U struka nën një sqetull bari si droje sythi
këtë natë,
e padurueshme, një notë pafund në organon e qiellit
hëna jote
tek dëgjon mijëra angullima qensh të trishtuar
dhe ëndrrat e mia
pas grilave të drunjta të reve në rrëfimet
e çasteve të dobët,
sfungjer i ngopur me pikëllime të ftohur
rrugës,
gishtat e Zotit e gjejnë, e shtrydhin çdo ditë,
musht
qielli pikon, shi fildishi bie
mbi brinjë,
pastaj dora atje lart gishtat liron ngadalë
si mëshirë
shtëllungore dhe hëna hapet e plotë për
pikëllime
dhe angullima të reja qensh të mardhur
nëpër dëborën
e së dashunës botës san - mushkri që frymënxjerr ngadalë
tymin adikt të ozonit.

6 Komente

!!!

http://www.youtube.com/watch?v=E8Cnh7uD0b4

p.s: adikt, ozon sikur nuk rrinë mirë me fjalorin përndryshe të lashtë lirik të së tërës. Është sikur t'i fusësh një pjese të Bahut një instrument, që nuk ekzistonte asokohe: synthesizer p.sh. Por nuk është se jam i sigurtë për këtë.

Me pelqeu droja e sythit, paçka se mua sythet s'me duken te drojtur, madje me duken te paturp, sic jane zakonisht gjerat e natyres.

Ketu:

"... sfungjer i ngopur me pikëllime të ftohur
rrugës..."

do te duhej ose "me pikellime te ftohura" - gjithnje per ate perthyerjen alogjike te mbiemrave te shqipes pas emrave qe shumesin e bejne si emrat femerore - , ose edhe "me pikellime ftohur" qe do te ishte edhe nje truk per te shmangur dy nyje (i dhe te) ne te njejtin varg.

"tymi adikt i ozonit" me tingellon mire pikerisht per arsyen per te cilen s'i tingellon Mirazhit smiley .

Me pelqeu shume, Em. E ngrohte, e embel, e trishte...

perhenur, une ne fakt e perdor shpesh, sidomos per nje gjendje te cuditshme qe me kap shpesh, por ne kuptimin disi e hutuar, si e coroditur,  nga ato gjendjet ku s'di ku ke koken, me nje fjale... smiley

Ah, ne vijim te asaj cka thote Fini per mbiemrat e shqipes, eshte dhe kjo:

çasteve të dobëta

 

pastaj dora atje lart gishtat liron ngadalë
dhe hëna hapet e plotë për
pikëllime

smiley

smiley

smiley

(e hoqa 'si mëshirë
shtëllungore' se mu duk e tepert)

Thx, fellas!

Ato mbiemrat do i rregulloj! "pikellime ftohur" <<== yes and thanks!

Nga me te bukurat e tua kjo Emigrant . E punuar me ate pluhurin henor.

gishtat e Zotit e gjejnë, e shtrydhin çdo ditë,
musht
qielli pikon, shi fildishi bie
mbi brinjë,
pastaj dora ...

Prisja ..dora e saj te zgjatej apo prekte dicka por edhe keshtu mjaft bukur.

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).