Racizmi krahinor dhe fetar prodhon debate dhe përçarje shterpë që zhvendosin vëmendjen nga moszgjidhja e problemeve sociale themelore, duke ia lehtësuar kështu pushtetmbajtjen elitës aktuale politiko-ekonomike.

Gjithnjë e më tepër një pjesë e elitës kulturore shqiptare po bëhet zëdhënëse e ndasive krahinore dhe fetare që ekzistojnë në gjirin e shoqërisë shqiptare. Shembulli më bombastik i këtij procesi ishte intervista e Maks Velos, i cili u deklarua antiverior dhe antimysliman. Shembuj të tjerë “më normalë” janë librat e Mustafa Nanos “Unë jam geg” (dhe së fundmi “Pax Albania”). Kemi të bëjmë me një ligjërim që po forcohet jo vetëm ndër qytetarë, por veçanërisht tek elitat ekzistuese. Fatkeqësisht, nëse në nivelin e shoqërisë shqiptare hasim paragjykim, në nivelin e elitës artikulohet një ligjërim me tipare raciste.          

Tjetri reduktohet te një esencë bazike (raca, kultura apo feja) nga ku shpjegohet gjithçka. Kështu, dhunën e terroristëve islamikë e gjejmë tek esenca e Islamit, dhe jo te ndërveprimi i faktorëve ekonomikë, politikë dhe historikë të Lindjes së Mesme. Po kështu çdo problem i Veriut shpjegohet nga “Gegëria” (kultura/vlerat/kanuni) e tyre, duke injoruar faktorët historikë, ekonomikë apo politikë që kanë përcaktuar lëvizjen e tyre drejt qendrave urbane. Për pasojë, Tjetri denigrohet duke u reduktuar në një esencë problematike, që është primitive dhe barbare (“malokëria”) ose regresive dhe e dhunshme (Islami).              

Në këtë pikë, ajo që është e rëndësishme nuk është debatimi me qasje të tilla siç po ndodh aktualisht, sepse ato nuk ofrojnë argumente, por thjesht paragjykime. Kështu, ideja se ka një esencë “gegë” dhe “toskë” që përcaktojnë zhvillimet në Veri dhe Jug të vendit injoron të gjitha dinamikat politiko-socialo-ekonomike të shtatëdhjetë viteve të fundit (industrializimi dhe modernizimi i dhunshëm komunist, deindustrializimi postkomunist që preku rëndë veçanërisht Veriun, persekutimi i Veriut gjatë komunizmit, struktura e tokës në Veri etj.).            

Po kështu debati nëse shqiptarët bënë mirë apo keq që u konvertuan në islamë është sa i kotë, aq dhe hipokrit. I kotë sepse tashmë konvertimi ka ndodhur. Hipokrit sepse pyetja që shtrohet në fakt është: Ta pranojmë apo ta refuzojmë Islamin? Kjo është një pyetje pas sens në një shoqëri demokratike ku një pjesë e mirë e popullsisë identifikohet me këtë fe. Kush, mbi ç’bazë dhe me ç’të drejtë do t’u japë urdhër qindra mijëra qytetarëve shqiptarë që të heqin dorë nga Islami?           

Prandaj absurditetit dhe mjerimit intelektual të racizmit krahinor dhe fetar nuk duhet t’i përgjigjemi duke u angazhuar në polemika shterpë të tipit “janë apo jo barbarë veriorët dhe terroristë myslimanët?”. Ajo që është e rëndësishme është të shtrojmë pyetjen: Përse prodhohet ky ligjërim? Kush përfiton prej artikulimit të tij? Çfarë fsheh ai?          

Në këtë artikull do përpiqem t’u përgjigjem pikërisht këtyre pyetjeve duke argumentuar se nga racizmi krahinor dhe fetar biznesi përfiton krahë të lirë pune, media përfiton skupin mdiatik, elita politike prodhon përfaqësim dhe diferencim, ndërsa qytetari i thjeshtë kanalizon mllefin për situatën ku ndodhet drejt bashkëqytetarëve dhe jo drejt elitës apo sistemit ekonomik. E thënë më thjeshtë; racizmi krahinor dhe fetar prodhon debate dhe përçarje shterpë që zhvendosin vëmendjen nga moszgjidhja e problemeve sociale themelore, duke ia lehtësuar kështu pushtetmbajtjen elitës aktuale politiko-ekonomike.          

Racizmi krahinor, duke u marrë me veriorët si barbarë që i kanë marrë frymën Tiranës apo Durrësit, fsheh faktin se monstruozitetet më të mëdha në këto qytete, betonizimi dhe katet pa leje mu në zemër të tyre, nuk janë produkt i veriorëve që jetojnë në periferi, por i bizneseve të “respektuara” dhe i kryebashkiakëve “tironsa”. Portretizimi i veriorëve si pushtues të qyteteve tona fsheh faktin se ata shpesh janë pjesa më e shfrytëzuar dhe e margjinalizuar në këto qytete si krahë i lirë pune në ndërtim apo në industrinë fasone.          

Për sa kohë flasim për veriorë injorantë, të egër dhe barbarë, nuk flasim për të drejtat e tyre si punëtorë dhe qytetarë shqiptarë. Nuk flasim për të drejtën e tyre për të qenë të siguruar në punë ndaj aksidenteve, për t’u paguar mirë,  rregullisht dhe me kontratë. Ndaj media buçet për borxhet që qeveria i ka biznesit, por nuk thotë asnjë fjalë për mijëra borxhet që biznesi u ka punëtorëve, të cilët në shumicë punojnë në të zezë.

Nuk është një fenomen thjesht shqiptar. E njëjta gjë ka ndodhur me refugjatët shqiptarë në Greqi apo Itali. Teksa media e këtyre vendeve mbushej me histori krimi dhe barbarie të refugjatëve tanë, shumë pak flisnin për shfrytëzimin e tyre. Ajo që humbiste në ligjërimin racist antishqiptar ishin historitë e shfrytëzimit dhe abuzimit me punëtorët dhe punëtoret shqiptare, pagat nën minimale që shpesh nuk paguheshin, apo denoncimi në polici dhe eliminimi fizik i emigrantëve për të mos i paguar. Të gjitha këto padrejtësi bëhen më të thjeshta dhe fitimprurëse nëse tjetrin e pikturojmë si malok apo katunar në Shqipëri apo si shqiptar në Greqi.          

Fatkeqësisht media është e gatshme t’i japë zë racizmit krahinor dhe fetar pasi kështu krijon skupin mediatik. Për disa media “no press is bad press”, që e shqipëruar do të thotë “nuk ka rëndësi se çfarë thonë për ty, mjafton që të flasin”. Ndaj gazetari dhe gazeta shpesh janë gati të ulen në nivelin e çdo deklarate që e skandalizon shoqërinë, por pa e ndriçuar atë aspak, qofshin këto edhe të tipit “veriorët janë plehra”. Banalitete të tilla me lehtësi trajtohen si “mendime të guximshme intelektuale”, pavarësisht se janë konstatime ordinere.          

Kuptohet, mediokritete të tilla media i bën më shumë nga halli si pasojë e pamundësisë për t’u marrë me probleme reale. Të kapura nga biznesi dhe politika mediat nuk trajtojnë dot një seri problemesh sociale, si ngacmimi seksual ndaj femrave, degradimi i zonave rurale apo shfrytëzimi i mijëra punëtorëve dhe punëtoreve që paguhen keq ose nuk marrin rrogat sepse janë pa kontratë. E si mund ta ngrejë media një problem të tillë kur vetë gazetarët dhe gazetaret janë pa kontrata dhe të pambrojtur përballë pronarëve dhe shefave? Ndërsa probleme të tjera si ekzistenca e strukturave thellësisht klienteliste dhe korruptive në qeverisje si LSI-ja, nuk trajtohen më në media, sepse Meta i duhet si PS-së, edhe PD-së.    

Në këtë kontekst, ajo që korr një përfitim të trefishtë nga përçarja që prodhon racizmi krahinor dhe fetar është elita politike. Përçarje të tilla u mbivendosen çarjeve të tjera sociale, punëdhënës-punëmarrës, të pasur–të varfër, persekutues–të persekutuar, dhunues–të dhunuar, qendër–periferi etj., për të cilat elitat aktuale nuk ofrojnë zgjidhje. Për sa kohë njerëzit ndahen në jugorë dhe veriorë apo myslimanë dhe të krishterë, ata menaxhohen më kollaj. Të organizuar në grupime sociale si sindikata, studentë, apo grupe fermerësh, ata do të kërkojnë politika shtetërore më sociale, kontrata kolektive, paga më të mira apo mbrojtjen e prodhimit bujqësor vendas që modeli aktual zhvillimor nuk i ofron dot. Ky është një model që i ofron fitime një elite të ngushtë ndërkombëtare dhe kombëtare, ndërkohë që shumicën e popullsisë e trajton si krah të lirë pune.        

Në mungesë të përfaqësimit ekonomik, social dhe politik, elitat prodhojnë përfaqësim krahinor duke krijuar kështu diferencime që në fakt nuk ekzistojnë. Kështu, Berisha, Meta dhe Rama, edhe pse përfaqësojnë interesa dhe ide krejt të ngjashme, diferencohen si “tropojani”, “tironsi” dhe “skraparlliu” (ose myslimani-ortodoksi-bektashiu). Në fakt, hanë, pinë, jetojnë dhe bashkëpunojnë në të njëjtën hapësirë, me të njëjtën elitë mediatike, ndërkombëtare dhe biznesi. Berisha, Rama apo Meta janë shumë më të ngjashëm me njëri-tjetrin se sa me veriorin, jugorin, skraparlliun, mirditorin apo tironsin e papunë. Ama atyre i duhet përçarja krahinore dhe fetare sepse në këtë mënyrë mund të ndërtojnë më kollaj rrjetet e tyre vertikale klienteliste, ku secili ka bazën e vet krahinore dhe fetare të votave.          

Nëse tiranasit, kuksianët, dibranët, korçarët dhe skraparllinjtë që jetojnë në vështirësi ekonomike ndërgjegjësohen se ata kanë interesa shumë më të ngjashme mes tyre sesa me Berishën, Ramën apo Metën dhe fillojnë e organizohen sipas kësaj logjike, atëherë e gjithë struktura aktuale klienteliste që mban gjallë Berishën, Ramën dhe Metën thërrmohet. Prandaj mes tyre duhet të ketë ndarje nga maja deri në bazë; ndarje krahinore, nënkrahinore dhe fetaro-krahinore. Në majë të kësaj përçarjeje, Berisha, Meta apo Rama shfaqen si figura unifikuese.

Në këtë kontekst, nuk është rastësi që Berisha flet me dialekt të theksuar verior, edhe pse mund ta flasë gjuhën letrare shqipe shumë pastër. Në fakt, po të dëgjosh daljet e tij televizive në vitet 1991-1992 (p.sh. kur u lavdëron studentëve të dhjetorit Ramiz Alinë), ai flet me një gjuhë të pastër letrare. Dialekti i tij është forcuar këto njëzet vitet e fundit në politikë sepse kështu me qindra-mijëra veriorë të papunë dhe të pashpresë mund të identifikohen dhe krenohen me Berishën, edhe pse jetojnë në dy botë të ndryshme.          

Nga ana tjetër, edhe socialistëve i duhet një Berishë “malok” në mënyrë që të diferencohen me të si “çuna Tirone”. Sepse nga pikëpamja sociale dhe klasore Partia Socialiste nuk ka lidhje fare me shtresat në nevojë, me fermerët, të persekutuarit, studentët, punëtoret e shfrytëzuara apo të papunët. Përkundrazi, ajo tashmë është partia më e madhe e biznesit dhe e të pasurve. Ndaj është më e lehtë për të përfaqësimi krahinor se sa ai shtresor.          

Së fundi, nëpërmjet ligjërimit racist elita mund të kanalizojë pakënaqësinë e qytetarit të thjeshtë drejt “malokëve të pagdhendur”, “myslimanëve fundamentalistë” apo “ortodoksëve të pabesë”. Në këtë mënyrë kjo pakënaqësi nuk kanalizohet drejt elitës apo sistemit ekonomiko-politik ekzistues që prodhon papunësi dhe padrejtësi. Kështu që qytetari, në vend që të thotë “na mbyti papunësia/padrejtësia”, thotë “na mbytën katunarët/malokët/skraparllinjtë/ortodoksët” etj.  Në këtë mënyrë, në vend që të kërkojnë punë dhe drejtësi, njerëzit e kanalizojnë energjinë e tyre qytetare nëpër blogje ku shahen veriorë me jugorë apo myslimanë me të krishterë.           

Faktorët dhe interesat e mësipërme ndërveprojnë duke i dhënë jetë ligjërimit racist krahinor dhe fetar në Shqipëri. Çështja nuk duhet reduktuar te një “individ i çmendur” apo “antishqiptar”. Gjithnjë do të ketë intelektualë të frustruar që janë gati të thonë gjithçka thjesht për të tërhequr vëmendjen. Gjithnjë do të ketë gazetarë dhe gazeta që janë gati të bëjnë zhurmë me çdo mjet. Ama duhet kombinimi i disa faktorëve ekonomikë dhe politikë që këta zëra “të çmendur” të vendosen në qendër të debatit publik.          

Kur diçka e tillë ndodh nuk duhet të biem në grackën e pseudopolemikave që prodhon një ligjërim i tillë. Ajo që duhet të kuptojmë është se ligjërimi i racizmit krahinor dhe fetar, edhe pse artikulohet nga intelektualë, është një ligjërim antiintelektual, ndaj me të është e kotë të debatosh. Në vend që ta ndriçojë, ai e fsheh realitetin. Në vend që të shërbejë si kritikë ndaj pushtetit, ai legjitimon dominimin e elitave ekzistuese dhe shfrytëzimin e shtresave më të pambrojtura të shoqërisë.  

Pikërisht për këtë arsye, elitës ekzistuese i intereson që ta përfshijë shoqërinë në këtë ligjërim. Ndaj intelektualët që e artikulojnë racizmin krahinor dhe fetar nuk janë as të “çmendur”, as “antishqiptarë”, as “zëra të guximshëm dhe kontroversal”. Ata janë thjesht produkte dhe zëdhënës në shërbim të elitës  ekzistuese. 

73 Komente

Qarte, sakte dhe bukur. #1.

Qe nje shkrim eshte i "Qarte, sakte, bukur" (ne kete rast me plot merite hiqi kapelen), kjo nuk do te thote se patjeter duhet te jete edhe i vertete.

Ky shkrim i qarte, i sakte, i bukur, ka disa te verteta perzjere me disa gjysem te verteta, dmth disa lloj rrenash qe jane me rrena se rrena e pastert ose rrena esenciale, e cila fatkeqsisht nuk ekziston. Sigurisht rrena esenciale nuk ekziston edhe pse autori e paska inot qasjen esenciale.

 

Nëse tiranasit, kuksianët, dibranët, korçarët dhe skraparllinjtë që jetojnë në vështirësi ekonomike ndërgjegjësohen se ata kanë interesa shumë më të ngjashme mes tyre sesa me Berishën, Ramën apo Metën dhe fillojnë e organizohen sipas kësaj logjike, atëherë e gjithë struktura aktuale klienteliste që mban gjallë Berishën, Ramën dhe Metën thërrmohet. Prandaj mes tyre duhet të ketë ndarje nga maja deri në bazë; ndarje krahinore, nënkrahinore dhe fetaro-krahinore. Në majë të kësaj përçarjeje, Berisha, Meta apo Rama shfaqen si figura unifikuese.

Pra duhen krijuar parti te tjera me drejtues te rinj.

 

jo mor kuaz, jo. duhen heq te gjitha partite. te gjithe ne sulm, te gjithe ne mbrojtje. te gjithe popull dhe kryeminister njeheresh. kjo eshte demokracia/komunizmi. jo ajo qe thot partia/partite.

Bravo Kajsiu!

Metaforikisht,me aq sa mund te baj une metafore,mendimet intelektuale si i yti, jane makina e nuses,kure maksvelot jane kanqet e varura mrapa qe perplasen me asfaltim dhe bajne potere.

Makina nuk eshte vetem e nuses, eshte edhe e dhendrrit, dhe nusja me dhendrrin ka nja 100 vjet qe jane martuar, e megjithate vazhdon ahengu (bashke me zhurmen e kanoçeve) sikur te jete dita e dasmes. Ka tradheti burra, nusja dhe dhendrri e kane tradhetuar njeri tjetrin kur ja kane gjetur rastin, plus qe jetojme ne nje kohe divorci me shifer 50%. Per te mos permend realitetin postmodern O-Idriz-O: Bjeri mbrapa (post) vetes.

Shif qasjen esencialiste angleze dhe skoceze tek tema me nuse skoceze dhe dhender anglez, sepse me date 18 te ketij muaji kemi dasem e ka per te kercit ronshem daullja e jevgut, kanoçet e llacifacit dhe majekrahu i malokut.

 

Si tha ai xhaja prej Shkodre kur mur vesh se jena prish me Kinen;pash zoten a dini gja kur do prishemi me Korcen? smiley

Po mixha prej Gjirokastre ça ka than?

 

T'ka hik emigranti s'kam ca me t'ba,ke ngel me ba muhabet me mu. smiley

Ta kam thene qe je mirditor i hidhet. I papare ne trevat shqiptare mbushur me dhendure qe nuk dine nga te çojne Doruntinen. Ti je dora vete vertetimi i qasjes esencialiste.

Nuk me ka hik vetem emigranti, kampioni, por kane hik e gjithe garda e vjeter. Ka ngel vetem i nderuar O-Idriz, edhe ai me ka quajtur Uria Hip.

Por mua me mjafton si esencialist safi qenia esenciale (dhe jo reale) e sinjora Bertinit per te vazhduar komentimin ne Peshk.

 

Dhe mu m'dhem largimi i tyne,jo per gja po dhe ne pjesa tjeter, msojshim naj gja ne debatet n'mes jush.

Kur lexoj ty,ne pjesen me te madhe te rasteve tham me vete,ky s'mund te jete thjesht nje anonim qe shkrun ke peshku,por ka dhe raste kur tham,boh ca budalli asht ky - qe padyshim me vjen prej paaftesise time me t'marr vesh. smiley

Falemneres per komplimentat, te cilat nuk i meritoj komplet, sepse kam vetem nje merite: pozicionin. Nuk eshte çeshtje vetem zgjuarsie apo budalle, varferie kulturore apo grumbullim kulturor ne magazine, kryesisht eshte çeshtje vizioni te kushtezuar nga pozicioni. Gjithe marifeti eshte te zesh nje pozicion me te larte nga i cili shpaloset me gjere vizioni, dmth eshte çeshtje perspektive.

Meqe e kam bezdi hermetizmin dhe misterin, me thuaj konkretisht ne kete muhabet çfar nuk ke marr vesh nga ato qe kam thene (pa problem edhe per ndonje rast tjeter). Sepse kur tjetri nuk merr vesh eshte gabimi im qe nuk e kam sqaruar, dmth budalli jam une.

Ndryshe nuk fitohet titulli Mesues i Popullit, qe he per he eshte ambicja ime kryesore.

 

I nderuar Heretik ..pata nje paqartesi dhe thash te te pejes ...meqe u ofrove per cpengime !

Ka tradheti burra,....dhe pastaj vazhdon cpengimin e tradhtis.. nusja dhe dhendrri e kane tradhetuar njeri tjetrin kur ja kane gjetur rastin,

Ne ne fshat tone " ka tradheti burra " e kemi te kohes postmoderne ose postvendit klasik kur klasicizmi ishte klasik se i sherbente klasikes . Tani edhe njehere pasi ne postmodernizem , kohet jane lene Pas por me deshire te madhe per te pasmet , ..si ta kuptojme kete cpengim tuajin ?

Tani edhe njehere pasi ne postmodernizem , kohet jane lene Pas por me deshire te madhe per te pasmet

smiley

Meqe pyetja jote eshte hermetike, me detyron te pergjigjem po ne menyre hermetike:

A te kujtohet ne ate lodren per kulme te ndryshme, se kush ka qene kulmi i shpejtesise?

 

I nderuar une mora shkas nga zemergjeresia Juaj per shpjegime ..dhe me takon t'ju falemenderoj per kohen qe shpenzuat si shpenzim per shpenzimin tim te pejetjes !

Me rikujtove Kulmet ... Sa shume kishim ne ate Kohe smiley Nje e kishim edhe me te trembjes ..Bertiste njoni  te Varet . Po cohem ...smiley..pastaj qetsonim dhitsat  ..Ishte shaka mos u trembni smiley

Nuk e morra vesh kulmin e trembjes, kushedi sa i bukur duhet te jete. Thuaje edhe nje here me qarte, ndoshta ka ndonje gabim orthografik.

 

Ta kisha llafne qe kulmi i shpejtesise sqaron epoken prapa-moderne:

T'ja krisesh vrapit rreth e qark pallatit, dhe kur te arrish tek cepi i trete i pallatit, te shohesh sumen tende tek cepi nga je nisur.

Te njejten gje ka thene prapa-moderni Hajdaraga (Hajdegeri) me fjale te tjera:

Qenia eshte rrethore. 

 

Nuk kam rastin te te njoh me nje mikun tim se si e tregonte kete variantin e shpejtesise ne rrethin e gjyetareve .Pak ndryshe nga Kulmi i shpejtesise tek ne sepse dhe rrethi ishtei rrethuar me ate lloj !

Ishte per gjah dhe nuk e shihte Ljepurin ku ishte fshehur me ..shpejtesi ..po vetem "pak hunda dhe byckat i dukeshin .Ti mbetem ..baw .. dhe c'te te them bre..Kish rrethuar gjith lisin po une aq shihja smiley

Ajo me siper eshte me "shpejtesi " por me thyerjen e rekordit te 100 metershit nga hrushovi smiley Dmth shpejtesi e coptuar sipas copave qe vervit lefTKopeja smiley

Kajsiu mire e ka, kshu ne parim e ne pergjithsi,  vetem se e fillon pak ters argumentin qe ne paragrafin e pare  kur quan Maks Velon apo Muç Nanon  ''elita kulturore shqiptare'....'.smiley

jo per gje, por nese quajme keta te dy  ''elite e kultures shqiptare'', pra maja me e larte e saj, po Ismail Kadarene ça i bie ta quajme pastaj?!   nje me Hodo leckamane..smiley

 

....e te vijme te paragrafi i fundit: pra nuk behet fjale per ndonje fare elite, por per pseudointelektuale lapanjoze, axhaminj e llafazane qe vijne verdalle neper studio televizive,  kuptohet pa argumente serioze, por  qe  bejne terci-verci e qyfyre  kur sua kemi ngene..

besoj se  eshte e qarte tashme  se lufta 20 e ca vjecare ndaj nacionalizmit apo kombetarizmit(du ju spik albenian?),eshte bere dhe financuar  per te hequr pengesen e vetme ne projektin per libanizimin e shqiperise. gazeta gegokatolike e naim cil leles kerkon te hape ''frontin e normandise'' duke bere aleance me janullatistet.

koha eshte e pershtatshme.identiteti kombetar eshte ne nivele minimale,ndersa ai fetaro-krahinor po stimulohet fuqishem me te gjitha mjetet.

''dumbabistet'' katolike dhe ortodokse po kerkojne me ngulm ndonje  te ngjashem mysliman per te justifikuar kryqezaten.  mungesa e ndonje partie apo levizje kombetariste ben qe loja te zhvillohet pa arbiter,nderkohe qe partite aktuale jane teresisht te zhveshura nga kjo ndjenje.

i sherben ruajtjes se ekuilibrave fetare e krahinore

Mire e ka Kajsiu, racizmi krahinor e fetar perdoret dhe per marrje/mbajtje pushteti, si dhe prej edhitave per tu duk qe gjoja thone cfare mendojne. Eshte njesoj si te dalesh pa breke per te tregu qe ke b... Nejse pertej tamtameve mediatike, dhe faktit qe bota e civilizuar racizmit i ka dhene vendin qe i takon, keta qe i bien ketij avazi nje gje duhet te kene parasysh, keto jane butona te rrezikshem qe shtypur per "qef" kuturu cojne ne qamete. Ne rastin me te keq ne nuk behemi si Skocia me Angline por si Bosnja. 

 

 

I sherben mucit qe nuk po i ecen(nuk po e ben dot me)me ate pjesen kur bente si shume i nxef me rrealitetin berishian. Edhe "dejavu" gjithsesi eshte emocion momental, keshtu qe duhet dicka me afat gjate si teme. Bashke me maksin mundohen te bejne dhe ate pjesen e mendimit pak me ndryshe.

Te maresh persiper te trajtosh tema te forta kombetare duhet me patjeter tia fillosh me ato gjera qe na bashkojne. Nuk eshte se ndjehem shume rehat qe pas nje pseudonimi  "gjuaj" mucin, maksin etj, se deshem sdeshem ata jane trend per shoqerine. Por ne qofte se kjo shoqeri i ka keto probleme atehere muci, maksi etj duhet ta kuptojne se kane dhe ata pergjegjesite e veta. Te marresh penen e te shkruash per problemet e vendit tend minimalisht duhet ta vendosesh veten si pjese e problemit e jo te sillesh si nje kinez qe vjen rishtas e cuditet me huqet tona. Reagim perfekt ishte shkrimi ne panorama"une jam gej" pas botimit te librit "une jam gege".

 

Po per ne mulatot kush do flasi xhanem? 

Kush do na marre ne ne peqi? smiley

Në këtë kontekst, ajo që korr një përfitim të trefishtë nga përçarja që prodhon racizmi krahinor dhe fetar është elita politike. Përçarje të tilla u mbivendosen çarjeve të tjera sociale, punëdhënës-punëmarrës, të pasur–të varfër, persekutues–të persekutuar, dhunues–të dhunuar, qendër–periferi etj., për të cilat elitat aktuale nuk ofrojnë zgjidhje. Për sa kohë njerëzit ndahen në jugorë dhe veriorë apo myslimanë dhe të krishterë, ata menaxhohen më kollaj. Të organizuar në grupime sociale si sindikata, studentë, apo grupe fermerësh, ata do të kërkojnë politika shtetërore më sociale, kontrata kolektive, paga më të mira apo mbrojtjen e prodhimit bujqësor vendas që modeli aktual zhvillimor nuk i ofron dot. Ky është një model që i ofron fitime një elite të ngushtë ndërkombëtare dhe kombëtare, ndërkohë që shumicën e popullsisë e trajton si krah të lirë pune.  

..thanx  Kajsiu ,nje intelektual liberal model qe te imponon respekt.

Kajsia prej kohesh tashme ka deviju nga liberalizmi i gjathte, gjimone e me majtas e ve theksin te polikat proteksioniste e sociale te majta, vecanerisht ne ekonomi. Nga ca mbahet mend nga kajsia i viteve te para( kur dilte me ate palloshin nurellarin si dhe ate syzen si dhe Cilin si treshja e liberaleve te djathe) ka nje ndryshim rrenjesor ne idete e tij te politikave ekonomike.

Gjithashtu ben thirrje per organizim ne baze klasore dhe ekonomike me sindikata etj, deviza tradicionalisht te majta. Madje dhe kundervenia ndaj debatit shterp te velos behet nga pozita argumentuese te tilla)

Pra kaposho, gjynah me e klasifiku ala kajsine te neoliberalet e djathte; Te pakten kajsia mund te quhet keynesianist. 

Të organizuar në grupime sociale si sindikata, studentë, apo grupe fermerësh, ata do të kërkojnë politika shtetërore më sociale, kontrata kolektive, paga më të mira apo mbrojtjen e prodhimit bujqësor vendas që modeli aktual zhvillimor nuk i ofron dot. 

 

 

 

A liberal, in the American sense, is one who falls to the left in the political spectrum; In other parts of the world, however, liberalism is the belief in laissez-faire capitalism and free-market systems - hence the recently coined term, neoliberalism smiley

in the american sense, i bie qe kajsia te jete komunist faresmiley

Nuk ka american sense te kuptimit te komunizmit, sepse nuk mund te kuptosh tamam ate qe nuk ke eksperimentuar (biles amerikanet as nuk e kane teorizuar, flasin sipas llafosjeve evropiane, as deri tek sindikalizmi nuk arrijne).

Kajsia eshte komunist fare ne kuptimin me te thelle teorik dhe praktik te komunizmit, si presupozues i teorise se komplotit, te nje komploti real te fshehur mbas dukjes politike dhe mediatike. Konkretisht fton per tabula rasa, jo per restaurim te ekzistueses, gje qe ne fakt e ben here pas here shumica e peshqve, edhe nga pozita antikomuniste.

 

(biles amerikanet as nuk e kane teorizuar,flasin sipas llafosjeve evropiane,...smiley

Nje punetor amerikan me dije ekon0mike , Plepist , ka hedhur ne Gjyq Marksin sepse te gjitha c'ka thene tek Kapitali ..ja kane  vjedhur atij si doreshkrim .

Mbi keto mesime ne Amerike u krijua dhe Partia Komuniste me e Forte ne Bote , PK Amerikane qe shkriu veprimtarine ne 1951 .. dhe nga Parti per Pushtet u shndrrua ne Organizate Edukimi te Pipllit me Norma te Liri -Barazi -Vllazeri smiley

Te paret qe aplikuan ne Bote sistemin komun - ist jane pasanike Europiane ne Amerike me komuna deri 10 mije banore ku ..Gjyqet dhe gjyqtaret nuk njiheshin...te dytet jane Hungarezet me pushtetin e Sovjeteve  ne 1910

PerJuve i i nderuar heretik  pasi ka rrezik disa lxues te rregullt tuaj mund te mos Ju kene kuptuar drejt dhe thone qe Komunizmi hyri nga Shkodra smiley

Fundja le ta lexojne dhe Antikomunistet te te gjitha Oreve !

një pjesë e elitës kulturore shqiptare po bëhet zëdhënëse e ndasive krahinore dhe fetare..

Ky artikull ka dhe probleme që siç na mëson z.Pjer duhen lexuar me kujdes se mund të vlejnë smiley Por ajo që duhet të shqetësojë këdo para se të komentojë është

Kush i emërtoi ELITË ..dhe kush i tha Kajsis që është në gjendje të kritikojë Elitat ?

Që të jesh Elitë minimalja është të mos merresh me probleme si këto që kritikon e evidenton Kajsia . Pra një Organizim e Strukturë që i shërben kombit cilësisht e theksoj cilësisht , qoftë  si mendime Teorike të shprehura në forma të ndryshme qoftë si praktika mund të klasifikohet si Elitë .

Që këtu problemet që ngrihen janë ndërthurje Leximesh poshtë e lartë . Gjithkush duhet ta kuptojë se në Shqipëri NUK ka Elita .Edhe Intelektualë mund të jetë më dyshje me shumë Gropa për ta përcaktuar . .Në Shqipëri aktualisht mund të ketë Priftërij dhe Hoxhallarë por jo Elita që mund të trajtojne këto probleme .

Tek PPU ? ndryshon puna .Ja psh kemi Grande Kakën që e kupton artikullin e elitave smiley

Pa po kemi LefTKopenë me tee mastera që pritet të vijë..ose me ndonjë Pampers por mundësisht jo nga ata "një copet"

Dhe ...i nderuari Heretik flm smiley Ke postimi parë ma ke vjedh nga mëndja

 

I sherben Maks Velos dhe forumit Peshku pa Uje. Se pa kto debate nuk do kishte pune as Maks Velo as forumi Peshku pa Uje.smiley

Kajsiun materialist historik e ka sjelle ne Peshk Xhibi anti-komunist (bumja plasi!).

ps. Fjala "elite" ka ca kohe qe me kujton fjalen pop-socialiste "inkelit".

Besoj se me "elite" ketu Kajsiu e ka fjalen per njerezit qe bejne ze, ose zhurme, ne media, e per pasoje degjohen me shume, zeri i tyre amplifikohet nga vete platforma dhe publiciteti, pavaresisht sa i merituar. Tip cobane (zanat jo vllehe) qe orientojne delet.

Tjeter pune qe disa prej tyre (p.sh. Muc Nano) mundohen ta shesen racizmen krahinore e fetare si qendrim progresiv-kontroversal me qellim angazhimin e masave popullore ne mendime te fella...apo qofte dhe per tu dukur pak me ndryshe e me lart se masa (thene popullorce hiqen si tipa pi&#@ dhie) ...per koincidence jo shume ndryshe nga pozicionimi i komentit tend karshi shkrimit te Kajsiut dhe Peshk-masave qe i shkojne nga pas, i.e. une me shoke.

S'ka asgje te re apo kreative ketu ne fakt...ne gjithe boten tipat raciste e paragjykues--te cilet njeheresh jane koshiente per te qenit jashte mode te paragjykimeve te tilla--mundohen t'i shesen ato si gjera trendi, si jokonfirmizma, etj. 

Hemm... Je munduar kaq shume thjesht per te perdorur fjalet "tip cobanesh (zanat jo vllehe)" dhe "per tu dukur pak me ndryshe e me lart se masa (thene popullorce hiqen si tipa pi&#@ dhie) sic p.sh. perpiqet te pozicionohet ky komenti tend" ?! 

Sidoqofte, per te dyja, je gabim. Edhe per kusurin e komentit je gabim. Kjo jo nga pozicioni im, por nga pozicioni yt.

Heretiku mbetet i vetem ne perpjekjet e tij per t'u bere Mesues i Popullit.

fjala elite si cdo fjale tjeter qe perdoret per klasifikimin/vleresimin e njerezve eshte budallallek.

Ama jo aq sa fiksimi pas nje detaji pa lidhje ne nje artikull/teme, si p.sh. fiksimi pas fjales "elite" ne kete rast smiley

Ne fakt nuk ka uniformitet ne qellime, tek kapja me nje detaj dhe berja debat per detajin....disa e bejne kete thjesht per te vene ne dukje jo-korrektesine sipas tyre, disa te tjere sepse e kane huq kapjen e derrit nga bishti, disa thjesht per efekt troll-izmi, e disa ngaqe kjo i lejon te kritikojne temen/artikullin/autorin pa e kritikuar temen/artikullin/autorin...p.sh. Kajsiu thote qe racizmi eshte legenllik e racisti thote qe Kajsiu eshte fytyre e shpifur, ose ekstremist, ose qorr, ose s'i ngrihet ndaj ben artikuj te tille lol

eh mor xhib. ajo fjale permban ne vetvete te gjithe thelbin e artikullit. pse? sepse artikulli nuk thote gje tjeter vec: perca e sundo, ben e ashtuquajtura elite.

e nese askujt nuk do i dukej vetja me e/i mire se te tjeret, keto probleme nuk do kishin lindur e ky artikull nuk do ishte shkruar.

Mo e ngatrro Xhibolen me Politike .Ajo eshte Grupimit   as majta as djathtas , as ne mes as onash , as larte as poshte , as me ngjala t as me peshqit , as me ata qe i hane te dyja .Ajo eshte  as ..as .

Ata jane Skulptor ..bejne Gurin te qaje smiley

Blendi Kajsiu, nuk shkrun keq, biles ketu shfaqet bindshem, sidomos tek; 

" .... Berisha, Rama apo Meta janë shumë më të ngjashëm me njëri-tjetrin se sa me veriorin, jugorin, skraparlliun, mirditorin apo tironsin e papunë. Ama atyre i duhet përçarja krahinore dhe fetare sepse në këtë mënyrë mund të ndërtojnë më kollaj rrjetet e tyre vertikale klienteliste, ku secili ka bazën e vet krahinore dhe fetare të votave.          

Nëse tiranasit, kuksianët, dibranët, korçarët dhe skraparllinjtë që jetojnë në vështirësi ekonomike ndërgjegjësohen se ata kanë interesa shumë më të ngjashme mes tyre sesa me Berishën, Ramën apo Metën dhe fillojnë e organizohen sipas kësaj logjike, atëherë e gjithë struktura aktuale klienteliste që mban gjallë Berishën, Ramën dhe Metën thërrmohet. Prandaj mes tyre duhet të ketë ndarje nga maja deri në bazë; ndarje krahinore, nënkrahinore dhe fetaro-krahinore. Në majë të kësaj përçarjeje, Berisha, Meta apo Rama shfaqen si figura unifikuese..." 

 

Nëse tiranasit, kuksianët, dibranët, korçarët dhe skraparllinjtë...... atëherë e gjithë struktura aktuale klienteliste që mban gjallë Berishën, Ramën dhe Metën thërrmohet...smiley

Me fal i nderuar Pjer , por vetem te barazlarguarit krijojne utopira me Nese ..qe kane kuptimin ...Nese Xhibolja do te ishte ne krye te kesaj levizje ne do Flisnim per te o zot bej dicka ti bijen Koqet Dashit ..pasi  Sali Sqapin jo vetem i kane rene por po i bien dhe dhembet .

Keto jane artikuj Nese , qe do me thene kushdo mund te parashikoje si te doje e cfare te doje per te shpjeguar mendime ELITARE smiley Biles dhe Fari Balliu po komenton per veten qe formoi gazeten ububuja 55 smiley me porosi te Berishes , e shtjellon si nje  Elitar !

Nese eshte nje Lidhse Letrare per te bere shkrimin Elitar por nuk eshte shprehje qe pasqyron ndonje gje ne Politike , Art  , Fe e Ekonomi ku futet dhe ky artikull dhe komentet e xhibit si Elitare !

Amplifikimi Velolleqeve eshte pervec nje gje e paperfilleshme ne Praktike por dhe shume i Demshem ne mendim , pasi indirekt i Legjitimon qe me shprehjen e pare Elitare te kultures e ham -hum .

 Behet fjale per prurjen dhe jo per Kaisisun qe eshte pene e mire ne teresi per mua !

Maks Velo flet troç, por mendon si toç 

 

Në fakt, edhe Maksi ia ka parë hajrin budallallëkut. Pikërisht për këtë e promovojnë, e ftojnë nëpër studio, i marrin intervista dhe i japin audiencë: sepse duhet gjithmonë një idiot për thënë hapur atë që të tjerët e lenë të nënkuptohet me skuthllëk. Ky idiot shërben për të përkthyer në gjuhën e vulgut nëntekstin e të tjerëve, por shërben gjithashtu si mjet legjitimimi për ta. Duke i çuar në ekstrem këto lloj marrëzish, i bën të tjerët të duken të moderuar. 

 

...Fakti që Velo është nga të vetmit që ka kurajo të thyejë normat për t’i thënë hapur marrëzitë e tij, nuk e bën aspak më superior nga të tjerët, që arrijnë të kuptojnë të paktën vlerën e heshtjes apo të të shprehurit në mënyrë “politikisht korrekt”. Duhet thënë se po kaq troç dhe «politikisht jokorrekt» flet edhe Lavdrim Muhaxheri[ISIS-ist], por mendja e tij, ngjashëm me atë të Lelës dhe Velos prodhon perversione. [Anton Cara]

Bravo Anton, e ke troçmitizuar sakte mucnanoizmin tek te gjitha mendjet e pjerdhura te mediave shqiptare te cilat i vene nje uturak perpara Velos dhe velove te tjere per te permjere diskursin publik ne emer te te folurit troç...apo qofte dhe ata te cilet i riciklojne ne media keto qenefe "thjesht" per qellime gjenerimi audience dhe kontraversaliteti.

Paska reaguar Ministria e Puneve te Jashtme: Bleona Qereti ka pasaporte diplomatike se ka bothen e mire, plus eshte shoqe e Al Pacino, plus qe perfaqson nje media.

Ja pra ku dolem prap tek elitat e mediave te cilat orientojne masat smiley

Kjo i pat dediku nje ministri te Nanos kete kongen, duket qe Rilindja ka zene mend. 

I nderuar O-Idriz, kulmi i shpejtesise te rrethit te gjuetareve qe ti me lart e ke rrefyer me lepur prapa-modern: 

Ishte per gjah dhe nuk e shihte Ljepurin ku ishte fshehur me ..shpejtesi ..po vetem"pak hunda dhe byckat i dukeshin .Ti mbetem ..baw .. dhe c'te te them bre..Kish rrethuar gjith lisin po une aq shihja ...

ka dhe nje variant tjeter te ngjashem me qen prapa-modern:

http://petitspapiers.be/client/cache/pro...

 

Eshte tamam ilustrim i shprehjes pop si keshille ngambrapa-moderne:

Bjeri mbrapa vetes!

Kujt i shërben racizmi krahinor dhe fetar?

Pergjigjia eshte fare e thjeshte: serbo-arabeve,grekeve dhe mercenareve te tyre ne Shqiperi.

Kujt i shërben racizmi krahinor dhe fetar?

Dhe njerit prej komshinjve te tu shqipkar Amerike, qe kur shkruan ne kete forum do perkthyes shqip - shqip. 

Kujt i shërben racizmi krahinor dhe fetar?

Djallit, shejtanit!smiley

zakonet, morali fetar dhe traditat jane fundamentale per njeriun, komunitetet dhe shoqerine. diferencat e ketyre zakoneve fetare e krahinore percaktojne psikologjine dhe kendveshtrimin e njeriut mbi marredheniet:

 1- e qytetarit me shtetin                                                                                                                            2-zotit dhe njeriut                                                                                                                                    3- prindit dhe femijes                                                                                                                               4-burrit dhe gruas                                                                                                                                      5-te drejtat dhe pergjegjesite                                                                                                                    6-lirine dhe autoritetin                                                                                                                              7-barazine dhe hierarkine.

keto diferenca jane produkt i shekujve dhe nuk mund te zhduken as nga ideologjite politike majtas apo djathtas, e as nga urra patriotizmi apo sindikata puntoresh.

 

nga ideologjite ato ndoshta nuk mund te zhduken, por nga dashuria po. smiley

ruajtja e ekuilibrave eshte e nevojshme. jo dashuria

me cfare,si ruhen ekulibrat?smiley po me dashuri pra,mire e ka parafolsi.

I nderuar heretik ka zhvillime sic dhe lexoni .

Une them se shprehja bjeri vetes ka ndryshuar . Jo vetem si akt monist ,ku njeri ua fuste te tereve ,  por edhe si mardhenie e njeriut me qent, macet e disa specie te tjera..Tani njerzit  i bien jo vetem vetes nga prapa , por edhe shokut .biles  Nje ish k/minister shpalli edhe kabineti futja njeri tjetrit ... Kjo pervoje u shtri gjere gjate larte e poshte me moton

 Futjani kujt te  mundni pa dallim krahine e ideje ...kuptohet botkuptimin fetr smiley

Pra sic e kupton kuptimin qe kuptohet versioni Cirkuit ose rrethor i shpejtesisie si moto " sa me shpejt aq me mire " me duket me post modern se te gjth variantet e postmoderneve ne kohe GAY .Lutemi mbajeni parasysh sepse edhe fetaret po ja fusin me keq te tjerve se sa ne ato kohra  qe " ja fusnin vetes " !

smiley

E çfar shenime te mbaj kur ti po me rilexon leksionet qe kam mbajt vete ex katedra?

Sa here kam thene qe problemi politik bashke me problemin fetar eshte i lidhur ngushte me problemin seksual?, dmth me te futmen, vetes ose tjetrit, sepse botkuptimi fetar thote ne parim futja vetes, ndersa botkuptimi laik thote futja tjetrit.

Thene kjo teorikisht, sepse realisht dhe praktikisht nuk eshte kaq kollaj te ndash fene nga politika (me gjith moden demokratike) dhe veten nga tjetri, dmth te ndash futja vetes nga futja tjetrit. Realisht ndodhemi ne nje gjendje qe ne fizike quhet levizje brauniane, futja e bjeri ti biem vetes dhe tjetrit ne anarki totale. Nese ja fut tjetrit pa tjeter do te vije koha qe tjetri do ta fusi me te gjetur rastin. Ne politike normalisht fut e qit me cikle çdo 4 vjet.

Pra e gjithe puna eshte te ndalet e futmja, vetes dhe tjetrit, dmth ne plan te fundit te asgjesohet njesoj feja dhe politika, ne kuptimin qe te zgjidhen si problem, te tejkalohen, jo te ndalohen ose te menefregohen.

Por ju nuk doni, biles doni qe te amplifikohet e futmja, te lubrifikohen hallatet, prandaj konflikti im me komisare seksi si psh Kopshtarja (me te tjere shoke dhe shoqe), admiruar prej jush si maje civilizimi çlirimtar.

 

Autori ka shprehur nje grumbull te vertetash krejt te njohura, te cilat shum opinionisteve u duken safi te reja dhe nepermjet  struktures " mish- mash" na ofron sofizma, te kujtuara as prej vete atij , si zgjidhjen e munguar.

E verteta me e njohur ne keto 24 vite eshte fakti qe percaresi me i madh, qellim me ogurziu , per ndarjen veri - jug ka qene dher mbetet gjalle akoma, Sali Berisha.Nuk besoj se ka qene nevoja ta na e shkoqite zerdeliu kaisi, qellimin e kesaj " pune patriotike " shum te madhe te ketij fare burri.

 Duhet ta pranojme se " virusi  i zjarrit" mbetur fjetur ne trupin e kombit( baza per sherre e ndasira, por virusin e zjarrit e di vetem ai qe ka kaluar semundjen e zjarrit, qe eshte dera e vertete e ...lemes), ka arresyen baze qe eshte territori.Njerzit e gjithcka, duke qene  banues ne nje territor te percaktuar, kryejne tere veprimtarite  ashtu ne nje ekosistem shum faktorial krejtesisht te ndryshem nga njeri territor tek tjetri.Pra edhe me kushte zhvillimi krejt te ndryshem, qe perben ate qe un i them "virusi i zjarrit"ne trupin e baskejeteses harmonike te kombit.Kete virus e vene ne levizje politika te caktuara qellimekeqia, me bazen objektive varferine.Varferine e pergjitheshme, jo thjesht ekonomiken.

  Kjo nuk zgjidhet sikurse ben sofizme autori, " duke u bere bashke(  nje dite ) si verioret dhe jugoret, si ortodokset dhe katoliket e muslimsnet dhe te braktisin ashtu partite e tyre, per te lene ..".ne mes te llohes e bresherit edhe Salihun edhe Meten edhe Ramen" , por zbutet e shuhet kur si pasoje e nje modeli te mirestudjuar zhvillimor, hartohen e zbatohen programe zhvillimore, qe mes territoreve extreme e te ndermjeme ...te kemi ecuri zhvillimore ...perafersisht te barabarta!

Ndasite, cmirat, e gjer sherret vine nga varferia, nxiten nga paria dhe shuhen nga barazia.

Ndasite, cmirat, e gjer sherret vine nga varferia

buke, kryp e zemer. shqiptare eshte dhe kjo grave. dhe nuk vijne nga varferia ato me lart, por nga e kunderta e asaj qe i shuan, pra nga pabarazia ne plotesimin e nevojave.

Keto shkrimet me karakter racist e krahinor e kane burimin tek papunesia them una. 1 milione shqiptare  te papune e te ngeshem , s'kane me cfare te merren tjeter e fillojne shajne njeri tjetrin.

Percarja jug veri i ka fillimet kur brigadat partizane hyne ne veri e kendonin:"hidhe more mire kemben/se gegeve ua ..... t'emen."geget ua mbajten veth ne vesh e kur ra komunizma moren revanshin.Tani qe u bene jek e jek dhe te dyja palet provuan se jane njelloj te paafte ne qeverisjen e vendit e berjen e shqiperise nje vend te mire per te jetuar bejne mire ti lejne keto akuzat nderkrahinore ,te ulin kokat e te shiqojne te bejne ndonje pune te hajrit.

Nuk e shikoj si racizem. Ka nje ndarje ose krijim dy rrymash: ajo e bazuar ne fuqizimin e influences se fese, sidomos asaj myslymane si pjese e identitetit te veriut, e sjelle nga te ardhurit shperndares se fese, vete kosovaret ne lidhjet me te forta me veriun, me bursat e studimit ne vendet i lindjes se mesme. Kjo influence ka bere qe te lulezoje edhe krahu radikal. Ne krahun tjeter, kemi rikthim ne pushtet te neo-ideologjise komuniste, tip Putin. Po ti marresh me emra te pervecem dhe ne pergjithesi, ne PS pjesen me te mire i ke bij (Bushati, Gjinkuri, Gjoni), niper, mbesa (Rama, Xhaxhka, etj), dhendure te elites komuniste (Dalipi etj), te cilet edhe ne rrethin e shoqeror kane rreth vetes po te njejtin brum i cili nuk do thjesht te merret me politike por qe i perket te njejtes mendesi rritjeje. Keto dy zhvillime jane realiteti ne Shqiperi. 

Elite nuk ka. Sic thote dhe Beluli, pseudo-intelektuale ka me bollek, po elite veshtire te gjesh, se 99.99 % kane bere kompromis me djallin jeshil dhe vetem per interesin e perbashket nuk i behet shume vone. 

Vura re:

Keshtu sic ndertohet titulli vetkuptohet menjehere se, asnjerit nuk i sherben "racizmi krahinor apo fetar" - por kjo, jo se triumfojme "pa pare" mbi idene famkeqe te racizmit porse nuk arrijme te kuptojme themelet e tiparet e demshme te krahinizmit apo fetarizmit. Ketu qendron ndryshimi midis qendrimit, moralist, jo-korrekt te Velos dhe qendrimit, moralist, korrekt te Kajsiut. Te dy thone dicka te vertete dhe te dy fshehin dicka po te vertete! Pse?

- Maks Velo tha dicka qe NE te gjithe e artikulojme, dashje padashje, e dita-dites per shkaqe nga me te ndryshme. Nga merzia e llafallogjia e teperme ndonjehere, nga arsyet sociale apo nga inatet personale, nga pikpamja shtepiake apo edhe nga kultura shoqerore. Pra ne populli e artikullojme, nisur nga natura jone e perhershme raciste dhe jo se Komunizmi apo Berishizmi mbolli racizmin. Maks Velo tha dicka qe e kemi degjuar nga nena, baba, daja, xhaja, tezja e halla... kush me thote mua se jemi ngritur kundra e i kemi share me liber shtepie pikerisht per thenjet identike me ato te Maks Velos? askush! Ja pra ADNja jone raciste!

- Bledi Kajsiu duhet pergezuar per artikullin e tije sepse ke qef ta lexosh por edhe sepse ka shkruar "me mend". Por! A nuk po fsheh Bledi Kajsiu edhe ai disa ate verteta? Po!

Bledi Kajsiu nuk po na thote se si e shikon ai zhvillimin e nje populli me rrenje kaq te lashta pa u marre me thelbet e prapambetjes shekullore qe nuk jane domosdoshmerisht pasoje e Komunizmit apo e varferise ekonomike ...se perhershme? Kamja materialiste nuk eshte asesi komardare social-kulturore dhe as mjekim krahinor PO NUK u analizua e debatuar (pa dorashka) permbajtja, filozofia e ADN-ja e vete krahinizmit dhe e fetarise ne pergjithesi. Asgje nuk sherohet duke e pare te ndare emocionin nga personi! Bledi Kajsiu i referohet gjendjes faktike te botes se qyteteruar kur ligjeron me ide solidarizmi e organizmi klasor e popullore por nuk shpjegon se si erdhi bota e sotme deri aty? si? - u cuan ne mengjez dhe u cuditen me mencurine e tyre? Besoj se jo! Ata shpiken revolucione, bene luftra civile e fqinjesore, u ri-pozicionuan e testuan e testojne akoma... ne emer te ndergjegjesimit mbi fene e dembelizmin! Biles edhe sot e kesaj dite, edhe pse te kamur si kurre, ata jane akoma ne fazat fillestare te bashkejetuarit me dallimet ku mund ti zhvleresos fare lehte, ne nje dite, nese bucet minareja apo ndodh krimi i rradhes!

Në këtë kontekst, ajo që korr një përfitim të trefishtë nga përçarja që prodhon racizmi krahinor dhe fetar është elita politike. Përçarje të tilla u mbivendosen çarjeve të tjera sociale, punëdhënës-punëmarrës, të pasur–të varfër, persekutues–të persekutuar, dhunues–të dhunuar, qendër–periferi etj., për të cilat elitat aktuale nuk ofrojnë zgjidhje. Për sa kohë njerëzit ndahen në jugorë dhe veriorë apo myslimanë dhe të krishterë, ...

Eshte per tu çudit (megjithse nuk eshte per tu çudit fare nisur nga shprehja: "shif traun ne syrin tend") se derstilistet nuk vene re qe Kajsiu permend te gjitha llojet si nje enciklopedi e perçarjeve dhe le menjeane perçarjen politike djathte-majte qe ben mu, ku vete merr pjese megjith peshq derstiliste e me gjith shoq. Aq me teper qe kjo perçarje ne disa konteste kohe ka marre konotacione veri-jug (jo vetem ne luften partizane, por edhe ne disa raste harta elektorale veri-jug ka koresponduar me ngjyrat blu-roze, si edhe ne France, Itali, USA), dhe deri krishter-mysliman (shif komentin e Gaias).

Dmth kur beni kaken vete nuk e veni re, ju duket sikur beni mjalte me ere livando Jardin sur le Nil. Pothuajse asnje pa perjashtim.

Nje mendim praktik i Juaji i nderuar heretik sepse po praktikohet smiley

Po perpiqesha me kete variantin e ADN -raciste dhe me doli se memberit e PPU me perjashtime te pakta e kane origjinen nga Majmuni qe ne vetevete nuk eshte shume agresiv ndaj jetes tjetrit .Ka ca filmime kur nje Majmun del talles , duke luajtur me nje Tiger dhe e kap per bishti smiley 

Hiq ca qe dalin me te vertet me origjine nga  Ujku , te tjeret duken paqesor . Por une u mbeshteta tek perfundimi Juaj pasi ishim nje kohe qe na hante vetem 'Luani " smiley Tani me profilin e Berishes si origjine nga Ujku , duket Politika i ka shndruar te pakten debatet ne Ujq qe shqyejne njeri tjetrin . Edhe Kajsiu po perpiqet te haje nje pjese tjeter .

Ajo shprehja " percarje te tilla " them se shkon me mire ..." percartje te tilla "  pasi eshte nje shoqeri artificiale qe me cdo kusht do te verteoje se disa e kane prejardhjen dhe nga Qeni ! Dhe jo Qen stani si me pare , por te urbanizuar po thirren  Qen Rrugesh !

Cirkuit !

Ku dhe kush po e praktikon?

Kujt ja mban ta praktikoje te pakten si mendim?

As qe i ka shkuar njeriu (elitarsmiley) ne mendje te shtroje qofte si problem: kujt i sherben racizmi politik i ndarjes majte dhe djathte?, sepse ka frike, del automatikisht kunder demokracise qe me perkufizim aksiomatik konceptohet si ndarje majte-djathte.

Sot asnjeri nuk te fut ne burg per mendimet qe ke, e megjithate a e perfytyron ndonje perfaqsues te elites te shkruaje nje artikull me titull:

Kujt i sherben racizmi politik i ndarjes majte dhe djathte?

 

Diçka do te kete ndodhur ketu tek Peshku qe adminet nuk po e freskojne faqen me artikuj te rinj. Di gjo njeri, mos ka plas grindja n'mes adminesh smiley

Asigjo nuk ka ndodh tek adminet, ka ndodh vetem tek peshqit qe komentojne ne nivele banaliteti dhe vaferie shpirterore te papara ndonjehere dhe te paperfytyrueshme. Ne kete situate ta do mendja qe adminet nuk jane te motivuar te sherbejne. Dhe kaq sa bejne jane heroj, biles duhet te jesh hero vetem per t'i lexuar si komentues duke i rene qylit pa bere asgje, 60 komente ne nje teme te gjitha gomarlleqe. As un nuk e di si dhe pse vazhdoj te komentoj.

 

Heretiko, edhe une e pergezoj punen e admineve, pavarsisht se nxehem naiher me ta. Po edhe dy dite pa levizur faqja, sikur ka diçka qe nuk shkon. 

Persa i perket ofendimeve qe perdorin disa komentues, une jam per nje admin censurues dhe me pagese. Sikur te gjithe te shtijne nga 1 euro ne muaj, i thone 100-200 euro ne muaj apo nga 10-12 euro ne vit, i thone 1500-1800-2000 euro ne vit, rroge per nje njeri adapt. 

Persa i perket ofendimeve...

I nderuar Pjer ne se mundeni , gjithmone me dashmiresine qe ju karakterizon smiley Cfare kuptoni ju me Ofendime ? Personalisht mendoj se te biesh nga keta Lloj artikujsh nuk ka ofendim me te madh per anetaresine e Blogut ! Dhe ne se do ishte kriter mates "ofendimi ' atehere per cdo prurje qe dikush ka mendim tjeter eshte ofendim ?

Mund ta di mendimin tuaj ? Dhe perse Ju nuk merrni nisme te hapni nje Blog personal ku te paguani nje censor ? Kush ua ndalon ? Perse individe te caktuar duhet te japin mendim " si duhet te komentojne njerzit " ne Blogje te tjere , kur nuk ka Sharje dhe personalizime te Verteta ndaj komentuesve per jeten Reale te tyre ?  
Ka nje shembull nga te semure psikik , si mender anonimi qe lyente kaken me vija ose mender prof Olsi , qe hapin Blogje ose Dosjer me te tjeret , por keto jane kategori anormalesh te Tredhurish mendore dhe nuk hyjne tek Ofendimet !

Flm paraprakisht !

" .... Dhe perse Ju nuk merrni nisme te hapni nje Blog personal ku te paguani nje censor ? Kush ua ndalon ?..." 

 

Idriso, çdo njeri eshte i afte ne 1-2 fusha, dhe nuk mund te jete i afte ne shum fusha, keshtu qe, une si amator ne kompjuter, perfitoj nga specialistet e tjere (kompjuteriste) dhe shfrytezoj faqen qe ata jane ne gjendje ta drejtojne. Se ne fund te fundit ata jane krijues dhe drejtues te Blogut. Une jam specialist ne te tjera gjera, ekonomi, futboll,  dhe ne fushat e tjera veç perpiqem te jem ca specialist, si çdokush.  

Per ofendimin ngai cili te lindi dhe propozimi per Censuren , nuk kishit ndonje gje ?

 pjetermustakuqi - 14 Shtator 2014 - 10:22 Permalink përgjigju
Dhe mu m'dhem largimi i tyne,jo per gja po dhe ne pjesa tjeter, msojshim naj gja...

 

Ej, edhe une e kam vra mendjen ca u bo me Emigrantin, PF e ca t'tjere? 

Ka ndodh gjo dhe kane hik me deklarate apo ca? 

Ishte nje kohe qe isha shume i zone dhe rralle vija ketu sa me pa titujt!

Di gjo njeri?

 

un s'di gjo, por them se u esht dash pak pushim nga te menduarit ne peshk. distanca nga rutina e perditshme ben gjithmone mire.

Urno?

t'ka marr malli per zbor me te urnu? zdu ere t'urnoj. smiley por po t'them se shkruj e shkruj e shkruj ne peshk, lodhet robi e do pushim masnej.

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).