Ardian Hoxha, djali i biznesmenit shqiptar Remzi Hoxha, i zhdukur 16 vite më parë, i ka drejtuar një letër të hapur Kryeministrit të Shqipërisë, Sali Berisha, të cilin e ka akuzuar se ka bashkëpunuar me Serbinë.

Në letër thuhet gjithashtu se pikërisht pse babai i tij dinte për takimet sekrete të Sali Berishës me Sllobodan Millosheviccin dhe Kiro Gligorovin (ish-presidentin e Maqedonisë), është vrarë nga njerëzit e Berishës, në atë kohë president i Shqipërisë.

“Me shumë dhembje ju drejtohem sot juve si reagim ndaj deklaratave tuaja për ‘ata që punojnë për Serbinë’, për shkak se nuk dua të bëhem pjesë e politikës tuaj ditore dhe lojërave tuaja për pushtet, megjithatë do të shprehem sepse ju nuk po e thoni të vërtetën. Për më shumë, ishin informacionet se ‘kush punonte me Serbinë dhe për Serbinë’ që ju shtynë të zhdukni babain tim, Remzi Hoxhën”, thuhet në fillim të letrës së Ardianit, drejtuar kryeministrit shqiptar, Berisha, në të cilën theksohet se familja Hoxha për 16 vitesh është përmbajtur dhe nuk i kishte dhënë kahje politike çështjes së zhdukjes së Remzi Hoxhës.

“Me këtë letër/vepër nuk jam duke e mbrojtur z. Rama për të cilin jeni deklaruar se punon për Serbinë dhe nuk dua që kjo të kuptohet si e tillë, por thjesht dua që t’ua rikujtoj juve se kush me të vërtetë ka punuar me Serbinë dhe për Serbinë. Për më shumë, familja jonë nuk është e pozicionuar me asnjë parti politike, qoftë në Kosovë, Shqipëri apo Maqedoni, dhe është ‘mbi-politike’, pra me popullin. Pra, ne nuk jemi as me të majtën, as me qendrën, e as me të djathtën”, thuhet në letër në të cilën i kërkohet Berishës se e ka për obligim t’ia sqarojë popullit Shqiptarë fatin e Remzi Hoxhës.

“Babain tim, Remzi Hoxhën, njerëzit tuaj me ju në krye si President i Shtetit, e keni zhdukur mu për shkak të frikës së zbardhjes së veprave tuaja me Serbinë dhe për Serbinë. Ju, Sali Berisha, duhet t’i tregoni popullit Shqiptarë për takimin tuaj me Sllobodan Millosheviçin dhe Kiro Gligorovin, më 31 Maj, 1993, në Shën Naum të Maqedonisë, dëshmitar i të cilit ishte edhe babai im. Ju po ashtu duhet t’ia tregoni popullit Shqiptar takimin e Bashkim Gazidedes me Arkanin (njeriu që ishte udhëheqës i masakrave ndaj Shqiptarëve), në Shkodër”, thuhet në letër, e cila vazhdon me akuza ndaj Berishës për mbështetje të tij ndaj Serbisë, në kohën sa kjo e fundit ndodhej nën sanksione të bashkësisë ndërkombëtare.

“Ju, Sali Berisha, ishit ata që ndihmuat Serbinë me naftë për ta ndezur edhe më tepër luftën në Ballkan, dhe për t’i mbushur me naftë tanket e paramilitarëve dhe ushtarëve Serb që masakruan mbi 10 000 Shqiptarë, që dhunuan nënat, motrat dhe vajzat Shqiptare, e që dëbuan nga shtëpitë e tyre mbi 1 milionë Shqiptarë, kur e gjithë bota i kishte vënë embargo Serbisë. Ju, Sali Berisha, ishit ata që ndihmuat këta Serbë, që sot janë duke u bërë pjesë e Bashkimit Evropian dhe të cilët akoma kërkojnë ta marrin një pjesë të Kosovës. Ju, Sali Berisha, ishit ata që burgosët Adem Jasharin, Zahir Pajazitin, Hashim Thaçin, e shumë patriotë të tjerë Shqiptarë të cilët u vranë nga po këta Serbë, dhe ndoshta nga nafta juaj. Andaj, ju lutem mos u merrni me këtë temë sepse na e shtoni dhembjen edhe më shumë. Në fund ju pyes juve: ‘Kush qenka ai që punon me Serbinë dhe për Serbinë?”, përfundon letra e hapur e Ardian Hoxhës drejtuar Kryeministrit të Shqipërisë, Sali Berisha.

Kosova Press

8 Komente

Akuza te renda?????????????? jo po akuza te lehta. Per nje kriminel 100 karatesh si sali berisha eshte tallje te etiketosh nje akuze si te "rende". 

Te shohim reagimin e kryeministrise. 

Saliu?!

Ja nje version:

.......s'jane vecse perpjekje te deshperuara te Topit dhe Rames te cilet kane paguar njerez te tille, per te shkateruar demokracine shqiptare ,per te penguar futjen e saj ne BE etj

Keto gjera i kam kollaj t'i parashikoj ,se i degjoj perdite( by Gjinoja)smiley

venus, 

Kane shkuar te mbushen ata botat e komunales se PD, dega peshk, dhe s'besoj se vonojne...

Bamke

Thua se do me gjobojne,s'e ua morra te drejten e fjales?smiley

Damn, ku eshte vendburimi se po e zbuluam ia hudhem problemit te energjise. Tani qe po e mendoj me siguri prandaj ka thene i Madhi qe do behemi superfuqi energjie. Do behemi Gazpromi i biogazit me tere ate metan. 

Po po, kerkoi llogari spiunit ti. Ai edhe furnizimin me nafte te milloshevicit qe e kishte pare gjuthe shqiperia, e pranoi vetem kur e shkroi e zeza mbi te bardhe bullatovici "berisha na ka furnizuar me karburant". Edhe atehere bile tha qe e kishte bere per kosoven

Nje familje e keqtrajtuar dhe e deshperuar . I ka ikur njeriu i dashur , eshte vrare nga strukturat e shtetit dhe akoma nuk kane nje peregjigje Ligjore se cfare ka ndodhur. Dhe kryelarte e plot suksese dhjerokratike qendron Mullahu Berisha qe vret padashje njerez si ne 21 janar.

Z.Hoxha . Ngjarja Juaj eshte e njehur per te gjithe qe ne ate kohe kur peshperitej se nese do dale e verteta .  Berisha +, "ca emra te tjere , gjithsej Tre  " do te duhet te shkojne ne burg te Perjetshem per VRASJE me paramendim. Ja ku jemi dhe prej te treve k/vrasesi eshte plot shendet e vret akoma se i kane sulmue Kullen ! Biles eshte shume i Lumtur dhe bertet neper mikrofone " Rrnofte Serbia " na " Mire na i bajne se nuk e meritojme  me kene Juropian " ... Dhe ketu zderhallen dhjetra e qindra cakej ne kakaerdhite filosofike qe leshon i pari tyre Babasqapi Berisha . Eshte po ai qe bertiste e ulerinte podiumeve te Tropojes "e due gjalle a vdekun " dhe me pas mbi 150 njerez lane jeten deri ne zhdukjen e nje Fisi te tere. Eshte po ky qe kae ne pogrom me zhduke nje Opozite te tere , te zhbeje nje vend te tere , te shese nje Truall te tere. Ju mbajte shpresa se nje DITE dikush duhet te jape Llogari nje per nje,  nga ku JU te pakten do kini nje drejte Ligjore  ti beni respektet e duhura babes tuaj dhe rta cmoni Realisht ! 

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).