Një brokë, është qelq i verbër

Diçka e qelqtë dhe një kushëri, një pamje dhe asgjë e çuditshme, një ngjyrë e vetme e lënduar dhe një rregullim në sistemin e shenjimit. E gjitha kjo dhe e pazakontë, jo e parregullt në jongjashmërinë. Ndryshimi po zgjanohet.

 

Një kuti

Nga miradashja rrjedh kuqëlimi dhe nga keqësia rrjedh vrik e njëjta pyetje, nga një sy rrjedh e dhimbshme truma. Pra, rregulli është një rrugë e bardheme e të qenit qark është diçka që tregon një thumb dhe a është zgjënjyese, nuk është, është kaq i pazhvilluar, sa duhet zhbiruar e të shohësh një lëndë çuditërisht delikate, është kaq serioze sa të gjesh

 

Ndohtë dhe jo i bakërt

E ndohta dhe jo e bakërta e mug një ngjyrë. E bën hijen kaq të rëndë dhe nuk e bën më të rëndë melodinë.
Gjen mëshirë dhe qetësi dhe madje një forcë të shpërhapë një tavolinë përplot. Ka më shumë vende jo bosh. Ata shohin syprinën.

 

Asgjë elegante

Një joshje, një joshje e vetme është e dyshimtë. Nëse e kuqja është trëndafil dhe një gardh që e rrethon atë, nëse brendësia është të hysh dhe aty vendet ndryshojnë, atëherë diçka është sigurisht e ndershme. Është serioze.

 

Çadra e Mildredit

Një shkak dhe jo kthesë, një shkak dhe mjaft i zhurmshëm, një shkak dhe një përplasje tejet e zhurmshme dhe një vagon i stërmadh, një shenjë teprie, një qese një qese e vogël dhe një ngjyrë e qëndrueshme e lojcake, një gri hollake dhe pa kordele, kjo do të thotë një humbje një humbje e madhe një dëmshpërblim.

 

Metoda e një petku

Një ngjitje e vetme në një rresht, një ndërrim i beftë në një syrsë, një aventurë e dëshpëruar dhe kurajo dhe një sahat, e gjithë kjo që është një sistem, që ndjen, që nënshtrohet dhe ka sukses, e gjitha kjo krijon një serm të zi tërheqës.

 

Një njollë e kuqe

Nëse zambakët janë dëborë të bardhë nëse avullojnë zhurmë e largësi madje dhe pluhur, nëse ato të pluhurosura do të ndotin një sipërfaqe që nuk ka hire të skajshme, nëse ato e bëjnë këtë dhe nuk është e nevojshme nuk është aspak e nevojshme nëse ato e bëjnë këtë kanë nevojë për një katalog.

 

Një fustan i gjatë

Çfarë është rryma elektrike që prodhon makineri, që i bëjnë të kërcëllijnë, çfarë është rryma elektrike që paraqet një vijë të gjatë dhe një bel të domosdoshëm. Çfarë është kjo rrymë elektrike.

 

Çfarë është era, çfarë është

Ku ka një gjatësi të kthjellët, ka aty edhe një mugëtirë, nuk është mugëtirë, vetëm një e bardhë dhe e kuqe, janë të zeza, vetëm një e verdhë dhe jeshile janë blu, një rozë është alle, një ylber është çdo ngjyrë. Një vijë e bën atë të shquhet. Një vijë vetëm sa e shquan atë.

 

Një kapele e kuqe

Një gri e errët, një gri shumë e errët, një gri tërësisht e errët është e përbindshme rëndom, është kaq e përbindshme sepse nuk ka të kuqe në të. Nëse e kuqja ndodhet te gjithçka, nuk është e nevojshme. A nuk është një argument me vlerë e megjithatë a ka ndonjë vend më të mirë, a ka ndonjë vend që është zgjanuar kaq shumë.

 

Një xhaketë blu

Një xhaketë blu shkon shkon tutje, shkon dhe shkon tutje, kjo është ngjyra e veçantë që përdoret për këtë gjatësi dhe jo ndonjë gjerësi as më shumë se një hije.

 

Një piano

Nëse shpejtësia është e hapur, nëse ngjyra është e shkujdesur, nëse përzgjedhja e një arome të fortë nuk është e pavolitshme, nëse mbajtësi i kopsave mbahet nga e gjithë ngjyra lëkundëse dhe nuk ka ngjyra, jo ndonjë ngjyrë. Nëse nuk ka ndonjë pisllëk në ndonjë karficë dhe rrallë mund të mos ketë fare, nëse nuk është pra vendi është njësoj si të rrijë drejt.

 

Një çlirim i frikshëm

Një çantë që e kishin lënë dhe jo vetëm që nuk e morën, por edhe e hodhën tutje, nuk u gjet. Vendin e treguan se ishte shumë i ngjashëm me herën e fundit. Një pjesë nuk e kishin ndërruar, as edhe një copë të saj, një çikë ishte lënë për më vonë. Çka mbeti, u keqpërdor.

 

Një kuletë

Një kuletë nuk ishte jeshile, nuk ishte ngjyrë kashte, mezi dallohej dhe u përdor u përdor gjatë dhe zinxhiri, zinxhiri nuk mungonte asnjëherë, nuk ishte keqvendosur, tregonte se ishte i hapur, kjo ishte gjithçka tregonte.

 

Një cohë

Mjaft cohë është e bollshme dhe shumë, shumë është thuajse mjaft për të dhe përveç kësaj nëse nuk përhapet më shumë ka boll vend për të. Ndonjë rast të çon në zgjidhjen më të mirë.

 

Më shumë

Një përdorim elegant i gjethnajës dhe hijeshisë dhe një cope të vogël cohe të bardhë dhe vaji.
Duke shtegtuar kaq fitimtarë në lloje të ndryshëm oqeanesh është arsyeja që e bën të kuqen kaq të rregullut dhe gazmore. Arsyeja që ka më shumë gërshërët janë e njëjta heq’qafje e shndritshme shumëngjyrëshe e nuancave jo të rrumbullta.

 

Një filxhan e pjatë filxhani e re

Hareshëm duke lënduar një syth dhe pjatë filxhani të verdhë e mjegullt, kaq i hareshëm është kafshimi në kordele.

 

Sende

Pa prerjen, pa prerjen dhe bashkimin hollak vetëm, me barazime të befta dhe jo më shumë se tre, dy në qendër formojnë dy një anë. Po qe se bërryli është i gjatë dhe i mbushur kështu pra shembulli më i mirë është të gjithë bashkë. Lloji i shfaqjes krijohet nga shtrydhja.

 

Syze dielli

Një ngjyrë në arratisje, një sallon është i vendosur fort mirë në mes të një shtegu.

 

Një kotoletë

Një nxitim i verbër është burrëror dhe i skajshëm. Ta zëmë se një copë e vetme është një fije floku ta zëmë se shumica e tyre janë në rregull, a tregon kjo se forca, a tregon kjo se bashkimi, a tregon atë balonë në mënyrë të famshme. A e tregon atë.

 

Letër

Një rastësi e sjellshme e bën një letër të mos tregojë ndonjë rastësi të tillë dhe kjo e bën gatishmërinë dhe vigjilencën dhe gjasimin dhe një stol.

 

Pikturë

Domethënia e kësaj është e tëra dhe më mirë të thotë markën, më mirë ta thotë të tregojë vende të papritura, më mirë të bëjë bitter, më mirë të zgjasë gjatësinë dhe asgjë më të gjerë, ndonjë gjë përmidis gjysmës.

 

Shi

Ujë që të habit dhe i vështirë së bashku bën një livadh dhe një përkëdheli.

 

Klimë e ftohtë

Një stinë me shumë penj të verdhë të shitur, krijon vende të shtrirë.

 

Malakit

Luga e beftë është e njëjta në pamatshmërinë. Luga e beftë është plagosje në vendimin.

 

Çadër

Ngjyrimi i tepërt do të thotë se arsyeja e çuditshme është në krye dhe jo më në krye pas. Jo më në krye në qetësinë e pikës.

 

Këmishë nate

Një bardhësi e lehtë, një fatkeqësi, një njollë boje, një bukuri e trëndafiltë.

 

Kohë për të ngrënë

Zakon i këndshëm i thjeshtë dhe zaptues dhe i autorizuar dhe i edukuar dhe i përmbledhur dhe shqipton ndarje. Nuk është e plogët.

 

Pakëz prej një epruvete

Një dukje e shndritshme e së verdhës qëndron në të qënit më shumë e njëjta ngjyrë sa mund të pritej kur u blenë që të katërta. Kjo ishte shpresa që i bëri të gjashtën e të shtatën të mos përdoreshin më dhe kjo nevojshmërisht u asgjësua. U asgjësua.

 

Zjarr

Për çfarë shërbente një kohë e tërë për të mos dërguar nëse do të ishte ajo lloj gjëje që e bëri të hynte brenda. Një letër u dërgua me delikatesë.

 

Shami dore

Një fitore mbi të gjitha bekimet, një shembull jo shembull sepse nuk ka shqetësim.

 

Në mes

Në mes të një vendi dhe sheqerkash është një shteg i ngushtë që tregon më shumë montim se ndonjë gjë tjetër, kaq tq vërtetë sa një thirrmë që nënkuptonte mbështetje mati një gjë të plotë me të. Një virgjëreshë një virgjëreshë e tërë.

 

Kapela të ngjyrosura

Kapelat e ngjyrosura janë të nevojshme për të treguar se kaçurrelat janë të veshura nga një shtesë me hapësira të zbrazëta, ky është ndryshimi mes vijave të vetme dhe stomakëve të mëdhënj, gjëja më e vogël do të thotë një lule e vogëlth dhe një vonesë e madhe që i bën më shumë infermieret sesa gratë e vogla gra me të vërtetë të vogla. Kaq e pastër është një dritë sa pothuajse e gjitha ajo dëften perla dhe rrugëza. Një kapelë e madhe është e gjatë dhe unë dhe kremi karamel i tëri.

 

E murrme

Kafe që nuk është më lëng jo më është e qetësuar dhe ende ka një dallim, një lajm po botohet.

 

Përktheu: Elvana Zaimi

8 Komente

Uau! Leshte do kete lene Elvana per ti perkthyer. smiley

Tons of B.S. 

Si mund te perkthesh "paterns" ne grupime fjalesh? S'n 'v ' g'n!

Zgjidhe (në kuptimin çnyjoje) shoqen më të mirë se veten.

Autobiografine e Alice Toklasit e ka shume te mire.

unë desh lash lesht duke lexuar. stop.

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).