Ky tipi qe vrau femijen e vet tha kete fjali:

 " Familjarët tanë na kanë larguar nga njëri-tjetri, pasi kemi pasur sherre të vazhdueshme".

Pra, i ndane familjaret se keta s'e merrnin dot vete ate vendim? U kujtova qe ne fakt kam degjuar disa raste qe burri dhe gruaja jane ndare per sherre ku prinderit kane qene shume te perfshire, e qe jane percjelle tek cifti dhe jane ndare. Kur jane rritur e kane kaluar disa vite si te ndare, e gjerat kane ndryshuar, ka pasur raste qe kane kuptuar se po te mos kishin degjuar prinderit, mund t'i kishin zgjidhur problemet pa u ndare. A ka pak si shume prinder shqiptare qe nderhyjne tek jeta ne cift e femijeve, apo me duket mua?

48 Komente

jooo çne, nuk nderhyjne..smiley

si tha Vani: ''po ç'sinema  mor  ç'sinema..  hajde mor ketu se kemi 100  pune...  te  besh pazarin.. te blesh ato sheqerkat e,  liqernat e,  rakite e...  po pse or  kush do  ti beje   keto..  une me  krushkun do ti bejme keto pune..smiley

 

Po vezet qenka thyer.... - E moj se ishin ca si te buta vete... smiley

Me Kanun e kane te drejte dhe detyre me nderhy. Cdo gje eshte e justifikueshme keto dite te sotme.

Mos aman, se na u be mendja kanun mjes, dreke, darke smiley

Kanuni ndan detyrat dhe ska nderhyrje pasi jetojne te gjithe ne nje shtepi dhe detyrat jane te ndara.

po nese dikush  (djali, nusja)  i shmanget  apo nuk zbaton detyren qe i eshte ngarkuar ashtu sic duhet,  a  nderhyjne prinderit  apo dikush tjeter  qe ka status me te larte, gjyshi,  pershembull..??

Ne cilen familje eshte normale mos te besh ate qe duhet te besh? Mund te diskutojme mbi "normalen", por besoj principi eshte i njejte kudo.  Nuk ka familje pa hierarki. 

jam shume dakord me hierakine ne familje!  por fakti qe ne shume familje, brenda tyre,  ka grindje,  irritime etj,  tregon dicka  apo jo?

Duhen pare kushtet belul. Ka raste qe 3 kurora jetojne akoma ne nje kasolle. Grindjet jane minimumi qe mund te sjellin. Gjith shoqeria eshte akoma nen terapi shoku.

e qarte qe varferia sjell dhe grindje dhe nderhyrje. 

Qe do kete grindje, irritime eshte mese e kuptueshme sepse ke te besh me individe te cilet mendojne ndryshe nga njeri-tjetri. Ne jemi shoqeri kolektive dhe e kemi te veshtire ta shohim tjetrin si individ qe ka te drejta te barabarta. Por, nuk ndodh dicka e tille dhe ketu fillojne edhe problemet sepse prindrit i japin lirine vetes deri ne ate pike sa te nderhyjne ne jeten e çiftit. Por, ka raste qe djali apo vajza i kane harruar pergjegjesite e tyre, dhe pastaj kemi nderhyrje prinderore te cilet here luajne rolin e terapistit, por here prishin pune sepse situata nderlikohet sepse palet nderhyrese nuk mund te jene aq neutrale. Shpesh here ato anojne ne interes te femijes se tyre dhe harrojne qe me "keshillat" e tyre prishin me shume pune sesa rregullojne.

Ta paska thene ki Obama pergjigjen. smiley

Me te degjuar e kam qe nga Fani i Mirdites kur jetonin familje e madhe djali i madh behej zot shtepie dhe zonje shtepie behej gruaja e vellait tjeter.( ndalohej krijimi i monopolitsmiley). Djemte e tjere kishin perdetyre me organizu punen pronen e palujtshme, apo pune te tjera qe ksih shtepia. Grate e tyre duhej qe njera te gatuante, tjetra me femijet, nje qe lante.... 

Ama vendimet merreshin pasi mblidheshin te gjithe burrat e shtepise bashke dhe vendosnin. 

Keto pune varet shume nga pasuria qe kish familja. Se po te qe shume e pasur kishin ndihmesa.

Ti e ke te thenme kete pune. Kanunin bre a e lexove? Kishte nje link nga Emo ke tema e gjakmarrjes.

PS. Disclamer qe ke vene ke komenti me poshte me pelqeu shume smiley

e kam ne dore Kanunin e Skenderbeut. Nuk di te ve foto te faqeve dhe po pertoj me i link diku tjeter.

Pastaj me te degjuar se vete linda nje nje familje qiteti dhe laje shperlaje none e babe kisha ne shtepi. 

goxha mire Fani i Mirdites, snare.. tamam disipline gjermane..smiley

 

p.s   ndersa ato nuset e legjendes se Kalase Rozafes,  sikur e misinterpretuan Kanunin, harruan detyratsmiley,  ia  futen  asaj nuses se vogel....   bile edhe vellai i madh e i mesem  ndihmuan...smiley

Vagina power ai muhabet, tjeter histori.

Epo te flase keshtu dhe Gaia, qe jeton ne Izrael !!!

Kulmi.

Ke degjuar ti per "nenat çifute", apo te ta mesoj une nga Franca a Shqiperia ty ne Izrael ?

Degjoni pak : jeni duke e qelbur fare me keto budalliqe, kur dihet shume mire se nderhyrjet e prinderve ne jeten e femijeve jane BOTERORE, por me nje theksim tek çifutet, arabet, italianet, shqiptaret, ama edhe te tjeret s'ngelen shume prapa. Jua permendi Kurreshtari Kadarene, me te bijat. Gjithashtu hapni pak revistat pipell te ndonje te pasuri te madh qe e çtrashegon te bijen se ka shkuar me ndonje haram pa lidhje.

Gomarlliqet e berber-sheme-leshit tani.

 

C'pune ke me cifutet e te tjeret? Shefti ketu pyeti per shqiptaret, jo per te tjeret. Ca ke qe hidhesh nga nje dege ke tjetra? Po tani as me shpreh se ca mendojme, nuk na le rradhe, duhet me te marre leje se te duket ty kulmi? Edhe me dhemb edhe me djeg u be ky muhabet. Gjersa kanuni per nje pjese te mire te njerezve ka vlera historike, shoqerore, dhe legjitimohet si nder bazat e ligjshmerise, pse mos ti referohem atij une per rolin e prinderve. Apo kur te intereson, Kanuni ka te drejte, kur nuk te intereson jo s'ka te drejte.

Huber, mos merr njerezit kot neper goje dhe ti epitemosh pa i njoft fare. Me ke pa mu ne ndonje koment te profilizoj ty psh qe meqe je me flamur francez duhet te jesh i zgjuar, apo aristokrat, apo i cope injorant qe jeton ne geto? JO. Atehere hiq dore nga keto gjona, ngela tu ta thone po hic nuk po do me e kuptu.

 

Epo te flase keshtu dhe Gaia, qe jeton ne Izrael !!!

Kulmi.

Ke degjuar ti per "nenat çifute", apo te ta mesoj une nga Franca a Shqiperia ty ne Izrael ?

 

Po boll o Hurbinek se nuk kane lezet keto gjera.

Interesant sesi disa emigrante pervetesojne zakonet me te keqija te vendit prites, psh. zakonin e francezeve per te pergojuar hebrenjte vend e pa vend. 

Dhe meqe ra fjala: thuhet "hebre" dhe jo "cifut". Manners please! 

Ne Shqiperi ne qe kemi patur ne qytetet apo lagjet tona shume cifute nuk kemi degjuar kurre per "nenat cifute". Pa he njehere nga do e kete degjuar kete BURDALLAI?

nuk ka lidhje 1oora, jane fjale ne ere. hebrenjte jane te lidhur me femijet ashtu si prinderit mesdhetare ne pergjithesi - nuk kane dallim te madh nga shqiptaret, prandaj nuk ka rene ne sy ne shqiperi. kjo u ka bere pershtypje francezeve, amerikaneve, e te tjereve qe nuk jane aq te lidhur me femijet. nuk eshte ndonje gje qe ja vjen per diskutim. 

Patjeter qe jane fjale ne ere.

Mos u lodh fare te perdoresh llogjiken sepse e kane me mu personalisht dhe kapen ke flamuri, si keta lart edhe te tjere poshte. Manners as nuk i njohin fare, pavaresisht me shume takt u mundova t'ju them mos merrni njerezit neper goje, po nuk hane pyke fare. Keta jane tipa filozofe/argumentues per cdo lloj fushe dhe gjinie, dhe ne cdo moment i ke nga prapa pa i ftu njeri me bo nje muhabet. Ne shqip nuk me vjen nder mend ndonje shprehje me e kulturuar sesa: sillen si pordha neper breke.

Ti nga u kape kur solle Kanunin ne nje teme pa lidhje me ate gje?

S'eshte pergojim por nje vecori qe njihet mjaft mire tek familjet tradicionale cifute.  Ata qe kane jetuar rreth e rrotull cifuteve dhe e njohin disi kulturen dhe menyre e organizimit e shoqerise cifute e dine mese mire kete gje.

Prinderit mesdhetare jane shume te perkushtuar ndaj femijeve.

Ka te mirat e te keqijat e veta kjo. I mbetet femijeve te gjejne ekuilibrat.

Pyetje idiote.

Qe ta mbyll shpejt e shpejt, Gaia :

Kanuni i leshit ka shume ndikim ne marredheniet e mia me nanen time. Flamurin e Izraelit ta permenda se duhet te ishe e para ti qe te thoshe : nenat çifute jane shpikeset e kesaj lidhjes nene-bir-familje-nuse etj etj, se eshte nder shoqerite e vetme qe gjakun e percjell nga nena, dhe normal qe nena do me dite se ç'ben djali.

Eshte shprehje e sternjohur tashme : "dashuri prej nene çifute". Perdoret ne Perendim gjeresisht. Sinonimi : nene e sterngjitur. E dashur, e dhembshur, etj. Nje shembull ne histori : nena e Marcel Proustit. Ky s'e ka marre me veten kur i ka vdeke nena. Dhe kjo e fundit perkthente libra vetem per te birin. Nejse. Ti i merr vesh gjerat por ia fut si per pasneser. Po mire ben fundja, aq liri sa kam une, ke dhe ti, dhe anasjelltas.

Ti e shikon PPU si forum ku shpreh idete filozofike per t'u diskutuar. Une nuk kam kohe per kete. Trunin me duhet ta perdor per do te tjera gjona qe japin buke e jo llafe. Gjej tjeter te dialogosh me filozofi. Po edhe sikur te perpiqesha ndopak ta merrja seriozisht, jane ca ketu qe abuzojne shume rendshem edhe kur do me fol ndonje here seriozisht. Keto lidhjet me ty e nenen, ka psikolog qe ti zgjidh jo peshku, as gruaja e izraelit. Shefki nuk pyti ca roli ka luajtur ne BOTE prindi apo femra. Pyti thjesht, a haset kjo tek familjet shqiptare. Une keshtu e kuptova. Te tjerat ti kam thene me lart. Per here te fundit po ta them. Mos merr kot njerezit neper goje.

...Kur jane rritur e kane kaluar disa vite si te ndare, e gjerat kane ndryshuar, ka pasur raste qe kane kuptuar se po te mos kishin degjuar prinderit, mund t'i kishin zgjidhur problemet pa u ndare....

Nje genjeshter me te madhe nuk kam pare.

Ose me sakte nje justifikim per deshtimin.Perse nuk e shihni qe po te ishit me tolerante atje ku duhet dhe me te bashkuar atje ku duhet do ti kishtit zgjidhur problemet pa u ndare.

Ndoshta ishin prinderit e djalit apo te vajzes qe bene njerin nga bashkeshortet te tradhetoje?Apo te rrahe tjetrin?Apo thjesht te mbledhe plackat dhe te iki?

Djali zakonisht vihet para nje situate te tille,qe duhet patjeter te mbaje nje ane dhe cilado ane qe te mbaje ana tjeter nuk ja fal.

Pra nese cifti do te jete me tolerant ne kete situate dhe me i bashkuar me vone ,nuk ka burre qe ti ndaje.

Ata qe qurraviten,jo prinderit jo kjo kjo ajo,jane thjesht te paafte te pranojne se nuk e kane dashur tamam bashkeshortin.

Shiko, nuk po flas per tradhti apo per rastin konkret. 

kur prindi eshte ai qe te mban rrogen (kam dy shoke 30 vjec ne mes te Tiranes qe e japin rrogen ne shtepi dhe prishin aq sa u le familja per te prishur, pra vendos familja sa do te prishin),kur prindi eshte ai qe te rregullon martesen dhe kur prindi eshte ai qe te siguron dhe strehen, sic ndodh rendom ne Shqiperi, tregon qe prindi ka shume ndikim te madh. Dhe nese nenes fillon te mos i pelqeje nusja, fillon e fryn te birin derisa ndahen dhe keto kane ndodhur jo pak here. Kam raste qe i njoh personalisht qe jane te ndare dhe i kane femijet ne gjimnaze, dhe qe kur kujtojne se si jane ndare thone qe po te kishin qene duke jetuar ne shtepi me vete mund te mos ishin ndare, por duke jetuar nen nje cati, prinderit kane qene pjese e madhe e sherrit. Sidomos per faktin sepse prinderit kane tjeter standard per te pranueshmen e te papranueshmen nga nusja. Ka qe s'duan te dale me shoqe, e quajne kurve po te veshe dicka siper gjurit, e djali i rritur ne tjeter epoke mund te mos e kishte problem. S'po them qe kjo eshte arsyeja, por eshte nje nga gjerat e vogla qe mund te behen ortek. Pra s'eshte aspak genjeshter.

Por nese do ta lidh dhe me rastin konkret, ai thote qe i ndane familjaret, se vete s'e benin dot. Pra edhe mund t'i kene bashkuar prape familjaret, dhe kur ata e urrenin njeri-tjetrin e rrinin bashke per hir te familjareve. Po te kishin ndjekur ate qe ndienin vete, mund te ishin ndare e ta kishin mbyllur kete pune pa probleme, por prinderit nderhyjne e thone "turp, te te lere gruaja! Na felliqe deren!", apo e njejta gje dhe me vajzen. Pra nese prinderit kane pushtetin t'i ndajne, ata kane pushtetin dhe t'i bashkojne atehere kur gjeja me e mire eshte te ndahen.

Ai djali ka ardhur para nje viti nga anglia dhe ka pasur nje femije dy vjec. I bie qe nusja ka jetuar me te emen dhe te atin e djalit. Mund te kete dale thjesht me shoqe e prinderve t'u jete dukur tradhti. Mund te mos u kete pelqyer prinderve, se ajo mund te mos u jete bindur gjithe kohen, dhe te kene fryre te birin (ki parasysh qe po flasim per njerez me nivel jo te larte edukimi, qe s'jane pak ne Shqiperi) dhe ai pastaj ka kaluar ne ekstrem me ate trurin e vet te vogel. Ata prinder e kane bere t'i duket sikur jeta jote merr fund po te mendosh se gruaja te ka tradhtuar e ne vend te ndarjes normale te ndermarresh masa ekstreme si vrasjet.

... Kam raste qe i njoh personalisht qe jane te ndare dhe i kane femijet ne gjimnaze, dhe qe kur kujtojne se si jane ndare thone qe po te kishin qene duke jetuar ne shtepi me vete mund te mos ishin ndare, por duke jetuar nen nje cati...S'po them qe kjo eshte arsyeja, por eshte nje nga gjerat e vogla qe mund te behen ortek. Pra s'eshte aspak genjeshter...

Nuk po them qe eshte genjeshter dhe nuk jam nga ata qe i bindem tradites,per mua nese djali shkon 18 vjec duhet te mendoje te gjeje shtepi tjeter,natyrisht mire eshte te jete afer meje por jo shume afer as shume larg(sic jane ca ketu qe vete jane ne LA dhe prinderit i kane ne NY dhe pastaj prind u behet psikiatri).te me kuptosh qe nuk jam fare me traditen e vjeter.

Por mendimi im eshte qe shkaku kryesor nuk jane asnjeher prinderit apo varferia sic thote nje idiot tjeter me siper,pasi ka shume te pasur qe ndahen.

Shkaku jane qe ata te dy,nuk e kane dashur nj-tj tamam.Tani kete ata nuk mund ta pranojne hapur,por qe te justifikojne humbjen e betejes( se e tille eshte jeta) kapen pas shkaqeve qe kane SHPEJTUAR ndarjen por jo ato qe kane kryer ndarjen,qe eshte qe ata nuk kane qene per njeri-tjetrin.Ta jap me bast 100% qe ata po te ishin me vete,do te ndaheshin prape.

... Ata prinder e kane bere t'i duket sikur jeta jote merr fund po te mendosh se gruaja te ka tradhtuar e ne vend te ndarjes normale te ndermarresh masa ekstreme si vrasjet....

Do apo nuk do ta pranosh jeta vertet ka marre nje goditje vdekjeprurese nese bashkeshorti-ja te tradheton.Tani nese prinderit ta bejne me te madhe/te vogel thashe jane shkaqe SHPEJTIMI/NGADALESIMI por jo ato kryesoret.

Ndarje normale nese ka tradheti brenda nuk ka.Mos u genje nga maskat qe sheh ne perendim,se ata nuk ta lene pa marre hakun 100 here me shume se shqiptaret por jane 100 here me te sofistikuar se shqiptaret.Kot nuk jane shpikur ato marreveshjet para martese apo merifetet e tjera deri tek vrasjet me pagese pas disa vjeteve.Mos i di njerezit prej qelqi ne Perendim,jo ore jo ata ta bejne me keq se ne,por e bejne ne menyre te sofistikuar.Kjo eshte ndryshimi nga shqiptaret dhe natyrisht gjejne ca kaqola qe dalin ne tv qe thone jemi miq pas tradhatise.Po te lutem shiko kanalin ID dhe ca te tjera qe japin rastet e policise dhe do te shohes se sa te sofistikuar jane ne hakmarrje.

ja nje dokumentar shume interesant per kete fenomen. Tregon se si kriza ekonomike i ka bere me pak te pavarur femijet qe jane kthyer serish tek prinderit. Rasti italian (ne foto) ishte shume interesant dhe me duket do kishte qene njesoj, me krize ose pa krize "Cun mamaje"

 

http://www.cbc.ca/doczone/episode/generation-boomerang.html

 

 

njerëz të vegjël! 

Po, nderhyjne jashte mase. 

Por kjo nuk eshte vetem ne Shqiperi. 

Me sa kuptoj une, pothuaj kudo, familjaret jane ata qe sjellin probleme madhore ne jeten e cifteve. 

Nuk i ve dot fotot e kanunit ku tregohen rregullat.

Persa i perket prinderve shqiptare dhe nderhyrjes se tyre mendoj qe nderhyjne dhe pa pike respekti.

1. Ngaqe skane jetuar rinine e tyre te lire dhe te qete kerkojne ta jetojne nepermjet femijeve.

2. Asnjehere nuk jane respektuar nga prinderit e tyre si personalitiet i ndryshem nga masa. Prandaj nuk arrijne te bejne kete shkeputje kerthizore me personin tjeter.

3. Pershkak te sakrificave ( te tipit une e ruajta virgjerine per babane tend dhe une ja kam dorezuar rrogen nenes qe te hani ju) femija duhet te ndihet borxhli gjithe jeten. 

Personalisht mendoj qe diten e pare qe ti sjelle ne jete nje femije ai nuk eshte as i nenes as i babait por nje individ tjeter. Vete natyra ka evoluar duke mos bere kopje por mixe qe nuk i ngjan vetem njerit apo vetem tjetrit. 

Mamat shqiptare duhet te kuptojne qe djali i tyre ne syte e nuses eshte BUUUUURRRREEEEEE dhe jo djali i saj. Ajo me djalin e nones ben te njejtat gjera qe ben ajo me baben e djales. Mamat e goces duhet te kuptojne qe dhenderri nuk eshte banka e goces se saj pasi ai baba goces nuk o banka e zonjes.

ps. shume veta te mos eksitohen nga shkrimi im se nuk i jam drejtuar askujt ne menyre te drejtperdrejt. smiley

ke shume te drejte, po pak vete i kuptojne keto. 

them se eshte dhe problemi i prinderve teper ambicioze ose te parealizuar vete ne jete qe jetojne permes femijeve

Nuk eshte per ti pergjithsuar gjerat por besoj qe rastet jane te ndara si per ato qe nderhyjne dhe ato qe nuk nderhyjne. Por ndonjehere cfare nuk degjon te ndodhe, kemi raportime se jane vene re raste kur prinderit kane nderhyre ne lloj lloj menyrash, si psh t'ju kene marre te gjithe leket ciftit te ri nga kasaforta dhe te kene prentenduar se nuk dine gje. Kemi degjuar qe vjerrat t'iu lajne pantallonat dhendureve me gjithe celesat e makines brenda ne xhep ne menyre qe ata te mos hapin dot as makinen e tyre ne mengjes dhe te vonohen per ne pune, te marrin paralajmerim per pushim nga puna, dhe kesisoj te filloje percarja ne cift. Ne menyre sporadike degjon per shtim ne frekuencat e larjes se dyshemese, sidomos ne orarin e kthimit nga puna, ne menyre qe te kete acarim. Kemi degjuar edhe per nderhyrje deri edhe ne perzgjedhjen e pllakave te kuzhines apo te llampadaneve.

Duhet ta vesh kufirin tek thana qe ne fillim, sepse sa me te ulet ta kesh ndertuar murin rreth marteses aq me shume vete e kapercejne duke filluar qe te prinderit, por te ndahesh sot per hir te prinderve eshte e pafalshme.  

Larg syrit larg sherrit them unë.... gjella me kripë e kripa me karar. Prindërit marrin aq vend sa t'u lesh.

Nuk ka gje me te mire se pavaresia ekonomike... e te tera paleve.

prindi im shqiptar hiç nuk ndërhyn, ama prindi zviceran e borgjez i një të njohuri u bë copë derisa ky nga frika se mos e linin pa trashëgimi u nda nga e fejuara pa pasur asnjë konflikt e asnjë zënkë më përpara. sa për studime sociologjike gjithpërfshirëse, nuk kemi bërë, ndaj s'na ngelet veçse t'ju shërbejmë shembullin tonë personal. 

Derisa ne ate vend te kete nje sistem social mizerabel varesia prind-femije dhe lidhjet fisnore do ekzistojne.

Kjo me siper te solli rastin e nje pasaniku qe hyri pa takt ne jeten e te birit.Ai ska pasur nevoje per sistem social.
Po keshtu Greqia,Italia apo Israeli jetojne sh me mire se ne dhe kane sisteme sociale,por ja qe nderhyrja tek femijet nuk eshte ngadalesuar.

Pi raki por mos pi mente -tha ai tek filmi Perballimi dhe ti llogjiko njehere se ku jetojme dhe pastaj fole per sisteme sociale apo pretekste te tjera qe duhen per te justifikuar humbjen e betejes.

E kam thene gjithmone,njerezit shpikin mijera pretekste vetem qe mos mbajne pergjejesine e tyre mbi supe.

Raste te vecante do kete gjithmone. Sidoqofte eshte e provuar , qe zhvillimi i sistemeve sociale te suksesshme ndikojne tek marredheniet tradicionale shoqerore. Pervec Israelit , per te cilin s'kam shume ne dijeni,Greqia dhe Italia gjithashtu s'kane sisteme te mira sociale. Pasi mbarojne jeten aktive ne pune , kane pensione minimale, azile pa kushte , perkrahje minimale nga shteti. Te njejten gje dhe te rinjte s'kane pike mbeshtetje gjate periudhes se kerkimit per pune,rroga te vogla etj etj. Ndaj secila pale i drejtohet njera-tjetres. Per te mos permendur nevojshemerine e ndarjes se shtepise, si pasoje e mungese se apartamenteve etj etj

Cdo marredhenie shoqerore, qofte prind-femije,ose marredhenie fisnore, modifikohet sipas nevojave.

Ne rastin e Izraelit, mendoj se eshte tipike e popujve lindore, nga te cilat eshte zhvilluar kjo lloj marredhenie. Por s'dua ti futem shume historise.

Sigurisht eshte dhe pak rast specifik, per shkak te statusit " duan te na zhdukin" , qe i ka shoqeruar hebrejte ne cdo etape te historise se tyre. Ndaj nga nevoja i eshte dashur te mbajne marredhenie me te ngushta me njeri-tjetrin etj etjsmiley

Problemi nuk eshte detyrimisht tek pasuria por tek varesia. Ka gjithe ata te rinj ne shqiperi qe mund te quhen te pasur, por perseri nuk jane te pavarur nga qe pasuria e tyre vjen nga babai-biznesmen. Ne fakt, keta mbase jane dhe me te varur nga te rinjt ne familje te varfera.

Ndryshimi vjen kur dhe prinderi dhe femija kane te ardhurat e tyre, ose ne rastin e prinderve te mbledhurat e tyre. Shume pak familje ne Greqi, apo Itali, kane pavaresi te tille.

Dhe nuk jane pretekse, thjesht me kalimin e kohes, me ndryshimet sociale, me shtrenjtesin ne mbajtjen e nje femije per shembull, njerezit nuk enderrojne me te martohen me fisin, por me nje individual tjeter.

.

edhe pse pyetje koti , po them ate qe vihet re : nje invazion tek femijet , kryesisht per interesa te prinderve.

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).