E ardhmja e Shqipërisë së pavarur sipas Albert Bushnell Hart “Mund të civilizohet, por deri atëherë do të duhet të përjetohen zhgënjime, dështime dhe luftëra civile”

Ndërsa jubileu i 100-të i shpalljes së Pavarësisë së Shqipërisë këtë vit ka marrë udhë, duket se ende shumëçka rreth kësaj ngjarjeje madhore në historinë e çdo vendi të qytetëruar mbetet për t´u zbuluar e trajtuar. Shumë kontribute, vlerësime e fakte kanë nevojë t´i nënshtrohen një gjykimi sa më realist.

Nën këtë këndvështrim, duket se një vend duhet të gjejnë edhe individë e studiues të huaj, të cilët, duke i parë gjërat me ftohtësi e larg emocioneve, na mundësojnë sot të shohim më me realizëm seç shihej, jo vetëm pavarësia e Shqipërisë, por edhe e djeshmja dhe e ardhmja e shqiptarëve në sytë e botës së civilizuar. Një ndër ta është edhe profesori amerikan, Albert Bushnell Hart, që jetoi në vitet 1854–1943, e i cili në enciklopeditë amerikane e më gjerë njihet si historian e shkrimtar, lektor në Universitetin e famshëm të Harvardit e botues i disa veprave e studimeve në zë për kohën, duke bërë emër sidomos si njohës shumë i mirë i historisë amerikane.

Pikërisht, në kohën e luftërave ballkanike, që përkojnë me periudhën kur Shqipëria tashmë kishte shpallur pavarësinë e saj – dhe mundohej përmes kaosit e turbullirave që ngrinin krye, të ruante atë pak sovranitet të fituar me gjak – ai angazhohet me analiza e komente rreth situatës në Ballkan, ku edhe shqiptarët do të ishin pjesë e tyre. Më së shumti, mendimet e tij thitheshin nga prestigjiozja amerikane, “New York Times”, e cila duket se përcillte me shumë interes ngjarjet në kontinentin plak, ndërsa rajoni i ngërthyer nga masakrat, trazirat, kaosi e pasiguria, po zinte edhe faqet e para të shumë platformave madhore botërore.

Janë pikërisht vitet 1912-1914, ku ai na shfaqet me analiza e prognoza, mbi atë se çfarë mund të vinte nga trazirat ballkanike dhe cila do të ishte e ardhmja e tij. Kështu, ndërsa qeveria provizore e Ismail Qemalit ishte ende objekt i diskutimeve dhe Shqipëria “de facto” i nënshtrohej observimit të rreptë të koncertit të 6 fuqive europiane, me statusin zyrtar të një vendi neutral, ai shfaq hapur skepticizmin e tij mbi probabilitetet e mbajtjes më këmbë të këtij shteti të ri nga vetë shqiptarët, por nga ana tjetër nuk e vë fare në diskutim se ky shtet, kurrsesi, nuk duhej aneksuar e qeverisur nga ndonjë fqinj i tij. Interesant është fakti se ai nuk e përmend në asnjë rresht emrin e kreut të qeverisë e asnjë nga liderët shqiptarë.

Gjithsesi, ai e justifikon nga ana tjetër vendimin e Fuqive të Mëdha (të cilat ai në artikull i cilëson me termin “Europa e bashkuar” ) , me faktin se kishin ekzaminuar rreziqe, të cilat shtetet ballkanike nuk ishin në gjendje t´i dallonin.

Më shumë duket sikur mbizotëron tek ai ideja se Shqipëria duhej të ishte një protektorat i një fuqie të vetme, ndoshta austro-hungareze, ashtu sikurse Bosnja, çka gjithsesi mbetet vetëm një aludim i shprehur në formë jo eksplicite prej tij, duke vijuar t´a vlerësojë si absurditet atë që ai e cilëson  “autonomia” europiane e Shqipërisë, shprehje të cilën “New York Times” e ka përdorur, në rastin konkret, për të pagëzuar të gjithë artikullin (shih: Europe’s “Autonomous Albania” Absurd, Says prof. Hart; Albert Bushnell Hart; New York Times; 19.10.1913 ) .

Ai u bën gjithsesi një pritë të fortë paragjykimeve ndaj shqiptarëve, duke vlerësuar lart traditat, virtytet dhe historinë e tyre, duke e sjellë atë më pranë lexuesit amerikan. Ai aludon madje edhe për ish-presidentin amerikan, Theodore Roosevelt (në kohën kur shkruhej artikulli i prof.Hart, Roosevelt tashmë i kishte konsumuar dy mandatet e tij presidencialë në periudhën 1901-1909) për të marrë fronin e Shqipërisë, me shumë gjasa, i ndikuar edhe nga lajmet se Europa tashmë po përpiqej të gjente një mbret për shqiptarët. Gjithsesi, Ismail Qemali, siç bënin të ditura edhe vetë mediat amerikane, qysh në maj 1913 e kishte refuzuar një ide të tillë, duke mos e marrë madje, fare seriozisht si propozim.

Por ajo çka vlen më shumë për ne, është fakti se ai na shfaqet njëkohësisht edhe si njëri ndër parashikuesit më të saktë të fatit të Shqipërisë e të shqiptarëve, duke na bërë të mendojmë sot, rreth 100 vjet më pas, se prognozat e tij paskëshin qenë vërtet realiste. Ai e mbyll artikullin e tij me fjalët: askush nga fqinjët ballkanikë të Shqipërisë nuk e ka forcën fizike apo potencialin njerëzor për ta çuar Shqipërinë drejt civilizimit…. Dy milionë banorët e saj nuk mund të lihen në fatin e tyre dhe as të fqinjëve të tyre. Ata mund të civilizohen dhe një ditë madje të shndërrohen potencialisht në një fuqi ballkanike; por deri atëherë do të duhet të përjetohen zhgënjime, dështime dhe luftëra civile, para se Shqipëria të mund të bëhet njëra nga anëtaret e familjes botërore të kombeve të lira.

Në krye të artikullit të sipërcituar, ai tenton që në hyrje të thyejë një përcaktim negativ e paragjykues mbi shqiptarët, sugjeruar atij nga një serb, i cili i cilësonte shqiptarët në mënyrë sarkastike e gjithëpërfshirëse, thjesht si plaçkitës e vrasës ordinerë.
“Ky karakterizim jashtë kornizave normale –pohonte asokohe profesori amerikan – përputhet me paragjykimet e çdo njeriu që ka pasur rastin të hyjë në kontakt të ngushtë me popujt e Ballkanit. Grekët erdhën në atë tokë ku jetojnë rreth 25 shekuj më parë; romakët 20 shekuj më parë; bullgarët rreth 11 shekuj; por shqiptarët gjendeshin aty ku janë sot, para se grekët e parë të shfaqeshin në tokë. Ky popull (d.m.th. shqiptarët) flet ende një gjuhë aq të vjetër sa edhe ajo e etruskëve. Ky popull nuk është asimiluar dot kurrë nga pushtimet e po kështu civilizimi s´ka mundur dot të depërtojë”.

Më poshtë ai shkruan se: ky popull është malësori skocez i Ballkanit, indiani amerikan që ka akses në vendkalimet tregtare…. Ju mund ta urreni një shqiptar apo ta doni atë, ta vrisni apo të shënjestroheni prej tij për t´u vrarë, por ai megjithatë mbetet  unik, dhe, edhe pse pjesërisht barbar, kërcënon të bllokojë të gjitha planet për të zgjidhur çështjen ballkanike.

Pyetjes se ku ndodhet Shqipëria, ai i përgjigjet se shumë nga fqinjët e saj kanë përfytyrime të ndryshme rreth çështjes së kufijve të saj dhe pohon se: Zyrtarisht pritet që një komision i veçantë ndërkombëtar të merret me përcaktimin përfundimtar të tyre, por se Shqipëria në përgjithësi përshkruhet si vendi që ndodhet i shtrirë në bregun Adriatik, nga Mali i Zi deri në brigjet përballë Korfuzit, e duke u shtrirë më pas në brendësi të kontinentit, nga Prishtina drejt Shkupit e Manastirit. 

Më poshtë ai përmend se në këto troje (në atë kohë) shqiptarët numërojnë më shumë se 2 milionë banorë, duke parashikuar se, nëse i nënshtrohen një rregulli e qeverisjeje siç duhet, ata kanë prirjen ta shtojnë këtë numër në të ardhmen.

Pasi përshkruan më pas historinë e hershme te tyre, si një vendkalim strategjik në kohën e Perandorisë romake, këta të fundit renditen si të vetmit që arritën t´i fusin përkohësisht shqiptarët në rrugën e rregullit e civilizimit.

Ndërsa konstaton se nga shumë burime Shqipëria përshkruhet në raportet e huaja, e ndarë kryesisht në tri rajone, ai thekson se në fakt kjo ndarje nuk duhet marrë si e mirëqenë, pasi shqiptarët kanë një shkallë të lartë tribalizmi e, në këtë kontekst, mund të numëroheshin 20 ndarje apo nënndarje.

Po kështu, ndërsa flet për tri religjione prezente në atë kohë në Shqipëri, ai vë në dukje se si Vatikani, ashtu dhe Greqia e sulltani, i mbajnë duart ende të shtrira drejt Shqipërisë, duke tentuar të ndikojnë në fatin e këtij shteti të sapopavarësuar.

Prej tij na vjen edhe një interpretim interesant, i cili përputhet plotësisht me atmosferën kaotike në të cilën ndodhej Shqipëria e asaj kohe, ku spekulantët e aventurierët, ardhur nga vende të huaja, kishin gjetur terren për të vënë në jetë planet e tyre. Kështu, diku ai pohon se katër vjet më parë, një djalosh aventurier francez, me emrin Gabriel Louis Jaray, kaloi katër apo pesë ditë duke përshkuar Shqipërinë Veriore – duke e cilësuar veten modestisht si i pari europian që kishte ndërmarrë këtë udhëtim. Ai më pas i renditi ato çka pa në një libër me shënime, i cili në fakt nuk e meriton emrin që mbart: “L`Albanie inconnue”.

Ky francez njihet publikisht për botimin e një libri (botuar në Paris nga shtëpia botuese “Hachette”, në vitin 1913, me 238 faqe) me mbresat e tij gjatë udhëtimit që ndërmori në trojet shqiptare të Kosovës dhe Shqipërisë së Veriut, në vitin e largët 1909. Kësaj vepre, sapo doli në qarkullim, edhe vetë mediat amerikane i kushtuan vëmendje, duke marrë për bazë shumë nga përshkrimet e vlerësimet e Jaray-it mbi shqiptarët. Të botuara pikërisht në kohën kur edhe prof. Hart analizonte gjendjen në Ballkan e shkruante edhe për Shqipërinë, duket ato kishin ngjallur edhe një farë xhelozie nga prof. Hart, pasi ky i fundit, jo vetëm që s´ishte dakord me disa përcaktime të autorit, por fizikisht, me ç´konstatojmë, nuk kishte qenë ndonjëherë në vendin e shqiptarëve, gjë e cila e bënte atë të ndihej disi inferior.

Kështu, si kundërvënie ndaj autorit, profesori amerikan thekson me doza ironie se: një rajon, i cili është shënjuar në mënyrë të detajuar në hartat e inxhinierëve austriakë dhe ku janë shtruar sipërfaqe të tëra me hekurudhë, zor se mund të cilësohet “i panjohur”.

Por nga ana tjetër, ai rrëfen me vlerësim e pozitivitet për eksperiencën e një mikut të tij nga Chikago, me emrin Charles R. Crane, i cili gjatë qëndrimit në Stamboll, ndërsa ishte takuar me disa bajraktarë shqiptarë dhe kishte marrë ftesën e tyre për të kaluar një herë edhe nga Shqipëria, ishte befasuar kur autoritetet turke e kishin paralajmëruar të mos shkonte në atë vend, pasi kushdo që shkon atje, sipas tyre, do të gjente vdekjen. Madje, edhe nën protestën e zotit Crane, ata kishin këmbëngulur për ta pajisur këtë të fundit me një eskortë shoqëruese.
Ndërsa kishte hyrë në zonën e fshatrave shqiptare pranë qytetit të Manastirit, një grup vendësish i kishin dalë përpara dhe të habitur nga prezenca e taborit shoqërues turk, e pyesin të irrituar se nga kishte ardhur dhe cilat ishin qëllimet e tij. Ndërsa i jep shpjegim se eskorta i ishte dhënë me pahir nga autoritet turke, fshatarët shqiptarë e kërcënojnë, duke i thënë se nëse eskorta shoqëruese nuk do të largohej brenda gjysmë ore, ata do t´i vrisnin të gjithë.

Mirëpo, pas këtij kërcënimi vijon konstatimi se “pas largimit pa rezistencë e të menjëhershëm të eskortës turke, udhëtimi dhe misioni i amerikanit nga Chikago, vijoi më së miri, duke u gjendur nën shoqërinë bujare të shqiptarëve, të cilët e përcillnin atë të sigurt nga fisi në fis”.

“Në fakt – thekson autori -  arsyeja e vërtetë se pse zyrtarët turq, e kishin penguar vizitorin amerikan të mos shkelte në ato zona, ishte fakti se ata kishin frikë se ai mund të bëhej dëshmitar i asaj çka kishte mbetur nga ndërhyrja e trupave turke, pas shtypjes së një kryengritjeje”.

Ndërsa flet më poshtë edhe për përpjekjet e dhunshme të turqve për t´i mbajtur shqiptarët nën kontroll, ai konstaton tashmë nën një realitet të ri, se misionarët amerikanë po bëjnë një punë të lavdërueshme në qytetin e Korçës. Ai flet për çiftin e bashkatdhetarëve të tij, Kennedy, i cili kishte formuar ndërkohë një opinion shumë të mirë për shqiptarët.

“Kur në Korçë ishte instaluar administrata pushtuese greke, këta të fundit shumë shpejt kishin çuar ndër mend se prezenca dhe misioni i çiftit amerikan kishte synime spiunazhi dhe i kishin dhënë urdhër të largoheshin nga Korça. Në fakt – thekson autori – për çiftin Kennedy s´kishte aspak dyshim se shqiptarët do të ndiheshin shumë më mirë nën një administratë shqiptare sesa nën atë greke”.

Ndërsa flet për burra dinjitozë e aftësi luftarake të shqiptarëve, të cilët edhe në Perandorinë turke kishin mbajtur ofiqe të larta dhe madje kishin iniciuar e drejtuar revoltat e marshimet e xhonturqve në Stamboll, pasi konstaton se shqiptarët kanë një ndjenjë të fortë për vendlindjen, edhe pse shumë prej tyre kanë preferuar të bredhin e punojnë sa andej-këtej, madje deri në Amerikë, edhe pse ndër fqinjët sllave mbizotëron mendimi se ata s´janë veçse një popull barbar e grabitësish, megjithëse shfaqin një nivel të ulët kulturor, profesori amerikan, Albert Hart, pohon se “gjithsesi shqiptarët janë bërë tashmë një faktor kyç” në situatën që paraqiste Ballkani në atë kohë.

Diku ai përmend se : “në këtë popull të ndarë e të copëzuar, ku asnjë klan e fis nuk pranon të vihet nën kontroll as nga vetë shqiptarët, përpos liderëve të klaneve e fiseve të tyre, Lufta e madhe Ballkanike e 1912-s erdhi si një rrufe e papritur. Disa nga shqiptarët iu bashkëngjitën turqve, disa të tjerë trupave pushtuese ballkanike, por shumë shpejt u bë e qartë se serbët, malazezët, grekët dhe bullgarët, të gjithë kishin hartuar plane konkrete për Shqipërinë, të cilën e shihnin si territor që duhet t´a ndanin mes tyre, pas largimit të Turqisë. Kur Turqia ra, shqiptarët menduan të shpallnin pavarësinë e tyre: kolonë grekë mbërritën nga Jugu, malazezët morën Shkodrën, kryeqytetin nominal të Shqipërisë së Veriut, serbët ndërkohë avancuan drejt perëndimit, duke dalë në brigjet e detit Adriatik”.

Profesori amerikan pohon se “s´ka pasur kurrë një komb shqiptar të njohur deri atëherë ndërkombëtarisht, porse në mënyrë të koordinuar e të papritur, Europa e zbuloi një të tillë”. Përfundimi i tij në këtë rast duket disi tendencioz e jo fort i bazuar, por gjithsesi ai vijon më tej, duke sjellë në vëmendje se njëra nga arsyet e mundshme se pse, sipas tij, Shqipëria “autonome” e Europës kishte diçka jonormale brenda, ishte fakti se “shqiptarët tashmë po shfaqen të dështuar në traditën e tyre të vjetër për t´u bërë ballë depërtimit të pushtuesve të huaj”. Duket se vlerësimi i fundit motivohej pikërisht nga situata konkrete e performanca e qeverisë shqiptare në atë kohë, kur mbi territorin e saj, po vërshonin shumë ushtri e trupa të huaj, duke i cenuar seriozisht sovranitetin e sjellë ngado ndjenjën e kaosit e të papërgjegjshmërisë.

Por, duke iu rikthyer sërish terrenit shumëngjyrësh religjioz të Shqipërisë dhe kombinacioneve të racave, minoriteteve e gjuhëve të ndryshme që haseshin në territorin e saj (duke e trajtuar edhe si një fenomen ballkanik), duke konstatuar edhe mungesën e një gjuhe e një alfabeti të unifikuar, ai thekson se “do të jetë tejet e vështirë të mbahet më këmbë një shtet i tillë”. 

Skepticizmin e tij në lidhje me “Shqipërinë autonome” ai e lidh, përtej arsyeve të lartpërmendura, edhe me faktin se ky vend pra, vështirë se do të mund të ofrojë dot unitet dhe se  “i mungon disponimi i duhur për t´iu nënshtruar rregullave qeverisëse, se nuk ka ndonjë eksperiencë parlamentare e kushtetuese, s´ka traditë monarkike e trashëgimi princërore”. 

Por më tej prof. Hart aludon fare hapur se “kjo është vetëm një sajesë e Komunitetit Europian, pjesërisht për të penguar tri shtetet sllave për të arritur në Adriatik. Është një shtet me kryeqytet Shkodrën, i shtrirë gjeografikisht në skaj të vendit, praktikisht thuajse i paarritshëm nga banorët në rajonet e tjera të vendit, për të qenë sa më pranë influencës austriake e italiane”. 

Ndërsa vijon të rendisë edhe disa arsye të tjera që lidhen me “dëshirën e shqiptarëve për të mbajtur gjithmonë armë, mungesën e gatishmërinë e tyre për të paguar taksa, për t´u rreshtuar nën armë nën një shërbim të rregullt ushtarak, ndërtuar rrugë, shkolla e thithur investime etj.,”   ai megjithatë pohon se   “sidoqoftë, shqiptarët nuk janë ajo racë barbare që pretendojnë fqinjët e tyre, megjithëse ky vend – sipas tij – nuk është ende gati të marrë përsipër përgjegjësinë të ndërtojë një shtet modern”. 

Sot, si dëshmitarë të asaj çka kanë mundur të ndërtojnë e të realizojnë shqiptarët, 100 vjet pas konstatimeve e prognozave me bazë skepticiste të profesorit amerikan, mund të themi se fatmirësisht disa prej tyre nuk janë vërtetuar. Duke mos dashur të gjykojmë nga baza thellësisht nacionaliste, kurrsesi nuk mund të besonim e të vlerësonim se skpeticizmi i studiuesit amerikan kundrejt aftësive shtetformuese të shqiptarëve, lidhet me ndonjë ndikim keqdashës nga fqinjët e qarqet më antishqiptare të kohës,  por mbetet i bazuar e motivuar tërësisht e thjeshtësisht nga zhvillimet e situata e pashpresë, në të cilën gjendej Shqipëria e asaj kohe.

Parë nga perspektiva e sotme, kur tendenca e gjykimi nuk është e nuk mund të jetë më bardhezi, kontributi i tij sidoqoftë, nuk i duhet lënë harresës. Në një kohë shumë të nevojshme për shqiptarët, ai, në një mënyrë indirekte, diti të përcillte në mënyrë realiste, jo vetëm problematikën, por edhe karakterin e këtij populli, për një publik e komb me tradita demokratike e për më tepër, me shumë ndikim në fatet e mëtejshme të shqiptarëve, siç ishte ai amerikan. Në një aspekt më të ngushtë profesional, nëse do të shihnim thelbin e mendimeve të tij, e vlerësonim sidomos prognozën mbi sfidat që e prisnin Shqipërinë për t´u renditur me dinjitet në familjen e madhe të kombeve të lira, së ardhme, do të shihnim se atij në shumëçka duhej t´i japim të drejtë.

 

Foto:

1. Albert Bushnell Hart

2. Tepelena e fotografuar gjate luftes se pare boterore nga fotoreporteret franceze

43 Komente

. Ata mund të civilizohen dhe një ditë madje të shndërrohen potencialisht në një fuqi ballkanike; por deri atëherë do të duhet të përjetohen zhgënjime, dështime dhe luftëra civile, para se Shqipëria të mund të bëhet njëra nga anëtaret e familjes botërore të kombeve të lira.

Enver Hoxha me pak fjale, beri ate qe thuhet ne pjesen e pare te citatit dhe parandaloi ate qe thuhet ne lidhje me "sakrificat"

E kam gabim?

Enver Hoxha, jo vetem qe nuk i civilizoi por edhe i cnjerezoi me keq njerezit. I ktheu ne kafshe te bindura nga dajaku dhe tmerri. I hoqi cdo ndienje humaniste dhe ata pak njerez qe ishin te civilizuar e te shkolluar i zhduku...

Pastaj shqiperia ishte ne gjendje lufte civile nga 43-90. Lufta e klasave ishte nje lufte civile, pasojat e saj vazhdojne ti vuajne edhe sot...

Duket kjarte se ke probleme n'kuptimim e koncepteve baze, si: civilizim, fuqi ballkanike, zhgenjime, deshtime dhe luftra civile, anetare e familjes boterore te kombeve te lira, dhe jo me ma pak randsi asht koncepti jot per "Enver Hoxhen."

e hoxha e shkaterroi ne menyr me barbare shoqerin shqiptare,i shenderroi te gjith ne  skellever, perpara regjimit tij shqiptaret kishin monedh ari,levizneni te lir ne boten si  gjith popujt europian, 

thot mir komentusi nga canda 'pasojat e tij vihen re dukeshem akoma edhe sot '

Perpara tij Shqiperia ishte haleja e cilitdo vend qe donte ta perdorte si te tille. Perpara tij shqiptaret nuk kishin kufinj, nuk kishin qeveri, kishin Esat Toptaner e Zoger kurvash qe e braktisnin vendin me ate arin qe permend ti. Perpara tij fshatari ngelej ne fshat, i varfri i varfer dhe i pasuri i pasur. Pas tij Shqiperia u be njesoj si perpara tij. Une nuk e mohoj qe 5000 veta ne 45 vjet kane humbur jeten per shkak te diktatures, por pa me te voglin dyshim di te them qe pa ate diktature, Shqiperia s'do kish ekzistuar fare si shtet, sot do flisnim gjysma greqisht e gjysma serbisht. Kaq me mjafton per te thene qe pjesa e pare e atij citatit u realizua gjate pushtetit te Hoxhes. 

Si e shkaterroi ai shoqerin shqiptare? Mori 1 milion rob anafalbete e fshatare e i beri 4 milion (ne mos me shume, jo 3) njerez te shkolluar e te edukuar ne te gjitha fushat e dijes? Pa me thuaj nje popull tjeter ne bote qe ka pas monedhe ari mbas L2B-s? Pa me thuaj nje popull qe gjate kohes te Zogut kishte rregjim vizash ne europe? Po ik o njerez se me te tilla budalleqe me shume i ngrini vlerat se sa i beni analize realiste.

Ophiuchus ... me nxite te njejtin mendim , qe shpesh cdokush e perpunon ne mendjen e tij ...Pa Sikure te Sikareve e mllefaxhijve sqaperues , qe kane mbushur Stanet e basqapit Sot me " se diktatura zotrie "
Ptyetja se Perse ata ( Bota ) kishin arritur ne kete mendim? A kishte mundesi te tjera pa njohur mendimet paraardhese per ne ?
Dhe ketu Vetvetiu rreshton figurat . sporadike , kalimtare apo edhe me te qendrueshme per te provuar se Shqiperia eshte"kocke e forte "
Edhe Enveri shqiptar ishte por mendoj se ishte i VETMI deri me sot qe kishte LEXUAR se cfare mendimi ka Bota per ne.
pastaj ka edhe mendime nga shqiptare si kenga e atij fshatarit ...
... jane ata , vijne te tjere , ka qe nuk mendojne fare , ka qe edhe mendojne , ka qe edhe rrojne ka nga te gjitha llojet po ne Fund , ne Fund Fare vime ne qe dime ca germa shqip dhe pastaj vjen Klani mllefaxhijve te KryeINJORANTE te Berishes ...nje aksident i RRALLE ne Historine e Popujve .Dhe kete Fat te KEQ me se te RRALLE na ra per Hise ta jetojme ne !
Shkrim mjaft i arsyeshem jo vetem per Kohen qe eshte bere shkrimi!

Kam lexu edhe nja 2 shkrime tjera per shqipnine nga prof. Hart dhe interresant asht fakti se si nji njeri i cili nuk i ka shkele kto troje, te jete n'gjendje me ba analiza te tilla. Ne nji kohe kur s'ka pase as internet e as burime enciklopedike infornacioni rreth shqipnise e shqiptarve. Sidokjofte jam i bindun qe leterkembimet e korrespondencat apo ndjekja e shkrimeve dhe opinjoneve, ne shtypin e kohes, te Faik Komices, Fan Nolit apo Edith Durham, medoemos ka ndihmu n'kte.

Faik Komices

 

 E ke fjalen per Faik Konicen apo jo !!!

Jo e kam fjalen per Komicen. Po konicen more shejtan, por ajfoni shkrun ca tja marrin mendja. smiley

Kjo eshte pjese e skenarit per 100 vjetorin, sulmohet skenderbeu, sulmohet Ismail Qemali dhe sulmohet shteti shqiptar ne themel. Kjo eshte dhurata qe bejn fallcifikatoret e historise dhe dokumentave historike. I tradheton budallalleku dhe djallezia qe i karakterizon keta te sotmit, sepse ju duket sikur bota ka qene gjithmone me keto mend. Kot qe vazhdojne me skenare te tilla sepse qellimit kan kohe qe ja kane arritur, Shqiperia nuk egziston me, edhe skenderbeu kot qe te egzistoje si figure, sepse ajo per te cilen luftoi nuk egziston me, edhe Ismail Qemali poashtu, sepse ajo per te cilen luftoi dhe per te cilen u vra nuk egziston me. Shqiperine nuk e krijuan fuqite e medha ne 1913 e ka gabim ky analeshi amerikan, fuqite e medha ne londer ne 1913 vrane shqiptaret dhe shqiptarine dhe krijuan nje pseudo-shqiperi, te cilen e beri njecik Shqiperi Enveri per nje fare kohe, dhe e zhduken perfundimisht djallezoret keto 20-30 vjet. RIP Shqiperi.

LOL

Shqiperine nuk e krijuan fuqite e medha ne 1913 e ka gabim ky analeshi amerikan, fuqite e medha ne londer ne 1913 vrane shqiptaret dhe shqiptarine dhe krijuan nje pseudo-shqiperi, te cilen e beri njecik Shqiperi Enveri per nje fare kohe, dhe e zhduken perfundimisht djallezoret keto 20-30 vjet. RIP Shqiperi..."

Ne fakt e kunderta eshte e vertete.Italia me austro hungarine mezi shpetuan edhe kete gjysem ne konferencen e ambasadoreve.

Edhe une keshtu e di. Dhe kam nje bindje qe po te mos kishim dalje ne Adriatik-Jon, italianet dhe austriaket nuk do kishin pas piken e shtyses edhe per ate qe bene. Ne nje fare menyre me duket sikur ekzistencen e shqiperise londineze ia detyrojme bregdetit.

keto jane hamendje, sidoqoft, dhe dikush me i dijshem dhe i informum se une, mund te ma ktheje mendjen po te kete fakte qe nuk eshte kshu.

ne konferencen e paqes 1920 greket donin gjysmen e shqiperise jugosllavet gjysmen tjeter italianet vloren.nese italianet mbanin vloren do te thoshte se kishin kontrollin e adriatikut gje qe nuk i leverdiste jugosllavise dhe greqise.nese greket dhe jugosllavet ndanin shqiperine ne dysh atehere italianet do te kishin ne bregun tjeter dy fuqi armike.te treja palet u zine e u grine si ta ndanin prandaj wilson vendosi qe shqiperia te mbetej shtet i pavarur qe te mos ta kishte as njeri as tjetri.merita e shqiptareve ishte se perzune italianet nga vlora .Ne kete gje u favorizuan edhe nga socialistet italiane te cilet ishin kunder luftes dhe sabotuan ngarkesat e ushtrise ne portin e barit.kur italanet iken greqia dhe jugosllavia hoqen dore nga pretendimet e tyre.nderkohe qeveria e dale nga kongresi i lushnjes kishte mundur te vendoste autoritetin e saj ne gjithe vendin duke provuar se shqiptaret mund te mbanin nje shtet.A Zogu pati merite te vecante si minister i brendshem.vetem 25 vjec se bashku me bajram currin ne krye te matjaneve shtypen republiken e mirdites te marka gjonit i cili paguhej prej jugosllaveve.Shqiperia shkoi ne konferencen e paqes e shkalafitur me 6 delegacione perfaqesuese te cilet ziheshin me njeri tjetrin duke pretenduar secili te ishin qeveria legjitime e shqiperise.Copetimi i saj nuk diskutohej ceshtja ishte kush do te merrte sa per cudine e te gjitheve shqiptaret u kthyen nga konferenca me shtetin e tyre.shqiptaret ka thene kadareja nuk jane edhe aq te pafat sa e mendojne veten.

Emo po ta lexosh me Vemendje Amerikanin , e Pranon PLOTESISHT dhe PARESOR ekzistencen e Shqipetareve ne keto TROJE . Jane vrare , prere , gjakosur , coptuar me SHEKUJ dhe nuk e eksebene shqiptarin ashtu sic e gjeti KOHA baritor e neper Male por te pa organizuar ne Shtet . kjo eshte Thelbesorja tek AI.
Per Konkreten mos harro kontekstin Historik "shperberjen Vullnetare te perandorise osmene " ku rilindem Jo vetem Ne . Pastaj Interesat , patjeterqe do perplaseshin sic jane perplasur dhe po perplasen. Realisht ne na duhet te cmojme ate qe eshte esencialja ...manovren e atij GRUSHTI Shqiptaresh, midis te gjithe ketyre Interesave per te GUXUAR e Shpallur MEVETESINE .
Pastaj prallate e te "pakapshmeve " qe pse e "nuk e sulmuam serbine per te marre Kosoven " smiley, apo pse nuk i vrame Anglezet e Austriaket qe na cunguan , pse nuk i shuajtem Italanet etj etj jane per cilimiqer qe ti nanurisesh para gjumit.
Historia e vertet praktike edhe me Zogun ( perjashtoje si Individ pas TRADHETISE ) por vecanerisht me Enverin pas LII tregoi se ne Ishim te AFTE te Organizoheshim si Shoqeri e te ndertonim SHTET . Dhe cfare Shteti te krahasushem me kedo ane mbane Botes!
Mos e mat me Aksidentin HISTORIK te te gjithe Lindjes Sot ....aq me teper ku Fatkeqesia JONE eshte kjo Glase Politike QENSH e BUCESH qe vetem Vjellin e Lehin , Vjedhin e Shesin Shqiperine per nje "grusht dollare " me shume ne xhepat e tyre dhe te Familjeve !
Amerikani POHON Plotesisht qe Ne jemii SHQIPTARET dhe jo te tjere aedhacaje apo mbeturina Artificiale ! Shteti ...Edhe ne Europe u Cfaq per here te Pare pas Napolonit .
Ndoshta je Hutuar se ke lexuar Historianin e Madh Babasqap Berisha qe ka qene K.Minister i Shtetit te Lashte te Arberit smiley dhe te duket se "na jane bo padrejtesi mer jahu ! Kujt do me i tergu ti per Shtetin e pare Real Shqiptar " !

Historia e vertet praktike edhe me Zogun ( perjashtoje si Individ pas TRADHETISE ) por vecanerisht me Enverin pas LII tregoi se ne Ishim te AFTE te Organizoheshim si Shoqeri e te ndertonim SHTET . Dhe cfare Shteti te krahasushem me kedo ane mbane Botes!
pati meriten se me nje dhune te madhe vuri rregull e qetesi por nuk mund te quhej shtet.

flisnim jo me larg se dje me nje gazetare te deutsche welles mbi arkivat gjermane - jane totalisht te paprekura, tha. dhe akses ka kushdo ne ato dokumenta (thjesht te jene mbi 30 vjecare). Kur mendoj qe greqine e beri bavaria, ma do mendja qe edhe per ne duhet te ket nje mal me informacion dokumentar.

Eshte gjynah qe nuk cohen rob te shkollum qe t'ia hyjne me sistem atyne dokumentave - edhe te tjera shtete (austria psh).

Ziko, nuk diskutoj elementin shqiptar, per ate shohim formimin e kombit, elementi shqiptar eshte e dhene e pare (primar), rilindasit sekondar (dmth qe rilindasit nuk do benin dot komb shqiptar mes eskimezeve); shteti, administrata, kufijte etj jane muhabet tjeter.

kombi eshte ndjenje, Ziko, eshte shpyrt, eshte metafizik; shteti eshte shkence, nijet e tertip.

I di ti ato kater te shkretat:

Hakikat sheriat tarikat marifet.

kombi do te paren. shteti do te paren dhe tre te tjerat. smiley

Emi them se nuk duhet hy te "kujt do me i tregu shtetin ti mer Jahu :" smiley Kisha deshire me fol me tye or ti !
Eshte nje prurje nga nje NIVEL i njohur Boteror per te tilla permbajtje . Rob prej Amerike vllai.
Ka substance ne theniet e tij te Pakundershtueshme , ajo qe eshte me kryesorja ...jemi padyshim banore AUTOKTONE ne keto Troje. Jemi krijuar nga BURRA Shqiptare si Shtet .
Ka njepikpamje Ai ndoshta paksa te interpeturJo drejt ose te perkthyer jo drejt e te pershtatur ne teresine e konkluzes.. Na krijuan te tjeret ....!!!!!
Une them se nuk eshte e VERTE ne Themel nga vete konkluzioni i tij shume SHKENCOR i palexuar ndonjehere deri me tani.!!!!!! " """askush nga fqinjët ballkanikë të Shqipërisë nuk e ka forcën fizike apo potencialin njerëzor për ta çuar Shqipërinë drejt civilizimit…. Dy milionë banorët e saj nuk mund të lihen në fatin e tyre dhe as të fqinjëve të tyre. Ata mund të civilizohen dhe një ditë madje të shndërrohen potencialisht në një fuqi ballkanike""""" Dhe kete Konkluzion PADISKUTIM e nxirrnin te TJERET Ata qe formuan OKB dhe jo Ne .Keto perfundime ashtu si dhe sot jane te Detyrueshme ! Por nuk formojne Shtete, perkrahin , ndihin dhe nxisin Formime ! Perplasen si INTERESA !
Fillesa dhe mbaresa e cdo Arsyetimi per krijimine shtetit SHQIPTAR !!!!!!!!!
Ti ke Hyre tek "Kellqet "( dhe shyqyr qe nuk je zgjeruar ) nga anojne shumica e fantasteve e Sikuret me Sikare.
Kultura Juaj dijet tuiaja nuk duhet te te lejojne Kurre te harrosh se shtete e Para si te TILLA , megjithse kishin sheriate etj ....jane krijuar pas revolucionit Francez. Ne se ka ekzistuar Franca si perandori ( Mbreteri ) etj nuk ka pas Ekzistuar asnjehere si shtet. Ashtu si dhe nga perandoria Osmane u krijua e lindi Shteti Turk ! Dhe ky proces i formimit te Shteteve akoma nuk ka perfunduar neper BOTE .
Perfytyrime te lloit qe ne Jemi Maja e Gjese , por "popull jo shtet formues" " popull dembel " "popull anarkik " popull i nenshtruar " etj lefqeni dhe te tjera dengla te lloit "kujt do me i tregu shtetin tie " jane pasoja te SOTME .
Ka pas Shtete te Fuqishem ne Histori qe rane ne DUAR ( nuk di si ti emertoj si Gjermania e LII Botrore , Italia etj ) dhe askush nuk mori mundimin ti emertonte si Kombe Jo shtet Formuese .
Ne ne permasa te vogla sot Jemi ne te njejtat pozicione me Sharlatanet Politike qe i dominuan ato vende ne ato Kohe . Nje grup Kusaresh e Banditesh , Arrivistesh e Krimnele , ne momente lthesash Historike i ben Gjemen Kujtedo Shteti Dhe keto quhen Aksidente HISTORIKe ose semundje te Murtajes!
Edhe nga Zogu sado Dallkakuk qe ishte e Injorant nuk mund te kerkosh nga Ai koncepte me te gjera per Shtetin se sa per nje Bajrak Por e ruajti deri ne momentin qe e Tradhetoi si nje Individ frikacak !.
Kemi pas SHTET dhe nga Shtetet shume Cilesore ne Lindje e ne Perendim ne Kohen e Ishit.
Ose koncepti Shtet e Shoqeri e organizuar eshte nje koncept abstrakt pa kuptim dhe atehere nuk kemi perse merremi me te !
Rrnofte parllamentarizma e Jozefperckes se Shtetit te babasqapit !
me shume dashuri por .......me tye e kisha or tie smiley

Degjove? Degjova thuaj!

Degjove? Degjova thuaj!

Alba

Varet se cfare nenkupton ti me Shqiperi. E vertete qe fuqite e medha krijuan nje shtet por nuk mund te thuhet kurre qe krijuan Shqiperine. Shqiperia ne mendjen time eshte ajo hapesire gjeografike e populluar me se shumti vazhdimesisht dhe historikisht nga popullsia shqiptare. Shqiperia eshte ajo per te cilen shqiptaret shpallen pavaresine, ajo hapesire e ish P.O qe permbante disa vilajete te banuara kryesisht e perseris vazhdimesisht historikisht nga shqiptare. Ne kete kuptim ajo qe fuqite e medha bene nuk ishte KRIJIMI i Shqiperise por copetimi i saj, dhe fillimi i nje gjeopolitike pasojat e te ciles kan qene nje shekull qe FILLOI me gjenocide ne KOSOVE (e te tjera treva te Shqiperise) vazhdoi me politika c'njerezore dhe gjonicidiale anti-shqiptare gjat gjith shekullit dhe u MBYLL po me gjenocide ne KOSOVE. Te thuash qe konferenca e londres krijoi Shqiperine eshte e gabuar. Konferenca e londres copetoi Shqiperine me pasoja katastrofike per kombin tone, pasi ne vete kishim SHPALLUR MEVETESINE PER TE GJITHA TROJET SHQIPTARE, AJO ISHTE SHQIPERIA. Qe sot te na dalin pepinot dhe austriaket e te na shesin dengla se gjoja shqiperine e kemi dhurate nga bytha e tyre eshte skandaloze. Shqiptaret luftuan dhe ishin gati te luftonin akoma per Shqiperine megjithese fillikat te vetem ne rajon dhe ne bote ne ate kohe. Zgjedhja e fuqive te medha, ose me mire te themi mbeshtetja italiane dhe austrohungareze nuk ishte shenje e nje miqesie por nje detyrim gjeopolitik per ta. Shenje miqesie do te kishte qene nqs shqiptaret do te ishin armatosur ashtu sic u armatosen te gjith popujt e tjere ballkanik per tju dal zot trojeve te tyre, ose te pakten ngrihej zeri per masakrat ndaj popullsive shqiptare ato vite. Ky analisti amerikan megjith deshiren apo simpatine qe tregon per popullin shqiptar GABOHET RENDE kur thote se Shqiperia eshte sajese e europes dhe se eshte nje vend qe duhet civilizuar etj etj. Shqiperia ne ate kohe ka pas boll civilizim e boll njerez te civilizuar, e njerez te afte per te udhehequr shtetin, biles me shume ose sa te gjith fqinjet tane ti marresh se bashku.

Po e perseris, ne Londer ne 1913 nuk u krijua Shqiperia, u copetua Shqiperia. Kjo duhet te jete linja e pandryshueshme e interpretimit te historise tone, sepse kjo eshte e verteta.

Konferenca e londres copetoi Shqiperine me pasoja katastrofike per kombin tone, pasi ne vete kishim SHPALLUR MEVETESINE PER TE GJITHA TROJET SHQIPTARE, AJO ISHTE SHQIPERIA."
Pavaresia ishte thjesht nje akt formal sepse ushtria turke ishte ende pilaf ne shqiperi dhe u largua vetem ne qershorin e vitit 1913 kur sulltani ra ne ujdi me fuqite e medha.Qeveria e vlores kishte nen hyqem zonen deri ne uren e mifolit.I Qemali deri para se te nisej per ne vjene ne nentor 1912 nuk e kishte ndare ende mendjen autonomi apo pavaresi.gjate konferences se ambasadoreve austriaket per nje kohe perkrahen idene e autonomise nen turqine per faktin se turqit po i rezistonin grekeve dhe malazezeve ne janine dhe shkoder.por kur keto rane s'kishte me kuptim dhe kerkuan qe shqiperia te behej e pavarur.Nese do te mesosh me gjere te keshilloj te lexosh historine e shqiperise te abaz ermenjit e cila eshte bibla e shqiptarizmes dhe jo historine e shkruar nga kooperativistet e akademise se shkencave.

shkrim interesant. flm per prurjen.

Fakti eshte qe ne jemi "troppo avanti. Talmente avanti da soffrire di solitudine"!

Ah mor zot, si nuk na bere nje cik me shume budallenj dhe nje cik me pak fodulle.

ne me shtetin s'para kemi pas naj storia d'amore t'vecant ngaqe shteti esht i merzitshem, o Ols. ja me thuj, a ka gjo me bllah se shteti? sa me t'merzitshem robt, aq me shtete per s'mari kan. shife po s'te doli kshu. pa tallje e kom.

diten qe shqiptaret do bojn shtet, dijeni qe kon mor fund si individa, do fillojn te cojn lule per 8 mars. ose do nalin para semaforit te kuq ne 2 pasmesante. pfff...

Mire mer Cimo ja ta zejm se Shqiperia e 1913 nuk do ish bere kurre. Gjysma Greqise dhe gjysma Jugosllavise.

Tashti nji byth Kosove me 1 milion Shqiptare e boni corap Jugosllavine. (Sherri aty nisi.) Imagjino ti ca do ish bo sikur kufini i Jugosllavise te ish ne Elbasan. 2 fishi i Shqiptareve ne Jugosllavi. Emagjino nga ana tjeter Vlora, Tepelena, Skrapari nen Greqi o none o none.

Rono, nuk do t'ishte bâ asgjâ ndryshe nga ç'âsht bâ. Greku do t'e kishte pastru vorio-epirin nga elementi turk-allvanos. Poshtë Elbasanit do të mbetej vetëm elementi ortodoks me tru të shpëlamë për prejardhjen e tij, siç ndodhet sot e kësaj dite elementi ortodoks me prejardhje arbnore në Greqi. Sa i përket pjesës mbi Elbasan edhe serbi nuk do të sillej më ndryshe nga ç'âsht sjelllun në Kosovë gjatë nji shekulli. Dhe në qoftë se ky i fundit nuk â kenë i suksesshëm sa greku në pastrimin etnik të territorit të pushtuem nga elementi i padëshiruem kjo â në rend të parë "meritë e shqiptarëve të Kosovës", porse jo meritë e drejtpërdrejtë. Aq janë kenë konzervatorë dhe të padjallëzuem në mënyrën e vet të jetesës, me një fjalë aq "të trashë" shqyptarët e Kosovës, sa serbi nuk i ka bâ hesâp hiç prandej edhe i ka nënçmue dhe nënvleftësue nëpër të gjitha kthesat historike deri tek kjo kthesa e fundit e vitit 1999. Edhe tek kjo e fundit qe ndërhyrja amerikane që ia përzjeu dorëzat dhe ia prishi punët se serbi i pati qitë krejt punët në vijë me elitën "zyrtare" politike të Kosovës, dhe veç e ruente momentin për me e vendos realitetin e ri politk alla Ahmad Kadirov në Kosovë. Shyqyr që u bâ Shqipnia e 1913-ës, se e mirë e keqe ajo i ka nxehë shpyrtnat e atyne që mbetën jashtë kufinjve dhe ua ka mbajtë të gjallë shpresën për nji ditë mâ t'mirë.

Tashti nji byth Kosove me 1 milion Shqiptare e boni corap Jugosllavine. (Sherri aty nisi.) Imagjino ti ca do ish bo sikur kufini i Jugosllavise te ish ne Elbasan. 2 fishi i Shqiptareve ne Jugosllavi. Emagjino nga ana tjeter Vlora, Tepelena, Skrapari nen Greqi o none o none'
Let me see .shqiptaret e greqise jane per bukuri .Ata asimiluar krejt ose pothuaj krejt dhe deri me sot nuk kam degjuar ta bejne qejfin qeder ..shqipot e kosoves ndenjen rehat ne pjesen me te madhe te kohes e nuk u ndjene persa kohe titoja i ushqente dhe bridhnin ne europe.Ata jo vetem qe nuk u shfarosen por perkundrazi kishin rritjen me te larte te popullsise ne europe.Me ndjeni nese e kam gabim por deri me sot me te vuajturit e me fukarenj kane qene shqiptaret te cilet u qeverisen nga shqiptaret dhe jo ata qe u qeverisen nga te huajt.

Shqiptaret e greqise jan per bukuri?????????? Shqipatret e Greqise vijne nga nje histori e nderuar dhe nga je race fisnike shqiptaresh. Ata sot nuk kane as respekt, as njohuri, as vleresim per prejardhjen e tyre. Perse qenkan per bukuri ? sepse kan buke per te ngrene dhe kan pasaporte per te levizur? Vetem per bukuri qe nuk me duken mua ata. Ndoshta vjen dita kur do ta kuptojne se sa thelle jan ne mut, megjithse jam i bindur qe ajo tashme eshte nje histori e mbyllur dhe ata jan asimiluar deri ne ate fare pike sa e gjith historia mijravjecare e te pareve te tyre ka marr fund. Arberit e greqise e kan patur shume per dore shprehjen *FARA*, e ke degjuar ate mallkimin shqipetar, *Te Humbte fara*? Te  mos flas fare per gjenocidin Cam he? Pra ja ke futur kot.

Shqipot e kosoves u masakruan ne menyren me cnjerezore ne vitet mbas pavaresise, por edhe gjat L2B. Vertet paten nje periudhe qetesie nen Titon por kjo sepse gezonin te drejta njesoj si te tjeret, cfar duhet te benin gjat periudhes te Titos? RRitja e popullsise ishte vertet e madhe por mbasi popullsia ishte masakruar, dhe vetem nje  e treta e territoreve te banuara nga shqiptare kishte ngelur tashme nen Jugosllavine. Rritjet demografike me nje hap te tille njhen gjithmone ne vende mbas luftes apo mbas nje uljeje artificiale demografike si pasje e luftrave, masakrave etj. Ndoshta kjo eshte menyra e zotit per ti thene dikujt qe vetem zoti vendos nqs nje popull shuhet apo jo nga faqja e dheut. Te mos flasim fare per mjerimin kulturor ne te cilin u katandisen shqiptaret jashte shtetit ame si pasoje e pushtimit sllavo-grek. vetem shiko gjendjen e mjeruar ne kosove dhe maqedoni.

Perse qenkan per bukuri ? sepse kan buke per te ngrene dhe kan pasaporte per te levizur? '
Ke te drejte duhet te jene te dhjere por krenare si vellaznit e tyre ne shqiperi.

Nuk eshte puna per te dhjere dhe krenare, puna eshte a e vlereson nje popull historine dhe prejardhjen e tij apo jo. I dhjere quhet ai qe per 5 lek mohon baben dhe memen, ai qe harron emrin e gjyshit etj etj. Arvanitet ta thashe edhe njehere jan race e forte qe kan paraardhes te ndritur e te nderuar te cilet bene Greqine shtet. Sot ata vetquhen grek. Pyes veten si vetquhet grek nipi i Marko Bocarit psh? Marko Bocari per 11 vjet sherbeu nen regjimentin shqiptar te napolonit, nuk dinte as nje llaf greqisht deri ne moshe te thyer, vjen nga nje krahine ku flitej vetem dhe vetem shqip, shkroi te parin fjalor shqip-greqisht mbasi mesoi gjuhen greke etj. Sot pasardhesit e tij vetquhen grek?

Jo pa qellim popujt dhe racat e ndryshme ne bote gjeja qe ruajne me me fanatizem eshte identiteti i tyre. Te thash edhe me larte, fjala 'fara' eshte nga fjalet me te perdorura ne arberishten e greqise.

 

Shteti i pare (modern)  ne histori qe shqiptaret krijuan per veten e tyre i besuan gjate  dhe pastaj e hodhen poshte ishte shteti i Komunist! Fakt!smiley Shkrimi me pelqeu shume.

Une e kam shprehur me perpara kete qe : Shqiperia, shtetin modern arriti ta krijonte ne kohen e Hoxhes dhe ky eshte fakt qe askush se mohon dot. Trajtimi i anes socio-kulturore eshte teper kompleks dhe duhet ti gjykojme gjerat ne menyre racjonale.Nga nje vend feudal me ne popullsi 99% anafabete, pa rruge,shkolla,spitale,sistem socjal,etj  u shendruam ne nje vend me industri te mirefilte,sistem socjal,universitete...A nuk ishte kjo nje arritje?

E kam permendur dhe me perpara qe Zogu u perpoq te hidhte hapat e para per nje shtet te mirefillte(me ndhmen e Italianeve) po nuk kishte as kapacitetin (personal)kulturor dhe vizionin per nje shtet modern. Megjithate dallkautet e sotem qe te pushtuar "alergjia" e sistemit komunist po perpiqen ti heqin cdo lloj atributi periudhes komuniste(ne menyren me banale) dhe tia bashkangjisin keto atribute regjimit te Zogut.

Ketu kam disa pragrafe interesante nga Komisjonet e Londres dhe Parisit

 

Pas Konferences se paqes se Londres dhe Parisit 1913-1921 u krijuan dy komisjone. Komisjoni i pare u dergua per te ndare vijat etnike midis shqiptareve dhe grekeve, ne baza ethnografike dhe gjuhes se folur ne shtepi, ne zonat greke dhe ato shqiptare. Komisionit i dolen probleme duke verejtur se ne shume raste shqipja ishte gjuha e brezit te vjeter se vjeter ndersa greqishtja perdorej nga brezi i ri, nga intelektualet, tregeti&industri dhe ne ne aspektin fetar.

Koncepti i Kombit Shqiptar/Stark Darper( Volumi 20)

 

Kjo eshte deklarata e Komisionit Hetimor te Konference se Parisit, 1922

Ne Korce ka nje absence totale te komunitetit grek. Megjithate nje pjese e popullsise(me pak se nje e treta) jane kunder regjimit prezent(te Tiranes). Ndjekesit me te zjarrte te kultures greke, jane te frikesuar nga krijimi i nje kishe Autoqefale Shqiptare (gje qe deshirohet dhe eshte shprehur hapur nga nacjonalistet shqiptare). Ata jane te frikesuar nga pasojat e prishjes se mardhenjeve me Sinodin e Patriakes se Kostandinopojes. (Komisjoni Hetues. 1922 faq.2 )

titull shume provokues !!!

do te thoja pzaret e evropes me shtetin shqiptar  por jo sajese e evropes

nejse keto "lapsuse" priten nga gazetaret moderne ...nuk kemi se ci bejme

O Gjoni, titulli s ka qene ai po e ka ndryshuar panorama, shko pyet autorin nese ke mundesi ose pyet ke panorama se ndyrshe ia con per botim materialin tjetri e ndryshe ta nxjerrin ata..............une e njof autorin dmth Armandin e ai ma tha kete gje ate dite i zhgenjyer nga ata te panorames.

Shumè interesant si shkrim...flm pèr prurjen!! Duke lexuar fjalèt e shkrimit,sidomos kur pèrmend gjendjen e mjerueshme tè popullsisè qè pretendon tè shndrohet nè komb e shtet,gjèja e parè qè mè vjen nè mendje..èshtè RESPEKTI I THELLè PèR ATA BURRA SHQIPèRIE Qè VENDOSèN GURIN E THEMELIT PèR KRIJIMIN E NJè SHTETI E KOMBI Nè 1912,AS NUK MUND TI IMAGJINOJ VèSHTIRSITè DHE SAKRIFICAT E TYRE!!!RESPEKT PèR RILINDASIT SHQIPTARè!!!

 

ne me shtetin s'para kemi pas naj storia d'amore t'vecant ngaqe shteti esht i merzitshem, o Ols. ja me thuj, a ka gjo me bllah se shteti? sa me t'merzitshem robt, aq me shtete per s'mari kan. shife po s'te doli kshu. pa tallje e kom.

diten qe shqiptaret do bojn shtet, dijeni qe kon mor fund si individa, do fillojn te cojn lule per 8 mars. ose do nalin para semaforit te kuq ne 2 pasmesante. pfff...

Shume dakord me ty emo. smiley

" .... Grekët erdhën në atë tokë ku jetojnë rreth 25 shekuj më parë; romakët 20 shekuj më parë; bullgarët rreth 11 shekuj; por shqiptarët gjendeshin aty ku janë sot, para se grekët e parë të shfaqeshin në tokë. Ky popull (d.m.th. shqiptarët) flet ende një gjuhë aq të vjetër sa edhe ajo e etruskëve. Ky popull nuk është asimiluar dot kurrë nga pushtimet e po kështu civilizimi s´ka mundur dot të depërtojë”... "  

" .... Më poshtë ai shkruan se: ky popull është malësori skocez i Ballkanit, indiani amerikan që ka akses në vendkalimet tregtare…. Ju mund ta urreni një shqiptar apo ta doni atë, ta vrisni apo të shënjestroheni prej tij për t´u vrarë, por ai megjithatë mbetet unik, dhe, edhe pse pjesërisht barbar, kërcënon të bllokojë të gjitha planet për të zgjidhur çështjen ballkanike... " 

Ne bote ka shtete qe jan krijuar, si psh shtetet arabe, afrikane etj. Shqiperia nuk u krijua. Shqiperia kishte bazen e saj te plote me shume se fqinjet tane e me gjere. Kishte nje element shume te fuqishem etnik, kulturor, dhe nje vazhdimesi historike. Ne 1912 shqiptaret e te gjitha trojeve deklaruan pavaresine e te gjitha trojeve te banuara nga shqiptaret ne nje shtet te vetem kombetar te quajtur Shqiperi. Ne 1913 pa u marr parasysh fare vullneti i popullit shqipetar Shqiperia u copetua dhe popullsite shqiptare ne vendet fqinje pesuan masakra te jashtezakonshme, duhet thene ne nje kohe paqeje ne Europe, dhe askush nuk ngriti zerin.

Ky analisti me siper gabohet dhe shume rende madje, por kjo ska problem, problemi eshte qe po gabohen edhe shumica e anetareve te ketij blogu. Vullneti i popullit shqiptar per Shqiperine e pavaruar ishte shpallur ne 1912. Ne 1913 NUK U KRIJUA Shqiperia, por u VENDOS qe Shqiperia te copetohej. Ky eshte nje borxh i madh historik qe na ka europa, dhe padrejtesia me e madhe bere ndaj nje kombi ne europe.

Perseriten shume kodra pas bregu nder shqiptare, Shqiperine e krijoi Austro-Italia , Kosoven Amerika, duke shumezuar me zero rolin shqiptar.

Kryengritjen arvanito-greke, shqiptaret e Shqiperise dhe te Egjiptit e shtypen, por nderhyri flota anglo-franko-ruse qe shpartalloi floten turke e vete Rusia i shpalli lufte Turqise, prandaj fitoi pavaresine Greqia.

Po keshtu si pasoje e kesaj mori autonomi edhe Serbia.

Me 1878 Rusia krijon Bullgarine dhe i jep pavaresine Serbise, fale fitores kunder turkut.

Tani eshte normal qe edhe neve do te na vinte radha nese perpiqeshim, s'do i ngelej Rusise gjithe trashegimia osmane ne Ballkan.

Ne u perpoqem, na erdhi radha, biles ne jemi perpjekur shume me teper sesa bullgaret apo sesa 'greket etnike' (meqe atje perpjekjet i bene arvanitet e jo greket etnike).

Prandaj ne perballe ballkanikeve hecim me koken lart, po keshtu ndersa Polonia krijohej ne tavoline pas 0 perpjekjesh polake, çekosllovakia po njesoj apo se fundmi ne ballkan Maqedonia dhe Sllovenia, krejtesisht ne tavoline pa shkrepur asnje pushke, si Shqiperia me 1912 ashtu edhe Kosova e mbajne koken lart ne krejt Lindjen e Europes.

Sa pushke shkrehen lituanet, letonet, estonet, moldavet, ukrahinasit, bjelloruset, armenet, gjeorgjianet e azeret per te merituar qofte edhe nje grime te vetme Pavaresine e tyre ?

Prandaj, ca tipa si i thone duhet t'i therrasin mendjes, ose te mbledhin dhite sepse shqiptareve nuk u ka fale kush asgje dhe çfare kane e meritojne 100 here me shume sesa gjysma e vendeve te Europes.

 

Takova nje dite autorin e shkrimit, Armandin dhe ai ishte i indinjuar, sepse me tha se titullin ia kishin ndryshuar ata te Panorames dhe se ai kishte qene: "Profecite e nje amerikani skeptik per te ardhmen e Shqiperise se pavarur" apo dicka e tille dhe se fotot qe kishte dergu nuk ishin botuar te gjitha dhe ajo fotoja e dyte: . Tepelena e fotografuar gjate luftes se pare boterore nga fotoreporteret franceze, as qe ishte derguar fare nga autori dhe se kishte dale komplet jashte kontekstit pa lidhje me shkrimin.

Gjithsesi po debatoj pak me ate qe thote se: Kjo eshte pjese e skenarit per 100 vjetorin, sulmohet skenderbeu, sulmohet Ismail Qemali dhe sulmohet shteti shqiptar ne themel...etj.

Une e njoh Armandin dhe ai eshte vete nje nacionalist, mund te them me sa e njoh. S´ka lidhje fare me sulmet ndaj Skenderbeut etj pallavra.

Duket qarte se ai ka dashur me sjelle nje kendveshtrim realist, fundja ai amerikani atehere ashtu ka shkruar dhe dihet se skepticizmi per shtetin shqiptar ka qene i madh, pavaresisht se kjo teori korrespondon me teori antishqiptare, te cilat edhe vete Armandi ne shkrim i permend. Ne vetem po i rizbulojme. Te mos harrojme se Bushnell shkruante se ne asnje menyre nuk duhet lene ky vend ne dore te fqinjeve, pra nuk ka asnje vleresim per ta, por i konsideron nje rrezik per fatet e shqiptareve, te cileve nga njera ane u parasheh nje fat prej fuqie ballkanike, cka pakkush e ka bere ne ate kohe. Bushnell eshte sigurisht edhe kontradiktor, por mund te themi me plot gojen se ai ka sjelle ca te verteta e risi qe jane shume aktuale edhe sot per shqiptaret. dhe te flasesh per to eshte tamam koha e duhur.

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).