet :...."Goran Kronja: Në rastin e transplantit, ose edhe marrjen e organit, merr pjesë grupi i kirurgëve vaskularë, kirurgë subspecialistë për organe të caktuara, si edhe specialistë të tjerë. Zakonish ekipi përbëhet nga tre deri katër kirurgë..."

 Jo! Ajo nuk eshte hiç injorante, por eshte e paguar, per te percjelle ate qe nuk ka asnje hapesire ta gelltise.Dhe ajo po e heq vallen,.... pa i ngritur  kembet shume larte!

 Grava, une perpiqem te ndjek lidhjen shkakesore hap mbas hapi duke perdorur argumente qe nuk lejne asnje dyshim dhe mundesi diskutimi: thjsht 0 ose 1. Pastaj kalohet tek argumenti tjeter i rradhes qe te çon drejt konkluzionit si ne nje loje shahu. Ne kete menyre, rruga drejt argumentit qe jep shah-mat eshte shume e sigurte dhe solide.

Do te ma kishte qefi te beja nje debat publik me C.d.Ponte ose Dick Marty. Gambiti i hapjes do te ishte. Zoterinj, meqe po flasim publikisht ejani te sqarojme rregullat e lojes. 

Pyetja e pare: Supozojme rastin qe ne fund te debatit tone arrijme te vertetojme me fakte dhe ne menyre civile qe ju te dy e dini fare mire te verteten qe akuza juaj nuku qendron ne aspektin thjesht teknik, dmth qe eshte absolutisht e pamundur te kryhet nje gje ne kushte te tilla, atehere a mund tju quajme si njerez qe me ndergjegje te plote genjeni?

Hapi i dyte: ne te gjithe proceset gjyqesore rindertohet si ne nje laborator i gjithe procesi kriminal. Ju ftoj - si profesioniste me karriere me se 30 vjeçare qe jeni - te ndertoni ne sallen e gjyqit lidhjen shkakesore nga veprimi i pare e gjer tek i fundit. Dmth, ti i akuzuar ke bere kete, kete, kete dhe kete gjer sa ke arritur tek fundi. Nderkohe qe prokurori nderton sa me siper, nen vezhgimin e trupit gjykues, mbrojtja sulmon me argumenta ndertesen e prokurorit. Akuza llapaqene nuk do te arrinte kurre te ndertonte nje gje te tille.

C.d.Ponte dhe Dick Marty as qe ja hyjne nje gjeje te tille, por edhe askush nuk ja ka kerkuar ne menyren e pershkruar me siper.

C.d Ponte - e perqeshur nga Kouchner e shume te tjere - eshte nje pensioniste qe kerkon pune dhe vizibilitet per te mos rene ne depresion. Nuk eshte çudi qe, mbasi te marre ne dore nje proces te tille te dale me konkluzionin e mesiperm, por per momentin ben llapa-llapa.

Dick Marty - ndryshe nga Carla qe kerkon te hyje - eshte ne tave prej kohesh dhe eshte shume i ndergjegjshem per lojen qe po ben. Askush nuk i ka bere nje strategji shahu te forte dhe ai - per interesa te cilat nuk dua ti parathem- vazhdon te sillet ne menyre te pandershme. Eshte e pamundur qe Marty mos te dije qe ky operacion eshte absolutisht i pamundur thjesht teknikisht.

 

 

23 komente, plot akuza qe Del Ponte shpif dhe asnje qe te thote "pse?". Motivimi i krimit eshte faze e domosdoshme ne nje proces gjyqesor. Eshte tragjike te besh ne kete rast "avokatin e djallit", por kam frike qe shqiptaret e kane marre me shume kollajllek kete punen e shtepise kineze.

Shtepia e verdhe egziston ne Serbi, Fini.

voila!

Tani si thua ti, nuk kam prova une? Kam poaq prova sa ka Del Ponte.

***

Tani pakez me ndryshe.

Fini, mendon megjithmend qe e kemi bere nje gje te tille? Mund ta kemi bere nje gje te tille? Pervec anes teknike te specializuar o Fini, me te vertete mendon se ka ndodhur? I kemi thene dhe sterthene PSE-te e mendjeve deshtake te lapangjozeve si Del Ponte dhe Marty. Jane te deshtuar nga te gjitha anet. E megjithate e dashur Fini, gjilpera nuk fundoset se i hyn uji nga ajo vrima e vetme qe ka... thjesht e tille eshte dinamika, i tille eshte realiteti. Edhe pse eshte shume e mundur qe te besh te pluskoje gjilpera, eshte njohuri publike, qe gjilpera nuk pluskon. Eshte njohuri publike, qe ne nuk e kemi bere ate gje, thjesht, thjesht sepse nuk kemi patur mundesite. Vetem kaq te mendosh. Eshte gjithe dinamika e historise qe e ben te fundoset. Nuk jane vrima te gjilperes keto qe po themi dhe jane thene e sterthene kaq e kaq here.

Personalisht do me vinte shume keq Fini nese do bindesha qe kjo gje te ishte e vertete, por duhet te dish, qe as nuk do e caja koken fare, edhe pse, se pari behet fjale per serbe; dhe pa dashur per t'u treguar kafshe fare; vlen ta thuash gjithmone, qe serbeve ne ate kohe, madje edhe tani, cdo gje u shkon t'ua besh, cdo gje e meritojne. Dhe ky eshte justifikim madhor, shume madhor Fini, se jane komb kriminel, komb vrases, komb gjakatar, komb kafshesh, dhe nuk kane lene neveri e kafsheri pa kryer ne sy te botes se qyteteruar, vetem 12-13 vjet me pare. Pse t'i thashe keto? Qe te kuptosh, qe justifikimi, aresyeja eshte gati, nuk ka nevoje askush te lodhet per ta sajuar, e perseri, askush prej nesh nuk e ka perdorur ate aresye. Qe te gjithe jemi shprehur te irrituar, madje edhe te terbuar kunder akuzes qe na eshte ngritur neve. Sepse jane kafshet, pas kafsherise se tyre, qe po ngrene zerin te akuzojne viktimat, dhe ne nuk i kemi bere ato gjera. Del Ponte?

Zoti, thuaj. Ai i shperblen te gjithe... gjithmone dyshues kam qene per kete gje, sepse durimi im matet me kronometer; por e keqja dhe padrejtesia qe kane ndjelle keto dy qelbesira eshte aq e madhe, saqe edhe une nuk dyshoj qe do e marrin shperblimin. Eh... Ai te shperblen jek e jek, ashtu si te takon.

Po ndoshta do te ishte me e udhes qe ti te mos na qortoje neve dhe aq shume... te mos beje, psh, sikur keto gjera nuk jane thene dhe sterthene kaq e kaq here, dhe ti nuk i paske degjuar kurre. Madje o Fini, jane thene dhe nga serbe vete... po pak rendesi ka cfare mendojme te gjithe, ti cfare mendjeje ke ne fakt... se nga ajo pike nisesh edhe kur gjykon. smiley

Une besoj (dhe shpresoj) me zemer qe s'ka ndodhur. Por pyetjen e kisha konkretish, sepse ketu flitet per nje komision qe do te hetoje. Kur te vije puna ligjerisht, pala shqiptare do te duhet te kete gati nje motivim te shkaqeve te shpifjes se pales kundershtare. Vokacioni mund te jete prove perpara Zotit, sic ti besoj e di, por para Cezarit s'pi uje.

Vokacioni eshte nje koncept qe nuk ka lidhje ketu. Eshte term Fini, qe perdoret nga nje kishe ku vokacion kane vetem prifterinjte dhe murgeshat... pra, krejtesisht jashtebiblik. Gjithsesi, mbi ato qe thashe, mendoj qe i je larguar pak ceshtjes perseri. Ngaterresa jote eshte te funksionet dhe rolet e paleve. Eshte prokurori - akuza, qe e con ceshtjen ne gjyq dhe hap procesin. E i takon prokurorit te mbroje ceshtjen me argumentat e veta. Ne rastin tone Fini, ne as per mbrojtje nuk kemi nevoje hic. Prokuroret kane deshtuar qe ne paraqitjen e thashethemnajes si fakt; dhe edhe kjo ka per t'u zberthyer mire, qe te jemi te qarte. Kur te akuzojme ne Marty-n, atehere eshte pergjegjesia jone qe te mbledhim dhe paraqesim provat. Dhe deshtimi i tij ne proces (qe ka per te qene i turpshem, besoj une), eshte prova e vetme qe te/na duhet. Shpresoj se eshte thjeshtuar boll keshtu si ceshtje? Leqe ne te dy kuptohemi pa shume llafe. smiley

Vokacionin ta thashe per paralel zoto. Domethene ne e besojme veten te pafajshem sepse jemi "brenda", ketu ta kisha llafin. Kurse per ata qe na shohin nga jashte duhen prova. Kaq.

Vokacioni eshte "thirrje nga Zoti"; perdoret me kete term gati ekskluzivisht nga kisha katolike. Eshte nje term abuziv, ku vetem kleri ka te drejta te natyrshme(kuptohet, hyjnore)... ndersa te tjeret... comuni mortali... ed... i mortacci loro pure! - ne dore te klerit pra.

Une nuk e besoj veten te pafajshem. Po me deno per fajet qe kam, jo per ato qe nuk i kam dhe as i kam patur asnjehere. Tani puna eshte qe une po tregohem me gisht gjithsesi. te takon ty ta provosh akuzen qe me ke ngritur per tifozerine qe ke ngritur peshe me kete akuze.

 ka shume studime ne bote qe analizojne propoganden serbe ne lidhje me kosoven qe nga vitet 1300

 

Kjo ceshtja e organeve eshte identike me ate manifesin e akademise serbe te arteve (ne kohe te jugosllavise).

 

Nje skenar qe vazhdon te vihet ne skene deri ne neveri.

 

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).