Nga Avni Zogiani

As Muharrem Xhemajli e as Hashim Thaçi nuk mund të barazohen dhe as që mund të dalin si mbrojtës kujdestarë të UÇK-së. Në të vërtet të dy këta duke marrë ekskluzivitetin për UÇK-në bëjnë vetë gabimin për të cilin akuzojnë të tjerët, njollosin UÇK-në. Është e padrejtë para së gjithash për ata që kanë rënë në front që dikush të pretendojë se flet në emër të UÇK-së. Organizata e veteranëve të luftes përfaqëson një pjesë të veteranëve të UÇK-së, por nuk është përfaqësuese e UÇK-së. Pra, UÇK dhe lufta e saj është një histori, kurse strukturat që janë degëzuar nga ajo qoftë në politikë, TMK/FSK, apo edhe shoqata, janë subjekte të krijuara nga grupe apo individë të dalur nga UÇK.  Muharrem Xhemajli ka sot një funksion në shoqatën e veteranëve të lufës, që sigurisht duhet të ketë përkufizimet e veta që rrjedhin nga një statut i kësaj shoqate.

Ata që njohin rrethanat e luftës e dijnë mirë se Muharrem Xhemajli dhe kryeministri Thaçi kanë frekuentuar një zonë të caktuar të UÇK-së e që ka pasur si bazë Likocin. Likoci, sado i rëndësishëm të ketë qenë për organizimin e UÇK-së, ka qenë vetëm një pjesë e saj.

Dy betejat e famshme të Llapushnikut dhe ajo e Çikatovës janë ndër më të njohurat që janë bërë në zonën e Drenicës gjatë luftës. Që nga raportimi për masakrën e Likoshanit e Qirezit, unë kam kaluar shumicën e kohës mes maleve Çiçavicë, Grykës së Llapushnikut dhe Maleve të Berishës. Pak fytyra nga ato të betejës së Llapushnikut i kam parë pas luftes, kurse ato të Çikatovës as që pres t’i shof sepse ishte vetëm Fehmi Lladrovci me bashkëshorten e tij, Xheven, që e mbajtën frontin derisa civilët u evakuuan, kurse ushtarët tjerë të UÇK-së ikën në të ashtuquajturin Lugun e Kishës. Gjatë këtyre kohëve të vetmen herë që i kam takuar Thaçin e Xhemen ka qenë rreth Prillit të vitit 1998 në Likoc brenda rrethit të kontrolluar nga UÇK.

Nuk po dua të them se ata të dy nuk kanë luftuar, por se e kanë shumë të vështirë të na bindin se mund ta kenë ekskluzivitetin e UÇK-së. Prandaj, shoqatat e veteranëve të luftës më shumë sesa njerëzit në Pushtet do duhej të përfaqësonin këto dhe shumë beteja tjera të UÇK-së. Në fakt, shoqatat që përfaqësojnë UÇK-në dhe kryetari i PDK-së më shumë se kushdo tjetër do duhej të ishin pikërisht ata që insistojnë në kujtimin e luftës së UÇK-së e cila pothuaj se është harruar nga politika. Në përbërjen e parë të Parlamentit të Kosovës, ish-kryeparlamentari Nexhat Daci ia pat ndalur mikrofonin kryetarit të PDK-së Hashim Thaçi, kur ky i fundit kërkoi që Parlamenti të mbante një minutë heshtje për viktimat e luftës. Një minutë heshtje për vitkimat e luftës nuk u mbajt në Parlamentin e Kosovës as në kohën e Nexhat Dacit, as në kohën kur pushtetin e kishte PDK që pretendon trashëgiminë direkte të UÇK-së dhe as në kohën e AAK-së, partisë tjetër të dalë nga UÇK. Me një fjalë përfaqësuesit e dalë nga vota e popullit nuk kujtuan asnjëherë luftën e UÇK-së në organin më të lart të shtetit, në Parlamentin e Kosovës, as kur Thaçi ishte opozitë dhe as kur ishte në pushtet.

Prandaj është vështirë që Thaçi dhe shoqatat që duken si të jenë të koordinuara nga ai të pretendojnë se përfaqësojnë trashëgiminë e UÇK-së dhe prandaj nuk është e drejt nga askush sot që të barazojë Thaçin me UÇK-në e sidomos jo me popullin e Kosovës. Thjeshtëzim të tillë të historisë së UÇK-së kanë provuar të bëjnë në vazhdimësi partitë politike të luftës e të paqes, por edhe shoqatat e manipuluara në vazhdimësi nga pushteti. Në emër të kësaj ata po i hidhen në qafë kujtdo që mendon ndryshe nga ata dhe nga kryetari i PDK-së. Nuk kam parë asnjë paraqitje publike të thënë apo shkruajtur shqip që ka mbrojtur raportin e Dick Marty-t. Por ka pasur shumë njerëz që kanë qenë skeptik në qëndrimin se akuzat ndaj Thaçit janë akuza ndaj UÇK-së dhe se ato gjithmonë janë konsporacione serbe të artikuluara nëpërmjet institucioneve evropiane qoftë edhe si Këshilli i Evropës.

Në fund të fundit, nëse tërë retorika e politikës kosovare së cilës sot i prin zoti Thaçi është përkufizuar në integrime evropiane, e nëse organizata të rëndësishme të këtij klubi si Këshilli i Evropës, na dalin si pro serbe en-bloc, atëherë a ka një kontradiktë në këtë mes? Natyrisht që integrimet evropiane janë një proces teknik që mbase nuk kanë shumë të bëjnë me Këshillin e Evropës, por nuk mund të pretendohet se do ta përjashtojmë njërën e do ta pëqafojmë tjetrën. Prandaj, duke u nisur pikërisht nga kjo, nëse dikush dëshiron ta mbrojë UÇK-në dhe historinë e fundit të Kosovës, nuk duhet asesi që për hatër të kujtdo ktë trashëgimi ta antagonizojë me Evropën. Dhe nëse ka të lajthitur që e bejnë këtë, gjithsesi ata nuk duhet të presin që të barazojnë të bëmat e veta me popullin kosovar dhe madje as me UÇK-në.

[...]

21 Komente

 Ku  do të dali ky se mora vesh , që Thaçi s'ka qenë pjesë e UçK apo Dick Marti akuzon vetëm Thaçin dhe ky i fundit fshihet pas UçK .Trap ka plot gjëra të tjera që mund ta akuzosh Thaçin gjeji faktet dhe bëje s'ke nevojë për ndihmën e Dick-ut.As të na  mbushësh mendjen se nuk  përfaqson UçK këtë thuaja Dick-ut se ky e di mirë se cilët akuzon po ti s'do ta kuptosh se ngatron Thaçin pushtetar (të korruptuar apo jo )me Thaçin luftëtar të UçK., dhe po  qe se akuzohet ky Uçk është e pastër se Thaçi nuk përfaqson Uçk.  Sigurisht çdo berr varet nga këmbët e veta po dick-u se ka hallin tek berri yt por tek "tufa " që e ka emrin UçK dhe lufta e saj për LIRI. Leni lojrat e fjalëve me përfaqsues e pa përfaqsues kërko se do gjesh shumë tapër për Thaçin pushtetar dhe mos na bëj mbrojtsin e djallit me mëtimin se po lufton një tjetër djall .Merru me problemet  që koha shtron për zgjidhje dhe jo me ato për të cilat historia është shkruar me gjak :Lufta e UçK ishte  luftë për LIRI dhe jo luftë për pare e trafiqe organesh. çdo ushtar i UçK e përfaqson atë në masën që i përket si individ dhe sigurisht komandantët në masën që i takon si komandant pasi sipas mendimit tënd UçK e përfaqson vetëm masa totale e saj .Edhe njëherë merru me problemet e sotit se Dick -u s'ka nevojë për ndihmën tënde .Nqs mendon se Dick -u ka të drejktë dil dëshmitar ose thuaj haptas ato që di nqs ke qenë pjesë e UçK por jo lojra fjalësh që nuk shërbejnë për asgjë .Nuk e di ç'përfaqson e në emër të kujt flet por fakti që do të kritikosh Thaçin me mendjen e akuzat e të tjerëve është dëshpërus pasi tregon se ti s'di apo s'ke mundësi ta akuzosh atë si pushtetar e politikan që për mendimin tim ka shumë shumë dobësi , paaftësi etj Kjo tregon se s'ke ç'të japësh më shumë se politikanët e sotëm në Kosovë .Më mirë hesht .

Ketu nuk po akuzohet Taci po nje komb i tere. Keta gazetarucer jane driteshkurter dhe kerkojne pakez publicitet

Ky gazetaruci nuk flet hapur per perkrahjen e raportit te Dick-ut po i gjith shkrimi ate nenkupton.

Te sqarohemi mire se te gjithe e dime se kush eshte Dick Marti, nje antishqiptar i flakte i cili e ka quajtur pavarsine e Kosoves krim monstruoz. Jane mbledhur nje grup i qelbur deputetesh islamofobe dhe pro-sllave te PE-se dhe po hedhin balte mbi Kosvoen dhe Shqiptaret.

Ketu nuk po akuzohet Taci po nje komb i tere.

E si keshtu? Se ne raportin e Marti-t, sado i genjeshtert te jete, sikur e ka me emra te pervetcem.

M'fal po ti kur flet me nje amerikan qe ka lexuar raportet e New York Times mbi 'sworn virgins' ne Shqiperi, te permendin gje emra te pervecem ata ty?

Je mese i falur smiley  Ndoshta eshte ndryshe ne Kanada po mua, deri tani, as me ka permendur njeri ndonjehere keto "sworn virgins" ne Shqiperi. Dhe sinqerisht s'e kuptoj lidhjen qe po perpiqesh te besh. I ka akuzuar njeri keto "sworn virginis" per krime? Eshte njelloj sikur njerezit te barazojne Milloshevicin apo Arkanin me te gjithe popullsine Serbe. Dmth, nese keta te dy ishin krimininele, detyrimisht te gjithe serbet jane kriminile? Apo i kane akuzuar gje te gjithe serbet (pervec c'themi ne Shqiptaret per ta)?

sinqerisht s'e kuptoj lidhjen qe po perpiqesh te besh.

Troc atehere, ai qe akuzohet per trafikim organesh nuk eshte Hashim Thaci, po 'an Albanian'. Audiences are dim..and they watch too much X-files. This sticks!

A ka mundesi te me japesh referenca apo evidenca ku une te sqarohem apo te kuptoje se kush eshte Dick Martin, cfare ka bere ai per tu konsideruar antishqipetar, apo ku eshte e shkruajtur/evidentuar qe ai e paska quajtur pavaresine e Kosoves "krim monstruoz"? E them kete se une ashtu si edhe shume te tjere qe mund te kene lexuar raportin e tij per kete ceshtje, nuk me rezulton antishqipetar. 

Per mua nga veprimet qe kryhen dhe qe ka kryer, antishqipetari me i madh i koheve moderne eshte Sali berisha. Po te duash te jape me qindra fakte dhe evidenca. 

Dick Marty eshte anetar i Partise "PDF. Die Liberalen" e cila ben pjese ne "Radical Liberal Union" e cila votoi kunder pavarsise se Kosoves ne parlamentin Zvicerjan.Eshte nje parti populiste dhe islamofobike. Po ashtu dhe eshte shpallur nga Presidenti Serb si qyetar nderi i "Beogradit per punen e mire qe ka bere"

O zotni me jep fakte. keto qe thua ti sma mbushin mendjen. Ky qeka anetar partie edhe? Eshte i nje partie legale te nje sistemi demokratik sic eshte Zvicera. Eshte shpallur qytetar nderi ne Serbi!!!!!!! edhe? Fakti qe ka ndihmuar ta zeme Serbine nuk do te thote qe automatikisht eshte armik i shqipetareve. Mbase edhe Meta mund te marre ndonje dekorate se shkon shpesh ne Serbi edhe ti cfare do te thuash? 

 

Une e di mire se si e do ti dhe ata miqte e tuj. Po mos kini merak se avash avash po ju vjen rradha. Po mos t'ju genjeje mendja se do keni fatin te beheni objekt per raporte te tilla te mevonshme.

Sa per provat qe kerkon i ke te intervista e tij e perkthyer ne shqip ketu ne Peshk qe ti nuk pate mundesine ta zhdukesh sic zhduke faktet per maskaralliqet e atij mikut tjeter tendit.

 

Interviste e Dick Martit nga Silvia Cattori

Perkthimi ne Shqip nga Frengjishtja nga Lizander Saraci.

 

Kutia e Pandorës ballkanike
Dick Marty : "Pavarësia e Kosovës nuk është vendosur në Prishtinë"

Kosova shpalli pavarësinë e njëanëshme 17 shkurt 2008. Çfarë do të jetë Kosova nesër? Duke njohur pavarësinë e Kosovës, ku aktualisht gjëndet baza më e madhe ushtarake amerikane në botë, SHBA-të, Gjermania, Franca, Zvicra, a nuk e shkelën ligjin ndërkombëtar, krijuan një padrejtësi të re kundër popullit serb, rindezën zjarret e pafikura mirë, hodhën bazat për konfrontime të tjera të dhunshme në Ballkan? Kemi pyetur në lidhje me këtë Senatorin (Radikal Demokrat)  Dick Marty, në cilësinë e kryetarit të Komisionit të Punëve të Jashtme të Këshillit të Shteteve të Zvicrës.

Silvia Cattori : Zvicra njohu menjëherë pavarësinë e Kosovës. Si pjesë e Komisionit të Punëve të Jashtme i Këshillit të Shteteve të Zvicrës, ku ju keni marrë presidencën, nuk keni qenë në favor të njohjes së shpejtë të Kosovës nga Zvicra, ndërsa, nga ana e saj, Ministria e jashtme zvicerane, znj Calmy-Rey e kishte thënë qartë, që në 2006-n, se Kosova kishte të drejtën e pavarësisë. Kjo njohje a nuk është një precedent i rrezikshëm?

Dick Marty : Unë kurrë nuk kam kuptuar pozitën e zonjës Calmy-Rey! Do kishte qenë e kuptueshme që ajo t’i referohej autonomisë, apo një zgjidhje konfederale të ngjashme me modelin zviceran. Si pjesë e Komitetit të Punëve të Jashtme, ku ne japim mendimin tonë ne kemi marrë informacion jo të plotë. Departamenti i Punëve të Jashtme ka paraqitur një dosie praktikisht bosh: versioni i së drejtës ndërkombëtare, në pajtim me pikëpamjet e Departamentit, përmblidhej në një faqe e gjysmë. Kaq ishte. Shumë komisionerë nuk ishin të informuar mirë. Të gjithë socialistët votuan pavarësinë e Kosovës, si një refleks i thjeshtë, në mbrojtje të Këshilltares së tyre Federale.

SC: Nxitimi i Zvicrës për këtë çështje ju ka befasuar?

Dick Marty: Unë nuk e kuptoj pse Këshilli federal nuk priti më gjatë. Ka diçka që nuk e kap. Pavarësia e Kosovës nuk ka qenë e vendosur në Prishtinë. Shumica e vendeve nuk e kanë njohur Kosovën dhe nuk do ta njohin atë.

SC: Me njohjen e Kosovës, a mendoni se Zvicra, një vend i vogël neutral, fut gishtin në një cikël të interesave që korrespondojnë me qëllimet strategjike të fuqive të mëdha brenda NATO-s?

Dick Marty: Unë shoh se e drejta ndërkombëtare dhe neutraliteti, kjo është pak si lloj parmixhano. Ai hidhet në makarona sipas salcave me të cilat janë gatuar makaronat. Ne e dimë se me disa salca, nuk e hedhim këtë lloj djathi. Nëse janë makarona me skampi, guzhinierët italianë nuk e hedhin këtë lloj djathi. Nëse janë makarona me Bolognese, ky lloj djathi është i mirëpritur. Me këtë imazh, dua të them se, gjithnjë e më shumë, i referohemi neutralitetit dhe të drejtës ndërkombëtare, kur ata na shërbejnë dhe i harrojmë, kur na shqetësojnë.

E drejta ndërkombëtare duket mjaft e qartë për çështjen e Kosovës, po ashtu edhe neutraliteti. Rezoluta 1244 e Këshillit të Sigurimit flet, në tre vende për integritetin territorial serb dhe thotë se Kosova është një krahinë serbe që do të menaxhohet përkohësisht nga bashkësia ndërkombëtare. Rusia nuk do ta pranonte këtë zgjidhje nëse nuk flitej për integritetin territorial të Serbisë. Kjo rezolutë është ende në fuqi, sepse vetëm Këshilli i Sigurimit mund ta modifikojë ose anulojë atë.

Kur, në vitin 1999, ushtritë nën komandën e NATO-s bombarduan Serbinë pa autorizimin e OKB-së, Zvicra ndaloi fluturimet mbi territorin e saj për aeroplanët e NATO-s. Këto ishin veprime agresuese të paligjshme. Por gjatë kësaj lufte, edhe në Zvicër, mediat dhe shumë politikanë kanë justifikuar bombardimet, duke thënë se duhej eleminuar Millosheviçi.

Unë gjithmonë kam besuar se ka mënyra të tjera për të zgjidhur këtë çështje. Duke bombarduar Serbinë, bombarduam civilët dhe përdorëm municione që përmbanin uranium të varfëruar. Sot njohim pasojat për shëndetin. Kam biseduar me kancerologë. Të gjithë më kanë thënë se ka një rritje anormale të tumoreve në këtë rajon që nga bombardimet e NATO-s. Pak njerëz guxojnë të flasin për këtë fatkeqësi. Autoritetet serbe vetë nuk kanë asnjë interes për të folur në lidhje me këtë. Kjo do të vinte Serbinë në një pozitë të papërshtatshëm, pasi ajo do të duhet të pranonte se ne nuk mund të konsumohen produktet e kontaminuara.

Unë konstatoj se qeveritë nuk ja thonë të vërtetën njerëzve. Kjo nuk është e denjë për një demokraci, ndonëse në disa raste, NATO mund të ketë arsye për të ndërhyrë. Por më vjen keq për gënjeshtrat dhe mungesën e transparencës.

SC: Pra në rastin e njohjes së Kosovës, ka paturshkelje të së drejtës ndërkombëtare dhe Rezolutës 1244 të Këshillit të Sigurimit?

Dick Marty: Po. Në të drejtën ndërkombëtare, vetëvendosja është subjekt i një sërë kushtesh. Kjo përfshin që të ketë një popull që njihet si i tillë. Qartazi nuk është aspak rasti në Kosovë. Kombet e Bashkuara kurrë nuk e kanë njohur më parë një vend që  shkëputet nga një tjetër kundër dëshirave të vendit të cilit ai i përkiste.

Për më tepër, Zvicra, kur Jura ka kërkuar për të krijuar një kanton të ri duke u shkëputur nga kantoni i Bernës, ka pasur disa votime. Është dashur që njerëzit të bien dakord. Është votuar në kantonin e Bernës dhe në të gjithë Zvicrën.

Autoritetet serbe kanë rënë dakord të heqin dorë nga Mal i Zi në vitin 2007. Ata votuan, në Këshillin e Evropës, që Mali i Zi të pranohet si anëtar i ri. Kjo nuk është e vërtetë se serbët nuk duan të lëshojnë asgjë, dhe unë i pashë ata të votonin në Strasburg pa entuziazëm, por ata nuk e kundërshtuan. Marrëdhëniet midis Serbisë dhe Kosovës janë të një mënyrë të ndryshme se sa Malin e Zi, i cili ishte një republikë e veçantë që më parë.

Por na është thënë: "Kosova është e ndryshme, ajo ishte viktimë e abuzimit nga ana e Serbisë." Unë konstatoj se Kosova është administruar prej dhjetë vjetësh nga bashkësia ndërkombëtare dhe se pas dhjetë vitesh, ekonomia e Kosovës është inekzistente. Ajo është bërë një qendër e krimit të organizuar, trafikut të drogës, trafikut të armëve, trafikimit të qënieve njerëzore. Vërehet re se nuk ka shoqëri të mirëfilltë civile, që të në jetë në gjendje për të drejtuar institucione të vërteta demokratike, dhe ka minoritete të ndryshme që jetojnë të mbrojtura nga ushtarët ndërkombëtarë.

Gjatë këtyre viteve kur Kosova ishte nën protektorat ndërkombëtar, manastiret dhe kishat ortodokse janë djegur në indiferencën e përgjithshme të mediave ndërkombëtare. Që nga viti 1999, 250,000 serbë kanë ikur nga Kosova.

Unë nuk i kam thënë jo njohjes së pavarësisë. Them le të shohim nëse ky është me të vërtetë një shtet i pavarur i cili është në gjendje të mbrojë pakicat e saj. Pse nuk presim? Unë nuk e kuptoj.

Dikush më tha: "Zvicra, me gjithë problemet që ka me Brukselin, dhe të fiskalitetit me Gjermaninë, nuk duhet të bie ndesh Brukselit dhe Gjermanisë, e cila ishte vendi që shtyu për pavarësinë e Kosovës. " Ky është një nga shpjegimet që më është dhënë jo-zyrtarisht.

Është e qartë se në këtë zonë, ka një thyerje midis NATO-s dhe Rusisë. Ne do të krijojmë një bastion kundër Iranit që nuk është larg, por sidomos kundër Rusisë. Këto konsiderata duhet të na bënin më të kujdesshëm. Të tjerë thonë: "Ka 10% e shqiptarë të Kosovës që jetojnë në Zvicër. Pra, ne kemi interesa të veçanta" Por ky nuk është një argument!

Ajo që më shokon është se ne kemi këtë qëndrim, ndërkohë që sot Serbia nuk ka të bëjë me Serbinë e Millosheviqit. Në janar 2008, ka patur në Serbi, zgjedhje që të gjithë vëzhguesit ndërkombëtarë i kanë njohur si të lira dhe demokratike. Serbët kanë treguar një pjekuri dhe guxim të shquar: ata zgjodhën e kandidatin që ishte pro-evropian, pavarësisht nga fakti se kjo nuk ishte një zgjedhje e lehtë për ta, pas 10 vjetësh të bllokadës nga Europa. Dhe çfarë bën Europ, çfarë bën bota perëndimore? Ata nxisin pavarësinë e Kosovës menjëherë pas votimit, duke shtyrë Serbinë në kampin rus dhe duke e poshtëruar. Kjo më duket absurde.

Bashkimi Europian, veçanërisht, mund të kishte bërë një deklaratë drejtuar të gjitha vendeve të rajonit dhe të thoshte se ai I ofron të gjithëve një marrëveshje partneriteti me Bashkimin Evropian dhe  se Kosova do të gëzojë një autonomi të gjerë. Presidenti serb Tadiç vizitoi Këshillin e Europës dhe, edhe pse ajo ishte e vështirë për të, ai u tha përfaqësuesve të 47 vendeve: "Ne jemi dakord që të njohin autonominë më të gjerë të mundshme në Kosovë" . Ne nuk deshëm të përfitojmë nga ky rast. Nuk e kuptoj.

Çfarë është shqetësuese tani është, se pavarësisht nga potenciali i madh që ne kemi për të mësuar - nëpërmjet internetit për shembull - ne kurrë nuk kemi qenë më në rrezik për të rënë viktima të një intoksikimi. Për çfarë ka ndodhur në Ballkan, ka pasur një helmim të theksuar. Ne kemi paraqitur Ushtrinë Çlirimtare të Kosovës (UÇK), sikur të ishte një organizatë virgjëreshash bamirëse.

Dick Marty qenka nje prej prokuroreve Zvicerane qe 'zbuloi' praktiken amerikane te quajtur 'extraordinary rendition' te zbatuar ne Europe. Dmth beri gjithe ate zhurme per pune avionesh amerikane qe uleshin neper aeroporte europiane me 'kargo njerezore' per eksportim torturash. Kjo, sic duket, i jep kredibilitet..(sipas ruseve gjithesesi)


  Bernd Posselt: Dick Marty është një demagog! Prishtinë 17 dhjetor- Deputeti evropian Bernd Posselt, ka reaguar pas projekt-rezolutës së të enjtes të Komisionit të Çështjeve Ligjore dhe të Drejtave të Njeriut të Asamblesë Parlamentare të Këshillit të Evropës.
 
Në një intervistë dhënë programit shqip të Deutsche Welles, deputeti i Partisë Popollore Evropiane në Parlamentin Evropian Bernd Posselt, e quan Dick Marty-n një demagog, që keqpërdor pozitën e tij:

„Natyrisht që unë jam për atë që këto akuza të hetohen në mënyrë faktike, si në aspektin e të drejtës penale ashtu dhe në aspektin moral. Por jo ashtu thjesht si zoti Marty, i cili është i njohur për tendencën e tij për sensacione, për të ngritur diçka nëse nuk ka prova.

Për aq kohë sa nuk dëshmohet fajësia, zoti Marti nuk mund të veprojë kështu. Kështu që unë e konsideroj zotin Marty absolutisht një demagog, i cili keqpërdor funksionin e tij.“

 Ore paska gjene shqiptatre biles dhe shqipfoles, qe nuk e kane kuptuar  pse u telikos aqe shume Dik Marti..? Se eshte i paguar prej serbeve, ore  njerez .... !Nuk mbrojme Thaçin, se dhe po e mbrojtem ne raport me serbet, keq nuk bejme, por mbrojme  KOMBIN, per te mos ju cenuar vetite e mira qe ruan..Kaqe

Nuk po dua të them se ata të dy nuk kanë luftuar, por se e kanë shumë të vështirë të na bindin se mund ta kenë ekskluzivitetin e UÇK

Tipik ky qendrim! Kur nuk ka Spartak, te gjithe jemi Spartaker.

Gjatë këtyre kohëve të vetmen herë që i kam takuar Thaçin e Xhemen ka qenë rreth Prillit të vitit 1998 në Likoc brenda rrethit të kontrolluar nga UÇK.

Nuk i paska treguar paraprakisht itinerarin Drejtori i Drejtorise Politike te UÇK-se ketij endacaku?!

 

 o drini bashkuar, hashim thaci ka luftuar shume...personalisht...psh ne 1999 kam pire kafe me te aty afer stadiumit qemal stafa nderkohe qe behej lufte ne kosove...me siguri ikte naten kalonte kufirin dhe fap hidhte nja dy pushke...

po lerini keto idiotlliqe..lufte vetem ka bere ai qe eshte sot ne Hage, te tjeret...kane kontribuar smiley

nuk e kuptoj c'te keqe ka te hetohet per akuzat, si cdo lufte ka edhe ajo keqberjet e veta. 

kurse ca bejne shqiptaret per te ndricuar krimet serbe? asgje.

fajin si gjithmone e kemi vete..dhe tani qe duan te na e fusin me lezet serbet biem lehte ne gracke...po lerini m.. te hetojne..se qenin e ngordhur te Tares do te gjejne.

 

 

 

 

 

kurse ca bejne shqiptaret per te ndricuar krimet serbe? asgje.

Thenje e dites, per mendimin tim.

Ne 1972 behej pervjetori i Luftes se Vlores. Ne nje simpozium te organizuar nga shoqata e veteraneve i pari e mori fjalen veterani A.

E mbaj mend ate dite -tregon ne simpozion A- Une isha i pari qe u hodha ne telat me gjemba dhe pas meje ishte Selam Labi.......

Fjalen me pas e mer veterani B

Sic tha dhe shoku A  ( aterehe perdorej fjala shok, njesoj si zoteri sot) Selmai ishte pas shokut  A dhe A ishte pas meje. Une isha i pari qe u hodha mbi telat me gjemba

I treti e mer fjalen veterani C. Une mbaj mend qe isha i pari pas meje vinte B dhe pas B vinte A ,ndersa Selamin nuk e mbaj mend te kete qene fare

 

Fatkeqesia e kombit eshte qe keta njerez nuk luftuan per kombe e atdhe por per grada e poste. Sot keta therasin kush ishte e kush nuk ishte apo rrahin gjokset se ishin luftetare . Ata qe vertet luftuan per komb e atdhe  sot nuk ju ndjehet zeri se nuk luftuan per tju degjuar zeri por qe te clirojne atdheun.

 Natyrisht qe lufta per çlirimin e Kosoves nga shtypja serbe, nuk i atrubohet disa politikanve qe kane poste sot aty ne Kosove, por ter çlirimtarve te UCK. Biles heronjte e vertete te luftes, me se shumti jane ata qe (pas çlirimit) rrine ne hije, apo nuk duan te dalin tribunave. 

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).