Sipas teje kërkohet "organizim perfekt"
i yjeve të Universit, ata duhet të kthehen
në eshalone, sipas gradës, rangut
në bataljone si ushtarë të dritës,
me komandant... ndoshta vetë Zotin,
kush tjetër mund t'i komandojë yjet.

Macja jote loz me lëmshin e logjikës,
pa e gërvishtur, art dhe delikatesë
si Ronaldo në Marakana,
topthi im logjik po, por poezia
nuk është lëmsh - thua,
ajo është brigadë e përkryer germash,
është ajo çfarë ty të kanë mësuar,
çfarë ti do dhe çfarë ti sheh në letër...

Si lexues i përkryer i drejtohesh
"poetit kaotik" - hej ti, Mister Poe,
kokrrat e rrushit tënd "kalavesh"
duhet të renditen në pakon time të praruar
me çokolata "Merci" - trakat e zebrave
duhet të jenë perfekte si "zebrat" në asfalt.

1 Komente

Nice to read you here.

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).