SMS 1- Një ditë përpara se të komunikonte masat, tepër shtrënguese dhe shokuese, në mbledhjen e Këshillit të Ministrave, kryeministri, J. Papandreu, shprehu emocionin, por edhe mallëngjimin e tij, pasi sikundër deklaroi “Njerëzit e thjeshtë, e ndalojnë në rrugë dhe i thonë se për atdheun, edhe rrogën time e sakrifikoj”!...
Nuk e di se cilët janë ata njërëz të thjeshtë e rrogëtarë, që e ndalojnë në rrugë dhe i thonë këto fjalë.
Nuk e di se cilët janë ata njërëz të thjeshtë e rrogëtarë, që e ndalojnë në rrugë dhe karakterizohen nga një ndjenjë e tillë sakrifice, vetmohimi e patriotizmi të lartë...
Me siguri që bëhet fjalë për njerëz, qofshin këta edhe të thjeshtë e rrogëtarë, të cilët nuk kanë kuptuar ende se për fat të keq, (edhe pse mund të mos jenë në sektorin publik e shtetëror të punësuar), do të sakrifikojnë shumë më tepër se një rrogë.
Që nuk kanë kuptuar se paketa e dytë e masave shtrënguese do të pasohet nga një paketë e tretë dhe e katërt, të cilat do të imponohen nga “ortakët” e grekëve në BE. Që nuk kanë kuptuar se Greqia po hyn (Kujdes: Nuk ka hyrë ende!) në periudhën më dramatike në kohë paqeje të historisë së saj moderne...
Ndoshta bëhet fjalë për njerëz që e ndalojnë në rrugë zotin Papandreu dhe i deklarojnë se do të sakrifikojnë rrogën e tyre mujore, pra, ndoshta bëhet fjalë për njerëz, të cilët ndoshta nuk e kanë kuptuar, se, kështu si po venë punët, shumë shpejt, kostoja e një “vizite” në supermarket, do të jetë e barabartë me një natë në buzuqe...
Dhe në buzuqe një shishe bën 300 euro...
Ndoshta bëhet fjalë për njerëz, të cilët nuk e kanë kuptuar se kështu si po venë punët, papunësia do të kapë majat dhe kriminaliteti do të marrë përmasa të egra...
Dhe në fund të fundit, nuk kanë kuptuar se sakrificat, të cilat ftohen të bëjnë (kur nuk i bëjnë vulnetarisht...) do të vonojnë shumë që të duken për mirë..., pasi, shumë thjesht, paratë që ata do të “dhurojnë për atdheun dhe shpëtimin e tij...” nuk janë të destinuara që të çelin portat që na çojnë në një të ardhme më të mirë, por do të mbyllin “vrimat” që u bënë nga shpenzimet e panumërta të së djeshmes...
Të qeverisjeve socialiste e konservatore...
Kur të kuptojnë të gjitha këto gjëra, njerëzit e thjeshtë që e ndalojnë në rrugë dhe i thonë se “për atdheun, edhe rrogën time e sakrifikoj”!...- me siguri që do të synojnë që ta takojnë përsëri në rrugë kryeministrin Papandreu...
Vetëm se nuk është aspak e sigurtë se edhe atëhere do ta trajtojnë me të njëjtën ndjenjë solidariteti, vetëmohimi, sakrifice e flijimi të rrogës, të të drejtave, të jetës...


SMS 2: U ngritën taksat. Kjo ishte njëra nga masat shtrënguese të qeverisë Papandreu...
Dhe unë fillova të bëj llogaritë e mia mujore.
Paga: 1.200 euro...
Qeraja: 400 euro
Dritat: 90 euro
Uji: 35 euro
Pagesat për mirëmbajtjen e pallatit: 60 euro
Telefoni stabël: 50 euro
Telefonat celularë: 100 euro
Parkingu për makinën: 110 euro
Benzinë në muaj: 150 euro...
Shuma në total e shpenzimeve mujore: përafërsisht 995 euro...
Ngelen 205 euro...
Me këto duhet të ha, të pi, të vishem, të paguaj siguracionin e makinës, taksat e qarkullimit rrugor...
Të heq edhe ndonjë lek mënjanë për ndonjë ditë të keqe...
Të gjitha këto ishin shpenzime pa marrë parasysh rritjen e Taksës mbi Vlerën e Shtuar, benzinën, ...
Po të përllogaris edhe atë, atëherë më duhet ta shtrëngoj rripin mirë, pasi nuk do të më ngelen për të jetuar as 100 euro në muaj...
Shans, që të bëj edhe një çikë dietë...

68 Komente

Mos çaj kokë...nuk jeni vetëm... së shpejti do dëgjosh dhe për anglezët!

P.s: Ai SMS1 më solli ndërmënd: "Edhe bar hamë dhe...."

edhe keta këtej "revolucionarë" janë, jo vetëm bar hanë, por ç'të duash, mjafton idealet të mos tradhtojnë.

Ja te rimodeloj pak llogarite e zoterise sepse e shoh qe shqiptaret pelqejne dramen, perhere nese lejon:

Paga: 1200 euro x 2(po marr si pikenisje nje situate familjare) = 2400 euro

Kostot e tjera ngelin te njejta: 995 euro

Mbetja: 1405

Ne Greqi, me koston me te ulet te jeteses se ne perendim, nje familje normale ia del sh. mire mbane.

la rosee, eksperienca ime ne itali, tregon se nuk ka familje qe te marri 2400. nje grua shqiptare, ne mestare mund te arrije te 600 euro nese punon. po nese ka femije ne shkolle atehre behet keq puna.

dhe sa per llogarite, ncuq, ncuq ncuq qe nuk dalin.

Zotëri!

Po gjete ndonjë grua në Greqi që merr 1.200 euro të heq kapelen. Pastaj meqë po flet për koston e njëjtë të jetesës shpenzimet dyfishohen, apo pakësohen kur je dy veta? Kur ke fëmijë? kur ke taksa për të paguar? Kur njëri punon dhe tjetri jo?

Përpara se t'u heqësh kapelen të tjerëve për lëvizjet e zgjuara dhe për të thënë se shqiptarët i pëlqejnë dramat, mendohu disi më thellë.

Po ashtu edhe për t'u bërë llogaritë të tjerëve është më e kollajtë.

Dhe e fundit. Nuk është e nevojshme të komentosh gjithçka që lexon, sidomos kur shkrimet e disa blogjeve importohen automatikisht dhe pa dijeninë e autorëve.

prandaj: Përshëndetje revolucionare, edhe pse komenton me pseudonim

 "Shterngo rripin Thanas"

Po e shtrëngojmë rripin sa s'ka ku të vejë më. Vetëm togëza është rrotulluar rreth mesit, se rrip s'ka më...

Une besoj qe nje familje, aq me teper me koston e ulet te jeteses ne Greqi, ia del mire mbane me 2400 euro/muaj. Jete luksoze me aq para s'do besh, eshte e qarte, por nje jete normale po. Kostot e banimit dhe parkingut te ngelin te njejta. E vetmja variabel ketu eshte ushqimi dhe veshja; me aq sa kushtojne ne Greqi s'jane ndonje peshe e paperballueshme.

Pse nuk paguhen grate sa meshkujt? C'ben ti me teper se nje femer?

e kotë më duket të debatoj me ty. Ndoshta ti jeton në ndonjë shtet ku pagat janë 2.400...

e di ti që paga mesatare në Greqi varion nga 700- 800 euro në muaj? dhe ata që marrin mbi 1.000 euro janë të privilegjuar?

kur çmimet janë njëlloj si në Gjermani, (meqë po shoh flamurin gjerman te profili yt), si mund t'ia dalësh. dha sa bëj unë më tepër se një femër, këtë pyet punëdhënësit grekë.

Të lutem, përpara se të bësh ndonjë koment tjetër, po qe se ke njeri në Greqi që jeton e punon, pyete sa merr, qysh merr, si ia del dhe sa i merr gruaja...

flamuri ndoshta është belg

Ardi, mos e merr me shume vrull pasi bisede te thjeshte po bejme, pavaresisht se ne shqiptaret sa behemi bashke nuk kemi kompleksitete per te diskutuar anen financiare.

Une njoh njerez atje dhe s'ma bejne kaq te zeze situaten. Poashtu kaloj dhe pushime dhe shoh qe çmimet jane me te ulta se ne perendim. 700-800 euro s'me ka thene njeri qe paguhen por mesa degjoj shpesh pagat sillen rreth 1000-1100 tek punonjesit pa pregatitje universitare ne Greqi, kurse ata qe kane studiuar atje qendrojne me lart.

Ardi, flm per shkrimin. Ankesat ne raste te tilla jane me vend, duke qene se ti personalisht nuk ke faj per gabimet e te kaluares.

Megjithate, ka dicka ne kete mes qe nuk shkon. Po i bie shkurt: Europa s'ja ka fajin Greqise, keshtuqe "ortaket" nuk i kane ndonje borxh. Politika greke ka fajet e veta. Ama dhe populli ka pjesen e vet. Apo e kam gabim? 

Ka nje dallim te madh mes shqiptareve, grekeve, italianeve, spanjolleve dhe anglezeve, suedezeve, etj. Dmth, mes jugut dhe veriut te Evropes. Dhe ky dallim, i thene trashe, eshte i lidhur me dedikimin ndaj shtetit. Ne te jugut, gjejme lloj-lloj menyrash per te evituar taksat dhe detyrimet ndaj shoqerise ne pergjithesi. Kjo fillon tek punetori i thjeshte, dhe ngrihet deri tek paria politike.

Mbase e kam gabim, por probleme te tilla nuk vijne thjesht nga jashte, apo nga siper.

la_rosee, nuk eshte ashtu  realiteti e dashur. Te punosh ne privat ketu, maksimumi, tete orarshi ne dite, vijon nga 35-40 euro. Te marresh 50-60 euro, duhet te te bjere me nder b*tha ne pune, ose te punosh dy pune ne dite per te arritur maksimumin. Atehere sipas llogarise, i bie 700-800 euro ne muaj. Privilegjin me te madh ketu e kane punonjesit e shtetit, paga e te cileve arrin deri ne 1200 euro(me orare shtese). Eshte shtrenjtuar jeta vitet e fundit e sapo vjen e me shume. Kjo renie duket ne menyren e jeteses se qytetarit ketu. Psh, nuk defrejne me si me pare. Ndonje te premte a te shtune, mundet. Nuk blejne me si me pare. Kalojne jashte vitrinave pa guxuar te hyjne brenda. Behet nami kur eshte periudha e skontove dhe me te drejte(na shitet malli kinez si italian, mashtruesa te medhenj). Pushimet e veres po ashtu, preferojne t'i kalojne ditore ose me lire iu bie jashte shtetit sesa ketu. etj etj qe nuk ia vlen t'i rrjeshtoj.

Per cilat cmime behet fjale qe jane me te uleta se ne perendim? E vetmja qe kam vene re, jane qerate e shtepive.

 Ah, se harrova, edhe cigaret, 3.20 euro smiley

Shyqyr thuaj qe u hapen super-market-e gjermane si Lidl apo Aldi (se produktet greke shiten me shtrenjte) qe njerezia po ja del disi.

Psh, nuk defrejne me si me pare. Ndonje te premte a te shtune, mundet

 

E "tmerrshme", si mund te jetoje njeriu duke defryer vetem te premteve a te shtuna. Poshte Europa smiley

Admino, po jeta e grekut dëfrim është mer lal. smiley

Mos na e qani hallin, ua kam thënë. Kur grekët vuajnë, ata nxjerrin artistin brenda tyre. Këngët më të bukura këtej, i përkasin periudhës më të vështirë.

Si më thotë një shok, është mirë të jesh pa lekë. Bëhesh "interesant".

Po më së shumti... bëhesh komunist. smiley

 

Këngët më të bukura këtej, i përkasin periudhës më të vështirë. Si më thotë një shok, është mirë të jesh pa lekë. Bëhesh "interesant".Po më së shumti... bëhesh komunist. "

Ohh paska plasur komunizmi andej nga Greqia! S'ke faj edhe ai frymezuesi i komunizmit dhe shoku i ngushte i Marksit i quajtur Frederiku i Engelsve keshtu ka thene "Koha titane nxjerr titane" smiley

Një ditë përpara se të komunikonte masat, tepër shtrënguese dhe shokuese, në mbledhjen e Këshillit të Ministrave, kryeministri, J. Papandreu, shprehu emocionin, por edhe mallëngjimin e tij, pasi sikundër deklaroi “Njerëzit e thjeshtë, e ndalojnë në rrugë dhe i thonë se për atdheun, edhe rrogën time e sakrifikoj”!...

E gjithe kriza financiare ne Greqi i ka rrenjet tek mossinqeriteti.

Edhe ne kete rast, ne vend qe kryeqeverisesi grek tu thote qytetareve te vet: "ore bashkeqytetare, kemi vetem dy rruge, te cilat jane te dyja shume te dhimbshme: ose te reformojme me te vertete shtetin dhe menyren tone te jeteses ose ky shtet, dhe bashke me te edhe ju, do te falimentoje. Rruga e pare eshte shume e dhimbshme, sepse na ben te heqim dore nga nje mireqenie e cila kishte bazen ne ajer, pa i patur fare kembet ne toke, dhe do te na beje qe te punojme shume dhe te festojme me pak dhe ne fund nuk do te kemi mireqenien qe kishim para nje viti, por te pakten do te shpetojme fytyren tone. Rruga tjeter nuk mund ta percaktosh si te dhimbshme, eshte katastrofa totale.", kryeqeveritari grek tregon akoma perralla me patriotizem. Dhe pastaj habitet me qytetaret e vet, kur nuk e beson me njeri, qe veza, jo vetem ka ardhur ne bythe, por ka dalur edhe gjysem perjashta. Habitet pastaj qe, kur vjen puna tek mireqenia personale, nuk pjerdh me njeri per patriotizem.

Ndoshta bëhet fjalë për njerëz që e ndalojnë në rrugë zotin Papandreu dhe i deklarojnë se do të sakrifikojnë rrogën e tyre mujore, pra, ndoshta bëhet fjalë për njerëz, të cilët ndoshta nuk e kanë kuptuar, se, kështu si po venë punët, shumë shpejt, kostoja e një “vizite” në supermarket, do të jetë e barabartë me një natë në buzuqe...
Dhe në buzuqe një shishe bën 300 euro...

Ard, menyra per te shprehur nje krahasim te tille, te ben te kuptosh krizen greke, e cila nuk eshte vetem financiare, por edhe morale dhe sociale. Te verteton edhe njehere mendimin qe greket prej vitesh kane jetuar pertej mundesive te tyre.

Padiskutim që masat ishin të nevojshme dhe tepër të domosdoshme. Askush nuk e mohon këtë, aq më tepër unë.

Por realiteti në Greqi është tjetër, as ai që paraqitet nga grekët, as ai që paraqitet nga bota jashtë, thënë me dy fjalë, nga parterët europianë, sidomos ata gjermanë.

Natyrisht që në Greqi ka evazion fiskal që nga i pari e deri tek i fundit. Natyrisht (la_rose) që në Greqi fajin e kanë të gjithë për gjendjen tragjike ekonomike dhe për falimentimin e shtetit. Dhe fajin kryesor e ka politika, pastaj qytetarët.

Por e vërteta është paksa më e ndryshme.

E para: Gjermania me Traktatin e Maastrihtit krijoi "monedhën e përbashkët sipas masave të saj produktive, duke u hequr qysh në fillim anëtarëve më të dogbt të Eurozonës" çdo lloj mekanizmi apo mundësie absorbimi dhe ekuilibri."

E dyta: Të gjitha ato para që jep Gjermaniapër "Buxhetin e përbashkët" të BE i fiton shumëfish nga një treg shumë i gjerë që ka krijuar sipas "interesave" të saj.2/3 e parave gjermane e kanë burimin nga tregjet e Eurozonës.

Dhe e treta: Mos të harrojmë se kostoja e ulët e e Gjermanis dhe e borxheve gjithnjë e në rrite të Jugut të Europës në favor të Gjermanisë, e ka burimin edhe në shfrytëzimin e krahut të lirë të punës në Gjermani, sidomos dhjetë vitet e fundit,me punëtorët gjermanolindorë.

Edhe pagat e ndryshme brenda Eurozonës e nënvlerësojnë Euron. një politikë monetare pa një arkë të përbashkët europiane, e hedh në ajër tolerancën. ky është problemi dhe jo grekët "dembelë", as "Mashtruesve të jugut të Europës"

E para: Gjermania me Traktatin e Maastrihtit krijoi "monedhën e përbashkët sipas masave të saj produktive, duke u hequr qysh në fillim anëtarëve më të dogbt të Eurozonës" çdo lloj mekanizmi apo mundësie absorbimi dhe ekuilibri."

 

Po nqs Euro s'i vjen per shtat Greqise atehere perse u fut Greqia ne Euro (biles mashtroi per tu futur) dhe pse qendron akoma ne kete bashkim vullnetar? Dhe te lutem Ardi mos jep pergjigje shakaxhie si me siper smiley

Ja dhe pak, disa ekonomiste prominente gjermane e kane hedhur idene qe europa te ndihmoje greqine ne kembim te largimit vullnetar te kesaj te fundit nga euro, se per ta perzene nuk e perzene dot smiley
Mashtrimi paguhet

Cili shtet europian nuk mashtroi që të hynte në Eurozonë?

Ard, me kete lloj arsyetimi, nuk bejme gje tjeter, vecse "greqizojme" debatin.

Cfare do te thuash, kur ben dy here pyetjen. "Cili shtet europian nuk mashtroi qe te hynte ne eurozone?"

Ishte gje pyetje retorike, qe te mos te kthejme pergjigje?

Po kjo pyetje do te kishte vlere si retorike, nese pergjigja do te ishte me te vertete ajo qe na sugjeron ti, dmth te gjithe shtetet mashtruan qe te hynin ne eurozone. Por ne momentin qe une te them qofte edhe nje shtet te vetem, psh Luksemburgu, qe  nuk paska mashtruar, atehere cfare vlere mbrojtese ka pyetja jote retorike ne lidhje me Greqine?

Por puna eshte qe te mos kalojme nga diskutimi i ceshtjes ne debat sofist personal ndaj njeri-tjetrit.

E thashe edhe mesiper. Problemi kryesor i Greqise nuk ka te beje ne rradhe te pare me veshtiresine e gjetjes se kredive financiare te nevojshme. Problemi kryesor i Greqise qendron tek mossinqeriteti. Dhe kjo jo ne lidhje me faktin qe mashtroi apo trukon ne menyre konstante statistikat. Ka te beje ne rradhe te pare me mungesen e sinqeritetit dhe vullnetit te politikes greke ne rradhe te pare dhe pastaj te popullit grek, per te pare ne sy gjendjen ku jane dhe per ti vene gjoksin punes, per te dale nga kriza. Madje, per te folur me sakte, kriza nuk eshte e Greqise, eshte e eurozones, e Gjermanise, e Frances dhe te shteteve te tjera me rradhe. Per Greqine kjo gjendje nuk perben krize, eshte dicka me katastrofale, eshte falimentim. Gjendja e krizes financiare per Greqine eshte tejkaluar, qekur u rrezua qeveria e kaluar dhe erdhi qeveria e re.

Dhe nuk eshte aspak e vertete, qe gjendjen ku ndodhet tani Greqia na e paskan shkaktuar "analistet" dhe "gazetat" e huaja. Paniku ne tregjet financiare shpertheu, kur ministri i ri i financave deklaroi, qe e kishte gjetur financen e shtetit me te rrenuar sesa e kishte marre vete me mend dhe se deficiti buxhetor nuk kapte shifren e 6% sic ishte deklaruar mepare, por te pakten 12,5%, dmth dyfishin e deklaruar dhe meteper se katerfishin e lejuar. Procesin e shpejtoi edhe vleresimi nga ana e Fitch me noten BBB+ dhe pastaj edhe te agjensive te tjera nga A- ne BBB+. Kam shkruar per kete disa muaj me pare:

pedro - 11 Dhj 2009 - 11:14pm

Do Zoti nuk falimenton Greqia thuaj, pa ta shikoni ju edhe euron, edhe lekun, edhe emigrantet, edhe ekonomine shqiptare me rritje 8%, edhe bankat shqiptare me zoter greke.

Megjithese sic duken bathet, ere te keqe po i vjen Greqise. Fitch ja dha nje BBB+, kurse Standard & Poor´s akoma jane tek A-, por thone qe edhe ajo eshte shume e rrezikuar. Te shofim njehere cfare do te beje BE-u, do ti fuse ndonje euro tek breckat kurves greke, apo do ta beje hasha? Sido qe te jete, perseri humbese ne kete mes eshte euro.

Analistet dhe gazetat e huaja reaguan, pasi i kishte marre muti shalet.

Por llafet e shumta jane fukarallek. I gjithe debati i BE me Greqine perqendrohet ne ate, qe nuk ka ndihme pa kushte. Nuk ka ndihme per te mbajtur gjalle Greqine, por do te kete ndihme per te ndihmuar Greqine qe te ngrihet vete ne kembe dhe te reformoje njehere e mire financat e shtetit. Cdo gje tjeter do te ishte vecse mbajtja ne koma e nje pacienti qe nuk ngjallet dot, dhe kjo do te ishte edhe goditja per vdekje qe do te pesonte euro dhe pas saj e gjithe ekonomia e Bashkimit Europian  dhe pas saj e gjithe ekonomia boterore.

Gjeja e pare, qe duhet te ndodhe, eshte sqarimi pa lajle e lule i popullsise, qe rruge tjeter, pervec reformave nuk ka, perndryshe Greqia eshte e humbur. Por kjo nuk behet me historira papandresh me qytetare qe e ndalojne, qe japin edhe rrogen e tyre mujore per atdheun.

A e kupton Ard, ku qendron i gjithe thelbi?

Nuk më kuptove:Unë në masën 99% jam me të gjitha ato që shkruan ti, pasi të njëjtin arsyetim ndjek edhe unë. Por do të vazhdoj të këmbëngul që kriza jo vetëm u shkaktua nga grekët dhe politika greke, por një rol jo fort të vogël luajtën edhe të huajt, pasi u intereson një situatë e tillë.

Sa për mungesën e sinqeritetit dhe të manipulimit të statistikave, ajo u mësua qysh vitin e para të hyrjes në Eurozonë, bile përpara se Greqia të Hynte në Eurozonë, kishte  nga ata brenda e jashtë Greqisë që këmbëngulnin se statistikat e paraqitura ishin të gënjeshtërta dhe se Greqia nuk i plotësonte as në minimum kushtet për të pasur monedhë Euron.

kur këto zëra ishin qysh atëhere, përse BE e la gjendjen të vinte në këtë pikë?...

prandaj, siç e thua edhe ti :"kriza nuk eshte e Greqise, eshte e eurozones, e Gjermanise, e Frances dhe te shteteve te tjera me rradhe. Per Greqine kjo gjendje nuk perben krize, eshte dicka me katastrofale, eshte falimentim."

E sheh që jemi në të njëjtin emërues të përbashkët, me përjashtim të faktit që unë që jetoj këtu vazhdoj të këmbëngul se nuk janë vetëm grekët fajtorë, qoftë për mossinqeritetin, qoftë për mungesën e vullnetit e të dëshirës për të punuar që të dalin nga kriza...

Po nqs Euro s'i vjen per shtat Greqise atehere perse u fut Greqia ne Euro (biles mashtroi per tu futur) dhe pse qendron akoma ne kete bashkim vullnetar? " nga admin

Une paguaj gati 50% taksa per momentin, pse duhet te paguaj me shume se greket (politikanet me shume) per me se 20 vjet kane mashtruar, anashkaluar pagimet e taksava etj etj nderkohe qe ata prape po marrin fonde nga europa. " Nga kush ma ka lep...

Ketu kemi dy situata:

1. Greqia nuk mund te dale nga Euro zona sepse ka hyre shume thelle dhe nuk mund te qendroje e vetme ne kembe. Ato thirrjet e politikaneve greke jane vetem klithmat e atij qe ka nje kembe ne varr the thote "me shpetoni mua se perndryshe do t'ju marr me vete edhe juve"! Dhe kane te drejte me kete se situata eshte e tille!

2. BE-ja nuk mundet ta lere Greqine te falimentoje sepse ka investuar ne menyre masive ne Greqi dhe ne qofte se bankat greke falimentojne atehere reaksioni zinxhir do te jete i llahtarshem per te gjithe euro zonen! Ketu nuk behet fjale per kredite e akorduara nga BE-ja sic dikush permend me lart. Behet fjale per investimet masive te bankave te investimeve!

Pra ketu nuk kemi te bejme me nje situate "Take it or leave it" (o merre o lere). Te gjithe jane te detyruar te bejne pjesen e tyre te dalin nga llumi ku jane zhytur.

...ne qofte se bankat greke falimentojne...

Kriza eshte shteterore dhe pavaresisht se mund te hidhen hipoteza mbi ndikimin e "falimentimit" shteteror tek sipermarrja private, nuk mund te thuhet qe do falimentojne bankat thjesht sepse shteti s'ka pare te pagoje borxhet e veta (cila banke Argjentinase falimentoi?).

 

BE-se nuk i kushton gje ta shpetoje Greqine se kokoshka jane ato 40 miliard EUR qe kerkon Greku po nuk eshte se humbet nga dobesimi i tanishem i EUR.

admino me respekt por ka dy gjera qe nuk qendrojne:

Kriza eshte shteterore dhe pavaresisht se mund te hidhen hipoteza mbi ndikimin e "falimentimit" shteteror tek sipermarrja private, nuk mund te thuhet qe do falimentojne bankat thjesht sepse shteti s'ka pare te pagoje borxhet e veta (cila banke Argjentinase falimentoi?)."

Une nuk e di sa njohuri keni ju nga fusha e marketeve financiare (shares, bonds, futures, insurance, pension, credit default swaps, CFDs, laverage etj) dhe investimet e bankave te investimeve jo bankave normale (retail bank)!  Me respekt kriza e sotme financiare nuk eshte ne asnje menyre krize shteterore por krize ne dhenien e kredive ne sektorin bankar privat (credit crunch) sepse bankat dhane shume para ne nje kohe tek njerezit qe nuk kishin mundesi te paguanin kredine dhe ketu filloi e tatepjeta! Njerezit filluan te falimentojne duke mbetur si peshku pa uje. Bankat nuk i japin para njera tjetres ose i japin me pikatore (overnight landing) pra eshte nje zinxhir i gjate qe do shume te shpjegohet! 

BE-se nuk i kushton gje ta shpetoje Greqine se kokoshka jane ato 40 miliard EUR qe kerkon Greku po nuk eshte se humbet nga dobesimi i tanishem i EUR."

Me respekt edhe njehere por kjo me lart eshte thjesht mentalitet shqiptar. Po them dicka dhe mos e harro "nje cent ne Europe eshte me i shtrenjte se nje cent ne Shqiperi"

Gjithe te mirat!

 

Ardo, me cer m'trego ktu, Greqia qeka llaftar. Ik er daj nga syte komet, ktheu m'tiron se do jesh 100 her mo mir. Per emigrantet si ti me vjen keq, per grekt hic fare, erdhi me ne fund koha te dalin lakuriq sic jane, mashtrues, abuzues dhe qelepirxhinj. Ne hale vafte Greqia dhe Europa qe kerkon te zgjerohet me lloj-lloj plehrash.

Dajo ku të kthehem mor mik? Se mos ka hapur krahët Shqipëria e po na pret ne. Në Shqipëri nuk janë rregulluar ata që jetojnë atje, jo më ne që kemi 15 vjet jashtë...

Ardi, ke te drejte vella, po le ti marrim gjerat shtruar:

Se pari, krahe te lire pune ose gati falas ose ka pasur greqia me gati 1 milion shqiptare, filipineze etj o nuk ka pasur shtet tjeter. Asnje kacidhe nuk iu eshte hedhur emigranteve te shkrete dhe shteti grek per te pakten dhjete vitet e para nuk shpenzoi asgje per krahun e lire te punes. Nuk mund te krahasosh punetoret gjermano lindore me shqiptaret ne greqi apo dhe ne Itali po deshe.  Edhe per diferencat e rrogave ne zonen e EU nuk mund t'ja vesh fajin arkes se perbashket. Ajo varet nga politika kombetare dhe ekonomia e cdo shteti. Nuk mund te krahasohet Gjermania apo Franca etj me Greqine me sa marin mbrapsht. Po ama japin edhe shume.

Ne qe jetojme me ne perendim e ndjejme luhatjen e euros per shkak te ekonomise greke. E vertete qe greket do vuajne me shume, po po bejne te vuajne dhe te tjeret. Me parate qe evropa do i jape greqise nje pjese e mire do vije nga takspaguesit (ne dmth). Une paguaj gati 50% taksa per momentin, pse duhet te paguaj me shume se greket (politikanet me shume) per me se 20 vjet kane mashtruar, anashkaluar pagimet e taksava etj etj nderkohe qe ata prape po marrin fonde nga europa.

Se dyti, duke pasur jetuar dhe vete ne Greqi per disa vite, sidomos kur fondet strukturale jepeshin pa kufi per Greqine, Irlande, Portugaline etj, shumica mashtronin (te pakten ne sektorin e bujqesis/blegtorise). Asnje nuk vinte numra te sakta ne sa hektare toke kishin, sa koke bageti, etj etj. Kjo nuk do te thote qe greket jane ne mase mashtrues e dembela po nje pjese e mire ne pergjithesi i pershtatet pakza stereotipit ballkanik qe te bejne sa me pak e te perfitojne sa me shume.

Keshtu qe le te mos akuzojme gjermanine apo francen etj etj per krijimin e monedhes se perbashket. Greqia mashtroi per te hyre ne euro, nuk ishte gati fare, po fale bankave amerikane hyne. Mund fare mire te rrinin jashte si Suedia, Danimarka apo Anglia deri sa te forcohej ekonomia.

Nejse, e rendesishme eshte qe te dale nga situata duke menduar sasine e madhe te shqiptareve aty.

Tani greket jane bere si jevgjit, nuk dine cte bejne e Pangallo ulert neper mbledhje se Gjermanet gjate luftes ju kane vjedhur floririn e ku e di une se cfare... po te vazhdojne keshtu do dalin akoma me te humbur...

 

Ke të drejtë në shumicën e atyre që shkruan. asnjë kacidhe nuk është hedhur për emigrantët, veçse u janë marrë. Këtu qëndron njëra nga çështjet e pabarazive sociale.

Po ashtu edhe mashtruan për të hyrë në Eurozonë. Por cilët shtete nuk mashtruan?

 Edhe që e kanë grabitur Europën është e vërtetë. Edhe që kanë një mentalitet ballkanik, anadollak, dembelizëm, etj, etj...

Edhe kjo është e vërtetë.

Por mos vallë këto përbëjnë justifikim që një shtet europian të denigrohet e të falimentohet jo vetëm prej faktorëve objektivë, por edhe atyre subjektivë?

faktorët objektivë janë vetë grekët, politika e politikanët e saj.

faktorët subjektivë janë "analistët" dhe Politikano- ekonomistët europianë", të cilët shohin vetëm shifra dhe jo njerëz pas tyre...

 Me te ngel vetem 150  euro per te kalu??? nuk e kuptoj se pse duhet me nejt aty akoma???

Vrap per  tirone, edhe aty do kesh sms -ra po do ti kesh shqip te pakten..

Ti dhe pa takse paske qene vrug fare....

"kinezo" rri urte ti se paske qene me fat! Peshkun e lejokan aty ne Kine! Pa provo Google njehere! smiley

 Hapet hapet ,, se na e bone gjakun uje.  smiley)

 250..

 

Me parate qe evropa do i jape greqise nje pjese e mire do vije nga takspaguesit (ne dmth). Une paguaj gati 50% taksa per momentin, pse duhet te paguaj me shume se greket (politikanet me shume) per me se 20 vjet kane mashtruar, anashkaluar pagimet e taksava etj etj nderkohe qe ata prape po marrin fonde nga europa.

Edhe populli vet ka ca faj per mendimin tim, nuk jane mesuar t'i paguajne detyrime shtetit, madje eshte nga ata popuj qe pak llogari tu kekosh te zene rruget me kamiona.

Vilat qe shihja ne Greqi, gjermani i sheh ne enderr ketu, edhe mbi shtresen e mesme te jete. Vet greke ma kane thene si gjys me te qeshur: "Ketu njerezit mire jane, po shteti eshte i varfer". Vallaj, me te thatin digjet dhe i njomi, por c'borxh u kam une si taksapaguese grekerve? Aq me teper qe ketu mosha e pensionit eshte 67 vjec, kurse nje grek qe 52 e hidhka shapken mbi sy!!! Jo, jo, s'e gelltis dot!

Une paguaj gati 50% taksa per momentin

Qe te taksohesh 52%- 50% s'egziston duke pare qe taksohesh ne grupime te ardhurash, jo ne baza individuale-duhet te kesh mbi 53.065 euro/vit te ardhura. Me tutje, nuk taksohesh 'per momentin' por taksohesh psh. ne 2009 per te ardhurat e 2007.

Me te ngel vetem 150  euro per te kalu??? nuk e kuptoj se pse duhet me nejt aty akoma???

Se ke keq ti, kur te arrijne puna tek numerimi i centeve i bej naften atij vendi. Buke thate per buke thate, me mire ne vendin tend.

Leshte!

Leshte!

#-o Tell you later! smiley

agent, ma more nga goja te njejten pietje do beja dhe une

sa per te ardhurat e mia nuk ka rendesi ti reklamoj, po tatimi me bie gati 50%. La rosse ka te drejte qe tatimi behet me grupime te ardhurash.

ne fishen time te rroges ndryshimi brut nga net eshte gati 50%.

tatimi shkon kundrejt sigurimeve te ndryshme shoqerore, shendetesore, ekstra hosipitalizacion, etj etj etj

Nese llogarit qe taksohesh ne te ardhurat bruto, nuk eshte ndonje shume e madhe vjetore qe merr mbas zbritjes te taksave. smiley

Duke pare sherbimet qe mbulon me ate taksim, une jam shume e kenaqur t'i paguaj.

Po c'na zuri ky muhabet njehere?! smiley

Nese llogarit qe taksohesh ne te ardhurat bruto, nuk eshte ndonje shume e madhe vjetore qe merr mbas zbritjes te taksave. "

Pupu te pangopurit! #-o Te tjeret po marrin nga 600 euro/muaj andej poshte dhe nuk ankohen!

 

po nuk po ankohet njeri fare o lal. edhe une e pranoj me kenaqesi cdo gje qe me mbahet nga rroga, sidomos kur mendon se me kete situate muti do te mund te sigurosh nje pension normal kur te vije koha... se po na ikin dhe vitet jo per gje smileyp

 

Ishte shaka! Edhe une ne ato ujera jam! smiley

Kush qeka ky qe paguka rreth 50% taksa? A ka mundesi te na i zbertheje nje nga nje qe ta kuptojme edhe ne qe spagujme fare? Ose te pakten qe kujtojme se nuk paguajme.

Edhe, rosee?! Thua se ato para nuk jane para djerse e kualifikimi? Si mund te mbahet nje shtet social si Gjermania, po nuk ish dikush qe te paguaje?!

Ketu te kualifikuarit gjermane kane filluar t'ia mbathin ne Zvicer, se po pate dhe bashkeshortin qe te fiton po aq mire ta katandisin kokoshin nje thele. Nuk behesh kurre i pasur ne Gjermani, aq me teper nga ata te pasurit alla greka, qe jane dhe te pashkolle per me teper.

Agent, na fol pak per taksimin ne UK.

Per 2009-2010 (tax year fillon ne 6 prill dhe mbaron ne 5 prill te vitit te ardhshem)

1- £6,035 e para pa tax
2- £0-£2,440 e dyta 10% (pas 1)
3- £0-£37,400 e treta 20% (pas 2)
4 - mbi £37,400 40% (pra thyen limitin e 3)
5 - Rrogat mbi 150 mije (50 % tax per shumen pas limitit te 40% vitin e ardhshem)

Gjithmone llogaritet 1+2+3 deri tek 4 ...

Tani sa takse paguaj une? Tell you later! smiley

Ne Itali kuneo fiskale eshte 49 % te ardhurave, duke llogaritur edhe fondin e pensionit, sepse duke qene e detyruar quhet takse.

Pastja sipas fitimit ke edhe lehtesira, pagesa e shkolles per femijet, taksa mbi fitimin, ne shendetsi.

Ne Itali nuk ke leverdi te punosh me shume qe te kalosh 33 mije eurot ne vit, ate qe "fiton" me shume e paguan si takse.

Qeraja eshte 600 euro per nje apartament 80m2, benzina 1,380litri, dritat 170 euro ne dy muaj, ngrohja 1300 euro ne vit, telefoni 120 euro per dy muaj, taksa e plehrave 200 euro viti, shkolla 60 euro ne muaj.

Nje familje me dy femije me 1500 euro, nuk jetohet.

Ne fabrike, paga baze eshte 1260 euro.Ka vite qe çmimet rriten, pagat kane mbetur vendnumero, bejne perjashtim buxhetoret, ku paga i rritet, pak por per çdo vit.

Italia eshte ne nje krize te forte, mendo qe kete vit, PIL ka rene me 5%, eshte ne nivelet e 1988, industria ka nje renie prej 18%.

Eshte per tu pergezuar, optimizmi.

600 euro 80m2  ???????!!!!!!!!! Jashte qytetit ndoshta, perndryshe aha 1200- 1600 euro!!!

Dritat me duken shume nese e ke ngrohjen me gaz!

Nuk jetoj ne Rome.

Qytet i rendesishem, qender ( jo tek monumenti i heroit kombetar) i thuhet, dhe eshte shtrejte. Nje vendas me shume m2 paguan gjysmen qe paguaj une.

Nje kohe faturat ishin "faturicka" 60 euro dritat, 45 euro telefoni, pa adsl, shkolla 18 (36) euro, gazi per gatim 12 euro.

Sot jane FATURA, 170 drita, 130 telefoni, 160 euro shkolla, per dy muaj kam fjalen, nga 800 euro  qe ishte ngrohja ( per vit) kete vit eshte 1280 euro.

Ard, eshte  me se e vertete, qe ne te dy, secili per vete, ndikohet prej mediave te vendeve ku ndodhemi. Por te pakten le te mendojme paksa me trute tona dhe te arsyetojme pak. E kuptoj qe kjo puna e "grekeve dembele" dhe e "mashtruesve te jugut te Europes" eshte nje spond ndaj artikullit te revistes "Focus", por ma beso, qe nuk eshte kjo fryma, qe mbizoteron ne Gjermani ndaj grekeve. Edhe "Focus" dihet se nga cila ane anon, keshtuqe ketu nuk ia ve veshin shume njeri. Por pastaj gjendja rendohet kur lajthitjet e nje reviste bulevardeske te djathte interpretohen nga ana e funksionareve kryesore te qeverise greke si qendrim te qeverise apo popullit gjerman dhe me kete kerkohet te krijohet nje fryme antigjermane apo antifranceze ne popull. Tani le te shohim pak me gjakftohtesi ato pikat qe kishe shkruar ti:

E para: Gjermania me Traktatin e Maastrihtit krijoi "monedhën e përbashkët sipas masave të saj produktive, duke u hequr qysh në fillim anëtarëve më të dogbt të Eurozonës" çdo lloj mekanizmi apo mundësie absorbimi dhe ekuilibri."

Fillimisht monedhen e perbashket nuk e krijoi Gjermania, por nje grup anetaresh te komunitetit europian. Argumenti i mesiperm me duket alla analistesh greke, qe tani kerkojne te gjejne fajin, t´ja rrasin dikujt, per te krijuar alibine e ndihmes pa kushte, sipas motos "ju na sollet ne kete dite, ju na nxirrni nga ky batak". Po mire, ja na e krijoi Gjermania. Po pastaj? Kush e detyroi Greqine qe te futej ne klub? Pastaj eshte paksa e turpshme, qe pikerisht greket te ankohen per rregullat e rrepta te Traktatit te Maastricht. Sipas statistikave, qe prej 2002 e ketej, Greqia vetem nje vit ka plotesuar kushtin e mbajtjes se deficitit te brendshem ne kuoten e 3% dhe dihet fare mire se si eshte arritur kjo gje. Ne te gjithe vitet e tjera ky deficit ka qene te pakten dyfishi i normes se lejuar. Kush ia terhoqi veshin Greqise? Ne gjithe keto vite me thuaj nje rast qe Greqise ti jete terhequr vemendja ose ti jete hapur procesi per tejkalimin e kesaj norme, nderkohe qe Gjermanise i eshte hapur dy here ky proces, kur deficiti ka kaluar dy here 3%.  

E dyta: Të gjitha ato para që jep Gjermaniapër "Buxhetin e përbashkët" të BE i fiton shumëfish nga një treg shumë i gjerë që ka krijuar sipas "interesave" të saj.2/3 e parave gjermane e kanë burimin nga tregjet e Eurozonës.

Po ti shohesh me gjakftohtesi marredheniet tregtare brendaperbrenda BE-se, nuk besoj se Greqia ka patur ndonje disavantazh nga keto politika tregtare. Tregjet e eurozones? Po kush i blen prodhimet greke, po te mos ishte BE? Shqiperia? Po BE per ke e beri zonen e perbashket tregtare? Per Shqiperine? Apo per Greqine, Spanjen, Irlanden dhe Portugaline? Po pastaj cfare mund ta akuzosh Gjermanine, perse eshte motorri i ekonomise europiane?

 

Dhe e treta: Mos të harrojmë se kostoja e ulët e e Gjermanis dhe e borxheve gjithnjë e në rrite të Jugut të Europës në favor të Gjermanisë, e ka burimin edhe në shfrytëzimin e krahut të lirë të punës në Gjermani, sidomos dhjetë vitet e fundit,me punëtorët gjermanolindorë.

Ky eshte spekullim i paster i analisteve dhe politikaneve greke, qe kerkojne te lajne duart prej vetes. Gjermania ka koston e punes nga me te lartat ne Europe dhe pagat e punonjesve ne ish Gjermanine Lindore ndryshojne fare pak nga ato te ish Gjermanise Perendimore. Sa per krahasim, nese nje punetor krahu ne ndertim merr 17 euro netto ne ore, ky punetor i kushton punedhenesit te tij 35 euro ne ore.

Eshte e vertete qe ne vitet e fundit te qeverise Schröder dhe ne vazhdim me qeverite Merkel u ndermoren disa reforma ekonomike, te cilat e bene tregun e punes me fleksibel dhe Gjermanine me teper konkurrente. Por pyetja qendron: Perse nuk i beri Greqia te tilla reforma me kohe? Eshte njesoj sikur te ankohesh qe skuadra kundershtare eshte e padrejte, sepse stervitet me shume dhe luan me mire.

 

Ard, nuk jane keto problemet e Greqise. Me te vertete qe ka edhe nje tendence te spekulimit me anen e CDS te Greqise, por edhe nga kjo ane BE dhe USA po i japin ndihmen Greqise, duke iu vene kufirin tek thana spekullatoreve. Edhe kredite do ia japin, por edhe Greqia nga ana e saj eshte e detyruar te beje detyrat e shtepise, qe ia kane dhene me vete.

Pedro. Dua të të sqaroj një gjë me shumë dashamirësi. Unë që shkruaja rreshtat e mësipërm nuk ndikohem edhe shumë nga "analistët grekë", pasi profesioni im është gazetar. kam 12 vjet që punoj si gazetar në Greqi dhe në gazeta shumë prestigjioze. Për dijeni punoj në një të përjavshme në shqip, ndërkohë që në shtypin shqiptar në Greqi punoj 12 vjet.

e kam theksuar dhe e theksoj se masat ishin tepër të rëndësishme dhe të domosdoshme, por për fat të keq ato po i paguan populli i thjeshtë taksapagues rrogëtar, pasi ata që i vodhën dhe e çuan Greqinë në këtë gjende që i ngjan një tragjedie antike, qarkullojnë të lirë e përqeshin neve që numërojmë kacidhet.

Pasi edhe Europa dhe "analistët europianë" nuk janë edhe aq të pafajshëm

Dikush thotë se kur numërojmë centët e euros, përse rrijmë.

Hajde de që kemi krijuar një jetë e familje këtu dhe është shumë e vështirë që në moshën 40 vjeçare të rifillosh nga e para...

Pasi edhe Europa dhe "analistët europianë" nuk janë edhe aq të pafajshëm

Faji eshte teresisht i grekeve. Kane mashtruar met vetdije sistematikisht BE me te dhenat e tyre ekonomike qe te futeshin ne eurozone.Nuk ishte nevoja te futeshin ne eurozone aq shpejt,nuk ishin (jane) gati.Te prisnin dhe ca,sic po bejne vende te tjera.

Kane shperdoruar,   (vjedhur,bere shpenzime maramendese joproporcionale ne ushtri etj etj etj),   miliarda e miliarda leke qe kane mare nga europa hera heres,qe te ngrinin ekonomine e vendit te tyre ne njefare niveli te kenaqshem europian. Kujto ketu te famshmet ''paqetat De Loor'',fundi i viteve 80 dhe ''paqetat Pineiro'',mesi i viteve 90.

Me kujtohet njehere aty diku nga fundi i viteve 90 minstri i jashtem i asj kohe i Greqise, Pangalos kthehet Brukseli ku nder te tjera Greqia ishte kritikuar ashper per shperdorimin qe u bente fondeve europiane. Kur gazetaret greke e pyeten per kritikat, Pangalos tha: ata (europianet veriore) na kane ''inat'' se ne dime te defrejme e te kenaqemi. Ata jane te ''ftohte'',dine vetem punojne dhe dalin nga shtepia  te shtunen ose te djelen. Duan qe ne, te behemi si ata. Ata kane ''komplekse''.

E ti thua kane "faj"dhe europianet?!

 

Natyrisht që kanë faj edhe "analistët perëndimorë", sidomos për panikun që krijuan, për klimën negative që krijuan dhe po mbajnë, pasi me "analizat" e tyre bënë që bursat dhe tregjet të mos ngrenë kokë dhe të mos i japin mundësi as Greqisë që të marrë frymë.

Pastaj nuk është as serioze, as normale që në shkrimet e tyre të kërkojnë të shesin ishujt, apo edhe Akropolin...

(Njëlloj sikur t'i kërkosh Shqipërisë të shesë monumentin e Pavarësisë, apo të Skënderbeut, Kalanë e Krujës...)...

Greqia dhe grekët, e theksoj vazhdimisht që nuk janë të pafajshëm për gjithë këtë krizë dhe për falimentimin e shtetit, por po kaq faj kanë edhe "partnerët e tyre europianë"...

Askush nuk duhet të kapet nga shprehje, apo thënie të politikanëve të ndryshëm, të thëna nëpër vite, që zakonisht thuheshin ose për konsumim të brendshëm, ose për humor, ose për t'u bërë qejfin, apo ngacmuar disa, sipas kushteve e rrethanave politike, sociale e historike...

Edhe nje here. Greqia insistoi dhe mashtroi te futej, ne eurozone me grupin e pare, vendet e pasura. Por normat per tu futur ne eurozone ishin dhe jane teper te larta p.sh deficiti buxhetor nuk duhet te jete me i larte se 3%,shifer kjo qe per hir te vertetes nuk arrihet as nga vendet e pasura te BE. p.sh deficiti i Gjermanise eshte rreth 4%,Frances rreth 5% etj.

Pyetja eshte ce detyroi Greqine,e cila  e dinte qe ishte shume larg plotesimit te normave te genjente,te futej ne eurozone? 

Ce gjeti p.sh Cekine,Sllovakine,Hungarine,Sllovenine etj qe me te drejte nuk u nguten te futen ne eurozone?

Askush nuk duhet të kapet nga shprehje, apo thënie të politikanëve të ndryshëm, të thëna nëpër vite.......... .

Kjo nuk eshte thjesht nje ''shprehje''. E kam sqaruar mire se kur e tha pse e tha e si e tha.  Pangalos eshte diplomat me pervoje dhe shume inteligjent. Indirekt i beri te ditur me ''humor'' opinionit ''buzukci'' grek, ''evropi nuk na shikon me me sy te mire'',duhet te ulim koken ,te punojme.

Pastaj nuk është as serioze, as normale që në shkrimet e tyre të kërkojnë të shesin ishujt, apo edhe Akropolin...

Me qe e kishim fjalen te......: ''Askush nuk duhet të kapet nga shprehje, apo thënie të politikanëve të ndryshëm''............  dhe gazetareve,e analisteve do shtoja une.

"...Me kujtohet njehere aty diku nga fundi i viteve 90 minstri i jashtem i asj kohe i Greqise, Pangalos kthehet Brukseli ku nder te tjera Greqia ishte kritikuar ashper per shperdorimin qe u bente fondeve europiane. Kur gazetaret greke e pyeten per kritikat, Pangalos tha: ata (europianet veriore) na kane ''inat'' se ne dime te defrejme e te kenaqemi. Ata jane te ''ftohte'',dine vetem punojne dhe dalin nga shtepia  te shtunen ose te djelen. Duan qe ne, te behemi si ata. Ata kane ''komplekse''.

E ti thua kane "faj"dhe europianet?!..."

Tekstualisht fjalët që shkruaje...

"Sa per krahasim, nese nje punetor krahu ne ndertim merr 17 euro netto ne ore, ky punetor i kushton punedhenesit te tij 35 euro ne ore."

Pedro, këto paga janë në Gjermani, ku një punëtor merr 17 euro në orë, se në Greqi një punëtor në ndërtim me 50-55 euro në 8 orë.

  Me te vertete qe ka edhe nje tendence te spekulimit me anen e CDS te Greqise, por edhe nga kjo ane BE dhe USA po i japin ndihmen Greqise, duke iu vene kufirin tek thana spekullatoreve. Edhe kredite do ia japin, por edhe Greqia nga ana e saj eshte e detyruar te beje detyrat e shtepise, qe ia kane dhene me vete.

Detyra jane shume per te bere.  Subvecionet qe merr/te psh bujqesia e blegtoria ne Greqi, duke tundur "komboloin" ne kafene jane per te vene duart ne koke.  Subvecion per stalla: i tregon qeveriut qe ke bere stalla, dhe pasi merr leket i kthejne ne apartamente me qira, a dyqane e me the te thashe.  E te tjera gjera te ketij lloji.  Po ashtu, sic eshte shprehur me lart, evazioni fiskal eshte legjendar.  Dhe jo vetem ne forme tradicionale individuale, por dhe nje nga industrite me kryesore ne Greqi, qe eshte ajo e "shipping", sic dihet, (dhe e aplikuar boterisht) ne Liberi, Panama e gjetiu i paguajne taksat.  

Pervec kesaj, si rrjedhoje e recesionit nderkombetar, dy industrite kryesore ne Greqi, turizmi dhe shipping u goditen goxha.  Keshtu qe ishin te gjitha kushtet per "stuhine e perkryer" (the perfect storm) te krizes se sotme.

Megjithate pedro, nuk do flisja lehtesisht per "tendencen e spekulimit" te CDS.  Eshte faktor i rendesishem, sidomos sikuracionet qe jane blere ne rastin kur u bie vlera.  Permasa e ketyre sikuracioneve eshte shume e madhe.  Media gjithashtu luan rolin e vet qe ushqen "the downspiral" te CDS-ve e qe sigurisht u sherben kompanive (perfshi Goldman Sach etj) qe kane blere keto sikuracione.    

Problemi tashme nuk eshte vetem lokal.  Cfaredo zgjidhje apo moszgjidhje qe do kryhet ne Greqi, ceshtja eshte tek "precedenti" qe krijon per PIGS, por me c'duken bathet (UK) edhe per vende te tjera.  

Megjithate pedro, nuk do flisja lehtesisht per "tendencen e spekulimit" te CDS.  Eshte faktor i rendesishem, sidomos sikuracionet qe jane blere ne rastin kur u bie vlera.  Permasa e ketyre sikuracioneve eshte shume e madhe.  Media gjithashtu luan rolin e vet qe ushqen "the downspiral" te CDS-ve e qe sigurisht u sherben kompanive (perfshi Goldman Sach etj) qe kane blere keto sikuracione.   "

Problemi themelor eshte qe bankat akoma nuk kane eleminuar Credit Default Swaps (CDS) nga librat e tyre.

George Soros ka thene "Financial derivatives are weapons of financial mass distruction" shume me heret se te fillonte kriza e tanishme!

Sic dihet bankat krijojne instrumenta financiare  te cilat i shesin ose i blejne dhe i sigurojne kundrejt CDS.  Goldman Sachs eshte nje lojtar kryesor ne mallkimin e kontratave te CDS por ka edhe banka te tjera me emer qe nuk e deklarojne publiksiht sepse do te jete katastrofe per ato! Tani sa me shume njerez humbasin punen ne thellimin e krizes shtohen kredite e papaguara (kjo sjell rritjen e toxic assests) dhe situata behet me keq!

Kur do te ndale kjo? Kur te gjitha valet qe vijne kur kontratat e CDS  arrijne maturimin dhe keto kontrata ose te paguhen aq sa mund te paguhen ose te pranohen si humbje nga bankat (write offs)!

 

Psh, nuk defrejne me si me pare. Ndonje te premte a te shtune, mundet. Nuk blejne me si me pare. Kalojne jashte vitrinave pa guxuar te hyjne brenda. Behet nami kur eshte periudha e skontove dhe me te drejte(na shitet malli kinez si italian, mashtruesa te medhenj). Pushimet e veres po ashtu, preferojne t'i kalojne ditore ose me lire iu bie jashte shtetit sesa ketu.

 

Hehe, sa gjynah per greket e shkrete qe nuk mund te shkojne ne buzuk cdo nate, te pijne uzo e te thyejne pjata e gota.

Ide e mire.

Leje njehere qe ka zera te fuqishem ne Korfuz per pavaresi nga shteti grek.

Vertet nuk eshte ide e keqe kjo e gjermaneve, nese greket nuk kane para te shlyejne borxhet te shesin  ishujt!

Greqia ka 6,000 ishuj dhe 227 prej tyre jane te pa-banueshme! 

 

 

Gazetat greke dhe politikanet akuzojne gjermanet, se ata duhet te paguajne floririn e vjedhur nga bankat greke ne luften e dyte boterore! Keshtu qe greket nuk kane nevoje te shesin ishujt!

(Nje korrigjim, Greqia ka 227 ishuj te banueshem nga 6000 gjithesej!)

 

 

 

Kryeministri grek, Jorgos papandreu, ka përdorur shprehje të ndryshme për të përshktuara gjendjen aktuale të vendit që mori përsipër ta drejtojë më 4 tetor 2009. p.sh., ka thënë se “vendi ndodhet në reanimacion”, se “është në gjendje lëngate”, se ndodhet në luftë”, etj., etj.

Përpjekjet e kryeministrit dhe stafit të tij të ngushtë për ta kapërcyer krizën, janë me të vërtetë titanike dhe të admirueshme. Por druaj se mos e pësojë si te ajo barcaleta që polici i raportoi eprorit se “i vrari u kap, vrasësi u zhduk pa lënë gjurmë”. Dhe, meqë përmenda gjurmët, më vjen ndërmend një tjerë shprehje popullore: “le ujkun dhe ndjek gjurmët”. Pse kështu na duket se po veprohet me këto masat shtrënguese, që në të vërtetë u marrin frymën njerëzve të thjeshtë.

Edhe vetë kryeministri e pranon se dy janë problemet më të mëdha: administrat e fryrë publike, që “gllabëron” për fondin e pagave 80% të buxhetit të shtetit, dhe korrupsioni. Të martën e u bë e ditur se qytetarët grekë, përfshirë edhe emigrantët sigurisht, kanë paguar si rryshfete gjatë vitit 2009, plot 900 milionë euro, rreth 40 milionë më shumë se në 2008-n. Dihet se rryshfetet përfundojnë në xhepin e dallkaukut që shfrytëzon postin shtetëror për të bërë një “nder”, në kohën që e siguron bukën (apo pandespanin, siç thuhet në Greqi për të ardhurat e majme) nga paratë e taksapaguesve, të cilëve supozohet se duhet t’u shërbejë shpejt, saktë dhe sigurisht, pa u marrë asnjë kacidhe. Në gjithë këta vite që ndodhemi në Greqi, mund të kemi dëgjuar për nja pesë raste kapjeje në flagrancë “peshqish të vegjël”, në momentin që merrnin bakshishin nga nevojtari. Shumë shumë, kanë humbur vendin e punës, për të kaluar në një vend tjetër, përsëri në shtet. Askush nuk u ka prekur Mercedesat apo vilat që kanë ndërtuar, jo me paratë e rrogës, natyrisht..

Dhe, edhe tani që po flitet kaq shumë për korrupsionin dhe se krizën nuk do ta paguajnë të verfërit, nuk po shohim të bëhet gjë. Madje këta njerëz kanë paturpësinë të kërcënojnë se masat shtesë janë casus belli, shkak për luftë dhe paralajmërojnë greva të mëdha. Për të cilat përsëri do të paguhen...>>

> >

Emigrantët, të ekspozuar ndaj masave të reja ekonomike>>

Tribuna>>

Duke thënë se vendi ndodhet në gjendje lufte, kryeministri Jorgos Papandreu ka dashur të theksojë dramacitetin e situatës aktuale në të cilën ndodhen financat publike vendase. Vetë përdorimi i fjalës “luftë” mbart me vete edhe fjalën tjetër, “mobilizim”, që këto nuk përdoret në kuptimin që e përdornim në Shqipërinë komuniste, mobilizim në kushtet e krizës më të rëndë që ka kapluar Greqinë do të thotë se masat shtesë që u komunikuan të mërkurën, jo thjesht do të zbatohen, por në rast nevoje ato do të zbatohen edhe dhunshëm. Po të mos zbatohen, do të ndodhë ajo që kryeministri e paraqiti si një ëndërr të makthshme: “I ftoj të gjithë të mendojnë se ç’do të ndodhë nëse në të ardhmen e afërt vendi nuk do të mundet të paguajë rrogat dhe pensionet, nëse sistemi bankar shtrydhet, nëse shteti nuk mundet të marrë hua. lace>Kushlace> e konsideron këtë një skenar të largët, nuk e ka kuptuar se në ç’gjendje ndodhet sot Greqia”.

Kryeministri tha vërtet se krizën nuk do ta paguajnë shtresat e varfra dhe pensionistët, por në të vërtetë ata janë që do të paguajnë haraçin më të shtrenjtë. Me mes tyre, “damlla” do të bjerë më e fuqishme mbi emigrantët, të cilët deri më tani kanë qenë taksapaguesit dhe konsumatorët më të devotshëm, ngase nuk kanë luksin dhe mundësinë që t’i bishtënojnë ligjit ashtu siç bëjnë në masë të madhe vendasit.

Tash e tutje, emigrantët do të detyrohen të paguajnë më shumë për ushqimet që do të blejnë, për karburantin, për energjinë elektrike, etj. Sigurisht, se masat nuk zbatohen vetëm për emigrantët dhe ato do të prekin njëlloj gjithë shtresat e mesme e të varfëra. Por emigrantët janë më të ekspozuar, pasi ata nuk kanë asnjë mundësi tjetër, në të kundërt me vendasit, që kanë edhe alternativa e asete të tjera dhe, edhe kësaj radhe (dhe pavarësisht se kanë vënë edhe ata dorën që të katandisen financat e vendit në këtë farë feje), do ta hedhin, me hir a me pahir lumin...

Ndërsa emigrantët, përveç vështirësive ekonomike të buxhetit familjar, do të rrisin ata të parët edhe radhët e të papunëve...>>

> >

(marrë nga gazeta Tribuna, e përjavshme në shqip që botohet në Greqi)

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).