Greqi, reagime për tekstin e Gjeografisë të shkollave shqiptareATHINE-“Propogandë, urrejtje, fanatizëm dhe njohuri të falsifikuara jepen në shkollat shqipe, në vend që të mësohet historia e vërtetë” – kështu thuhet ndër të tjera në një shkrim të botuar në dhjetëra agjenci elektronike lajmesh dhe website në Greqi. 
Në këtë shkrim analizohen pjesë nga teksti i “Gjeografisë 4” së shkollave tona të mesme, ku faktet e historisë së Shqipërisë të shkruara në të, vlerësohen të falsifikuara dhe propogandistike. 

Në shkrim thuhet se në vend të fakteve të vërteta në shkollat shqiptare, të rinjtë mësojnë historinë e "Shqipërisë së Madhe" dhe ndër të tjera, se "Greqia e Veriut, nga Follorina, në Prevezë është territor shqiptar, ku “grekët bënë spastrimin etnik mbi camët". 

Në analizë shprehet shqetësimi se Gjeografia iu mëson nxënësve që në “trevat shqiptare jashtë Shqipërisë përfshihen tokat e shtetit të Kosovës, pjesë të Malit të Zi dhe Serbisë, gjysma e Shkupit dhe veriperëndimi i Greqisë, ku hyjnë prefekturat e Follorinës, Kosturit, Grevenasë, Janinës, Artës, Prevezës, Thesprotisë etj”. 

Shkrimi nënvizon se në kapitullin ku flitet për "zonat shqiptare në Greqi" thuhet se “ato i janë aneksuar Shqipërisë padrejtësisht në vitin 1913”. 

Autorët e shkrimit janë të shqetësuar edhe nga fakti që, sipas tyre, “harta e Shqipërisë së Madhe që shtrihet deri në zonat shqiptare në vendet fqinjë, vizatohet jo vetëm në librat ku mësojnë studentët, por edhe në fletoret e ushtrimeve, ku atyre iu kërkohet të pikturojnë rajonet e Greqisë në të cilat jetojnë shqiptarët dhe të japin shembuj të dëbimeve të shqiptarëve nga autoritetet greke etj”. 

Në shkrim thuhet se “brezi i ri shqiptar, mëson në shkollë se ka të njëjtën ADN me mbretin Pirro të Epirit dhe me nënën e Aleksandrit të Madh”. 

Autorët e shkrimit theksojnë si të papranueshëm faktin që të gjitha këto janë shtypur në tekstet shkollore, pasi janë miratuar nga Ministria shqiptare e Arsimit. 

Një qëndrim i tillë gjithësesi jo zyrtar, risillet në vëmendje pikërisht tani, ndoshta për koincidencë, në një kohë me diskutimin që bëhet në Shqipëri për regjistrimin e popullsisë mbi baza etnike, sikurse mund të jetë edhe një përpjekje për tërheqjen e vëmendjes së opinionit publik grek nga cështja kryesore, që është kriza e thellë ekonomike që ka përfshirë Greqinë. 

(d.b/News24/BalkanWeb)

6 Komente

 Pastaj greket, qe jane kaq te dhene mbas ndershmerise historike, pushojne nga ouna gazetarin televiziv vetem sepse citon enciklopedi te ndryshme qe pohojne se Marko Boçari ishte shqiptar.

Cju duhet juve se cfare ben Shqiperia brenda kufijve te saj.ne fund te fundit eshte shtet sovran dhe ben si ti doje qefi brenda kufijve,perfshi ketu dhe arsimimin e brezit te ri.

Kujt i plasi se cfare ADN kishte nena e Aleksandrit te madh.mesoni o qyqare   te rinjte shqiptare te ndertojne robote makina komputera rruge te sherojne njerez te mbrojne rendin  e te bejne nje komb per se mbari.

Me ne fund, ministria e arsimit paska bere punen e saj.

Greqi, reagime për tekstin e Gjeografisë të shkollave shqiptare

E kujt i plasi?

 

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).