Çështja e pallatit të ashtu quajtur të Vlorës nuk është bërë më kot temë e ditës. Te ngritja e atij pallati reflektohen thuajse të gjitha problemet që na kanë sjellë në gjendjen kritike ku ndodhemi dhe, njëherësh, te shembja e tij edhe shumë pikëpyetje mbi zgjidhjet e tyre, veçanërisht në këtë kapërcyell pushteti, kur maxhoranca e re ka dalë me sloganin ambicioz “rilindje”. Le të shtjelloj disa nga temat e atij pallati.

Grabitja e publikes

Deti përballë pallatit ka kohë që ulërin për kapjen e shtetit nga “ata” që kontrollojnë njëherësh politikën, ekonominë, mediat, Gjyqësorin – gjithçka në këtë vend e që, duke mos qenë në gjendje të zhvillojnë një ekonomi të shëndoshë, i shfrytëzojnë institucionet e kapura për t’u pasuruar në mënyrën më të shëmtuar: duke grabitur pronën publike. Në këtë rast grabitja ka shkuar deri te grabitja e vetë detit, për t’u përdorur si truall ndërtimi të pallatit. Mjeti më i paturpshëm i grabitjes së publikes është përdorimi i institucioneve të kapura për të hartuar ligje apo për të nxjerrë vendime që kthehen në ligj, për t’i bërë kësisoj pronat e grabitura të paprekshme nesër, gjoja në emër të ligjit. 

Bashkëpunimi në grabitje

Po flitet shumë për pallatin si pronë e vjehrrit të Lulzim Bashës dhe po i faturohet ndërtimi i tij pushtetit të kohës së Sali Berishës. Por, një minutë, pallati është ndërtuar në Vlorë që qysh kur s’mbahet mend është bastioni i Partisë Socialiste. Leja e ndërtimit të tij është dhënë nga një bashki socialiste. Jo thjesht kryetari, por edhe një numër njerëzish janë përgjegjës për legjitimimin e një akti të tillë grabitjeje: gjykatësit që kanë njohur prona inekzistente, juristët e Bashkisë që duhet të kontrollonin dokumentet, punonjësit e hipotekave që kanë regjistruar pronat, ndërtuesit që kanë bërë projekte mbi prona publike, noterët që kanë bërë shitjet. Por ka edhe më në këtë aspekt. Me sa jam i informuar, një pjesë nga ata që njihen sot si pronarë të ligjshëm të apartamenteve të atij pallati janë njerëz të pasur të Vlorës, që i kanë marrë apartamentet me klering, pasi kanë marrë pjesë në ndërtimin e tij duke kontribuar me betonin, pllakat, pajisjet sanitare e më the të thashë. Dhe po ta vësh re, si kategori, janë pjesa kryesore e atyre që sot quhen “të pasur” në Shqipëri. Sigurisht që ata nuk janë vetëm demokratët e Vlorës, por ta do mendja, shumica janë bashkëpunëtorë të afërt me Bashkinë e Vlorës dhe kryetarin e saj. Pra pallati, ose më mirë të them ndërtimi i tij, është edhe simbol i faktit se në të vërtetë këta të fortë dhe këta abuzues nuk janë të ndarë në parti politike kur vjen puna për të grabitur pronën publike.

Shembja – fasadë apo fillim i pastrimit

Që të rrimë shtrembër dhe të flasin drejt, ky pallat superskandaloz është sivëlla edhe i shumë e shumë pallateve skandaloze të ndërtuara edhe në Tiranë, edhe në Durrës, edhe gjetkë. Pallate në breg të detit, pallate që rrënuan qendrat historike, pallate në oborre shkollash, pallate mbi fusha sporti, pallate mbi lulishte – me lejet e kryetarëve socialistë të bashkive, demokratë, lsi-stë. Pikëpyetja që ngrihet është: do të vazhdojë e keqja edhe pas shembjes së këtij pallati; a do të vazhdojë i njëjti sistem i grabitjes së publikes, ndoshta në forma të tjera, – dhe sipas meje ka kohë që grabitja e pronës publike nuk është më e përqendruar te industria e ndërtimit – apo vërtet jemi në hedhjen e një hapi pozitiv? Pati edhe një artikull në “Corriere della Sera”, që pasi përshkruante se çfarë ka ndodhur në Shqipëri këta njëzet vjet, fliste për një erë ndryshimi, por edhe ngrinte pikëpyetjen nëse kemi të bëjmë me flakë kashte.

Kritika më serioze që i bëhet shembjes së pallatit, sipas mendimit tim, janë dy. E para, se shembja po bëhet në mënyrë të paligjshme arbitrare, pa përfillur vendime gjykatash, e kjo, nëse në këtë rast mund të duket e drejtë për shumicën e njerëzve, mund t’u hapë nesër rrugë arbitrariteteve të tjera të maxhorancës. Kritika e dytë është se kemi të bëjmë me një aksion thjesht populist, mediatik dhe selektiv: pra Edi Rama me një gur po vret dy zogj. Së pari, kështu ai bën shpaguesin për tërë ata që e identifikojnë këtë pallat me kundërshtarin; së dyti, me këto aksione Rama krijon, si brenda vendit, ashtu edhe jashtë vendit, imazhin se po lufton korrupsionin. E këtu kritika i thërret kujtesës së Ramës kryebashkiak. Faktit se ai bëri disa operacione spektakolare për të fituar kredibilitet dhe imazh mediatik kombëtar dhe ndërkombëtar, por prapa tyre Tirana pësoi masakrën më të madhe urbane, madje duke u bërë shembull edhe për masakrat urbane që pësuam në qytetet e tjera – pa harruar asnjëherë se kjo është bërë me sistemin e grabitjes që përmenda në fillim.

Në këtë pikë të ngjarjes, sipas meje, shtrohen disa hipoteza që kërkojnë përgjigje. E para: a kemi të bëjmë përsëri me të njëjtën lojë shkatërrimesh për imazh të maxhorancës së radhës? (Le të kujtojmë se para tetë vjetësh edhe maxhoranca e Berishës bëri nja dy-tri shembje spektakolare: të mbikalimit te Zogu i Zi, i cili ligjërisht dukej i pashembshëm, por që ishte një gjë skandaloze që shumica e quajti të drejtë, një ndërtesë te Rruga e Elbasanit, si dhe vënien e dhëmbëve të buldozerit në një pallat në qendër të Tiranës të ndërtuar mbi rrugë. Por, a kemi të bëjmë në këtë rast me një projekt fasadë të Ramës që shëtitoren e Vlorës ta paraqesë si kartëvizitën e tij të suksesit, ashtu si bëri me Lanën dhe pastrimin e parkut “Rinia” e ndërkohë të tijtë do të vazhdojnë të grabisin ku të mundin, siç bënë asokohe me hapësirat publike të Tiranës? E dyta: mos vallë edhe sikur Kryeministri të ketë vullnet serioz ai nuk mund ta kryejë dot operacionin e pastrimit të Shqipërisë kështu siç është katandisur vendi, prandaj duke e ditur edhe këtë, ai bën këtë aksion imazhi? E treta: mos vallë Kryeministri do ta pësojë edhe vetë nga sistemi për të cilin fola më sipër po vazhdoi me këtë formë duke krijuar bindjen se e ka seriozisht? 

Sipas meje, duke pasur parasysh se Edi Rama mbështetet mbi përvojën e tij me Tiranën – që e ka quajtur gjithmonë “histori suksesi” – më e besueshme është hipoteza e parë: fasada që tenton të “ngopë” psikologjikisht mbështetësit e të krijojë imazh pozitiv, veçanërisht te të huajt, për të legjitimuar pushtetin. Gjithsesi, unë mendoj se fasada ka rëndësinë e vet, se ajo vendos disa limite që nuk duhen kaluar më. E keqja është se duke fshehur problematikën e vërtetë strukturore të së keqes, ajo e lë atë të përparojë.

Opozita dhe konflikti permanent

Ky pallat do të duhej të shërbente si një moment reflektimi ndryshimi përgjegjshmërie ndaj publikut dhe interesit publik, por duket se kjo nuk po ndodh. Opozita po i bën një luftë shkatërrimit të pallatit, ku gati-gati ka humbur vija ndarëse midis interesit privat të kryetarit të saj dhe interesit publik që duhet të përfaqësojë një parti. Ajo po i mëshon vetëm paligjshmërisë së aksionit kundër pallatit, por në diskursin e saj nuk ka asnjë refleksion mbi vetë fenomenin që përfaqëson dukshëm ky pallat, që duhet të dënohet e korrigjohet. Nga ana tjetër, mënyra se si po e  interpreton Edi Rama: si një aksion të maxhorancës që përfaqëson të mirën kundër së keqes, pa thënë asnjë gjysmë fjale për faktin se një pallat i tillë është ndërtuar në një bastion socialist, për faktin se pallate të tilla janë ndërtuar edhe në Durrës, edhe në Tiranën e tij sipas sistemit të grabitjes që përmenda më sipër, tregon se me shumë gjasa po vazhdon i njëjti teatër: ai i konfliktit permanent të dy llogoreve, i gjysmë të vërtetave, i delegjitimimit reciprok të palëve, që ka si anë tjetër të medaljes legjitimimin reciprok.

67 Komente

Nga analizat me te mira te Lubonjes.

Rama eshte njeri i fasades, si pervoje dhe stil ka vetem ate te bashkise se Tiranes dhe kete po mundohet te beje edhe tani dhe gjate gjithe kohes qe do jete ne qeverisje. Atehere kishte bojrat, corapet e verdha dhe Lanen, kaq si arritje qeverisese, ndersa tani ka paligjshmeri, nje pallat ne Vlore, dhe napolonin qe e kercen dhe e dergon si video ne media pasi ka ftuar njerezit ti shohin minderat e karriget e kryeministrise.

Pallati ne Vlore eshte ceshtje fasade dhe mjet propagandistik kunder Bashes. Fasade gjoja se po shemben ndertimet abuzive dhe mjet propagandistik meqe vjehrri i Bashes eshte njeri nga ata qe kane lidhje me pallatin.

Pallati ne Vlore se pari ka marre leje nga qeveritaret lokale socialiste dhe se dyti, ndertime abuzive jane bere me lejen e Rames dhe te bashkiakeve te tjere socialiste kudo. Nuk mund te kalohet kaq lehte kjo ndryshe edhe ne behemi qenie pa logjike, vetem shohim fasaden.

Opozita nderkaq nuk po mbron pallatin dhe ketu mendoj qe Lubonja e shkel pak, po mbron procedurat ligjore dhe sigurine juridike qe kane njerezit, ndryshe i hapet rruga arbitraritetit dhe paligjshmerise nga Rama kudo. Nuk eshte puna te pallati, kete ta prishin, bile do ta lironin Bashen se nuk kane me cfare ta sulmojne, problemi eshte te ndjeket rruga ligjore.

Po nuk u ndjek rruga ligjore athere kemi Ramen qe thote ligji jam une.

Ate pune ka Lubonja, por a e lexove Fylen? smiley(

Shpresoj qe ne luften opozite-mazhorance te prishen te gjitha ndertesat afer bregdeteve shqiptare. Ne raste te tilla (edhe atij te Imamit), duhet te jete prokurori i pergjithshem qe njofton publikun, jo ministrat. Duket qarte qe eshte nje lufte politike, por me e keqja eshte se jane duke e treguar veten jo profesioniste duke e marrur ligjin ne doren e vet dhe duke bere qe historia te perseritet.

Problemi eshte se nuk kemi nje sistem si "checks and balances' si ne Amerike.

Tirana: Nje Histori Lemshi, Edi Rama

Fatos, po prishet nje pallat ne Vlore dhe per proceduren, te gjithen krejt, eshte nje denoncim e hetim nga Prokuroria e Vlores.

Kaq eshte kjo ceshtje.

Nese kerkon ta besh edhe me te gjere, fol konkretisht.

Fatosoooo ! Kane hipoteku detin, o njeriiii ! E merr vesh apo jo se na u lodh tastiera duke e thene. Kane hipoteku detin e nuk ka dobic ne bote qe e justifikon kete pune qe nga i pari e deri tek i fundit.

Cdo manover per justifikim eshte ne rastin me te mire debilluk e ne rastin me te keq Gridadumllik ! smiley

Atehere kishte bojrat, corapet e verdha dhe Lanen.... Ligjeroi Poeti smiley i LeftGopese ...dhe si ne te mermeritur belbezoi dicka qe disa qe qene afer lemshit te llafeve e xeberthyen 

"Kishte dhe dicka tjeter qe ja kishin pare Berisha dhe Jozefina lakuric ".... Na nuk i kemi me tonat , thote neper dhembe Poetismiley ose fatakeqi LeftGopese , por nga ky rengedengesi qe paska vene re se ....fasada që tenton të “ngopë” psikologjikisht mbështetësit e të krijojë imazh pozitiv, veçanërisht te të huajt, .....për të legjitimuar pushtetin. !!!!!!

Me fraza koti se sa keto debilitete ne vitin 201...4$ as qe mund te mendohen as per shtete ku i Pari zgjidhej100% me vota ? Lubonja ka nje fatkeqesi kur e botojne te kPPU .Duhet ta dije ose duhet t'ja thone se ka te beje me njerez qe e kane mbaruar te mesmen qe ne Kohen e tij , me perjashtime te pakta si Mini Vani dhe pjellat e LeftGopese . Po kete mund ta vleresoje edhe si ndihme qe kur shkruan ta" mpreh MIRE kalemin " qe .....nje dhe vetem nje Individi sot per sot ti Hyje ne Bythe .Vetem Berishes !!! Sa me shpejt ta kuptoje kete aq me shpejt do shkeputet nga "barazlargesite" "dy te keqijat " "dy bandat " dhe dy pelqime e njemije mospelqime ! Ose le te hape nje Rubrike ku tu drejtohet Handikapateve mendore ...

Per JU Poete smiley

Gjergji Bojaxhi I pd ka qene po dhe ai nga te paret qe kane denoncuar ate pallat.

Vetem per hir te Shvejkut (edhe pse s'eshte pruresi) po kursehem.

më e besueshme është hipoteza e parë: fasada që tenton të “ngopë” psikologjikisht mbështetësit e të krijojë imazh pozitiv 

Po pse o Lubonja, pse, pse e ben kete? (tm tropizma.)

Vlora nuk eshte ne firifistun.  Merr mundimin o burr i dheut dhe shko te shohesh cfare behet, e shif e shkruaj.  Nga Skela e deri te tuneli - dhe s'do ndalen aty - eshte bere tamam vl: vend lufte.  Eshte prishur Kristali.  Jane prishur gjithe ato biznese.  Jo me pallati qe kishte hipotekuar detin.  

Na plase mor njeri me gjithe pritshmerite tona. 

ah keto pritshmerite tuja; sikur Lubonja te ish shofer kamioni e ta priste detyrimisht gjere...

Shprese-pritshmeria cof e fundit smiley

Me seriozisht, jam e parimit qe kritika e hajrit ndaj pushtetit i ben mire shoqerise ne pergjithesi.  Vazhdoj dhe pres kritike te hajrit nga Lubonja.  Kaq e thjeshte eshte. 

ti prite te piqet sa te dush; majaja ajo qe ka qene eshte...

Me thene te drejten mendova se verejtja jote ishte per kete me poshte:

Gjithsesi, unë mendoj se fasada ka rëndësinë e vet, se ajo vendos disa limite që nuk duhen kaluar më. E keqja është se duke fshehur problematikën e vërtetë strukturore të së keqes, ajo e lë atë të përparojë.

...ku kemi dy fjali konsekutive qe kundershtojne njera tjeteren. Pra dmth, Fasada ne fjaline e para na vinkerka limite, por ne fjaline e dyte na lenkerka gjerat te perparojne.

Por ne teresi, sipas mendimit time, ajo qe preket ne kete artikull eshte deshira qe kemi te gjithe ne si qytetare te republikes qe nje fenomen i perceptuar mire gjeresisht te jete po ashtu i drejte dhe te preke te gjithe territorin pavaresisht se ky akt mund ti bjere ballit te dy kraheve politike dhe sidomos mund ti bjere ballit drejperdrejte njerezeve qe jane akoma me pushtet.

Vetem atehere kur te kemi kete veteclirim nga keta qe thjeshte ndrrojne kahet dhe rolet, ne do ecim perpara.

ajo qe ve re ti eshte cmimi qe duhet te paguaje Lubonja kur do te hiqet si ne balance me zor. Fasada s'ben asgje, thjesht fsheh ate qe eshte realisht.

pallati i Lindita Bashes, gruas se fundit te Rames, eshte ndertuar ne mes te lulishtes, ne nje pjese te parashikuar jo per beton po per hapesire per banoret perreth, pa i paguar asnje detyrim shtetit dhe me pronare te dyshimte, nje pensionist dhe nje te papune, pse nuk prishet?

Verejtja ime eshte per "mauvaise foi" te artikullit apo qendrimit te Lubonjes mbi kete ceshtje ne teresi.  

Lubonja te mos kursehet e te flase per institucionet qe kane lejuar masakrim te tille.  Mos ta kurseje hic fare PS-ne as ne Vlore, as ne Durres e kudo gjetke.  Mos t'i kurseje matrapazet do thoshte Endrity, e medhenj te shtoja une te bashkive qe i kane shfrytezuar bashkite si cifliqe te tyre personale, per perfitime personale, ku ne fakt identiteti politik apo partiak nuk luan rual, megjithese ne nje perllogaritje finale ato struktura mbajne pergjegjesi te pakten morale, edhe pse jo ligjore.  

Por nuk eshte ky pallat mjeti per te shpallur lufte majtas e djathtas.  Se po i mshon te njejtit gabim per te cilin akuzon opoziten.  

 

Analisti politik nuk e ka per detyre per te gixiluar politikanet Monda; "mauvaise foi(ja)" e Lubonjes eshte natyrale. Mua me pelqen se nuk kursen askend.

Mire. 

O Monda, menyra sesi e lexova une Lubonjen.

1) Ndertimi i ketij pallati, e i shume pallateve te ngjashem ne bregdet, Tirane, apo qytete te tjera eshte vjedhje e prones publike dhe gabim.

2) Ky pallat eshte nje prodhim i te dyja paleve. Me te vertete pallat i (vjehrrit te) Bashes, por gjithashtu pallat me leje e ndihme nga pjesetare te lart te partise socialiste.

3) Ka nje pikepyetje ne rast se ky eshte me te vertete nje ndryshim nga me parpara, apo eshte dicka thjesht per imazhe. Lubonja mendon se mund te jete imazh pasi keshtu ka interpretuar dhe punen e Rames ne Tirane, disa akte pozitive si pastrimi i Lanes bashke me "grabitje" te tjera.

4) Parti demokratike ja ka futur komplet kote se ne vend te mbroje e reprezantoje interesat e popullit, e ka kthyer kete pallat ne nje betej personale duke lidhur partine me interesa te ngushta familiare.

 

Ti nga keto teza mendoj se nuk bie dakord me piken tre... por bie dakord me te tjerat? Pra, nuk mendon se ka nje mundesi qe imazhi eshte nje arsye kryesore pas ketij hapi?

Ndertimi i ketij pallati, e i shume pallateve te ngjashem ne bregdet

Nuk jam ne dijeni te nje pallati tjeter te jete ndertuar mbi det.  Te me korrigjojne peshqit nga qytete te tjera bregdetare.  

Pikes 3) do i shtoja edhe faktin qe perpos ndertimit te paligjshem qe ne fillese te letrave te pronesise e me radhe cdo paligjshmeri tjeter, ne nje kontekst shume me te gjere kemi te bejme me nje projekt publik te madh, por qe do sherbeje edhe si "projekt pilot" per projekte te ngjashme ne qytete te tjera te bregdetit.  Sipas qeverise kjo.  E meqe bregdeti i Vlores eshte kthyer tekstualisht ne vend lufte nga shkaterrimet, s'kam ndonje arsye konkrete te mendoj se kemi te bejme thjesht me nje imazh-fasade specifike me kete pallat, por me ndryshim rrenjesor.  He per he. 

 

Zbrit pak me poshte ne Sarande e shiko si eshte "shtuar" bregu alla Dubai. Besoj se alto mund te jape me shume info meqe ka thene qe atje ka hotel.

Nuk po flas per biznese, por pallat. 

Heren e fundit qe zbrita ne qytetin e Sarandes e pashe masakrimin e kodrave, por nuk pashe ndonje hipotekim deti me pallat. Kush ka informacion tjeter i/e mirepritur.

Po mire, pse perben kaq ndryshim pallati me biznesin. Domethene fakti qe eshte mbi det nuk do perbente problem ne rast se qe hotel ose nje universitet privat?

Me vjen cudi qe pyet.  

Sa per sfond, le te kemi parasysh historikun e kioske-biznesit te Shqiperise, ose me sakte "kioske-izmin" e biznesit.  Nderto tafti-bafti, bej paret, futi ne xhep, taksa hic, e te dale ku te dale.  Kur a nese prishen s'ka problem se leket u bene.  Por edhe ndonje investim te hajrit a ndertime luksoze nuk jane.  Thene ne pergjithesi keto, se mund te kete perjashtime te rralla. 

Pare me tej, ne nje vend normal me turizem bregdetar apo me synimin per kete turizem,  nje largesi e percaktuar truall - breg - det eshte prone shteterore, publike.  Nuk mund te blihet, nuk mund te shitet, por jepet me koncesion, apo kundrejt kontratave te qirave qe mund te jene nga 1 deri ne disa vjet.  Qira e cila i paguhet municipalitetit perkates, plus taksat etj.  Pare nga ky kendveshtrim, dhe duke ditur qe ne Shqiperi nuk paguhen taksa pronesie per pallatet, dhe per me teper taksa pronesie progresive ne varesi te pozicionit, vleres se truallit etj atehere nje pallat qe eshte nje ndertim afatgjate ne ate truall, me ate vlere, eshte humbje apo grope ne buxhetin e municipalitetit.  Eshte propozuar tani qe neqoftese dikush ka ne pronesi nje apartament te dyte, do paguhen taksa, jo ndonje vlere kush e di se cfare, por gjithesesi.  Ka ekzistuar nje takse e tille, por pothuajse e pa-aplikueshme.  Edhe sikur te hamendesojme qe do ta aplikojne rigorozikisht, ne kushtet e tanishme te informalitetit dhe mungeses se hipotekimit e qe me siguri njerezit do ua gjejne anen duke i vene ne emer te femijeve a manovra te ngjashme, nuk besoj se ne nje te ardhme te aferme do te kene efekt.  Nderkohe qe per bizneset eshte me ndryshe.  

Per vijen bregdetare ne pergjithesi, eshte urgjence, me sakte ishte urgjente 20 vjet me pare, te hartohej nje plan kombetar zhvillimi.  Me ligjet strikte per distancat breg-det, me rregulla strikte per dhenien e lejes se bizneseve se per pallate nuk mund e nuk duhet as te vihen ne diskutim.  

Kur te dale nafte ne Shqiperi si ne Dubai, llafosemi pastaj se si e qysh do i prishim paret.   

Sinqerisht nuk e prisja qe baza e argumentin ishte tek taksat, dhe qe do ishe me ok ne rast se atje ndertohen biznese. Mendoja  se ti e kishe problem ndertimin si ndertim ne ate zone, pa shume rendesi ne rast se eshte hotel, motel, apo pallat me apartamente. Domethene ky ndertim perben problem meqenese apartamentet jane shitur, por ne rast se kishin menaxhim qendror e ishin dhene me qira, nuk do ishte aq problem per ti... okay... E perseri mbetem i pabindur se jame i sigurt qe dhe ne rast se ne shqiperi nuk paguan taksa vjetore mbi pronen, te pakten paguan kur e shet... pra buxheti, kur ndertohet nje pallat, duhet te rritej nga 1)leja e ndertimit, 2) shitjet nga ndertuesi tek bleresit, 3) shitje qe ne te ardhme mund te benin bleresit. Dikush do shtonte qe ne nje efficient market, nuk ka shume rendesi ne rast se dicka shitet apo jipet me qira. Meqenese mbase pika 2) dhe 3) shkon tek qeveria qendrore, keshtu qe teknikisht municipaliteti nuk fiton gje nga ajo.

 

 

Baza e argumentit nuk eshte taksa.  Baza e argumentit eshte se breg - deti (viza ndarese jo rastesore) eshte prone publike e shtetit, e municipalitetit.  Si e tille, nuk mund t'i dale pronari.  Si e tille nuk mund te shitet.  Nuk duhej te ishte shitur, parcelizuar si toke bujqesore me 7501, por teme tjeter diskutimi kjo. E nuk duhej te ishte lene ne meshire te fatit te bathorizohej.  

E kam permendur dhe ne nje teme tjeter rastin e nje kafeneje te vogel jo larg nga ai pallat.  Disa tipa kishin nje kafene te vogel jo buze detit.  Kur them kafene, tip kafene-kioske, me karrige plastike qe i lante vetem shiu. Po mire boll, e kishin disa vjet, bene leket, e kete vere u tek ta leviznin buze detit. Mbase nga shashkat e legalizimeve, rremuja e zgjedhjeve, duke pare hatane qe behej verdalle per qejf, per xhep, a per moskokecarje te Bashkise, e kush i di arsyet e tjera, u cuan trimat e ndertuan dicka me te mire e me te madhe buze detit. S'e bene muajin hapur, i zuri fadroma.  

Kjo praktike duhet te marre fund njehere e mire.  Kjo praktike eshte cmenduri.  Edhe sikur te mos kete nje projekt publik sic eshte ne rastin e shetitores se Vlores, por qe e riperseris, duhet te kete nje plan kombetar per zhvillimin e bregdetit ne teresi, nuk duhet te ekzistoje as mundesia me e vogel per keto praktika.  Perfshi ketu edhe nje ndertim te Kokedhimes qe thuhet se eshte ne Qeparo, apo te Kokedhimave te tjere.  Hera e fundit qe kam qene ne Borsh ishte gjynah ta shihje.  Nuk e di ne ka ndryshuar per mire, por atehere ishte me t'dhemb ne shpirt.  

Hapi i pare eshte studimi i terrenit dhe vendosja e distancave perkatese. Nje ligj i tille do u hiqte mundesine kryetareve te bashkive te benin gjemen qe kane bere deri tani.  Lexova nje peshk, alto me duket, qe tha se ne Sarande i njejti truall eshte shitur disa here ne varesi te bashkiakut te ri qe vinte ne cifligun e tij. Jemi 20 e ca vjet me vonese per masat qe duhet te merreshin per kontrollin, zhvillim e qendrueshem te territorit.  Nga kjo kasaphane ka vuajtur bujqesia, urbanizimi dhe turizmi bregdetar.  Ta fillojne ku te duan, por duhet filluar.     

Pasi te vendosen keto parametra ligjore mund te merremi me taksimin, lejet e biznesit etj ne ato zona.  

Nuk te kuptoj, cfare do me thene "biznes?" Cfare ndryshimi ka nqs eshte nje pallat qe eshte futur ne det, e nje "lokal" apo hotel qe ka mbushur detin me inerte e ka hyre ne det? Edhe ky pallati katin e pare e ka patur "biznes" apo jo?
 

Yep, pothuajse e gjithe zona e Sarandes nga kanali i cukes tek butrinti ka pjese te shtuara me inerte ku sonte ndodhen hotele e lokale. Ndryshimi eshte mbase qe pasi ndertuan ashtu ne Sarande, ne shume pjese gjithashtu shtuan dhe rere... kjo bene nje pjese te ndertimeve te duken sikur jane ndertuar ne brendesi, kur ne fakt u ndertuan mbi dete, dhe pastaj shtuan akoma me shume toke me inerte per te krijuar plazhin.

Nejse, per mua kjo nuk perben asnje lloji problemi. Une jame ne te paktet ketu mbase qe mendon se Saranda eshte permisuar nga cfare ishte ne fillim te viteve 90.

Besoj se alto mund te jape me shume info meqe ka thene qe atje ka hotel....smiley

Kur ndertom Hotel jep dhe info smiley sipas Gjembit .U kripshin trute qe mbetet tu japin mend e info Debilet . Po pse nuk e dine njerzit se cfare eshte e cfare i ka bere Klani Berishes Shqiperise ?Mbeten tu japin mend lloj lloj matrapazesh ?

Vullnet dhe Rruspat eTritolin ..Kjo eshte Infua e vetme me bereqet qe " te shkoje gjoja m'rronj "

Besoj qe imazhi i referohet jo raportit "Pallati ne fjale-Lungo Mare" por raportit  "pallati ne fjale-pallate te tjere te njejte si pallati ne fjale (iow fenomeni)" ose raportit "une e kam dhee Tironen me durt e mia- une do rregulloj Vloren se eshte e dheeme"

Do me e bo te besushme? boje projekt pilotin me pallatin e Linda Rames*. As easy as that. Nuk te rroohet palla? Atehere robt do flasin.

*For the sake of argument se mund te kete gjera me flagrante se kjo dhe qe meritojne perparesi po qe ne jemi shume larg dhe as e dime se ca eshte bo.

Shenim tangjet: mos, mos me fjalen "lungomare" se do detyrohem ndonje dite e do bej hata - peticionin per ta shpallur "verbo non grata" smiley.

Te merret prokuroria, INUK, e te gjitha institucionet perkatese me pallatin e Linda Rames ne eshte i paligjshem.  Nuk eshte "zero-sum game" dhe kjo jo thjesht per hir te argumentit. 

dakort, por pallati ne ate vendin me ate fjalen qe as une s'e kam kuptu nga kush e patem peshqesh, nuk po prishet se me te u mor prokuroria dhe INUK,por po prishet per interesin publik sepse jane zene hapesira publike dhe besoj qe edhe prishja e pallatit te LR-se, po te ndjekim te njejten linje llogjike, do te ishte per interes publik sepse, guess what, ka zene hapesiren publike. Do ti qe interesi publik nga nuk i fuska hundet.

P.S. te gjithe keto pallavrat me L.R e te tjera si keto i kemi te ndigjume ne media si te vetmin burim informacioni dhe i perdorim ketu thjesht per muhabet.

Monda, pika ime me e gjere eshte qe nga aq sa kam lexuar nga ti, dhe nga ky artikulli i Lubonjes, keni shume gjera te perbashketa e prandaj e kam veshtire te kuptoj kete alergji ndaj tij. Per shembull, jeni komplet dakord tek shumica e konkluzioneve, pra qe pallati nuk duhej ndertuar, qe pallati duhej prishur, qe ajo zone eshte me mire si zone e gjelbert.

Ndryshoni pakez tek fakti qe Lubonja eshte me skeptik. Lubonja thote, mbase, mbase, jo me siguri, por mbase kjo pune eshte per imazh se ne Tirane, Lubonjes ju duk sikur shume gjera u bene per imazh. Ti beson se nuk ka vend per skepticizem, pra je plot e sigurte qe ky eshte nje ndryshim rrenjesor. Dakord, por kjo nuk eshte diference shume madheshtore, e ne fund te dites leje pakez te jete skeptik, se ne fund te dites na duhen njerez te tille. Skeptiket thjesht shtojne presionin qe kjo pune te shkoj deri ne rrenje e te mos ngelet pergjysem. 

Sa per punen e bregdetit, sic tha dhe Gjembi, it is quite common. Nuk e kuptoj pse njerezit jane kapur kaq shume pas kesaj gjeje. Por nejse, ky eshte tjeter muhabet.

 

 

e kam thene qe me pare nese rama ka dore ne ndertimet me leje e pa leje ne tirane ai eshte kriminel, pasi tirana ka marre fund si TIRANE...mbas edhe Vlora por....mednimi im eshte se vet ndertesat kane arkitekture te MIRE, megjithese nuk kane lidhej me njera tjetren, por psh. mendoj qe shume ndertime kane vlera dhe megjithese mund jene te jashteligjshme (nuk jam i sigurte dhe konkret) nuk eshte nevoja te shkaterrohen cdo njera. Ne akoma nuk kemi fuqine te shkaterrojme ndersa ato ndertime mund ti marri shteti apo ti shiten privateve per interesat e shtetit....pashe ndertime gjate bregut te vlores qe mund te ishin te paligjshme por eshte aristokraci ti prishesh ato ndertime ndoahta miliona $....ideja ime eshte qe ate te paligjshme me mire mundohu ta besh te ligjshme ne interes se sa ta shkaterrosh me humbje te gjithanshme....

Vendet diktatoriale jane ato qe realizojne me shpejt veprat me te medha, infrastrukture, diga, hidrocentrale, centrale, bulevarde. Thjesht i injorojne dhe shkelin te drejtat individuale te pronesise dhe interesat personale. Ne vende demokratike eshte e veshtire te realizosh vepra madhore, sepse duhet te negociosh dhe te demshperblesh te gjitha palet qe preken nga vepra te tilla. Zakonisht populli (kope) me nivel te ulet intelektual dhe kulturor, qe pergjithesisht nuk preket nga vepra te tilla, i gezohet pervec se ne rastin kur pastaj nje dite i vjen radha atyre vete.

Hunter, keni plotesisht te drejte.Sepse mund te keshe male me pare.Mundet te beshe nga ato vepra qe behen ne Emirate, por nuk e ben dot Romen, Piramidat,....

 eshte kaq i baraslarguar dhe mbi palet, sa per PD qe ka shkretuar mjedisin (gurore, pyje, lumenj) qe ka privatizuar asetet publike per vete dhe klientelen( miniera, koncesione per hec, naften) pa folur per evazionin fiskal, informalitetin, gerdecin, belerin, manen, tacin  e plot afera korruptive, i perndercmi Lubonja ne shkrim thote..vetem nje fjali!

se rama zotri..

Tashti do ja kepusi icik koken maces ky, perndryshe s'ka lezet. Shyqyr qe s'po shem ne Tirone, thuj.

Akoma me kete pallatin ju?

Ketu tek ne u dha nje dokumentar eksuizitsmiley mbi eksperience e nje cifti britanik qe tregonin se sa unreliable ishte te merrje nje real estate ne Shqiperi. Nje impakt madheshtor tek miqte e mi suedez. Per dy dite s'beja dot muhabet tjeter.

Speaking of unreliable, mendoni per shembull mesazhin qe kjo prishje i jepe nje investori te huaj. Buono for Albania tani do behet buono per kater vjet, pastaj si dihet.

Ndryshimi qendron tek sasia e zhurmes qe bejne te tilla gjera. Ky s'eshte pallati i pare qe prishet, por ky ishte me i zhurmshmi per shkak te arsyeve pa lidhje me pallatin vet.

dora ti nuk e di ça fshihet pas pallatit.

kjo e real estate eshte tragjedi me vete, po bien çemimet e pertoke ,ja e shiti nje shoku im hotelin per 3 miliona €.''ata'' vazhdojne shkaterrimet smiley

Po ndonje kukull do fshihet,amaan*.smiley

Me leje e kishte shoku hotelin?

*nuk me intereson shume, per mua duhet te jene te gjithe njesoj.

zakoni e doqe pas ferres se vogel rri lepur i madh(populli)

po me leje,te gjitha te kopsitura,jua shiti nje kanadezi,e vet mblodhi mori gruan e femijet e emigroi... ne kanada.(e kishte planifikuar te ikte atje kushdo qe ta blinte ne fakt smiley

Dokumentari ishte per Shqiperine?  

Peripecia qe beri buje e qe kishte te bente me "British couple" & "real estate" ka qene rasti i Spanjes.  Ke ndonje link per kete dokumentarin? 

Jo se po mohoj peripecite tona, por thjesht s'e kam hasur si lajm.  

Sidoqofte, kenaqesia qe te sjell prishja me shperthim e nje vepre te ndertuar ne afera koruptive nuk ka te paguar. Pak rendesi ka nese eshte e bashes apo e gjikes apo edhe e shume te tjereve kontrabandiste. Por ka shume rendesi ndeshkimi i banditeve; e kur behet edhe me shperthim dinamiti ndeshkimi eshte i arrire plotesisht. 

Po e blen me para (publike) dhe po e hedh ne ere. Po c'taksirat kam une te futem ne nje thes me berberet e ketij vendi?

" ....Që të rrimë shtrembër dhe të flasin drejt, ky pallat superskandaloz është sivëlla edhe i shumë e shumë pallateve skandaloze të ndërtuara edhe në Tiranë, edhe në Durrës, edhe gjetkë. Pallate në breg të detit, pallate që rrënuan qendrat historike, pallate në oborre shkollash, pallate mbi fusha sporti, pallate mbi lulishte – me lejet e kryetarëve socialistë të bashkive, demokratë, lsi-stë..." 

 Mese e vertete fatkeqesisht. 

PENELOPA

Gjallë,
është akoma,
.......Penelopa,
vazhdon të end,
pëlhurë dhe në ditët tona.

Dikurë,
end ditën,
prish natën,
në ditët e sotme,
end dhe prish,
............çdo kohë.

Askush,
nuk kupton,
kur është ditë,
kur është natë,
kuturu vrapojnë,
................të gjithë,
të verbuar me sy në ballë.

Kurë
do ta end
Penelopa,
pëlhurën e bardhë?

Me pelqen kjo teza ramiste e shtet-berjes: Ndertimet jane probleme vetem kur jane bere mbi det, se mbi toke s'ka problem, kemi toke sa te duash. 

Pervecse qe PS-ja u vu ne djeni te ketij faktit det-grabites vetem kur i duhej nje fasade, jam kurioz kush eshte mastermind-si qe i thur keto tezat tip te theksojme faktin qe nga pallati bashist eshte grabitur deti, se keshtu largojme vemendjen nga pallatet-xhungla te Tiranes, shumica bere ne kohen e qeverisjes ramiste te saj. 

Ne Tirane mund dhe te vdesen njerzit ne pallat se ne disa vende s'ka hapesire per zjarrfisken apo ambulancen, por kjo s'ka rendesi, ne Vlore eshte bere pallati mbi det!

Ne fakt ka funksionuar relativisht mire kjo teze, te pakten ne Peshk, ku dihet qe toleranca per detin dhe ushqimet e tij eshte shume e ulet smiley

P.S. I gjeti FBI-ja e Tahirit ato hajdutet qe vodhen serverat e tatimeve apo jo, se flitej qe ishin fshehur tek pallati i Bashes ne Vlore.

Kishe gje me dëtin ti xhibi?

Lere detin, ajri eshte c'eshte.

raport nga Vlora - ishte hap vlora mer qafira....ku paska qen ky Rama. doli vlora ne pah...hudhi ne tok ene ca te tjera jarebi

e  ça nxorri ne pah, detin..? po pastaj??      

po 90%  e vlonjateve nuk jetojne pergjate bregdetit, por ne brendesi te qytetit i cili ishte kaotik  ne te gjitha kuptimet e fjales!   qytet  pa karakter.   i kishte futur edhe nje te betonuar ai pergjate gjithe ''sheshit te Flamurit'',   sikur te mos mjaftonte vetem ajo binaja e larte, e morri perfundimisht fund edhe e vetmja  hapesire  qe kishte ai qytet ne qendren e tij.  medemek  qender historike gjoja..

ishte hap mer - merrje fryme, shifje detin, kishte hudh gjithe kioskat e ato gjojnat e shemtuta qe ishin ndertuar pa asnje leje.

mire o dakord, nuk them se ska bere mire.. po ai deti ne fakt eshte vetem per nje periudhe ta caktuar, ne behar..   ndersa qyteti ku banojne edhe njerezit  gjate gjithe  vitit, kishte marre fund. i pajetueshem..  mos me keq.

o belul, kjo s,durohet fare, erdhen tepelensit e jua zaptuan detin,bobo si ore nuk u ndiet fare ? smiley

tepelenasit e meritojne nje pjese te detit, se na ndihmuan  dikur te hedhim italanët ne det..smiley

Belul, e di si i tha Xhebro Gjika Mehmet Shehut kur u vajti ne plenum per vajtjen e kuadrove ne fshat ?
- Na nuk vemi me ne fsgat , shoku Mehmet?
- Si? Pse nuk vini me Ju?
- Se sa ikim na larte , keta qe meten ketu lajmerojne italanet.U thone; hajdeni ju, more se ...iken ata dhe tepelenasit...!

dolen robt te gjithe ne shetitore se boni nje diell i bukur kur isha une, per 28 nentor

sa per brenda qytetit, si gjithanej...veji flaken Gjikes

kot si kane kenduar :

moj vlore e bukur ne grope

skele e pare ne evrope

te kane shitur te zote..

 

meqenese mbaruan dhe ndeshjet e Championsit smiley

pallati ne Vlore eshte thjesht preteksti i Rames per te eliminuar Gjiken, ne mos ligjerisht te pakten politikisht, dhe per te marre kontrollin e investimeve imobiliare ne bregdet bashke me Koço Kokedhimen. Koço fshihet pas gjithe kesaj, Gjika eshte pengese per shtenien ne dore te bregdetit te paprekur, nga ku do te mbillen pallate te panumurta e miliona euro beton. 

Rama me kte projekt te mire zgjedhur shkaterrimi synon te vrase dy zogj. e para Gjiken, duke e katandisur ne nje sorre te rjepur, dhe e dyta indirekt Bashen, duke hapur thashetheme me mediat e veta sikur pallati eshte i tiji apo i vjerrit te tij.

por kjo taktike e Rames eshte shume e trashe, shihet kilometra larg. perse nuk e ndjek te njejtin shembull me bregdetin e durresit, nqs e paska kaq merak betonizimin e rivieres? sepse Durresi eshte kafshuar gjer ne kocke, ska interes per Koçon te vere dore, ska ca perfiton me. politika e gjitanit, leviz sa nga nje vend ne tjetrin deri sa ti shterosh burimet.

+100 smiley

Iken dyshimet kush ja pregatiste sh.Enver " Tablot Sinoptike "

LefKOPE ???

por kjo taktike e Rames eshte shume e trashe,...

Po do thoni JU e kush i ka zbuluar Komplotet pervec Partise ? Pa na thuaj ti sh Rama  , ke ke vrare  e ke ke   prere ne Durres , qe vret e pret ne Vlore " smiley

 

hahahahaha...ky ka per te vrare veten pa u mbushur mandati i pare i Rames!!

Keto dy parti politike qe ngaterrojne Hilen me Zgjuarsine dhe do ta paguajne shtrenjte (Berlusconi i mbetur ne fund te brimes me nje qenush eshte nje shembull elokuent) po rrisin pa mase Borxhin Ambiental duke shkaterruar çdo gje perreth thjesht duke bashkepunuar nen dhe e duke u peshtyre ndersjelltas ne publik.

Ne Vlore per ta pare nga afer shembjen. Nuk dua te ma tregojne, por ta shoh vete. Ishalla mban koha!

Komentues, ngjarja eshte pjese e tragjikes tone.Se atje duhej vajtur ne nje kohe te mire per te pare ...te miren.Krushq pas vargut te mortit ky vend nuk a pare!

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).