Kur Putini u njoh me deklaratën e Obamës dhe Kamerunit pas samitit të fundit të NATO-s, ku shprehej vendosmëria e zbatimit të Art. 5 për vetëmbrojtjen kolektive, ironizoi hidhur në formën: A jeni gati e të përgatitur të vdisni për Letoninë e Estoninë?

Putini në fillim veproi dhe tani foli për përmbajtjen e ambicies së Rusisë për superfuqi botërore. Nuk ka dyshim se Putini dizenjoi... procesin dhe drejtoi formësimin e përmbajtjes së strategjisë për shndërrimin e Rusisë në një superfuqi botërore. Ai, në një deklarim në një konferencë nga fundi i muajit tetor, bëri një hap domethënës në konkretizimin e objektivit për një rol të ri të Rusisë në sistemin e marrëdhënieve ndërkombëtare, përmes rivalitetit dhe ndarjes së fuqisë me SHBA. Një ditë do të fliste dhe ja kjo ditë erdhi, dhe jo rastësisht pas ngjizjes dhe zhvillimit të krizës ukrainase. Kështu funksionon, piqen kushtet dhe vjen ngjarja. Putini, me sa duket, gjykoi se kjo kohë kishte ardhur, për të afishuar publikisht elementë thelbësorë të strategjisë së superfuqisë botërore, për të cilën kishte punuar intensivisht. 

Deri më sot Putini ka punuar, por nuk ka folur për objektivat që kishte vendosur. Ka punuar, por edhe ka testuar e vëzhguar me qëllim që të kolaudonte elementët thelbësorë të strategjisë së superfuqisë botërorë dhe sidomos rrugët, mekanizmat e mjetet e realizimit të saj. Putini e kishte të qartë se nuk mund të bënte aventurë, pa arritur disa tregues e standardet e domosdoshme, që të mundësojnë të trokasësh për një rol superfuqie në sistemin e marrëdhënieve ndërkombëtare. Është treguar realisht i kujdesshëm dhe deri diku bashkëpunues në vendin që i ishte ofruar në realitetin e marrëdhënieve ndërkombëtare. Megjithatë, ai e ka shprehur qartë zemërimin ndaj Jelcinit dhe nuk ia fal shpërbërjen e BRSS, që e ka vlerësuar si një katastrofë të madhe gjeopolitike. 

Ai bëri për një kohë të gjatë “partnerin”, “konstruktivin”, politikanin e përgjegjshëm, megjithëse fliste pak dhe nuk tregonte asgjë nga ajo çfarë mendonte të bënte në të vërtetë. Dhe kështu Rusia me Putinin merrte pjesë në takimet G7, G8 apo G20. Kishte statusin e vëzhguesit në NATO. Nuk bënte ndonjë reagim që të dilte jashtë imazhit të konstruktivit, edhe pse e bënte thuajse vazhdimisht ritualin e vendosjes së vetos në Këshillin e Sigurimit, bashkë me Kinën, me domethënien se edhe Rusia kishte një rol në vendimmarrjen botërore. Në fakt, vendi në Këshillin e Sigurimit i mundësonte Rusisë një rol të institucionalizuar në vendimmarrjen botërore, por që me sa duket, nuk i mjaftonte, që të kishte një rol në nivelin e superfuqisë botërore, sidomos për të rivalizuar me SHBA-të e për të ndarë fuqinë me të. Putini bëri me stoicizëm “të urtin” e konstruktivin, duke punuar intensivisht të arrinte standardet e nevojshme ekonomike, ushtarake, logjistike etj. Është shumë domethënës fakti që Putini nuk bëri asnjë reagim, kur Presidenti amerikan Bush urdhëroi ndërhyrjen ushtarake në Irak, pa mandat të Këshillit të Sigurimit, sepse Rusia me Kinën vendosën veton. Po kështu Putini buzëqeshte e bënte partnerin kur presidenti Obama, në mandatin e parë të tij, deklaroi faktin se SHBA është superfuqia e vetme botërore, që kërkonte bashkëpunim në përballimin e problemeve globale, si lufta kundër terrorizmit etj. Nuk pati asnjë reagim as më pas, e për më tepër ndonjë kundërshtim. Putini vazhdonte formësimin e strategjisë në të gjithë parametrat e saj. 
Putini bëri dhe veprime domethënëse, si: marrëveshje me disa përmbajtje, si ajo e tipit “Bashkësia e vendeve të pavarura”, me disa vende të ish-BS, krijoi dy organizma ekonomike e ushtarake me emërtimin ‘euroaziatikë’, rriti trysninë me armët e energjisë dhe të gazit ndaj vendeve të ish-BS, mbante në nivel të lartë shpenzimet ushtarake dhe, siç del, shkelte marrëveshjet e arritura për pakësimin e armëve bërthamore, kundërshtoi ashpër vendosjen e sistemit antiraketë në disa vende anëtare të NATO-s, në kufi me Rusinë etj. 

Kriza botërore ekonomike e financiare goditi rëndë SHBA-të dhe vendet e BE-së, që akoma ndjejnë pasojat e sidomos vendet e eurozonës. Është fakt, që modeli i kapitalizmit shtetëror rus nuk u prek nga kjo krizë. Kjo, me sa duket i dha siguri e “guxim” Putinit për të avancuar më tej. Ai kishte provuar edhe më parë të demonstronte fuqinë, por eksperimenti në krizën gjeorgjiane, ku Rusia ndërhyri ushtarakisht në Abhazi e Osetinë e jugut, ishte vërtet një ngjarje e rëndë, një test në provë reale, për të provuar metodologjinë e përgatitur dhe për të testuar reagimin e SHBA dhe NATO-s. Putini, me sa duket provoi cilësinë e përgatitjeve dhe avancoi në përcaktimin e kundërshtarit dhe “armikut, si element thelbësor i strategjisë”. SHBA dhe NATO u gjendën vërtet të papërgatitur, që vazhdonin të besonin te konstruktiviteti i Putinit, prandaj kjo ngjarje mbeti në cilësinë e një rastësie të hidhur. 

Putini bëri një hap domethënës kur, ndaj “pranverës arabe”, u veçua qartë e vendosmërisht nga qëndrimi i SHBA dhe vendeve të BE, duke u bërë mbështetës i autokracisë e jo i demokracisë. Megjithatë, hapi më i avancuar i demonstrimit të forcës dhe ambicies së superfuqisë botërore, ishte organizimi i një stërvitjeje të madhe ushtarake, me pjesëmarrjen e katër flotave të saj dhe armët e sofistikuara, në detin Mesdhe, me të cilin nuk ka kufij tokësorë e detarë. 

U desh aneksimi i Krimesë dhe shpërthimi i krizës ukrainase, që të hapeshin petët e lakrorit, që SHBA dhe vendet e BE të shkundeshin mirë, duke reflektuar seriozisht për këtë zhvillim të rrezikshëm në marrëdhëniet ndërkombëtare. Ranë iluzionet e pritshmëritë ndaj Putinit dhe u qartësuan më mirë për objektivat e strategjisë ruse të superfuqisë botërore. 

Në këto rrethana, Putini nuk kishte pse të priste akoma të mos fliste që të shpaloste elementët thelbësorë të objektivave strategjikë të Rusisë, për një rol të ri në sistemin e marrëdhënieve ndërkombëtare. Ai kishte nxjerrë më parë ministrin e Jashtëm, që të hidhte në publik disa teza, madje dhe në OKB, me qëllim që të tatohej reagimi i mundshëm i Perëndimit. Doli dhe ministri i Mbrojtjes, që përcolli idenë e nevojës së rishikimit të doktrinës ushtarake të mbrojtjes, duke parashikuar edhe përdorimin e armëve bërthamore. Kështu u përgatit terreni që Putini të deklaronte rolin e ri të Rusisë në sistemin e marrëdhënieve ndërkombëtare. Putini e ka të qartë mirë se as ia dhuron kush këtë rol, as e certifikon dikush e as është lehtësisht e mundshme, prandaj bëri lëvizjen e tij. Ai e ka gjithashtu të qartë se ky status vetëm fitohet dhe në këtë betejë fuqia ka rol të veçantë përcaktues. 

Dhe, që të kërkosh një rol të ri në marrëdhëniet ndërkombëtare, do të thotë të përcaktosh, para së gjithash kundërshtarin, me të cilin do të rivalizosh e të synosh ndarjen e fuqisë me të. Këtë Putini nuk e kishte të vështirë. Pas rrëzimit të komunizmit, SHBA kanë qenë superfuqia e vetme, që i ka kontribuar me efektivitet stabilitetit, sigurisë dhe paqes së rendit botëror. Ai ishte përgatitur shumë kohë më parë, duke filluar që nga kërkesa për të larguar nga Rusia zyrën e USAID-it dhe përmes propagandës së mediave të lidhura me qeverinë, për të ushqyer në mjedisin social të Rusisë konceptin e armikut të Rusisë. 

Presidenti i Federatës ruse Putin, në fjalën mbyllëse në një konferencë vjetore në fund të tetorit, rreshtoi një listë të gjatë të “plagëve”, që sipas tij, SHBA i ka shkaktuar Rusisë, që nga fundi i luftës së ftohtë. Duke dashur ta gogolizojë sa më shumë SHBA, Putini theksoi se, SHBA është vëllai i madh global, që shantazhon dhe mashtron aleatët e vet, ndërsa prodhon pastabilitet dhe varfëri kudo në botë. Kjo, sepse sipas tij, SHBA nuk ka më aftësinë të ketë sukses për të luajtur rolin e vet hegjemon, në një kohë të ngritjes së fuqive të tjera dhe përpiqet ta mbajë këtë statuskuo duke rikrijuar luftën e ftohtë dhe duke prodhuar një armik të ri, kundër të cilit ngre vendet e tjera. 

Duke dashur ta konkretizojë këtë akuzë ndaj SHBA, Putini nënvizoi se SHBA janë përgjegjëse, jo vetëm për destabilizimin e Irakut e Libisë, por gjithashtu edhe për Sirinë. Ai e akuzon SHBA për krijimin e Al Kaedes e të talebanëve, si dhe të shtetit islamik ISIS. Më pas Putini vjen te çështja më e nxehtë për të, kriza ukrainase, të cilën e kishte gatuar dhe e krijoi si pjesë e hapit konkret të demonstrimit të Rusisë si superfuqi botërore. 

Edhe pse faktet tregojnë pa asnjë mëdyshje, që Rusia e përgatiti dhe e shpërtheu krizën ukrainase, si pjesë e realizimit të ëndrrës së rikrijimit të BS dhe të nevojës për rolin e superfuqisë botërore që ka për territore e zona të influencës. Që Rusia, duke alternuar metodën demokratike të referendumit, por edhe duke iu referuar rregullimeve juridike që kishte bërë për të justifikuar të drejtën e Rusisë, që të mbrojë rusët etnikë e rusishtfolësit jashtë territorit të Rusisë, armatosi e mbështeti ushtarakisht të ashtuquajturit separatistë pro rusë, përsëri akuzon SHBA dhe vendet e BE si shkaktare të kësaj krize. Madje krahu i djathtë i tij, Lavrov, më parë i kishte sugjeruar SHBA të merrte leksione nga kriza ukrainase. Putini e kupton, që zgjatja e kësaj krize e damkos keqas Rusinë, por kjo retorikë i nevojitet për imazhin e vet e të Rusisë, për konsum të brendshëm e të jashtëm. 

Putini, në fjalën mbyllëse të kësaj konference bëri edhe thirrje për një rend të ri botëror, shoqëruar me demagogjinë që, vendi i tij nuk kishte ambicie të krijonte perandorinë e vjetër. Por, si për të tradhtuar veten, ai pohoi se, nëse SHBA e ushtron fuqinë e vet dhe thyen rregullat, pse të mos e bëjë edhe Rusia? Pse ajo që i lejohet Jupiterit, theksoi ai, nuk i lejohet buallit? Dhe, si për të dëshmuar fuqinë e Rusisë, theksoi se bualli mund të mos jetë i aftë, por ariu nuk ka ndër mend t’i marrë leje njeriu. Kjo dëshmon qartë edhe demonstrimin e forcës, por dhe ambicien për rivalitet me SHBA. 

Putini, në përgatitjet më të fundit për publikimin e elementëve thelbësorë të strategjisë së superfuqisë, forcoi kontrollin e tij mbi mbrojtjen. Ai nënshkroi një dekret, në fillim të shtatorit, me të cilin mori drejtimin e një komiteti që mbikëqyr veprimtarinë e sektorit të mbrojtjes. Ai deklaroi se Rusia nuk ka ndër mend të nisë një garë të re armatimi, por do t’u përgjigjet të gjitha sfidave të sigurisë. Madje nënvizoi se kërcënimet ndaj sigurisë së Rusisë duhet të analizohen dhe secilit prej tyre t’u jepet përgjigje adekuate. Po kështu, ai nënvizoi angazhimin se Rusia do të përqendrohet në zhvillimin e armëve bërthamore strategjike, për mbrojtjen e hapësirës ajrore, si dhe te armët konvencionale me precizion të lartë. Këtë e bëri edhe si përgjigje ndaj sanksioneve të SHBA dhe vendeve të BE për ndërhyrjen ruse në Ukrainë. 

Kjo, realisht është deklaratë në funksion të demonstrimit të fuqisë, sepse Rusia ka ndjekur një rrugë të armatosjes së vazhdueshme, përmes shpenzimeve shumë të larta ushtarake, në kushtet kur nuk e kërcënonte kush dhe kur vendet e BE kishin ulur në mënyrë të ndjeshme shpenzimet ushtarake. Po kështu, Rusia ka shtuar numrin e mbushjeve bërthamore, në vend që t’i pakësonte ato, në zbatim të angazhimeve që kishte marrë në marrëveshjet e nënshkruara me SHBA. 

Aktualisht Putini është fokusuar në demonstrimin e fuqisë së Rusisë. Ai bën çdo përpjekje të shfaqet i vendosur, i sigurtë= dhe i fortë, duke atakuar çdo qëndrim të SHBA dhe vendeve të BE. Në fakt ai po e vë në një provë serioze vendosmërinë e NATO-s për të vepruar në mbrojtje të anëtarëve të aleancës. Kur Putini u njoh me deklaratën e Obamës dhe Kamerunit, pas samitit të fundit të NATO-s, ku shprehej vendosmëria e zbatimit të artikullit 5 për vetëmbrojtjen kolektive, ironizoi hidhur në formën: a jeni gati e të përgatitur të vdisni për Letoninë e Estoninë? Ai, duke reaguar ndaj sanksioneve të Perëndimit, nënvizoi vendosmërinë se këto sanksione nuk mund të stopojnë zhvillimin e brendshëm dhe fuqinë ekonomike të Rusisë. Ai i ka quajtur këto sanksione si dhunim të principeve të organizimit të tregut botëror, të investimeve ndërkombëtare. Këtë qëndrim “trimëror” Putini e publikoi në kushtet e një situate të vështirë ekonomike, ku inflacioni ishte në nivelin 8% dhe rubla ishte në nivelin më të ulët të zhvlerësimit në raport me dollarin amerikan. Fluturimi i avionëve bombardues rusë në hapësirën ajrore të disa vendeve europiane, anëtare të NATO-s, ka cilësinë e plotë të një provokimi, të matjes së pulsit dhe vënies në provë të vendosmërisë së SHBA e vendeve të BE, të një karshillëku real ndaj NATO-s e SHBA. 

Putini është në vështirësi të mëdha për të gjetur aleatë të rëndësishëm. Përpjekjet për të bërë aleat Kinën nuk mund të kenë sukses. Kina ka axhendën e saj dhe një ditë mund të rivalizojë për superfuqi botërore. Marrëveshja e fundit për importimin e gazit nga Rusia është thjesht leverdishmëri ekonomike. Konstatohet lehtë edhe përpjekja e Putinit për të gjetur aleatë në Europë, duke përdorur sidomos interesat ekonomike. Po kështu ai përpiqet të gjejë ndonjë hapësirë në aleancën e sprovuar mes SHBA dhe vendeve të BE. 
Ka ndonjë që mendon se Putini është në ngutje e nxitim për të vepruar. Mendoj se nuk është kështu. Deri më sot Putini punoi me intensitet dhe shtyu përpara procesin e shndërrimit të Rusisë në superfuqi botërore. Tash është procesi që ai gatoi, që e nxit dhe e shtyn përpara Putinin që të veprojë. Putini po u përgjigjet kërkesave të procesit dhe s’ka rrugë tjetër, ndryshe del jashtë loje. Kjo rrethanë mund të ushqejë aventurizmin dhe veprimet e papërgjegjshme. 

Këtu realisht lind pyetja: Deri ku mund të shkojë Putini në këtë rivalitet me SHBA? A mundet ai të bëjë aventurën e rrezikshme, të shkojë në një konfrontim të vërtetë lufte, që të plotësojë ambicien e superfuqisë? Në fakt, askush nuk mund të parashikojë saktë se ç’mund të ndodhë. Referenca te përvoja e luftës së ftohtë të mëparshme edhe vlen, edhe nuk vlen, se kushtet nuk janë të njëjta. Edhe historia nuk na ndihmon. Ajo dëshmon edhe për drejtues të përgjegjshëm, por edhe për aventurierë, që i kanë shkaktuar dëme të mëdha njerëzimit. Historia shkruan ngjarjet e ndodhura, ndërsa aktualisht ngjarja po zhvillohet. Në çdo rast aventurizmi duhet dënuar e ndalur me çdo mjet. Të gjithë e dinë mirë se luftërat krijojnë dëme e tragjedi dhe se një luftë me përdorim të armëve bërthamore nuk ka fitues. 

(o.d/GSH/BalkanWeb) 

64 Komente

Autori ose eshte indoktrinuar ca si shume ose eshte noi femije qe kujton se u rrit te merret me temat e gjeo-politikes. 

Mua me rane leshte dhe u zbardha me gjeo-politiken boterore, dhe prapseprap nuk guxoj te them me bindje te plote, gjera qe jane akoma te diskutueshme ne opinionin boteror. Autori eshte nxituar ti vere vulen, disa ngjarjeve, duke i shtremberuar apo interpretuar faktet sipas oreksit te vet.  Megjithate le ti marrim me radhe disa prej tyre; 

" .....Dhe kështu Rusia me Putinin merrte pjesë në takimet G7, G8 apo G20. Kishte statusin e vëzhguesit në NATO. Nuk bënte ndonjë reagim që të dilte jashtë imazhit të konstruktivit, edhe pse e bënte thuajse vazhdimisht ritualin e vendosjes së vetos në Këshillin e Sigurimit, bashkë me Kinën, me domethënien se edhe Rusia kishte një rol në vendimmarrjen botërore..." 

  Rusia ishte e ftuar dhe pranuar nga keto vende, jo se merrte pjese me dhunim apo pa deshiren e ketyre vendeve. Veto-ja, eshte nje e drejte e pakontestueshme e 5 fuqive te perhershem aty. Rregulli e thote qe kur njeri vendos veton, ai vendim bie, pra çdo perpjekje per te realizuar deshiren tende, frenohet edhe nga 1 veto, keshtu eshte rregulli te pakten. 

 

Putini bëri dhe veprime domethënëse, si: marrëveshje me disa përmbajtje, si ajo e tipit “Bashkësia e vendeve të pavarura”, me disa vende të ish-BS, krijoi dy organizma ekonomike e ushtarake me emërtimin ‘euroaziatikë’, rriti trysninë me armët e energjisë dhe të gazit ndaj vendeve të ish-BS, mbante në nivel të lartë shpenzimet ushtarake dhe, siç del, shkelte marrëveshjet e arritura për pakësimin e armëve bërthamore, kundërshtoi ashpër vendosjen e sistemit antiraketë në disa vende anëtare të NATO-s, në kufi me Rusinë etj..." 

  Marrveshje te tilla po ben edhe Turqia, edhe Amerika me vendet rrotull saj, marrveshja Nafta etj. Rusia krijoi organizaten e vendeve te Gazit, konkurrent me OPEK-un, dhe kjo jo per sfide ndaj Amerikes por per rregullimin dhe akordimin e çmimit ndermjet ter paleve. Nese ajo kundershton vendosjen e raketave ne vendet kufinj me te, automatikisht lind pyetja; Nese NATO nuk e konsideron armike Rusine, por partnere, pse duhet ti vendosi aty raketat. A nuk duket sikur 

A nuk duket sikur dyshon tek ky partneritet. A nuk duket sikur e shtyn kete partner te dyshoje ne kete partneritet.  

 

"....Putini bëri një hap domethënës kur, ndaj “pranverës arabe”, u veçua qartë e vendosmërisht nga qëndrimi i SHBA dhe vendeve të BE, duke u bërë mbështetës i autokracisë e jo i demokracisë..." 

  Po a nuk ishin keta autokrate, partner me perendimin dhe Ameriken. Ku ishte Amerika dhe perendimi, kur keta autokrate te botes arabe, shfrytezonin dhe shtypnin popullin, nderkoh qe parate i çonin ne bankat perendimore. Apo iu vinte mire. Dhe sapo filloi pranvera arabe, fale nje inxhinieri te papune, te tere nxituan te pershendetnin kete pranvere. Pas pilafit, dalin te tere. 

" ....U desh aneksimi i Krimesë dhe shpërthimi i krizës ukrainase, që të hapeshin petët e lakrorit,.." 

 Po kush e nisi dhe agravoi gjendjen ne Ukraine. Me duket se Art-i yne ketu, ka sjelle mjaft fakte, qe ia grisin masken ketij autori te vonuar. 

 

" ....Dhe, që të kërkosh një rol të ri në marrëdhëniet ndërkombëtare, do të thotë të përcaktosh, para së gjithash kundërshtarin, me të cilin do të rivalizosh e të synosh ndarjen e fuqisë me të. Këtë Putini nuk e kishte të vështirë. Pas rrëzimit të komunizmit, SHBA kanë qenë superfuqia e vetme, që i ka kontribuar me efektivitet stabilitetit, sigurisë dhe paqes së rendit botëror..." 

  Interpretimi qe autori pa emer dhe i vonuar i ben, eshte qesharak, se fjaline mund ta shkruash/interpretosh edhe keshtu; 

' Pas rrezimit te komunizmit, SHBA kane qene superfuqia e vetme, dhe qe te kerkosh nje rol te ri ne marrdheniet nderkombetare, do te thote te percaktosh, para se gjithash kundershtarin, me te cilin do te rivalizosh e te synosh ndarjen e fuqise me te. Kete, SHBA nuk e kishte te veshtire, duke krijuar situata te pakendeshme dhe te favorshme per Rusine. Armiku u gjet. '  

nuk o pe verteti smiley 

" ....Duke dashur ta konkretizojë këtë akuzë ndaj SHBA, Putini nënvizoi se SHBA janë përgjegjëse, jo vetëm për destabilizimin e Irakut e Libisë, por gjithashtu edhe për Sirinë. Ai e akuzon SHBA për krijimin e Al Kaedes e të talebanëve, si dhe të shtetit islamik ISIS..." 

  Mirpo keshtu nuk mendon vetem Putini, por ter bota, ose me sakte 75% e saj. Po kesaj çfar mund ti thote autori pa emer.  Eshte e vertete se SHBA kohet e fundit eshte distancuar nga keto grupe, por kjo nuk e mbulon diellin me shoshe.  

 

" ....Edhe pse faktet tregojnë pa asnjë mëdyshje, që Rusia e përgatiti dhe e shpërtheu krizën ukrainase, si pjesë e realizimit të ëndrrës së rikrijimit të BS dhe të nevojës për rolin e superfuqisë botërore..." 

  Po pse te mos themi se ishin amerikanet ata qe nxiten krizen ukrainase, siç dolen edhe nga disa fakte qe i kemi pare ketu nga Art-i. Pse duhet te besojme se ishin ruset. Ruset vertet e shfrytezuan ate situate pas agravimit qe iu be asaj situate atje ne demostratat e pare. Dhe ketu nuk mund te themi se deshtoi SHBA, se ndoshta pikerisht qellimi i saj ishte krijimi i nje vatre te nxehte, nxitjen/cytjen e ruseve dhe terheqjen e vemendjes europiane se kishin/kane nevoje per nje mbrojtes, pra me nje gur vrane dy zogj.

 

".... Putini, në fjalën mbyllëse të kësaj konference bëri edhe thirrje për një rend të ri botëror, shoqëruar me demagogjinë që, vendi i tij nuk kishte ambicie të krijonte perandorinë e vjetër. Por, si për të tradhtuar veten, ai pohoi se, nëse SHBA e ushtron fuqinë e vet dhe thyen rregullat, pse të mos e bëjë edhe Rusia? Pse ajo që i lejohet Jupiterit, theksoi ai, nuk i lejohet buallit?..." 

 Se pse autori i interpreton ne kete far feje fjalet e Putinit, vetem ai duhet ta dije, veç ne lexuesit kuptojme se autori, ose eshte i indoktrinuar, ose eshte i paguar. Lind vetvetiu pyetja; Nese A pretendon te ver rregull ne lagje, duke ushtruar rregullat e veta, forcen e vet, miza-skenat e veta, pse kjo gje i ndalohet R.  Mos valle, eshte me mire qe rendi i ri boteror te drejtohet nga E, apo nje grup vendesh. Keto jane pyetje qe duhet te shtrohen ne opinion, ne treg, dhe jo keto interpretimet sipas oreksit te autorit kalama.   

Persa i perket armeve berthamore, keto po duhet ndaluar dhe analizuar, ku dalin edhe pyetje, kush e drejton kete çarmatim te mbushjeve berthamore, kush komision. A ka nje komision nderkombetar, me specialiste nga shume vende, dhe nen flamurin e OKB, apo ka vetem oficere amerikane, gje qe e shton me teper dyshimin ne kete farse.  Ketu, autori-femije, s'i ka ra ndermen, veç llomotit kot se koti. 

Pjero, kjo puna e armeve berthamore, nuk qendron si problem me shume te mbushja se sa tek zbrazja.Se per mbushjen, une dyshoj se behet mceftazi !Dhe kjo eshte gjith meseleja qe keta te medhenjte, si jane armatosur goxha me armet berthamore, nuk po na thone te pakten , kur do ja nisin ! Jo per carmatimin jo, por kur do ti shprazin ? 

Ne se te bie ne hater mor Pjer, sapo nisi kriza e Ukraines, un thash qe priteni kur te shpallet Krimeja e pavarur.Mu vervit njeri nga tanet .. e me quajti " pro rus" ! Edhe pse desha ta bindja se nuk jam ashtu, por Rusia eshte perandori e eger, hileqare, me djep diplomacie te perkryer, dhe masat bllokuese qe po nxit Obama nuk ka per ti ndjere shume dhe koston e kesaj loje ka per ta ngrene vet Ukraina, prap ...po rus me quajti ai burri! 

Tani more miku im Pjer , qe bota ka nevoje per nje rend te ri botror, kjo nuk diskutohet edhe  pse une kam mendimin, qe po i kalon vakti Revolucionit Botror, qe me mire do jete ...te behet me arme atomike, duke i shprazur  te  tera njeheresh... Vetem ashtu  shpeton njerezimi njehere e per tere jeten..! 

Boll me lufte " te ftohte" ! Duhet e nxehta tani ! 

Ku di gjo Kureta i shkrete, ai te mencur ka vetem grun, ambasadoren...

Ku ma gjen luften e ftohte Grava, se secili rri ne hesap te vet. Vetem sa bejne sikur zihen, por futen perseri ne strofkullen e tyre smiley

.

Aritkull leshi i pare nga kendi militantesk i neoconit pax amerikan..Eshte ky lloj perceptimi bardhe  e zi qe e ka cuar sot globin drejt kaosit. Ekziston nje injorance totale ne administraten e sotme ne lidhje me Rusine e cila eshte kritikuar nga shume analiste dhe politikane me pervoje(nje nga keta Kissinger) Nuk vihet ne dyshim qe Putin eshte nje lider atutoritar..Nuk eshte asi pari dhe as i fundit, SHBA kane pervoje bashkepunimin me dikatore dhe lidere autoritare. Ne fakt ke lider me autoritare dhe (teologo)fashiste si familjet mbreterore te Sauditeve dhe Katarit per te cilen neoconeve nuk ju ndihet zeri. Russia eshte pjese e problemit por jo problemi dhe thjesht demonizimi i Putin tregon thjesht se nga pala tjeter nuk ekziston nje alternative e qarte per te adresuar ceshtjen. Jam i qarte qe edhe Medvedev apo dikush te ishte ne pozicjonin e Putin po te njejten linje do te kishte mbajtur. Russia ka interesat strategjike te vetat te cilat llogjikisht nuk perputhen me ato te SHBA&BE keshtu qe kjo ceshtje nuk mund te shihet me syzet e Pentagonit. Fakti eshte qe NATO ne adn e saj ka antagonizmin ndaj (BS)Rusise, lufta e ftohte nuk mund te anashkalohet kaq thjeshte. Zgjerimi i Natos ne kufijte e Rusise thjesh nuk beri gje tjeter por polarizoi shoqerine dhe politiken Ruse.

Keto shuplakat nga media ne SHBA theksojne absurditetin e kesaj vije llogjike "Ushtria Ruse ne dyert e NATOs? pyet gazetari Adm. John Kirby "Pse eshte kjo?,nuk eshte llogjike te thuash qe shkaku qe Ushtria Ruse eshte ne dyert e NATOs eshte sepse NATO eshte zgjeruar dhe jo Ruset?...Ne fjale te tjera "NATO i eshte qasur Russise dhe jo Russia NATOs. Nuk eshte kjo menyra me e sakte per ta pare kete?..

Sa per anashkalimin qe autori i Ben bashkepunimeve strategjike te Rusise dhe Kines, autori tergon se qenka komplet nul ne perceptimin e situates dhe implikimeve qe do te kete per politiken e jashtme Amerikane. kete nuk po e them une, kete e theksuan analiste apo qendra strategjike te rendesishme si CATO apo Carnegie

Art, politika amerikane sot eshte " te qafsha moj shege " ! Kush eshte vizioni amerikan i ketij shekulli per boten njesistemshe ? Bamb e bumb gjithandej ! Cfare po ben Amerika perballe anakondave gjogande te Azise ! Nje vere ne uje.Ca kerkon Amerika e NATO ne kufi te Rusise ? Kush eshte vija e kuqe e perendimit perballe  Rusise ? ...telefonatat Merkel - Putin, me cu dive e cu erre herr Putin ! Kaine problem ..? Nix ! 

Amerikes i duhet te rikonceptoje vetevehten thelle ! 

 

Grave Kinezi po ferkon duart nga kenaqesia se po del me i fituari ne gjithe kete rremuje ndersa te humburit jane BE dhe ne nje fare menyre SHBA dhe Rusia. Agregimi i panevojshem situates me Rusine ishte nje gabim strategjik te cilin sot politikanet po perpiqen ti japin nje zgjidhje. Pasojat  afatgjata do te jene te renda....E di qe Obama sot po perpiqet per butonin reset po treni me sa duket ka ikur dhe nuk kthehet me....

Henri Kissinger shkruan "Eshte gabim i rende strategjik acarimi i mardhenieve njekohesisht me dy fuqi te medha, si puna e Kines dhe Rusise apo hapje e nje fronti te dyfishte"..Eshte gabim teper fatal shtytja e tyre drejt nje aleance midis njera-tjeters si nje alternative e domosdoshme. SHBA duhet te kete mardhenie te tilla me te dyja keto fuqi te cilat te perceptohen si mardhenie me te mira sec kane me njera tjeter" shkruan Xha Henry ....Me nje fjale "Mbaji armiqte me afer se miqte"....Ky nuk eshte nje politikan dosido po nje nga arkitektet dhe straterget e shkaterrimit te vete BS te cilin Obama ska denjuar kurre ta takoje smiley

O grave, 

A ke noi numer teli? Amerika ka kohe qe ngre keto pyetje egzistenciale. Mbase mund te japesh ndihmen tende modeste. Keta te departamentit jane gjithnje te hap kundrejt ideve te reja. 

smiley

Bama, e lexova sot rekomandimin tend modest, por me si eshte perhapur Amerika, une vec mund tu rekomandoj qe kur te dergojne ushtri gjene ne Irak, te marrin juve, ... per shef gazermimi.Dhe e kane te fituar luften...

Eh, o zoti Grava, lufta eshte per ata qe rrin ne kolltuqe. Mjere ata qe shkojne ne front... smiley

Po, si shef gazermimi nuk do na lavoset ore ! 

Hajt mo shyqyr qe na doli nje armik, se nuk shtyhej dhe vetem me sherre te vogla te permrenshme. Ti hyje dhe icik fryka Evropit nga ariu.

Sa per ate pyetjen a jeni gati me vdek per Letonine e Estonin, ashtu mendoi dhe Hitleri se s'kane per te vdek per Polonine dhe e hongri, dmth i qiti themelet kombit te vet. 

Pjero, e pash se ke bere komente shume te gjata per kete artikull, por te them te drejten, nuk e kuptova mire arsyen pse je kaq kunder ketij autori. 

Ato qe kane kaluar, i dime; dmth qe Muri i Berlinit u shemb ne vitin 1989, qe Lufta e Ftohte u quajt e mbyllur pas vitit 1990 me renien e komunizmit ne te gjithe Europen Lindore, etj. Dihet edhe se si funksionon Keshilli i Sigurimit i OKB-se me ane te vetos, etj. Po ashtu dihet qe Rusia doli shume e dobet ekonomikisht nga Lufta e Ftohte, por megjithe tulatjen e perkoheshme, ajo nuk ka reshtur se qeni nje fuqi ushtarake boterore, dhe sigurisht nje Fuqi boterore, ne kuptimin e vendim marrjes ne Europe, Euroazi dhe ne OKB. Shkurt ata aty kane qene dhe jane, fuqi globale, ushtarake (berthamore) dhe politike, por edhe nje vend qe i ka dhene njerezimit, sidomos ne kulture dhe shkence. Tani, padyshim eshte edhe Fuqi Ekonomike, qe vitet e fundit ka investuar shuma marramendese ne industrine ushtarake.

Por ka dicka qe duhet dalluar, sipas mendimit tim: Cfare roli ka Rusia ne harten aktuale te konflikteve globale? A eshte ajo nje faktor stabiliteti, apo ka synime ekspansioniste (lexo okupuese) ndaj vendeve ish sovjetike, sot shtete te pavarura dhe antare te NATO-s? Presidenti Putin, a eshte ai nje person autoritar dhe qe kohet e fundit ka treguar shenja konkrete se ka synime te qarta agresive kunder shteteve rreth e rrotull, sidomos ne veri te Europes ne Detin Balltik?

Tani problemi eshte shume i thjeshte, me cilen krah do te jemi ne shqiptaret? Ti Pjer Thomas, me cilin krah je? Kjo eshte pyetja nje milion dollarshe!

Edo, nuk me plas shume per Rusine, sikur ne 32 republika te ndahet, se aq jane, mire do behet, por e kam me autorin buburrec, qe i interpreton faktet sipas oreksit ose sipas pageses. 

Aha, ketu me ndalo Pjero, nuk ndahesh kaq lehte me kete "nuk me plas shume per Rusine". Kundershtimi yt sikur thoshte te kunderten e asaj cfare thua ti? Ai thjesht ka sjell ca fakte, qe jane fakte, te faktuara nga historia e re e Rusise. Qe ka qellime te qarta te ktheje nen pushtetin politik dhe ekonomik te gjitha shtetet ish te BRSS. Qe do te ngrej kandarin dhe cmimin e stabilitetit boteror duke thene se "jam edhe une ketu". Dhe eshte, nuk ka dyshim. Por deri ku mund te ndaloj ky tipi, ish oficer i KGB-se se fameshme? 

A ke degjuar per "Valixhen e Zeze"? Sistemi rus i sigurise per mbushjet berthamore eshte ne dore te presidenti, vetem te presidentit. Ate valixhe ai e mban me vete kudo qe udheton. 

http://www.rediff.com/news/slide-show/sl...

Po qelloi pak kokekrisur Presidenti, apo ta ndjej veten super njeri... ruajna zot prej kesaj dite!

Me siper thua:

dmth qe Muri i Berlinit u shemb ne vitin 1989, qe Lufta e Ftohte u quajt e mbyllur pas vitit 1990 me renien e komunizmit ne te gjithe Europen Lindore, etj.

E ke gabim. Ne fillim mbaroi lufta e ftohte, dhe si pasoje e kesaj ra komunizmi vetiu.

Ka nga ata qe thone se lufta e ftohte, pra tensionimi i raporteve, kercenimi i ndersjellte vetem sa i dhane force, se brendshmi sistemeve te deshtuara komuniste, te cilat perndryshe, ne mungese te ketij tensioni qe provokonte kohezion se brendshmi - sikunder nacionalizmat boshe - mund te kishin rene shume me para.

kapitalizmi duke u bere social, u mbajt po ashtu nga lufta e ftohte. tani e ka marre te tatepjeten. kjo kriza qe e ka kapur, eshte ne fakt vdekja e tij. do kete prap tensione civile.

Nuk ka kapitalizem, ka ekonomi mikse, me nderhyrje qeveritare qe shkojne pertej rolit minimal te respektimit dhe zbatimit te kontratavve dhe marrveeshjeve mes individeve te lire.

Kriza nuk vjen nga ekonomia e tregut, por nga nderhyrjet qe behen ne te nga keynesianistet e rinj - meqe ata te vjetrit sikur jane zhdukur se i hengren kritikat qe iu ngriten me buke...

Por ti ketyre gjerave nuk ua ke idene... apo e kam gabim?

Ed , di ndonje lufte , ne tere historine e botes,  qe te mos kete pas karakter ekspasionist? 

Lufta per pavarsine e Amerikes. Ishte nje lufte e koloneve, per nje kauze te vertete reaksionare. Nje revolucion, jo gjakatar si ai francez me synime te dyzuara, por nje revolucion reaksionar, qe kerkonte te rivendoste nje rend te humbur, te tradhetuar nga vet kurora angleze. Aty nuk kishte qellime ekspansioniste.

Madje te gjitha luftrat qe behen per mevetesi, nuk kane qellime ekspansioniste, por indipendentiste.

Nuk e thash ate, sigurisht qe te gjitha luftrat kane karakter te tille. Cfare lidhje ka kjo pyetje? Por ne kete rast une mendoj se duhet bere nje dallim i thjeshte; te kuptohet filmi se kush eshte "i miri" dhe kush eshte "i keqi". Une mendoj se "i keqi" eshte Putini. 

i keqi eshte vetem Sistemi mik ! 

Midis mbarimit te luftes se pare boterore dhe nisjes se luftes se dyte boterore kaluan 21 vjet pa lufte.

21 vjet pas luftes se pare te ftohte u mbushen ne vitin 2012. Ne vitin 2012 Putin u be prape president i Rusise.

Menjehere nisi te jape deklarata zyrtare kunder perendimit ne mbrojtjen e tij te hapur te sirise. Pasi Libia e vendet e tjera kishin rene me pranveren arabe, Asadi nuk ra, vetem prej rusit.

Tani do te kalojne dhe ca vite apra se rusia te humbe luften e dyte te ftohte, sic humbi gjermani dy luftera te nxehta. por jo pa bere deme

nuk e humbi rusia luften e ftohte por KOMUNIZMI. mos i ngatrro gjonat. rusia eshte eternele per ruset. dhe nuk ka humb asnje lufte deri me sot.

rusia po ashtu nuk eshte vend ekspansionist siç jane perendimoret. ndoshta ngaqe sllavet jane shtrire shume larg kufijve te rusise dhe s'ka nevoje, e gjurmon leprin me qerre.

Rusia e humbi prej komunizmit, pra. Je me i kenaqur keshtu? Rusia ishte perfaqesuesja e komunizmit sic ishte amerika perfaqesuesja e kapitalizmit. Vetem Rusia kishte arme per te luftuar e per te kercenuar perendimin, dhe vetem rusia i furnizonte shtetet e tjera me arme, keshtu qe ne rregull eshte fjalia.

nuk humbi gje shoku brigadier. se vetem ne karte ishte superfuqi e botes. superfuqi qeme edhe neve ne kohe te enverit, po vetem te shpatet tona te maleve, ku i shkruanim ato parrullat.

Athere Rusia kishte arme per te luftuar, por nuk kishte fitim nga keto arme,gara e armatimit me amerikanet coi ne dobsimin ekonomik te Rusise, sepse ajo shpenzonte me shume per prodhimin e ketyre e armeve, duke demtuar ekonomine e brendshme .

Sot situata eshte ndryshme prodhimi i armstimit eshte kthyer ne nje biznes te madh fitim prures!

Tani eshte gara per tregje,midis Rusise dhe Amerikes, dhe kjo gare krijon konflikte, si rjedhoje, shume fitime nga ky biznes! Nga te dy palet

Pranvera Arabe.....hmmm... How did that go?  E kishe fjalen per Kutine e pandores Arabe? se Libine e pame qe e ndriten, nga nje vend stabel e cuan ne mesjete, vend ku mbizoterojne bandat tribale dhe terroristet. Kete po kerkojne dhe me Asadin keta aleatet e SHBA ne rajon..keto mbreterite fashiste te Riadit,Dohes apo islamo-autokratet si Erdogan i jane sulur Sirise sekulare ta shqyejne copa copa dhe me pas kerkojne ti drejtohen Iranit, se atje eshte synimi....

Tashme lokomotiva e Rusit po lidhet dalengadale me ate Kinezen dhe zor te ndalen kollaj, e vetmja menyre per perendimin eshte te zgjase gjethet e dafines dhe "keep a close eye"...Lufta e ftohte eksiton ne mendjet e semura qe e kerkojne ate. Botes nuk i duhet me lufte "por ca ilace" per keto mendjet e semura qe e shikojne luften si e vetmja alternative e zhvillimit

iu ka rone bytha ne nafte arabve, eshte pra normal qe mos t'i lene rehat asnje dite, deri kur mos kete me asnje pike petrol. 

Shume dem i ke bere imazhit te grupeve te punes me kete koment...

Pjer, falemnderit per analizen gjakftohte. Te vetmet gjera qe pata durimin t'i lexoja deri ne fund.

p.s. c'u be per shkrimin qe mezi po e presim? mos na premtove kot?

Une shoh disa tendenca ... jo te mira te Pjerit. Njehere fillon lavderon Enverin, tashti simpati per Rusin, dhe antiamerikan i zjarrte. Kam frike se ... me dhembje vella, me dhembje. 

nuk besoj. Ose nuk dua ta besoj.
Pjeri nuk eshte antiamerikan. Nje i dhene pas kapitalizmit si Pjeri nuk mund te jete kurre kunder amerikes. Por politikisht mund te kete dhe verejtje, kte duhet ta njohim.
Sa per Enverist, prape jam skeptik. Pjeri eshte nji prej anti-enveristeve te oreve te para, lexo VQ per me shume. Por eshte fakt qe pritja e gjate e ka nje kufi dhe Pjerin e irriton kjo gje dhe mbase e tejlakon ne percaktime kur behet fjale per politikanet sot. Por kurrsesi enverist!

edhe une nuk dua ta besoj. Por edhe mbrojtja qe mund t'i bejme ne te ... ka nje kufi. Se "ata" lexojne e zeza ne te bardhe dhe s'e kane durimin tone. Sidomos me kete punen e rusit po e ... fare. Mire do ishte te thote nja dy llafe pro amerikes, do na e lehtesonte shume punen. Se keta s'e kane per gjo, kane specialiste burse sa te dush por per ne do ishte humbje e madhe.

Ka kohe qe neper Europe jane rritur amerikano-skeptiket. Madje ka qene nje periudhe para disa viteve (sidomos gjate dhe pas 2003-shit) qe nuk ishe ne mode po te mos e tregoje veten njecike antiBush. Qe ta themi si me shaka, "Amerika osht Nona mor vlla" smiley

Por mua me ka tronditur qendrimi i Pjerit, sepse me duket se ka nje qendrim shume pro rus, e rrjedhimisht pro ortodoks, e pro ... (nuk ma ze goja ta them!)

Edo, 

I gjo eshte e sigurte; ne planet e veta Amerika ka mor parasysh edhe skepticizmin tuj. smiley 

Ah sa zili te kam qe je Amerikon! Por duhet bere nje dallim, jo i gjithe Kontinenti i Vjeter eshte skeptik, psh shqiptaret dhe anglezet nuk jane, po ashtu edhe italianet dhe turqit. Ky gjuetari ter muskuj (shiko karikaturen siper) Gjermanis i ka fut tmerrin, po ashtu shume vendeve ne Europe, por keta te shkretet tani perpeliten mes dimrit qe po vjen (gazi rus ngroh Europen), kercenimeve te hapura me avion gjuates bombardues qe Rusia ben ne Europen Veriore (deri tani raportohen 36 shkelje te hapesire ajrore te BE.

Ja nje super avion rus dje ne Norvegji

http://www.thelocal.no/20141112/russian-...

 

Mos u druj Ed!

Sukoi-34 eshte fantastik, por i nje brezi tashme te kaluar. Ket e kapim me raketa  qe para se te lere aerodromin. 

Keto provokacjat e Rusise me shanc demi te barabarte me zerro duhen pare si klithma kerkese per afrim. Por qe ti hapen dyret Rusise kjo duhet te perqafoje axhenden perendimore. 

Jo mor une spo tutna hic, vec e kam pak si bezdi me na i fik dritat ndonje nate, papritur..smiley Duket se keto vendet e veriut ketu i ka hale ne sy, sidomos Finlanden dhe Suedine... papappapaapa sa shume i dashuron..

Por qe ti hapen dyret Rusise kjo duhet te perqafoje axhenden perendimore.

Kjo eshte naive dhe utopike Bame..Rusia nuk mund te ndjeke axhenda perendimore sepse keto axhenda prekin drejtperdrejte interesat e saja gjeostrategjike.Duhen pare gjerat me sy real . Eshte detyra e perendimit (SHBA) ti drejtohen real politikes dhe ta lene pas politiken e kaosit. Ne anent tjeter SHBA ka probleme thelbesore me vetveten gje qe ka ndikuar ne gerryerjen e influences neper bote. Pivoti aziatik i triumfuar me buje nga Obama(por i deshtuar komplet) nuk beri gje tjeter por afroi Kinezet me arushen dhe i shendrroi me agresive. Po i le menjane traktatet e energjise Rusi-Kine te cilat do ta nxjerrin BEne jashte loje apo bashkepunimet ne Cyberspace te cilat po alarmojne Pentagonin. Po te permend vetem Rrugen e Fildishit ¨dhe projektin e Hekurudhes Trans-Aziatike e cila do ti jape akses Kines ne krejt Azine,Evrope dhe Afrike.Vetem kete vit kane ndodhur ndryshime ne Azi qe po levizin pllakat tektonike te gjeostrategjise. Krijimi i klonit kinez te bankes boterore thjesht po e riperforcon statusin e Kines si nje superfuqi duke projektuar "soft power strategjike". Australia dhe Japonia po ndihen midis nje udhekryqi te veshtire, gjenden mes presjonit nga Washingtoni per te mos marre pjese por ne te njeten kohe mospjesemarrja do ta ule shume influencen e tyre ne vendimarrjet e rendesishme ekonomike ne Azi....Merruni me arushen ju nderkohe qe ujku ketej po ben kerdine ne kope smiley

Arto, per keto korridoret Azi-Europe, nepermjet Rusis dhe Turqise, kam folur me kohe, para shum viteve, ke diçka tek VQ, dhe me vjen mire qe ti sjell ketu pikerisht ato qe une kam thene dhe parashikuar para shum viteve, gje qe ia rrit vlerat VQ dhe tezave te mia smiley 

E forta eshte se ti nuk e ke lexuar akoma VQ, gje qe hedh poshte edhe zerat per nje "kompllot" midis neve te dyve. 

Ah se harrova, krijimi i nje FMN tjeter, simotre te saj, nga ana e Kines, kam kohe qe e kam marre vesh dhe eshte kryesisht per investimet ne infrastrukture, per te lehtesuar dhe shpejtuar levrimin e mallrave. Kinezet, sikur kane lexuar VQ me jahu smiley

Pjer c'u be me intervisten e shekullit? per te kam marre dhe mesazhe ne privat. Ka njerez qe me pyesin mua se ku duhet te nisin pyetjet. Te lutem, sqaroji publikisht nese ke kohe.

Ja tani do mirrem edhe me pyetjet e ALPHA-s, qe ka kohe qe mi ka derguar. U thuaj njerzeve te me dergojne tek posta private ketu ose emaili, pyetje qe ata deshirojne. Shpresoj se shpejti te dali, ky eshte projekti i radhes. 

E forta eshte se ti nuk e ke lexuar akoma VQ, gje qe hedh poshte edhe zerat per nje "kompllot" midis neve te dyve.

smiley

smiley

kujdes me rusin djema,kane studju filmin avatar: po pergatisin lufte matrioska,tip stafete. ne fillim te sulmon nje ushtar gjigant 5-6 metrosh, pastaj te del nje me i vogel e nje me i vogel e keshtu me rradhe deri ne fund qe del nje xhuxhmaxhuxh.smiley

Ore e mbylli rusi ate belane me Cecenine? Sa fitila ka ariu me dash me i vu flaken ne ... strofkull.

Kane vu me sa duket qeveri pro ruse dhe gjithcka eshte Ok. Nuk po ja merr njeri, ta mbaje. Ketu ne Suedi duan ta rivendosin sherbimin ushtarak te detyrueshem. Ndersa para dy ditesh, ne Stokholm u be nje "Stervite ushtarake me tanke ne mes te qytetit".

Mire mer mire se qeverine gjithmone proruse e kane pas ata. Po "luftetaret e lirise" mund te kene mendje tjeter, sidomos me ca ndihma, dhe jo vetem aty.smiley Kurse Evropit i ben mire per shendetin ca drithmera. 

4ever, se ke keq, nese mund te behet prej ketu, po i ashtu motrat ndonje rusi (apo si kane yll fare) dhe ia bojm fora, por ce do ate pune, kane forcat me te tmerrshme Elite ne bote. Prej tete vjetesh ata kishin investuar miliarda e miliarda per nje program nendetesesh, qe zhyten ne thellesi te medha, jane te vogla, por mbi siperfaqe te ujit arrin shpejtesine 140 klm ne ore! Quhen Titanus. Deri tani kane prodhuar tete nendetese te tilla. Risia e fundit, arme berthamore (mbushje te vogla), te sigurta dhe qe nuk kane probleme transporti. 

Mesa duket Putini paska menje tjeter, as te ftohte e as te ngrohte por roze

Desh me vu dore dhe ne grune tate,smiley keshtu sikur eshte, he Belul.

Nuk ka ekzistuar asnjehere lufta e ftohte. Gjithmone luftat jane te nxehta. 

Pyete Ameriken sa e ftohte ishe ndihma ruse ne vietnam, dhe pyet ruset sa e ftohte ishte ndihma anerikane ne afganistan

Ah more George Friedman, sa me shume kalon koha, aq me respekt kam per ty.

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).