Këtë bashkëbisedim do të desha ta nis duke ndarë me ju ndjesinë e çuditshme që më kanë shkaktuar kohët e fundit dy gjëra: E para është një autoreklamë në njërin prej kanaleve tona televizive kombëtare, me anë të së cilës i bëhet thirrje publikut që të bashkëpunojë në dhënien e informacioneve. Thirrja bazë e kësaj reklame është: Mjafton një telefonatë dhe bëhesh edhe ti reporter! Gjëja e dytë që më ka shtënë disi në mendime është titulli provokues i një libri të profesorit francez Eric Scherer. A na duhen më gazetarët? Kështu titullohet libri. Janë në fakt dy gjëra të cilat mund ta tronditin deri diku besimin që ke pasur në vlerat e një profesioni të ushtruar që prej 20 vjetësh.

Tashmë është thuajse e pranuar prej të gjithëve se fusha në të cilën operojmë, pra gazetaria dhe në tërësi bota e mediave është një sferë shoqërore gati-gati më vete, nga më të rëndësishmet e shoqërisë. Vetëm se kjo sferë është disi e ngatërruar dhe e çrregullt, ajo jeton dhe shumë herë edhe mbijeton vetëm si bashkësi e ndërfutur me bashkësi simotra të tjera. Ne bashkëjetojmë me ekonominë jo vetëm sepse lajmi ekonomik dhe informacioni ekonomik, që ne raportojmë, është me rëndësi të dorës së parë për krejt jetën e shoqërisë, porse dhe sepse ne vetë përbëjmë një aktivitet ekonomik më vete. Në bashkëjetojmë me politikën, jo vetëm si përçues të qëndrimeve e premtimeve politike, apo preferencave zgjedhore, por edhe sepse shumë gazeta, televizione, radio, rrjete sociale janë shprehës direkt të vullnetit politik të njërës apo tjetrës parti. Mediat janë gjithashtu në një farë kuptimi edhe edukatorë e mësues, ato përçojnë qëndrime morale dhe etike, informacione kulturore, kultivojnë shije dhe zbavitin. Pra ne na duhet të bashkëjetojmë gjerësisht edhe me kulturën.

Duke qenë se vërtitemi në një sferë të tillë të ngatërruar edhe figura e gazetarit është disi ndryshe nga ajo e profesionistëve të fushave të tjera, ku objekti i punës është më i qartë, orari më i fiksuar dhe jeta më e rregullt. Ka qenë kështu në periudhën parainternet dhe besoj se kështu është edhe në periudhën pasinternet, veçse në kohët që jetojmë kanë ndodhur ndryshime të qenësishme në raportet e reporterit me veten, dhe në marrëdhëniet e tij me profesionin dhe pra edhe me publikun.

Që të mund të kuptojmë ndryshimet, në pak minuta, do të mundohem që të kujtoj veten dhe kolegët e mi përgjatë punës këtu e 20 vjet më parë. Do të përqendrohem kryesisht në shtypin e shkruar, fushë që e kam më për zemër dhe ku kam punuar më gjatë. Asokohe, pra bëhet fjalë pas vitit 1992 e më tej, në fushën mediatike në Shqipëri ndodhi një hop i madh. U kalua brenda një kohe relativisht të shkurtër nga mbretërimi i propagandës në mbretërinë e lajmit, hapi i parë i madh i krijimit të një shtypi kombëtar me të vërtetë modern. Njerëzit që e bënë këtë, pra gazetarët e asaj kohe, nuk ishin të gjithë njerëz që në të ritë e tyre kishin ëndërruar të bëheshin gazetarë apo reporterë të famshëm si ata që kishin parë ndër filma. Duke qenë se asokohe ende nuk kishte filluar shkollimi profesional i gazetarëve, pjesa më e madhe e tyre vinin nga profesione të tjera. Ata vendosën të bëhen gazetarë sepse e quajtën veten pjesë të rëndësishme të entuziazmit të përgjithshëm që kishte kapluar tërë shoqërinë shqiptare asaj kohe. Më shumë se një profesion gazetaria shihej jo vetëm prej nesh reporterëve por edhe nga publiku, si një mision, si një urë që, më në fund, e dërgonte të vërtetën në shtëpitë e varfra të shqiptarëve.

Me siguri kolegët tanë të rinj sot do të venë buzën në gaz teksa do të kenë mundësinë të lexojnë ndonjë gazetë a revistë të atyre kohëve. Ndjehej që në ajër një lloj naiviteti, mungesë profesionalizmi në raportimin, përzgjedhjen dhe shkrimin e lajmeve, porsa ama hapi i parë i madh ishte hedhur: lajmi, e vërteta kishte fituar vendin që i takonte.

Burimet e informacionit ishin fare të pakta, një abonim në ATSH që transmetonte kryesisht lajme zyrtare, korrespondentët e rretheve, lajmet e të cilëve kopjoheshin me dorë nga sekretaret, dhe vetë puna e reporterëve të pakët. Në shumë redaksi një kompjuter i vetëm quhej luks dhe faqosja ishte ende primitive. Interneti ishte për ne një gjë aq e largët sa edhe ishujt Havai.

Ishin kohë kur një lajm i gjetur ruhej me fanatizëm të madh. Konkurrenca mes reporterëve ishte e madhe dhe shumë herë madje edhe e ashpër, por ama solidariteti profesional dhe njerëzor ishin në shkallën maksimale. Më kujtohet këtu solidariteti i shtypit edhe atij rival me grevën e gazetarëve të Koha Jonë, apo rasti i djegies së redaksisë së kësaj gazete, apo i burgosjes së Frangajt dhe Lekës.

Tani le të kalojmë në gjendjen e sotme të gazetarisë dhe të gazetarëve. Sipas meje dy janë ndryshimet e mëdha që kanë përcaktuar lindjen e një lloji të ri të gazetarisë. Ndryshimi i parë i madh ishte hapja e shkollave të gazetarisë. Me gjithë mangësitë e paevitueshme në fazën e parë, me gjithë lidhjen ende të dobët me punën konkrete në terren, këto shkolla kontribuan në një shkallë të dukshme në rritjen e shkallës së profesionalizmit ndonëse asnjë herë nuk duhet të harrojmë që jo detyrimisht një student i gazetarisë bëhet automatikisht gazetar. Për të arritur deri aty duhet një rrugë e gjatë plot mund e sakrifica. Sido që të jetë të diplomuarit në gazetari, të cilët sot përbëjnë skeletin e shtypit, të paktën të atij të shkruar, ku jam përqendruar, solli një frymë e gjallëri të re në shtyp.

Ndryshimin e dytë të madh e solli cunami me emrin Internet. Si kudo në botë, por ama me efekt edhe më të theksuar te ne, Interneti zgjeroi burimet, e bëri botën dhe pra edhe Shqipërinë më të vogël, e shndërroi vendin në një redaksi gjigante, i afroi edhe më gazetarët me kërkesat e publikut, me burimet e informacionit, e zgjeroi gati pa fund arkivin personal të secilit. Jo vetëm kaq, Interneti e ka bërë publikun nëpërmjet rrjeteve sociale pjesë të vetë medias. Opinione, qëndrime, kritika, histori personale, njoftime të thjeshta deri dje të paarritshme në shtyp janë bërë pjesë e një media gjigante në shqip, një media që mund ta quajmë fare mirë një media e shtuar.

Deri këtu folëm për të mirat që kanë sjellë në shtyp këto dy ndryshime të mëdha, pra shkollimi i gazetarëve dhe Interneti, porse si çdo ilaç revolucionar edhe Interneti ka efektet e veta anësore të dëmshme, efekte të cilat, nëse harrohen apo lihen pa kuruar, mund ta çojnë pacientin, pra shtypin në krizë. Mendoj se ka ardhur koha që disa efekte anësore, disa dregëza të pacientit shtyp, t’i diskutojmë hapur mes kolegësh të vjetër e të rinj. Sigurisht që këto janë mendime krejt personale, tërësisht subjektive që burojnë nga përvoja ime redaksionale. Këto vërejtje gjithashtu nuk i takojnë aspak pjesës së mbarë të gazetarëve shqiptarë të cilët përbëjnë shumicën e shtypit.

Apatia. Kam vënë re me trishtim shumë prej kolegëve të sotëm, që vijnë në redaksi duke tërhequr këmbët zvarrë, si me pahir, sikur të duan të thonë “dreq o punë, ç’na gjeti!”, dhe largohen prej andej duke fluturuar, njësoj sikur po i pret ndonjë parajsë tokësore. Janë në moshën kur mund të japin kulmin e punës së tyre, por duken të lodhur që në mëngjes. Të bëhesh gazetar është një zgjedhje e vështirë në jetë. Kjo zgjedhje në shumicën e rasteve nuk të bën të famshëm, kërkon një jetë të lodhshme, kërkon që shumë gjëra që për të tjerët janë normale për ty të jenë gati të pamundura, por ama të jep një mijë e një kënaqësi të tjera. Gazetaria nuk është vend për gjumashë apatikë. Kush mendon të kundërtën le të bëhet më mirë zëdhënës apo deputet. Me siguri do të ndjehet më pak i bezdisur.

Mungesa e kuriozitetit. Të jesh gazetar do të thotë në radhë të parë të jesh kurioz, të të bëjnë përshtypje gjëra të jetës së përditshme, të rënda, të këqija, por edhe të bukura, të këndshme, të rralla. Nëse bëjmë një analizë fare të rastësishme të secilës prej ditëve në shtyp do të shohim se ato janë të mbushura thjesht me konferenca shtypi, deklarata të politikës apo të policisë dhe kaq.

Mungesa e të dyshuarit. Gazetari, për nga raca së cilës i përket, duhet të jetë gjithnjë dyshues. Madje dyshues deri në bezdi. Verifikimi i lajmit nga sa më shumë burime është një nga parametrat universalë të punës tonë. Për fat të keq nuk janë të pakta rastet te ne, kur nuk shihet përtej dukjes së lajmit, të deklaratës apo qëndrimit, pozicione të cilat jo vetëm na largojnë nga e vërteta, por edhe e shtojnë rrezikun e manipulimit të shtypit prej burimeve të mirëmenduara.

Mungesa e ideve. Unë nuk dua të luaj rolin e veteranit, që rrëfen betejat e fituara, porse rasti i mëposhtëm mund të jetë vërtet domethënës në krahasimin e shtypit më parë dhe sot. Përgjatë periudhës 1994-1996 së bashku me kolegët Andrea Stefani, Edmond Laçi, Carlo Bollino, Sokol Balla, Hektor Pustina, Arjan Çani, Armand Mero, Rezear Xhaxhiu e plot të tjerë, shumica prej të cilëve disa prej njerëzve më të shquar në media sot, patëm rastin të kalonim një përvojë të veçantë profesionale. Për motive teknike “Gazeta Shqiptare”, ku punim të gjithë asokohe, shtypej një ditë me vonesë, pra numri, që bëhej gati të hënën dilte në treg të mërkurën. Kjo kërkonte që çdo lajm, që të ruante freskinë, të ishte një gjetje më vete, një ide që gazetat e tjera nuk e kishin. Kështu vetëm me anë të ideve, të kërkimit, e thënë shqip e vrarjes së mendjes u arrit që kjo gazetë jo vetëm të mbijetonte, por të bëhej, sikurse është edhe sot, një nga më të njohurat në tregun mediatik. Këtë kërkesë, e të qenit ndryshe, e gjetjes së ideve, për fat të keq e shoh shumë rrallë sot.

Gjuha e mangët. Kudo në botën e zhvilluar shtypi dhe media në përgjithësi modifikojnë vazhdimisht gjuhën. Aq e zhvilluar është sot kjo marrëdhënie sa që prej kohësh kanë dalë fjalorë të posaçëm mbi gjuhën e mediave. Nuk ndodh aspak kështu te ne. Të vetmet shpikje tonat kanë mbetur “bluzat e bardha”, “togat e zeza”, “blutë”… Nuk mund të mbetesh gazetar nëse nuk lexon përditë jo vetëm shtypin, jo vetëm internetin, por edhe sa më shumë libra dhe çdo gjë tjetër që të bie në dorë. Vetëm kështu mund të pasurosh mendjen me ide dhe fjalë, koncepte etj.

Në këtë listë prej pesë pikash mund të zgjatesha edhe më, por ndoshta këtu nuk është vendi dhe as do të ishte e drejtë që të metat të kapërcejnë rezultat e padiskutueshme që kanë arritur gazetarët shqiptarë në këto dy dekadat e fundit. Në thelb këto vërejtje që përmenda pak më lart nuk përbëjnë gjë tjetër veçse dëshirën time të pamatë për t’i parë më mirë e më solidë kolegët me të cilët ndaj të njëjtin profesion.

Mbase ka ardhur koha që, njësoj si në profesione të tjera të rëndësishme si mjekët e avokatët, të kemi edhe ne Urdhrin tonë profesional të njohur zyrtarisht edhe nga qeveria. Do të ishte pikërisht ky urdhër që do të licensonte të drejtën e ushtrimit të profesionit për secilin prej nesh, do të kategorizonte secilin prej nesh në bazë të vjetërsisë në punë, cilësisë dhe sasisë së punës së kryer, do të bënte marrëveshje kolektive me shoqatat e pronarëve dhe mbase edhe me shtetin dhe do të merrte atributet e një gjykate profesionale që jep dënime deri në heqjen e të drejtës së profesionit në raste të shkeljeve të rënda të etikës apo në raste të stisjes së lajmeve të gënjeshtra.

Do të doja që, në përfundim, t’ia hiqja vetes atë ndjesinë e sikletshme që më krijoi pyetja e profesor Scherer-it. A na duhen më gazetarët? A i duhen më gazetarët shoqërisë. Sigurisht që po. Sigurisht që i duhen. Jetë e mot është dashur gjithherë një lajmës. Vetëm se tani na duhet të lundrojmë ca më shumë në një det të paanë që quhet Internet. Ndonëse një lundrim i gjatë në të mund të na i bjerrë disa prej cilësive të reporterit të vjetër klasik, ai sërish mbetet një det i mrekullueshëm.

*Shkrimi është një përshtatje e kumtesës së autorit mbajtur në seminarin “Përgjegjësia e gazetarëve në demokraci”, organizuar nga Qendra shqiptaro-gjermane për trajnimin e gazetarëve pranë Fakultetit Filologjik.

19 Komente

Gjuha e mangët. Kudo në botën e zhvilluar shtypi dhe media në përgjithësi modifikojnë vazhdimisht gjuhën. Aq e zhvilluar është sot kjo marrëdhënie sa që prej kohësh kanë dalë fjalorë të posaçëm mbi gjuhën e mediave. Nuk ndodh aspak kështu te ne. Të vetmet shpikje tonat kanë mbetur “bluzat e bardha”, “togat e zeza”, “blutë”…

e drejte!  gjuhe e varfer  qe ne tituj..   ne gazetat apo lajmet shqiptare,  perdite, pervec titujve te zakonshem me ''blute'',  ''bluzat e bardha'' etj,   do gjesh tituj te tille si:  ''u zbardh  kjo, u zbardh ajo''    slane gje pa zbardhur mor aman...   bile kam  vene  re: sa me shume    bertasin  qe ne titull, ''u zbardh  mor u zbardh..''.    e garantuar   qe kur lexon shkrimin asgje  nuk eshte zbardhur,  bile  eshte  nxire  akoma me  shume..smiley

" ....Mungesa e të dyshuarit. Gazetari, për nga raca së cilës i përket, duhet të jetë gjithnjë dyshues. Madje dyshues deri në bezdi. Verifikimi i lajmit nga sa më shumë burime është një nga parametrat universalë të punës tonë. Për fat të keq nuk janë të pakta rastet te ne, kur nuk shihet përtej dukjes së lajmit, të deklaratës apo qëndrimit, pozicione të cilat jo vetëm na largojnë nga e vërteta, por edhe e shtojnë rrezikun e manipulimit të shtypit prej burimeve të mirëmenduara..." 

 Kjo me pelqeu, se bashku me idene e krijimit te nje Urdheri, si ajo e mjekeve. 

Problemi vjen ngaqe ne media punojne shume te rinj ngaqe paguhen pak dhe i kane si pune kalimtare, ngaqe mediat nuk jane pune te sigurta vete. Pak gazeta e televizione ka qe s'jane mbyllyur nga disa here e s'i kane lene punonjesit pa paguar me muaj te tere. Mediat qe paguajne mire kane nejrez me te angazhuar.

Gjuha eshte shume problem tek te gjitha. Eshte e frikshme te shohesh se si drejtues emisionesh kane tru aq te ngadalte sa nuk arrijne ta mendojne fjalen ne gjuhe te huaj, sic e ka thene ai qe duan te imitojne, dhe ne ate fragment sekonde s'arrijne ta perkthejne ne shqip, por ia leshojne sic u vjen ne gjuhe te huaj. Kam degjuar fjale si "lukrative" e budallalleqe te tilla. Eshte mekat, sepse ndikojne te rinjte ne menyre te drejtperdrejte. 

Nje tjeter bezdi qe shoh une tek ca media qe japin lajme flash kur jam ne lokal, eshte kur duan te fusin lajme nga bota, per ta mbushur, nuk zgjedhin ndonje gje qe te jete interesante per shqiptaret, por fusin ca ka nxjerre nje faqe e huaj ne faqe te pare, e qe shqiptareve as qe u intereson. Ne menyre automatike. Psh, para ca ditesh ishte nje emer amerikani qe s'me kujtohet, qe thoshte: "Filan Fisteku tha ne MBSNC (s'e mbaj mend kanalin) qe ABC nuk eshte kanal patriotik." Kush eshte filan fisteku? kush eshte abc? kush eshte mbsnc? dhe pse duhet te me plase? varja, kape lajmin e rrase aty. lol

"Une jam ketu vetem per te ngrene, per te dhjere e per te fjetur?"

Ne Shqiperi nuk ka asnje gazetar profesionist por vetem gjuetare te copes se byreçkes ne sherbim te njerit apo tjetrit, duke nderruar edhe pronar. 

Ne kete ambient "gazetaret" vetem krahasojne njerin boss me tjetrin sipas interesit duke u hedhur perpjete me "pasion e emocion" por kurre me llogjike.

Nuk kam pare kurre nje "gazetar" qe te krahasoje secilin me parametrat fitimtare per te ardhmen e vendit tone por vetem njerin me tjetrin. Kjo nuk çon kurre perpara por vetem rreth e qark duke rrafshuar ambentin.

Pasoja e kesaj jete injorante? E ka thene me mire se kurkush nje gjeni i vertete:

"Une jam ketu vetem per te ngrene, per te dhjere e per te fjetur?"- Mao Ce Dun, 1949... kur shkoi me dashuri vellazerore per ti uruar ditelindjen Stalinit dhe ky e la ne nje vile te vjeter jashte Moskes per me shume se nje muaj pa ju pergjigjur telefonatave te Maos.

 

Gazetaria ne Shqiperi eshte e nje niveli shume te ulet njehere, perveç Mapos dhe Respublicas qe i lexoj me qejf. Mungesa e objektivitetit, e kuriozitetit, dhe sidomos e te dyshuarit dhe e te verifikuarit (prej dembellekut them une) lejne me te vertete per te deshiruar.

Ne diference me blogjet ku autori/autorja ia lejon vetes te jete subjeketiv(e), per ta ngjyrosur ose per ti dhene karakter shkrimit te tij/saj, nje gazetar duhet te shkruaje me pergjegjesi, duke treguar kujdes per te mos shfaqur bindjet e veta politike, te mos beje gjykime morale (etj.).Me duket sikur  Editoriali nuk ka me rendesi tani...

nje gazetar duhet te shkruaje me pergjegjesi, duke treguar kujdes per te mos shfaqur bindjet e veta politike, te mos beje gjykime morale (etj.)

Mbi te gjitha, dhe ne fund fare te etj., nje gazetar duhet te tregoje qe pothuajse nuk ekziston fare, por qe ekziston vetem rotativa e shtypit te lire ku ai kalon i shtypur ne formen e bojes tipografike.

 

Oh là là! Sa vizion te ulet ke per boten o njeri... 

Ctrl+F "guxim", Ctrl+F "kurajo", Ctrl+F "denoncoj/denoncim" dhe Ctrl+F " vertet/a" nuk qiten gjo. Me thoni nese me ka shpetu noi gjo; pa keto besoj se nje shkrim i tille eshte i tepert.

Tos, ne gazetare kemi. Ti je nje prej tyre, psh.  Gjithashtu gazetare nuk eshte e veshtire te gjesh apo te besh. Problemi eshte qe ne nuk kemi gazetari. Se pse s'kemi gazetari pastaj, kete e di dhe bufi. Eh te kishim ca qumesht te benim nje pershesh, vecsa na ka mbaruar buka. smiley

Si gjithmone kenaqesi te te lexosh Baxhak .

Gjuha e mangët

gjuha e drunjte qe perdorin

po ku te shkruajne gazetaret? tek gazetat e partise?

Gazetaret jane Vk. Me keqardhje shoh qe jane katandisur si propagandues te pronarit. Per me teper nuk kane asnje vlere shoqerore lere njerezore te pakten egon per tu bere dikush. Me nje fjale jane kot. Nuk ke ci do. Me shume vlere kane peshqit si boisa apo gjergjin apo apo xhibolen Hahahhah

Baxhaku, hajt mo, se nuk eshte i perfshire ne gazetarine hulumtuese, por te mburresh stefanin apo canin? nese ishin dje, perse nuk jane sot? 

problemi eshte se ka gazetare ne shqiperi si fevziu, qe kane akses ne pushtet.. ky eshte problemi, kur gazetaria perdoret per te fshire te pegerat e politikes.. se perndryshe gjithkund gazetaret e mire te pakte jane, shume shume ka kronikane te mire

Po shteron vaji kandilit.

 

Si mund te mos kete difekte? Vetem para pak ditesh lexuam kryeredaktorin e nje gazete te perditshme te fuqishme qe mallkonte, shante dhe fyente policet "Tepelenas" sepse guxuan ta ndalojne dhe ti kerkojne dokumentat e makines.

Ka djem dhe vajza te reja qe punojne ne gazeta dhe jane shume te afte e intiligjente por kane mbi koke horrat, hajvanet dhe skuthat e bllokut. Per sa kohe ka konkurence te pandershme dhe mungese te censures mediatike deshperimi dhe degjenerimi i mediave ne shqiperi do vazhdoje.

 

 

Pese ? smiley

 

Vetem nje difekt: bejne nje pune qe nuk e njohin aspak. Edhe ne Itali ndodh e njejta gje. 

eh sikur te ishin vetem 5 ???????

 

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).