Për t’ia prezantuar publikut shqiptar Grillon dhe Lëvizjen e tij Cinque Stelle (Pesë Yjet), do të zgjidhja më së pari refrenin e këngës së Lëvizjes,  me të cilën ai u prit në Piazza San Giovani, ku mbajti fjalimin e fundit elektoral. Non siamo un partito/ Non siamo una casta/ Siamo citadini/ Punto e basta, që me përkthim të lirë në shqip do të thotë: Nuk jemi një parti/ nuk jemi një kastë/ jemi qytetarë/ dhe vetëm kaq.

Ky refren shpreh njëherësh edhe qëndrimin e Lëvizjes mbi sistemin politik ekzistues në Itali, edhe propozimin e saj për një tjetër sistem. Lëvizja Pesë Yjet është kundër politikanit profesionist në karrierë që, pasi i delegohet pushteti, nuk pyet për ata që ia kanë deleguar, por abuzon duke u kthyer në një partitokrat e pjesëtar të një kaste të shkëputur nga realiteti. Ajo propozon si alternativë një demokraci direkte pjesëmarrëse në vendimmarrje, gjë që, sipas saj, sot e mundëson uebi. Sipas Lëvizjes, politikanët që do të hyjnë në Parlament apo në vendimmarrje të ndryshme do të mund të qëndrojnë atje vetëm për dy zgjedhje, d.m.th. tetë vjet. Këta tetë vjet do të konsiderohen si shërbimi që ata bëjnë për qytetarët dhe pastaj do të kthehen në profesionin e tyre. Dhe, gjithë sipas Lëvizjes, për këtë shërbim nuk kanë pse të kenë tërë ato lukse e privilegje që kanë politikanët deri tani në Itali. Pra, nga njëzet mijë euro që merr një deputet italian, deputetët grilistë kanë rënë dakord që do të marrin vetëm pesë mijë dhe pjesën tjetër do ta fusin në një fond që do të përdoret për të inkurajuar mikrobiznese e me radhë – gjithë duke pasur idenë se, sikur të ketë maxhorancë të mjaftueshme, Lëvizja do të votojë që të gjithë të marrin kaq.

Një tjetër pikë kyçe e rëndësishme e Cinque Stelle është se ata fusin në të njëjtin sistem tërë klasën politike, d.m.th. edhe qendrën e djathtë të Berlusconit që ka qeverisur në kohën më të madhe këta njëzet vjet, edhe qendrën e majtë, e cila, sipas grilistëve, ka bërë sikur ka bërë opozitë, pasi, në të vërtetë, ka qenë pjesëtare e së njëjtës kastë. Sipas grilistëve, këta duhet të ikin të gjithë në shtëpi, se boll i kanë bërë dëme Italisë, ndërkohë që për ata që kanë përfituar duke shkelur ligjin, Lëvizja do të kërkojë hetim dhe do të jetë “parte civile”.

Një tjetër karakteristikë kryesore e grilistëve është se te kasta dhe partitokracia ata fusin edhe tërë sistemin mediatik që është ngritur në Itali: pra si ato media e gazetarë që i kanë shërbyer Berlusconit, edhe ata që i kanë shërbyer qendrës së majtë, duke i quajtur propagandistë partiakë, dhe jo gazetarë. Për këtë ata kanë refuzuar të bëhen pjesë e debateve televizive qoftë të studiove të RAI-t, ashtu edhe të Mediaset-it të Berlusconit dhe kanë preferuar të krijojnë rrjetin e tyre të komunikimit nëpërmjet uebit.

Përsa i përket sistemit social ekonomik, grilistët janë kundër kapitalizmit që e mat cilësinë e jetës me rritjen e GDP-së, janë për një Itali që nesër mund të jetë më e varfër në disa aspekte, por më e vërtetë, më e pasur në vlera shpirtërore dhe në cilësi jete, janë për zbutjen e diferencave në fitime, janë për një sistem social që ndihmon qytetarin edhe kur mbetet pa punë, por gjithë duke i ofruar vende pune, janë për mbrojtjen e ambientit, për transportin publik, për ujin si pasuri publike, për energjinë e rinovueshme, kundër shpenzimeve për armatime etj.

Përsa i përket Europës dhe euros, grilistët deklarojnë se nuk janë kundër Europës, por janë për një Europë tjetër nga kjo që po ndërtohet, që, sipas tyre, është më shumë një Europë e kapitalit financiar dhe e interesave të të pasurve, sesa një Europë e qytetarëve të saj. Nga ky këndvështrim ata e vënë në diskutim qëndrimin e Italisë në euro.

Ka shumë analistë, jo vetëm në Itali, që duan ta karakterizojnë Lëvizjen Cinque Stelle si një lëvizje që artikulon vetëm zemërimin e italianëve, duke shtuar se ajo nuk paraqet alternativë. Nuk ka dyshim se ajo motivohet edhe nga një zemërim që e bën të ngjashme me lëvizjen Ocupy Wall Street, në Nju Jork, me lëvizjen e Indigniados (të indinjuarit) në Spanjë, me Syrizën në Greqi. Megjithatë, Lëvizja Cinque Stelle nuk mund të reduktohen thjesht në shprehjen e një zemërimi qytetar. Te Cinque Stelle nuk mungojnë idetë dhe propozimet për një botë ndryshe nga kjo e kapitalizmit degjenerativ të kohës së sotme – më sipër përmenda disa prej tyre – që e bëjnë atë edhe një shpresë të re. Edhe vetë fakti që ajo nuk jep siguri në zgjidhje, sikurse e komentoi edhe Dario Fo, një nga mbështetësit më të angazhuar të grilistëve, është i rëndësishëm. Por, sikurse thotë Grillo: “Meglio un salto nel buio, che una morte assistita”, që do ta përktheja: “Më mirë një hap i guximshëm drejt së panjohurës, sesa një vdekje graduale”.

Problemi më i madh që ka Lëvizja sot, sipas gjykimit tim, është se ndërkohë që ajo konteston sistemin me një frymë revolucionare, por paqësore, duke kërkuar t’i transformojë institucionet apo të krijojë institucione të reja duke shpallur fundin e të vjetërve, është e detyruar të punojë brenda tyre e nëpërmjet tyre, pasi ajo nuk ka një maxhorancë absolute që të bëjë ligje e të qeverisë e vetme. Pikërisht si rezultat i kësaj, Lëvizja deri më sot ka refuzuar të bashkëpunojë me tri forcat e tjera që nxorën këto zgjedhje, duke krijuar probleme të qeverisshmërisë së Italisë, që përkthehet në humbje të kredibilitetit dhe humbje financiare po ashtu. Megjithatë, paradoksalisht, sipas sondazheve rezulton se pas kësaj zgjedhjeje numri i mbështetësve të saj është rritur. Mbetet po ashtu për t’u zgjidhur pikëpyetja që lind nëse Lëvizja fiton 100% – sikurse kërkoi Grillo në një nga deklaratat e tij – se kush do t’ia bëjë opozitën apo se si do të ushtrohej kjo?

* * *

Nuk do të isha ulur të shkruaja tërë këto për Lëvizjen e Grillo-s, sikur të mos kisha ndër mend realitetin shqiptar, i cili për mua është një pasqyrim grotesk dhe njëherësh i formës më të keqe i problemeve të Italisë që denoncon Grillo.

Ne kemi nevojë urgjente të denoncojmë dhe ndryshojmë një sistem politik që ka tiparet më të këqija të partitokracisë italiane, një kastë e kaluar kastës që e ndarë në maxhorancë e opozitë, ka njëzet vjet që ndërron rolet në çuarjen e jetës sonë në një rrëpirë që vjen e bëhet gjithnjë e më e thepisur. Ne kemi nevojë t’u themi “shkoni në shtëpi” këtyre politikanëve, madje edhe në burg atyre që pas hetimeve do të rezultonin se na kanë vjedhur e grabitur. Ne po ashtu kemi nevojë të denoncojmë, siç kanë bërë grilistët, sistemin mediatik, i cili është pjesë e strukturave në shërbim të kësaj kaste.

Po ashtu, në aspektin e sistemit ekonomiko-social ne kemi nevojë për një rikthim te vlerat e publikes: për shkollat e mira publike, mjekësinë publike për sigurime shoqërore, që garantojnë  minimumin e dinjitetit për qeniet njerëzore. Kemi po ashtu të përbashkët me grilistët nevojën e denoncimit të problemeve të mëdha që na kanë krijuar politikat shkatërruese të ambientit që prapa shifrave të GDP-së në rritje fshehin një cilësi jete në përkeqësim dramatik.

Por çfarë na mungon për të pasur një lëvizje si ajo Pesë Yjet? Sipas meje, nuk është vetëm uebi që në Shqipëri nuk mund të krahasohet me rrjetin italian të internetit. Më së pari, duke bërë krahasimin, nuk mund të mos shohësh se sistemi ekonomiko-social në Itali krijon shumë më tepër mundësi pavarësie për individët. Pra, edhe pse Italia vuan nga abuzimi me pushtetin në formë korrupsioni, klientelizmi, bashkëpunimi me krimin e organizuar, kjo vuajtje te ne është shumë më e madhe. Te ne ata që presupozohet se mund të sjellin ndryshimin janë shumë herë më të varur nga sistemi:  intelektualët, studentët dhe pjesa me madhe e së ashtuquajturës shtresë e mesme janë të gjithë të punësuar brenda sistemit partitokrat oligarkik ose në punë shtetërore apo në mediat që janë pjesë e sistemit. Ndërsa në Itali, me gjithë të metat jo të vogla, Drejtësia funksionon si e pavarur nga politika, duke dhënë një siguri jo të vogël, te ne mungon edhe kjo siguri. Pra, mundësia për të krijuar institucione alternative ndaj sistemit është shumë herë më e vogël.

Një arsye e dytë është vetë kultura autoritare që mbizotëron në Shqipëri, e lidhur ngushtësisht kjo me mungesën e përgatitjes arsimore. Një lëvizje si ajo Cinque Stelle presupozon njerëz më me personalitet më të përgatitur, më të kulturuar. Edhe në këtë aspekt ne kemi krijuar një sistem që po inkurajon paditurinë dhe mungesën e personalitetit.

Mund të rreshtoja edhe arsye të tjera pse, paradoksalisht. Mu pse ne i vuajmë shumë më thellë problemet që ka sot politika, shoqëria dhe ekonomia italiane, një lëvizje e tillë i ka shumë më të pakta mundësitë të lindë. Gjithsesi, mendoj se është shumë e nevojshme që ta njohim atë dhe të mund të marrim çfarë mund të marrim prej saj, duke pasur gjithnjë parasysh kontekstin shqiptar.  Shqipëria ka nevojë urgjente për një lëvizje të tillë që t’i japë rrugë paqësore ndryshimit. Përndryshe, situata e krijuar do të precipitojë duke bërë që “zgjidhja” të gjendet në rrugë të gabuara.

91 Komente

 

Një tjetër karakteristikë kryesore e grilistëve është se te kasta dhe partitokracia ata fusin edhe tërë sistemin mediatik që është ngritur në Itali: pra si ato media e gazetarë që i kanë shërbyer Berlusconit, edhe ata që i kanë shërbyer qendrës së majtë, duke i quajtur propagandistë partiakë, dhe jo gazetarë. Për këtë ata kanë refuzuar të bëhen pjesë e debateve televizive qoftë të studiove të RAI-t, ashtu edhe të Mediaset-it të Berlusconit dhe kanë preferuar të krijojnë rrjetin e tyre të komunikimit nëpërmjet uebit.

 Ja fute vetes ketu Lubonje. I bi qe sduhet te dalesh me te Klani

Se isha rrugës duke u kthyer tek shpia, pa do ta kisha lexuar më parë...

Së pari, që të prezantohemi ( smiley ), unë s'i kam qejf shkrimet që vetëm konstatojnë. Po edhe kjo varet nëse personi që lexon, ka mend të konstatojë  vet apo duhet ta pres konstatimin nga analisti.

Së dyti, siç bëhet gabim (përfshirë mua) që ndonjëherë i mvishen tërë lëvizjes karakteristikat e liderit apo të ca akitivistëve, po ashtu është e gabuar të thuash se meqë ca janë të mirë të gjithë janë të tillë.  Totaliteti gjithsesi rezulton pozitiv, për shumë arsye.

Tani, tek sistemi mediatik; ça sistemi mediatik, këta kanë uzurpuar gjithë rrjetin. Dhe rrjeti nuk është media? Dje mbase sot jo. apo të thuash nuk vete në tv kur tërë kohën je në tv, nuk të "çon" në tv. smiley

Një lëvizje si ajo Cinque Stelle presupozon njerëz më me personalitet më të përgatitur, më të kulturuar.

Edhe aq me personalitet nuk janë, ca e ca. Kujtoj manovrat frikacake të aktivistit që kishte marrë guximin t'i përgjigjej pyetjeve të debatit mbi shkencën e teknologjinë. Sapo e mori vesh Grilua u detyruar t'i tërhiqte menjhërë përgjigjet e veta, duke filluar komedinë e zakonshme mbi mediat e paguara nga kundërshtarët, mediat e kqija etj etj.

Gjëja e bukur është se sikur këta miqtë e Lëvizjes të kishin 50+1 këta për më pak se 1 vit me ato që pretendojnë të bëjnë çojnë jo vetëm Italinë por tërë Europën në p të sms. Se kshu me 20% grileske e xhelnikshe dinë të gjithë të ulërasin. 

Si është ajo shprehja për kritikët, që dinë vetëm të bëjnë kritikë..

***

Kryetari i peshkut, po vlerësimin me yje pse e keni hequr? E kuptoj se janë gjithsesi komentet, por të paktën ato edhe nëse vendosim 1a nuk na i censuroni dot. Unë jam për rikthimin e tyre, ka mundësi ta rishikoni këtë ndryshim?, një cep ku mund të futen gjendet, padyshim!

Ah ky Grillo, ky mashtrues ordiner qe arrin me sukses te madh te genjeje edhe nje popull te tere! Lexoni tek http://www.huffingtonpost.it/2013/03/12/... se si mashtron edhe ne ato qe firmos. Ne statutin e tij, qe thoshte qe akoma nuk e kishin por nderkohe e paska firmosur me 18 dhjetor, ka caktuar nipcen si zevendes! Kot ankohet Lubonja e te tjere qe ne nuk kemi Grillo! Ne kemi por na e kane marre italianet borxh!

Kjo është interesante.
Siç janë interesantë edhe disa aktivistë të lëvizjes në fjalë, por sa të kenë gjinkallën në krye s'ka për tu dëgjuar zëri i tyre i pavarur.

do te ishte nje rast unik ne historine e botes sikur Grillo te merrte aq vota sa per te qeverisur me vete. do te shihnim nje anarkist ne pushtet dhe do te ishte mjaftueshem per te rrenuar njeheree pergjithmone kete kategori pordhacesh! vetem se do te me vinte keq per keta anarkistet e peshkut...

e para, Lubonja lexon peshkun me kujdes te vecante, pasi ate per "qytetaret e pavarur" e ka lexuar ketu se me pare nuk e ka permendur asnjehere dhe nje leninist si Lubonja, zor se do te besonte ne dicka te tille. E dyta, Lubonja kohet e fundit, ka filluar te duket si Liza ne Boten e Cudirave.

Kur nuk ke pune thote populli, luaj deren e madhe.

Edhe lubonjen qe ka bere burg e quan leninist nje harram njeri qe ka ikur ne Amerike e s'e ka idene c'ndodh ne tirane, vetem se s'i lavderon Berishen sic lavderohej lenini. ec e merri vesh robt 

Ore ti ose i ndryshon nofkat përditë, ose janë ca nga Shqipëria këtu tek peshku që goditen përdita nga adminët... Po stabilizohuni me këto nofka dreqi, s'është njeri kundër shumë-nofkëshmërisë  - nëse jeni të aftë të krijoni personazhe - por mbajini gjatë, kultivojini. smiley

eshte leninist prej natyres, prej karakterit. jane leninista t'gjithe ata (edhe ne amerike) qe luftojne per nje rroge, qe t'gjithe aktivitetin intelektual e bejne te lidhur pas qerres shteterore. dmth vetem me shtetin merren, qofte per ta lavderuar ose per ta kritikuar.

S'besoj ta kete pasur ne ate kuptim zoteria.

patjeter qe jo, po desha te kompletoj fenomenin "Lubonje" dhe jo postimin e tij. lubonja hyn tek ata qe quhen, "desident te perjetshem". keta vetem gricen me sistemin, çfaredolloji te jete ky. jane si mizat e kalit, s'kane fuqi te madhe, te bejne keq ose mire, edhe sikur te duan.

"Njeriu duhet te grindet".keshtu ka ecur njerezimi perpara .Po te rrine te gjithe urte e bute si dele akoma do mesoje ne shkolle sesi dielli rrotullohet rreth tokes .

problemi eshte se nuk jane njerzit si lubonja qe e shtyjne perpara civilizimin (dhe jo njerezimin, se mut do bejme ne hale dhe ne vitin 2 milion)

E kisha ne pergjithesi,Jo per Lubonjen.Njeriu asnjehere sduhet te kenaqet me ate qe e qeveris.Edhe kur I jep voten prap duhet te jete kritik.Progresi nuk ka fund.

po ta shikosh boten me lupe, do verresh qe gjerat me te madherishme kjo i ka bere (prodhuar) ne kohen kur njerezit si lubonja (me "profesionin" e tij) nuk ekzistonin. 

ata qe merreshin me kritiken e sistemit (qe sot e ben ai me shoke) ishin dhe krijues, e dinin te benin dhe plot gjera te tjera. pro jo vetem analiza siperfaqesore. 

nuk thone kot francezet, kush ben shume, ben dhe pak. (e kunderta nuk ndodh)

shiko more ti ramisti i dreqit, te besh burg nuk te ben detyrimisht anti-komunist se ndryshe Mehmet Shehu, Kadri Hazbiu e kompani te cilet i vrau Hoxha do te ishin kampion te antikomunizmes por vdiqen duke thene te na rroje Enveri. Ndersa leninist Lubonjes ja ka thene dora vete, Rilindasi i madh Edi Rama ne ato kohera kur Lubonja e sulmonte per sistemin e korrupsionit e klienteles qe kishte ndertuar Rama ne bashkine Tirane.

Nuk eshte problemi se Lubonja nuk po lavderon Berishen se nuk e ka bere asnjehere, por tani eshte cakorduar fare, jeton ne nje bote te veten si Liza e asaj historise qe dime ne. Lubonja ka qene zeri me i forte kunder Rames, si nje zhgenjim dhe e keqe qe nuk mund ti jepet drejtimi i komunitetit dhe shtetit, tani sheh fantazi me zhgenjime me Berishen dhe Ramen e pastaj me pjellje nga toka a mali te ndonje Grilloje.

Eshte e vjeter sa vete bota, njerezit kerkojne pushtetin, bile ka nga ata qe mendojne se pushteti motivon njerezit me shume se paraja. E shikon se cben edhe Grilloja, ja kalon nipit teseren se keshtu e ka kjo bote. Genjejne veten ata qe enderrojne cudira me klloune qe ka gjetur ca njerez ne internet qe per mode i kane dhene nje vote.

Zgjidhja eshte demokratizimi i sistemit dhe jo cudira kllounesh.

Zgjidhja eshte demokratizimi i sistemit dhe jo cudira kllounesh.

Ti je tek grupi im... smiley

ne se italia ka nje sistem politik te korruptuar ,ne nuk kemi fare sistem politik.kemi bandite qe plackisin karvanet.

pra permbysja eshte domosdoshmeri tek ne.  nese duan edhe pepinot ta bejne ,pune e tyre.

nuk na i kalon tek sistemi italia, por tek KULTURA. 

Mire apo keq, Grillo i ka ca ide. Uji publik, numer kufizuar mandatesh, fuqizimi trasportit publik, demokraci e brendshme, zgjedhja e kandidateve per deputet nga anetaret (primaret), trajtim i,mbetjeve urbane. Gjera pak a shume konkrete, mgjs per mua eshte thjesht nje demagog populist. Por te paktenka ide. Tekne shoqeria civile merret mekonferenca, seminare OJF qe nuk sherbejne as dy leke ose me retorike lubonjiste te Opinion ku argumenti trajtohet "e me eee, he mo eee tani po heee, leri ato po eee" 

Shkrimi eshte i drejte, por e sic e thote ne disa paragrafe, ai eshte prodhim i korrupsionit, taksave te larta te sistemit italian, klases te vjeter e politikaneve pa ide. Njoh njerez me shkolle, pozite, te ekuilibruar qe te neveritur nga te gjithe e kane votuar.

sa me shume komentohet per grillon aq me shume disa e gjykojne sikur te ishte pjese e politikes shqiptare dhe po vershojne komente te tipit; eshte njelloj si te gjithe.e pe si tha ai,po ky e shef çer thotsmiley

mos kini frike se nuk ka as intelekt dhe as pjekuri politike qe t'kemi nje grillo aty.se kush tha qe po mori grillo fuqine ju del boja anarkistevesmiley(tani e pashe dinshumismileyçere esht anarkia dinshumo,gjo qe haet?lexo mer çun içik lexo,po mos lexo si lexon playboysmiley

Si tha ai ish ambasadoi Gjerman ...PD nuk eshte Parti . Ajo eshte nje Levizje smiley

Pse lodhen keta ...le te kthehen ne 92 . Po ka plas maloku madh tani dhe duket se kohet nuk jane me ato smiley

Te nderuar antikomuniste me sh Hundederr ne krye !

Hiqeni termin i Perndjekur Politik . Ai nuk perfaqeson asgje . Ky emertim qe nje KURTH ! Ka te ndeshkuar padrejtesisht ne ish Regjimin , ka te denuar me tejkalim kopetencash ligjore , ka te keq trajtuar etj etj , por per Politike ne menyra Absolute nuk eshte denuar njeri pervecse , individe me teseren e Partise brenda Partise Punes . Dhe Hundderri ka te drejte ne kete Rast por i mbetet Detyre te provoje ...Kush eshte i perndjekur Politik ??? Nje ndihmese te madhe mund ti jape edhe sh.Boisa  Nje konsulte edhe sh.Peter qe eshte i palodhshem per shpjegime duke sqaruar edhe te birin ! Paraprake i perndjekur Politik mund te jete Lubonja ose Ngjela ose Shehu ...

Per cilesimin ARMIK kemi shembullimin e 21 Janarit ku qeveria Cileson dhe Vret cdo Armik qe kerkon ti afrohet nderteses ( Kulles) dhe jo me ta Godase i organizuar dhe i armatosur !

ata qe jane fut ne burg per agjitacion dhe prapagande, jane te perndjekur politik dhe PIKE !. ti do te thuash qe nuk ishin koka politike, dhe flisnin veç llafe kafenesh.

keshtu mund te jete, por po t'i linin te flisnin me gjate, nga komike kafenesh mund te ktheheshin ne KOKA te politikes. pikerisht rasti ketij grilos. 

pra qe ata mos quheshin sot te perndjekur politik, ju qe ishit ne komande ne ate kohe, nuk duhet t'i denonit per dy llafe goje, por t'i linit te flisnin e mendonin me gjate. por nuk ju a mbajti. pse qaheni tani ?

Do ta lej si c'thu ti , po me nje kerkese ne se je i afte ta besh ..Vetem NJE Vendim te denuar per Agjitacion Propogande    pa anekse Organizimi dhe "arsenal armesh " smiley Per mua eshte vetem njeri qe kishte motren te martuar me nje zv .Minister smiley por mos ti hame hakun i vetmi qe shperndante TRAKTE kunder per qejf te vet dhene menyre demostrative vinte bast kush hante nje Fotografi leter te nje A.Byroje me nje dopio smiley......jane te perndjekur politik dhe PIKE ....Jo kaq kategorik se sh.Hundederr prej te cilit mora shkas ka mendim tjeter Kategorik dhe PIKE !

Vetem duhet te kutposh qe ti dhe une nuk bejme LIGJE por shprehemi per mendimet e njeri tjetrit ,me aq sa mundet te Faktuara ! Pastaj , propogande nga te te interesoje , ketu ka Lumenj llafkash te te gjitha niveleve .

Kemi kokxhelin ne si Grillo pervecse Grillua ska breke ne bythe kurse kokxheli i ka rras ca milione euro ne kld bashke me Bamir qoften

jo tani mos ta ulim kaq shume muhabetin. Grilloja si profesion eshte klloun po si mbledhesh votash eshte profesionist. E ka shfrytezuar ne makisum internetin dhe populizmin, ndersa xheli vetem nje kenge me Sinan Hoxhen ka bo.

e kupton ti mer robi çere don me thon populist??smiley

Ne Grillon ekemi lavdi zotit, z.Berisha.Ma komik nuk ban nena.

Grillua nga mënyra si artiklulohet në publik ngjan më shumë me Ramën. Të dy nga fusha e artit. Të dy bërtasin në fushata, si psikopatë, thonë ca. Të dy shfrytëzojnë internetin. Të dy jetojnë në vila. etj Të dy premtojnë utopinë. 
#Renaissance!

Te dy jetojne ne Vila? Really?smiley

Pse ça e di grillon ti, pabuks? Apo e shikon nga mjekra? 
Edi* gjithashtu; pse vetëm 2500 dollarë ka miku? smiley 

*Ku jeton Edi tani, meqë ra llafi? Na thua dot gjë shoku # rilindas, spiritus?

Vile ka edhe Torre bytha mor djale mos I ngjan edhe ky Grillos.

nje qe e njeh mire m'tha qe eshte bere milioner. por aq me mire mendoj se nuk do vjedh me shtetin.

Tani per tani jeton ne Mars ne  nje ekspedite kerkimore, financuar nga shoqata e shpendeve te rrezikuara nga shiriti derrit. Ne prill si muaji dashurise do jete ne Venus kurse ne maj do kthehet ne Kavaje. Ne qershor do shkoj ne hoollivud te luaj nje film horror.

 

Profesor Kriosi vazhdoi më tej:‐ Në Mars ka pak ujë. Sikur juve t’ju teket të pini ujë njëherësh,Planeti i Kuq mbetet pa një pikë ujë. Ka pak ajër, aq sa mund tëmarrin frymë disa shkurre shkurtabiqe në sipërfaqe.Një picirruk pyeti:‐ Kush ia ka vënë emrin dhe a e kanë pagëzuar në kishë Marsin?Gjithë kalamajtë ia dhanë të qeshurit, sepse e kuptuan që picirrukukujtonte se planeti Mars ishte bebe e mund të pagëzohej në kishë.Qeshi edhe profesor Kriosi. Pastaj vazhdoi të shpjegonte:‐ Marsi të kujton zjarrin, prandaj romakët në lashtësi e quajtënPerëndia e Luftës, siç besonin në ato kohë. Picirruku ka të drejtë, pasiedhe Perëndia e Luftës, kur ka qenë foshnjë, mund të jetë pagëzuar.‐ Po hënë që bën dritë natën ka atje?‐ Ka dy hëna, por me emra të tjerë. Ajo që është më afër, quhet Fobos,kurse tjetra që ndodhet shumë larg, quhet Deimos, ‐ vazhdoiprofesori, ‐ por ama atje nuk ka njerëz që të shëtitin natën nën dritëne këtyre dy hënave. Njerëzit dhe kafshët që jetojnë në Tokë, nukmund të jetojnë në sipërfaqen e Planetit të Kuq.‐ Po diktator si Shtatë Pëllëmbë Mjekra dhe Tri Pëllëmbë Trupi i“Heroizmave të Fatbardh Pikaloshit” a ka atje?‐ Atë do ta shohim me sytë tanë kur të vemi në Mars, ‐ u përgjigjprofesor Kriosi.  Ca te kujton kjo Spiritus? smiley

 

Ka ca dite qe flet kodra pas bregut me shume se zakonisht.Nje fjali psh nga tributi qe i ben A hajdarit:

"Skena politike shqiptare nuk ka pasur e nuk do të ketë politikan më të pavarur dhe më të vendosur në mbrojtje të idealeve që besonte, sesa Azem Hajdari"

hajde se pranojme qe nuk kemi pasur si ai po nga e di qe ne te ardhmen nuk do kemi te tille.

"...Noi non siamo come loro! Loro sono morti, e vogliamo vederli tutti nella tomba! Io vedo questa sufficienza borghese nel giudicare il nostro movimento... mi hanno proposto un'alleanza. Così ragionano! Ancora non hanno capito di avere a che fare con un movimento completamente differente da un partito politico...noi resisteremo a qualsiasi pressione che ci venga fatta. E' un movimento che non può essere fermato... non capiscono che questo movimento è tenuto insieme da una forza inarrestabile che non può essere distrutta..noi non siamo un partito, rappresentiamo l'intero popolo, un popolo nuovo..."

Discorso alla nazione di Adolf Hitler, 1932

Ols, të prezantoj me Stivin, po nuk e njeh:

Il movimento per i diritti animali è il più importante, dinamico e potente movimento sul pianeta già adesso. Se guardate tutti i movimenti per i diritti umani, dove sono ora? Dove sono le femministe? Dov’è il movimento per i diritti civili? Dove sono i pacifisti? Sono stati fatti tacere, sono stati messi ai margini, sono scomparsi, non esistono. Ma se chiedete dov’è il movimento per i diritti animali? È ovunque!

pse e shkurtove ols?smileykishte edhe diçka me 13 vjet etj ke postimi po e hoqe shum shpejtsmiley

@ alke

"...i contadini, gli operai, i commercianti, la classe media, tutti sono testimoni... invece loro preferiscono non parlare di questi 13 anni passati, ma solo degli ultimi sei mesi... chi è il responsabile? Loro! I partiti! Per 13 anni hanno dimostrato cosa sono stati capaci di fare. Abbiamo una nazione economicamente distrutta, gli agricoltori rovinati, la classe media in ginocchio, le finanze agli sgoccioli, milioni di disoccupati.. sono loro i responsabili!
Io vengo confuso.. oggi sono socialista, domani comunista, poi sindacalista, loro ci confondono, pensano che siamo come loro. Noi non siamo come loro! Loro sono morti, e vogliamo vederli tutti nella tomba! Io vedo questa sufficienza borghese nel giudicare il nostro movimento..mi hanno proposto un'alleanza. Così ragionano! Ancora non hanno capito di avere a che fare con un movimento completamente differente da un partito politico...noi resisteremo a qualsiasi pressione che ci venga fatta. E' un movimento che non può essere fermato... non capiscono che questo movimento è tenuto insieme da una forza inarrestabile che non può essere distrutta..noi non siamo un partito, rappresentiamo l'intero popolo, un popolo nuovo..."

Discorso alla nazione di Adolf Hitler, 1932

Ore ti vet i ke lexuar këto? Apo po na i plas "studimet" surratit? Kush na thotë neve se ajo që ke sjellë ti është e vërtetë? smiley
Pak rëndësi ka përputhja e plotë, pak fare. 

Për mua mjafton kjo, për ta skualifikuar Grillon njëherë e mirë, të paktën si injorant. Ka lexuar dhe atë kokrrën tjetër të injorantin (Hans Ruesch)! 

Dhe kjo!

e lexova ate qe solle.çer m'boni pershtypje ishte larmia e mendimeve si gjithmonesmiley

si dhe nje saktesim i vogel.

la società Le Scienze S.p.A. è una compartecipata del Gruppo Espresso, per la precisione, una società indipendente la cui proprietà è condivisa al 50 per cento dal Gruppo Editoriale L’Espresso e dall’editore tedesco von Holtzbrinck), 

La citazione non è quel video che si riferisce ad uno dei tanti comizi di Hitler nel 1932 ma ad un libro: A.Hitler, Discorsi di lotta e vittoria, 1932, in
Discorsi di lotta e vittoria. Parole del Führer nel periodo della guerra (La spada e il martello)
Editore: Ritter
Brossura: 256 pagine
Data di pubblicazione:19-10-2011
Lingua: Italiano

(nga komentet)

Alket, ik pirdhu, se vajti vonë tani! Apo ke turnin e natës sot? smiley 

ma jep içik linkunsmileyspo m'ze gjumi se puna ime eshte pak a shume t'rri kot.ja kom kriju punen vetes qysh n'95 un kriskull,s'vujta shum vetem 4 vjet nen pronar.t'uroj edhe ty ta krijosh sa me shpejt nje pun t'atille.

Alke, unë kam një impresa* të vogël pastrimi banjosh, bëj tutje tu nga bregu lindor në atë perëndimor, ku jam tani, se ashtu është puna. Po vajtën keq punët pastaj... ka plot alternativa të tjera. 

Lidhjen e kam vënë tek komenti më poshtë për Olsin! Tek e njëjta faqe!

*Ku është shoqja Zana pi Shkodre? smiley

Janë bërë me hije njerëzit Ols, të paktën këtë duhet ta njohim - tek dështimet ose sukseset e frymës Berishiste. smiley

Eshte shume e cuditshme se sa ngjajne populistet e te gjitha kohrave midis tyre, ne Gjermani, ne Itali apo edhe... ne Shqiperi. Pikesepari shfrytezojne zemeraten popullore per te denigruar establishment-in. Kesisoj eliminojne ne bllok konkurencen. Pretendojne se do te ribejne gjithcka nga e para, (perfekte). Do jene ata zgjidhja e te gjitha problemeve (mjafton vecse te kini besim qorr tek ta). Ne fakt sjellin vecse autoritarizem, diktature dhe shkretim. Kijini friken atyre qe pretendojne Ri-berje. Jane vecse vizionare populiste me probleme te renda psikologjike.

Ti po thu qi mos ta votojm Ramen? Jazek

Pak a shume.

pak apo shume se spo  e morim vesht

Nuk e di. Pyt Patekun. Une s'thash gje. smiley

shif se grillo ka thon edhe kte.

italiani!

vi faremo i cessi di vetro,cosi ne momento del bisogno, vedremo lo sforzo che farete.

di scorso di benitto mussolini alla nazione durante la campagna "l'oro per la patria"smiley

peppebenny Citazione di Hitler artefatta per attaccare Beppe Grillo | VIDEOky grillo eshte populistsmiley

p.s: qe t'mos keqkuptohemi.kjo foto eshte fake,i njejte me fjalimin hitlerian qe sjell olsi  smiley

He mer se i kan zanot teaterlliqet taliont. Kshu e kan shty gjithmone. Bojn sikur e lajne, e fillojn prap e bojn kala. Gjasme "shkaterrun" sistemin e DC me dur te pastra, e kavaljeri perdori i organ tjeter. Keshtu qe pak zgjedhje ka ngel per aktorin, ca me perdor.

@alke. Grillo eshte nje rk, si te gjithe populistet e tjere. Keta fuqine e marrin nga debulesat momentale apo ciklike te popullit. Aty shfryjne keq-qenien e tyre psikologjike. Ne te kundert do te ishin anonime si gjithe psikot e tjere si keta (ose maksimumi vecse deputete te urte parlamenti). Nuk i falet Italise qe bie ende ne 2013-n preh e ketyre. Eshte recidive. Gjermanet e moren nje here e mire leksionin. Ndoshta italianet duhet te ishin ndeshkuar shume me rende pas luftes se dyte boterore qe te ndaheshin nje here e pergjithmone nga simpatia per keta lloj palacosh.

Olso, lere ça sjell Alketi, na për t'i rënë shkurt:

La citazione non è quel video che si riferisce ad uno dei tanti comizi di Hitler nel 1932 ma ad un libro: A.Hitler, Discorsi di lotta e vittoria, 1932, in

Discorsi di lotta e vittoria. Parole del Führer nel periodo della guerra (La spada e il martello)
Editore: Ritter
Brossura: 256 pagine
Data di pubblicazione:19-10-2011
Lingua: Italiano

Detaje... smiley Esenca eshte ajo.

nuk eshte fashist ky. populist po jo fashist, nuk eshte njesoj. 

ne kohen e fashizmit italianet dhe gjermanet mendonin (ne mbrendesi te tyre) se ishin superiore popujve te tjere (dogma e superioritetit i bente pikerisht fashiste). s'ma ha mendia ta mendojne sot te njejten te gje, te pakten italianet se gjermanet dhe mundet.

Po c'rendesi kane "izmat". Populizem = diktature. Mos prisni qe t'iu paraqitet nje njeri me mustaqe te cuditshme ne televizor per te kuptuar qe keni perpara nje diktator. Djalli ka mijra fytyra. Sipas vendit dhe kohes, edhe kuvendi!

mu per vete diktatura, nuk me duket sistem i gabuar. gjithe puna eshte diktatura mos te jete sistem ideollogjik (siç e beri Enveri dhe komunizmi).

bile pikerisht sot, edhe demokracine kjo po e dobeson, eshte bere sistem ideollogjik (ra te njejtin batak, te komunizmit); ka marre ne dore pishtarin e te drejtave te njeriut, et te drejta te tjera boshe civilizuese, pa sens, dhe i ka kthyer ne diktature masash, akoma me te ulet, sepse eshte diktature nga poshte, nga njerez (populli) qe pushtetin nuk dine ta menazhojne se nuk u duhet, nuk jane bere per te.

Le te mos ngaterrojme autoritetin me autoritarizmin. Per mua nje lider eshte nja baba. Nje at. Tani, le te themi te drejten, ka baballare te mire, por ka edhe baballare te keqinj. Ky eshte ndryshimi. Populli eshte si nje femi qe ka nevoje per kujdes ateror. Tani imagjino kur nje jetimi i shfaqet nje pedofil qe i hiqet si at. Katastrofe. Keta jane diktatoret. Diktatoret, abuzojne me popullin.

abuzojne kur nuk jane legjitime. 

diktatori dhe diktatura duhet te jene legjitime. (legjitim eshte kur ne komande eshte me i dituri, me i pregatituri ai qe i ka dhene provat, ose si me thene qe ne timon eshte shoferi me i mire)

kur nuk jane legjitime, edhe politikanet e demokracise abuzojne se bile per kete merren me politike. 

Legjimiteti ne rastin e diktatoreve eshte vecse nje formalitet. Demokracia eshte diktatura e ekuacioneve te zhdrejta.

(veshtire pak puna me e kuptu kete legjitimitetin, e dija)

çfare legjitimiteti ka Bashari i Sirise ? qe pushtetin e ka te tresheguar nga i ati, ose ata te korese se veriut, qe e lejne pushtin sikur te ishin mbreter ?

nuk mjafton ligji ne leter, duhet dhe qe ligji te kete koherence, te jete i NATYRSHEM. 

u be mbret zogu per t'u bere legjitim, se ishte koha e mbreterve ne europe. ndersa enveri ndejti 50 vjet ne pushtet duke qene sekretar partie, sikur me qene mbret. po ashtu nopoloni u be perandor kur i ra europes, per te pasur legjitimitet koherent. 

do me nejt sala 50 vjet kryeminister kur te europes nga kater vjet rine dhe zhduken. mungon pra koherenca, kjo ta jep dhe legjitimitetin, nuk mjafton vetem arbitrarizmi personal i diktatorit ose kujdo tjeter.

 

Mos e vrit mendjen @alke se me ke dhe mua me ty... leri te flasin. smiley

Une per vete nuk i marr seriozisht keto similitudinit qe behen ne kete menyre... krahasojne Hitlerin me Grillon. Kupton ti, pasi ideja eshte qe Hitleri mbante fjalime te bukura dhe nje dite te bukur me diell iu tek kshu si kot te filloje eliminimin e nje race e te pushtoje boten...

Nuk eshte aspak shpjegim... dhe mendoj se eshte mendjelehtesi nje krahasim i tille. 

Hitleri u formua si i tille nga eksperiencat gjate jetes se tij. Totalisht ndryshe nga Grillo.

Hitleri ka qene keqtrajtuar dhe rrahur nga i jati. Simptome frekuente ndermjet psikopateve. 

I vellai Edmundi vdiq ne moshen dhjete vjecare, dhe e jema kur ai ishte 20 vjeç, duke humbur ne kete menyre marredhenie te rendesishme personale. 

Hitleri u transferua ne Viene per tu bere piktor por nuk ja doli dot, ngeli. Nje refuzim i permbushjes se pasionit te tij, duke e lene pa qellim ne jete.

Pasi filloi lufta, u dallua si ushtar duke gjetur nje qellim tjeter ne jete, dhe kur lufta u humb mbeti shume i zhgenjyer. 

U kerkua pastaj nje "fajtor" pas lufte, ku ai ishte goxha aktiv, duke dashur te gjeje arsyen e deshtimit te qellimit te ri te tij te jetes rigjetur tek lufta.

(Pjesa 1).

 

(Pjesa 2):

U be pjese e NSDAP si agjent sekret per ushtrine gjermane. Ketu ju dha mundesia/rasti per te gjetur "fajtorin" (per humbjen e luftes), Hebrenjte.

Kjo ide e "fajtorit" me vone u hiperbolizua akoma me shume nga hiperinflacioni i gjermanise pas WWI.

Traktati i Versajes ishte i padrejte kundrejt gjermanise. Ajo humbi shume territore te saj dhe disa aspekte te sovranitetit. Hitleri donte te rifitonte territoret e humbura, te spastronte turpin e humbjes, donte hakmarrje.

Lufta dihet qe eshte nje menyre e testuar per te bashkuar popullin dhe per te larguar vemendjen nga problemet e brendshme.

Duke marre parasysh keto gjera atehere vihet re qe Hitleri nuk eshte aspak ajo krijesa unike apo mistike qe kujtojme se ka qene. Nje lider tipik autoritar me kompleks inferioriteti i cili rastisi brenda nje vorbulle perfekte momentesh historike.

...dhe ketu ne Itali marrin guximin dhe e krahasojne Grillon me Hitlerin... hajde merre vesh.

smiley --> smiley --> (?) smiley

O Einar, po i dimë këto, se kemi libra e dokumentarë mbi këto gjëra gati tek rafti. 

Ore çdmth, që po nuk ishe provincal apo me komplekse inferioriteti nuk bëhesh uzurpues e autoritarist? Kujt i plasi - do thoshte ndonjë!

Grilloja është i tillë! E s'ka bir nëne me dy gram tru në kokë që e mohon! 

 

Dieci domande, cinque stelle, un casino

po i dimë këto, se kemi libra e dokumentarë mbi këto gjëra gati tek rafti.

Paskan zene pluhur e... futi nje te rilexuar atehere. 

Ore çdmth, që po nuk ishe provincal apo me komplekse inferioriteti nuk bëhesh uzurpues e autoritarist? Kujt i plasi - do thoshte ndonjë!

Dmth ti je i afte te shikosh te ardhmen? Ti me raftet plot dhe nuk arrin te shikosh dot te kaluaren dhe as te tashmen dashke te shikosh te ardhmen. Eshte autoritar thote, perdor dhe pikecuditse pale... smiley

Cilat jane provat qe ai eshte i tille? Apo kshu meqe te pelqen ty...

smiley

Se del aktivisti, menjëherë pas përfunimit të zgjedhjeve dhe e pyesin, e ça thotë? nuk shprehem dot... ja këto thotë se ia tregon vendin Gjinkalla.

Po kush e rruan për këto!
Ke lidhjen më sipër, futi një lexim se të janë lodhur sytë me kodet ligjore! Apo lobi i Gazetës X e Y siç thotë Alketi ëë? smiley

https://www.beppegrillo.it/votazioni/can... është apo jo ky tipi me gjinkallist?

Mail 3

e pastaj

Mail 4

Se del aktivisti, menjëherë pas përfunimit të zgjedhjeve dhe e pyesin, e ça thotë? nuk shprehem dot... ja këto thotë se ia tregon vendin Gjinkalla.

Kshu mund te vazhdojme gjithe nate ore... eshte pergjigjur vete Grillo mbi kete muhabet ti vazhdo me cfare thote Barbara D'Urso...

Sa per mendian. Nuk e ka gabim Alketi jo... smiley

Cfare duhet te lexoj aty tek ai artikulli/blogu i Republikes? Cfare mendon m5s per vivisezione? Ketu ke cfare mendon m5s per te... dhe ketu ke nje lajm te fundit nga bashkimi europian mbi testimet mbi kafshet...

ps: edhe kodet i lexojme pa merak... smiley

O budall, këto i quan fakte ti, ti që studion juridik? Keq puna! Kujt i plasi;s'e rruaj shumë se ça beson ti. smiley

Më sjell edhe lajmin e mostestimit të produkteve kozmetike mbi kafshët në BE... smiley Ik bëj një post tek blogu e sille tek peshku, të bëjmë një dorë muhabet!

E pash ça tipi je, që kurr i the emigrantit tek tema e Lubonjës me krahasimin e c.lupus, perifrazoj, njerëzit që kanë kafshë shtëpiake tregojnë më shumë njerzillëk... Shumë i thellë! smiley

nuk merzitem mer jo,botkuptime te ndryshme sjellin kendveshtrime te ndryshme.vetem se ktu fillun me perdor te njejtat metoda si n'all-banja "s'kom çer ti boj po i hudh nji kamion me moot se edhe po se kapi ciklat n'xhom do ngelin" po i lusin t'zgjedhmit e m5s,çer spo i  ofrojn knej vetem qe t'heqin dor nga programi per t'cilin jan votu.fakti qe po tregohen koherent dhe po tregojn se megjithmen nuk jane si politika e vjeter po i terbon. ajo qe m'çudit eshte pse ka terbu edhe partiaket aty. 

Unë nuk e kam me individë të veçantë, përveç Grilos që e njoh, siç e kanë njohur kolegë të mi aktivistë të tij deri para se të deklarohej ashtu mbi eksperimentimin me kafshët. 

Ka njerëz me integritet, por që deri tani i ka mbajt gjinkalla nën kontroll e nuk kanë treguar personalitet. Do duhet të vi një ditë që të shkëputen, të paktën në një çështje nga Grilloja.

kris, kot me diskutu se kemi botkuptime te ndryshmesmileyolsi atje me nalt po thoshte qe poplli eshte si tuf delesh qe ka nevoj per barismiley.kjo e myll muhabetinsmileysdo t'thot qe nuk do pijm nai birr tu pa neshje apo i kafe n'intervall koncerti po t'njifeshimsmiley qe ta honepsesh içik ene ti grillon.provo meno sikur ti t'shkrush nji liber qe t'gjith mund ta blejn,perpunojn simas qejfit dhe ta nxjerrin n'shitje prap me emrin tat n'kopertin.

Populizmi paraqitet ne trajta te ndryshme ne vendi te ndryshme ne kohera te ndryshme

Shumica e komentuesve, me shume u morren me Grillon se me artikullin e Lubonjes, i cili e pranon dhe vete ne artikull se Grillo nuk eshte alternative. Biles vete Grillo (sipas artikullit) e paska quajtur levizjen e tij jo si parti, pra ai eshte alergjik ndaj partive. Ne fakt Grillo eshte shprehje e mendimit te shumices se njerzeve, sepse vete njerzit/zgjedhesit, mendojne se partite politike e çuan gjendjen ne kete far feje. Pra eshte nje fare reaksioni ndaj kastave drejtuese. Dhe ne Shqiperi, gjendja eshte edhe me alarmante, dhe autori ka te drejte ketu. Vete fakti qe 50% e njerzeve ne Shqiperi, nuk i duan dy forcat politike kryesore, e tregon kete shqetesim te drejte jo vetem te autorit por edhe te shum njerzeve. 

Une do ta kritikoja pakez autorin, per nje paqartesi ne mbyllje, ku ai thote (pasi na ka paralajmeruar per ngerçin ne te cilen ndodhet Italia nga kjo situate zgjedhore) ;

" ....  Shqipëria ka nevojë urgjente për një lëvizje të tillë që t’i japë rrugë paqësore ndryshimit. Përndryshe, situata e krijuar do të precipitojë duke bërë që “zgjidhja” të gjendet në rrugë të gabuara..." 

  Shqiperia i dashur Lubonja, ka nevoje ose 1) per nje qeveri teknike, me ekonomiste te zote, e duke qene se kete gje nuk e duan politikanet kaka te Shqiperise,  2) ose te pakten ndigjoje zerin e tyre, ti ofrojne prane qeverisjes me qellim qe ide-projektet e tyre te vihen ne zbatim per te miren e ekonomise shqiptare, e ne kete rast perfitojne edhe politikanet drejtues (maxhoranca qe do jete) edhe Shqiperia e populli i saj. 

Pjer, ki parasysh qe arsyetimi yt i qete dhe mendimi yt dhe i disa te tjereve ndryshon mjaft krahasuar me rrugen konservatore te ndryshimit te qeverisjes qe perqafohet ne 90% ktu ne ppu dhe qe perfaqson te menduarit te ne. Ky 90% e shef ndryshimin ne kornizen e aksionit "hajduti 1 deshtoi, tani e ka radhen hajduti 2". Rruge tjeter nuk ka. Dhe per sa kohe qe kjo nuk ndryshon, shanset e kesaj qe thua ti, jane zero. Per ta bere me te besushme ket menyre mendimi, ky 90% kap dhe strategjine e denigrimit te cdo tjetri qe shifet si kundershtar i hajduteve 1 ose 2. A nuk ve re sa u bashkohet mendimi ne ket pike atyre qe jane pro hajdutit 1 por kunder 2 dhe atyre qe jane kunder 1 dhe pro 2?

Bredharako, mund te jete keshtu si thua ti, por kjo do t'na lej ne shqiptarve (me sakte shqiptaret atje), ne nje vend-numuro, se sapo te vij hajduti numer 2 ose me sakte numer 3 se dy i pame, athere nuk ngelet moment per nje qeveri teknicienesh apo ekspertesh, se do na dali nje tjeter si shprese, nga partia tjeter dhe keshtu vazhdon historia, me radhe, nje here PS e nje here PD. He ta provojme dhe kete si kryeminister, thone njerzit, vjen ky dhe gjendja po njesoj, mirpo njerzit (rradhen tjeter) s'mund te votojne per ate qe iku, se ate (ne parti) e zevendeson nje "yll" i ri nga Amerika, e njerzit votojne kete me vone, e pastaj tek partia tjeter vjen nje "yll" tjeter, e keshtu deri ne pension smiley

E kuptove i dashur. 

Pjer, ti ben gabimin tipik te ekonomisteve qe mendojne se te dy sferat, ekonomi e politike, jane te ndara. Pak a shume si ne Itali ku u mendua se me caktimin e Montit si kryeminister do te beheshin cudira. Ne fakt, Monti la edhe nje "buco" prej 14 miliarde eurosh, gabim i rende per nje ekonomist, ish President i Bocconi, apo edhe komisar europian!

Ne shtete si Shqiperia e Italia, nderhyrjet qe do te kete nje kryeminister per favore jane te panumerueshme, duke supozuar rastin me ideal qe vete kryeministri nuk ka interesa te tijat personale qe i percaktojne paraprakisht zgjedhjet e mundshme teknike. Nuk ka per te ngelur minister, drejtor, deputet, etj pa kerkuar takimin e rradhes per te dhene nje opinion mbi vendimin teknik te rradhes. Ashtu si nuk ka per te ngelur as edhe nje biznesmen i "madh" pa u perpjekur per ta takuar e ti shpjegoje se si firma e tij eshte me e mira per kombin dhe se si duhet bere vendimi i rradhes.

Dhe realiteti shqiptar eshte akoma me i felliqur, sepse ne kemi te tere Keshillin e Ministrave te perbere nga biznesmene!

Keshtu qe ajo cka mund t'i kerkonim Edi Rames (dhe plot po ia kerkojne) eshte qe ai te tregoje qarte qe nuk do te kete ndikime shume te medha nga bota e biznesit. Por ai po zgjedh kandidate per deputet qe jane biznesmene, ka zgjedhur kryetar bashkie qe jane biznesmene, shoqerohet vetem me biznesmene! Plus, ne te tera akuzat per korrupsion qe i bejne Berishes e qeverise se tij nuk akuzojne kurre me emer te pervecem biznesmenin shqiptar qe mendohet se eshte ortaku i qeverise ne korrupsionin ne fjale. A thua se korrupsioni behet vetem nga qeveria!

Ne sot kemi nevoje per politikane te mire dhe qe te duan te miren publike. Pastaj, ekonomistet do te gjinden sic gjinden te tere kategorite e tjera teknike. Nuk po them se nuk kemi nevoje per te tille, thjesht po nenvizoj qe politikane te mire na duhen me shume.

dinshumi1990, aman te keqen, po Monti eshte i shkolles se vjeter more djale, plus nga ata qe kane kollaren ne fyt, e kupton, eshte thjesht nje lojtar i atyre qe po bejne "boten e re" nepermjet dhimbjesh. 

Qe na duhen politikane te ndershem dhe me integritet, kete e kam thene para shum viteve, mirpo kete lloj politikani nuk po e shoh as tek Buall Mavria qe e ka mbushur ter Keshillin e Ministrave me biznesmene, siç thua dhe vete, dhe as tek Palloshi qe sheh vetem lart e jo poshte. 

po mire po Pjer, ku po i kerkon t'i gjesh keta te rinjte? Do t'i prodhojme ne seri tek Kristali meqenese Bocconi nuk te pelqeka? Mos kerkoni dalje nga realiteti me skema fantastiko-shkencore. Sepse nuk behet jeta dhe as qeveria me : po te kishim nja 100 ekonomiste te mire sic i do Pjeri ia kishim hedhur halleve! Realiteti shqiptar eshte ai qe eshte! Te tjere mjeshtra perpara teje kane hedhur plot here ide per te importuar tru nga emigracioni por deri tani askush nuk na ka thene receten per t'i gjetur keta "trute". Nderkohe eshte shume me e mundshme te shpresosh per disa politikane me "responsible" duke qene se edhe fajet e tyre jane me te qarta cka do te thote qe edhe e kemi me te kollajte t'i kritikojme (pavaresisht se mund ta kemi te pamundur per t'i hequr sic eshte rasti i Berishes). Le te marrim nje shembull nga Shqiperia: kush i mban mend gabimet-fajet e qeverive Ahmeti apo Fino ne ekonomi, bujqesi apo industri? Askush! Nderkohe qe eshte shume me e kollajte te kritikosh qeverite Meksi, Nano, Majko, Meta e Berisha.

Edhe dicka, gjithe ajo Itali dhe vetem Montin pati si propozim, ti cfare pret te nxjerrim ne, Kadarene?

Me lehte mund ta krahasosh me nje grupim hippie-sh levizjen e Grillos sesa me fashistet qe perpiqen ta krahasojne disa driteshkurter ketu. 

Sido qe te keni deshire ta cilesoni Grillon, shpetimtar apo diktator, historia njerezore na thote qe cdo here qe ne nje vend te caktuar, ka dale dikush ne pah (me ane te votes apo mbeshtetjes popullore) duke akuzuar "politiken dhe politikanet e vjeter", ai dikush eshte bere diktator. Shembuj ka plot: Robespierre, Mussolini, Hitler, Stalin e keshtu me radhe. Historia pra, sado qe eshte e manipulueshme, permban disa aksioma qe i kane rrenjet tek natyra njerezore, gje e cila nuk ka ndryshuar kurre persa i perket ekstremit me negativ te saj: njeriu ka vrare njeriun dikur, ashtu e vret edhe sot. Ka vrare per pushtet dikur, ashtu e vret edhe sot etj etj. Grillo mund te jete efikas vetem ne rolin e nje force qe i fut shkopin ne rrota partive te tjera, duke goditur sistematikisht, duke denoncuar publikisht, duke zhvilluar interpelanca parlamentare karshi PERSONAVE FIZIKE qe merren me politike ne Itali, te cilet natyrisht kane lidhje te fuqishme ne te gjitha fushat. Dua te them qe po te marresh programet e partive, asnjeri prej tyre s'eshte i tmerrshem, apo tmerresisht i dobishem, pra problemi qendron gjithnje tek individet, e jo tek emri apo politikat e nje grupimi. Kete duhet te beje Movimento-ja, te spastroje klasen politike nga elementet e felliqur te saj, jo krejt klasen, se perndryshe eshte qartesisht diktature. Persa i perket vete Grillos, ai eshte i "pazgjedhshem", pra s'mund te kete asnje rol institucional, pasi eshte i denuar ne menyre perfundimtare per vrasje pa dashje. Ndaj roli i tij prej Guru, tani qe e votuan 25% e italianeve, duhet te drejtohet nga deshira per te miren e te gjitheve, jo vetem te pjeses qe i dha voten. Lubonjen e ndoqa tek "Opinion" kur foli per Grillon dhe faktikisht nuk tha asgje me permbajtje, thjesht e permendi si nje risi ne politiken italiane ne veçanti dhe europiane ne pergjithesi. E kam shkruar edhe dikur qe pjesa derrmuese e Europes, sidomos ajo qe laget nga Mesdheu, eshte e perbere nga popuj te cilet kane nje nevoje te patjetersueshme per LIDERIN, per nje emer qe identifikon dhe identifikohet me nje parti apo me nje ideologji. Per sa kohe te jete keshtu, asnje nga aktoret kryesore te politikes se ketyre vendeve, nuk do jete pa faje (kush me shume e kush me pak, kush me faje te vogla e kush me faje gjigande). Pra thelbesisht Grillo eshte njesoj si te tjeret, potencialisht njesoj si te tjeret.

 Une nuk e di se kush eshte kryeministri suedez, apo norvegjez, nuk flitet kurre per ta, por besoj qe as suedezve e as norvegjezve nuk u intereson shume emri. Kjo eshte kultura me e larte e mundshme politiko-sociale, te pakten ne gjendje paqeje nga ana luftarake, se ekonomikisht lufte eshte perhere. Pra qe Grillo te beje vertet te miren e Italise, duhet te mos nderhyje pothuajse fare, pervecse per te ruajtur "boshtin ideologjik" te levizjes qe drejton. Duhet ti lere ata te zgjedhurit e vet qe te marrin pjese ne jeten politike, te votojne ligjet qe jane pjese e programit te tyre e te kundershtojne ato qe bien ndesh me te. Ama, nese barrikaden qe kane ngritur nuk do e ulin, duke e cuar kesisoj Italine ne zgjedhje te tjera, atehere te jeni te bindur qe Grillo do humbase goxha vota.

Ajo qe karakterzin levizjen e Grillos eshte perfshirja e nje pacifizmi te theksuar identitar italian. Grillo eshte kategorik kunder perfshirjes se italise ne cfaredolloj lufte.

Si kshu? Me lart po thone qe eshte Mussolin i dyte... smiley

ca mussolini, Grillo rrezik e shkrin fare ushtrine po erdhi ne maxhorance, mjafton te degjosh deklaratat e tij. Dhe jo se jam dakort me kete qendrim te tij, prandaj e theksova qe kjo eshte nje mbeturine identitare italiane.

Ps. Ende si ke njohur peshqitsmiley

Po mire, ai Fideli bie llafi, me ke ka bere lufte ne keto 50 vjet pushtet? E ben me pak diktatorial ky fakt?

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).