Shqiptarët ortodoks të viseve shqiptare të Kosovës, Malit të Zi, Serbisë dhe Maqedonisë, na mbetën si të ndarë dhe ne i quajtëm shkije! Falë shkizmës. Mirëpo, a e merituan ata këtë veçim? Kush ishte shkaku që ata mbetën të ndarë nga trungu shqiptar?

Shqiptarët do t’i fitojnë të gjitha luftërat, posa ta kenë përfunduar betejën e fundit mes vete. 

(Mit’hat Abdyl Frashëri)

Shqiptarët ortodoks të viseve shqiptare të Kosovës, Malit të Zi, Serbisë dhe Maqedonisë, na mbetën si të ndarë dhe ne i quajtëm shkije! Falë shkizmës.

Mirëpo, a e merituan ata këtë veçim?

Kush ishte shkaku që ata mbetën të ndarë nga trungu shqiptar? Dhe me kalimin e kohës ata (por jo të gjithë) e gjetën veten diku tjetër, me të njëjtën fe por me një gjuhë tjetër. Ndërrime shumë të mëdha ndodhën në kombin tonë. Pse ata (shkijet -shqiptarët ortodoks, të viseve të përmendura më lartë) me lehtë e kishin për të jetuar nëse e flasin një gjuhë tjetër se sa të ishin ortodoks dhe të flisnin shqip? Kush e favorizoj këtë gjendje? Dhe, kush përfitoi nga kjo? Nëse e përcjellim me vëmendje historinë e përtëhuajsimit tonë, në këtë rast të shqiptarëve ortodoks, do të shohim se një rol të madh e luante fakti pse të tanët nuk e krijuan më herët dhe shumë më herët Kishën Ortodokse Autoqefale Shqiptare.                                                                                                             

Një pyetje së cilës i duhet dhënë përgjigje herët a vonë!

Deri me ardhjen e turkut e gjerë në shekullin XV-të, nuk kishte shtet serb, nuk kishte organizim të një shteti të mirëfilltë serb. Vladimir Çoroviq, në historian serb shkruan: “Dushani e krijoi një principatë e cila nuk ishte serbe, por e përzier, e përbërë nga Serbët, Helenët dhe Arbanasit (Shqiptarët). Qëllimi tij ishte që të pushtonte Konstantinopolin dhe të bëhet trashëgimtarë i Imperatorisë së kohës. Car dhe si i tillë, sundimtar i Ballkanit dhe i serbëve të tij (?) (në atë kohë serbët ishin në pakicë e Car Dushani- arbanas ortodoks.)”. Ndërsa studiuesi tjetër serb Lazo Kostiq shton: “ Nemanasit (Nemanjiqët-sipas atij) kishin mundur të sundojnë Bizantin, por jo serbët” (Sepse nuk kishte Serbi). Historia serbe flet ndryshe, flet ndryshe dhe e gënjen historinë ndryshe.

Dëshira dhe instinkti i të mbijetuarit më tepër si ortodoks se sa si shqiptar, u favorizua shumë me ardhjen e turkut, sepse në një moment historik, gjateë kohës së ‘çlirimtareve’ otoman, popullata jonë, ka pasur vetëm dy mundësi: të mbetet ortodoks, ose të sllavizohet ose të islamizohet, ‘turqizohet’, që kinse të shpëtoj nga sllavizimi (f.m.). Lindi një marrëveshje e re në mes të Kishës Ortodokse të Konstantinopojës dhe të Osmanllinjëve: “Ose Turk ose Ortodoks”. Për katolikët nuk kishte vend. Por edhe për shqiptarët në përgjithësi nuk kishte vend, në ato rrethana të reja. Kështu filloi shkarja edhe më e madhe…

Shqiptarët ishin gjithmonë halë në sy për pushtuesit sllav dhe osman dhe më vonë gjatë shekujve i të dyve. Në fillim ndarës e më vonë në bashkëpunim i kushtëzonin shqiptarët që të kalojnë në serb-ortodoks ose në mysliman-turk. Metodat ishin nga më të ndryshmet, nga ato të dhunës e të vrasjeve e deri në ato të joshjeve të posteve dhe të pasurisë. Historia jonë është e gjatë. Historikisht i kemi mbushur fronet mbretërore që nga romakët me perandorë, te sllavët me Cara dhe Krala, te turqit me vezirë, pashallarë e Sadri Azema.

Pra siç pohova dhe më sipër, me ardhjen e turkut u hapën dy dyer me të njëjtin drejtim atë të ikjes, dy dyer të shkuljes nga trungu shqiptarë. Njëra nëpërmjet ortodoksizmit, në shkije e më vonë në Serb; e tjetra nëpërmjet myslimanizmit, në myslimanë e vonë turq. Ky është një vrojtim për shqiptarët e viseve të cekura më lartë.
Në arën tonë të historisë është lëvruar shumë, është lëvruar që nga parmenda, plugu i tërhequr me buaj e deri te mjetet më moderne e lëvrimit; lëvruesit e kanë mbjellur farën e tyre në tokën tonë sipas dëshirës, midesë dhe planit së tyre dhe ne kemi “mbirë” ashtu si e kanë dëshiruar ata.
Fryti historik i kohës është caktuar, ka qenë gjithmonë i klonuar sipas dëshirës së të tjerëve, aspak, e as një fije nuk i ka ngjarë të vërtetës!

Historia, e më këtë dhe e vërteta është fshehur!

Pse Serbia duhet të heshtë?
Kur e bëjë këtë pyetje e di dhe përgjigjën. Kjo është në nderin e saj që përfundimisht të bindet, t`a bindë popullin e vet se që të gjithë kanë qenë të mashtruar dhe të gënjyer në mënyra të ndryshme për Historinë e tyre.
Gjyshi i Karagjorgje Petroviqit, udhëheqësit të Kryengritjes së parë serbe, ka qenë Shqiptar dhe se ai është quajtur Gjin Marash Këlmendi, thuhet në librin “Karagjorgjeviqët- historia e mëshefur” Autorët e librit janë Milorad Boshnjak, gazetar dhe Slobodan Obrenoviqi, inxhinier, i cili është pasardhësi i drejtpërdrejt Jakob Obrenoviqit, djali i axhës së Knezit Serb Milosh Obrenoviqit, ( Obrenoviqët, nipat e Karagjorgjeviqëve).
Libri është i bazuar në “Glasnik Zemaljskog muzeja Bosne i Hercegovine”, viti 1910, numër 22 që tregon ardhjen e Kelmendasve dhe të familjes së Karagjorgjeviqëve nga rrethi i Shkodrës në rrethin e Novi Pazarit, rreth vitit 1737. Autorët; Boshnjaki dhe Obrenoviqi, thirrën gjithashtu në veprat e Andrija Luburiqit të vitit 1937, ku thonë se Kelmendët e kremtonin dhe e mbanin Shën Klimentin (Kelmendin) e Romës, të cilin e mbanin edhe Karagjorgjeviqët. Autorët theksojnë që i biri Aleksandri dhe nipi Petri e ndërruan më vonë të shenjtin e tyre. Autorët theksojnë se edhe Kral Petri e dinte prejardhjen e tij, prej shqiptari, por e din edhe Mbreti i Serbisë në migrim, Aleksandri i sotit.
Letrari dhe kryetari i Akademisë së Shkencave dhe Arteve të Duklës, Jevrem Bërkoviqi e vërteton të njëjtën për përkatësinë shqiptare të Karagjorgjeviqëve dhe shton se Akademia Serbe “SANU” gjithmonë e mohon këtë por nuk mundet ta dokumentojë! Ekzistojnë bile edhe thënie se Karagjorgje iu fliste shqip bashkëluftëtarëve të tij në Peshter në Kryengritjen e parë Serbe 1804, kundër turqve, ose që fliste shqip në familje dhe se serbishten nuk e dinte mirë.
Me këtë kryengritje filluan themelet e shtetit serb.
Edhe shkrimtarje amerikane Ana Di Leilo, e vërteton prejardhjen shqiptare të Karagjorgjeviqëve, në librin e saj: “Lufta e Kosovës”.
Serbia duhet të heshtë gjithashtu, sepse themelet e shkrimit të tyre vijnë nga një shqiptarët (për ne, shka); themeluesi i alfabetit të tyre ishte Vuk Karaxhiqi, i cili i kishte rrënjët në Vasojeviqët e ata nga Kelmendët.

Viti 1804, viti i tërbimit turk mbi Beogradin. Çka është nënçmuese për Serbët për tu përmendur ky vit   si dhe këtë tërbim turk?

Qëllimi i shkrimit nuk është që të kërkoj vëllazëri prej gjaku prej Serbëve; larg e shumë larg nga ajo -por që serbët të mbyllin gojën dhe t’iu rikujtojmë atyre se shqiptarët janë ata që i formuan dhe formuan si shtet dhe si komb… Historia punon me fakte dhe dokumente, me gjurma tekstesh të cilat së bashku vendosën në një tërësi koherente dhe e cila e prodhon të Vërtetën.
Qëllimi i sintagmës i krishterit në ushtrinë turke, pra nuk është në atë që të zbulon por në atë që të fsheh dhe të heshtë prejardhjen kombëtare të Kondo Bimbashit. Petrit Imami në librin e tij “Serbët dhe Shqiptarët gjatë shekujve” citon që Kondo Bimbashi ishte komandant i çetës së Epirotëve, në ushtrinë turke të kohës, një shqiptar ortodoks i Epirit. Edhe historianit serb, pro-serbi i së “vërtetës serbe”, Vladimir Stojançeviqit, në librin e tij, ku shqiptarët nga urrejtja i quan Arbanas e jo Albanac thot: “Në mesin e kryengritësve ishte edhe Kondo Bimbashi, shqiptari ortodoks i kufirit të Toskërisë dhe Epirit”.
Kush ishte Kondo Bimbashi pra?
Në natën e 5 dhe 6 gushtit 1804, pas një beteje të përgjakshme e shpëtuan Kalanë e Beogradit nga turqit, pra ky ishte nga fillimi i kryengritjes së parë Serbe.
Kryengritjen e përmendur jo vetëm që e udhëhoqën shqiptarët por e ndihmuan edhe shqiptarët që iknin nga ushtria turke edhe shqiptarët e Kelmendit, Grudës dhe Shoshit. Shënimet flasin se edhe shqiptarët e Toplicës dhe të Nishit ndihmuan në kryengritjen serbe,
Kurse Vuk Karaxhiqi duke u bazuar në traditën popullore (Cilën, shqiptare apo serbe?) e ka të shënuar edhe këngën epike për Jani Kondon (Kondo Bimbashin), me prejardhje Arnaute dhe e ngritë atë edhe më lartë se mitin serb Kraleviq Markon.
Kështu serbët, në vend se t`i korrigjojnë padrejtësitë historike ose të forcojnë të vërtetën universale, paraqitën me figurën e shqiptarit si armik të përhershëm, një armiqësi e ngulur aq shumë në mendjen e tyre saqë iu është e pamundur të mendojnë diçka tjetër apo diçka ndryshe. Është interesant rasti i Jani Kondos dhe logjika serbe e urrejtjes shkon aq larg që meqenëse Shqiptarët janë armiq të serbëve kurse Kondo mik i tyre; Kondoja nuk durohet si shqiptar. Edhe pse Kondo, para dy shekujsh ishte ai që ishte, sipas mentalitetit serb, kishte për të qenë më mirë sikur Kondo të mos kishte lindur kurrë. Ose sikur mos të kishte bërë atë që e ka bërë, sepse serbët “më lehtë e kishin pasur të mbeteshin pa Beogradin se sa të përmendin shqiptarin -armikun, çlirimtarin e Beogradit”.

Kondoja nuk përmendet nga shqiptarët sepse ishte shka (shqiptar ortodoks), por as nga serbët sepse ishte shqiptar.

Pllaka e vetme ku përmendet Kondo në Beograd, shënimi i një rruge; ai s`është për krenarinë e serbëve. Në pllakë shkruan: “Kondo Bimbashi, I krishteri në ushtrinë turke, në kohën e rrethimit të Beogradit në vitin 1806 (?). Në momentin vendimtar ka kaluar në anën e serbëve dhe më të vetët i ka hapur Kapitë e Beogradit”.

Serbët është mirë të heshtin se e kaluara e tyre nuk është se si e thonë dhe e tregojnë ata, por ashtu se si ka qenë; nuk duam te jemi vëllezër me ta por t’iu bëjmë të ditur (edhe pse e dinë fort mirë) se familjet e Lekiqëve, Nikiqëve dhe Daciçëve janë shqiptarë ortodoks.

Pra rrethanat favorizuese për ikjen e shqiptarëve ortodoks nga trungu i tyre ishte turku dhe mençuria e popave të kishës serbe, të cilët ishin promotorët e krijimit të shtetit serb. Zatën, edhe sot si kor, Kisha Serbe ta pranonte të vërtetën historike të tyre, gjërat kishin për të shkuar në rrjedhën e tyre natyrore.

Albanian Observer

49 Komente

wooowwww! Shqiptaret kane themeluar Egjiptin e ri; Shqiptaret kane udhehequr Osmanizmin; Shqiptaret kane themeluar Greqine moderne; Shqiptaret paskan themeluar edhe Kombet Serbe e Malazeze! Gjuha Shqipe eshte trungu i gjuheve Boterore.....  dicka si shume qesharake kesiso Shqiptarizmash te patrioteve pa atdhe...... hmmmm.......... ah cdo te ishte kot kjo Bota e sotme pa Shqiptaret....

 

P.S. A nuk e themeloi Austro-Hungaria Shqiperine londineze? A nuk e cliroi dhe pavarsoi Kosoven USA e Gjermania? A nuk, a nuk, a nuk... jemi kombi me i varfer, prapambetur, urryer, injorant e pakulture ne Evrope sot e mot?

Merruni me ndonje pune, shkolle, profesion a liber u injorante internetesh se lat nom!!!

kev

Kevinjo na more, ulu e merre shtruar se këto janë  fakte që dihen, nuk i ka shpikur ai që ka shkruar artikullin as unë as ndonjë tjetër.

!!!

E Postova kete artikull, pasi lexova shume gjera qe nuk i dija me pare....kush nga ju di ndonje gje me teper historike rreth mardhenive paramoderrne mes sllaveve dhe shqiptareve, bujrum..... tashti do merrrem me leximin e korenspondences se zotos me Gencin...... dhe te shofim se mos ka ndonje gje te re nga ky bashkebisedim.....

gencit me mostertin, o katrapuz se na mpive. smiley

Zoto, e kisha llafin me autorin dhe Gencin....., nejse e lexova dhe me pelqeu kembengulja e Gencit per ti mbushur mendjenn asaj tarallakes amerikone qe nuk e dinte se ku ishte Shqiperia dhe ç'perfaqeson konflikti sllavo - shqiptar..... Po nje gje nuk me pelqeu nga Genci qe edhe ajo trushkulura ja kishte vene ne dukje...pse nuk ja plasi me ndonje link apo ndonje material arkeologjik per pranine iliroshqiptare ne Kosove....? Ndoshta nga mosdija, po agresiviteti me pelqeu......

Sepse jane emaile dhe eshte komunikim u tille. Nuk eshte per te hedhur themelet e historise e aq me pak t'i mbushe mendjen nje dhie te tille. Ajo ka pass shkruar ne nje site qe quhej the conservative voice. Ku gencua ka botuar nja 3 artikuj pas vrerit qe volli kjo per kosoven. Nuk ka patur fare nevoje per prova arkeologjie.
ke dhe nje komunikim me nje grek... edhe ky vrervjelles kunder shqiptareve.
Linkun e solla se pershtatej me artikullin dhe e ploteson

smiley e meriton Genci kete.......

 Deri dje e kisha me përtesë një angazhim timin në këtë temë, por sot, kur pashë se shkrimi i z. Fahri Xharra kish zënë vend në shtypin e përditshëm shqiptar, e ndjeve detyrë të bëhesha pjesë, për arsyet që do t'i shtjelloj më poshtë:

 Po bëhen rreth 4-5 vjet që Shtëpia Botuese "Lio" në Gorni Milanovc, ka botuar librin "Karadordevici-Sakrivena istorija" (Karagjergjoviçët-Histori e mbuluar), të bashkëautorve Milorad Boshnjaku dhe Sllobodan Jakovleviç. Ky i dyti, është pasardhës i drejtëpërdrejtë i vëllait të Knjazit serb, Millosh Obranoviç. Libri nuk kaloi pa u vënë re dhe pati shitje e komente. Zhvillimet që z. Fahri sjell në shkrimin e hedhur te Peshku, i merr nga ky libër. Një pjesë të opinioneve i ka të tijat, përgjithësisht të drejta. Por ajo ku gabon autori, i kapërxen të mirat dhe bën dëm, shumë dëm. Dëmton dhe shtrëmbron të vërtetën.

 "...dhe ne i quajmë shkije! Falë shkizmës.", thotë autori që në hyrje. E ka fjalën për ortodoksët shqiptarë të veriut. Duhet të jesh ose i paditur, ose një guximtar shumë i madh të marrësh përsipër që me nocionin Shka/ Shqa/ Shkja/ Shkje/ Shkinë, që janë e njëjta gjë, të kuptosh shprehjen që shqiptarët e tjerë. kryesisht myslimanë, u thonë shqiptarve ortodosë. E gjithë kjo nuk është e vërtetë dhe përbën një shtrembërim të etimologjisë së fjalës. Fatmirsisht, këtë nuk e them unë, por e kanë thënë autoritete të albanologjisë, si Meyer, Miklosich, Hetzer dhe, mbi të gjithë, një studim i Bardhyl Demiraj, "Shqa in Albanischen - Sklavus".   Etimologjia e nocionit "Shkja", ka qarkulluar në rrethet albanologjike e gjuhëtare prej Kohësh. Përfundimi shkencor është: me "Shkja", shqiptarët quajnë serbët, sllavët e jugut. Fjala nuk përbën thirrje fyese, por jep emërtimin që këta popuj mbartnin nga Perandoria Romake, të cilët, poupujt e pushtuar e të nështruar nga sundimi i tyre, quheshin "sklavus" (skllav). Madje, me këtë emërtim thirreshin edhe gjermanët.

 Nën ndikimin e pseudohistorianve Ahmeti e pseudogjuhëtarve Lala, të cilët, kur para disa vjetësh bënin në "Gazeta Shqiptare" shpjegimin etimologjik të fjalës "Lugat" dhe "Shqa", e ilidhnin të dy këto fjalë me praktika kishtare, ndonëse në atë kohë u panë me nënqeshje e me indiferentizëm, tani shohim se autori Xharra i merr si të vërteta. Pikë e zezë, ç'na gjeti me këta!

 Jam i bindur se shumica e peshqve mund ta dinë ç'është "Skizma", të cilën autori e sjell në formën "Shkizmë", por lejomëni t'ua risjell në kujtesë. Bëhet fjalë për një ngjarje kishtare të ndodhur në vitin 1054, të quajtur "Sinodi i Nikesë", në të cilën hierarkët ortodoksë refuzuan dogmën e re mbi futjen në Shpirtin e Shenjtë, krahas Atit, edhe Birin (formulim i cili gjendet sot në pagëzim). Ndodhi ndarja e madhe në të Krishterë Katolokë e Krishterë Ortodoksë. Kjo ndarje mori emrin "Skizmë". Në këtë mot, sapo kishin filluar kontaktet e para mes shqiptarve e serbve dhe dndjet sllave nuk kishin depërtuar deri në ato caqe që të ndikonin në gjuhën shqipe.

 Fahri! kështu është kur përpiqesh të na vësh vetulla e na nxjerr stë.

 

 

Petro, fjala "shkau" nuk rrjedh aspak nga fjala "sklavus" dhe kjo eshte fakt i arsyes se thjeshte historike. Sllavet e ardhur ne Ballkan nuk ishin skllav! Ata kaluan lumin Danub me miratimin e Perandorit Romak pas marrveshjes se prijesve te tyre me Perandorin vete. Problemi qe doli ishte se perandori Romak nuk mund ta dinte se ne kufinjte matane Danubit ishin kaq shume Sllave qe prisnin te dyndeshin ne hapsiren Romake dhe kjo mase e madhe sllavesh + dobesia ushtarake e perandorise Romake paralizoi nje kunder-veprim ndaj popujve sllave. edhe njehere, sllavet nuk erdhen si Skllave por si dyndje epokale dhe kjo rrezon tezen tende te ngjashmerise se fjales "shka" me "skllav"! Edhe sikur te kishte nje fije vertetesi ne kete tezen tende, kjo rrezohet lehtesisht nga fakti se asnje popull tjeter komshi te sllaveve nuk i therret sllaveve me nocionin "shka"!

Me fal qe te korrigjova por faktet jane fake dhe nuk mund te shprehesh teza qe tingellojne si "Athina" vjen nga fjala Shqipe "E thena" - kjo eshte injorance e patrioteve pa tru e provincial...

kev

 @kevinjon@! As që më shkon ndërmend të hedh në këto forume sociale TEZA, ku pa drojë, gjithësecili, prapa nofkave që poston, bën gjuhtarin, historianin, albanologun, etj. Nuk mbroj veten time, apo tezën time, se s'kam të tilla. Unë, në komentin e mësipërm nuk hedh teza, por mbaj qëndrim. Pozicionohem në raport me dijet e artikullshkruesit, i cili mund të mos ketë dieni se rreth etimologjisë së nocionit "Shkja", qarkullon një TEZË e qëndrueshme, që nuk përputhet me të e shpjegimet e tij, pra mbroj të vërtetën, e cila është shtjelluar gjersisht në veprën e Bardhyl Demiraj. Merreni, lexojeni dhe nëse nuk jeni dakort me të, hapni një diskutim tek Peshku, apo në shtypin shqiptar, madje, jeni i lirë të bëni edhe një punim shkencor. Kundërshtojeni, po jo me argumentet e mësipërme se nuk janë të mjaftueshme. Nëse duhet korigjuar ndokush, ai nuk jam unë, por Demiraj dhe Meyer. Përsa më përket mua, jam dakort me gjuhëtarin Demiraj, rreth etimologjidë së fjalës "Shkja".

Petro, E shoh qe u nxehe, rri i qete se muhabet po bejme, jo personale!

Petro, ne nje faqe si kjo eshte normale qe te gjithe bejne historianon, gjuhetarin e albanologun sepse mos te ishte normale atehere prurja ketu e tezave shkencore apo perfundimeve shkencore nuk do te ishte normale pervec se do te ishte normale vetem aty ku duhet te diskutoheshin ne ato rrethe ku identifikohesh me libreze si teknik i pocatcem. Jemi dakord ketu? ok.

Une nuk perrallis se jam teknik i specializuar ne ato fusha qe permend por kam nje shpjegim te thjeshte, kuptueshem dhe njohuri baze per te mos rene preh e lloj lloj "perfundimi" shkencor qe nuk me serviret si duhet dhe aq me pak te bindin. Une nuk kam nevoje as te lexoj dike dhe as te gjurmoj dike tjeter qe ka marre ne dore te na binde per dicka qe 100 te tjere mendojne te kunderten. Ato qe di jane te mjaftueshme per ta hedhur poshte bindjen tende ashtu sic u shpreha me larte.

Ti po pate mundesi, me verteto te pakten se Sllavet kane qene skllave te Romeve ne keto troje dhe une terhiqem nga debati si i humbur ok?

kev

 

 Kev! Bën vërtetë një kërkesë që ka vështirësi për t'i gjetur origjinën e burimin. Në periudhën më të errët të historisë europiane, shek. V-X, kohë kur dyndjet gote, visigote e hune, shkatërruan qytetërimin e Perandorisë Romake të Perëndimit, të kërkosh në kronikat e Perandorisë Romake të Lindjes, Bizantit, (edhe kjo në pjesë kohe, e rrënuar nga avarët) rrënjë e emrave, kur nuk njihen mirë ende rrënjët e popujve, është një teprim. Historiografia e popujve të qytetëruar e barazon nocionin skllav me sllav. Ata thonë (jo unë) se emërtimi sllav është rrjedhë e skllav.

 Kur vetë sllavët nuk dinë të shpjegojnë etimologjinë e emrit të tyre, pse duhet ta di unë se kush ua ka dhënë emrin? Serbët, mjeshtrit e trillimeve dhe miteve glorifikuese, a dini ju se si e shpjegojnë emrin sllav? Sllav = të famshëm (?!). Kanë disa variante shpjegimesh, por këtë mbajnë si më të pëlqyerën. Keni dëgjuar gjë më qesharake. Ajo që unë di mirë, është se deri në fund të shek. XIX, gjithë gadishullit Ilirik, më pas Ballkan, i kanë pas thënë Rumeli.

 Ishte kënaqësi që bashkëbisedova me ju Kev. Them se bindja ime për "Shkja", është më e besueshme.

Petro,

Nocioni "Shka" e ka ndoshta rrenjen thjeshte ne emertimet e ndryshme qe kishin Sllavet nga popujt e ndryshem qe u poqen me to. Perberja kryesore e emrit Sllav qendron rreth boshtit "Srb" qe ka kuptime te ndryshme si psh. "moter&vlla" nje forme kjo e hershme e trungut te bashkesise sepse ishin fise ne lidhje te brendeshme te gjakut, ose "Surb/surf/sirthb/..." qe kane kuptimin; me pire, burim lumi, thith gji, apo dicka me rrjedhje e uje. Po te shikosh gjuhet Angleze e Gjermane me kujdes, ata e ruajne perzierjen e fjalorit te tyre dhe perzierjen gjenetike te tyren me Sllavet ne falen "surf, saufen, saugen" qe ka kuptimin e te pires, lengjeve.... apo thithjes. Ka disa te dhena per emertimin e tyre si "sclavi/scklavener por kjo nuk ka te beje fare me formulimin tend qe e lidh me statusin e Skllavit (prones)! Sclavener rrjedh biles nga emertimi i dyte i Sllaveve si "veneter" qe sot eshte ne pikepyetje... Sllavet qe u dynden ne Evrope nuk e njihnin fare biles natyren e Skllaverimit dhe tek ata Skllaveria gati gati nuk ka ekzistuar kurre, ose me se shumti eshte praktikuar ne rrethana te vecanta dhe ne pak vende si shkak i kufizimit kulturor e fizik me popujt e tjere qe e praktikonin normalisht. Keto mund te kene qene jo vetem Romaket, por edhe Greket edhe Shqiptaret qe e kane pasur zakon skllaverine si status civil.! (edhe fjala "zakon" biles vjen nga Sllavishtja) Ka shume hipoteza por asnjera deri me sot nuk eshte pranuar si shpjegim perfundimtar!

Pra me e perafert mund te jete nocioni geg/kosovar "Shka" qe nuk eshte gje tjeter vecse fjala e vjeter Sllav ne gjuhen Shqipe, ashtu sic mund te thuash "Sorb/Serb/Srb/Sporen/scklavinen ne gjuhet e tjera Evropiane. Edhe tek popujt e tjere ka ndryshuar kohe pas kohe emertimi per keto popuj Sllave, sepse ata vete jane akoma ne shperberje apo ri-konfigurim te metejshem gjinor e kombetar. Shih Sllovenet e Sllovaket qe nuk e dine akoma se jane po te njejtet apo dy ane te njeta te se njejtes medalie.... Nuk ka te beje as me Skllav ne kuptimin e te shiturit dhe as me Shqiptaret ortodox qe jane Serbizuar ndoshta...Kjo eshte e vertete!

Kenaqesia eshte e imja smiley

Petro pershendetje.
a nuk mendon se nese "gjeografia" do te thoshte "gjeografi" para 2000 vjeteve, egziston shanci qe edhe sot te kete te njejtin kuptim? A nuk mendon se mund te mos jete gabim qe politiken ta perdoresh si ne togfjalesh me "e jashtme" edhe me "sociale", etj etjetjetj, dhe te mos jete gabim?
A mund t'u shpjegohet shqiptareve, por me teper serbeve se si u be kombi serb 7 miljon(vetem ne serbi) kur para 200 vjetesh Rashka mezi I kapte 250 000 banore?
kam shume deshire te marr nje shpjegim per kete.
Plus, nese peshqit mund te ndihmojne, ka patur nje teme ketu me ca rapsode boshnjake qe studiuesit gjermane I quanin "homere"... interesante ishte se shume strofa ata I kendonin ne shqip sepse nuk kishin perkthim ne serbo-kroatisht... interesante ta lexosh njehere, qe te mos zgjatem une kot.

 Zotrules! Shpjegimi që ju kërkoni është shumë i gjatë, do kohë, do durim për të lexuar, kërkon një bashkërendim referencash dhe mbase kërkon temë të veçantë. Kërkoju administratorve ta hedhin, se kam bindjen që do shërbejë për komente dobiprurse për dijet tona.

 Për sot, po mjaftohem pos me shpjegimin se, Serbët janë ndier në këto 150 vjetët e fundit mirë, ngrohtë, të përkëdhelur se i përkisnin familjes së madhe sllave, e cila edhe sot është e vepron në unitet. Do ta shihni këtë si shembull edhe njëherë në Eurovizion, në Azerbajxhan, nëse do lihet ay sistem vlerësimi. Po të shtosh gjithashtu, se ata kanë patur në shekuj dhe mbështetje e sulltaneshave, të cilat zakonisht ishin kurva serbe, bëhet kuptimplotë shumëfishimi i popullsisë në përmasat që ka sot.

 Po shqiptarët, çfarë familje kanë patur? Perandoria otomane i përdori në 400 vjet mish për top. Tepricat i merrnin oborret mbretërore europiane, si stratiotë. Edhe komandanti i fundit i jeniçerve, që përmbysi kazanin e fundit, ishte një turkoshak shqiptar. E lëmë me kaq për sot.

Nuk e di pse rri i terhequr, z. Petro. Nuk e marr vesh. E shoh se cfare po thua, e kuptoj. Po nje si ti, nuk duhet te rrije pa folur ketu. zhbrazi mendimet se njohuria nuk eshte monopol.

sa per cfare keni thene, matematika e e hedh poshte ate deklarate. qe serbet te jene15 miljone sot si komb, do te thote qe ata jane ende popullsi qe dyfishohet me ritem konstant fiks cdo 20 vjet; kur ne e dijme fare mire, nga vete deklaratat e shtetit serb, por dhe me statistika egzakte, qe serbet jane komb qe po zhduken. ritmet madje kane arritur ne nje perqindje (njeshifrore) te larte, cdo vit! Eshte e pamundur qe Rashka te kete qene 4 miljon para 160 vjetesh, se serbet sot, me keto ritme te "rritjes", do kishin qene me pak se nje miljon.

Atehere, a po flasim per sllavizim, apo jo??? para 150 vjeteve, Nishi ishte qender shqiptare, e poashtu Novi Pazari ishte Tregu i Ri, dhe sanxhaku ka qene nje nga krahinat me te bukura shqiptare, me burra me tradite te rende! E nese shkon nja 4 shekuj me thelle, kur lindin eposet e kreshnikeve, fillon e flet per Bosnjen qendrore dhe te eperme, se eposi duhej te vendosej ne Jutbine, zemren e Bosnjes; dhe duhej qe eposi yne te vazhdonte edhe ne serbo-kroatisht, apo bosanski, apo srpski, apo hrvatski. kenduar nga "vete ata" ("homeret" boshnjake qe po te flisja) me vargje te tera shqip sepse gjuha sllave nuk i ploteson te gjitha konceptet dhe perceptimet (shqisat) e shqiptarit. Don't you think? qe nje shqiptar qe flet prej dy shekujsh bosanski (edhe ne shtepi), perseri te mos dije se si t'u thote gjerave serbisht, sepse nuk kane fjale per gjuhen e te pareve te tyre, qe eshte shqipja, pra; e pranuar me gojen e tyre! Po nuk eshte e veshtire ta besosh, por po te mendosh mire, edhe ca shekuj me thelle ne histori, dhe arrite tek iliret. edhe ca shekuj me pare te shkosh, roma huazonte fjalen e bukur ilire "kuvend" (i burrave, ku mblidheshin burrat ilire dhe lidhnin besen!) dhe ta latinizonte ne "conventa". po ja mo, keshtu behet kombi, keshtu eshte historia. po jo si serbet de. c'do na duhej nje komb shqiptar neve po te merrnim vesh pas ndonje viti, shkencerisht dhe me fakte, qe jemi - fjala bie - greke ne gjak dhe gjen? Mitet do rrezoheshin, historia do zhbehej.

tani provoje kete perqasje me serbet.

Provoje t'u gjesh nje lubonjovsk edhe atyre per nje vit rresht! qe te dale neper media dhe te mohoje cdo gje shqiptare, cdo histori, qe te vjelle nate e dite, per cdo nate, i ftuar studiove duke mos lene idjotesi e hajvanllek pa thene kunder serbeve (sic bejne lubonjerit tane). ata do ishin "shthurrur" e shperbere si kavo celiku e tendosur!!! 

Atehere, pse nuk flasim ne? ne shqiptaret? nuk dime? nuk duam? apo "e leme me kaq"?

edhe sikur artikulli te ishte egzagjerim i perbindshem dhe abuzim me historine, cfare te thashe une me siper, ti e di qe qendron. more por edhe e ndjen ashtu. e di qe eshte e vertete.

 

Po he mor ktheja pergjigjen 'zotrules' me aq sa di, pa perqendje ose shifra! Dihet se sulltanet kane pase kurva me shumice, ne oborrin e tyre, dhe shume kane qene slave dhe serbe, mes te tjerave.
Nqs e shef serbine e 1700-1800 e shef qe ka qene shume e vogel, shume me e prapambetur se vendet e tjera te ballkanit, dhe te evropes qendrore.
Dihet qe shume serb kane origjine/DNA Shqipetare, shume emra luginash, malesh, drush, dhe fjale te sendeve qe jane vetem ne ballkan i kane Shqip.
Sa per Sllovakine, ata edhe tani permendin fjale qe nuk jane sllave, dhe emra vendesh, por e shprehin se jane emra te vendit qe ata kane zaptuar. Kurse serbt bejne serbe cdo gje ne ballkan - edhe skenderbeun Serb thone ata se eshte, nuk pranojne se ne tokat qe.jetojne Serb kane jetuar njerez te tjere para tyre, qe me te shumten do kishin qene rrace Shqiptare.

Përfundimi shkencor është: me "Shkja", shqiptarët quajnë serbët, sllavët e jugut.

Ndoshta eshte keshtu. Nderkohe, disa miq tanet Kosovare, te lexuar dhe qe i respektojme, na kane thene qe ne viset e tyre "shkja" u thone Shqiptareve te sllavizuar.

Shume interesant.

Jane shume te pake shqiptare qe po i futen historise se mesjetes Serbe ne kete forme.

 

 

po te zesh ne goje lubonjen quhet veper e ''turpshme'' dhe te fshihen komentet?

 

Ne nje fare menyre eshte veper e turpshme, per ty them, sepse nqs 9/10 postimet i ke me emrin e personit ne fjale, ne te pakten eshte shterpesi mendimi, ne te shumten nga keto ane i thone "stalking".

Megjithate mos e merr dhe aq ekstremisht, merre thjesht si cytje per ndonje fjale ndryshe, nqs ke deshire kuptohet.

 

po te jete per luftuar shterpesine,pajtohem,megjithese nuk kam shprese se mund te me vije qumeshtismiley.

po edhe personalitet e larta duhen ruajtur nga 9/11. 

kot nuk thoni ju nga anet tuaja teik it izi.po i fut nje amstel meqe u bere sebep

Ja dhe nje kendveshtrim tjeter ne interes te çeshtjes.....

 

Harta e rrallë, shfaqet për herë
të parë toponimi Terana
 Një koleksion i rrallë hartash, me 54 ekzemplarë, që i përkasin fondit të Bibliotekës Kombëtare janë dixhitalizuar. Tashmë ato mund të vizitohen nga kushdo në faqen zyrtare të Bibliotekës Kombëtare www.bksh.al. Finalizimi i këtij projekti u prezantua dje nga Drejtori i Bibliotekës Kombëtare të Shqipërisë Aurel Plasari, neritan cekal dhe drejtoi i qendrës albanologjike.. me pjesëmarrjen e një një varg studiuesish dhe të interesuarish. Hartat e rralla datojnë mes shekullit XVI dhe XVIII. Për dy prej këtyre thesareve, na flet shefja e departamentit të albanologjisë në Bibliotekën Kombëtare, Afërdita Sharxhi. Ajo na zbulon se njëra prej hartave, tregon rrjedhën e lumit Buna dhe Drin, para se këta lumenj të ndryshonin rrjedhë,. Si dhe toponiminë e fshatrave, qyteteve, etj. Po ashtu Sharxhi, na tregon edhe për hartën e 1689-ës, dedikuar Papa Klementit XI, duke vërtetuar origjinën e tij shqiptare, hartë në të cilën shfaqet për herë të parë toponimi Terana, për Tiranën e sotme. 

Znj. Sharxhi, çfarë informacionesh ofrojnë këto harta? 
-Koleksioni i vjetër i hartave ka vlera të rralla studimore. Përmes këtyre hartave jepen informacione për trojet shqiptare, ndryshimet historike të këtyre trojeve, ndryshimet gjeopolitike, etj. Veç asaj ato sjellin informacione me shumë rëndësi etnografike, informacion për toponiminë, sepse në to pasqyrohet toponimia e vjetër dhe si ka evoluar kjo toponimi nga shekujt e hershëm deri në fund të shekullit XVIII. 

A mund të përmendim disa prej hartave më të rralla të këtij koleksioni dhe ç’informacion na sjellin ato për herë të parë?
Do të përmendja këtu një nga hartat më me vlerë albanologjike dhe studimore, të këtij koleksioni, hartën e Vincenzo Maria Coronelli-t , hartograf i njohur i Republikës së Venedikut, që ka hartuar një numër të madh hartash. Një prej tyre është dhe kjo që tregon rrjedhën e lumenjve Bunë dhe Drin në Dalmaci. Kjo hartë ka vlera të jashtëzakonshme për studimet albanologjike, sepse jo vetëm se jep rrjedhën e lumenjve Bunë dhe Drin që sot kanë ndryshuar shtratin por ka vlera shumë të mëdha edhe historike. Ajo na ofron gjithë toponiminë e këtij territori, domethënë qytete të ndryshme apo fshatra, le të përmendim këtu qytete si Shkodra, Ulqini, Tivari, etj. Po ashtu jepen të dhëna statistikore, demografike si p.sh sa shtëpi janë të besimit mysliman, s atë tjera që i përkasin të besimit katolik, apo ortodoks, apo sa prej tyre janë shqiptarë, gjithashtu jepen edhe të dhëna që lidhen me lundrimin apo me tërmetet që kanë rënë. 
Pra i gjithë ky informacion i pasur ka vlera për studimet e ndryshme gjuhësore dhe etnografike, them gjuhësore sepse jepet topinimia e vjetër dhe si kanë evoluar sot emrat e lumenjve, të qyteteve, të maleve, fshatrave, etj. 

Cilit vit i takon kjo hartë?
Harta i takon vitit 1688.

Më thatë se diku ems këtyre hartave është edhe një që i është dedikuar Papa Klementit XI, i cili kishte origjinë shqiptare, apo jo…?
Po, bëhet fjalë për një hartë me shumë vlerë, hartë e cila u realizua nga Giacomo Cantelli, një tjetër hartograf i Republikës së Raguzës, shumë i njohur për kohën. Ai ka botuar hartën “Shqipëria e mirëfilltë, ose e Sipërme, edhe këtu pasqyrohen trojet veriore shqiptare përfshi edhe një pjesë të territorit të Kosovës. Kjo hartë ka mjaft vlera sa i takon informacionit që sjell. Për herë të parë në këtë hartë jepet edhe toponimia e Shqipërisë së mesme dhe për herë të parë përmendet emri i Tiranës me toponiminë Terana. Ka evoluar pra kjo toponimi, që nga viti 1689 kur tek kjo hartë del për herë të parë me emërtimin Terana. 
Kjo hartë ka vlerë dhe për faktin se botuesi që është Giacomo Rossi ia kushton këtë hartë Papa Klementit XI, i cili tashmë dihet është arbëresh nga familja Albani e Urbinos dhe në këtë kushtim, del qartë edhe origjina arbëreshe e Papa Klementit XI.

Po hartat e tjera?
Përveç këtyre ka dhe harta të tjera nga hartografë holandezë, francezë, ku paraqiten trojet shqiptare si pjesë perandorisë Osmane, ose harta ku paraqitet perandoria romake dhe trojet ilire, fiset e lashta ilire, toponimia, vendbanimet e vjetra ilire, apo kur hartografohen trojet serbe apo greke dhe si pjese e tyre paraqiten edhe trojet shqiptare. 

Përveç këtyre elementëve të vyer sa i takon përmbajtjes, çfarë vlerash të tjera ka ky koleksion?
Janë harta që kanë vlera jo vetëm për përmbajtjen e tyre, por edhe për ilustrimet. Janë mjaft të bukura, me ngjyra, me gravura dhe kanë interes edhe për studiuesit e artit. 

Ky koleksion do të vijojë të ruhet në Bibliotekën Kombëtare?
Ky koleksion ka qenë dhe është pjesë e Bliotekës Kombëtare, por për ta ruajtur e për t’ia zgjatur jetën këtij koleksioni u gjet një rrugë bashkëkohore që lexuesi, që mund ta shfletojë tashmë online dhe ta shfrytëzojë për interesat e tij. Sepse antikuare të tilla, kudo në botë ruhen me shumë kujdes dhe në këtë rast i ofrohen lexuesve e studiuesve përmes dixhitalizimit apo formave të tjera. 

(aq/shqiptarja.com)
 

 

Një koleksion i rrallë hartash, me 54 ekzemplarë, që i përkasin fondit të Bibliotekës Kombëtare janë dixhitalizuar. Tashmë ato mund të vizitohen nga kushdo në faqen zyrtare të Bibliotekës Kombëtare www.bksh.al.

Ku? Si?

S'po arrij me i gjet.

Qekan kput. smiley Faleminderit.

as une nuk i gjeta dot Olso...

 

Behet fjale per kete harte?

Behet fjale per koleksionin e rralle prej 54 hartash qe biblioteka e Shqiperise thote se ka vene online, por qe ne fakt deri tani s'kemi gjet gje.

hartat jane 52 dhe kerkimi dergon ketu po harta aty ska... smiley

Po shikoja harten qe postoi zotrules dhe me duket se behet fjale per te njejten qe gjeta ne wiki ndaj e hodha.

Nuk jane pra.

Derisa ti vendosin hidhi nje sy ketij portalit me harta (i rendit ne baze te zones dhe periudhes) http://oldmapsonline.org 

Po flisja me nje shok ne Shqiperi veres dhe ra muhabeti tek digj(xh?)italizimi i hartave... Po me thoshte per nje projekt (ndoshta fliste per kete portalin me lart) ne te cilin bibliotekat greke nuk kishin marre pjese, a nuk pranojne te vendosin ne dispozicion arkivat e tyre (me harta e shkrime) nuk e di sa e vertete eshte po me beri pershtypje dhe nuk me tingelloi si genjeshter... Di njeri gje?

Faleminderit.

Jo, nuk di cfare te te them.

Flm per prurjen.

Ore ku jane ata me flamur evrope, ...apo ata qe kane lane dheun e t'pareve per nji jete ma te mmire dhe qe shquhen per shkolle e kulture te nalte me na hap syte????? me sa po vej re.... gjate diskutimit tek ajo tema me maloke   ...nuk po e mbaj mend emrin, seç ishte njoni qe po e mbronte me shume zjarr tezen ....... se veriu ishte shume me i kulturum dhe me i arsimun se jugu dhe se komunistet per ket arsye i persekutun verioret... Dhe ja rasti, edhe per nje teme qe prek me shume verioret, dhe nga ku verioret mund dhe duhet te japin me shume te dhena dhe arsyetime per kete fenomen, perseri jane jugoret qe po e mbrojne me me shume zjarr kete artikull..... A thua se keta jane me te dijshem se ata.....???????????????????????

ps

ndoshta nga keto llafe vihen me shume ne seder dhe na e plasin......

kjo esht per ty alidemso.ene sjom as nga jugu as nga veriu.po e sjell ene un i lidhje

http://cronologia.leonardo.it/storia/aa1195.htm

kjo zdo me thon qe kta e kan t'verteten n'xhep po esht vetem nje tjeter kendveshtrim qe per mu i afrohet me shume t'vertetes.smiley

Ore ku jane ata me flamur evrope, ...

Here we aresmiley

E njejta histori edhe ne veri te Shqiperise, simetrike me ate qe ka ndodhur ne jug te saj.

Si gjithmone ne e kemi ngrene per gjera te vogla.

Noli ishte burre me mend, por fatkeqesisht erdhi shuuume vone.

Lindi një marrëveshje e re në mes të Kishës Ortodokse të Konstantinopojës dhe të Osmanllinjëve: “Ose Turk ose Ortodoks”. Për katolikët nuk kishte vend. Por edhe për shqiptarët në përgjithësi nuk kishte vend, në ato rrethana të reja. Kështu filloi shkarja edhe më e madhe…

Pikerisht! Lexon kete dhe ke marr pergjigjen per gjithe vuajtjet tona, por pse jo edhe per formen bixare te Kroacise.

 Të gjithë peshqit që nuk mundën dot, deri dje, të gjenin hartat, më poshtë do gjejnë një orientim. Janë aty, të hedhura online dhe lehtësisht të gjendshme.

-Hapet siti www.bksh.al

-Në krahun e majtë të faqes Biblioteka Kombëtare e Shqipërisë, tek grupimi "Lidhje të Shpejta", klikoni e-ALBANICA

- Hapet faqja e-ALBANIKA. në krahun e djathtë, tek grupimi i 4 lidhjeve, klikoni të fundit-poshtë, HARTA

- Sipas njohurive tuaja, zgjidhni të klikoni VEND, ose AUTOR, etj.

 Faleminderit për vëmëndjen.

Shume faleminderit Petro.

Nqs. je ti qe merresh me ate seksion, shtoni tek subjekti edhe "Shqiperia", "Albania", etj... S'mund te jete subjekti vetem "Gjeografia historike".

Per ata qe duan te shohin te gjitha hartat, klikoni mbi linkun e meposhtem:

http://www.bksh.al/gsdl/cgi-bin/library....

Faleminderit! smiley

i pashe hartat dhe mund te them se titullimet: Ja ketu tregohen trojet Shqiptare Albania + Iliria + Epir jane teper spekullative dhe nga nje kendveshtrim e vet-krijuar. Nuk dua te percmoj patriotizmin e askujt por ashtu sic i interpretojme ne mundet edhe ti interpretoje edhe Greku edhe Sllavi, sepse mund te thote se ja ku jane trojet Greke Epir + rest! Mjafton te shohesh nje harte (me duket se e atij Gjermonit) ku Ai thote qarte "greqia" qe permbledh edhe trojet e sotme Shqiptare. Sinjifikant eshte edhe te shikosh se Prishtina i perket ne shumes "Servias"! Keto hartat jane nje shpulle Serbe, Greke, Epiriote e Maqedonase bashke per cdo patriot te vonuar e karagjoz Shqiptar! Nje gje duhet ti beje pershtypje secilit nga ne kur shikojme keto harta, Kufinjte jane shtyre e ri-vizatuar ne cdo kohe dhe asgje nuk perben ne vazhdimesi nje territor fiks me nje popullsi fikse! mjafton te lexosh emrin e qytetit te Beratit ne mesjete qe quhet "Belgrade" dhe sqarohet cdo gje!

 

Ca llogjike prej elefanti. Po pse Elbasan qe eshte turqisht mos do te thote qe eshte zone turke ?

Po pellisje me lart me injorancen tende karakteristike per etimologjine e sllav nga srb, hajde toç hajde, do thoshte nje shoku im.

Sllavet e pare njihen si 'Antes' dhe 'Sklaveni', biles Antes pas gjasave s'kane qene fare sllave, por konferederate sarmato-sllave.

Serboi, per here te pare eshte gjetur mes sarmateve ne lindje te Detit te Zi, shek 1, (Plini plaku) nga edhe eshte hedhur hipoteza se serbet  kane qene sarmate, po pastaj u perzien me popullsite sllave dhe krijuan etnine serbe, njesoj si Bullgaret qe fillimisht ishin turq.

Tani, te marresh nje emer sarmat/alan e ta vesh per baze etimologjike te fjales sllav, duhet te jesh me se paku kokrra e gomarit.

 

Te dhenat e dokumentuara, ishin interesante dhe nuk do te ishte keq, qe ato te dhena te publikoheshin ne anglisht e frengjisht. 

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).