Lëvizja VETËVENDOSJE! i bën thirrje të gjithë qytetarëve që më datën 14 janar, në ora 13:00 të dalin në mbrojtje të Republikës dhe për mbrojtje të prodhimeve të vendit, duke bllokuar Serbinë në pikat kufitare te Dheu i Bardhë dhe Merdarë

Qeveria e Kosovës e ka bërë tashmë të qartë – realisht nuk do ta zbatojë vendimit e Kuvendit për reciprocitet të plotë politik, ekonomik e tregtar me Serbinë, ndërkohë që vazhdon të thotë se tashmë jemi në kushte të plota reciprociteti me të. Pra, vazhdon ta injorojë organin më të lartë vendimmarrës politik në vend, Kuvendin, dhe vazhdon ta gënjejë sovranin, popullin.

Më 18 dhjetor 2011 Këshilli i Përgjithshëm i Lëvizjes VETËVENDOSJE! ka vendosur që t’i jap afat Qeverisë së Kosovës që të fillojë së zbatuari vendimin e Kuvendit në plotni duke filluar nga 1 janari i këtij viti. Ky afat tashmë ka kaluar. Sot jemi më 5 janar, dhe Qeveria e Kosovës vazhdon të zbatojë në terren marrëveshje që e zhbëjnë republikën dhe e nënshtrojnë Kosovën ndaj Serbisë.

Prandaj Lëvizja VETËVENDOSJE! më 14 janar do t’i bllokojë dy pikat kufitare me Serbinë në Merdarë dhe Dhe të Bardhë.

Ky bllokim është në mbrojtje të vendimit të Kuvendit të Republikës së Kosovës. Pra është në mbrojtje të Kuvendit. Moszbatimi i vendimit të Kuvendit nga Qeveria e shkatërron për së brendshmi Republikën, për shkak se e sipërvendos Qeverinë mbi Kuvendin, ekzekutivin mbi legjislativin. E sipërvendos përfaqësimin partiak e interesin partikular të reflektuar në këtë Qeveri mbi vullnetin popullor. E në Republikë, pushteti nuk sundon mbi popullin, por populli sundon e qeveria qeveris dhe ekzekuton. Republika është interesi i përgjithshëm.

Ky bllokim është në mbrojtje të prodhimit të vendit. Ky prodhim sot është i paktë dhe me pak perspektivë për shkak të uzurpimit të tregut nga Serbia. Për ato pak ditë sa vazhdoi zbatimi i reciprocitetit tregtar me Serbinë, prodhuesit e vendit filluan të marrin frymë më lirshëm. Shitjet e tyre u rritën, rrjedhimisht u rrit prodhimi, dhe për pasojë u rrit edhe numri i personave të punësuar. Pa prodhim nuk ka zhvillim as ekonomik e as shoqëror.

Ky bllokim ia ndalon Serbisë ta kalojë kufirin me Kosovën. Aksioni ynë e shndërron kufirin nga një pikë kalimi siç po e trajton Serbia si vijë administrative, në një kufi shtetëror, dhe ia pamundëson Serbisë hyrjen në territorin tonë. Ne duhet ta bllokojmë Serbinë për shkak se ajo po na bllokon dhe po lufton kundër nesh çdo ditë. Nuk mund t’i normalizojmë marrëdhëniet me një shtet që nuk është normal. Serbia nuk është shtet normal karshi nesh.

Lëvizja VETËVENDOSJE!  i bën thirrje të gjithë qytetarëve që më datën 14 janar, në ora 13:00 të dalin në mbrojtje të Republikës dhe për mbrojtje të prodhimeve të vendit, duke bllokuar Serbinë në pikat kufitare te Dheu i Bardhë dhe Merdarë. Në datën 14, SERBIA NUK KALON!

http://www.vetevendosje.org

82 Komente

Bravo, jeni per se mbari!

Nuk po marrim vesh situaten mes Institucioneve ne Kosove.Kuvend-Qeverri-Presidence...? Mbikqyresit...?

Erozioni  serb vahdon....

" .... Ne duhet ta bllokojmë Serbinë për shkak se ajo po na bllokon dhe po lufton kundër nesh çdo ditë. Nuk mund t’i normalizojmë marrëdhëniet me një shtet që nuk është normal. Serbia nuk është shtet normal karshi nesh... " 

keto fjale i duhen adresuar EU/BE , instancave atje, duke argumentuar me fakte dhe durim, ter dispropocionin qe ekziston ne marrdheniet tregtare ndermjet dy vendeve. 

mendoj se VV eshte e vetmja levizje serioze politike ne gjithe hapsiren shqiptare.......  argumentimi i arsyeve te veprimit i jep force levizjes  dhe e le kundershtarin pa argumenta te vertete.  sa mire do ishte te kishim me shqiperi dichka te tille..

Me 14 Janar do ti bllokoje,po me 15 Janar ?

ne 14 Janar, e shtune, ora 13:00, ne Merdare (Gjilan) dhe po ne ate ora pra 13:00 tek Dheu i Bardhe (Besiane).

Do mblidhen te rinjte trendy, cool e kozmopolite te Tiranes, per te penguar mallrat serbe te hyjne ne Kosove ?!

Ku e lame e ku na mbeti, vaj vatani e mjere mileti, i thone ketij muhabeti, nje rini e rritur duke lavderuar Lubonjen, qe shkon te bllokoje mallrat serbe ne Kosove, Zoti duhet ta kete krijuar njeriun per t'u gajasur me te.

 

 

vallahi o kreshnikso une nuk te mor vesh ty. Vete thu mo poshte se gjithanej (ne cdo parti a levizje) ka 'halle', po ca rob qe mund te kene lavderu Lubonjen per qendrime politike pa lidhje me patriotizmin, te bezdisin se shkojne ne protestat e VV.

Pastaj kot me te pyt kush jone keta robt i here se une nuk njof te tille?

nje rini e rritur duke lavderuar Lubonjen

ta nisesh javen me ket imazh esht sikur te pren ket n'peskac.

jo me jo se ate o mo mire me e pas m'dore (te mrojt kuptohena) se sa te ta dorovisin te 5 karo qe ti e hudh pa e pas menien dhe tu pas 2-in n'dore.

Me 15 do te te qisim ty me foton e Berishes qe ta shpetosh Kosoven.

Asgje s'mora vesh. As pse, as si, as qysh. Jo se po kam ndonje interes te madh, por meqe qenka ne balle te tabeles.

@ hunter, mbase te ndihmon ky artikull:

Shekulli: E kujt është Kosova?

Nga Arbër Zaimi

Vizita e Boris Tadiçit në Kosovë për kërshëndellat e Kishës Pravosllave ka risjellë edhe në mendjet e shqiptarëve më të shfokusuar pozitat e Serbisë në raport me Kosovën. Njëmbëdhjetë vjet pas luftës çlirimtare, njëmbëdhjetë vjet pas genocidit shtetëror të ushtrisë serbe ndaj popullsisë shqiptare, qëndrimet e Beogradit vijojnë të rrezatojnë arrogancën e zakonshme, tipike për sunduesit kolonizatorë. “Kosova është tokë serbe” pohoi Tadiçi nga Deçani, pa iu dridhur qerpiku. Natyrisht që nuk i mori parasysh vuajtjet e tmerret që ka shkaktuar në Kosovë, e pikërisht në Deçan paraardhësi i tij, Millosheviçi. Nuk ka se si të marrë parasysh krimet e së shkuarës ky president serb që edhe në të tashmen vijon të projektojë ëndrra shovene, ëndrra pushtuese ndaj një populli i cili i ka dalë zot tokës së vet me armë në dorë, duke sakrifikuar për lirinë bijat e bijtë më të mirë.

Por është me rëndësi të kuptohet se në 6 janar në Kosovë nuk u protestua thjesht dhe vetem pse Tadiçi shkoi në vendin e krimeve të paraardhesve te vet, krim te cilin nuk e ka pranuar (se falje jo e jo)… Aty u protestua në radhë të parë pse Tadiçi – ky politikan që shitet si i moderuar e si “europianist” – viziton vendin e krimit aktual, vendin e krimit ku edhe vetë është pjesëmarrës, viziton një vend e një popull kundër ekzistencës të së cilit ai e qeveria e tij vazhdon të luftojë e të lobojë “në kushte të paqes” (duke mos i lënë shumë vend imagjinatës sa i përket asaj çka do të ishte në gjendje të ndërmerrte në kushte të luftës). Tadiçi pra vizitoi një shtet të cilit ia ka uzurpuar shtatin ekonomik, e për pasojë lirinë, duke u përpjekur t’i imponojë një të ardhme të pandryshuar nga e shkuara!

Tadiçit deklaratën pompoze prej Deçanit ia mundësoi, madje mund të themi që ia sponsorizoi kolegu i tij Thaçi, po ai koleg që pohoi (vetëm pas publikimeve Ëikileaks) se jo vetëm që është takuar me të, po është gati ta takojë gjithnjë, në të mirë të vendit e të stabilitetit. E si mund të takohet në të mirë të Kosovës ky president i Serbisë që vijon të këlthasë për mosnjohje, për mohim të pavarësisë, të shkëputjes, të çlirimit të popullit shqiptar që kurrë s’pa ditë të mbarë nën hijen e fqinjit të vet verior?

Në fillim të dhjetorit Kuvendi i Kosovës vendosi, në të mirë të vendit, të aplikojë reciprocitet të plotë ekonomik e politik me Serbinë. Siç e kemi të qartë të gjithë, reciprocitet nuk do të thotë simetri, as përqeshje. Dmth. reciprocitet nuk do të thotë që Thaçi të shkojë në Beograd e të deklarojë nga xhamia e Kalemegdanit që Serbia është tokë shqiptare. Reciprocitet, në suazat institucionale e politike që vepron parlamenti, do të thotë të mos njohësh (si shtet) atë që nuk të njeh (si shtet). Kjo nënkupton ndalimin e gjithë marrëdhënieve dypalëshe, për sa kohë nuk ndodh njohja reciproke si premisë e si themel e çdo zhvillimi “normal” të mëpastajshëm. Mirëpo qeveria e Kosovës e ka bërë tashmë të qartë – realisht nuk do ta zbatojë vendimit e Kuvendit për reciprocitet të plotë politik, ekonomik e tregtar me Serbinë, edhe pse vazhdon të thotë se tashmë Kosova është në kushte të plota reciprociteti me të. Reciprociteti i Thaçit është ai reciprocitet që i garanton Tadiçit ardhjen në Kosovë për të deklaruar gjëmat e veta, ndërkohë që ia pamundëson shqiptarit vizitën e familjarit të tij në Preshevë e rrethina (të paktën jo me dokumenta të Kosovës). Reciprociteti i Thaçit është ai i cili i garanton Serbisë uzurpimin e tregut të Kosovës me mallra të subvencionuara (qartësisht me synime politike), duke falimentuar prodhimin vendas. Reciprociteti i Thaçit i garanton Serbisë dublimin e institucioneve jo funksionale të shtetit gjysmak të Kosovës me institucione joligjore, kriminale, paralele. Pra, me këmbënguljen te ky lloj reciprociteti që dhunon popullin e tij, Thaçi vazhdon ta injorojë organin më të lartë vendimmarrës politik në vend, Kuvendin, dhe vazhdon ta gënjejë sovranin, popullin.

Më 18 dhjetor 2011 Këshilli i Përgjithshëm i Lëvizjes VETËVENDOSJE! ka vendosur që t’i japë afat Qeverisë së Kosovës që të fillojë së zbatuari vendimin e Kuvendit duke filluar nga 1 janari i këtij viti. Ky afat tashmë ka kaluar dhe Qeveria e Kosovës vazhdon të zbatojë në terren marrëveshje që e zhbëjnë republikën dhe e nënshtrojnë Kosovën ndaj Serbisë.

Prandaj Lëvizja VETËVENDOSJE! më 14 janar do t’i bllokojë dy pikat kufitare me Serbinë në Merdare dhe Dhe të Bardhë.

Ky bllokim është në mbrojtje të vendimit të Kuvendit të Republikës së Kosovës. Pra është në mbrojtje të parlamentarizmit e të Republikës. Moszbatimi i vendimit të Kuvendit nga Qeveria e shkatërron për së brendshmi Republikën, për shkak se e sipërvendos Qeverinë mbi Kuvendin, ekzekutivin mbi legjislativin. E sipërvendos përfaqësimin partiak e interesin partikular të reflektuar në këtë Qeveri mbi vullnetin popullor. E në Republikë, pushteti nuk sundon mbi popullin, por populli sundon e qeveria qeveris dhe ekzekuton. Republika është interesi i përgjithshëm.

Organizuar në gjithë qytetet e fshatrat e Kosovës, e po ashtu organizuar në Shqipëri, në 14 janar, të organizuar, mbështetësit e VETËVENDOSJE! do të nisen drejt pikave kufitare mes Kosovës dhe Serbisë për t’iu dhënë atyre kuptimin e vërtetë që ato kanë, e për të mos i lënë të jenë thjesht pika kalimi. Ky është një hap tepër i rëndësishëm në procesin e shndërrimit të Kosovës në një shtet të vërtetë, dhe në procesin e rikthimit të sovranitetit aty ku ai përket, pra te populli. Kjo është një përgjigjje e mirë për Tadiçët dhe Thaçët, një përgjigje që synon të tregojë se vendi e ka një zot, e ky zot është populli. 

Ok thanks monda, do ta lexoj. Mgjs te them te drejten, shkrim informues nga z. A. Zajmi nuk pres.

Mire.  

Po ashtu, sipas VV, vullnetare nga shteti ame, kane ne dispozicion autobuza para Pallatit te Kultures qe nisen te shtunen ne mengjes (dt 14 janar) e kthehen te dielen pasdite.  Falas.

smiley

PS: Kete njoftimin e VV te vullnetarizmit e vura ne pergjithesi, per te interesuarit, jo per ty dmth smiley.

bah une ne nje autobuz me 30-40 tjere patriote me testosteron ne kulm? ncuk

Mua me ze autobuzi, me ben telef.  Po kshu, per qejf e "pa ndonje interes te madh" ne Rruge te Kombit smiley do dilja nje xhiro me makine, ulur ne vend te pare ama se mbrapa me ze smiley

Jo ti nuk ke pse vjen e ben pis protesten! Rri knej se mos duhesh per t'i fal (se ju as me shit nuk dini) nai gjo tjetr grekut.

lol avash, se edhe nqs mund te kem ndonje simpati reale per Aleancen Kuq e Zi, them se kam preokupime te tjera me te rendesishme, se sa te ruhem nga serbi/greku. Preokupime qe me demtojne me konkretisht, si psh. siguria, pastertia e rruges ku kaloj, prokurori apo gjykatesi qe liron ate drogaxhin qe kam ne lagje (e per kete gjykates, do bente mire qe zoteria, qe keni per drejtues te merrej ne radhe te pare meqe e ka per detyre). Per te tjerat ju uroj shume suksese te sinqerta. E po ashtu sinqerisht po te them, nuk ke mbetur dhe as te ka zgjedhur kush si istitucion per te shperndare çertifikata patriotizmi.

Per ato shqetesime ke partite ne vend, atyre u ke dhene voten, kismet nese ka AK-ja takat te kthehet ne parti, do llafosim edhe per to, po per momentin jane ne dore te sales e te rames, i pari po vdes e nuk zgjidhi gje, te shohim kete te dytin qe eshte me i ri.

Sa per çertifikatat, te patriotizmit nuk i dua, ato te nacionalizmit s'do ishte keq smiley

p.s te kam kthyer pergjigje tek kuqezinjte s'mund te jene vetevendoses

lol ishte pergjigje per zoterine me lart, jo per ty.

p.s te kam kthyer pergjigje tek kuqezinjte s'mund te jene vetevendoses

ok. flm.

 

Tani ti o je i keqinformume o bo sikur je per te perhap 'urdhrat' per thashetheme te Berishes. Car lidhje kam une me AK-ne ma gje dot ti? Nqs une kam mbeshtet peticionin kunder pyetjeve mbi etnine dhe fene ne census, kjo ka qene ne koherence te plote me qendrimet e mia te kahershme. Biles i jam pervesh Stavri Markos e Panajot Barkes kur, ne 2006-n, kercenonin Berishen qe po te mos mbante premtimin e 93-shit per regjistrim etnik e fetar, do i perserisnin 97-n.

Sa per certifikata patriotizmi fol me kete AK-istin se ky paska marre ekskluzivitetin.

Po mire i keqinformum jam. Mendoja se kete udhetimin e organizon AKZ (per disa iniciativa te ciles kam simpati edhe une) dhe qe ti je nje aktivist i saj. Une kisha me interes te dija pse behet kjo proteste. Me info dhe jo me retorika si shkrimet artikujt me Tadic e me Thac. Kaq. Gjithe te mirat. 

E dashur Monda, a ma heq dot kete kuriozitetin, ç'ne je kunder AK-se po njekohesisht je pro Vetevendosjes dhe na sjell shkrime komunistesh gjasmepatriote ?

A e din ti e dashur, se ky veprim i Vetevendosjes nga pikepamja politike eshte pastertisht nacionalist ?

 

Akeista mos na zhgenjeni!''pastertisht nacionalist?''çfar do te thote kjo!?Po ju ne thelb a nuk jeni te tille?Dhe shume mire qe jeni .Mendoj qe Shqiperise i duhet pak nacionalitet.Po qe se nuk jeni te tille,lereni kete pune.

http://a5.sphotos.ak.fbcdn.net/hphotos-ak-ash2/62309_162663797079140_135915159754004_562919_6616581_n.jpg

i kane vene dhe nje llagap te cpifur, "grape brandy"...

emo, e ke gabim, ajo grape brandy e ben edhe me "autentike"

ngacmoj rakine ashtu smiley

Nuk e kuptove pyetjen, se si duket nuk njeh Monden.

E kam me Monden me Mondat ne pergjithesi, qe ketej mbajne si bibel shkrimet e shenjta lubonjane, nga ana tjeter shajne AK-ne per nacionalizem e pastaj entuziazmohen nga nje veprim pastertish nacionalist dhe nga shkrimi i nje komunisti qe befas na del edhe patriot i thekur, sa te perleshet me serbin per pavaresine e Kosoves.

S'kam gje me Vetevendosjen, une ne mendjen time i heq Albinit simpatite komuniste dhe me del udheheqes i shkelqyer.

Nga ana tjeter, mua me vjen çik edhe per te vjelle nga ca tipa te vete AK-se, qe perziejne bashke, te majten, kozmopolitizmin, lubonjen, patriotizmin, nacionalizmin, euroqorrizmin, trendizmin e nxjerrin nje koktej te shpifur.

Po pastaj them, s'ke ç'i ben kur ke Salen qe ben si djathte dhe Ramen qe ben si i majte, eshte semundje e pergjithshme e shoqerise, nga e cila do te vuaje edhe Vetevendosja edhe AK-ja e çdo organizate shqiptare.

s'ke ç'i ben kur ke Salen qe ben si djathte dhe Ramen qe ben si i majte

smiley that's just the iceberg tip. smiley

 

Ai eshte kremi i tortes smiley

E pe Spahiun, tha jam i qendres, edhe ai nga halli, se qendra ka nje te mire, si pika 0 eshte e barazlarguar si nga e majta si nga e djathta, i shan te gjithe e i mbron te gjithe, si ta kesh humorin.

Nje nacionalizem shqiptar qe i ngjan demokristianeve ne Italine e pasluftes, nga natyra ideologjike demokristianet jane te djathte, por per rrethanat duhet te ishin ne qender.

Vetevendosja eshte edhe gallate fare, thote Blej Shqip, parrulle tipike e se djathtave nacionaliste neper bote, mbeshtet prodhuesin ( dmth kapitalistin, borgjezin, mikroborgjezin) dhe pastaj del e thote se po bej politike te majte.

Po ku eshte e majta ne kete mes ?

 

Perfytyro Zaimin qe ça s'ka thene kunder kapitalisteve gjakatare, qe u thithin gjakun masave punetore, ça po ben , po shkon ne Kosove te mbroje kapitalistet shqiptare, te cilet demtohen nga kapitalistet serbe !

Ej ç'vete tha, kushedi ça mbulese doktrinore i ka dhene.

Po edhe ne spektrin e djathte kemi qyfyre, Nurellari kulmi i liberalit, libertarianist fare, qe vendos te behet nacionalist. Po mire mo Adri, nacionalist ne politike do te thote ti jap shtetit nje super-rol ne ekonomi, te vesh taksa progresive, te mbrosh vlera sociale ne dem te atyre individuale, me ke je tani apo rrumpalle si gjithe te tjeret.

Elementet puro rralle here jane te perdorshem ne teknologji, prandaj perdoren aliazhet qe kane veti qe i tejkalojne vetite e perbersve.

Po prandaj qenka rrumpalle gjithandej ne Shqiperi, se jemi te apasionuar pas teknologjise, jemi pa drita po kemi internet me celular, shesim presh me benz 250.

Cik me pak tekno-logjike e çik me shume logjike, jo e ?

Jo cdo lloj perzjerje perben aliazh.

Pash Zotin ku i gje keto perkufizimet per nacionalizmin dhe patriotizmin ti?

Sipas teje po te ngrihesh per te drejtat e punetoreve e humbke te drejten per te protestu per interesat kombetare? Nuk e di se pse mua me duket kryesisht ne koherence me interesat edhe te punetoreve shqiptare ne Kosove.

Sipas teje po te thuash qe punetoret duhet te kene me shume te drejta qeka ekuivalente me lejini pa pune punetoret shqiptare se nuk dume qe t'i shfrytezoni.

O i shkreti une per formimin politik tatin!

Po me qe, sipas teje nje i majt edhe nje liberal i djathte nuk paskan te drejte me u bo patriote (se tani qeka bo me licence ene kjo pune) kush na e paska kete te drejte? (amon mos me detyro me permen emra ene me tregu histori ketu)

Nqs AK ka meriten qe po ngre zerin per probleme te caktuara, kjo nuk ju jep asnje lloj ekskluziviteti dhe akoma me pak te drejten te gjykoni te tjeret qe kontribuojne per ceshtjen kombetare. Mos harroni qe HYPET NE NJE TREN NE ECJE, tentativa per te hedh nga treni ata qe ishin para jush dhe per te monopolizu ceshtjen, eshte thjesht e PAPRANUESHME. Perdorim te ceshtjes kombetare per interesa personale s'ka per tu leju, HARROJENI!

Kur jom zi e karamu me Adrin se thoshte te verteta per ju qe sillnin percarje, nuk kom aspak nermen me leju tipa si ty (qe per mu je totalisht anonim) me bo gam-gam kot.

Ajri eshte i domosdoshem por kjo s'do te thote se me te mund te mbushet vetem nje tullumbace.

Ne radhe te pare s'te njoh kush je, edhe per mua je totalisht anonim dhe s'te lejoj me bo gam-gam kot.

Ne radhe te dyte, jo i shkreti ti per formimim tim politik, po i shkreti une per formimin tend politik ( tek kafeneja e lagjes, se doktrina ne shkolle s'duket te kesh mesuar gje).

Eshte paradoksale per nje komunist te ngrihet ne mbrojtje te prodhuesit, sepse prodhues eshte edhe ai kapitalisti i tmerrshem qe thith gjakun e masave punetore.

Po keshtu, me perkufizim nga Marksi, komunisti eshte internacionalist, qekur tani na dalka Zaimi patriot i thekur, ku e çoi Marksin, ne hale ?

Nje i majte dhe nje liberal mund te mbeshtesin, por jo te vendosin nacionalizmin si kale beteje, se nacionalizmi nuk eshte vetem o sa mire me qene shqiptare oe, por nje doktrine e perpunuar mjaft mire, qe i jep pergjigje gjithe çeshtjeve e problemeve te jashtme e te brendshme, perfaqeson nje ideologji politike te qarte e te prere.

Qe me del tani Zaimi, nga komunist, me ve si kale beteje patriotizmin, apo Nurellari nga libertarianist ne nacionalist politik, ketu ka vetem gallate, asgje me shume. Se te dilje ti si anonim e ta thoje hajde de, por jo Zaimi e Nurellari, atyre s'u lejohet.

Lubonja vertet eshte kungull nga nje ane, por ama kur i tha Nurellarit, po ti nga liberal u bere nacionalist, Nurellari e uli koken dhe nuk i replikoi, se Lubonja kish te drejte.

Cfare nuk arrin ta kuptosh edhe 10 faqe po te bej, eshte se patriotizmi po perdoret pikerisht nga Zaimi e Nurellari, per qellime qe s'i marr vesh.

A se po te dilte Zaimi e te thoshte, kam gabuar, abjuroj doktrinen komuniste, s'do kisha asgje kunder, perkundrazi i pari do e duartrokisja e do i jepja doren, se ne nacionalistet e vertete dime te falim, po jo keshtu, jo keshtu.

C'i kushton Adrit, qe te pranoje evoluimin e mendimit te tij politik nga individualizmi i liberalit, tek ideja sociale e kombit ? Asgje s'i kushton, por ai vazhdon te jete sekretar politik i nje partie nacionaliste (per me teper qe po pervijohet si e djathte) dhe nga ana tjeter mban fort libertarianizmin.

A jo zoteri, ti nuk je analfabet peshku, ke edhe rolin e sekretarit politik, ke doktrinen e partise ne dore, çdo besh tani nje parti te djathte nacionaliste e libertarianiste, si me qene Shqiperia Amerike ? Ka specifika krejt te tjera Shqiperia dhe Europa, sipas vendit behet kuvendi.

AK-ja s'i ka hipur kurrfare treni ne hecje, kane pase qene ca vagona, AK-ja eshte lokomotiva, vagonat ndaç ti bashkangjiten, ndaç te ngrohen ne diell.

 

Edhe nje gje tjeter, kur Zaimi tallte leshte me pellazget dhe recitonte Zhizhekun, kur Nurellari kerkonte ndonje vend ne PD, une kerkoja neper forume njerez me te cilet te ndaja pikepamjet e pse jo me tej ndonje organizim, mirepo leshte gjeta.

Meqe ti na qenke i hipur ne tren pa hyr njehere ketu

http://vargmal.org/dan5894

dhe hajde debatojme ca (jo si i AK-se e i kujt je ti, por si dy individe qe perballin mendimet, se keto jane te miat e jo te AK-se), aty s'gjeta debatues se kishte nje fryme çik nacional-katolike, qe eshte nje deformim tjeter i nacionalizmit te mirefillte, pa he njehere, hidhu njehere. sa per antipaste, ja problematikat per trajtim, per me teper hyr tek faqja:

 

Ne 20 vjetët e fundit, pas rrëzimit të komunizmit në Shqipëri dhe shpërbërjes së Jugosllavisë ka pasur debate të pafundme mbi identitetin shqiptar,nacionalizmin, patriotizmin, Europën, islamin etj por ende tre çështje parimore me rëndësi kanë mbetur pezull. Këto janë trashëguar të paqarta prej Rilindjes dhe pështjellimi vetëm sa është shtuar vitet e fundit.

1- Nacionalizmi dhe patriotizmi, atdhetaria.
2- Përkatësia perëndimore e shqiptarëve, Perëndimi si model.
3- Shqiptaria dhe fetë.

Problematika e parë vjen prej faktit që Rilindasit u përqendruan kryesisht tek modeli statik i Atdheut, mbi të cilin do të ndërtohej shteti i shqiptarëve.
Ndërsa nacionalizmi i mirëfilltë niset nga ideja e Kombit, njeriut shqiptar, atdhetaria niset nga ideja e Atdheut, truallit shqiptar. Kështu patëm e kemi një model statik i cili u zhvillua më tej nga komunizmi duke krijuar në Shqipëri idenë se Atdheu është 28 mijë km2. Ky model statik ka njëfarë përhapje edhe në Kosovë.
Po ashtu kemi një inflacion të patriotizmit, të përfaqësuar nga shprehja: Patriot sot është ai që hap vende pune e punon për mirëqenien e vendit.

Nacionalizmi e patriotizmi më së shumti përputhen , por edhe ndahen, sidomos tek përparësia që nacionalizmi i jep njeriut shqiptar dhe patriotizmi truallit, dheut shqiptar. Trualli shqiptar krijon idenë statike, se përtej këtij territori është toka e shenjtë e dikujt tjetër, pra nuk përputhet me nevojat organike të Kombit.

Pështjellimi është i atillë saqë shqiptari mesatar nuk e ka të qartë se konkretisht cili është Atdheu , deri ku shtrihet (ka 27 harta te ndryshme, sipas midesë ), sa është sipërfaqja, a quhet Atdhe territori ku shqiptarët janë dëbuar apo përbëjnë pakicë të papërfillshme etj. A mund te luftohet per Atdheun, atje ku ska më shqiptarë ? Nëse po deri ku, pse deri aty dhe jo më tej?
Mendoj se kjo çështje e mbetur pezull që prej Rilindjes do na shoqërojë për një kohë të gjatë, prandaj duhet punuar në 'nacionalizimin' e patriotëve, dhënia përparësi nga ana parimore e njeriut shqiptar, materies organike me nevoja organike dhe jo materies inorganike . Kjo e fundit duhet të varet nga nevojat e materies organike dhe jo e kundërta.

Problematika e dytë e mbetur pezull prej Rilindjes, ka të bëje me paqartësinë se ç'rrugë duhet ndjekur për zhvillimin e shqiptarëve. Rilindasit ishin të paqartë (por edhe më vonë), pasi nga një anë shikonin nga Perëndimi si model nga ana tjetër mendonin se kanuni e kultura shqiptare(dhe jo kultura dhe e drejta perëndimore) duhet të ishin rrënjët e organizimit te shtetit shqiptar. Sot po shikohet Perëndimi si model ekonomik, institucional, kulturor e deri edhe moral, por nga ana tjetër kemi që shikojne islamin si dhe shumë të pavendosur.
A ka potencial kultura shqiptare të shërbejë si rrënje, bazë, themel për zhvillimin e modernizimin e vendit apo duhet të huazojmë cdo gjë? Deri me tash po praktikohet huazimi i cdo gjëje (Samuel Huntington e quan këtë dukuri Qemalizëm-nga ataturku).

Problematika e tretë, i përket rrafshit ontologjiko-metafizik, cka e bën trajtimin shumë te vështirë, në mungesë të (lëvrimit) një metafizike shqiptare. Shqiptaria është një vecori abstrakte që pretendon të mposhtë ndikimin moralo-shpirtëror dhe identitar të feve të ndryshme, të përmendurat janë islami e krishtërimi, por njëkohësisht vlen për cdo fe ekzistuese në botë.
Le te themi që 'shqiptaria' mundëson 'të qenit' shqiptar, pra se shqiptaria është thelbi dhe 'shqiptar' paraqitja e thelbit. Kështu 'shqiptaria' do të thotë qenia , ndërsa shqiptar 'të qenit'.
Dallimi(diferenca) ontologjik, mes qenies dhe të qenit, duket se mundësohet nga Shqiptaria si qënia, thelbi dhe Shqiptar si paraqitja e qenies,thelbit.
Lidhja mes nacionalizmit dhe Shqiptarisë/qenies shqiptare, supozon që pa një njohje të shtershme të shqiptarisë/qenies shqiptare nuk mund të arrihet as njohja e potencialit real të nacionalizmit. Po ashtu fetë luftohen me sukses në rrafshin ontologjiko-metafizik, jo në atë të çensurës apo me dhunë fizike .

Mendoj se thirrja që i bëhet trashëgimise, traditës ka kuptim pozitiv nëse ata që thërrasin kanë nevojë jo për stampa, tituj e flamuj, por për përmirësimin e trashëgimisë, perndryshe trashëgimia i shërben vetëm retorikës pushtetmbajtëse apo pushtetmëtuese e asgjëje tjetër. E thënë ndryshe, të flasësh poshtë e përpjetë për trashëgiminë dhe pastaj ta trajtosh atë si objekt muzeumi, do të thotë ta vrasësh atë.

Edhe nje gje tjeter, kur Zaimi tallte leshte me pellazget dhe recitonte Zhizhekun, kur Nurellari kerkonte ndonje vend ne PD, une kerkoja neper forume njerez me te cilet te ndaja pikepamjet e pse jo me tej ndonje organizim, mirepo leshte gjeta

 

Zaimi ka tall pellazgët, sakrilegj, sakrilegj. 

Si ke qënë me shëndet këto kohë, mirë mo, mirë ke qënë?

 

Kot tallesh se eshte vertet sakrilegj, sidomos ti qe je ne Greqi duhet ta kuptoje i pari.

Tek pellazget nuk gjejme vetem nje motiv identifikimi dhe argument autoktonie, por ne radhe te pare teoria pellazge ka rendesi te madhe diplomatike.

Ndersa teorine ilire ua plasim nga balli serbeve e sllaveve ne pergjithesi, per te kundershtuar argumentet e tyre historike, me greket teoria me e mire eshte ajo pellazge.

Nuk ka ndonje rendesi te madhe nese shkenca e historiografise i ka vene pikat mbi i apo jo, se jo per gje po mungojne te dhenat per nje historiografi objektive, ajo qe eshte e rendesishme ne rastin pellazg eshte  teoria e Niçes 'e verteta eshte e verteta e dobishme'.

A perfaqesojne pellazget nje te vertete te dobishme per shqiptaret, per shtetin, diplomacine shqiptare ?

Po dhe kjo eshte shquar qe ne kohen e Rilindjes, kjo eshte nje e vertete shume e dobishme per ne, pastaj pak rendesi ka ne te huajt e besojne apo jo.

Kur ka teza kontroverse, atehere e verteta i nenshtrohet ne menyre absolute dobise qe sjell, eshte nevoje e shoqerise e sidomos nevoje e shtetit.

Pellazget perfaqesojne nje nevoje te shtetit shqiptar ne skenen nderkombetare, prandaj te tallesh leshte si bente Zaimi apo si ben ti, nuk ben gje tjeter, perpos te godasesh vete shtetin tend.

Kjo do te thote qe del kunder interesit shteteror e kombetar.

p.s mire mo mire kam qene, s'bie rrufeja ne hale, po ty si te kam ?

Mendoja se je element i pastert.
E verteta eshte e dobishme, por jo e anasjellta. Teorine e Niçes 'e verteta eshte e verteta e dobishme' mund ta perdore cdo sharlatan per dobi te vet. Si qenka kjo pune per sllavet jemi ilire dhe per greket pellazge? Ne nje situate hipotetike te ardhme nese do te kemi kufi me nje shtet hipotetik arixhi, do te dale e dobishme te mbrojme tezen e prejardhjes shqiptare nga Brraka.

Para se te behem banal fare, ja edhe pergjigja per pyetjen tende, dallimin e patriotizmin nga nacionalizmi:

Atdhetaria që me përkufizim ngre në plan të parë konceptin e Atdheut. Atdheu nga ana e vet, ka kuptim si hapësirë tokesore e shqiptarëve por në domethënien kombëtare. Keshtu para se te kemi patriotin shqiptar duhet të kemi ndërgjegjen kombëtare.
Por ky është kuptimi i posëçem rilindas i Atdheut. Kudo ka pasë patriotizëm edhe në shoqëritë multietnike pasi në thelb patriotizmi është ndjenjë dashurie për tokën ku njeriu lind e rritet, kështu edhe në shoqëritë multietnike është luftuar për atdheun. Amerika përfaqëson një shoqëri multietnike ku ka pasur e ka patriotë me bollëk, ku ushtarë amerikanë me origjinë gjermane kanë vrarë për Atdheun kushërinjtë gjermane që luftonin për Gjermaninë.

Patriotizmi është ndjesi individuale për tokën, ndjesi që drejtohet jashte pa arritur të përbrendësohet, kemi një spiritualitet të papërpunuar, të mbështetur mbi një ndjesi të lidhur kryesisht me materien inorganike. Niveli i abstraksionit ku mbështetet ky spiritualitet është fëminor. Mungesa e përbrendësimit bën të pamundur që patriotizimi i mirëfilltë të lidhet me qenien e paraqitjet e saj në menyre organike, prandaj edhe patriotizimi ska asnjë vlere në lidhjet e brendshme të shoqërisë. Vetëm kur patriotizmi martohet me nacionalizmin, përfiton vlerë të brendshme shoqërore dhe rrjedhimisht edhe vlerë politike.
Gjithë patriotët në politikë, veprojnë si nacionalistë, duke huazuar ide nacionaliste pasi vetëm nacionalizmi ka kuptim socio-politik.

Nderkaq nacionalizmi vjen si pasojë e një pjekjeje spirituale dhe vetëm pasi ka vendosur lidhjet me qenien shqiptare, vetëm pasi ka pranuar shqiptarinë si esencën e vet, mund të drejtohet jashtë.
Femija është patriot, sepse është thjesht territorial, sheh territorin e vet, lufton me femijët e tjerë për territorin e vet, i riu mëson lidhjet me esencën e vet më të thellë dhe mund të kthehet në nacionalist. Por kjo kërkon një proçes përbrendësimi të informatave që merr gjatë rritjes dhe në këtë proçes individi është i vetëm përballë qenies së vet. Nacionalizmi i mirëfilltë/zanafillor ka natyrë te pastër ontologjike, prandaj është në gjendje të ndikojë në jetën shoqërore, të ketë baza për formimin e një tërësie idesh dhe aksiomash me të cilat pastaj vepron në nivel politik. Kozmopolitizmi fetar apo tregtar para se të luftohet në terren luftohet në rrafshin ontologjik, ndërsa nacionalizmat me njeri-tjetrin luftojnë parësisht në rrafshin historik dhe dytësisht ontologjik, te dyja palët kërkojnë nga Historia shenjterinë e territoreve që diskutohen. Serbët në ndryshim nga ne i kane çuar përpjekjet për Kosovën në rrafsh ontologjik dhe nacionalizmi serb ushqehet nga mistika serbo-ortodokse, që është mjaft e përpunuar në aspektin nacionalist.

Shqiptaria e vendosur në vendin e duhur, parësisht si sfidë ndaj identeteve fetare dhe qytetërimeve përkatëse, nuk ka gjetur ndonjëhere mbështjeje të gjerë në rrafshin ontologjik (përveç disa momenteve të Lahutës së Fishtës), prandaj edhe nacionalizmi shqiptar ka qenë përhere i varur nga konceptimi rilindas i Atdhetarisë dhe ka pjellë historianë e politikanë, por asnjëherë as hijen e një doktrinë kombëtare. Po të shikojmë psh programin e Ballit Kombëtar, gjejmë gjëra banale.
Kështu edhe në rrafshin politik nacionalizmi ka qenë përherë i hallakatur, i mbushur me paradokse, i ka shërbyer politikës sa herë ka dashur qoftë krahu i djathtë politik e qoftë ai i majti.
Sot përdoret gjerësisht nga krahu i majtë, Vetëvendosja ka bërë emër duke shfrytëzuar nacionalizmin. Pra nuk kemi një politikë që buron nga nacionalizmi por një nacionalizëm që buron nga politika . Shkaku kryesor që partitë nacionaliste janë të destinuara të deshtojnë, pasi nuk ofrojnë dot një alternative reale. Njerëzit janë të prirur të mbështesin grupimet që kanë idetë e qarta.

Nacionalizmi duhet të përtërihet,të mos ngatërrohet me patriotizmin, të mos burojë nga politika, për nevojat e politikanëve, por nga shqiptaria. Lypset përpunimi i shqiptarisë si esenca e të qenit shqiptar, një fazë tkurrjeje në vetvete që kur të vije koha e daljes jashtë vetvetes për vete,të ofrohet një alternativë e qartë në çdo aspekt të jetës. Patriotizmi në kohë armepushimi duhet veç për bukuri, nacionalizmi përpunon gjerësisht çdo dukuri të jashtme e të brendshme, sepse është në natyrën e tij. Përpunimi fenomenologjik kërkon njerëz, kohë, para, durim.

O qenderbots, fakti qe cunat ishin te zene e nuk kishin nge te merreshin me ty, nuk tregon asgje te mire per ty. Nqs ti ke hallin te nxjerresh frustracionin tat ketu, dije se nuk eshte vendi e aq me pak tema. une nuk kam asnje arsye te merrem me c'ke bere ti ne te kaluaren sepse nuk me intereson ti si person (ne kete sens ta thoja ate qe je anonim). ketu ti na ke ardhe me nje emer perfaqesues te nje grupimi te caktuar, ndaj une do te te gjykoj ne emer te atij grupimi. nese ti do te flasesh ne emer tat dhe te gjykohesh per mendimet dhe atributet e tua personale, flit o me emrin tat, o me nje pseudonim 'artistik'. Po kur vje na flet ketu duke pretendu se di edhe oraret e levizjeve te K.S. edhe burimin e financimeve te AK-se, krijon nje paqartesi te qellimshme. biles ne rastin tend edhe nje dem te madh per AK-ne.

Ore zoteri, te ftova tek vargmal.org per debat, kam nick artistik, si keshtu do te gjesh menyren per t'i dredhuar tani.

Sa per çunat as me intereson fare te degjoj dokrra, si mbulohet m. me sh. prandaj shume mire qe jane te zene, ja se s'doli snox per replike e mu prish gjiza.

Me kurioz jam te di si perfundoi Hamza jashte Vetevendosjes dhe nga u zhduk Shtembari.

 

nga u zhduk Shtembari

aludim per "spastrime"? smiley

M'falni per ket buzqeshjen me lart, por une kam bere ne shkolle historine e grupeve komuniste dhe u intrigova nga ajo ana e mire e te intrigumes.

Mu kujtun arkeomarksistet, psh. smiley

Por Shtembari ka pas sjelle proze cilesore ketu te peshku. Kjo ka rendesi per mu. Une i kam pas prit me shume qejf ditaret e tij dhe do doja ti bente edhe liber. e pershnes autorin po qe se lexon ktu!

Ky nuk eshte veprim nacionalisht i pastert. Mos i ngaterro konceptet dhe lexoji me mire komentet dhe sjelljet e shkrimeve perpara se te dalesh ne konkluzione. Eshte veprim i paster ne respektim te institucioneve te ligjit. Shume mire qe del nje force politike ne mbrojtje te ligjit, dicka qe e shohim rralle. Nuk mund te diskutosh ne rafsh filozofik se cfare eshte qendrimi ne koncepte, kur per fijet e kashtesh nuk shikon dot mullarin qe ke perpara. 

Per shkak te semundjes se pergjithshme te shoqerise, duhet patjeter te perkrahim edhe perpjekjet me te vobekta per dicka me te mire. Fatin e VV dhe AK-se nuk e vendos askush pervec sa do munden te prodhojne dhe drejtojne ata vete. AK eshte dicka e re dhe ne jemi zhgenjyer shpesh, por persa i perket VV, eshte nje levizje qe ka perkulur institucione me te forta, sesa mendime apo bindje personale. 

Po nese eshte ne 'respektim te institucioneve te ligjit' atehere ç'duan turiste nga Shqiperia, qe shkojne te zevendesojne policine e Kosoves ? Nuk puth ky argument, sepse turistet nuk po shkojne ne mbeshtetje te organit te percaktuar per respektimin e ligjit, por po e zevendesojne, pra po shkelin ligjet e Kosoves.

Pastaj pune e tyre, une dakort jam, po te isha ne Shqiperi meqe eshte falas do kisha shkuar,ashtu si ata shfrytezojne patriotizmin per te hedhur uje tek mulliri i 'se majtes'(gjetje e goditur ne vend te fjales komunist), edhe une do shfrytezoja mjetet e tyre financiare per te permbushur patriotizmin tim (edhe pse ky angazhim ka shume pikepyetje, pasi nje gje eshte te sensibilizosh publikun dhe tjeter te zevendesosh policine e shtetit).

Nga ana tjeter kur shoh ethet ne gjykimin e Lizandrit, sa i vemendshem ndaj hyrje-daljeve politike te llogarise, nuk me vjen mire.

Ti gjykon mire kur thua se duhen perkrahur edhe perpjekjet e vobekta, po si e shpjegon qe peshku eshte i vetmi portal shqiptar qe nuk publikon lajme rreth AK-se, u shqyen gazeta e portale duke botuar lajme rreth AK-se, peshku te vetmet qe boton jane ca kritika dylekshe ndaj saj.

 

Monda ka pune te tjera or cun s'ka ngene tende?

Eh mer AKesit
Militantizmi mercenar keto ka......... E di c'mu kujtua nje histori nga Greqia ne vitet 96
Kapen dy shqiptare duke vjedhur. Njeri ishte ortodoks Aleksi tjetri ishte mulsiman Artani
Kur flitej per Artanin thuhej se keta shqiptaret keshtu jane te gjithe hajdute dhe duhen denuar. Kur flitej per Aleksin thuhej Gjynah i shkreti e kishte se ishte i uritur, se skishte buke te hante ...
Hajde gjeje kete ti tani

.

Me vjen shume mire qe VV do te perforcohet nga Tirana.Nuk jam i majte,por i perkrah me gjithe zemer aty ku kane te drejte:kat'naria po na merr ne qafe.
Shpejt e shpejt disa keshilla kulinare ne lidhje me Prishtinen smiley
Sado qe tingullon "tradhetarçe",byrekun dhe qebabat me te mira i bejne goranet/boshnjaket,prandaj byreku nga "Bosna"(jane 3 lokale) dhe qebabat "BanjaLLuçki" nga qebabtorja "Sarajeva"(afer nderteses se RTK-se) jane me te miret.Per ata me shije me te holle gastronomike,'iu preferoj restorantin "Renaissance II" prane Procredit Bankes ,ndersa per nje makiato,sandwich(!) apo birre te Pejes shkoni drejt Santeas apo Strip Depos.Per jete nate, Spray Club(ne Veternik) eshte "place to be",ndersa nese deshironi te takoni eliten e politikes kosovare,atehere drejtohuni tek çajtorja me e aferme smiley
Sidoqofte,qendrim te kendshem ne Prishtine.
P.S.
Pas perfundimit te bllokades,do te ishte mire qe,ashtu s'bashku,te shkoni para nderteses se qeverise dhe ti kendoni nje kenge kryebeduinit dhe megaopinges.Propozoj nje kenge nga Pink Floyd(albumi animals) e cila shkonte keshtu disi:
, You're nearly a laugh,but you're really a cry ...

Eh sikur ti naje aq kollaj copat e mishit ne peshk si ne mishtoret e Kosoves.. Ke mishtore Saranda pshemull, kasapi na tha, malli i ngrim serb kushto ca qindarka me pak po une kurr se fus brenda.. Ky ish mu onash frizer meshkujsh Vlores..

Nga ana tjeter, ke ETC ne Prizren kishe me shumice mall serb, gati cdo gje e perpunuar dhe e amballazhuar ishte serbe, qy nga moltot, te shampot e te ferrero roshet, per me e e bo komentin interesant edhe per cukudhat dashset e peshkut..

Kur thash nja dy here me ze te lart, "hej ketu cdo gjo qe u shitka u prodhoka ne serbi", robt verdalle me dhane ate shikimin tip "cer do bojme me keta te shqypnise ne" Kurse kush me shoqerote me tha, "o i pacipe e morem vesh 20 heret e para"..  

Se cer duhet bo, dhe se kush i pengo ca gjona, i kemi thene e i kemi sterthene, dhe meqenese edhe idrisi na e ka aprovu, as ketu nuk duhet te merremi me idjotet!

 

mirë djemtë i lumtë! kjo mund të jetë fushat e mirë ndërgjesimi nqs vazhdon një javë të paktën.Siç dhe tregon rasti i Bamës ja vlen kjo fushatë. Lafet e tjera jan fukaralluk.

Ueee Lizander, sa me ke frymezu! smiley

Pa asnje ofendim ndaj Akeistit.

Jo ore po me pelqeka, sidomos tani qe ka marre ok edhe nga Europa, duhet regjistruar se fillojne robte e flasin, une isha para ne tren, une isha para ne radhen e qumeshtit, prandaj mba radhen, mos shty.

eh ç'vete tha, shqiptare hesapi, te pakten ata ne vitet 20 u bashkuan ne nje parti, ishin aq burra, po sot kemi gra grindavece qe vene kujen, ti je bishtperdredhur, jo je ti lavire, ajo goca jote mbareshtohet me filanin etj.

Gallatat vetem sa kane filluar se edhe Rama e vuri interesin kombetar ne thelb te projektit politik, Berisha lere mo, kete vit do beje superpatriotin, viti 2012 sa ka filluar, pastaj tallet Monda kur thote AK-ja se 2012 eshte fundi i botes antishqiptare, me gjithe kete arsenal, rrezik edhe Lubonja qe te mos ike nga mendja si Klosi, do kthehet ne patriot te madh.

E dija qe do me kuptoje. smiley

Kot me t'pyt, pse "Akeisti"?! Pse jo nje "anonim" cfaredo (JO Kakavia kuptohet, se kjo eshte e zonme)?!

Po i ben publicitet, pse mos te t'kuptoja smiley Zere se e shau Sala, ka me mire sot se te t'shaje Sala smiley

Po ma kane bllokuar prej kohesh anonimin tim te preferuar, kur une beja patriotin e keta patriotat benin kozmopolitin, nejse se bota me rrota ka thene i pari, sot kozmopolit, neser patriot, pasneser baba i kombit, s'e ka thene kot Noli.

Akeisti qe te sikletoset Lizandri, or po ky ça do, une kam hipur ne tren ky shtyn smiley

te mbrosh prodhimin vendas do te thote, te stimulosh bizneset e vogla prodhuese te vendit. Do te thote qe tu japesh atyre frymarrje dhe proteksionizmi ne ekonomi eshte kryesisht politike e majte, antikolonizatore dhe antiglobaliste. Por pamvarsisht llogjeve pabukse eshte gjeja e duhur per tu bere, dhe nuk ka kurrfare rendesie anesia e cfare trapin thote akeisti. 

akeisto, mos shkruaj me budalleqe! Ruaja dhe ate pak imazh qe i ka mbet si levizje serioze Aleances zi e kuq.

I dashur Akeisti smiley.  

Ne nje teme tjeter ke shkruar per antipatriotizmin tim te deklaruar.  Ketu me permend here pas here.  (Mgjth do te kerkoja nje nder qe pyetjet t'i kesh vetem per Monden e jo per "Mondat".  Pse tha Arbana qe te gjithe jemi "Kreshnike" kjo s'do te thote qe vargu mund te perdoret lirshem.  Monde vetem nje ka smiley. Ose thene ndryshe apo/dhe realisht, une jap vetem mendimin tim dhe mbaj pergjegjesi vetem per mendimin tim e jo per ndonje Aleance Mondash.)  Nuk e di pse te intereson mer burr mendimi/qendrimi im "antipatriotik" kur me kete patriotizem sheshit e me bollek, del e tepron edhe mua.  

Por meqe me pyete me lart, e meqe postimet prej asaj pyetje jane bere gershet, nje pergjigje shkurt.  Sa per Vetevendosjen, deri ne momentin ku sipas perceptimit tim ajo Levizje korruptohet, apo nuk perfaqeson ndershmerisht interesat e popullit shqiptar te Kosoves e me tej, dmth deri ne ate moment dhe asnje dakike me pare, Vetevendosja ka mbeshtetjen time te plote (per aq sa vlen.)  Nuk eshte nevoja te radhis provat qe kane dhene, sakrificat qe kane bere, aksionet qe kane ndermarre Albin Kurti e aktiviste te tjere te Vetevendosjes ketu e 10 vjet e para se te beheshin fakt-or politik ne Parlamentin e Kosoves.  

Ndersa Kreshnik Spahiu qe eshte dhe epiqendra e imazhit te AK, nuk ka bere Nje gje te hajrit ne ate sketerre qe eshte gjyqsori.  NJE te vetme!  Per kete arsye, e per te tjera dytesore, nuk e ka perkrahjen time (per aq sa vlen.)  

Flm paraprakisht per mirekuptimin smiley

E dashur Monda, me vjen mire qe pergenjeshtrove Tafutin.

Kreshniku nuk eshte vetem, po edhe Monda nuk eshte vetem smiley

Une mendoj se eshte e kote qe behen krahasime mes Albinit dhe Kreshnikut, Albini nuk eshte Haradinaj, dmth ai udheheqesi tipik nacionalist, udheheqes ushtarak, karizmatik, qe ka humbur familjare ne lufte dhe qe ka luajtur rol kyç ne krijimin e shtetit te Kosoves (pastaj Haradinaj nuk ka qene shume i kenduar, prandaj ka pesuar ndikimin e ca tipave si Nexhmedin Spahiu, po ky eshte muhabet tjeter).

Nderkaq Kreshniku, pavaresisht se nuk eshte as Haradinaj, as Albin dhe as qe pretendon ndonje lidership te lidhur me dhunen, ka nje stil qe i pershtatet Shqiperise, kushteve te tjera. Gjyqesorin ti e di shume mire qe s'e ka dore Spahiu, gjithçka tek gjyqesori varet nga politika, Sala me mire, a po te ishte Spahiu minister i drejtesise apo prokuror i pergjithshem me nje qeveri te hajrit dhe s'do kish bere gje, jam dakort.

Gjithsesi , une ne parim jam kunder identifikimit te nje levizjeje me udheheqesin e saj, sepse lidhet me kategorite e kultit te individit.

Normalisht nje levizje duhet pare ne teresi, ku udheheqesi mund te jete edhe Aqif Kopertoni ose Preng' Leshcurri apo per hir te kuotes roze, Marika Benkafe.

Pse e them kete ? Jo vetem per te evituar mbreterimin e 1-it brenda Levizjes, kjo lidhet me demokracine e brendshme, por sepse Levizja ka nje fryme, ka nje qellim dhe kjo duhet te evidentohet, nuk duhet qe robi te shkoje se i pelqen Albini apo Kreshniku, por sepse ka diçka qe e terheq tek fryma e Levizjes, ka per te ndare, don te sakrifikoje, te jape etj.

Keshtu mua si udheheqes Albini me terheq, edhe fryma nacionaliste e Levizjes, mirepo ja qe ajo fryme eshte e perzier me doktrinen komuniste, me Marksin, Leninin etj, ketu mua me kap ngerçi.

Ja sheh sa bukur kendon Zaimi tek 'shkolla politike' e Vetevendosjes, mirepo kur i fut si pyka manipulative ato konceptet komuniste, mua me vjen keq per degjuesit, se them aty do kete patriote te vertete, fap futet 'Komisari i Drites' dhe ua ben mendjen pordhe, nje film qe e kemi pare ne te Shqiperise, po s'e kane pare ata te Kosoves.

Ti e dashur Monda, ke mendjen tende dhe ta gezosh, po kam frike se ky model yti identifikimi, me pelqen vetevendosja se eshte Albini, se eshte e majte, edhe pse jam antipatriotike, ne fakt mban gjalle sistemin ne Shqiperi, kulti i individit i perzier me shtrengim fort te mbetjeve ideologjike.

 

Ti e dashur Monda, ke mendjen tende dhe ta gezosh, po kam frike se ky model yti identifikimi, me pelqen vetevendosja se eshte Albini, se eshte e majte, edhe pse jam antipatriotike, ne fakt mban gjalle sistemin ne Shqiperi, kulti i individit i perzier me shtrengim fort te mbetjeve ideologjike.

smiley

Mire. 

PS: @ Taf, ia vlente shkeputja nga puna per keto, ia vlente smiley

 

Eh, tha! Le te hapen njeqind shkollat, le te lulezojne njeqind lulet dhe le te hidhen njeqind veta ne lume per gurin e budallait!!!

Amen!

Pffff... dhe xhaxhua u rehatua

Qesh, qesh, po Sale e Rame nga kjo kategori i marrin votat, kultet perkatese te individit dhe mbetjet ideologjike te komunizmit e antikomunizmit, si puna jote jane votuesit e Rames, bash ato mbetje ideologjike te komunizmit e kulti i individit qe te çojne tek simpatia per vetevendosjen  edhe pse je antipatriote.

Jo vetem kaq, po nje prani me e madhe e Vetevendosjes ne Shqiperi, duke pare numrin e mondave, thjesht sa do shtonte nje element me shume qe zgjat krizen ne vend.

 

Ta hudhim mbi turren me dru shoku.. 

Qe kryeministria eshte e Xanun u mor vesh, por qe dhe patriotizmi te ish i xanun sma kish marre mendja kurre.

E ka thene Aurela Gace se: E kemi fatin shprese dhe marrezi

eh, si qeke kthy qe anejta, grup grup! smiley

welcome back, man!

Po c'ke mer?  Sic je ti i lire te vazhdosh " assumptions* " te tuat, edhe une jam e lire te qesh.  Plus, e qeshura te ben mire per shendetin.  Ta keshilloj.

smiley.

* fjala ne anglisht e perdorur enkas per kete rast.  Ndarja ne rrokjet perkatese sipas deshires. 

Mire, rrofsh.

neser nisem per ne Kosove, rruga eshte e mire, edhe koha do te jete e hapur. Vllaznit atje do na presin si jo me mire. Na kane caktuar edhe familjen se ku do te pushojme ne darke. Cdo gje e mireorganizuar. Shpresoj ta kalojme kendshem dhe sigurisht te ndihmojme sado pak ceshtjen e mosdiskriminimit social dhe ekonomik te shtetit te ri te Kosoves. 

Neser edhe ti plako? Do me e mor i sy gjyme para protestes e smiley 

o berber, arsyen pse po shkon te protestosh e di?

une provova te pyes ne kete teme, po asnje s'tha ndonje gje pervec tadic, thaci, sovraniteti etj. Ti di me shume e me sakte?

Me leje ta them une?

he nje koment persembari. pse behet kjo proteste? si demtohet kosova? si dhe ne cmenyre nuk respektohet reciprociteti? a nuk u pat firmosur nje marreveshje qe perfshinte edhe ceshtjen e vulave doganore? ne cmenyre qeveria po vendoset mbi vullnetin e parlamentit?

N'fakt  moto (motoja? ) duhet te ishte: Serbise nuk i blejme gjo! 

Po ashtu, me pune bindese nuk kthen kry'!  Nuk del n'media!

As ne radje as n'gazete, sic thote kanga! 

Mistreclliqet jane me "xhusi"! smiley

 

Eshte provu dhe ajo moto mrroklle, po nuk ke ca i bo kur malli i huj eshte goxha me i lire. Dhe eshte me i lire jo se kane ndonje avantazh te madh prodhuesit serbe, po se subvencionohen nga shteti serb.

Sa i lire mo paska qene ky malli serb, se mo i lire se ai bashkfshatari qe u pushkatu ke avllija nuk besoj se ka qene!! 

Po nejse, kur nuk e rrujne keta per pune inoti me "shkijet e mallkume" une kot haj!!

Perhere m'kujtohet nafta qe do nrofte shporetat e kosovarve, po qe heperhe nrofte kolibet e Vojna Armijes, dhe kur keto kosovaret e msune te verteten thane: ee, mire e ke ti, po rroke i' cike sharkine t'i fus i konge per Salen una dhe per shqipen si loton... smiley

 

P.S. 

M'ka thone i here nje goce kosovare qe e kam taku me i' party: Nuk rrine dot katunaret tone pa qokollatat e Kragujevcit! smiley 

Pranej simpatia ime (apo eshte empathia ? ) ka ardhe tuj u me' 

Te drejte kish ajo shoqja.. Ferrero Roshet n'Kosove pershkrimin nga pas e kishin ne nje gjuhe aliene.. mbase edhe e njohur per ca.. shtyhet jeta pa njecik Ferrero Roshe?

M'darket do sjell i foto une, i foto te ati murit ku kane vone gjithe emrat e atyre qe dhane jeten ne Gjakove.. ta shofesh si o katandis.. me keq se ata te Shkodres..

Dakord deri diku o mrroklle, po a po thu ti eshte beside the point. Malli i atyne nuk duhet te hyje knej.

Mos i merr inot pse "dun" Salen, se nuk e dun aq fort sa propagando Sula dhe edhe sikur ta dun prap se prap shqiptaret tane jon.

Nuk o' hic beside the point Tironso!

Kur ktyne nuk i hongri palla qe Baca i shiti benxine serbve n'ore mo t'zeze t'shqiptarit qe kur boni Zoti ymer, pse t'i haje tashi qe jane ne paqe -ci qi nonen ca jetimave e ca sakatve qe e psune prej serbve!

Shampo e cokollata t'shkoje e t'vije.

Ma lire, ma mire-ani be' t'tane e kena pas ni dashnore shkine (shkel i cike synin ktu)!

Pranej i dashur, qe t'a myllim me nji tjeter shprehje anglisht ket' diskutim:

I stand corrected: Simpatia jeme ka kohe qe vjen tuj u me'. 

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).