Ma kërkuan At Zef Pllumi, Berisha e Rama. Jo në natyrën time.

 

Pas bujës së librit me kujtime të bashkëshortes, Helenes, flet shkrimtari Ismail Kadare. Në një intervistë dhënë për gazetarin Blendi Fevziu në emisionin “Opinion”, Kadare flet për “historitë rozë” që e shoqja përshkruan në librin e tij.

Ai hedh poshtë gjithë variantet dhe emrat e femrave që së fundi janë përfolur si ish-të dashurat e tij. Sipas tij, këto janë gjëra të turpshme. Por flet edhe për familje, Gjirokastrën, historinë dhe lidhjen e tij me politikën

Në panairin e këtij viti nuk jeni vetëm, por është edhe bashkëshortja juaj, Helena Kadare, me librin me kujtime “Kohë e Pamjaftueshme”. Përse vendosi ajo të shkruajë kujtimet. Ishte një shtysë e juaja, apo vendim i saj?
I saj padyshim. Ka një kohë shumë të gjatë që i ka filluar kujtimet, 15 vjet.
 

Ju vetë, keni vendosur të shkruani kujtime?

Jo.
 

Në momentin që ju tha se donte të shkruante kujtimet, cili ishte reagimi juaj? Ishit dakord, ishit hezitues apo e inkurajuat?
Tani, ka kaluar shumë kohë. Nuk kam qenë hezitues, por as entuziast të thuash, nuk kam qenë, sepse e di që është një gjë shumë e vështirë.
 

Përse është e vështirë?
Janë të vështira, sidomos kur ka kapërcime epokash, kapërcime mendësish. Vizioni i botës ndryshon. Por jo aq sa tek autori i kujtimeve, sa tek lexuesit. Kur kalon nga një epokë që pati një thyerje dramatike në mes, tek një epokë tjetër, vështirësia dyfishohet.
 

Ky ka qenë shkaku që ju vetë nuk doni të shkruani kujtime?
Jo. Nuk mendoj se kam ndonjë kërkesë të brendshme si krijues që të shkruaj kujtime. Në këtë libër ka disa që mund të quhen kujtime ose disa tekste të mia. Janë rreth 70 faqe ndoshta. Ia kam bërë dhuratë bashkëshortes. Ndoshta plotësonin një farë tabloje, ku ajo nuk kishte qenë e pranishme.
 

Ju i lexuat kujtimet përpara se ato të botoheshin?
Pjesë-pjesë po. Por i kam lexuar tërësisht në frëngjisht, sepse ishte më e lehtë të merrja një distancim nga to.
 

A kishit sugjerime për të hequr apo për të shtuar?
Po, i kam thënë të heqë një pjesë.
 

Pse ishin delikate, përfshinin miq, të afërm?
Jo delikate, kryesisht pjesë që lidheshin me familjen me fisin dhe m’u duk se ishin mjaft të gjata. Ajo me gjakftohtësi vendosi vetë për versionin në shqip dhe përgjithësisht i hoqi ato.
 

Znj. Kadare e përshkruan pak çuditshëm familjen tuaj…
Kjo është e vërtetë, por ajo nuk do ta kishte përshkruar çuditshëm, siç thoni ju, në qoftë se nuk do ta kishte pasur këtë liri prej kohësh prej meje. Nuk kam qenë i shquar për të bërë himne për familjen, për njerëzit e mi, siç ndodh zakonisht në Ballkan. Sidomos në Ballkan, çdo njeri kur shkruan, thotë sa fisnik e kisha gjyshin, sa e mirë ishte nëna, sa i mençur babai, a thua se njerëzit s’gabonin kurrë.. Unë kam qenë krejt i lirë. E kam vërtetuar këtë gjë në veprën artistike kryesisht, sepse nuk kam shkruar kujtime. Nuk më vinte zor që në “Kronikë në gur” ka skena groteske, ku përfshihet i gjithë qyteti dhe familja ime bashkë me to, fisi im.
 

Një nga pjesët interesante të kujtimeve të bashkëshortes suaj është presioni që i bënte familja që të mos martohej me ju. Pse ky mosbesim?
Shumica e familjeve do të kishin këtë mentalitet. Një shkrimtar i ri, një poet i ri, në një farë mënyre quhej një njeri joserioz. Shkrimtar, firifiu, poet.
 

A ishit ju joserioz?
Nuk kam qenë më shumë joserioz se të tjerët, sa një pjesë e të rinjve. Ishte një joseriozitet pozitiv. Një i ri e ka gjithnjë këtë përmasë joserioziteti.
 

E kishit problem këtë qëndrim të familjes?
Fare, hiç. Unë e mendoja: ku marrin vesh ata. Në atë kohë, moda ishte që kërkonin dy profesione, inxhinierë dhe mjekë. Dhëndurët e tjerë quheshin joseriozë. Sidomos ne të artit ishim të humbur.
 

A ishit ju në atë kohë qejfli femrash?
Nuk është e vërtetë. Këtë “nam” mua ma ka nxjerrë një film francez. Që ju e keni nxjerrë të parët në Shqipëri, televizioni “Klan”. Kisha xhiruar një film që do të prishej, në qoftë se nuk do të kthehej në sistemin e sotëm.
 

Po në mes të femrave jeni në fakt, të bukura?
Ashtu kanë qëlluar. Është jeta e një të riu, e rëndomtë. Nuk ka asgjë të tepruar. Unë sigurisht do të xhiroja, se vajzat i njihja.
 

A pati një traumë dalja e shqiptarëve dhe shkuarja në Moskë në raport me femrat?
Varet se në çfarë vendi kanë shkuar. Zakonisht, për studentët që shkonin jashtë, misteri kryesor ishte vetë jeta. Ajo që mungonte në Shqipëri. Çdo vend ishte më liberal se Shqipëria. Ti je i huaj, je në një vend shumë më të zhvilluar se Shqipëria.
 

Ishin vërtetë të gjitha vendet më të zhvilluara se Shqipëria?
Të gjitha vendet komuniste, ishin më të lirshme se Shqipëria. Pa asnjë diskutim.
 

Edhe jeta erotike, marrëdhëniet mashkull-femër ishin më të çlirëta?
Tepër më e çlirët se në Shqipëri.
 

Në Shqipëri ishte tabu?
Nuk ishte tabu, por ishte e pazhvilluar, vetë ngushtësia e vendit, ashpërsia e njerëzve që krijohej prej halleve të jetës e zbehte.
 

Ishin femrat ruse më të disponueshme apo tërhiqeshin më shumë nga të huajt?
Vajzat ruse kanë namin e vajzave për dy gjëra, shumë të bukura përgjithësisht dhe kryesisht ishin shumë të ëmbla dhe shumë femërore.
 

Edhe mendjehapura?
Pa diskutim edhe të emancipuara. Ishte pjesa më e emancipuar e shoqërisë. Ishin më të çlirëta nga ana psikologjike. Kishin disa vlera të padiskutueshme universale.
 

A keni qenë një koleksionist femrash në atë kohë?
Jo, nuk është e vërtetë. Unë nuk jam koleksionist. Kjo përshtypje është krijuar nga ky film. Se të japësh 3-4 vajza rresht, duket si koleksion.
 

Por kur keni qenë në Moskë, keni rënë edhe ju pre?
Po sigurisht që kam rënë. Është psikoza e shokëve. Unë e kam kuptuar që ishte një marrëzi, derisa e shkrova.
 

Në kujtimet e saj, znj Kadare, përmend disa incidente që ju keni pasur në jetën tuaj bashkëshortore. Nuk janë shumë, diku te 5 faqe. Përse një person duhet të tregojë historitë, uljet dhe ngritjet e jetës bashkëshortore?
Ka disa modele kur shkruhen kujtime të tilla. Një model është ai tradicional, ballkanas. Zakonisht shkruajnë gratë për burrat, kurse burrat për gratë ndodh shumë rrallë. Kjo është universale dhe po vazhdon. Një model është që burri del si model i virtytit, mençurisë, moralitetit etj. Është një model pothuajse i diskretituar, sepse është skematik. Çfarë janë këto familje që jetojnë si në parajsë? Që çdo gjë shkon vaj, ose tregojnë vetëm vuajtje politike. Modeli i kundërt është që burri është një horr i madh, aventurier që i ka dalë emri në 50 gjyqe, 3 divorce etj. Ky ndodh sot dhe po është aq i mjerueshëm sa tjetri, sepse shfrytëzohet skandali për njohje. Është edhe një zgjedhje e mesme që është më e besueshme, realiste dhe tregon atmosferë të vërtetë dhe të besueshme. Nuk ka familje që të mos ketë acarime, dyshime, keqkuptime. Nuk ka të tilla. Disa dihen nga çiftet, disa nuk dihen. Ju më thatë, ka pesë faqe. As 1% nuk ka në këtë libër, faqe të ashtuquajtura rozë.
 

Gjithsesi, njerëzit nuk janë mësuar me histori të tilla…
Nuk janë dhe histori, se unë nuk di të ketë një histori serioze atje, dramatike. Që unë shkova të jetoj me një grua tjetër, me zor u pajtuam, morëm avokatin apo bëmë skandal.
 

Ka rrëfime xhelozie të gruas suaj…
Këto janë të padenja për t’u biseduar. Unë të them të drejtën nuk do të kisha dëshirë të flisja për to. Janë qesharake në krahasim me një jetë njerëzore. Si mund të quhet një keqkuptim, a, b apo c, të quhet dramë mes çiftit. Çiftet tona që vriten dhe priten për këto probleme, ç’do t’i quajmë.
 

Shtypi botoi shumë emra pas publikimit në faqet e para…
Ato ishin përrallat më të marrëzishme që kam lexuar në jetën time. Nga më absurdet. Janë qenie njerëzore, që nuk ekzistojnë në këtë botë. Sepse janë personazhe librash. I marrin personazhet në librat e mi dhe i kthejnë në gra.
 

Kam përshtypjen se ju nuk keni shkruar shumë për dashurinë?
Kjo është e vërtetë. Dhe kjo tregon se kam qenë shumë i tërhequr nga kjo, i rezervuar. Më është bërë ‘vërejtje’ nga kritika botërore që Kadareja merret pak me këto gjëra. Këto janë marrëzira, nuk është e denjë që ne të dy të flasim për to.
 

A u befasuat kur i patë?
Hiç fare. Çfarë ishin ato? Asgjë. Pse paskam vallëzuar me një vajzë në ditëlindje. E çfarë pastaj? Një dyshim. Mund t’i hiqte me gërshërë dhe ja ikën.
 

Po pse nuk i hoqët, apo menduat se ishin të parëndësishme?
Ishin kaq joserioze në një libër, sa që nuk e menduam fare. Ishin gjëra fare normale për një çift. Ishte joserioze të merreshe me to. Unë s’e mendova fare. Botuesi francez tha të ketë diçka, sepse publiku perëndimor nuk di asgjë ç’ndodh në këto familjet shqiptare në komunizëm. Si janë. Na mendojnë se jemi nëpër aksione, duke ulëritur tërë ditën, duke u vrarë, burgosur. Por ka dhe një jetë normale që ata janë të etur ta dinë. Dhe ndoshta kjo ka ndikuar. Ishte shumë tërheqës për ta qëndrimi i familjes së Helenës ndaj meje. Sepse në perëndim kjo është e kapërcyer, u dukej çudi.
 

Pra kur patë gjithë këto emra…
Gra që nuk ekzistojnë as si emër, as si qenie, që nuk i kam njohur kurrë. Gratë që kam njohur kanë qenë mikesha të familjes, ato emra që dolën është turp të flasësh për to.
 

A keni qenë ju gjatë jetës suaj një mashkull i interesuar për femrat?
Unë kam qenë një mashkull normal për femrat që më pëlqenin si çdo njeriu tjetër. Natyra ime ka qenë përgjithësisht e rezervuar, e përmbajtur dhe jo grykëse, asnjëherë. Statusi i një shkrimtari të njohur, që e fitova shumë shpejt, të detyron të kesh një sjellje edhe më të përmbajtur.
 

A keni qenë në jetën tuaj i provokuar nga femrat?
Jo. Unë e di ç’do të thotë një ngacmim femëror. Është shumë e natyrshme. I kam mbushur mendjen vetes se kjo nuk ka pse të më krijojë mua asnjë trysni të brendshme.
 

Keni pasur frikë gjatë viteve të diktaturës se femrat mund të kenë qenë të futura nga Sigurimi?
Më ka shkuar mendja, sepse ishin histori që qarkullonin. Çdo njeriu i shkonte në mendje.
 

I ka përdorur regjimi komunist këto metoda?
Duhet t’i ketë përdorur.
 

A ka pasur gra të rëndësishme në jetën tuaj?
Nuk e kam menduar këtë gjë. Në radhë të parë është gruaja ime sigurisht.
 

Si ka qenë jeta juaj me Helena Kadarenë?
Ka qenë një jetë përgjithësisht e pasur, harmonioze, aq sa është harmonioze një jetë çifti e gjatë. Mund të ketë pasur acarime si çdo familje. Ne nuk kemi pasur asnjëherë një krizë serioze. Madje, serioze është një fjalë shumë e rëndë. Ne nuk kemi pasur asnjëherë krize.
 

Madje, është përdorur edhe fjala divorc së fundmi nga shtypi…
Kemi qeshur të dy kur e pamë që u përdor fjala divorc.
 

A jeni i lumtur sot pas shumë vitesh nga njohja me të?
Sigurisht që jam i lumtur. Ndonëse nisi kështu si e rastësishme, ka qenë shansi im në jetë.
 

Znj. Kadare thotë se ju keni qenë indiferent ndaj politikës, ose i ftohtë në marrëdhënie me politikanët…
Kjo është një cilësi që buron nga brenda, nga profesioni. Në qoftë se je një krijues serioz, krijon një botë paralele. Do apo s’do krijon një konflikt të heshtur, të mbuluar me strukturat shtetërore. Kështu që do të jesh vetvetiu i ftohtë në këtë. Unë nuk jam kundër politikës.
 

Ju intereson personalisht politika?
Më intereson aq sa i intereson qytetarit në përgjithësi, aq sa lidhet me fatet e vendit, me të cilat letërsia do apo nuk do lidhet. Por jam kundër modës që politika është e poshtër, prostitutë, që politikanët janë kështu ose ashtu. Është një fatkeqësi në qoftë se politikanët janë kështu apo ashtu. Në fund të fundit, për mua si njeri i qytetëruar, shkrimtar, krijues, politika është një gjë normale. Politika vjen nga fjala police që është qytetari, ndërgjegje qytetare, dihet se në antikitet kur janë vënë rregullat e para të demokracisë, themelet ishin dy institucionet e mëdha që drejtonin qytetin. Ishin demagogët, që ishin politikanët në atë kohë dhe hipokritët që ishin aktorët, quheshin të tillë se luanin. Kjo është burimi dhe nuk ka pse të jesh kundër kësaj. E keqja është se këto janë deformuar.
 

Është përmendur se ju keni tentuar të hyni në politikë para viteve ’90. A është e vërtetë kjo?
Kjo nuk është fare e vërtetë. Janë fantazi të njerëzve që ngrihen dhe ngrysen me ëndrrën për të pasur pushtet. Dhe ai s’mund ta besojë kurrë që ka njerëz që nuk duan pushtet. Dhe unë nuk jam i vetmi, ka plot të tillë. Mirëpo, ai që jeton me këtë, nuk e beson dot kurrë. Kohët e fundit, ngjallet në mua herë pas here thashethemi se Kadare do të bëhet President. Thotë jo, po aty e ka mendjen. 1000 vjet sikur të jetoj, mua s’do më shkojë mendja kurrë për këtë gjë dhe nuk më ka shkuar kurrë. Jo se jam njeri i jashtëzakonshëm nga ana morale apo etike, por sepse nuk është natyra ime kjo.
 

A është e vërtetë që Edi Rama jua ka kërkuar disa herë këtë?
Jo, jo, nuk është e vërtetë. Kujtimet e sime shoqeje janë keqinterpretuar. Gjatë një vere, në vitin 2007, kanë marrë njëri pas tjetrit për të ma propozuar këtë gjë, tre njerëz. Kanë qenë Edi Rama me e-mail, meqenëse nuk kishim muhabet bashkë, e quajti jokomode të më drejtohej direkt në telefon. Ju drejtua Helenës, e kishte më lehtë. Pas gjysmë ore, ose 40 minuta, ka marrë Sali Berisha me të njëjtin propozim. Madje, ende sot unë nuk e di a kishte ndonjë konsulencë të përbashkët apo jo. Edi Ramës, iu dha përgjigje nga Helena se nuk ka asnjë shans. Berishës ia dhashë vetë: Do të më kuptoni, nuk është për mua, mos kini shpresë tek kjo gjë, hiqni çdo parashikim. I treti ishte At Zef Pëllumbi në prag të vdekjes. “Biri jem, tha, pranojeni për të mirën e kombit”. Me një zë që unë edhe sot nuk e harroj, se ishte shumë prekëse, që një njeri që ndahej nga kjo botë kishte merak për kombin dhe i dukej se unë mund t’i jepja një zgjidhje. Unë i dhashë një përgjigje, por shumë më të zbutur sigurisht se sa të tjerat, ai me zor merrte frymë. Njerëz që kanë qenë aty tek shtrati i tij kur ai ma bëri këtë telefon, ma pohuan për kënaqësinë time atë interpretim që i dhashë unë. Këtu u mbyll kjo histori përgjithmonë. Por historia nuk mbyllet në kokat e të tjerëve. Ndaj, përfitoj nga ky rast ta them se është një vendim i prerë dhe i stërprerë.
 

Ju keni pasur një takim shumë të përfolur me Enver Hoxhën. A mos duket se nga ky takim, ndryshe nga komentet shumë kritike që ju keni bërë, del shumë pozitiv dhe me ngjyra rozë në kujtimet dhe mënyrën si keni rrëfyer?
Ka dy rrëfime, është e vërtetë ajo që kam shkruar unë. Por ju harroni dhe të gjithë harrojnë se ai kujtim është shkruar kur Enver Hoxha ishte gjallë, në ’84-n. Komiteti Qendror i PPSH organizoi një thirrje që njerëzit që kanë takuar Enver Hoxhën të shkruajnë. Pra e detyruar. M’u drejtuan dhe mua që “shoku Kadare ju e keni takuar dhe duhet të lini një përshtypje”, pa asnjë ndërhyrje se si duhet bërë kjo. Unë kam shkruar rreth 10 faqe dhe i dorëzova. Ato janë botuar disa herë dhe janë shkruar në këtë kushtëzim, që ai do t’i lexonte. Unë nuk mund të shkruaja që përpara meje ishte ai, njeriu sundues, prej të cilit varej fati, etj, etj. Kam shkruar në mënyrë kronikale atë që ndodhi. Çfarë bisede bëmë? Unë nuk kam folur në atë takim, ai foli vazhdimisht, ato që ka thënë janë të vërteta, ato që kam thënë unë për ato që tha ai, janë të vërteta.
Jeni përfshirë në komentet në atë që mund të quhet deviacioni seksual i Enver Hoxhës, homoseksualizmin e tij.
 

Madje, keni pasur edhe një replikë me Arshi Pipën…
Kjo është bazuar e gjitha në moskuptim, keqkuptim apo mashtrim, nuk e di. Unë nuk jam marrë kurrë me këtë gjë. Në këtë gjë më ka futur një replikë me Arshi Pipën. Sepse ai për të më bërë nder, sipas mendjes së tij, që në vitet ‘80 shkroi që Kadare në “Kronikë në gur” ka folur indirekt, tërthorazi, por pothuajse hapur për homoseksualizmin e Enver Hoxhës. Kjo nuk është e vërtetë, as më ka shkuar ndër mend. Libri është botuar pesë herë, si paskam folur, ku është? Nuk më ka shkuar kurrë ndër mend. Thashethemet kanë qarkulluar. Në mendjen time kjo ka qenë gjëja më e parëndësishme, në të gjitha kuptimet. E para është e pavërtetuar dhe kjo nuk i heq apo vendos asgjë personazhit historik. E çfarë ishte, po të ishte? Hiçgjë. Për një mendje të prapambetur do të ishte ndonjë gjë. Unë kurrë nuk jam marrë me këtë, sepse të merresh me këtë gjë, do të thotë që të mos merresh me thelbin e një sundimi. Kjo gjë, jo vetëm që s’i bën dëm, por ka mundësi të krijojë simpati për të në Europën e sotme. Sepse kjo të jep idenë e një njeriu të ndryshëm, që ka guximin t’i kapërcejë tabutë. Ky thashethem nuk është përhapur aq shumë, sepse nuk është marrë me seriozitet, por aq sa është përhapur, njerëzit thonë po mirë paska qenë interesant. Sigurisht për një mentalitet provincial do të thoshin që ou, pa shiko s’e dinim. Unë nuk jam marrë kurrë me këtë. Më duket e padenjë si bisedë, se na tregon vogëlsinë tonë para historisë. Të kujton pak a shumë anekdotat për Skënderbeun, Ismail Qemalin. Pse ky qenka faji i tij?
 

Në kujtimet e znj. Kadare ka një pjesë ku ju i thoni se “që sot unë nuk do të shkruaj më prozë artistike, letërsi”…
Po, ia kam thënë.
 

Është e vërtetë që ju nuk do të shkruani më letërsi?
Po, është e vërtetë.
 

Përse?
Letërsi artistike kam thënë, romane. Unë e kam braktisur njëherë poezinë, në ’97, bëra një përjashtim në vitin 2005. Por letërsi mund të shkruaj, letërsi eseistike për shembull.
 

Jeni i bindur?
Po, jam i bindur.
 

Kishte ndonjë shkak?
S’kam dëshirë të shkruaj.
 

Ka pasur një lloj rihimnizimi të çështjes së Haxhi Qamilit në Shqipëri, që ju e përfshini edhe në librin “Mosmarrëveshja”, që vrasja e Haxhi Qamilit ka qenë një lloj atentati ndaj myslimanizmit shqiptar? Cili është mendimi juaj për këtë?
Ky është një mashtrim i ndyrë. Është jashtëzakonisht përçarës, antishqiptar dhe antikombëtar. Haxhi Qamili asnjëherë nuk ka përfaqësuar edhe në mendjen shqiptare përfaqësuesin e islamizmit, kurrë. Dokumentet për të, apo komentimet në histori nuk kanë qenë kështu. Haxhi Qamili ka qenë një shef bandash proturke, kundër pavarësisë së Shqipërisë proturke, osmane. Nuk ekziston asnjë dokument që ky përfaqëson islamizmin shqiptar. Kur u ndesh në fillim, kur bëri vrasje dhe tortura, i bëri kundër myslimanëve shqiptarë, se në ato zona veproi. Nuk ka ndonjë ndeshje të tillë se ai ngriti flamurin dhe po sulmon të krishterët. Haxhi Qamilin e mbytën shqiptarët myslimanë, e zunë rob, e torturuan madje, një Osman Bali, që shquhet si vrasësi dhe torturuesi i tij. Këtu kombi shqiptar tregoi një nivel jashtëzakonisht të lartë të asaj që ne e quajmë harmoni fetare. Ishin myslimanët që u ndeshën me të, e urryen, e kapën dhe e vranë. Ndaj, të ngrihet kjo çështje është shumë e trishtueshme dhe i rrezikshëm është provokim kombëtar. Shteti shqiptar do të ishte e udhës të nxirrte ligje të përkohshme, në bashkëpunim me lejen ndërkombëtare për një rreptësi të veçantë për 3-4 vjet, për provokim të rëndë kombëtar dhe antikombëtar. I vë zjarrin këtij problemi, të paqenë dhe tërësisht i rrezikshëm.
 

Para disa kohësh, ministri i Arsimit i Turqisë së sotme kërkoi rishikimin e teksteve shkollore gjatë vizitës zyrtare në Kosovë në favor të një fryme, më pak antiosmane….
Unë jam kundër kësaj gjëje, sepse nuk më duket etike nga ana një shteti që t’i kërkojë një shteti tjetër që të rishikojë programet në favor të tij. Së dyti, ky nuk është favor për të, por favor për një sistem që Turqia vetë e ka përmbysur. Atëherë, zotëri çdo të bësh ti, eksperimente me vende të tjera, të mësosh provincat të bëjnë diçka që ti vetë e ke përmbysur? Është fyerje për historinë shqiptare. Problemi është sundim, apo ka qenë administrim? Ka qenë absolutisht sundim. Kjo është një bisedë e shëmtuar. Një komb ecën përpara se di të mbyllë disa dosje e nuk i hap. Është një dosje e mbyllur. Përse duhet të rihapen vazhdimisht? Ne rihapim dosje dhe këto nuk na lënë të ecim para.

 

Panairi
Helena Kadare: Ata që kanë folur për emra janë njerëz vulgarë

Të gjitha vetësakrifikimet e një jete të tërë duket sikur u shpërblyen pas asaj tryeze, mes gjithë atyre njerëzve që shtyheshin për të marrë një autograf të saj. “Nuk ka qenë peshë e lehtë të ishe bashkëshortja e Ismailit. Më është dashur të heq dorë nga shumë gjëra, dhe jo vetëm nga letërsia”, thotë Helena Kadare, e cila mbrëmë u ndodh në stendën e shtëpisë botuese “Onufri”, për të shënuar librin e saj me kujtime “Kohë e pamjaftueshme”. Një libër i kthyer në fenomen së fundi, për shkak të “zbardhjes” të gjithë jetës së shkrimtarit të madh Ismail Kadare, ku ajo nuk ka kursyer as tradhtitë e bashkëshortit. Dhe kjo gjë ka shkaktuar debate e hamendësime se kush mund të jenë të dashurat pa emër. Kanë dalë lloj-lloj emrash dhe në një rast, çështja ka përfunduar edhe në Gjykatë. “Media në përgjithësi e ka pasqyruar shumë mirë jehonën e këtij libri, por ka pasur edhe nga ato, ku njerëz vulgarë kanë menduar të bëjnë show me gjëra që nuk ekzistojnë. Të gjitha ato çka janë thënë nuk bazoheshin në asnjë rresht të librit tim, por në një fantazi të një tipi tjetër, për të bërë shfaqje. Ato gjëra janë thënë nga njerëz pa seriozitet. Libri im është serioz dhe ka shumë gjëra, shumë më të rëndësishme se ato që diskutohen në këto media dhe nuk e meritojnë vëmendjen time”, tha Helena Kadare, në lidhje me atmosferën e krijuar rreth librit të saj. Nëse do kishte bërë mirë të kishte thënë emrat e të dashurave të Ismailit, autorja thotë se “ato nuk kanë qenë të rëndësishme në jetën time. Aq ishte roli i tyre, aq më tepër që ishin para 40 vjetëve”.

Ajo e pranon se për të botuar këtë libër kujtimesh ka marrë më parë aprovimin e të shoqit, i cili madje, i ka hequr edhe 100 faqe, që atij i dukeshin “ujëra” apo “budallallëqe”. Ishin marrëdhëniet e saj me shoqet, me fisin, të cilat i ka hequr nga libri, por nuk i ka fshirë. Sa i përket fjalëve që libri mund të jetë shkruar nga vetë Ismaili, ajo qesh dhe thotë se ky është një fat që e ndjek qysh kur ishte 20 vjeçe. “Unë jam si dita me natën me Ismailin. Ku ta gjeja të shkruaja si ai”. Me gjithë sensin kritik të Ismailit, ajo thotë se atij i ka pëlqyer ky libër. “Ai është shumë i kënaqur. E ka aprovuar plotësisht, ndryshe nuk mund ta bëja. Si do mundesha pa pasur aprovimin e tij? Qysh 15 vjet më parë ai më thoshte që: “Nëse do të jesh e besueshme, shkruaji gjërat siç janë, sepse po bëre marifete, në qoftë se fsheh gjëra, lexuesi e kupton menjëherë”. Ndaj, edhe nuk pendohet pse i ka shkruar ato pjesë dhe nuk e mendon që t’i heqë, nëse do ta rishikonte librin. Ka marrë kaq shumë dashuri nga lexuesit dhe kaq shumë mesazhe të bukura, saqë kjo i duket e kotë. “Por as Ismaili s’do të më linte. Më thotë: Ç’janë këto budallallëqe?!”. Thotë se nuk ka mbajtur sekrete, se i ka thënë të gjitha. “Nuk kam lënë asgjë pa thënë, të mirat e të këqijat. Duket e kam zbrazur gjithë shpirtin tim. Nuk kam fshehur gjëra”, thotë Helena, e cila nuk e ndan buzëqeshjen për asnjë moment.

 

 

107 Komente

''A keni qenë një koleksionist femrash në atë kohë?

koleksionist?!  po pse mo, ç'jane femrat pulla poste.smiley

 

''Gjatë një vere, në vitin 2007, kanë marrë njëri pas tjetrit për të ma propozuar këtë gjë, tre njerëz. Kanë qenë Edi Rama me e-mail, meqenëse nuk kishim muhabet bashkë, e quajti jokomode të më drejtohej direkt në telefon. Ju drejtua Helenës, e kishte më lehtë. Pas gjysmë ore, ose 40 minuta, ka marrë Sali Berisha me të njëjtin propozim. Madje, ende sot unë nuk e di a kishte ndonjë konsulencë të përbashkët apo jo.

 

te kene qene ne nje mendje keta te dy, thua?smiley

me jep nje belgjike te jap dy poloni.

po t'me kthesh hollanden qe te dhashe dje.

hollanden e gric cika cika dhe nuk ta jap!

ktu kalon Javeri (edhe ky si argjir argjiri simbolizo enverin sipas kritikes, dhe kjo duket nga rrokja e funit): e, po beni rindarjen e botes?

gjyq permbarim prone. numri i djeshem i gazetes doli me gabime shtypi ishte se pse isha me dhimbje stomaku. kryerdaktori. nga shtypi i sotem mbi koleksionin e femnave:

me jep mirjam morinen te te jap motrat krasniqi.

motrat krasniqi nuk t'i jap. ose po deshe vetem njeren, merre si ana kondakci.

jo ashtu gjysma nuk i dua une. o te dyja o asnji?

po t'me japesh lida snjeginen nga saratovi, shohim e bejme.

edhe mundet. por vetem po me ktheve hamide hanemin.

hamidene nuk ta kthej sikur te pelcasesh. e bej cope cope dhe nuk ta jap.

Atehere as ti s'ke per ta pare me sy Mira Strugen. qaje qysh tani miren.

qaje per vete po deshe, une kam Lulune zeshkane; brunetke e vogel e bukura lulu, ne bulevard zog i pare te pres, ne rendez vous.

''edhe mundet. por vetem po me ktheve hamide hanemin''.

vecoj hamide hanemin. ka lidhje te ngushte me autorin tone...:  (ne party)  '' hamide hanemi i ka bere floket edhe me te verdha.     -ehh, floket e hamide hanemit..., ja çdo te shpallja une flamur te Shqiperise''.

p.s.   ne kete party merrte pjese  nje ''shkrimtar neutral''.smiley

Nuk e di, po mua me pelqeu kjo interviste per pergjigjet e Kadarese, s'arrita ta shikoja ne tv, por te pakten sqaron shume gjera nga thashethemnaja e ngritur nga shtypi. 

"Këtë “nam” mua ma ka nxjerrë një film francez. Që ju e keni nxjerrë të parët në Shqipëri, televizioni “Klan”. Kisha xhiruar një film që do të prishej, në qoftë se nuk do të kthehej në sistemin e sotëm.
Po në mes të femrave jeni në fakt, të bukura?
Ashtu kanë qëlluar. Është jeta e një të riu, e rëndomtë. Nuk ka asgjë të tepruar. Unë sigurisht do të xhiroja, se vajzat i njihja."

A e di njeri se per çfare filmi behet fjale? Te xhiruar apo te aktruar nga Kadare? Te xhiruar kur?
Falemnderit

Behet fjale per nje xhirim te bere nga Kadareja, asokohe kur ende donte te behej kineast. Duhet te jete xhiruar dhe nga dikush tjeter, sepse ne disa momente shfaqet Kadareja i ri mes nje grupi vajzash ruse. 

Eshte film fiksion a po dokumentar? Kadareja thote film francez: me vajza ruse dhe i xhiruar (me realizuar =regjisor) prej tij? Dini gje per titullin?

Para ca netesh, Top-channel shfaqi nje dokumentar per jeten e Kadarese, bere nga Piro Milkani. Une aty e pashe kete filmim, gjithnje nese behet fjale per te njejten gje.  ishte dicka e shkurter, pune minutash. Te them te drejten, titullin s'e mbaj. 

Ca ke bo mire,mire mo mire ja ashtu,su bone President eee? ja mo ashtu thashetheme une nuk thashe qe qe pederast,keto jane gjera te vockela,aha po Elena si i ka punet? mbahet kam kohe qe se kam pare por une keshtu si liberal,ec mo ajo buzeqesh ne cdo moment.

E ku eshte intervista ketu?

Nuk mendoj se kam ndonjë kërkesë të brendshme si krijues që të shkruaj kujtime.

Me hap ne mendje plot tematika ky gjest i fundit i Znj. Kadare - ta kap nga ana e egos se shkrimtarit, dominances se bashkeshortit, nenshtrimit te bashkeshortes, sekretarizmit si thirrje ne jete, infantilizimit te pandalshem edhe ne kete moshe, naivitetit, iluzioneve qesharake per ngjashmeri me de Beauvoir-in, nga ta kap? Film do ta shikoja, liber s'i besoj penes se zonjes, pavaresisht dhuratave tekstuale dhe redaktimeve te mireberesit.

Ne interviste shoh me shume vlere nderhyrjen e Kadarese per kufizim te vullnetit per percarje fetare.

Qysh 15 vjet më parë ai më thoshte që: “Nëse do të jesh e besueshme, shkruaji gjërat siç janë, sepse po bëre marifete, në qoftë se fsheh gjëra, lexuesi e kupton menjëherë”.   paska pasur nevoje shume per kete intervste e cila qartesoi shume gjera ...

Kur te vije dita (sa me e larget shpresoj) kur ky njeri nuk do te jete me, atehere do te mbesin nje boshllek, qe askush s'ka per ta mbushur.

Respekte, me gjithe arrogancen e fodullekun, qe i lejohet njerezve te medhenj.

Respekte, me gjithe arrogancen e fodullekun, qe i lejohet njerezve te medhenj.

e ku e shikon arrogancen dhe fodullekun, o hunter? po shqiptaret te plasin, c'te bej Kadare. interviste e sinqerte dhe e mencur.

http://www.siliconcloud.com/Portals/55887/images/My%20Business%20Blog%20is%20Boring!%20How%20Can%20I%20Be%20Sure%20It%20Gets%20Read.jpg

Ende tek femrat ju?! Njeriu nga natyra nuk eshte monogam. Kjo shoqeruar pastaj me nje terheqje qe rrezaton nje shkrimtar i afte... . Helena mund te kete qene nje mama e shkelqyer, nje bashkeshorte qe ka plotesuar kriteret e shqiptare mbi vizionet e kohes per femren por me siguri ajo s'ka qene ekuivalenti i Kadarese ne nivel letrar. E me pas, kur te mungon diçka, do e kerkosh ne nje, dy, tre,...20 femra. Kompromisi i Helenes ka qene qe ka pranuar pranine fizike dhe mireqenien materiale, duke mbyllur syte para tradhetise bashkeshortore.
Sdq, nje pasazh i kujtimeve te saj m'u duk i spikatur dhe shpjegoi mire qendrimin e saje, p.94-95:
"Kur vite me pas, gjate nje bisede me ca shoqe te mia, ra fjala per besnikerine e burrave dhe pyetjes se njeres per Is une iu pergjigja se, ndryshe nga c'mund te mendohej, ai ishte teper besnik, ne syte e saj kapa, ose m'u duk se kapa, nje nenqeshje ironike.
E njihja fare mire mendjengushtesine e shume grave, te cilat ishin gati te bashkejetonin me burra qe as i donin e as duheshin prej tyre, mjafton qe ata te mos preknin nje grua tjeter, ndaj nuk e quajta te nevojshme te sqaroja se c'ishte per mua besnikeria dhe c'ishte pabesia.
Ne krahasim me njohjen dhe mundesite qe kishte, mund te thuhej se Is ishte nder ata qe cilesohen burra te qendrueshem dhe besnike."

La rosee, tingellon si njeri shume i shemtuar per se brendshmi. Nuk do doja kurre te te njihja personalisht.

Kishit diçka per te shtuar mbi temen? Postimet egocentrike me "une, doja, s'doja,...gek-mek" jane subjekt analize per grarine e fshatit. smiley

Sipas kesaj qe thote Larosee kush nuk e ka partnerin ose partneren ne te njejtin nivel letrar, akademik, intelektual, sportiv, muzikor etj. etj. duhet te dale dhe te kerkoje partner ose partnere te tjera. Meqe nivelimi ne te gjithe gjerat eshte shume i rralle, atehere njerezit kot qe martohen ose behen bashke. Interesante kjo qe thote trendafilja.

Sa per librin ne fjale, Elena vetem emrin ka vene aty por autori i vertete eshte Is qe flet ne veten e trete per veten e tij. Eshte i njejti stil, gati i njejti fjalor dhe sic e pranon edhe vete perzgjedhesi i atyre qe do thuheshin. Nuk eshte hera e pare ne fakt qe e ben kete. Thashetheme thone qe edhe here te tjera e ka bere.

''Kompromisi i Helenes ka qene qe ka pranuar pranine fizike dhe mireqenien materiale, duke mbyllur syte para tradhetise bashkeshortore.''

 

JO jo nuk eshte fare keshtu. ate Helenen e ka dashur aq shume Ismaili sa ndoshta pa te nuk do i kishte shkruajtur aq mire veprat e tij. po te donte, e ndante, por nuk e zvendesonte dot. cdo njeri ben si e ndjen dhe kompromisi nuk eshte vetem fizik. edhe Hillary Klinton, kur e pyeten, pse se ndan tha :  s'kam gjetur bashkebisedues me te mire se Bill, deri tani. eshte e veshtire te jetosh me nje shkrimtar te madh, por eshte dhe nje kenaqesi teper e madhe ama. ata jane njohur me njeri-tjetrin shume te rinj. e kane dashur njeri tjetrin shume. nuk mund te shkaterrosh nje lidhje te tille per ca instikte te lindura te rraces. 

Edc, ketu behet fjale per nje nivel intelektual me teper se nje nivel letrar specifikisht. Zonja s'ka arritur ne asnje moment te dale nga hija letrare e te shoqit ose te beje nje karriere te mirefillte kudoqofte. Jeta e saj mund te sintetizohet ne shkrimin e 3 librave gati te padegjuar dhe perkthimin e nje vellimi. Nje lidhje e sukseseshme ka nevoje per nje barazi intelektuale, te pakten nese behet fjale per njerez me mendje te shendoshe.
(H-)Elena ka qene shume me poshte standarteve intelektuale te Kadare; çupeline province, e padalur, me nje botekuptim naiv qe limitohej tek ai qe kishte lexuar ne ato pak vepra qe i kishin rene ne dore. Une ne fakt e respektoj Kadarene qe, edhepse ka rene ne kompromis me nje lidhje te hapur, nuk eshte divorcuar nga ajo ndoshta me si arsye femijet.
Mbi autoresine me linden dhe mua dyshime; Helena duket qarte qe s'ka botekuptimin permbledhes per te sintetizuar ne ate forme mendimet dhe te kaluaren, e paafte per te permbledhur mendimet qofte dhe ne nje interviste.

E vertete ajo qe thua per Helenen* por mu duk pak si shume ajo qe the per nivelin e dy partnereve. Ndryshe duhet te ja bejme si ai ne ate filmin socrealist (ne cdo stine) ku thote se u ndava me te dashuren qe diten e pare se ajo nuk njihte Danten, Molierin. Pastaj mua me gjen perkrahes te poligamise smiley

*gabim shtypi

Ah, te lutem, mos na ngaterro tashi, ca gjera jane esenciale. smiley C'dashuri do ishte pa nje cope Dante ose Molière?! smiley

Holle-holle kishte te drejte ai cuni qe luante rolin e nje shkrimtari wannabe smiley

Sa paragjykues qe jeni. Po Kadare me ato x femrat biseda intelektuale ka bere. Kane folur per rimat, ritmet, hyjnoren, vdekjen, ringjalljen smiley

Dija/aftesia eshte afrodiziak me vete. smiley

Keshtu thone. Gjithcka fillon ne mendje. smiley

Ore(meqe tani me ra nder mend), ju qe banoni ne Shqiperi, sa libra te H.Kadarese mund te blini me pagesen ditore qe merrni ne pune? Libri kushton 2 000L.Qesharak çmimi nese e llogarit ne proporcion me rrogen qe marrin.

librin e H. Kadarese e blejne vetem borgjezet.

... dhe ata qe kane shoqeri me borgjezet. 

"Është e vërtetë që ju nuk do të shkruani më letërsi?
Po, është e vërtetë.

Përse?
Letërsi artistike kam thënë, romane. Unë e kam braktisur njëherë poezinë, në ’97, bëra një përjashtim në vitin 2005. Por letërsi mund të shkruaj, letërsi eseistike për shembull.

Jeni i bindur?
Po, jam i bindur.

Kishte ndonjë shkak?
S’kam dëshirë të shkruaj.

Kjo eshte per mua pjesa me sublime e intervistes. "Pse? pyet Fevziu -- S'kam deshire! pergjigjet, i qete dhe sovran Kadare (si Ernesto te filmi i Straub/Huillet, me skenar te M. Duras: "En rachachant").
Ah sikur (disa nga) staret e Panairit, duke nisur nga Blushi, ta degjonin, vertet degjonin, nje "kumt" te tille. Per mua, eshte manifesti etik i shkrimit sot ne Shqiperi. Ne gjeste te tilla, Kadare eshte dhe mbetet, unik. E ndersa Kadare ndal se shkruari publikisht, shume te tjere vijojne te shkruajne, e botojne, e trumbetojne, e reklamojne, e promovojne, e marrin çmime e vleresime, akoma me me ngulm

Shpirti materialist perhere shkelqimin e mat me vlera monetare.

Nuk e di ne ke degjuar per Piramiden e Maslow, Spirro, por ne bazen e saj qendron MBIJETESA. Tani nese paguhesh 2 000L./dite si shqiptar i thjeshte atehere i bie qe te rrish pa ngrene ti me familjen ate dite(nese behet fjale per nje te punesuar te vetem) vetem per te lexuar Helenen. Letersia duhet te jete aksesibel per gjithe popullsine.

Po nuk hane te gjithe letersi. Arti vdes kur behet populist. Problemi eshte qe ata qe jane pak mbi shkallaren e pare , sot e kane kthyer piramiden e Maslow-t me koke poshte.

Arti vdes kur behet populist.

Dhe rron kur behet popullor* !

 

*Se ç'kuptojme me popullor, ky eshte gjithe problemismiley

 Kur flet per Haxhi Qamilin eshte e forte:

Kur u ndesh në fillim, kur bëri vrasje dhe tortura, i bëri kundër myslimanëve shqiptarë, se në ato zona veproi. Nuk ka ndonjë ndeshje të tillë se ai ngriti flamurin dhe po sulmon të krishterët. Haxhi Qamilin e mbytën shqiptarët myslimanë, e zunë rob, e torturuan madje, një Osman Bali, që shquhet si vrasësi dhe torturuesi i tij. Këtu kombi shqiptar tregoi një nivel jashtëzakonisht të lartë të asaj që ne e quajmë harmoni fetare. Ishin myslimanët që u ndeshën me të, e urryen, e kapën dhe e vranë.

Harmonia fetare ishte aq e forte sa robt torturonin e vrisnin njeri tjetrin pa dallim feje..

Haxhi Qamilin e varen serbet.Para se ta varnin thasmileyhe kjo pune vajti me shoqe ,katunare na rrofshi k....e".turqit u larguan nga shqiperia aty nga qershori i vitit 1913 pasi sulltani beri ujdi me fuqite e medha.Autoriteti i qeverise se vlores shtrihej deri ne uren e mifolit e ca fshatra rreth vlores.shqiptaret si zakonisht secili per hesap te vet te percare mes njeri tjerit.ne kete situate kur shqiperia u be mall pa zot vendi ra ne kaos.Serbet filluan ti therrnin ne veri greket ne krah tjeter nga jugu.Vendi u mbush me muhaxhire dibrane e cam.Ne keto kushte vetvetiu lindi mendimi ne nje pjese te shqiptareve se kur ishim nen sulltanin fqinjet nuk guxonin te na preknin.Prandaj dhe thirrja "dum Baben" pavaresisht prej ekstremizmave te elementeve fanatike nuk ishte ne vetvete kunder shqiperise porse ne ato rrethana ata njerez shikonin ne sulltanin mbrojtesin e tyre kunder fqinjeve.

jo haxhiu ashtu e keshtu ,myslymanet vran nje myslyman bile e torturuan kjo tregon harmin fetare

 Ka rrëfime xhelozie të gruas suaj…

Këto janë të padenja për t’u biseduar

 jo blendo keto biseda nuk jan te denja per ne dy,por jan te denja per librin qe shkruan helena me 'autorizimin' e kadares

pordh me rigon keto,,,,,,,,,,,kjo intervist i njgjan me shum nje refugjati politik

More i dashuri Kadare! Sikur ke  nisur  ta ulesh pjacen nga  intervista,ne nje dhoj "letersie" qe i kemi pas thene ... muhabete odashe.Pse valle? Me habite ore burre se  qe per  sa  u  dhafoset, sikur nuk mu duken hadhet  e ketij vendi? Sikur  nuk u  qe dhuan as  tek problematikat  e... letersise se paku? Te problemeve shume te renda jo  e jo! Them nga ato  qe disa andej tutje  na deftojn e se jo  vetem i paskem shume te renda, por per dreq, u  duken  atire  dhe jo vetem te vonuara por do qe dhe si bi♪5im 'te pazgjidhura!Ata  andej dhafosin... shkak qenkane  sherrnajat,xhixhvete  majas, se ketire ne krie.Le pa le po sikur duan te thone, qe i paskemi dhe te  pakulturuar  mo!Bah!Dhe  boftadheqe te  tilla ! Dhe kete nojme paskishim per mangut?E  per  ke gjithe keto vrere evropiane?Per keta qe kerrejen, per  vit e nga nje liber, qe ne kandare vine  sa i gjithi  Kukani  e Fylja okada me te..Por ka hadhe e per mbi  hadhet.Me libra te kerriera  kalohen, hopa te tera ...Kerrier  pa ku kane mend njeri ti shfletoje.Me te paret e ketij vendi, ja u dine çkane permbrenda edhe pa u  hapur as kapakun... 

Mire o mire si vene keto  punera.Fjodhe  mo! Tani ka dhe o kete dhe nga ato thagmate ...Ke marre vesh gjekafshe vesh , se  ne Bulevardin ku ke shetitur gjate, me duar xhepave dhe ke medituar per lirine ed letersine,  ne ate kohen tende me diktature.... dhe krijim sa..., prej situates me liri te bollshme, e mungesen tende,  jane vrare  kater qitetare? 

 Mbase nuk e ke kete shqetesim dhe ashtu  qofte!.. Po  gjekafshe nuk me zune veshet, si biçim hadhe te ardhemerise se kombit shqiptar, ne udhen per andej ?Dhe  hadhe te tjera  xhanem ne  se kemi.Them se duhet  te kemi  gjekafshe hadhe, pa ku di une.

  O kisha qef te  kisha degjuar  si i ka bluar  ato nje mendje si  e shkrimtarit me te madh te kombit ato dhoje hadhesh,se nuk  me duken  hadhe  mua  ato  "punerat" ne se  keni patur apo  jo dashnore, koceri te ndryshme? te ndoqa , te ndoqa gjer mu ku  arrive.U pataksa dhe u shqetesobva mos nuk ishe mire nga shendeti.Por, ... Vallahi more Ismaill  u qetesova qe shendetrisht je mire, kur degjova qe pohove... se "Nuk do te shkruaj me letersi..".Hiç mos e zer me kalemin me dore!

 Mire ke vendosur qe ...ta leshe  me aqe, sa krijove ahere qe ishim shume keq.Tani qe jemi  mire, perse  do te duhet  te  shkruhet? tani vizita e muhabete  . I  do mosha mo! Vizita ne Panaire si ki i sivjetmi.Ke  dhe perse te flasish.te mbjedha te bollshme dhe te korra sa lemi plot.Librat 400  -500 faqshe, qe furrosin stendat e panairit te liberit.Te renda ca se  duhen ngritur me gomere, ndryshe   ku ka sqetull burri  qe ti mbaje, por  bibliotekt i  nasqirisin birinxhi.Libra  politikanesh jo dhafe o   Zoti Kadare!Se si keshtu kjo  prodhimtari nje Adhah e merr vesh! sa a e lehte paska qene te shkruarit  e faqeve pa  fund! Hire ne Panair mo?? Apo nuk sajdiste organizimi! Qe ne te  ryre  ne panair,  birrera soje - soje, verera sa...   e raki prej pikes se pare.shoqeruar me  qofte  salçiçe dhe suxhuke  gjithe  rigon e kripe.Organizim jo dhafe...

 Them se  nuk tregove sqimen palortoase te  miku Blendi, qe te ftovi...I  lavderohet shiltja dhe minet atij qe te fton, sikur ka qene zakoni.Ne mos per ato, sdo beje keq t`ja plotesoje deshiren gjat gjithe muhabetllekut   per erzin,  e namuzin tend ne te ri. T`i kishe thene se paku nja dy fjale per librin 400 faqe... nje  ENVER HOXHA, si opinion i  Blendi  Fevziut. E priti i  shkreti nje  llaf  prej Jush.Kurrnac i madh u  tregove! Mu sikur i the;lena o Blkendi  se kur nuk do shkruaj me  une ku ka vakt njeri te kendoje nga  te tuat...

Keshtu mu  duk mua

hahahaha, nuk e paske harruar gjinokastritçen me te shkruar mor grava.....me kenaqe...sa per librin e Blndit, mos u bej merak fare, se e pyeti vete ai nese e kish lexuar...dhe nga sa kuptova, nuk e kish lexuar hiç.po seç i tha nja dy llafe ashtu neper dhembe.....

Refuzimi nga ana e Kadarese i postit te presidentit eshte nje tregues i ndershmerise personale dhe i koherences se tij. Roli i presidentit eshte ai i garantit te kushtetutes dhe ne Shqiperi eshte shume e veshtire te merresh me politikanet me rroga mizerabile e me vila ne plazhe. Duhet te besh shume sikur ne Tirane, gje qe Kadareja nuku e ka fort qejf dhe zakon. Te besh sikur dmth te jetosh nje jete qe nuk eshte e jotja.

Ajo qe me ka bere nje pershtypje, edhe pse e dija qe kur isha i vogel se im ate ma permendte shume shpesh, eshte fakti qe Ismaili ka filluar te nxjerre buken e gojes qe 12-13 vjeç dhe madje fitonte me shume se e gjitha familja e tij, te ciles i jepte edhe para here mbas here. Qe nga ajo kohe Ismaili ka punuar çdo dite te jetes se tij. Ai qe e ka kaluar jeten me pune e ka te veshtire te pranoje role qe i kerkojne te beje sikur. Perfytyroni Kadarene ne rolin e presidentit dhe ti shkoje ndonje politikan dhe ti çaje veshet per luften kunder korrupsionit ne favor te nderit dhe hyrjes ne Europe...ik more hajdut, do tja plaste Malua. Helena e ben te qarte qe ai kurre nuku ka bere sikur ne jeten e tij dhe ishte shume koherent. 

Shoku Enver, siç tregon ne kujtimet e tij te rinise, i shkruante se motres, emigrante ne BAri te Italise per ti derguar ca para ne Paris me te cilat blinte kostume te reja dhe mbushte barkun e uritur. Ne fakt, nuk kishte kohe te punonte, studimet i merrnin te gjithe kohen. Mbas lufte, si njeri korrekt qe ishte, ia ktheu, si te gjithe atyre qe u kishte ndonje borxh, te gjitha burrit te motres me nje plumb ballit. 

Dy paragrafet per ismailin jane nga gjerat me te bukura qe kam lexuar ndonjehere te shkruara per te, dhe ki parasysh qe per te eshte shkruar jashtezakonisht shume.

Eh Emo, po te me duhet te shkruaj si te gjithe te tjeret une e le lapsin dhe marr e lexoj. 

Persa i perket femrave, Malua ja ka luajtur fene. I turreshin te gjitha. Mbaj mend disa studente qe e enderronin. Ne takimet letrare me Ismailin kam vene shpesh re femra qe ja luanin me shume ngulm. Sipas meje jane histori te verteta. Ismaili, si te gjithe njerezit e shquar, e quante kete punen e femrave si nje privilegj qe i takonte ne menyren me te natyrshme. Cfare te bej une more shok, thoshte Bill Clinton, po ato te gjitha me hidhen mua.  

She..she...sqenkan llafe dhe thashetheme atehere qe Moli paska qene kodosh,normal se te morin per budall pastaj,ai budall nuk ka qene keshtu qe...ypp....xhixhi...

Miopi e madhe te pranosh te ulesh ne karriken e pyetjeve te tipava alla Fevziu. 

Intervista m'u duk mir'filli nje mjerim. Shume te rralla momentet e nje pershkendritje te denje per kalibrin e IK. He may really need to take a long break. It's about time...

Pak a shume.

Ama, te kishte "tabloid magazines" ne kohen e I.K, do ishin kenaq gjindja.  Je te Conadi psh (se po e paralelizoj me revistat ketu ne supermarkete), e je ne radhe me karroce, qepe, lakra, ndonje djath, proshuto, paste dhembesh, ilac rrobash etj, e duke pritur te paguash, hedh nje sy te revistat perballe.  Front page nje foto e I.K dhe anash lart H.K me fytyre te pezmatuar a acaruar, edhe poshte twisty i fundit.  

Te kishte dhe Conad atehere ... smiley.  

Muhabet qeresteje. 

Kadareja e pohoi vete njehere se :fakti qe di te beje nje liber te mire nuk do te thote se di te drejtoje shtetin.mirepo nje pjese shqiptaresh prape ne tyren e shohin kadarene si te ishte mesia .I zoti s'e jep tellali e shet i thone kesaj pune.Tani ai me te gjithe te shoqen si duket t e ngeshem e s'kane me cfare te merren ne paris menduan te vemi nje here andej nga shqiperia te hedhem nje gur ne lume e ti kujtojme mexhlisit se jemi ende gjalle.Keshtu qe helena botoi ate librin me aventurat roze te Is.Kujtoi se libri do te pritej ne menyre mondane e ajo do te trajtohej si nje variant shqiptar i Hillary clinton .Mirepo harroi e gjora se ne shqiperi ka njerez qe e kane barutin thate per intriga e te ngjisin edhe ato qe as qe i ke pas ndermend te thuash jo me kur vete me doren tende u jep material te te marrin ne goje.keshtu K Myftaraj aludoi se R bulku ka qene dashnorja e kadarese .Bullku e ka hedh ne gjyq.Myftaraj kerkon qe helena te sillet deshmitare ne gjyq.Helena refuzon te paraqitet.Futi ne sherr dynjane me nje fjale ne vend qe si ka urdheruar perendia te pije kave me plakat e lagjes te ktheje ndonje filxhan a te hedhe fall .

smiley

 

nje pjese shqiptaresh prape ne tyren e shohin kadarene si te ishte mesia

me pelqeu i gjithe komenti. puna ne fakt eshte te nevoja e llafit te madh intelektual ne shqiperi, nevoje qe eshte imperative per shkak te ndergjegjes civile te zhvilluar qe nje intelektual duhet te kete me perkufizim dhe qe ne shqiperi eshte mall mungese. tani inetelktual prej verteti, dmth si ismaili, ne pak kemi. se une nuk e ze si intelektual, megjithe predispozitat qe mund te kene, psh as muc nanon, as fevzine, as lubonjen. keta jane njerez, kush me shume e kush me pak, te lexuar (jam i sigurte qe nuk lexojne me) edhe aq. derexheja e shqiperise i kerkon intelektualit anen e vet misionare. se brendshmi kjo kerkese, inherente. tani kete ane, qe e ka luajtur dikur mbase edhe pa ndonje vullnet, por mrekullisht, kadareja, nuk po e luan me. dhe per ta luajtur nuk i duhet as te behet president, dhe as te perzihet me llumin politik te tiranes. thjesht i duhet te jete nje tel i tendosur ndaj ngjarjeve politike te kohes. mirepo ne vend te kesaj shohim nje ismail qe nuk e vret shume per punet e brendshme te shqiperise sot, nje ismail qe mrekullohet nga traffic jam qe po shef ne shqiperine qe pak kohe me pare ndalonte makinat private (embutijazh i thote ne ferngjisht), nje ismail qe intrigohet nga debatet pabukse te "albanologeve te rinj" alias "mohsave" - nje fjaleformim qe asnje tirons i lindur ne tirane nuk do e bente. nje ismail qe pavaresisht cdo motivi i shkruan nje leter qe bazuar ne perfundimin e vet rezultoi naive nje persone politike te squllet dhe fajtore si lul basha, nje ismail qe kapet ne rrjeta merimangash te aferave te rinise ne ato 5 faqe liber (s'e kuptova pse duheshin me shume faqe qe te rezultonin me rendesi, askush nuk e detyron dot publikun se cilat faqe jane ato qe e terheqin, cdo faqe libri eshte e barasvlefshme, pra prodhimi me i mbllacitur ishte gili vili - nuk e shef, big deal, ismaili na paska patur loqe, nuk e dinim! kujtonim se ishte si ali pasha per vasiliqine qe vete e ka pershkruar, vetem nje koke, c'ne trupi dmth)... ja kte ismail shofim e perceptojne gjindja sipas ligjeve te veta te pashkruara te vemendjes, nderkaq qe ai ta thote shqip fare pa me lini ne "hall" apo qejf tim, NUK kam bere ndonje pakt me popullin shqiptar, per asgje, une shkruaj, as bej disidence asgje, shkruaj dhe basta, ndac me lexoni, ne mos daci thyeni qafen... e nderkaq shqiperia kerkon llafin e madh te intelktualit, edhe eshte ne poziten e "ne mos kini ismail gjeni, ia rrembeni atij qeni" ... e duam me zor me nje fjale.

Çimo, shume dakort me ty per ato qe ke shkruar mesiper, por me keto pjese

tani kete ane, qe e ka luajtur dikur mbase edhe pa ndonje vullnet, por mrekullisht, kadareja, nuk po e luan me. dhe per ta luajtur nuk i duhet as te behet president, dhe as te perzihet me llumin politik te tiranes. thjesht i duhet te jete nje tel i tendosur ndaj ngjarjeve politike te kohes. mirepo ne vend te kesaj shohim nje ismail qe nuk e vret shume per punet e brendshme te shqiperise sot, nje ismail qe mrekullohet nga traffic jam qe po shef ne shqiperine qe pak kohe me pare ndalonte makinat private

kam disa objeksione.

Per mendimin tim, ajo qe nuk shikojne ose nuk arrijne te dallojne shume njerez, eshte qe Kadareja (nuk ma mban ta quaj tjeter, as Ismail, as Is, as Malua e as Moli, por vecse Kadare), i cili eshte patjeter nje intelektual i angazhuar (jo me ceshtjet e politikes, por me ceshtjet shoqerore dhe kombetare) operon ne nje nivel shume te larte, madje edhe shume me lart se Presidenti i Republikes, post i cili pavaresisht se eshte simbolikisht i Kryetarit te Shtetit, perseri nevojitet te mbulohet cdo pese vjet nga nje person tjeter dhe me pak fat e mirekuptim nga te gjithe edhe dy here nga pese vjet nga nje person.

Dhe Kadareja e di fare mire kete dhe une per veten time e mirekuptoj ne veprimin e tij (po tregohem pak arrogant ketu. E kush jam une ta mirekuptoj Kadarene!?). Ai nuk eshte se eshte egoist ne nje veprim te tille, por i duket, dhe ndoshta eshte edhe e vertete, qe mund te beje me teper ne ate nivelin e tij te larte ku operon, sesa duke qene "thjesht" President i Republikes.

Po ta vulgarizosh pak, mund ta krahasosh te themi psh me CEO e Siemens, te cilit i kerkohet te lere postin e tij dhe te kaloje perkohesisht si Shef i Personelit ne fabriken e Siemens ne Tytlingen apo ku e di une. Ai do te shqyente syte e do thoshte "ore jeni ne terezi apo jo, edhe njemije vjet te kem, prape ate post nuk do ta ze. Edhe mos hajdeni te ma kerkoni perseri!". Madje, mendoj qe, kush nga politikanet e rradheve te para rreket e i ben Kadarese propozime te tilla, do te thote qe atij i mungon pakez ajo nuhatja e nevojshme qe duhet te kete nje politikan i rradheve te para. Dhe kush ja kerkon akoma tani kete gje, nuk eshte me naiv, por debil.

Ajo puna e letres se derguar ndaj Lulzim Bashes, nuk e mendoj se ka qene naivitet i Kadarese (ose me sakt po te mos e gjykosh vetem nga pragmatizmi dhe i te qenurit esell ne politike). Ai ishte rasti per te ftuar Bashen per te bere nje gjest, qe politikes shqiptare do i jepte nje dimension te ri dhe nje fillim te ri te mbare drejt rimekembjes morale, dhe Bashen do e fuste ne rradhen e te pavdekshmeve. Kadareja, ne nivelin e tij te larte ku operon, ka menduar qe terheqja e Bashes ne nje moment te atille do te vleresohej si nje akt kaloresiak, fisnik, dhe politika ne ato momente do te fitonte goxha pike ne syte e popullit, gjakrat do te qetesoheshin aq shume, dhe gjithe Europa do te hidhte syte ndaj shqiptareve dhe do te thonte "Respekt!", dhe kombi nuk do te kishte tjeter, vecse te mire nga keto gjera, shume me te mira se dhjete "Rruge Kombi" dhe njezet tunele me te gjata ne bote dhe dyzet hidrocentrale te reja.

Mirepo Basha (ose nuk e mori parasysh kete opsion, ose e detyruan te vazhdonte ne ate kurs, ngaqe ishte investuar shume per ato 90 vota me teper) nuk e beri ate gje. Dhe kjo per mendimin tim ka per ti kushtuar shume Bashes vete (jo nga ana monetare, gjithmone kjo per ata qe mendojne qe paraja eshte gjithcka). Basha, edhe sikur mrekullite me te medhaja te beje, perseri ylli i tij do te zvenitet vetem nga permendja e 21 Janarit, Basha do te hyje ne histori si Hasan Pordha i koherave te reja. Per te ardhur keq, kur iu dha mundesia te behej i pavdekshem.

Po nejse, kjo e verteton, qe altari i te pavdekshmeve eshte altar, te cilin nuk e arrijne dot ata, qe nuk e meritojne.

10* kOMENTI ME I BUKUR QE KE BERE NDONJEHERE PER KETE SHQIPTAR TE MADH, POR TE DOBET.....TE KENDUAR E TE LEXUAR, POR TE SQULLET E ASPAK LUFTARAK, ASHTU SIç I DO BOTA KETA LLOJ NJEREZISH....

Me fal, cdo te mesoje nga populli nje shkrimtar, nuk ka gje me qesharake. Cfare do te mesosh? Kjo vetvetiu te krijon nje reagim kunder kesaj. Une jam shkrimtar, cfare je ti qe me jep kete keshille. Po jam mendjemadh meqe e quan mendjemadh ti, sepse jam dinjitoz dhe duhet te quhem mendjemadh.

Qesharake te mesoshe nga populli? Po z KADARE nuk eshte pjese e ketij populli? Ah, po ishte pjese e nenes PARTI. qe i thuri poema e lavdi........

Monolog nga "Idioti" i Dostojevskit ishte ky?

O Burreli, na korite o burrë qeke rrot k*** smiley

Me fal, cdo te mesoje nga populli nje shkrimtar, nuk ka gje me qesharake.

Keto fjale jane te KADARES i i ndreuar astropeshku, ndersa ai fjalor vulgar qe perdor ti, tregon se cfar niveli ke.

Mua m'u duk se Kadare ktheu pergjigje shume te qarta e te sakta ndaj pyetjeve qe ju bene, por pyetjet qe ju bene ishin ato qe i kufizuan lartesine ku mund te ngrihej kjo interviste. Kadare insistoi disa here qe shume gjera nuk ja vlen te diskutohen, po nuk e degjoi njeri. Me pelqeu shume toni i tij qytetar, teresisht i zbrazur nga emocionet politike aq te gjithegjendura (dhe fatkeqsisht te gjithekerkuara me insistim) ne persiatjet gazetareske te Tiranes. Kadare duket se e di se kush eshte dhe tregoi (edhe nje here) se nuk stepet nga komentet qe i bejne majtas e djathtas ne varesi se kujt i intereson ose kujt i djeg ajo qe ai thote.

Ajo qe nuk kuptoj eshte se perse behet nje interviste kaq e gjate per kete liber me I. Kadare, nderkohe qe librin e ka shkruar H. Kadare. Nuk di Helena te flase, apo si eshte puna?

sepse Helena eshte e zene duke dhene autografe,s'ka kohe. 

Kris, jam plotesisht dakord me ato qe ke shkruar. Pata pershtypjen se e kishin marre ne pyetje (si ne hetuesi) ne rolin e viktimes, ti i ke bere keto, prandaj fol. Por nje mendje e larte di te ngrihet pertej carkut te ngrehur nga ana e mendjengushtesise provinciale, qe derdhet pas bujes se lajmeve roze.  

 

Mua me acaron gjithmone menyra se si interviston Fevziu si the shumica e gazetareve shqiptare. Vijne te gjithe nga shkolla 'Fole ti, apo me bene veshet mua'. Mungese totale respekti per bashkebiseduesin. I vetmi qe s'para m'a ka vrare veshin aq shume eshte Pandi Laco, te tjeret fillojne e flasin para se te mbaroje fjaline i intervistuari dhe pune e madhe nese nuk ka lidhje diskutimi.

po per librin tim, c'mendim ke? e pyti katunari i vockel.

a msove gjona te reja prej librit tim?

msova plot, i tha ismaili. u habita krejt.

Em, e kam librin e Helenes ne dore, e kam hap ne faqe te ndryshme, dhe s'i kam gjet akoma keto faqet roze aq te perfolura e te pergojuara. 

po te shkruaj nje gje qe me terhoqi:

"Nder shenimet e tij, qe i kam shfrytezuar gjeresisht, bashke me berthamat e veprave, sinopset e te tjera, kam gjetur ne  dy-tre raste ato qe ai i quante "çmërs". Keto ishin perfytyrime te zanafilles se veprave ne trajte te vjeteruar artificialisht prej tij. Ato u ngjanin mbeturinave arkeologjike, por kjo ishte nje arkeologji se prapthi: perfytyrohej se si do te ngjante subjekti i vepres, ose vete vepra e sotme shume vite me pas. (Kete gje e ka bere  me Spiritus, me Pasardhesin e ndoshta me ndonje tjeter)

Ky ishte nje tjeter test i tij i fshehte, me i sofistikuar se i pari, por qe lidhej me te. Kur e kam pyetur se mos i kujtohej te kishte bere nje "truk" te tille me Dimrin e vetmise se madhe, m'u pergjigj se nuk mbante mend. Pastaj aty per aty u kujtua se, ne nje nga versionet e romanit, eshte perfytyruar se si mund te jetonte historia e kesaj grindjeje ne nje balade ballkanese. Kurse ne romanin tjeter, Koncert ne fund te dimrit, qe eshte historia me kinezet, fraza e fundit e romanit, ajo e nje plake, perben nje "çmërs" e nje epilogu te pashoq per nga dendesia: "Kineze? Nuk ka pasur kineze ne kete vend. I keni pare ne enderr".  

shume interesante. tregon shqetesimn e tij te ligjshem nese veprat e tij jane vertet te medha (testi i universalitetit ky). kjo besoj se behet duke e balcamosur vepren, duke ia hequr indet e mishta te aktuales e duke pare c'mumje e pavdekshme mbetet pas. ka nje gje: pervec talentit te tij te jashtezakonshem, ne disa nga veprat me te te mira te tij ate e ndihmon fakti qe ai per te tashmen ka shkruar - edhe i detyruar - me metafora te se shkuares. Pra, procesi i balcamimit ishte pergjysem i kryer, nuk di a me kupton. Nje veper e tille e madhe (pervec nepunesit te padiskutueshem) eshte "pashalleqet e medha". Asgje aktuale nuk ka aty ne zhguallin e pare te perceptimit... vepra eshte gati per tu ruajtur gjate si nje zahire dimri.

PS: sa per gjetjen e faqeve roze, problemi eshte shume me i thjeshte. Duke e hapur librin ne menyre te rastesishme, gjasa qe ti te hasesh faqen roze eshte 5/700, pra me pak se 1 perqind, qe do te thote qe ti duhet te hapesh 100 here librin (gje qe besoj se nuk e ke bere) qe te presesh qe te hasesh faqen roze. Nderkaq, habia e ismailit se si njerezit/shtypi kapen pas tabloidit, eshte e pajustifikuar, pasi shtypi/njerezit qemtojne, pra nuk bejne hapje rastesore te librit. Kadarete me mire se kushdo e dine qe cfare pelqehet dhe eshte e mire ne france, nuk dmth qe eshte po ashtu ne shqiperi,dhe kjo vjen ngaqe ne jemi te dytet pas gjermanise, ndoshta smiley

 

Me intrigon pa mase qasja e nje autori ndaj krijimit te vet, si e fillon, cfare e shtyn, si i kapercen ngecjet, zbrazetite, dhe ky liber paska plot te tille. 

hahaha, e gjeta nje pjese roze dhe qenka e bukur se ne nje nga sherret e tyre per kete balerinen, paska nderhyre Sabri Godo duke i thene te atit te Helenes: "Une e kuptoj zemerimin tuaj, por dua t'ju them: behet sherr me nje kontinent?"

Dhe kam pershtypjen se ajo qe i ka mbajtur bashke shkon pertej nje dashurie te thjeshte, eshte nje lloj nevoje per pranine e tjetrit qe zor se mund te ta zevendesoje dikush tjeter, cfaredo atributesh te kete. Ajo e ka dashur me perkushtim e perulesi, duke e shfaqur ne te gjitha menyrat, ai, heshturazi, si gjithe burrat tek e fundit, por me nje nevoje te jashtezakonshme per pranine e saj. 

Faqet Roze jane truku i marketingut i keshilluar nga Shtepia Botuese per te bere te shitet libri.

 

Po ai babi i nuses ka qene kurvar per vete. Ne moshen e trete shkoi ne gjendjen civile per tu martuar me nje çupke...

Nuk quhet kurvar,por qefli ,i ndershem madje.smiley

Gazetat botuan ca episode qe mua mu duken pak si te fantazuara te them te drejten.Psh ne tiranen e viteteve 60 balerina te vinte e te puthej me burrin e botes ne shtepine e vet ne sy te gruas e vjehrres se tij.

ah, ah Alba, duket qe s'je nga Tirana. une me keto histori jam rritur duke degjuar uf-pufet qe gjate atyre viteve kishte liri te madhe. shumica e lokaleve kishte muzike live, me orkester ku kercehej deri naten vone. dekoltete e femrave tek hotel Dajti ( pasi ishte i hapur per te tere)  dhe tek restorantet e tjere ishin njesoj si ne perendim. kafe Flora ishte vendi ku mblidheshin femrat  moderne te kohes, me minifund, kemba mbi kembe dhe cigaren ne buze.  pastaj ... erdhi erresira dhe c'do gje u venit dhe ndalua. shume njerez u interrnuan, dhe te tjera dhe te tjera. pra e dashur, historia e Kadarese eshte e vertete, pasi sic thote Helena, ajo ishte shoqeruesja e dikujt qe ishte i ftuar.

Lira, kur isha ne Tirane kete vere flitej shume per nje 'rose' te kadarese, nje fare Suzi..,

por helena sikur s'permend gje ne liber. Meqe je nga Tirana , thjesht kuriozitet.. Me duket se helena flet per gjera te vogle ne liber, jo per ato seriozet.

loloto, une s'i di te tera por dhe ato qe kam degjuar nuk mund t'i them me emra. s'kam te drejte morale ta bej kete kur e zonja e punes nuk e beri. kete mund ta them: ata jane dashur shume. per Kadarene, Helena ka qene e pazvendesueshme. kjo eshte e vertete. pa te, ndoshta dhe librat e tij nuk do ishin shkruar aq mire.

Pash' Zotin, moj Lira, se po e lexoj disa here nga ti kete:"ata jane dashur shume", si mund te quhet dashuri degradimi i nervave te pales tjeter? Neperkembja e dinjitetit femeror? Tashi une Kadarese nuk i ve faj pasi kur degjoj Helenen qe flet si grua fshati ne nje interviste, me vjen t'i them:"vallaj, te kuptoj plotesisht qe ia ke vene briret me ke te ka dalur para!".

Pergjithesisht, egoizmi dhe dashuria s'kane pasur kurre te perbashketa.

Ketu ne fshatin tone, femijeve qe ne kopesht iu mesojne:"te behen shoke me kalamajte qe jane te mire ndaj tyre". Pra e gjitha eshte çeshtje reciprociteti. smiley

Miledy, ju flisni per te rriturit e viteve 2050, me ndjeni nuk do te jem atehere, dashuria qe kam njohur eshte e tjeterllojshme dhe po aq reciproke ne ndjenja.

Miledy smiley

Ehh! smiley

Rose, do e kisha mbyllur kete mesele, por ti s'te le. Dashuri si ajo e Kadarese ndodh shume tani, se ne kohen e prinderve tane ishte dashuri dhe besnikeri tamam. tani duket qarte qe i shikojme gjerat ndryshe. nuk them qe s'ke te drejte por ama edhe vetes time i jap te drejte. cdo gje varet nga njeriu. dashurine e madhe midis tyre e kane pare njerez qe kane ngrene e pire me ta. Vrioni, ishte nje nga ata qe thoshte: histori ka patur Kadare, por ate Helenen ama e ka te vecante, s'jeton dot pa te.

ja dhe dicka tjeter; thone qe kur lindi vajzen e dyte, Helena pati pak komplikacione (femija ishte mire) dhe nuk ndenji 2 dite ne maternitet por dicka me shume. Kadare desh lojti nga mendja. gjithe diten thoshte: te vije Ajo ne shtepi, desh u cmend nga mungesa e saj. ka dhe te tjera po s'ja vlen. besoj kaq mjaftojne.

Shyqyr qe erdhe,kishte ngel tenxherja pa kapak.

i gjete leket e tavlles ti?

Mos e vi doren ne zjarr.

kur vjen puna te historite roze, keta bejne si te nderkryer mor vella.. jane gati gati pervers.. duan emra, detaje, si, qysh.. sec ndjejn nje kenaqesi  te brendshme.. me sa duket qysh te vegjel jane ''kalitur'' atje, te ''vrima e çelesit''. po me e keqa eshte se vazhdojne akoma ta shohin ''boten'' nga ''vrima e çelesit''.smiley

aman o Belul, po gjithe bota keshtu eshte. edhe ketej, me historite roze behen miljona.  e cka ketu per t'u habitur? edhe Kadarete luajne pjesen si te habitur, se e dinin qe keshtu do ndodhte. mos j'u beso shume. sigurisht qe po botove nje liber te tille do kete reagime, do kete dhe emra. kjo s'u shpik ne Shqiperi. Do kete, dhe gjoja hedhje neper gjyqe. mos shko pas Albes 2265 qe do t'i nxije shqiptaret edhe aty ku s'ka nxirje por ka vetem kopjim te atyre qe i kane kaluar me pare keto gjera. s'e paskan ditur Kadarete reagimin qe do ndodhte. Come on, give me a break! 

me duket se  e ke keqkuptuar postimin tim ti Lira.., i cili nuk ka te beje me fare me Ismail Kadarene, por me intervistuesin.  ose me sakte me menyren e te intervistuarit.  i ka bere rreth 50 pyetje Kadarese dhe ne 20  prej tyre vertitet, deri ne debilllek, nese Kadareja ka pasur te dashur(a), ne Tirane, ne Moske, incidenti ne shtepi ,  si jane femrat Ruse.smiley, etj etj...   dhe presupozohet qe ky eshte gazetar politik, serioz,  jo i shtypit roz.smiley

une s'e kam pare intervisten, por dhe habi nuk me duken pyetje te tilla. eshte hera e pare ne boten shqiptare kur nje grua shkruan dhe flet per jeten e saj dhe tradhetite e te shoqit. sigurisht qe eshte lajm, dhe sigurisht qe do i behen pyetje te tilla. per mua eshte normale. 

Belulo,si tha ai :Uee pse kjo ishte ,po une e dijsha kete ,po nuk e dija qe e dijsha.smiley

Edhe keta ,kur e lexojne or vella ,o duket ndryshe.smiley

Si fund e si fillim ...kush merret me Opinionin e Blend kok pa leshit , mendoj se i duhet kontrolluar me cdo kusht KI -ja , me orientim drejt problemeve te kultures mesjetare .

Per ate lloj tipi ( BF ) kurdo dhe kurdohere mjafton Intervista me ( te ndierin e te paharruarin ) I.Vrionin kur i kembengulte "ti je i perndjekur " sa e coi deri ne ekstrem e ai i tha me urtesine dhe kulturen e tij.... " po rri ore Blendi, te pernfjekur njihen vetem Izraelitet .Mos i shperdoro termat  ..." qe shqip perkthehet

"ti Blendi Fevziu je nje çarës cilësor SUME  me kulturën qe përfaqëson " dhe se dyti krahas jetes se MIJRA memave HEROINA shqiptare te thjeshta e Cilesore si ATO ...e pa te udhes pas 10 mije dollareve te na lartesonte si figure  "Momen e Princ Lekes or tie ''' 

Nje humbje TOTALE KOHE .Po gjeneralit i ka ardhe fundi dhe si duket e ka anashkaluar "Plakun Mere " te Driteroit . Kujton se nuk eshte me moshe , kur shikon se Saliu ka kohe qe eshte bere Plak Mere , shume here me i ri smiley dhe vazhdon ne keto "gracka " mesjetare thashethemexhijsh mondane 

 Nga Kadare duhet marre nje e vertete e MADHE "kam hequr dore nga Letersia " Patjeter dhe ne shkronja te Arta . Nuk ka me KOHE te MEDHA te nxjerrin shkrimtare kalibri .Ka kohe QENSH qe shkruajne per "Lekura qeni " ne TUFA dhe qe maximalen e tyre e kane kur nga kolibja e koneve e lehjeve "55" del ndonje "lemoshe " lavdie ose paraje .

Ai vete ka lene nje nga xhevairet me Historike per kete Kohe .

Eshte kohe   Anormale ....qe domethene mund te beje Libra ( e per cfare ) kushdo ..biles edhe Fariu smiley

"Por letërsi mund të shkruaj, letërsi eseistike për shembull."

Shpetojeni mer gamorin nga vetvetja.

Ne 90 en shkoj te takoj nje shok qe kisha kohe pa e pare,nejse me mbajten per darke,kete shokun tim e quanin Beni,Pelivani i jati i jep Benit ca leke per te blere veze,kishin mysafire,nejse merr Beni leket dhe me thote hajde te shkojme ti shumefishojme,shkuam me loz tavell,tek sheshi ( rahmet paste) po luanin tavell,Ad Kavajsi i kishte vone ne rresht ulu njoni ngrihu tjetri,i erdhi rradha Benit tre minuta ne kome,humbi,pasi mbaroi dhe ato qe kisha une me vete shkuam ne shpi pa vezet   ,dihet mo ajo ca i punoi Pelivani,nejse qetesi e plote duke ngrene,pelivani:" Na kenaqe me keto veze o Beni " smileysmiley qesh me lot kur e kujtoj smileysmiley

Keshtu o Moli,na kenaqe me kete interviste.

edhe ti mo,na kenaqe me vezet e Benit.smiley

Ti dhe Beni, merre me leng se mishi u mbaru. se e kishin bere tavllen ata qe te shkonit ju te dy dhe te beheshit pasanik. 

Si qe ajo pune e Suzit, dhe nje here?

Ja prite tani te vije Fevziu te te thote: "Cfare dmth puna e Suzit?"

Kac Myftari osht legjendar!

shoku ti mbase e ke me tallje por ate nate tek Cani ai me ka lene me goje hapur me ato qe kishte shkrojtur.

Spo tallem hic; ke Cani se hongri qe se hongri karremin e Canit..

Nuk mora vesh kush ish ajo debilja qe mori ne tel per te mbrojt nderin e co-simpatizantes dhe filloi tu qit emra te tjere..

Kush e merr vesht jane shtu qamet.

Rita Ndoci ishte, sa per te shu kuriozitetin, bile ja tha dhe emrin e asaj dashnores tjeter, qe nuk i kishte dale emri asgjekundi, Ema Ndoja.....kush e njef te na boj i zile....

hajde cope mishi hajde..

i papame osht, sidomos me ato lidhjet okulte qe bo...pupupupu..

Sherlok Holmes.....

I presor n'gjimnaz e kishte si zakon me rrefy n'mejs me koleget,manovrat seksuale qe kishte ba me t'shoqen,(i gru sh e bukur) nje nate ma pare.I shok i veti,qe nifej per qefli i thote;ah ta puthsha q'at k**uc,ku e ke fut ti mrame smiley

smiley

u regjistru kjo! smiley

E kam gjezdis tre ore rresht Panairin.Plasa duke pritur, prej kush e kanga kata te "kooperatives" tone, por gjer kete minute...  aha..!Nuk me kuvalis asnje prej komenteve.Krijoj pershtypjen se shume nuk e kane pafre fare. Mua mu  dhims shume vete  fjala Panair, ne fund te  krejt gjezdisjes. 

E di  qe kemi  shume probleme e halle,  por ky eshte nder me te rendet.Nje  shoqeri jashte faze.Ç`a prodhohet e ç`a lvderohet....!

Nje palopolitike, qe me ne fund pushtoi dhe librin e te gjitheve.

Nuk e di sa balle duhet  termeti....................

 

Si mund të arrinim ndryshe tek një prezervativ blu?

Emri i prezervativit do të jetë  CSD500, ndërsa ndryshe do të quhet prezervativ viagrë dhe historia është si vijon:

Një kompani bioteknologjike nga Britania  mendoi se prezervativët shpeshherë mbeten pa u përdorur, kryesisht për shkak se burrat nuk arrijnë të kryejnë seks ashtu si duhet duke i përdorur.Më thjesht mund të themi se shumë burra ndjejnë rënie të penisit kur përdorin prezervativ.

Kështu që kompania prodhoi një prezervativ që do ta mbajë penisin në "pozicionin" e tij ,me ndihmën e një solucioni.Prezervativi do të qarkullojë  nga  kompania Durex dhe  tashmë  po  pret miratimin e Food and Drug Administration (FDA).

Sipas specialistëve,duket se ky do të jetë ndihmë e madhe për burrat duke iu rritur atyre vetëbesimin,por do të ndihmojë që edhe femrat të arrijnë në orgazmë.Pozitiv gjithashtu është fakti se prezervativi nuk do të jetë i dëmshëm dhe do të reduktojë ndjeshëm përdorimin e pilulës viagrë.

Prezervativi do të dalë më parë  në tregun Evropian  më pas në Amerikë.

Ky lajm ka më vlerë se sa a do bëhet a jo Kadarja president smiley

Kena i garazh tjeter ku parkojme keto lloj lajmesh.. (si nihet robi kur meno se perket smiley )

Shume i limitum qeka ky llastiku, kapuci, kapoti etj.. A ka noi shanc me te rregullu makinen, lavapjatin, me i ly femnave floket etj? 

Kur sje mo per ate pune, kap e lezo librat e Helenes...

 

Interesante! Nder shkrimtaret vetem Kadarene kam pare shume te sigurte ne qendrimin e vet.

Nder blogistet nuk kam pare asnje te pasigurte per mendimin e vet. Edhe pse ne shumicen e rasteve ja fusin si e Ema e Zeqos.

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).