Prokuroria për Krime të Rënda në bashkëpunim me Shërbimin Informativ Shtetëror, prej muajsh ka hetuar e vëzhguar për terrorizëm myftiun e Durrësit dhe një nga imamët e xhamive më të rëndësishme në kryeqytet.

ABC News ka siguruar një shkresë zyrtare, ku janë listuar emrat e disa personave që për Komunitetin Mysliman të Shqipërisë duhen vëzhguar për shkak të dyshimeve për terrorizëm.

Në këtë listë, ndodhet edhe emri i një prej imamëve më të rëndësishme të xhamive në kryeqytet, Ahmet Kalaja. Në mesin e këtyre emrave, ndodhet myftiu i Durrësit, Redin Quku së bashku me Mustafa Terniqin, një imam të qytetit bregdetar. Bashkë me 3 imamët ndodhen të listuar edhe 20 shtetas të tjerë shqiptare dhe 5 shtetas të huaj, që për  Komunitetit Mysliman të Shqipërisë, duhet mbajtur në vëzhgim.

Kjo shkresë në formë informacioni i është dërguar prokurorisë për krime të rënda më 17 shkurt të 2015, ku kërkohet të merren në vëzhgim këto shtetas që ushtrojnë veprimtari të dhënies së mësimeve fetare të pakontrolluar në Shqipëri dhe përbëjnë rrëzim për terrorizëm.

Krahas emrave të tre imamëve, Komunitetit Mysliman i Shqipërisë ka renditur edhe emrat e 8 të pandehurve të akuzuar për rekrutimin dhe dërgimin e besimtarëve mysliman në Siri.

Në kohën e përpilimit të kësaj liste dhe dërgimit të saj, 8 personat për të cilët komunitetit kërkonte të vëzhgoheshin, ata ndodheshin në burg të arrestuar që në mars të 2014.

Në listën e administruar nga Prokuroria për Krime të Rënda, ndodhen edhe emrat e 5 shtetasve të huaj, mes tyre edhe njëri prej drejtues të talebanëve Mohammed Omar që rezulton i vrarë sipas mediave ndërkombëtare në vitin 2013.

Komuniteti ka përfshirë në listë edhe emrat e 4 shtetasve të huaj, emrat e të cilëve ndodhen në listën e zezë të Organizatës së Kombeve të Bashkuara, të cilësuar si terrorist.

Por ende nuk dihet rezultati i këtij hetimi të kryer nga prokuroria e krimeve të rënda dhe shërbimi informative shtetërore mbi aktivitetin e këtyre personave të dyshuar nga Komuniteti se përbëjnë rrezikshmëri në veprimtarin e tyre./abcnews/

2 Komente

"ABC News ka siguruar një shkresë zyrtare, ku janë listuar emrat..."

Te 10fsha mu ne sekret shteror thuj. Rendesi ka qe katunarja u gjonit, shtet me bole dmth. 

Gjithe keto para qe harxhohen nga buxheti i shtetit per survejime dhe pergjime imamesh! A nuk do te ishte me mire nje debat i hapur ne media dhe shkolla mbi fene dhe librat e tyre "te shenjte"! Qe njerzit ta marrin njehere e mire vesh se idiotlleqet e Bibles dhe Kuranit vijne nga mendje mesjetaresh apo nga ai qe ne e quajme Zot. Mirpo nje debat i tille i hapur me njerzit e fese mbi fene nuk eshte ne interesin e shteteve te fuqishme, qe nepermjet idioteve fetare kontrollojne mjaft vende dhe realizojne shume filma te tyre. Sa me shume pasues truthare, aq me kollaj kontrolli dhe manipulimi. 

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).