Pashaporta shqiptare për të gjithë shqiptarët: Temë shumë e sikletshme kjo për t’u trajtuar pa rrezikuar të akuzohesh për atdheshitës e për mungesë patriotizmi

Pasi u treguam patriotë për një ditë më 28 Nëntor, Saliu vendosi ta zgjasë këtë tollovi edhe për ca kohë të tjera, duke hedhur në lumin e mëmëdhetarëve edhe gurin patriotik të pasaportës shqiptare për të gjithë shqiptarët. Temë shumë e sikletshme kjo për t’u trajtuar pa rrezikuar të akuzohesh për atdheshitës e për mungesë patriotizmi, ndaj edhe të gjithë krahët e politikës kur e trajtojnë mundohen të jenë sa më të kujdesshëm. Të gjithë kështu, të majtë, të djathtë e të qendrës, të këtejmë e të përtejmë kufirit.

Bash për këtë, meqë vendosa ta trajtoj këtë temë, për t’iu shmangur akuzës për jopatriotizmë po e fus veten apriori tek jokombëtarët dhe do përpiqem të arsyetoj jo si politikan që i digjet zemra për popullin, por thjesht si popull i thjeshtë ndër ata që flamuri nuk u jep bukë. Se, siç e thotë Noli:

“Roft’ e qoft’ patriotizma,

mëmëdheu, idealizma.

Po kur dimër del behari,

s’ka si zjarri!”

Në të parë, si ëndërr e shumë brezave, duket gjë e bukur kjo që të gjithë shqiptarët të kenë pasaportë shqiptare, por kush do quhen shqiptarë? Banorët e Kosovës të gjithë do t’i quajmë shqiptarë? Po serbët e Kosovës, që edhe ata me plot të drejtë janë banorë të Kosovës, edhe ata do marrin pasaportën tonë? Po maqedonasit, malazezët apo serbët që banojnë në Maqedoni në Mal të Zi apo në Kosovë, do t’ua japim pasaportën? Apo vetëm shqiptarëve etnikë? Po kush do ta ndajë, kush është serb, malazez, grek, epirot, turk, ashkali apo ku di unë tjetër, e kush është shqiptar? Apo do hapim nga një Ministri në secilin nga këto vende për të provuar e ndarë një për një se kush është shqiptar e kush jo? Po në Athinë dhe në Beograd do ta hapë nga një sportel të tillë Saliu, apo atje i vënë drunë edhe për një gjysmë fjale e jo më për shaka të tilla?

Unë votoj për të zgjedhur qeverinë e Tiranës, dhe si unë bën edhe shkodrani, tropojani, kavajasi, korçari, vlonjati, gjirokastriti e sarandjoti. Dhe në bazë të zgjedhjes që bëjmë, qeveria i shpenzon paratë që na mbledh nga taksat për të na përmirësuar jetën (të paktën kështu është në letër). Po kur të bëhemi 7 milionë me pasaportë shqiptare, nga të cilët 4 milionë nuk kanë lidhje me Shqipërinë, ç’kusur do kem unë që banoj këtej kufirit që, për qeverinë që do më qeverisë mua, të vendosin njerëz që as kanë qenë ndonjëherë në Shqipëri? Dakord që e kanë në zemër Shqipërinë, por unë këtej kufirit përveç zemrës kam të lidhur edhe stomakun me këtë vend. Po në të kundërt, si do t’i dukej banorit të Llapit, Drenicës apo Rugovës që të vendosja unë për qeverisjen e krahinës apo vendit të tij? Le që edhe sikur të më krijohej mundësia që të vendosja edhe unë se kush parti do e qeveriste Llapin, Drenicën apo Rugovën, do thoja, jo, le ta vendosin ata vetë se kush duan t’i qeverisë. Unë kam një jetë që dëgjoj lajmet, i takova edhe vetë kur isha në Tetovë edhe Thaçin edhe Ahmetin, e prapë s’e ndava dot punën se cili prej tyre kishte të drejtë; si do ta ndajë tetovari apo ulqinaku se cili është burrë i mirë Saliu apo Rama?!

Shteti shqiptar mban nëpër botë nja 20 a 30 ambasada, të cilat mes të tjerave kanë përgjegjësi për shtetasit shqiptarë. Unë i paguaj taksat dhe, me taksat e mia mbahen edhe këto ambasada që, kur unë të kem ndonjëherë ndonjë hall dikund nëpër botë, të gjej mbështetje tek ambasada e vendit tim. Mirëpo tani, po u bëmë 7 milionë me pasaportën shqiptare, këto ambasada që mbahen nga 3 milionë do të përballen me hallet e 7 milionëve, nga të cilët 4 milionë as që e njohin vendin e as kanë ndonjë përgjegjësi ndaj tij.

Dje u deklarua në media se nga 2009-a janë mbi 30 mijë kosovarë që kanë marrë pasaportë serbe. Edhe këta e kanë bërë jo se janë burra më të këqij se ne që nuk e kemi marrë, por sepse ajo u shërben për të mbaruar punët e tyre. Po këta, do ta marrin edhe pasaportën shqiptare tani? Këta njerëz që për një hall e harruan flamurin tim dhe morën pasosh-in e Serbisë, a do ta marrin edhe pasaportën time?

Të nesërmen e shpalljes së nismës patriotike-mëmëdhetare-mbarëkombëtare të Saliut për pasaportat, dëgjova në televizor intervistën e një prishtinasi për këtë çështje. Edhe ai ishte një shqiptar si puna ime, që s’ka gjë në dorë dhe shikon vetëm hallet e tij. E pra, prishtinasi tha se“kjo ishte një gjë shumë e mirë, sepse kështu mund të shkonte të takonte djemtë në Gjermani pa pas nevojë për vizë”. Nuk kishte hall prishtinasi as për mëmëdheun që kështu do bëhej superfuqi, e as për flamurin që do valonte anekënd botës. Halli i tij ishte shumë tokësor: të shkojë te çunat në Gjermani. Po t’ia hiqte këtë hall pasosh-i i Serbisë, do merrte atë si shumë të tjerë. E pra, shteti, pasaporta, flamuri, kombi janë shuuuumë më tepër sesa takimi me çunat në Mynih a Shtutgart. Unë të paktën kështu i trajtoj dhe kështu dua t’i trajtojë edhe kushdo që do t’i thotë vetes shqiptar.

Mua tiranasit, m’i hoqi vizat zysha-Evropë, sepse i bëra detyrat e mia, ndërsa prishtinasi nuk i ka bërë ende (jo për faj të tij ndoshta) dhe kërkon që ta kalojë klasën, duke kopjuar detyrat e mia. Dhe ai beson se mund t’ia hedhë Evropës kështu?! Jo, për njëmijë vjet. Po nuk uli kokën e të bëjë vetë detyrat e veta në vendin e vet, as që do t’i hyjnë në punë detyrat që kopjoi nga unë, por do na lerë në klasë të dyve, pra do na i vënë vizat edhe mua edhe atij. Atij prishtinasit askush nuk ia ka shpjeguar një gjë të tillë, le që edhe sikur t’ia shpjegojnë, prapë do këmbëngulë të marrë një pasaportë si timen. Ta marrë një herë e të shkojë te çunat, pa pastaj me të parë e me të bërë, do thojë. Ashtu sikundër asnjë kopjac nuk është ndalur nga kopja se i kemi shpjeguar që kopja nuk të shpëton. Dhe kur ta hamë të dy, edhe unë tiranasi edhe ai prishtinasi, se do na rivënë sistemin e vizave që të dyve, do jetë shumë vonë për t’i gjetur derman punës. Mirë se ai ndërkaq do ta marrë lajmin e rivendosjes së vizave që nga Shtutgarti ku do të ketë shkuar tek çunat, po ç’kusur kam unë që do mbetem prapë i mbyllur këtu, duke dëgjuar çiftelinë e Saliut?

Sipas mëndjes sime, ka vetëm një rrugë për t’i ndihmuar shqiptarët e Kosovës, të Maqedonisë, të Malit të Zi apo të Greqisë. Vetëm duke e bërë më të fortë Shqipërinë, mund t’i ndihmojmë dhe jo duke e shpërndarë fukarallëkun gjithandej.

Ka vetëm tri mënyra për të ngrënë bukë me flamur. Mënyra e parë, është të jesh prodhues flamujsh dhe, sa më shumë flamuj të prodhosh e të shesësh, aq më shumë fiton e bëhesh parelli. Unë nuk jam njëri syresh. Mënyra e dytë, është të jesh tregtar flamurësh e t’i ndërrosh sa herë ta do puna, halli apo politika. Për këtë duhet të jesh politikan e unë s’jam i tillë. Mënyra e tretë, është t’i shërbesh flamurit që të ka rënë në pjesë që në lindje, duke ia zbardhur faqen dhe lartuar emrin me punë të ndershme, me dinjitet e me përkushtim. Po veprove kështu, flamuri të jep bukë vetë pastaj. Anglezët, gjermanët apo francezët, kanë nga njëmijë vjet që i shërbejnë kështu flamurit të tyre, ndaj respektohen e nderohen ngado që venë nëpër botë, sapo nxjerrin pasaportën e vendit të tyre. Unë besoj të jem i këtij lloji dhe, sa më shumë shqiptarë të zgjedhin këtë rrugë të tretë, aq më shpejt do e bëjmë Shqipërinë t’i ketë peshë llafi e hije shtati nëpër botë. Përndryshe, me të hedhura e me të përdredhura, me hilera e me meselera, “Selanik e tatëpjetë / si ç’ka qenë do të jetë!”.

36 Komente

Sot te jep pashaporte. Neser te kerkon taksa...

Shih cpo ben amerika me pashaportmbajtesite e vet ne tere boten. Po ja fut kembet ne nje kepuc...

Pashaporta eshte nje cope leter. Nenshtetesia vjen me shume pergjegjesi e detyrime.

Shteti shqiptar mban nëpër botë nja 20 a 30 ambasada

 

apo 33?

 

Anglezët, gjermanët apo francezët, kanë nga njëmijë vjet që i shërbejnë kështu flamurit të tyre, ndaj respektohen e nderohen ngado që venë nëpër botë, sapo nxjerrin pasaportën e vendit të tyre.

Ne thelb Artan Lame ka shume te drejte. Pasaporta shqiptare nuk jep te drejte automatike per vote. Vlen per kosovaret qe do te marrin nenshtesine, vlen per shqiptaret e emigruar. E drejta e votes eshte per residentet qe jetojne, paguajne taksa, ndjejne direkt ne jeten e tyre rezultatet e votes te tyre politike.
Sa per menyren e shkrimit, Saliu, fisteku, shume dobet. Eshte stil, edukate halabakesh injorante qe nuk ka kostum Armani qe e mbulon.

Prape me kete muhabetin kot te taksave zotrote.

Po si i behet me evazoret fiskale, qe tani pas gati 8 vjet PD, jane shumica derrmuese pedeiste, u hiqet e drejta e votes ?

Dilni ca rruar e qethur me teorine e taksave.

.

Ore nqs do besh muhabet taksash do futesh edhe evazorin fiskal se as ai s'i paguan taksat, dhe po ta them qe si pedeist del si rruar qethur, se e di edhe bufi, qe pedeistet mbahen me hater.

Po mor kolegjet elektorale per emigrantet italiane jane me te medha ne numer, ama ata s'kane 1/3 jashte vendit, as 1 milion nuk llogariten ne 60 milion.

AK-ja nuk kerkon per emigrantet 50 vende ne parlament, 10 vende per emigrantet do te ishin te mjaftueshme, meqenese edhe kontributi i tyre ne ekonomine shqiptare llogaritet tek 7% (pavaresisht se ai 7% meqe eshte valute vlen sa per 27%, po hajt mo).

p.s si jo, e deklaroi te falsifikuar

Ti ke problem ne dallimin e te drejtes private me te drejten publike, qe nuk ka per ti plotesuar diturite nje komentues anonim ne nje blog.

2-3 deputetet qe zgjidhen ne Itali jane simbolik. Kontributi qe thua ti jane remitanca, shpenzime per turizem, abonimi vjetor ne Digitalb etj. jane vendime te lira te qytetareve ne forme private dhe asnjera prej te tyre, nuk eshte e detyrueshme si taksa mbi te ardhurat. Perndryshe i bie qe ne Shqiperi te kene te drejte vote edhe investitoret e huaj.

Flm per pergjigjen, qe AKZ e paska deklaruar te falsifikuar censusin. lol ne cilet pika, per cfare me konkretish? Si dhe ndonje koment per perqindjen e minoriteteve ka? Flm

Ore filan se u dukerke edhe i shkolluar,atehere le t'i leme spekullimet dhe te flasim me shifra.

Italia ofron 12 deputete dhe 6 senatore. Rumania, meqe e ka bere edhe ajo e eshte me afer nesh si rast, ofron 4 deputete dhe 2 senatore.

Tani, problemet e dallimit te se drejtave i kane ata qe u kane dhene te drejten e votes emigranteve te tyre, jo une.

Tani, deputetet italiane i bien 2% e parlamentit, ndersa emigrantet llogariten rreth 6%, dhe jane dhene me pak per faktin e thjeshte qe nuk votojne 6% sepse shumices nuk i intereson, pra per te interesuarit reale, numri i deputeteve nuk eshte simbolik, por esencial.

Tani ti ke qejf per llogje dhe une te ndjek ne llogje, po me ngadale kur ben kompetentin me mua per gjera qe s'i din fare.

Nqs ne do te ndiqnim llogjiken italiane, duke i trajtuar me te drejte me dorashka perqindjet e te interesuarve reale, pra duke mbajtur te njejtin raport me Italine, do i binte:

Nqs 1/3 e shqiptareve jane jashte, do u takonin 47 vende, po te ndjekim kete raportin italian gjasme simbolik 2% per 6%, dmth 1/3 do i binte rreth 16 vende ne Parlamentin shqiptar.

Une tani s'po te them 16 deputete, sipas logjikes 'simbolike' te Italise, po te them me pak 10 deputete, per te te ardhur ne linjat e kompromisit.

Ti, ne vend te kesaj, vazhdon te me tregosh llogje ne katror, po ç'te te them une ty, kur ti s'do te perdoresh mendjen asnjehere se te pelqen te luash gjithnje me bythe.

nqs ke vertet mungese informacioni

http://www.camera.it/application/xmanage...

Kerkoj ndjese. Kujtoja 2-3 deputete. Pra jane 12 deputet ne 630 ne total. Tek 2%. Qe nqs e projekton per parlamentin shqiptar jane 3 gjithsejt. 3 mbeten simbolik.

1/3 shqiptareve qe jetojne jashte, jetojne jashte, paguajne taksa jashte, nuk kane perfitime ose vuajtje nga politikat e te zgjedhureve brenda vendit. Jane pak a shume indiferente ne jeten e tyre. Nenshtesia eshte tjeter. E drejta hyjnore per te drejten vote nuk ekziston. Qytetaret nga Burreli qe jane zhvendosur ne Tirane, ne zgjedhjet kombetare votojne per deputetin e Tiranes, jo per ate te Burrelit. Ne zgjedhje vendore, zgjedhin kryetarin e bashkise Tirane, jo Burrel.

Rumania qe permend, ne dhomen e deputeteve paska total 332, pra 4 deputet nga zgjedhes jashte vendi i bie 1%.

Tani e kuptova matematiken e KQZ-se se Ristanit smiley

Si ore u projektoka perqindja e nje vendi qe ka 6% emigrante tek nje vend qe ka 36% emigrante, hajde matematike hajde.

Kam nje shok, mesues filloreje aritmetike, qe ben kurse, po deshe hyj mik per ty smiley

Ti di te lexosh? Ku e kam shkruar qe nr deputeteve duhet bere ne baze te nr emigranteve?

Ti nuk je ne gjendje te besh dallimin mes te drejtes private dhe drejtes publike, mes kriterit dhe metodologjise. Eshte e kote. 

Zotrote, informohu ne ate vendin ku banon, a kane te drejte vote italianet rezidente jashte vendit. smiley I jane rezervuar max 2-3 deputet per italianet te emigruar. Evazioni fiskal s'ka asnje lidhje me te drejten e votes.
P.s. Ore ndonje deklarate e AKZ per censusin, si nuk e degjova akoma...

Gjeja me kurioze e kundershtareve te pashaportes per shqiptaret, qe eshte nje nga pikat kyçe te AK-se, te cilen e ka vjedhur Sala, eshte se i kundervihen me argumente qe lidhen me interesa meskine.

Ai eshte nje akt madhor qe kapercen Salen, Ramen, pushtetin mizerabel, ato hallet se kujt do i lepihet tani Lamja apo Bamja, per vendin e punes.

A se nqs ne do te kishim ndonje sistem per se mbari, me rivale Kohlin apo Miteranin, atehere dhe mund te thuhej qe ky akt madhor, historik, mund te na prishe keto ekuilibra te persosur te sistemit.

Po me nje sistem shkerdhate si ky ne Shqiperi, ça leshin ka te mire ky qe t'i kundervihet ''Historise se shqiptareve'' ?

Rri o Lame, mos na shit dokrra e boll mbrojte kete sistem shkerdhate ne kurriz te kombit.

Na paske probleme te dallosh shqiptarin etnik zotrote nga serbet, boshnjaket, ashkalinjte.

A u ftofsh ne bythe!

Rri o Lame, mos na shit dokrra e boll mbrojte kete sistem shkerdhate ne kurriz te kombit.

????????, kush eshte sistem shkerdhata ne kurriz te kombit? Dhe cfare mbron Lamja se nuk te kuptova? 

Ky mo qe eshte dhe qe po mbron Lamja, pse ç'po mbron Lamja sipas teje ?

A nuk po thote qe ata do na prishin keto ekuilibra te mrekullueshem qe ne brenda vendit kemi krijuar ?

Marrja e pashaportes nga te gjithe shqiptaret eshte akt shume i fuqishem ne skenen nderkombetare, sepse Shqiperia vendoset qartazi si mbrojtese e nenshtetasve te saj ne Kosove, Maqedoni e Mal te Zi.

Efektet e saj ne Shqiperi do te jene minimale, se askush s'do marre rrugen te vije te votoje, sa po vijne emigrantet, qe s'e rruajne fare.

Shqiperia me nje akt te tille fut ne krize gjithe armiqte e saj, sepse eshte akt i cili nuk pengohet dot nga e drejta nderkombetare dhe as nga vendet fqinje sepse ato e praktikojne per veten e tyre.

Marrja e nenshtetesise nga te gjithe eshte premise e domosdoshme per bashkimin kombetar ne menyre paqesore.

Kush eshte kunder, eshte kunder bashkimit kombetar, rrjedhimisht eshte kunder kombit dhe s'ka marifete retorike te tipit, kush i del kunder rrezikon te akuzohet per tradhti, qe e mbrojne dot.

OK te kuptova. Nuk qenkerke mire nga tepeleku kokes ti! Do zoti nuk jane si puna jote drejtuesit e AKZ-se. 

Kam pershtypjen qe Artan Lame vendos pikerisht kete shenjen e barazimi, nenshtetas i ri shqiptar = votues i djathte. E lidhin cdo gje me voten. Po aq eshte kapaciteti i atyre qe e quajne veten analist, intelektual shqiptare, nuk ke pse habitesh.

Dhenia e nenshtesise me baze kombesine eshte e drejte e pamohueshme. Drejta e votes pastaj eshte tjeter gje, por nenshtesia eshte e drejte legjitime.

Ke te drejte, se edhe mua m'u duk se kishte hallin e ngjyres se votave te Kosovarve apo Shqipetareve te tjere qe banojne ne toka Shqiptare por ne shtete te huaja!
Nje kandidate e parlamentit Francez vjet ngeli neper lajme ne Londer per te fituar nje vend qe kishte Franca ne parlament per diasporen ne Angli dhe ne disa vende te tjera veriore.

Pse te mos kete ne parlamentin tone nje deputet per Malin e Zi, Serbine, Kosoven, Maqedonine dhe Camerine? Dhe nqs e ka kaq merak, votimi behet sipas vendbanimit. Une ketu e kam me votu ne lagje dhe ne nje pike te caktuar votimi, jo ku t'mteket mua. Keshtu qe ata mund ta marrin pashaporten Shqiptare dhe mos te votojne ndonjehere para se te bashkohen trojet Shqiptare.

Bullgaria po u jep me shumice Maqedonesve, dhe nje pjese te mire te Shqiptareve qe duan te quhen me me prejardhje nga Bullgaria, Serbia u jep serbve, Greqia u jep edhe pashaporta edhe pensione.
Kur fqinjet tone u japin pashaporte kujtdo qe vetequhet si i atyre, pse mos t'u japim edhe ne? Apo te bejme te kunderden, te hecim ne rrugen qe na keshillon armiku apo ndonje anti-Shqiptar neper bllogje interneti?

Ky thote:
Sipas mëndjes sime, ka vetëm një rrugë për t’i ndihmuar shqiptarët e Kosovës, të Maqedonisë, të Malit të Zi apo të Greqisë. Vetëm duke e bërë më të fortë Shqipërinë.

Normal qe po te ishim te forte ekonomikisht dhe ushtarakisht dhe qe qeveria dhe populli te kete deshire, atehere mund t'i ndihmojme. Po pse sipas mendjes se ketij, deri sa Shqiperia te behet e pasur dhe cube, ne nuk duhet m'i ndihmuar Shqiptaret jashte Shqiperise!

Shkrim i financuar prej serbve ose grekve me duket.

filani - ".... Vetëm duke e bërë më të fortë Shqipërinë..." 

 

Fisteku smiley me vjen mire qe arrite tek konkluzioni im i para shum viteve (e ke tek VQ) dhe kjo eshte themra e Akilit. Te tjerat jane lojra te rrezikshme qe nuk dihet se ku dalin dhe perfundojne. Qe Bullgaria iu jep pashaporta maqedonsve dhe shqiptarve te Maqedonise plus lehtesira te tjera, qe Greqia iu jep pashaporta dhe euro maqedonsve dhe shqiptarve te jugut te Shqiperise, qe Serbia iu jep pashaporta boshnjakeve ne Bosnje-Hercegovine dhe pashaporta shqiptarve ne Kosove, te gjitha keto jane tentativa te ketyre shteteve per te destabilizuar keto vende, per te justifikuar hegjemonizmin dhe megallomanine e tyre, per te patur nje vater zjarri ne te ardhmen ku me pak benzine  kjo flake te shumohet. 

Shqiperia nuk ka pse ndjek politiken e tyre, se nuk eshte aq e forte, maskarenjte drejtues e kane bere me keq se i semuri i Bosforit dikur. Shqiperia sot per sot, i ngjan atij te semuri ne reaminacion, jo ne pavion. Prandaj ideja e dhenies ne mase te pashaportave kundrejt kosovarve te Kosoves dhe Serbise, eshte nje ide e rrezikshme (sot per sot te pakten), nje ide me arome patriotike, euforike dhe nje bumerang. 

ç'a te boj une qe ne krye kemi nje trap, Buall Mavrine qe as nuk shtyhet e as nuk terhiqet, ç'a te boj une qe ne krye te opozites kemi nje pallosh qe nuk sheh me gjate se hunda e vet, nje njeri qe nuk ulet 10 minuta te ndigjoje. 

Jo nuk dola ne ate konklusion, ajo ishte shkeputje e artikullit. Une e shpjegova ne paragrafin e fundit lidhjen me fortesine e Shqiperise.

Politika dhe trajtimi i ceshtjeve si pashaporte dhenia per Shqiptaret e ish Jugoslavise dhe Greqise, nuk vendoset vetem nga Sala. Sic e di edhe vete.

Pashaport dhenie nga Bullgaria Shqiptareve te Shqiperise, Serbia ato te Kosoves, Greqia te jugut te Shqiperise, dhe per numer po fus the Rumanine qe u jep te Moladovise, nuk u ka bo dem asnjerit prej ketyre shteteve.

Ti thua qe ne kemi politikane rrumpalle, mire deri ketu, po a thu se keto politikane rrumpalle qe kemi ne, dine me mire politike se politikanet e Greqise, Bullgarise, Serbise ose Rumanise, meqe ne nuk u japim pashaporta Shqiptareve jashte Shqiperise?
Kjo na sygjeron se politikanet rrumpalle Shqiptare nuk marrin vesh nga politika, se edhe ne mund te krijojme te njejten influence ne vendet ku banojne Shqiptaret, imagjino Bullgarine qe kalon shtete me kriju nje "minoritet te vetin" ne Shqiperi.

Ti thua me siper se Shqiperia eshte shtet i semure, por per mendimin tim pashaport dhenie nuk do ta semure me teper Shqiperine, por mund ta ndihmoje ekonomikisht dhe politikisht ne arenen evropiane. Se patriotizmi i ka qu me perpara keto shtetet dhe bithlepiresia e ka lane Shqiperine mrapa ketyre shteteve qe permendem me siper.
Nqs kjo pashaporte dhenie do ishte per destabilizim sic thua ti, Evropa nuk do i lejonte.

Shkurt o Pjerin, faleminderit qe ktheve pergjigjen e pyetjes qe bona me poshte. Por nuk bone noj arsyetim konkret per mos-dhenien e pashaportave.

Akeisti; ".... Marrja e pashaportes nga te gjithe shqiptaret eshte akt shume i fuqishem ne skenen nderkombetare, sepse Shqiperia vendoset qartazi si mbrojtese e nenshtetasve te saj ne Kosove, Maqedoni e Mal te Zi..."  

 

 Por po sikur armiqte, te cilet ju thoni se ky akt i fut ne krize, e nga ky fakt, kjo krize, ti debojne keta shqiptare autoktone  me pretendimin se; tashme keni qytetarine e Republikes se Shqiperise. 

Dhenia ne mase e pashaportave shqiptare te Republikes se Shqiperise, shqiptarve autoktone te Serbise, Malit te Zi, Maqedonise, Kosoves, nuk ben gje tjeter, veç demton çeshtjen shqiptare.  Mund tu jepet disave, atyre qe kane nje lidhje biznesi, tregtie, prodhimi, me Shqiperine, por jo te gjitheve. Kjo lloj euforie dhe anarshie, nuk dihet se ku perfundon. 

Si e demton ceshtjen Shqiptare? Se tek-tuk e lexova por nuk jep kush shpjegim se si.

Me sa di une, asnje gje e keqe nuk i ka ceshtjes serbe, greke apo bullgare nga pashaporte dhenia, pse qenkemi ne rast me rezultate te kunderta me ato shtetet qe permenda me siper?

filani, pergjigjen e kesaj pyetje ta dergova ketu siper, dy shkalle me siper. 

ah me saali more kryekusar, mbasi e grabite kete vend e popull, tani kerkon te shesesh patriotizem. ty nuk do te kete historian ne bote te te mbroje per maskaralleqet qe ke bere e qe do te besh derisa te marresh fryme. O frymor shpellash! 

Po kur të bëhemi 7 milionë me pasaportë shqiptare, nga të cilët 4 milionë nuk kanë lidhje me Shqipërinë, ç’kusur do kem unë që banoj këtej kufirit që, për qeverinë që do më qeverisë mua, të vendosin njerëz që as kanë qenë ndonjëherë në Shqipëri? 

... besoja se kjo do ishte nga ceshtjet e veteme madhore ne shqiperi ku politika duhet te kishte pak ashume te njejtim mendim por kjo  "gelbaza" e Lames(ideologu folklorist i obortarit te Rames) tregon se idete e bashkimit kombetare do te kene si pengese te vazhdushme kasten e sistemit te vjeter dhe ketij  aktuale te degjeneruar te PS-se.

Shqetesimi i Lames  se shqiptaret qe nuk jetojne ne shqiperi nuk duhet te vendosin(votojne) se kush do te qeverise eshte nje perpjekje  deshtake  arkaike qe kombet  perendimore e kane zgjidhur tashme me kohe.Jo se Lamja nuk e di por i duhet kujtuar se sot  psh 5.2 mil amerikane edhe pse jetojne jashte amerikes votojne njesoj per te zgjedhur presidentin qe vendos fatet(punesim ,shkollim,shendetsi etje) edhe te atyre qe jetojne ne Boston.  Mgja nuk ka faj qe vjell vrere here pas here Lamja,sepse edhe stomaku do kohen e vete te pastrohet nga corba e prishur qe ka ngrene per vite me radhe.   

O Kapo po 5 melione ameriqener jashte amerikes jane sa 5 % e atyre ameriqenerve qe jane brenda. Ndersa me shqipot, vetem ata te kosoves janer me shume se keta te shqiperise. Apo pune e modhe rrofte shqiperia e modhe keshtu sa per qejf ene te vazhdojme te jetojme siper plehrave.

Në të parë, si ëndërr e shumë brezave, duket gjë e bukur kjo që të gjithë shqiptarët të kenë pasaportë shqiptare, por kush do quhen shqiptarë? Banorët e Kosovës të gjithë do t’i quajmë shqiptarë? Po serbët e Kosovës, që edhe ata me plot të drejtë janë banorë të Kosovës, edhe ata do marrin pasaportën tonë? Po maqedonasit, malazezët apo serbët që banojnë në Maqedoni në Mal të Zi apo në Kosovë, do t’ua japim pasaportën? Apo vetëm shqiptarëve etnikë?

 

ç'jane keto pyetje  te pakuptimta  qe shtron ky... kot fare, sa per tu gjetur ne muhabet..

nese dikur  do te vendoset te jepet pasaporta shqiptare  per shqiptaret   qe jetojne jashte kufirit te Shqiperise, ne rradhe te pare nuk do te jepet me detyrim  por per ata  shqiptare  qe e duan ate...  qe do te thote se mund te kete edhe shqiptare nga Kosova  etj qe mund te mos ta  duan pasaporten shqiptare..   keshtu qe çna ngaterron kot ky me serbe, malazeze , dreq e te bir...

A mundet ndonje te ma permbledhi ne nje fjali se çfare thuhet ne kete shkrim anti-shqiptar qe mban ere tradhti?

Kjo kerkese nuk i drejtohet komunisteve apo atyre qe ndjejne nostalgji per "pashaportizimin" e dikurshem.

Pse pyt kot kur e dike ca eshte?

Po ja, Lame paska menduar që "Kam kaq kohë që budallallëqeve  të Berishës mundohem t'u përgjigjem me logjikë, dhe s'kam fituar gjë. Ta provoj njëherë t'u përgjigjem me budallëqe".

Dmth meqë Shota e nxirrte plumbin me plumb, Lame kërkon ta nxjerrë budallallëkun me budallallëk.

p.s uou tani e pashë pjesën e "anti-shqiptar që mban era tradhti". U fokusova vetëm tek pjesa "nostalgjikët e pashaportizimit".

p.s uou tani e pashë pjesën e "anti-shqiptar që mban era tradhti". U fokusova vetëm tek pjesa "nostalgjikët e pashaportizimit".

smiley

Të rreptë bijtë e shqipes, ka thonë inglizi.

monda@@ vetem te djathte kthejne xhevapin me lamen... smiley shkrimi ishte fillese per te dale ne mynxyre. se friroma do te te  te votojne edhe emegrantet me telekomande4 ... t'i them nje fjale.... nuuk kam se si.... ju qe mbani ne kembe sistemin me lekera ju rrofte... vec na boni hall ne te ikim smiley

petllaaa smiley ku kishe humbur ti. 

Ku je mi Mondë, se na mori malli...

Te gjithe ata qe kundershtojne Berishen jane te menqur per nje pjese te popullsise. Mbase edhe ky autor me gjykime kryekput femijerore eshte i menqur per nje mase njerezish. Dhe ky eshte mjerimi me i madh. Nje e keqe qe terheq te keqijat tjera. Berisha assesi nuk mund te jete e keqja me e madhe.

Tani kjo dhenja e pasaportave edhe po te ndodh nuk do te ndryshonte asgje. Kete e kane bere edhe shtetet tjera dhe kjo ka rendesi vetem simbolike dhe asgje me shume. Shqiptaret e pertej kufirit as nuk do te votonin per politikanet e Shqiperise e as nuk do te mund te udhetonin pa viza nese shtetit ku jetojne nuk i jane hequr vizat. Edhe po ti kopjojme detyrat siq thote autori nuk ka ndonje leverdi, sidomos kur tjetri i ka bere detyrat keq dhe "zysha evrope" ia fali ndonje note per arsye qe ketu s'po i permendim.

Per fund kjo nisme e Berishes eshte krejtesisht elektorale se iu duk qe shqiptaret kane filluar ta duan vetveten dhe nxitoi edhe ky te behej shqiptar, por gjerat nuk eshte se kane ndryshuar. Pati nje dehje per njeqindvjetor dhe tani cdo gje po i kthehet normalitetit.Prandaj edhe autori te qetesohet se nuk do te ndodhi gje, megjithese une e kuptoj qe autori nuk eshte se merzitet. Ai thjesht do ta kundershtoj Berishen.

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).