“Hitleri e bëri këtë teori bazë të filozofisë së tij, e cila çoi botën në një luftë të përgjithshme”.

 

“Nuk jam për botimin e librave që nxisin urrejtjen dhe ngjallin një terror shpirtëror”. Kështu shprehet shkrimtari Dritëro Agolli, i cili nuk mund të mbetet jashtë debatit pro dhe kundër botimit në shqip të manifestit politik të Hitlerit, “Mein Kampf”.
Sipas Agollit, në shumë vende të botës “Mein Kampf” është një libër i ndaluar për masat, në një kohë që ai mund të lexohet e të shfrytëzohet nga historianët e specialistët, të cilët mund ta gjejnë atë fare mirë nëpër biblioteka, apo në gjuhë të huaj. Edhe pse ai është i vetëdijshëm për lirinë e botimit dhe të shprehjes dhe që jetojmë në një kohë kur botohet gjithçka, Agolli nuk e sheh të udhës botimin e një libri të tillë. Aq më tepër kur Shqipëria njihet botërisht si një ndër vendet e pakta që kanë mbrojtur hebrenjtë nga shfarosja naziste.

Cili është mendimi juaj për librin e Hitlerit, nëse duhet hequr nga qarkullimi, duhet të ndiqet botuesi penalisht apo duhet lejuar?
Në shumë vende të Europës ky libër është ndaluar, sepse aty shprehet e gjithë teoria e Hitlerit e bazuar mbi racizmin, ku trajtohet teoria e racave. Sipas Hitlerit, vetëm raca ariane është e pastër. Duket qartë influenca e Niçes në filozofinë e Hitlerit. “Mein Kampf” është influencuar nga Niçja, madje e ka tejkaluar filozofinë e tij, kështu që për mua, në tërësinë e tij libri është racist dhe nxitës luftërash. Ne, siç na njohin edhe të huajt, kemi mbrojtur hebrenjtë gjatë Luftës së Dytë Botërore, i kemi ndihmuar të shpëtojnë nga shfarosja. Ne ishim një nga vendet e rralla të Europës që mbrojti hebrenjtë nga egërsia naziste.

Edhe pas 75 vjetësh që është shkruar, ky libër përbën kërcënim e rrezik edhe sot që të lexohet dhe të botohet?
Këto libra në përgjithësi studiohen nga historianët, të cilët e kanë lexuar edhe në gjuhë të huaja, por këto shtypen me tirazh të kufizuar dhe gjendet në biblioteka, por jo për lexim masiv. Por, në kohën aktuale, atë dixhitale, është tepër e vështirë për të kufizuar edhe këto lloj librash, sepse mjetet e përhapjes janë të shumta. Në përgjithësi, edhe si mendim botëror, ky libër vazhdon të jetë i ndaluar në mjaft vende, me sa di unë.

Ju vetë jeni që libri s’duhet të përkthehet dhe botohet?


Po të mos përkthehet dhe të bëhet pjesë e librarive, libri është më e vështirë të lexohet pasivisht. Megjithatë, në një kohë kaq pluraliste dhe ku shtypi boton shumë gjëra, dhe akuza ndaj njëri-tjetrit, edhe ky libër të duket si një nga të gjitha. Por, unë personalisht nuk jam për botimin e këtyre librave që nxisin urrejtjen dhe ngjallin një terror shpirtëror, veçanërisht kur ne kemi shpëtuar nga vdekja dhe zhdukja hebrenjtë që ishin në Shqipëri.

 

Kemi dhe libra të tillë si “Përplasja e qytetërimeve dhe ribërja e rendit botëror” të Samuel Huntington që bën parashikime për përplasjen e ardhshme botërore, megjithatë është pritur mirë edhe pse ka ndezur shumë debate. Nuk ju duket se me librin e Hitlerit kthehemi te censura e dikurshme dhe te “librat e ndaluar”?

Por, rasti i Hitlerit është i tillë që teoria që ai proklamon dhe zbatimi i saj përgjaku gjithë botën. Teorinë e tij Hitleri e ka zbatuar dhe ka dhënë efektet e veta, rreth 6 milionë hebrenj u zhdukën nga Gjermania naziste e ushqyer me teorinë e Hitlerit dhe filozofinë e Niçes. Këtu nuk kemi thjesht një teori se si do të jetë e ardhmja e botës, por Hitleri e bëri këtë teori bazë të filozofisë së tij, e cila çoi botën në një luftë të përgjithshme.

 

53 Komente

Ky liber duhet lexuar per te kuptuar me mire Holokaustin dhe...

E kane humbur keta ate? Pse u dashka shkruar ne kopertine kjo fjali? Le te mbledhi ca kopje z.-sh. Agolli dhe le t'i percelloje! smiley 

Ketu e gjen si pdf dhe e shkarkon sa here te duash.

Agolli dy here nisi te thote qe duhen ndaluar librat e Niqes, por te dyja heret e zuri kolla.

Eshte e treta here ne nje muaj qe lexojme intervista te Agollit, nje tipi qe, me gjithe respektin,

romanin e fundit te hajrit e ka shkruar aty nga 1970

qe nga 1990 thote gjithmone te njejtat gjera. 

 

Por, rasti i Hitlerit është i tillë që teoria që ai proklamon dhe zbatimi i saj përgjaku gjithë botën. Teorinë e tij Hitleri e ka zbatuar dhe ka dhënë efektet e veta, rreth 6 milionë hebrenj u zhdukën nga Gjermania naziste e ushqyer me teorinë e Hitlerit dhe filozofinë e Niçes. Këtu nuk kemi thjesht një teori se si do të jetë e ardhmja e botës, por Hitleri e bëri këtë teori bazë të filozofisë së tij, e cila çoi botën në një luftë të përgjithshme.

Driteroi kur jep te tilla pergjigje me mire ti thote pyetesit qe s'kam c'te them per kete pike.

ps. esht si te peshku qe jo cdo komenti i duhet me i dhon pergjigje se s'bon.

Nashti me t`thonme e kam, por neper marshimet e zborit, (kur i binte radha Driteroit) zboristat kishin nga nje pagure uje per rruges. Pagurja e Driteroit mbushej me raki ose konjak. Kur behej pushimi i bukes te gjithe i fusnin nje krrikell birre. Driteroi pinte dy krriklla konjak. Alkooli dhe mosha bejne te veten....

Personalisht me vjen keq qe familjaret e lene te jape intervista (se nuk pres pak takt e lere me mirekuptim nga pseudogazetaret). 

Une insistoj qe Ismail Kadare dhe Driteroi jane pesha unike (i pari ku e ku me i rende, te merremi vesh) te letersise shqipe te 1960-1990. Si te tille duhen ruajtur nga vetja e tyre ne radhe te pare. Nuk di me c'marifet duhet rregulluar puna qe Ismaili te mos coje letra si ajo qe beri me ate tipin qe qesh dhe qe i ngjan enverit nga pamja te bashkia e tiranes, ose te mos pershendese zerin e amerikes sherbimin shqip me mufka te tipit "radio killed the video star", ose qe driteroi te mos botohet i paredaktuar dhe te thote qe rakia e rrushit del nga rrushi. Ka shume menyra qe keta te dy te respektohen si patriarke qe jane me menyra terhtore, pa u shqyer kesisoji nga peshkaqenet e pameshirshem mediatik shqiptar.

Mu personalisht me vjen keq per ta se i kam dashur (Ismailin idhull mo!) dhe i dua e shoh qe shfaqen kaq vulnerabel ne sy te publikut ku lloj lloj myteberesh mund t'i bejne "pestil", dhe me te drejte!

E cuditshme sesi nje pjese e madhe e shkrimtareve jane rrjeshtuar kunder botimit te librit. Me teper me duket se flasin me dimensionin e tyre politik, se sa me dimensionin e letrarit. Ceshtja e librit, ne disa aspekte trajtohet me naivitet te thelle. E para, shume e ceket te mendohet se shkaku i luftes se dyte boterore gjendet tek libri, themelet e luftes u hodhen qe me kushtet e marreveshjes se paqes se luftes se pare, kjo eshte sterthene. E dyta, Hitleri i influencoi gjermanet gjate 20viteve te aktivitetit te tij te perditshem politik para luftes, nuk u bind njeri nga nje liber(qe aludohet si gati hipnotik). E treta, libri eshte shkruar ne nje kontekst gjeopolitik fare te ndryshem, ndoshta bota,tashme globaliste, ka evoluar mjaft ne 80vitet e fundit. E katerta, ne vleresimet e ndryshme qe gjenden mes atyre qe e kane lexuar ne vite, shume mendojne se libri eshte medioker, me logjike banale e thellesi banale te teorizimit(shkencor). E pesta, duke ndjekur(a)logjiken e intervistes, mos duhet ndaluar leximi i librave te E.Hozhes sepse mund te behemi komuniste? E gjashta, duke ndjekur(a)logjiken e intervistes, mos duhet ndaluar botimi i Nices(Hegelit&Co) sepse frymez(ua)on mendjet e semura? Te vetmin ngurrim ne lidhje me librin duhet ta kete lexuesi, nese ia vlen te shpenzoje kohen e parate per te lexuar nje veper te tille, cdo lloj ngurrimi tjeter eshte fare i tejlakuar, jashte kohe.

Unë nuk do të isha dakord që ngurrimi për të botuar këtë libër është i tejkaluar. Kam përshtypjen që ky ngurrim nuk vjen më prej faktit që libri do të infektojë radhë të gjera të lexuesve (përvec disa prototipëve)  me dogmat e tij. Sipas meje, ngurrimi lidhet më shumë me faktin që botimi i këtij libri tregon njëfarë përkushtimi ndaj autorit. Pra, dikush, ka marrë mundimin ta përkthejë, ta përgatisë për shtyp dhe ta botojë. Kjo nënkupton një dozë përkushtimi ndaj librit. Pra, në këtë a(logjikë), pse duhet të tregojë këtë përkushtim? A e meriton fundja ky libër dhe ky autor këtë përkushtim? Aq më tepër nëse është rënë dakord që libri është i një niveli mediokër. Kureshtja e lexuesit për librin është shumë enigmatike. A mos vallë pritet ndonjë epifani prej tij? A nuk mjaftoi vepra e tij për të shuar njëherë e mirë shpresat për epifani? A mos vallë nuk janë lexuar për këtë arsye librat e diktatorëve të tjerë? Në këtë kuptim, më duket një shpërdorim i kohës së lexuesit, edhe pse, në parim mendoj që fruti i ndaluar është më joshës. Le ta botojnë pra, dhe le të kuptohet që nuk ka epifani në këtë libër. Është profan fund e krye!  

 Pra, dikush, ka marrë mundimin ta përkthejë, ta përgatisë për shtyp dhe ta botojë. Kjo nënkupton një dozë përkushtimi ndaj librit. Pra, në këtë a(logjikë), pse duhet të tregojë këtë përkushtim? A e meriton fundja ky libër dhe ky autor këtë përkushtim?

Lirka,

ky eshte i fundit i shqetesimeve qe lidhen me kete liber dhe me librin ne pergjithsi ne Shqiperi. Autori, natyrshem, duket te jete nisur nga motive biznesi. Le ta beje, iu shperblefte iniciativa, natyrisht duke respektuar te drejtat botuese sipas ligjit. Librarite shqiptare jane mbushur me libra banale, te autoreve banale, me perkthyes banale, jam i bindur qe ky botim nuk ka perse te beje figure te keqe para tyre. Problemet e librit jane te tjera; nga rikthimi/masivizimi i leximit, tek rigoroziteti i zbatimit te te drejtave te botimit, tek promovimi i letersise vendase e vlerave te saj(aq sa jane), tek standarti i cilesise se perkthimit etj, etj, po kjo eshte ceshtje tjeter.

Boisa,

 

Nëse e sheh me vëmendje kopertinën, do të shohësh që në krye të saj është vendosur dicitura “Një nga librat më me ndikim të të gjitha koh(ë)rave”. A nuk tregohet që në hyrje përkushtimi ndaj librit dhe autorit? Në njëfarë mënyre unë shoh një përkushtim të shtëpisë botuese në fjalë, që ky libër të shohë dritën e botimit. Çfarë loje fjalësh domethënëse. A duhet të shohë “dritën” e botimit ky libër? Këtu qëndron gjithë pikëpyetja ime. Një autor që botohet, një tjetër që ekziston në rrjet (sikurse është aluduar se është hedhur në rrjet në format elektronik prej vitesh) ai është në dritë. Pra, emri i tij është në dritë. Një autor që gjendet në librarinë time është në dritë (sado banal të jetë ai). Pra, në këtë kuptim, a duhet lejuar emri i këtij autori që të qarkullojë në dritë? Kjo është pyetja ime. Është emri që rrënqeth dhe jo dhe aq libri (se për këtë libër jam shprehur më sipër). A duhet lënë ky emër në dritë? Qoftë dhe për përfitime ekonomike. Si mendon ti?

Ka vdekur ai robi, Lirka. Nje liber eshte i mire te lexohet sepse te meson edhe se si nuk duhet menduar, te meson dhe se ne cfare fazash psikotike ka kaluar njerezimi, te meson te mos besh me ato gabime. Nje fakt personal psh, kam kuriozitet te lexoj ndonje nga veprat e Enverit, do me ndihmonte te kuptoja disi psikon e tij, intelektualizmin, me frenon vetem fakti qe, mesa di, librat e tij jane edituar fort nga duar te tjera. Nje njeri nuk mund te kete frike nga nje liber. Kjo do thoshte qe, gjerat ne te cilat beson, i ka sistem vlerash, ne realitet i ka fare te brishta. Sic e kam thene me siper, libri eshte stigmatizuar shume. Nuk e ka shkaktuar luften ai liber. Ashtu sic nuk ka lindur nazizmi per shkak te mbinjeriut te Nices, apo nuk eshte pushtuar Polonia nga muzika e Wagnerit.

p.s. Dicitura eshte nje gjetje tipike komerciale. E te njejtit perifrazim si "Bestseller", apo . "Nobel ne letersi" Ne biznes eshte vitale te shitet mire suksesi i cdo elementi.Psh, nje perkthim i E.Hoxhes ne gjuhe te huaj mund te shoqerohej me "Lideri i te vetmit vend socialist ne bote"(ka dhe me mire). Ndjellese. Do te ishte nje gjetje me vend.

Boisa,

 

Dicka të ngjashme e mendojnë të gjithë. Pra, në leximin e këtij libri ti nisesh i para-përgatitur se si nuk duhet të mendosh, si nuk duhet të sillesh, si të mos gabosh, etj. Sa bukur e ke thënë! Është pikërisht një qasje e tillë e shumë vetëve ndaj këtij libri. Kjo është pikënisja. Por, a mund të më thuash se përse ke një qasje të tillë ndaj librit? Sepse ke njohur veprën (veprimtarinë) e autorit në fjalë. Ti nuk ke lexuar ende asnjë fjalë dhe shkon i ‘armatosur’ me një sistem të tërë vlerash për të përballuar një traktat të tillë. Pse? Sepse është emri që të shkakton frikë (ke njohur se cfarë ka qenë i aftë të bëjë autori i këtij libri). Por, a mundet vërtet të mësosh në kushte të tilla? Ti e ke mësuar tashmë atë që kërkon të dish nga libri. Se ndryshe, përse thua ‘të mësoj si të mos mendoj’? Në këtë kuptim, libri thjesht sa i bën jehonë autorit. Ky është perceptimi im të paktën. 

Ke nje fare te drejte Lirka, por ne nje kendveshtrim thellesisht ciniksmiley. Dmth sado te mundohesh, nuk mund ta ngurtesosh pozicionimin paraprak ndaj librit. Shqisat e tua te arsyetimit, vleresimit te intelektualizmit, letrarizmit(qe ne rastin konkret zor se ka), konceptimit... jane ne funksion te plote, pavaresisht se ne cfare "mode" e ke vendosur veten para librit. Pra nuk ka perse skepticizmi apo oreksi i madh te te pengojne ta vleresosh librin gjate leximit per aq sa eshte. Eshte nje refleks i ngjashem me rastin kur degjon nje kenge terheqese te nje kengetari qe nuk e ke qejf, apo filmin e ndonje aktori antipatik. Shume shume paragjykon e nuk e degjon apo nuk e sheh, por kur e ben, shija, cilesia dalin ne evidence. Dhe te le shpesh nje ndjesi te mire, pasi te duket sikur i ke hequr vetes nje kompleks te kote. 

Dukesh tipi qe do e lexosh librin kur te te jepet rasti. Mbase nuk do e cosh deri ne fund.smiley. Pertej diskutimeve, mund te mos ja vleje.

E gjashta, duke ndjekur(a)logjiken e intervistes, mos duhet ndaluar botimi i Nices(Hegelit&Co) sepse frymez(ua)on mendjet e semura?

Dhe do shtoja ketu, mos o zot edhe Wagner. 

ë ?

Cila eshte shtepia botuese?

 “Belina H” me pronar z. Beqir Haluli.

Mah...ne vend te gjejne e botojne ndonje shkrimtar shqiptar te ri, a te ribotojne me rastin e 100 vjetorit, shkojne merren me...

Shume mire qe  eshte botuar...Ata te cilet mund te indoktrinohen nuk ka asnje rrezik qe mund ta lexojne...U ku ku moj nane po i bjen kuj n'mend me lexu Hitlerin...ku me e marr me kene kaq intelektuale...

shume mire mi zana, por me nje cen te vogel se e ka botuar pa leje, pra eshte njesoj si me thene qe e ka vjedhur dhe mallin e vjedhur po e shet per ti marre leket vedi. Apo per ty kjo nuk perben problem, kuptohet per sa kohe nuk te ka vjedhur apo plackitur ty! smiley

Qe ai qe e ka botuar e ka bere pa leje kjo eshte krejt gja tjeter e nuk ka te beje fare me çeshtjen ketu...Pa leje ai mund ta bente per çdo liber tjeter.Te them te drejten keto nick-et qe ia veme vetes nuk jane edhe kaq te pafajshem,te gjithe veme diçka prej nesh.Ne nick-un tend nje gungaç .i pashprese .i shurdhuar nga kembanat e katedrales,loje e te tjereve qe shkon rruges duke jarguar e therritut e-s-me-r-aldaaaaaa

O çuna dhe goca, nese po flitni per kopirajt etj. etj., mbase duhet te dini se e drejta e autorit bie 70vjet mbas vdekjes se tij. Dmth 70vjet(mduket) mbasi te vdesin Hitleri (upss kekan ba 70), i bie qe librat e punet artistike qe nuk jane ne pronesi te individeve te caktuar, te jene prone e pasuri botnore ku shumefishimi i tyre dhe access-i eshte i lire dhe pa asnje detyrim. Nuk e di a ja keni vu mendjen qe "Klassiket" shiten fare lire, sa per te mbulu kostot e printimit. Dmth ti blen "Anna Kareninen" apo "Metamorfozen" apo "Vllaznit Karamazov" apo "Moby Dikun" apo "Kontim e Monte Kristos" ma lire se sa nji pakete çimçakeza, apo nji Kos grek (mos t'u la ju grekeve mbas doret se nuk dua hatermbetje. smiley ). Botuesit serioze nuk pretendojne te fitojne para nga klasiket, e shumta  mund ta bajne per te fitu me publicitet duke u mbulu nga nji veprim te cilin ka nga ata qe e quajne filantropizem; gjoja une si botues, botoj nje klasik nga i cili s'kam asnje fitim, por e boj thjeshte per te miren e kultures dhe njerzimit, ngaqi jam humanist dhe filantropist i gradeve dhe shkalleve ma te nalta. Amkupto? 

Me kte nuk po mundohem me fute Hitlerin tek klasiket, ok! Ishte thjeshte ngaqi po rrezatoshi paqartesi, dhe ishit duke vuajt kot. smiley

Ne kushtetute thuhet shprehimisht ndalohet propaganda komuniste dhe ajo fashiste.Shume mire mund te ndalohet botimi i tyre , ne menyre te tille qe te mos propagandohet urrejtja racore qe pershtjellon "lufta ime ", sidomos ne nje pike te tille ku ndodhet bota, ku me te ashprat jane lufterat e ftohta nder shtetesh.Por a nuk eshte e kot kjo kur po ne ditet e sotme, idete , lajmet, propagandat percillen me shpejtesine e drites permes rrjeteve kompjuterike.Me e rrezikshme eshte kibernetika sot, aty duhet goditur vertete "lufta ime ", nga cdo civilist dhe pacifist te vete-proklamuar !!!!!!!!!!!!!!!!

Ore, kot tju pyes, e ka lexuar librin ndonjeri nga ju? 

+1*

E kam lexu une.Dhe sinqerisht ishte nje zhgenjim i papare.Nje gjuhe aq feminore,sa me ra ballit.Ndoshta ishte faji im,se atehere prisja te ishte kush e di se cfare.

Mendoj se leximi e propagandimi jane dy gjera te ndryshme.

Kur botohet '' Kurbani " i cili rrezikon masakrimin e Deleve pse te mos dali " Mein Kampf " i cili nuk rrezikon me asnje Cifut.

Brad, Je degjues i rtregullt i "Koha per tu zgjuar"..?Ne ate emision rastesisht fare kam degjuar vulgaritete te ketsaj permase...

Per mua, asnje liber nuk duhet ndaluar...!

Nqs emisioni eshte ne oren dy te drekes atehere edhe mund te jem degjues i rregullt.

po ku e degjove ti qe thashe une qe libri duhet ndaluar?

"mein kampf" eshte botuar ne amerike.mjafton te shkosh ne barnes and noble dhe do ta shohesh atje perkrah manifestit komunist te marksit.megjithe respektin qe kam per mendjen fort te ndritur te D Agollit nuk shoh se ku qendron ndryshimi i thirrjeve per revolucion proletar dhe zhdukjen e borgjezise dhe thirrjeve per shfarosjen e  cifuteve.te dyja jane thirrje urrejtje e shfarosjeje te nje grupi e klase te caktuar..Persa i perket merakut se mund te infektoje miletin ata qe e kane mendjen per se prapthi do te fandaksen edhe sikur te lexojne biblen e kuranin.

Botimin e ketij libri ne shqip dhe faktin qe eshte bere aksesibel per te gjithe une nuk e perkrah. Opinioni im eshte qe ne shqiptaret kemi kulture te dobet demokratike. Duke qene te tille ekspozohemi perpara ideve kunder te cilave nuk jemi te imunizuar. Nuk eshte fjala ketu se do te ngrihemi per te shfarosur çifutet, sepse kete nuk po e bejne dot shume e shume te tjere armiq te Izraelit dhe popullit çifut prej qindra vjetesh. Fjala eshte qe te nje pjese e dobet ( e pashkolluar siç duhet) e popullit tone do te mund te ringjallen ide te racave dhe super-racave. Trajtimi inferior qe historikisht u eshte bere çameve, jevgjve, arixhinjve etj. eshte nje embrion i rrezikshem per ringjalljen e ketyre ndjenjave.

Me nje fjale, libri mund te jete botuar ne shume vende te botes, por efekti qe shkakton eshte i ndryshem  ne mvartesi te nivelit te atij qe e lexon...

 

Opinioni im eshte qe ne shqiptaret kemi kulture te dobet demokratike. Duke qene te tille ekspozohemi perpara ideve kunder te cilave nuk jemi te imunizuar."

Censura nuk eshte zgjidhja e problemit sepse keshtu kthehemi ne kohen e dulles kur njerezve nuk u lejohej te degjonin radiot e huaja sepse njerezit degjeneroheshin.

Cfare propozon ti Alba si zgjidhje te problemit ? 

Sipas teje mund te quhet censure edhe ndalimi i krijimit te partive komuniste apo fashiste, po ja qe USA, i ashtuquajturi vendi me demokratik ne bote, e ka kete ligj. A eshte kjo shkelje e te drejtave te njeriut ? Mbase... Fakt eshte qe egziston nje rregull i arte i shoqerise civile demokratike i cili na thote: "Lirite dhe te drejtat e tua marrin fund atje ku ato prekin lirine dhe te drejten e dikujt tjeter". Rregullatori, ose me mire arbiter ne kete rast eshte shteti. Jo cdo ndalim na shpie ne kohen e Dulles. Ka dhe ndalime qe bejne mire...

Anarkia eshte vdekja e shoqerise civile. Historikisht prirjet anarkiste jane karakteristike e vendeve relativisht te varfra e qe nuk drejtohen mire politikisht. 1997 - ta ishte prove e frikshme..

Sipas teje mund te quhet censure edhe ndalimi i krijimit te partive komuniste apo fashiste, po ja qe USA, i ashtuquajturi vendi me demokratik ne bote, e ka kete ligj.

Partia kamuniste egziston ne shba, po ashtu dhe ajo socialiste, ashtu si edhe racistet e KKK ,nazistet , militia dhe ekstremistet e te gjitha ngjyrave.Antisemitizmin nuk e shpiku hitleri .Gjermanet pas luftes se pare boterore si pasoje e paqes se versajes  u gjenden te vithisur ne nje humnere te thelle ekonomike e sociale.Njerezit po perpiqeshin te kuptonin se si ai komb dikur krenar e me arritje te shquara u katandis ne ate derexhe.Kjo gjendje i dha udhe lindjes se shume teorive disa prej te cilave hitleri i perqafoi dhe ua artikuloi ne menyre bindese masave te cilat ishin te etura te degjonin ate qe kishin qejf te degjonin .Pra ishte koha ajo qe krijoi hitlerin dhe mein kampf dhe jo hitleri kohen.Edhe kur u botua ne gjermani mein kampf nuk u prit me ndonje sensacion te madh.Libri ishte dhurata me e perhapur ne kohe te nazizimit por ne pjesen derrmuese zbukuronte raftet e bibliotekave personale pa u lexuar  ashtu si veprat e enverit dikur tek ne.

"Partia kamuniste egziston ne shba, po ashtu dhe ajo socialiste, ashtu si edhe racistet e KKK ,nazistet , militia dhe ekstremistet e te gjitha ngjyrave.."

Ka ndonje prove legale qe qeveria amerikane e njeh kete falt dhe nuk nderhyn ?

Ketu nuk flasim per egzistence, por per legalizim. Mendoj se arrin ta besh dallimin. Nuk eshte e njejta gje...

 

Ka ndonje prove legale qe qeveria amerikane e njeh kete falt dhe nuk nderhyn ?

KKK dhe neonazistet bejne sa here tubime.persa kohe qe tubimet e tyre jane paqesore ata kane te drejten e mbledhjes dhe te fjales se lire.gjithashtu ata kane edhe publikimet e tyre.

Do te shtioj nje gje te vogel Alba , per budallejte e paragjykuar me kacurela smiley perfshi jo te gjithe Gjonrit smiley

Ne mes te Manhatan , ne Taims Skuer , 200 - 300 veta  , te kufizuar nga 3-4 Police te paarmatosur me duar prapa , ndigjonin nje neotrockist qe bente Thirrje per "rezim te pushetit Imperialist me DHUNE " te perforcuar me Megafon ....

Si e lene ? ...pyeta si Bub qe jam smiley

wau ...po ai ka paguar per sheshin dhe kohen ...... Kjo qe pergjigja!

Biles thone qe edhe Berisha kishte paguar si ish Komunist te shtypte Butonin e NASDAQIT per te zeze te Ekonomise Kapitaliste .

Persa i perket Driteroit mendoj se duhet LEXUAR jo komunisteshe . Ai flet duke e ndare pikpamjen ne menyre Shkencore jo halabakeri liberealesh botuesish e palexuesish.

Ai thote qe mbas nuk bene per PUBLIK Masiv ( ky eshte mendimi TIJ i argumentuar me nxitjen e Racizmit )Por eshte i dodmosdoshem per Biblioteka . Ndersa per KOHEN ?

Eh sa vuvuzele ka qe thone kam mend smiley sipas parimit "ti ke mendimin tend une tund koken time " Poshte Driteroi !

O Idriz.

N.q.s. ndjek kronologjikisht ate qe une dhe Alba diskutojme ketu siper, si dhe n.q.s. ke nje nivel gjykimi pak nen mesataren, do kuptosh qe kjo qe ti shkruan ketu me siper eshte idiotizem dhe do skuqesh pak.

Une opinionin tim e kam dhene per botimin e librit ne Shqiperi dhe per kulturen e te kuptuarit nga populli im dhe yti. Ti me tregon se ç'ndodh ne Dardanele, (Taims Skuer), aq me teper qe dhe genjen... Te mblidhen 200 - 300 vete bashke ne Manhatan, do te shoqerohen te pakten nga 30 police, kurse ti na thuake se ishin kufizuar nge 3-4 police...

Ik vllai, bej ndonje piza deliveri dhe mos u fut ne kto diskutime... 

N.q.s. ndjek kronologjikisht ate qe une dhe Alba diskutojme ketu siper, si dhe n.q.s. ke nje nivel gjykimi pak nen mesataren, do kuptosh qe kjo qe ti shkruan ketu me siper eshte idiotizem dhe do skuqesh pak.

smiley

Nejse s'ke faj, shumica (perfshire edhe mua) nuk arrijne t'a kuptojne tamam personazhin e lartpermendur. smiley

Harrova te te them...

Ishallah nuk te ka kapur atje tek tubimi ndonje kamera. se ben vaki qe nje mengjes te gdhihesh i tredhur nga FBI, kuptohet po te kesh nga ato te rrumbullaktat...

Lexoje kete ketu, po qe se di te lexosh.

Eshte pjese e kushtetutes se vendit ku ti jeton....

USCTitle 50Chapter 23Subchapter IV › § 843

(a) Whoever knowingly and willfully becomes or remains a member of

(1) the Communist Party, or (2) any other organization having for one of its purposes or objectives the establishment, control, conduct, seizure, or overthrow of the Government of the United States, or the government of any State or political subdivision thereof, by the use of force or violence, with knowledge of the purpose or objective of such organization shall be subject to all the provisions and penalties of the Internal Security Act of 1950, as amended [50 U.S.C. 781 et seq.], as a member of a “Communist-action” organization.  Po te kesh nevoje per perkthim pyet Alben.

 

Si bub nuhates dhe kacurel ,  ke te drejte , se kush dreqin e kupton sa mend kane shqiptaret qe dine te Kuptojne Kushtetuten dhe amendementet e USA smiley Keshtu qe nder kercenimin e Lehjeve te tua megjithse BUB dhe jo QEN Stani , terhiqem dhe ta them me Plot Gojen qe nuk kam degjuar Krisma .....dhe te jap te drejten pas gjithe kesaj Ligjerate triple , te dalesh ne Interviste e te thuash mu ne mes te PPU : 

E shikoni pra qe krisma nuk ka patur  E pranoi dhe Idrisi smiley !

 

Nuk e kuproj se ku i kane mare te drejtat per te perkthyer edhe botuar librin ne shqip. Te drejtat per librin aleatet ja kane dhene qe pas gjyqit te Nuernberg landit te Bayern e ata nuk shesim me kete te drejte.

Bile nje gjykate para pak ditesh ndaloi te botohen pasaxhe te librit ne nje gazete ekstreme me arsyetimin qe te drejtat i ka landi.

Te ndalosh librin per masat nuk eshte cenzure. Kush do per studime mund ta lexoj librin ne gjuhe te huaj. Une jam kunder per shitjen e ketij libri per masat e gjera per shkak te arsyeve qe u thane edhe me siper. Kultura jone demokratike le shume per te deshiruar. Ne nuk dime te trajtojme te kaluaren tone me gjakftohtesi dhe llogjike e jo pastaj te te tjereve. 

Libri me i mire qe eshte botuar deri tani ne shqip. Shpresoj qe kete liber ta lexojne sa me shume shqiptare dhe te nxjerrin mesimet e tyre personale se cfare duhet te bejne qe te huajt sahanlepires ballo-fevzi-lubonjo-maloker-katunare-ministri ambjentit - keshilltari ps per sigurine qe i kemi pranuar ne mes tone i beme njerez e i edukuam e i dhame besim dhe tani po na e kthejne me kete menyre...

Libri me i mire qe eshte botuar deri tani ne shqip....

smiley

 

Art e kupton mire ti se cfare dua te them une me kete  smiley

Aman ,vetem Berisha mos ta lexoje kete ,se ia kam friken budallit.smiley

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).