“Muzeu im”, titullohet projekti i fundit i Muzeut Historik Kombëtar, në të cilën cdo qytetar mund të ekspozojë objekte të vjetra të trashëguara nga të parët e tyre.

Muzeu Historik Kombëtar fton të gjithë qytetarët që kanë ndonjë unazë që jua ka lënë pas gjyshi apo gjyshja, ndonjë vazo të vjetër në shtëpi, apo çdo objekt tjetër që posedojnë dhe vjen nga e shkuara e largët t’i prezantojnë ato në ambientet e MHK-së.

Projekti “Muzeu im”, ka për qëllim që edhe qytetarët të jenë më afër muzeut duke sjellë sendet e tyre të vjetra. Ekspozita do të prezantohet çdo të premte në orën 11:00. Sipas MHK-së, objektet që do të sillen do të merren përsëri nga personat që do t’i sjellin ato.

Muzeu Historik Komëbtar u përurua më 28 tetor 1981 dhe është institucioni muzeor më i madh në Shqipëri. I ndërtuar në pjesën perëndimore të sheshit ”Skënderbej”, godina e MHK është një nga veprat më të rëndësishme arkitektonike me rol të veçantë në formimin urbanistik të kryeqytetit shqiptar. MHK ka në fondin e tij 3600 objekte të trashëgimisë kulturore shqiptare, pjesa më interesante e të cilave u përkasin periudhave që nga Paleolititi deri në Antikitetin e vonë (shek. IV e.s); këto janë ekspozuar brenda Pavionit të Arkelogjisë, që numëron në vetvete mbi 400 objekte.

Ndër koleksionet më me vlerë të këtij seksioni janë ato që evidentojnë periudhën arkaike dhe periudhën protourbane ilire të kulturës shqiptare. Në pavionin e Periudhës Mesjetare, me më shumë se 300 objekte, realizohet dokumentimi i procesit historik të vijëmësisë iliro-shqiptare. Koleksioni i objekteve të periudhës Mesjetare përfshin: emblema heraldike të princërve shqiptarë, kolona të katedraleve të shkatërruara, relieve dhe ikona të ikonografëve më të mëdhenj shqiptarë si Onufri (Shek. XVI), David Selenica dhe Kostandin Shpataraku i shek. XIII.

Një objekt tepër i çmuar është epitafi i Glavenicës, punuar me ar nga një princ Shqiptar i shek. XIV, Gjergj Arianiti. Koleksionit të kësaj periudhe i është shtuar dhe pavioni i ri i ikonave qe ka në përmbajtjen e vet një ikonostas nga Elbasani dhe 50 ikona të marra nga koleksioni i Institutit të Monumenteve të Kulturës e të mbledhura nga objekte e kultit gjatë 50 vjetëve të fundit në të gjithë territorin e Shqipërisë.

Pavionet e tjera përmbajnë dokumenta e dëshmi të periudhave të tjera si p.sh. të rezistencës kombëtare shqiptare, të Pavarësisë dhe themelimit të shtetit Shqiptar, etj.

2 Komente

Muzeu Historik Kombëtar fton të gjithë qytetarët që kanë ndonjë unazë që jua ka lënë pas gjyshi apo gjyshja, ndonjë vazo të vjetër në shtëpi, apo çdo objekt tjetër që posedojnë dhe vjen nga e shkuara e largët t’i prezantojnë ato në ambientet e MHK-së. 

Si lindin keto ide te cuditshme?! smiley

... Gillette : the best a man can get ...

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).