Nuk është e habitshme që si komb të kemi për tendencë të riprodhojmë dhunën që kemi pësuar vetë si popull i shpërfillur në periferinë e perandorive të mëdha, por pa mundur të integrohet plotësisht as në njërin e as në tjetrin kah.

Duke menduar se jetoja në SHBA, një i njohur, sapo më pa në një rrugë të Tiranës më pyeti nga larg: Si e keni atë jevgun? Nuk e di nëse është e nevojshme të saktësoj për kë e kishte fjalën, por ai nuk qe i vetmi rast kur dëgjova të flitet për “jevgun”. Natyrisht është fjala pë “jevgun” më të njohur të planetit.

Megjithëse nuk di të them se shqiptarët janë me tendenca më të theksuara raciste se popujt e tjerë, është mjaft e dukshme se ata i shfaqin ato më hapur se të tjerët. Në një rast a në një tjetër askujt nuk i kalon pa vënën re një ndjenjë të tillë përçmimi ndaj njerëzve me ngjyrë.

Këtu e kuptoj që shumë vetë do të kishin dëshirë të mos shkoja më tej pa më vënë në dukje se racizëm ka edhe në Amerikë dhe gjetiu. Ashtu është. Sapo lexova një intervistë të një njeriu të cilit i besoj, Morgan Freeman-it. Thoshte se edhe sot fëmijët e bardhë dhe ata me ngjyra nuk rrinë bashkë. E megjithatë kjo vetëm sa më kujton një ndjenjë lehtësimi kombëtare që ditët e fundit u ngrit mbi trojet amtare, kur shtypi i Tiranës zbuloi se edhe në perëndim vjedhin. (Eshtë gjithnjë e sikletëshme të jesh fillikat në punë të tilla!). Por sikundër një gjë e tillë nuk është arsye bindëse për tu akomoduar me vesin, po aq kemi arsye ta tolerojnë racizmin me motivin se ai ekziston edhe gjetiu.

Një punë pakmujore përkthyesi që mu desh të bëj vite më parë për hesap të një organizate humanitare, nëpër strukturat pritëse të emigrantëve që vinin nga vendet e ndryshme, kryesisht nga Lindja dhe Afrika, më dha mundësi të zbuloj gjëra të çuditshme. Në tërësi qytetarët e ish vendeve komuniste tregonin një racizëm virulent, por më të theksuar e më të egër e shihja te djemtë  shqiptarë dhe te rusët.

Gjatë gjithë ditës ishin si të hutuar, të humbur, të stresuar e deprimur nga pritja e pashpresë, por gjithçka ndryshonte kur ishin në prani të afrikanëve. Gjallëroheshin, ndiheshin superiorë, i shihnin me përbuzje, largoheshin kur ata u uleshin në të njëjtën tavolinë, kërkonim të mos i vinim në të njëjtën dhomë me ta, i shanin e i tallnin në shqip, edhe pse ishte fjala për avokatë, gazetarë a intelektualë ruandezë, kongolezë apo të tjerë që u iknin luftërave civile e që kishin parë familjet tu masakroheshin më kmesë.

Kur, më fatlumturve prej tyre “u vinin letrat”, pra u legalizohej qëndrimi, shumë prej shqiptarëve bëheshin keq, nuk arrinin të kuptonin se, “për çfarë i duan këta jevgjit këtu”. Më vjen keq që sjell fakte të tilla, por them se ndihmojnë në mënyrën e tyre për të njohur veten tonë.

Ndërkohë vura re se shumë nga kosovarët e pranishëm tregoheshin më të rezervuar (mbase pasojë e hapjes sër dikurêshme të Jugosllave ndaj vendeve te Botës se Tretë). Si burrat edhe gratë e kishin zakon që afrikanët t’i quanin “bythëzinj”, por nganjëherë edhe “magjypë”. Në fillim mendoja se ishte thjesht një epitet fyes, por nuk qe tamam ashtu, shumë prej tyre nuk e njihnin fjalën zezak (neologjizëm i Nolit, më duket). Më të kultivuarit i thërrisnin “negër”, por në tërësi të gjithëve u duhej kohë të kuptonin dallimet kulturore dhe etnike midis shtetasve të vendeve arabe dhe të atyre që vinin nga vendet e Afrikës së Zezë. ‘Arab’ për ta ishte edhe banor i vendeve arabe, por edhe ‘arap’ pra i zi, afrikan.

Më mbetet gjithnjë enigmë nëse ky lloj racizmi është i trashëguar apo i kultivuar. Nuk ka asnjë shenjë që teoritë e A. Gobinosë të kenë qarkulluar në Shqipëri. As për periudhën e regjimit komunist nuk mund të thuash gjësendi të veçantë. Të paktën një gjë të tillë nuk mund t’ua faturosh atyre. Flitej për një lloj internacionalizmi proletar që në parim ishte mbiracor.

Në këto kushte nuk është e habitshme që si komb të kemi për tendencë të riprodhojmë dhunën që kemi pësuar vetë si popull i shpërfillur në periferinë e perandorive të mëdha, por pa mundur të integrohet plotësisht as në njërin e as në tjetrin kah, pa një profil antropologjik të përcaktuar, një situatë kjo krejt e rrallë që duket se ka lënë gjurmë simptomash të një personaliteti të dyfishtë, që shfaqet në tendencën për të shtypur me këmbë më të dobtit dhe të përkuljes para më të fuqishmëve.

Për shkak të një krenarie pa kuptim (që bie në gjunjë para një torte të madhe), por që shkon deri në kufijtë e teatralitetit dhe në pamundësi të vënë në pah vlera që t’i veçojnë nga të tjerët, ata (ajo pjesë që e shfaq një gjë të tillë) kërkojnë të veçohen duke besuar në superioritetin e lëkurës së tyre të bardhë. Dhe këtë e shprehin nëpërmjet njëfarësoj racizmi parak, foshnjarak, por të rrezikshëm e me pasoja. Ai mund të shndërrohet dhe marrë trajta e një racizmi doktrinar, aty ku nuk pritet.

Një gjë të tillë të sjell ndërmend një deklaratë të fundit, sa të pavend aq edhe absurde e Ministrisë së Punëve të Jashtme që i tërhiqte vëmendjen e dënonte palën palestineze për sulmet ndaj Izraelit. Gjithsesi, një kurs i çuditshëm politik më ka tërhequr vëmendjen që para disa muajsh kur pjesa më e madhe e vendeve të botes votoi dhe u hapi palestinezëve një vend modest në UNESCO- ndërsa Shqipëria për turpin e saj abstenoi.

Nesër presim të mësojmë, nëse për nëpunësit tanë më të rëndësishme janë interesat kombëtare apo ato të B. Netanjahut, kur në OKB do të kërkohet një përfaqësim formal për Palestinën. Po nuk patën guxim të nxjerrin pak hundën nga rreshti, nuk kanë më të drejtë të bëjnë të habiturin pse shumë nga vendet arabe mëdyshen të njohin Kosovën. Arsyetimi i znj. Klinton se problemi nuk zgjidhet në OKB, por nëpërmjet bisedimesh në bazë, më ngjan fort i dyshimtë. Para një Izraeli të veshur në hekur e që përgjon e kërcënon me një avion dron mbi kokë çdo kuadër palestinez, çfarë argumentesh do të hedhë në tavolinë një jo-shtet, një popull që njihet si “entitet”, që nuk ekziston në forumet botërore e që ka vetëm gurë e llastiqe në duar? Si mund të japë zgjidhje të pranueshme në një tavolinë në Lindjen e Mesme nja ekuacion kaq i pabarabartë?

Po qe se do të abstenojnë edhe nesër, nëpunësit shqiptare do të mbrohen duke thënë se ashtu bënë edhe të tjerët, por harrojnë se të “tjerêt” nuk kanë pas vetes gjysmën e kombit tê tyre, të cilin ende nuk e njeh gjysma e botës.

Te deklarata që përmendëm më sipër, shihen më të theksuara shenjat e një racizmi doktrinar, që shpërfill një popull të vogël, të nëpërkëmbur e që nuk ka gjasa të paraqesë ndonjëherë interes strategjik për Shqipërinë. Dhe gjithçka për hir të një pragmatizmi banal, i zhveshur nga humanizmi, që shquhet vetëm për rendjen deri në imoralitet pas të fortit, edhe pse nuk besoj se diplomacia amerikane është ulur deri në atë pikë sa tu kërkojë nëpunësve shqiptarë të abstenojnë në UNESCO apo të qëllojnë Palestinën me deklarata absurde këto ditë, apo të abstenojnë nesër. Besoj më fort në atë se rajatë e zellshëm të kohëve moderne e ndjejnë në ajër se çfarë u duhet të bëjnë.

Përgjigja e shpërpjesëtuar ushtarake e Izraelit shkaktoi edhe një herë viktima midis arabëve palestinezë, por për to Ministria e Jashtme nuk gjeti asnjë fjalë të thotë, nuk pipëtiu fare. Duket se në Tiranë janë të mendimit se “terrorizmi” i të rrethuarve që qëllojnë me raketa artizanale “Kasam”, e meriton ndëshkimin e rrethuesve dhe me këtë rast u rreshtua në anën e teknologjisë dhe Cahalit që lëshonte mbi ta raketa nga avionët F-16 dhe helikopterët Apache. Ajo nuk gjeti asnjë fjalë të flasë për ata të rinj të pashpresë, për ato breza njerëzorë që lindin e vdesin kampeve të refugjatëve dhe që dëshpërimi i shtyn të ngrihen me gurë e llastiqe kundër një prej ushtrive më të forta.

Të paktën te ketë zgjuarsinë të heshtë, deri sa midis zyrtarëve të saj shpresojmë se do të ketë ndonjë që së fundi do të kuptojë se të mos rreshtohesh në çdo çast në anën e politikës së qeverisë së Izraelit nuk është qëndrim antisemit. Janë gjëra të ndara.

Qesharakë e kundërthënës, duke përcjellë imazhin e atij që pret degën poshtë këmbeve të veta, nëpunësit shqiptarë të politikës së jashtme lënë të kuptojnë se motivi i pashprehur i aksionit të tyre politik është se ata besojnë thellë se pigmenti i bardhë ka më shumë vlera se sa ai me ngjyrë. 

___

Marre nga "Peizashe te fjales"

50 Komente

Boooh çfare diskutimi. Ajo pjesa e Izraelit njehere, ben be se ka dale nga "Shenime mbi Lindjen e Mesme" te shokut Enver. Sidomos ajo fjala mbi dronin qe i rri mbi koke çdo KUADRI palestinez, me gajasi fare.

Shiko si eshte puna : s'e kishte keq ai vud alen çifuti kur thoshte : hej, çuna, te mos e bejme balte fare, edhe paranojaket kane armiq.

E kam fjalen, qe edhe ata qe ia duan te miren Izraelit, mund te jene antisemite. Argumenti me i pjerdhur qe lexoj lart e poshte, e qe perseritet neper studio TV franceze nga ca trapa kengetare apo aktore filmash pa berthame ne koke, eshte : oh tani, jo te gjithe qe kritikojne izraelin jane antisemite. Dhe po t'i germosh pak, dalin jo antisemite, por pertej antisemitit.

Me beri habi gjithashtu se autori kercen nga gjeli tek gomari, si thote frengu, dmth ia nis me racizmin shqiptar - qe ky do na beje hatane ne bote - dhe perfundon tek vellezerit palestineze qe vuajne nen thundren e... (per me teper lexoni "shenime mbi lindjen e mesme", Enver Hoxha, Instituti lesh-me-qime, drejtuar nga Profesor Sofokli Xhambazi, faqe aq e kaq). Aq sa te behet te pyesesh : ore, ku i rreh me shume ketij autorit, te permiresoje shqiptaret, apo te çliroje vellezerit palestineze ?

Dhe me e bukura eshte se autori merret kaq shume me klishe, me fjale ne ere, sa s'merr mundimin te na thote dy fjale se nga mund te kete ardhur ky racizmi yne, apo tani eshte e modes qe t'ia fusish nje te peshtire ne pergjithesi kombit shqiptar, e pastaj te dale ku te dale. Po, po, racistet e pare ne bote jane shqiptaret, mjere bota nga ne, do t'i shkojme te gjithe ne hell...

Po mire ti qe i kerkon autorit te na thote nga vjen racizmi i shqiptareve, pse s'na thua nga te vjen ty tere ky racizem ndaj palestinezve?

Dhe JO o pa-berthams, antisionizmi nuk mund te barazohet KURRESESI me antisemitizmin. Une jam dhe do te jem antisionist (dhe anti çdo shteti me baza fetare) por nuk kam qene e nuk jam antisemit.

Je qe je, na thuaj edhe ku e ke shpine qe te te sjellim ca myslimane nga Sudani qe te te nxjerrin ty nga shpia e pastaj ta rrethojne edhe lagjen me mur e mos te te lene te hysh brenda.

O SFR-o, o prokus i keq. Me qe ti nuk je si puna asaj qe nuk i kuptote bashkesite, po ta shpjegoj me bashkesi. Bashkesia e antisionisteve pritet me ate te antisemiteve, por ne asnje menyre ajo nuk perfshihet ne te. Ndryshe nga c'kerkojne te tregojne keta mbeshtetesit e gjenocidit te Izraelit, prerja e dy bashkesive eshte vetem nje pjese e vogel e vogel e antisionisteve. Biles pjesa me e madhe e antisemiteve nuk jane antisioniste, pasi ata jane edhe anti-myslimane dhe u intereson sherri ne Palestine.

smiley

Xhibi ti ore? Unë të mendoja me njëçikë më shumë sens kritik. smiley

Një yll, meqë andej na i ka heq yllkat (e vëerësimit) pronari i shtëpisë, i pëlqejnë vetëm lajkat (lajket).

Raciste jane ata popuj qe s'kane kontakt aq sa duhet me racat e tjera.

Me ka ndodhur jem ne Shkoder, perkthyes me zyrtare te larte shkodrane dhe te huaj qe kishin ardhur per bashkepunim. Gjate nje dreke, pasi une vura ne dukje qe Shkodra mbahet per humor, njeri prej tyre nis te tregoje barsoleta. Tregoi nje barsolete me nje zezak, barsolete komplet raciste qe per te huajt ishte e papranueshme, (s'e mbaj mend mire barsoleten). 

Eshte per te ardhur keq, por ketu racizmi eshte dicka qe gjendet ne ate pike qe njerezit s'e kuptojne qe eshte gje e keqe. Eshte dicka e pranueshme. Kam debatuar me shoke qe jane me shkolle, aspak te dhunshem, krejtesisht te drejte ne shume aspekte te jetes, e kur vjen puna sikur kane frike te mos tregohen diskriminues ndaj homoseksualeve. Megjithate, jane te afte te ndryshojne kur kontaktojne me ta. 

Shumë përmendet kjo fjalë "të huajt" për të bërë krahasime me ne. Të huajt, janë ato 192 vende të tjera në botë. Më thuaj cili nga këto vende nuk ka racizëm të çfarëdolloj forme? Një barsaletë mund të jetë raciste për dike e joraciste për dikë tjetër. Në vendet skandinave, ke një rritje të racizmit në kohët e fundit, jo vetëm ndaj zezakëve, por edhe ndaj etnive të tjera. Dhe ata patën një kontakt të shumtë me racat e tjera, por kjo nuk krijoi atë çracizmin që pritej. 

E drejte, te gjithe e kane. Por te pakten e dine qe eshte gabim. Ndersa ne Shqiperi nuk dihet qe eshte gabim. Me te huajt, sigurisht qe flitet per ata ku aderojme te jenmi pjese,.

Autori paska prit torten per ti treguar vendin shqiptareve. Imagjino sikur ta kishte shkruar para tortes, nga 30 paragrafe te lodhur do kishte vetem 29

Autori qenka merzit se e pasken lane pa torte, dhe e paska permbledhur urrejtjen e tij/saj ndaj shqiptareve ne kete shkrim. Me torte, magjipe, Palestineze, Izralite, UNESCO dhe hsjdjdbsheyshjisbwhh.

Zezaket, qymyrat, ziftat etj etj urrejne njeri tjetrin, i kam degjuar shume here te jene rracista kunder zezakve, kunder te bardheve, dhe me e rendesishmja kunder Shqiptareve qe nuk kishte lidhje me Shqiptaret fare.
Por zezaket nuk ankohen per rrasimin e tyre ndaj zezakeve apo te bardheve, por e ekzagjerojne cdo gje per ta quajtur "rracism".

Autori duhet te mbroje Shqiptaret kunder rracismit, si ne Balkan, Evrope dhe me gjere.

Më mbetet gjithnjë enigmë nëse ky lloj racizmi është i trashëguar apo i kultivuar. Nuk ka asnjë shenjë që teoritë e A. Gobinosë të kenë qarkulluar në Shqipëri. As për periudhën e regjimit komunist nuk mund të thuash gjësendi të veçantë. Të paktën një gjë të tillë nuk mund t’ua faturosh atyre. Flitej për një lloj internacionalizmi proletar që në parim ishte mbiracor..."

Eshte e thjeshte fare.Zezaket jane diskriminuar nga europianet e bardhe.Ne duke i poshteruar ata na duket vetja europiane , ndjehemi me te fuqishem e me mire per veten.

Amerikanet i shohin ne pergjithesi mexicanet me percmim se jane me te varfer.Keta te fundit shohin guatemalasit me te njejtin percmim per shkak se keta te fundit jane me te varfer se ata  e kalojne kufirin per ne meksike njelloj si mexicanet kalojne kufirin amerikan.Po ashtu racizmi ndaj zezakeve mbartet me teper nga redneket  e varfer .Ata ishin ne fund te shoqerise e zezaket ishin i vetmi grup qe kishin nen vete .Pra eshte tendenca e qenies humane te veje  dike poshte vetes.

smiley uuu love this article

Jam I sigurt qe ky autori pasi ka shkrujt kte ka Ik ne kafe ka porosit "nje Kapucino lali" dhe ka diskutu me shoket sa rrace e keqe jan maloket. Sa per jevgjit , I kam ne Pune ka rob te mire the te kqi , po 2 gjera Kane te perbashketa , te gjithe Jane te piste , dhe jan rraca ma pertace ne bote tamam lazy sacks of shit.

Nuk është e habitshme që si komb të kemi për tendencë të riprodhojmë dhunën që kemi pësuar vetë si popull i shpërfillur në periferinë e perandorive të mëdha, por pa mundur të integrohet plotësisht as në njërin e as në tjetrin kah.
 
Me teper nuk ja vlen te lexosh ne kete artikull gjasme bombastik...
Ky/Kjo shkrimtare as nuk ja ka piken e idese se historise se popullit shqiptar smiley ose ndoshta perpiqet te beje ndonje provikim te tipit Lubo-antishqiptari-Kapo-Arrandist.
 
 

 

Nuk është e habitshme që si komb të kemi për tendencë të riprodhojmë dhunën që kemi pësuar vetë si popull i shpërfillur në periferinë e perandorive të mëdha, por pa mundur të integrohet plotësisht as në njërin e as në tjetrin kah.

Injorance edhe gabim ne shume nivele. Nuk e lexova me shume se kaq. Dobet, jashtezakonisht dobet, ska ngel injorant e debil pa marre mundimin te shkruaj.

Sa për Palestinën o Lyss, shteti i Abazit, të kishte bo llogaritë mirë kur lëshoi atë deklaratën bombastike në Beograd që shteti palestinez nuk do ta njohë kurrë Kosovën, këtë tokë që sipas tyre iu grabit Serbisë ashtu si Izraeli po ua grabti tokën palestinezëve. Ajo deklaratë nuk harrohet, dhe unë personalisht do të votoja kundra tyre për aq kohë sa ata nuk e ndërrojnë qëndrimin ndaj Kosovës. Apo ti po thua që të dukemi mendjehapur, e të shesim pjesën tonë të kombit për Palestinën? Se ka dalë në modë tani, shit vëllaun tënd, që të dukesh joracist. 

Kapercim amalgam  i racizmit  tek votimi sahan lepires i servileve apo gjasme strategjikeve te ministrise  se jashtme.. xhibi cammon man..

 

Autori  behet naiv kur aludon se ne votimet pro apo kunder Palestines  u votua ne ate menyre ne te cilen u votua per hir te racizmit qe ne paskemi dhe si shtet ndaj saj...

Dihet qe ne  nuk kemi pare shume njerez me ngjyre, te jesh i varfer  ne kete kontinent na paska te mirat per forza, jo interesant si vend per  emigrantet  nga kontinentet e tjera.  Gjate komunizmit u votua sipas ideologjise  se nje kombi te pavarur mos harro se ne futem Kinen ne OKB psh. sipas artikullshkruesit si  kemi qene atehere.. smiley

Gjithe ky artikull gjithe keto komente akoma se kam marre vesht se kush eshte " Si e keni ate jevgun "

Me pelqeu...5*!! Sa per racizmin...mungesa e edukates dhe injoranca e shpjegon shume mire fenomenin ne shqiperi! Per te tjerat...ne popull i vogel jemi...tek te qenurit servil deri ne peshtirosje ndaj te medhenjve, e kemi pare e shohim shpetimin apo mbijetesen tone..jo per gje..por e provuam nje here gjate historise sone,te mos ishim servil te askujt...e vdiqem per buken e gojes!!

Xhibo rrofsh qe e solle kete shkrimin.

Racizmi yne vjen, per mendimin tim nga ndjenja e inferioritetit qe ne i ushqejme vetes ne lidhje me te "jashtmit e forte". Duke akumuluar tere kete frustracion ne kerkojme te shfryjme kunder atyre qe na duken te nje niveli te krahasueshem. Po ta vesh re me racistet nder ne jane ata qe bejne pune te rendomta ne Perendim. Pra dikush ankohet se "jevgjit" ne punen e tij jane dembele dhe i ngel ketij te pastroje me shume hale.

Personalisht kam shku ne shkolle apo kam punu me njerez me ngjyra te ndryshme dhe te gjithe ngjyrat pa perjashtim kane pas njerez shume te afte, sic kane pas edhe rob per t'jua .. turinjte. Fiks si me te bardhet. UEEEE SA CUDIIIIIIIIII!

Sa per votimin tone per Palestinen ai ishte nje veprim i turpshem dhe anti-shqiptar ne perspektive. Po sigurisht kete nuk mund ta kundershtoje opozita jone inekzistente. Politika jone e jashtme historikisht eshte bere mbi supozimet se cfare i intereson Amerikes, te cilat ne 80% te rasteve jane ose te gabuara ose anash realitetit. Kur ndjekim kete lloj politike ne gjerat qe kane lidhje direkte me "vendin mik", Kosoven, ç'mund te presim ne nje ceshtje qe ka lidhje indirekte si Palestina.

 

Alidea, dhe te tjere qe keni rezerva, se pari le te biem dakort ne parim qe s'eshte e thene te jesh 100% me cdo fjale te nje shkrimi (ideje) qe ta sjellesh apo diskutosh ate. Ne kete pike dhe une s'ndaj te njejtin mendim se ne votuam abstenim per statusin e Palestines per arsye te races/racizmit, por nuk jam aq i sigurt per nen-faktoret (underlying factors).

Racizmi/paragjykimi i ashper i ne shqipove (ne mase, dmth tek shumica) eshte padyshim nje ves i shemtuar. Une nuk e di nese autori--apo Lizandri--ka(ne) te drejte ne shpjegimin e ketij fenomeni, as vete s'jam i sigurt pse, por padyshim ja vlen te diskutohet.

Po ashtu ja vlen te diskutohet servilizmi dhe impotenca e shtetit shqiptar ne politiken e jashtme. Une jam po aq pro-amerikan sa cdo shqipe tjeter, aq me teper qe e kam Ameriken si memedhe te dyte, por mos harrojme qe cdo vend ben dhe duhet te beje politiken e shtetit te vet, dhe ne as jemi as kemi per te qene Amerika, ne jemi, ne kete kontekst, sic thote autori nje shtet qe "ka pas vetes gjysmën e kombit tê tyre, të cilin ende nuk e njeh gjysma e botës". Plus qe sikur dhe pa u nisur fare nga interesi vetiak i kombit, ne u gjendem ne anen e gabuar te historise me kete vote abstenuese.

Pra, lerini menjane tekat kalamaneske, apo hurbinekiste, te te kapurit me shpulla te tjetrit per sport, dhe diskutoni njehere te pakten sic eshte per te qene smiley

xhibi, 

mbi servilizmin, impotencen e shtetit shqiptar, une mendoj se gjerat jane me te thjeshta se sa duken. Mendoj se cdo gje behet per arsye ekonomike. Mendoj se cdo gje behet per poltronen. Impotenca e shtetit shqiptar vjen si pasoje e menyres se si politikanet tane bejne politike. (mjafton te shikohen CableGates ku politikanet vrapojne te raportojne neper ambasada)

 

Pro-amerikanizmi yne (i atyre qe nuk kane nje rol ne çeshtjet publike te shtetit shqiptar) mendoj se eshte pa dorashka pra i sinqerte, ndoshta pasi ne synojme, jemi te joshur, te arrijme mireqenien/jeten e amerikaneve, ndoshta propaganda hollivudiane e ka kryer punen e saj, dhe nuk ka te beje me "pro-amerikanizmin" e politikaneve.

Mendoj se situata qe pershkruhet ne kete interviste eshte e njejte me ate qe ne (dhe shume shtete te tjera) po perjetojme thjesht imagjino/zevendeso sikur po flitet per politikanet shqiptare. Sigurisht mund te gabohem por me duket shume me llogjike se sa te tentohet te vishen veprimet/vendimet/votat me ngjyra emocionale si racizmi, injoranca apo pazotesia. 

Pra, lerini menjane tekat kalamaneske, apo hurbinekiste, te te kapurit me shpulla te tjetrit per sport, dhe diskutoni njehere te pakten sic eshte per te qene smiley

 

Xhibi  nderrova mendim per ty - smiley

smileysmileysmileysmileysmileysmiley

Being qe dhe Elba nderroi mendje smiley do thoja (also) qe mu duken interesante nuancat e racizmit qe autori ve ne dukje, nga pervoja e tij personale, midis shqipove te Shqiperise dhe atyre te Kosoves.

Po ashtu eshte intriguese ideja e elementit te perbashket te racizmit midis banoreve te vendeve ish-komuniste qe thote autori, megjithese besoj se nese ka dicka te perbashket nuk eshte tamam komunizmi por ndonje tjeter faktor i perbashket midis ne dhe vendasve te atyre shteteve.

Ndoshta e patë që vetëm Serbia votoi pro Palestinës në Ballkan, si rikthim nderi për premtimin që Palestina nuk do ta njohë kurrë Kosovën:

http://en.wikipedia.org/wiki/File:UN_Res...

Vetë e prishën punën me ne, le ta mbajnë tani. 

Serbia dhe Greqia.

Nuk synohej Palestina ne kete rast por vendet e tjera 'islame' qe s'e kane njohur Kosoven. 

Po dhe nga ana tjeter e ekuacionit, mos valle Izraeli e ka njohur gje Kosoven? 

Pra ishin dy gjera, se pari interesi yne kombetar, dhe se dyti te qenit ne anen e drejte te argumentit/historise (parimisht); ne te dyja aspektet duhej qe Shqiperia te kishte votuar pro, dhe nuk eshte se Amerika do ja kishte prere bibilushin Shqiperise me kete vote, bile e kunderta ka mundesi, qe do fillonte te mendonte se Shqiperia ka dhe ajo qendrimet e veta dhe mbase do krijonte pak respekt per ne (nuk te respekton kush fort kur s'ke nje personalitet apo karakter tendin por je thjesht qull).

nuk te respekton kush fort kur s'ke nje personalitet apo karakter tendin por je thjesht qull

+100

Ti ja the, po kujt ja the?

Sa qejf keni te shpikni lajme! Mua me rezulton se eshte Izraeli ai qe ka thene se nuk do ta njohe kurre Kosoven dhe jo Palestina, e cila ka deklaru se njohja e Kosoves eshte çeshtje kohe (nepermjet ambasadorit te saj ne Tirane te pakten)

Lajmet nuk shpiken, duhen ndjekur që të mos arrish në pikën që të thuash se janë shpikur. Izraeli nuk e ka njohur, është e vërtetë, po është Palestina ajo që më vendosshmëri e publikisht ka thënë se nuk do ta njohë kurrë dhe se Kosova do të jetë gjithmonë serbe. 

In the months that followed Abbas’s visit to Belgrade, the Palestinian ambassador to Serbia claimed that Palestine will never recognize Kosovo and that Kosovo was always a part of Serbia,

 

http://www.todayszaman.com/newsDetail_ge...

Nuk po te duket vetja pak selektiv o Edvin? Jo se une te linku yt gjeta kete :

Israel’s stance on Kosovo

What made me write this article is the latest visit of the Israeli minister for public security of the state, Yitzhak Aharonovich, who reaffirmed his and Israel’s full support of Serbia in its stance on Kosovo. He said Israel would not recognize Kosovo’s independence and that this would not change unless Serbia and Kosovo came to an agreement. Israel’s stance is known, as Israeli Foreign Minister Avigador Lieberman has put forth, as having slight differences. Serbia’s response to Israel’s stance has not been delayed as Serbian Interior Minister Ivica Dacic thanked Aharonovich for Israel’s support on the issue of Kosovo, adding that “Israel had Serbia’s full support in solving similar problems,” pointing out that Serbia supports Israel in the Israeli-Palestinian conflict.

Si thu ti kush ka me shume vlere, fjala e disa ministrave apo fjalet e amabasadoreve qe kundershtojne njoni-tjetrin?

Deklarata e Palestinës ishte më e fortë se e Izraelit. Dhe me Izraelin edhe mund ta rregullojmë punën me anë të SHBA-së. Tani mund t'i bëjmë pak gjë Izraelit, pasi e kemi njohur atë. Por me Palestinën mund të vemë kushte, pasi nuk mund të njohim një shtet që del hapur me deklarata të forta kundra nesh. Abstenimi ishte mënyra më e mirë për të mos u përzier në punë që nuk na takojnë dhe janë me spec. 

Une jam shume dakort me voten e Shqiperise ne rastin palestinez...mund te kishim bere edhe me keq...te kishim votuar kundra..ose akoma me keq..te kishim votuar pro!! Nuk e kuptoj ku qendron gabimi ne kete rast..mendoj se Shqiperia vete, nuk ka gje ne dore per njohjet e reja te Kosoves(koha e ka treguar)...dhe me rastin Palestinez vetem sa i hapte probleme vetes..abstenimi mund te kete ardhur edhe per arsye servilizmi,ndoshta vetem per to...por nuk me duket vendim i gabuar!

Nuk po merrem me argumentin e votimit ne OKB sepse abstenimi Shqiperise eshte ashiqare nje qendrim politik pragmatist ne thelb dhe sjellje e qehajait sipas humurit te agait (USA) ne siperfaqe. Keshtu qe lidhja qe autori i ben me ndonje frymezim racist me duket arbitrare.

A ka racizem ne shoqerine shqiptare? A jemi raciste ne shqiptaret mes vedit dhe me te tjeret? Mendoj se po, edhe pse nuk eshte fjala per ndonje racizem institucional.Nje lloj racizmi doktrinar eshte artikuluar vazhdimisht, jo bruto sigurisht, por si ingredient i doktrines kombetariste, kur flitet per lashtesine e etnise shqiptare dhe kur rracen shqiptare e sperkatim me pak mburravecllek si race e paster (gjenetikisht). Inferioritetin e shkatuar nga prapambetja jone ne raport me te tjeret mundohemi ta kompesojme me glorifikimin e historise dhe superioritetin e origjines, lashtesia, tiparet e rraces shqiptare etj.etj.

Kurse racizmi si dukuri ne jeten e perditshme dhe ne raportet me persona te grupimeve, krahinave, etnive dhe rracave te tjera, nuk ka lidhje me komunizmin dhe as me faktin e mosnjohjes se teorive raciste. Racizmi eshte i pranishem ne cdo shoqeri sepse ngado e kurdohere ka patur te afte dhe te paafte.Ndarjet pasurore kane prodhuar ndarje klasore, ndarjet klasore jane manifestuar edhe ne sjellje dhe tipare kulturore dhe mbi bazen e ketyre diferencave jane ndertuar streotipet, paragjykimet si shtrati qe ushqen diskriminimin. Po ti referohemi psikologjise popullore do hasim shprehjet "rrjedh nga fis i mire", " rrace e mire", "sua i mire" , "evgjit te ben zakoni dhe jo ngjyra e lekures".Pra gjaku,fisi, raca si tregues superioriteti ne raport me fise e raca te tjera eshte perforcuar dhe gershetuar me dallimet sociale dhe kulturore.

Pastaj kemi dallimet krahinore (lab, malok, myzeqar, cam, vlleh) ku karakteristikat sociologjike dhe antropologjike jane perkthyer si dallime ne termat e inferioritetit dhe superioritetit te cilat sherbejne si baze per diskriminim.

Edhe diskriminimi linguistik ne formen e etiketimeve "jevg", "xax", "gabel" shpreh nje vetedije per dallimin dhe stereotipizimit te  tjetrit mbi bazen e ngjyres.Nqs diskriminimi hapur per shkak te races, ngjyres, etnise  eshte me i kufizuar, diskriminimi i fshehte , qe nganjehere pranohet si normal, eshte me i perhapur.Jo cdo lloj diskriminimi eshte racizem ama cdo forme racizmi eshte diskriminues.

 

Xhib kur lexova ate "marre nga Peisazhe ...." mu buzagazvetevetja sepse mu kujtua ajo shprehja Juaj "lash nje koment atje " smiley Se ne se nuk le koment dhe zoti HU dmth prurja nuk ka vlere . Edhe Huri i tha dikujt "lashe nje koment tek prurja e Xhibit smiley

Behet mode e nderuar Xhibileshe termi racist per tu perpunuar me mejtime te mendjes nga inteliDjenca e sotme , pa kuptuar se ai eshte nje TERM qe ne as na takon te na vishet sepse nuk e NJOHIM . Ne mund te thoje qe kemi nje mungese KULTURE si popull , qe me termat e Kohes shfaqet ne Racizem . Kaq per kete pjesen e Derstiles qe e trajton Racizmin nder Popull me metode Rrenjasiu smiley

 Populli yne trim e punetor , patriot , zemerbardh mikprites dhe bashkejetues pa eksese me te tjere ne shekuj  por pak veshderr , ndoshta nuk e kupton mire Racizem , por me fakte Historike ( perjashtuar pas 92 ) nuk ka shfaqur KURRE Racizem as elemente te tij . Cdo konflikt mids kulturave dhe qe zgjidhet shpesh here edhe me mjete DHUNE qofte edhe per "Motive te Dobta " nuk mund te trajtohet si Racizem .

E gjithe pjesa tjeter perfaqesuese nga nje KLASE qe DUHET me cdo kusht me e Kulturuar por Dinjitoze si perfaqesuese e ketij Populli ajo qe VOTOI ne OKB dhe qe eshte bere objekt i komentit tuaj eshte safi BYTHLEPIRJE  ose Servilizem i paskrupullt . Dhe megjithese une ngul kembe qe ne Qeveri SOT te dale nga nje Grup urrja - burrja si PD-hi nuk ka per be , me perjashtim shume te rralle , te kuptoje cdo me thene RACIZEM . Ca me teper dy Lideret e saj qe ne cdo germe e Fjale kur trajtojne nje Problem e kane fund e krye Racizem te Peshtire duke kujtuar se thone fjale te mencura ...dava Dylqinjash Topalle smiley qe "te nxjerrin prej zhelesh " E cdo ti bente i nderuari  Vebiu kesaj fjale per racizem smiley Por  po te shohesh  tek 21 Janari aty Racizmi ben MU ne praktike me ekstremin e tij Vrasjen ose eleminimin megjithse ne permasa te vogla jo si te 97 ( me tanke e avione ) , veprimi u krye  ndaj Popullit protestues . Duhet theksuar Protestues se aty NGRE krye te plote RACIZMI si cfaqje kunder ndaj nje te drejte te Ligjeshme te popullsise qofte edhe nje pjese te saj apo dhe nje Individi !

Si Drejtoreshe per mua Mbetesh e pazevendesueshme. Hasmi te plase por Postin s'ka bir nene te ta marre smiley

Kush mendon qe ne nuk kemi mes nesh nje numer disporcional te larte racistesh, ose nuk ka qene ndonjehere jashte shtetit ose eshte kaq komplet i izolume aty ku eshte sa qe s'e ka idene. 

p.s.

Ne, jo vetem kemi nje numer te larte racistesh mes nesh, por kemi edhe reputacion si racista. smiley

p.s.1.

Habitem si habiten robt me racizmin, kur mendon qe Hitleri dhe nazizmi, edhe ne kohe te Enverit nuk ishte ndonje frike e madhe t'i levdoje. Dhe njerezit, haptazi i levdonin. 

As komunistet me Verkon ne krye nuk mendonin se kishte ndonje gje te keqe ke teoria e racave me Arjane dhe me Shqiptare -e diftueme per fmi     e naive t'tjere nga Adolfi! smiley

E tregume nga Adolfi ...jo nga NE ..Ec aty Mroklle !!!!!Bani dhe Qeveri asnjanese per me shpjeguae ma qarte kete Dolfi .Biles na futi edhe ne gjirin e ngrohte te SSme na tregue qe jemi e njejta Race !

Qe jon kenoq e kenoqen pas 92 keta te shoqates Turistike " Mirsevini te dashur Naziste " kjo ben MUUUUUU dhe per kete komenton Drejtoresha smileyBiles edhe shoqeria " Mrekullohu nga Pushtimi fashist " te habitit me thellesine e shikimit per  nga cilesia e Vendimeve te Fashisteve per me Lulezue Shqiperine me Ndertime , me hapje rrugesh , me Spitale,  Banga dhe ......Gjykata Ushtarake qe te denonin ne se nuk e kuptoje qe raca Italiane eshte nje me Shqipateret kudo qe ndodhen me i bamun nje Bajonete per Na !

Zakonisht, kur debatuesit jane te nivelit te klases se peste tetevjeçare qe mahniten nga vizatimet me ngjyra te librit te historise, une s'perzihem fare. S'ia vlen. Pak se e kam me bezdi tashme qe te shkruaj ne kete faqe, e pak se s'kam mundesi t'ia kthej apo te percjell nje debat normal me ndonje bashkebisedues me te kenduar, dhe kjo ben qe vari qillon ketyre puneve.

Do te mjaftohem thjesht me nje shenim : Lizander, jam shume i lumtur qe nuk je me keshilltar i Presidentit. Dhe uroj te mos rikthehesh me ne kete post. E thene thjesht : nuk e ke idene e kesaj pune, dhe me vjen keq ta them, por kjo pune nuk behet me perralla dhe as me kujtime caracash. Kjo pune do qe te kesh perpire gjysmen e bibliotekes se ndonje Instituti studimesh nderkombetare, gje qe ti as nuk e ke bere, e as ke ndermend ta besh. Nuk jam shume i habitur nga ky nivel diskutimi, sepse e di se ne Tirane, ne vitet 90 sidomos, por edhe me pas, ne ato 2000, njefare kolegji turk, pjese e rrjetit te islamistit te "moderuar" (kush ma shpjegon kete fjale "islamist i moderuar", eshte mjeshter) Fetullah Gülen, ka perhapur apo nderfutur njefare lengu mpires me efekt te gjate. Kjo fryme guleniane shihet me se shumti ne te gjithe ata studente te shkelqyer te kesaj shkolle qe kane vajtur per "marredhenie nderkombetare". Te gjithe keta e kane mbaruar shkollen dhe sot jane shperndare neper drejtorira. Pasojat e tyre do t'i ndjejme ca me vone, kur te behen vertet diplomat karriere. Por shenjat i kane dhene qe tani.

Une s'ia kam friken ndonje "keshilltari" si Lizandri, por me teper atyre qe kane lexuar e jane teper te kultivuar por me nje bosht "mbrapsht". Keta do te na nxjerrin goxha pune. Ndersa keshilltaret e kalibrit "Saraçi", nuk ngrejne kandar se ne bashkebisedimin me te vogel me nje diplomat te huaj, ai e sheh ç'kultivim kane dhe ia heq spinotin, s'e zgjat me tej darken. Por kur ky diplomat i huaj (qe vendos per diçka madhore per Shqiptaret), te bjere mbi nje diplomat shqiptar gulenian qe i citon lloj-lloj poeti e lloj-lloj historiani ? Pikerisht ketu eshte rreziku.

Tungatjeta tani, kaq kohe munda t'iu kushtoj, per me teper, me shkruani ne sekretariat.   

Artikulli kishte kapur dy pjese te ndryshme, nje per racizmin dhe tjetra per voten ne OKB, qe jane dy çeshtje krejt te kunderta , pavarsisht se autori ish munduar tu bente nje lidhje. 

Per racizmin, ne fakt blloku lindor njihet, por kjo vjen se kemi patur me pak kontakte me zezaket dhe zhvillimi yne ka qene gjithmon me mbrapa se ai i perendimit. Ne fakt, zezaket jane njesoj si ne shqiptaret, flasin me ze te larte si ne, kane temperament si ne, bejne shaka si ne, mendojne si ne, (biles kujtojne se fajin per mos zhvillimin e tyre e kane ish kolonizatoret e tyre, nderkoh qe kolonizatoret -vertet i shfrytezuan per pune- u sollen zhvillim), edhe per pune jane njesoj si ne, dhe kjo e ka burimin nga klima e nxehte qe te dembelos. Ne jemi vendi me i nxehte ne Europe, prandaj dhe shihet nje shkrehje per pune, apo nje pune alla afrikançe. Nuk flasim per rastet e veçanta, ku individe nga keta dhe neve, punojne njesoj si perendimoret, per te mos thene ne disa raste edhe me mire, por keto jane raste. 

 Per çeshtjen e Palestines, kjo eshte nje teme qe u konsumua dje dhe pardje, dhe kaloi, le te shohim perpara. 

Ndërkohë, vota e Shqipërisë në Asamblenë e Përgjithshme të OKB-së, ka acaruar sipas mediave turke marrëdhëniet mes Ankarasë dhe Tiranës zyrtare, E përditshmja prestigjioze turke, “Hurriyet” zbardh dialogun e Kryeministrit turk, Rexhep Taip Erdogan, me homologun e tij shqiptar, Sali Berisha, sipas të cilit ai ka kërcënuar Tiranën se nëse nuk votohet pro Palestinës, mund të prishen marrëdhëniet dypalëshe Shqipëri-Turqi.

Berisha e ka shpjeguar voten duke thene se Shqiperia nuk deshte te linte jashte lojes Ameriken, me nje llaf po te votonte Shqiperia pro Palestines Amerika rrezikohej te margjinalizohej krejt nga konflikti Izrael-Palestine smiley

The Jerusalem Post - Shyqyr jarebi qe Shqiperia abstenoi, si vend musliman qe eshte:

Although officials in Jerusalem expressed disappointment that Germany – which often votes for Israel in international forums – abstained, there was satisfaction that certain other countries did abstain, first and foremost Albania, which is a Muslim country with whom Israel has developed close ties over the last couple of years.

Inshallah po na sjellin ca investime a ndihma Izraeli - nga ndihmat qe ju jep Amerika cdo vit.

Hahahaha 

Cifutet jane bujare , do dergojne ne shqiperi investues si bernie madoff ne shenje mirenjohje per udheheqesin tone  te dashur qe u del per zot ne arenen nderkombetare duke u bere hasem me dynjanesmiley

Jam shume krenar per ate vote te Shqiperise ne OKB megjith presionin arab dhe turk per te kunderten. Erdoganit duhet ti thone qe Shqiptaret nuk jan turq, dhe qe Shqiperia ka shpallur pavaresi kulturore dhe politike nga PO qe ne 1912, pavaresisht se klani jep telenovela turke. Shpresoj qe nje nga masat qe do te mar turqia tashme kunder Shqiperise te jete bllokade kulturore smiley

Turqia ka 6 shekuj qe perdor Shqiperine vetem per interesa te saj, politike, ekonomike dhe kulturore. I duhet thene mjaft ketij avancimi denatyralizues. Nqs Turqia do marredhenie te mira me Shqiperine te kerkoj ndjese per qendrimet qe ka mbajtur qe i kan kushtuar aq shume shqiptareve ne historine e tyre, si mos lejimi i gjuhes te shkruar me ligje te rrepta, copetimin e trojeve shqiptare ne bisedime me fqinjet dhe fuqite e medha duke e perdorur si placke tregu, mohimi i egzistences te popullsise shqiptare ne Turqi, le me njohja e nje minoriteti, sjellja perandorake si ky kercenim i erdoganit etj etj. Duhet qe te kemi nje lider qe te mendoje dhe shprehet qarte vetem per interesat e popullit qe e voton, dhe ne kete kontekst historik interesash vota ne OKB me e pakta duhej te ishte abstenim dhe me normalja pro izraelit. Me cifutet kemi nje histori te gjate dhe ndajme shume te perbashketa, kurse me arabet qe jane nje nga kater kombet me te medhaja dhe fuqishme ne bote nu kemi as histori te perbashket dhe as nuk ndajme asnje gje prej gjeje. 

Turp per ato vende europiane te cilat shfarosen cifutet ne L2B dhe sot kan kurajon  te votojne kunder Izraelit, turp.

informohu pak me mire mbi historine pastaj komento. eshte e vertete qe pushtimi otoman i ka bere shqiperise deme te pallogaritshme, po po te gjykojme mbi historine e 100 viteve te fundit kemi te bejme me nje realitet tjeter. prandaj, dhe njehere, informohu. you have google

Cfar realiteti tjeter? Pa na shpjego ti cfar ke mesuar ne google qe une s'e dikam... Pa he njehere se po te jap nje shanc te me ndricosh. SHkelqe se ke rast.

ballkanasit jane te gjithe raciste..... ca ka per tu cudit ktu

Nga racizmi i shqiptareve ne vota ne e Shqiperise ne OKB.Vetem autori mund te na i jape kete kapercim...

Shume nga keta qe sot kritikojne voten e drejte te Shqiperise ne OKB,per problemin palstinez,do te hidheshin perpjete nese Shqiperia do te votonte PRO.

Do te hidheshin dhe cirreshin se si Saliu po e prish me Ameriken dhe po na afron me turqit dhe qindra budallalleqe te tjera si keto.

Votat ne OKB nuk jepen se nje popull ka te drejte,se te ishte ashtu sot ne OKB do te kishte nje shtet me emer Kurdistan dhe nje me emer Kosove.Por ja qe ska se Kurdistani as qe eshte hedhur si teze dhe Kosova njihet vetem nga gjysmet e vendeve te OKB-se dhe shumica absolute e gjysmes qe nuk e njeh Kosoven,votoi PRO Palestines.Nuk eshte standart i dyfishte dhe kjo?

Vota pra eshte vote interesi shteteror dhe ABSTENIMI ishte vota qe duhej dhe qe e hodhem.

Dhe kur mendon qe paskemi lene Edgoranin te zhgenjyer,me perforcohet mendimi se ka qene vertet vendim i drejte ai i ABSTENIMIT.

as u lodha fare ti hidhja syte pjeses se dyte te tekstit

gjithsesi, per pjesen e pare

mendimi im eshte qe: shqiperia eshte vendi me pak racist dhe diskriminues ne ballkan perkundrejt romeve (edhe tjereve, po meqe po merremi me romet). them kshu sepse:

1. varferia shume e thelle ne shqiperi e ben te pamundur diferencimin shqiptar i varfer - rom i varfer

2. ne shqiperi nuk ka dhune te mirefillte ndaj romeve (me perjashtim te ndonje rasti sporadik te tipit cuni klases pare rreh shokun e klases - qe do e rrifte gjithsesi edhe po te ish bardhosh - me sebepin qe eshte "gabel") ndryshe nga c ndodh ne serbi, apo dhe ne kosove dikur pjese te jugosllavise. ajo qe thuhet me siper se kosovaret nuk kane reaguar, eshte sepse, mendoj une, eshte e qarte qe kosovaret kane nje edukate komunikimi cik fare me te larte se ne

3. romet ne shqiperi jane shume me te vete-integruar se ne vendet tjera te ballkanit (flasin shqip ne shtepi, ilustrimi me i thjeshte)

4. "diskriminimi" ndaj tyre eshte me teper i nje karakteri folklorik, ashtu sic thuhet per beratasit qe jane mistrece apo per tironcit qe jane te trashe e pijanece apo per shkodranet qe jane doreleshuar

5. ne shqiperi, une kam degjuar & di dhe personalisht raste martesash mes te bardhesh tamam te bardhe te nje shtrese shume te mire ekonomike e sociale me rome (sigurisht me shkolle)

ku e ngjove ti qe tironcat qekan t'trash ene pijaneca?si laprakse e integrume qe qeke  po ta boj pytjensmiley 

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).