Gjykata më e madhe e vendit asnjëherë më pare të hënave nuk ka qënë kaq pak e populluar, përveç rasteve të ditëve zyrtare të festave.

Shkak, ka qënë protesta e avokateve të cilët kundërshtojnë një VKM për pagesat e sigurimeve për profesionet e lira ku përfshihen edhe mbrojtësit ligjore. Kjo VKM i detyron avokatet të paguajnë më shumë se 30 mijë lekë të reja në muaj sigurime shoqerore dhe shëndetësore. Avokatët e rinj janë ata që kundështojnë më fort. 

Por edhe ata më të vjetër në profesion duket se nuk e kanë mbështetur protestën thjesht për t’ju përgjigjur vendimit të Dhomës së avokatisë. 

“Në këto kushte kjo grevë e sotme është vetëm fillimi. ”, tha avokati Ndre Molla. Në Shqipëri ushtrojnë profesionin e avokatit reth 12 mijë persona. 

Në të gjithë vendin avokatët zhvilluan një protestë kundër vendimit të Këshillit të Ministrave që përcakton nivelin e pagës së tyre.

Avokatët në Fier bojkotuan seancat gjyqësore civile dhe penale. Shkak është bërë vendimi i qeverisë për rritjen e tarifave të shërbimeve dhe kontributeve të sigurimeve shoqërore per këtë profesion.

Rreth 60 seanca gjyqësore të planifikuara për këtë të hënë në Gjykatën e Fierit do të shtyhen sepse nuk mund të zhvillohen pa praninë e avokatëve. Duke respektuar parimet penale Dhoma e Avokatisë ka caktuar një avokat të gatshëm për seancat për masë sigurie, ndërsa do të penalizohet çdo avokat që shkel urdhërin e Dhomës Kombëtare të Avokatisë nëse merr pjesë në seancat 

Në Fier ushtrojnë aktivitetin e tyre 370 avokatë. 

Edhe Dhoma Rajonale e Avokatisë Elbasan i është bashkuar grevës së paralajmëruar nga Dhoma Kombëtare e Avokatisë e cila kundërshton paketën fiskale të qeverisë ku parashikohet rritja e taksave për profesionaet e lira. Avokatët theksojnë se neës nuk do të mbrojnë të drejtat e tyre nuk do të jenë të aftë të mbrojnë të mbrojnë të drejtat e qytetarëve.

Edhe në Lushnje, avokatet i janë përgjigjur thirrjes së shoqatës për të bojkotuar seancat gjyqësore. Rreth 35 avokatë të Dhomës së Avokatisë së Lushnjes u mblodhën përpara gjykatës, duke u shprehur kundër vendimeve të marra nga qeveria për nivelin e tatimit për sigurimet shëndetësore dhe shoqërore ndaj tyre. Kreu i dhomes se avokatëve në Lushnje, Kozma Jano tha se kjo grevë do të përshkallëzohet në ditët në vazhdim.

Pati edhe avokatë që pohuan se ky vendim është në kundërshtim me Kushtetutën, sepse, sipas tyre nuk mund të përcaktojë qeveria pagën e avokatëve.

Në gjykatën e Lushnjës u zhvilluan me prezencë të avokatëve vetem seancat e vlerësimit të masave të sigurisë.

3 Komente

Ouu, dmth nqs une si klient privat paguaj avokatin per perfaqesim ligjor, ai nuk me perfaqeson ne ceshtje se ka vendos me protestu ngritjen e haracit per sigurimet shendetsore?

Artikulli eshte shume i vaket pasi nuk shpjegon te ardhurat mesatare, sa % taksa paguajne, sa jane ngritur nga normat e tanishme etj.

Kete do thoja dhe une, artikulli nuk e sqaron se si perfitojne te ardhurat keto profesionet e lira, siç quhen. Sa e kane limitin e minimumit dhe maksimumit, qe duhet ti drejtohen shtetit per te dyja rastet. Se mund te kete noi avokat qe fiton 30 mij leke ne muaj, a duhet ti drejtohet sigurimeve shoqerore ai per mbulimin e te ardhurave te tjera. Ka qe mund te fitojne 300 mij, sa duhet te paguaje ai tek sigurimet. Pastaj keto profesionet e lira, si avokate, notere, doktore, kepucare, etj, nje here fitojne mire e nje here jo mire. Si eshte rregulluar ky handikapt. 

Ne Shqiperi sigurimi i detyrueshem shoqerore eshte 23.3%  e pages bruto. NGa paga bruto 13.9% paguhet nga punedhenesi, ndersa pjesa e mbetur (9.4%) nga punemarresi. 

Tani profesionet e lira, si te vetepunesuar i bie qe ta paguajne vete te gjithe sasine. Deri tani kane patur paguar bazuar mbi pagen minimale prej 22,000 leke ne muaj. Ne hapat e para te ligjit u mendua qe te fillohej te llogariteshin mbi pagen maksimale 97,030 leke/muaj. Pas diskutimeve u vendos qe te kete nje ndarje tjeter dhe u kategorizuan profesionet. Sic raporton monitor.al, keto kategori variojne nga 41,250 – 73,800 leke ne muaj. Avokateve i ka qelluar maksimumi ne kete brez te percaktuar. 

Pra tani duhet te paguajne 73,800x23% = 16,975.40 leke ne muaj, ose rreth 122 eur/muaj. 

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).