Gjatë kësaj periudhe të debatit të kutive dëgjoj shpesh pyetjen: zotëri je për hapjen e kutive apo jo? Dhe kjo pyetje sikur transkriptohet në pyetjen: je me qeverinë apo je me opozitën. Ky polarizim pa kushte i njerëzve: o me qeverinë o me opozitën gjykoj se nuk është thjesht rezultat i pavetëdijshëm i luftës politike, përkundrazi, është në kulturën politike të të dy palëve. Në këtë aspekt kanë të drejtë ata që thotë se dy njerëzit që janë më pak të interesuar se kushdo tjetër për hapjen e kutive janë Sali Berisha dhe Edi Rama. Sepse këta të dy, si tipologji lideri e kulturë politike, mbijetojnë politikisht pikërisht në sajë të polarizimit të ashpër që krijojnë raste të tilla si ky i hapjes ose jo i kutive, që vazhdon t’i ndajë njerëzit në “o me mua, o kundra meje.”


Personalisht ka kohë që, me bindjen e përvojës së gjatë, e refuzoj këtë ndarje që e ka bërë shoqërinë peng të dy partive të mëdha, që jo rrallë i kam quajtur edhe banda. Prandaj do të vazhdoj të shkruaj e flas pikërisht në emër të daljes nga kjo pengmarrje.
Nga ky këndvështrim i imi, ajo që nuk më zhgënjen në debatin e kutive është fakti se dëgjoj vazhdimisht në retorikën e opozitës se hapja e kutive do ta zgjidhte më në fund problemin e zgjedhjeve - “do t’i japë fund manipulimit njëzet vjeçar me zgjedhjet” - është një shprehje që dëgjohet thuajse çdo ditë në lajme që lidhen me deklarata të PS. Lideri i saj Rama, kur u drejtohet ndërkombëtarëve, u thotë se ky turp i trajtimit të shqiptarëve jashtë standarteve me të cilat evropianët trajtojnë veten duhet të marrë fund,  se ne meritojmë të trajtohemi me standartet e tyre dhe hapja e kutive do të sigurojë këtë. Po a është vallë kaq e thjeshtë?
E kam thënë dhe e përsëris se protestat për hapjen e kutive janë të drejta në vetvete dhe kanë rritur sensibilitetin ndaj zgjedhjeve, por, nga ana tjetër kundërshtoj mistifikimin e hapjes së kutive apo përdorimin e tyre për qëllime të tjera nga përmirësimi i lirisë së zgjedhjeve. Kjo është negative njëlloj sikurse ka qenë negativ përdorimi i luftës kundër korrupsionit nga ana e Berishës, për qëllime të tjera nga lufta kundër korrupsionit, sepse një luftë e tillë e aborton një çështje. Dhe gjykoj se tashmë, përsa i përket hapjes së kutive, kemi kaluar në kufijt e abortimit.
Çfarë kërkon PS-ja publikisht? Një komision parlamentar që do të bëjë një shqyrtim të thellë e të plotë të zgjedhjeve ku hyn edhe hapja e kutive, dhe kjo, jo  me synim përmbysjen e rezultatit të zgjedhjeve, por për të  marrë masa e vendime e hartime projektligjesh që të evitojnë, në të ardhmen, abuzime të tjera me zgjedhjet. Por, nëse është kështu dhe qëllimi është ky, atëhere le ta marrim si të dhënë faktin se në kutitë ka tjetër rezultat, çka të gjithë e dimë se nuk është çudi. Madje çudi do të ishte sikur të provohej, me hapjen e kutive, se rezultati është ay që kanë firmosur komisionerët. Dhe hajde të ndërtojmë komisionin dhe projektet e përmirësimit të zgjedhjeve të ardhëshme duke e marrë këtë si një të dhënë të pakundërshtueshme. Gjykoj se kjo duhet bërë duke mos harruar, gjithashtu, se hartimi i një projekti të tillë nuk mund të anashkalojë faktin se në historinë e zgjedhjeve tona nuk ka një rast të vetëm ku humbësi të ketë pranuar humbjen e zgjedhjeve (ndoshta me përjashtim të zgjedhjeve të vitit 1992) dhe se në çdo rast janë bërë të ashtuquajtura përmirësime formale apo ligjore që kanë rezultuar si arnime të një gune të vjetër të cilës sa i mbyll një vrimë i hapet një tjetër. Duke u nisur nga kjo mendoj se çështja se çfarë duhet  bërë për të ardhmen duhet shtruar në mënyrë të atillë që të mos ketë më një arnim, por një përpjekje për të qepur një gunë të re të qëndrueshme. Kurse reduktimi i gjithë çështjes tek hapmbyllja e kutive është më i keqi i arnimeve.
Po ende, kam ndjesinë se këta gjashtë muaj konflikt mbi kutitë e kanë shtuar rrezikun që zgjedhjet e ardhshme të jenë edhe më të këqija se ato parardhëset, çfarëdo që të ndodhë, sikur të hapen apo sikur të mbeten mbyllur kutitë. Kjo jo vetëm për shkak të konfliktualitetit në rritje që e ka polarizuar edhe më dhe e ka iracionalizuar edhe më politikën, duke i çuar edhe më thellë protagonistët në mendësinë e përdorimit të çdo mjeti për të shkatërruar një kundërshtar, i cili, edhe ai, përdor çdo mjet, por edhe pse gjykoj se ky konfliktualitet nuk është thjesht çështje iracionaliteti dhe emocionaliteti, por edhe çështje e strukturave të dhunës mbi votën që kanë ngritur partitë. Ai buron nga fakti se ne kemi shkuar në drejtim të kundërt përsa i përket ndërtimit të shtetit dhe institucioneve të tij; se jemi në gjendjen e një parashteti ose të një shteti të falimentuar,  nëse me këtë kuptojmë një shtet që nuk kontrollohet nga institucionet dhe ligji, por nga grupe dhe klane të fuqishmish, që, normalisht, s’duhet të kenë asnjë mundësi të dhunojnë institucionet e shtetit. Një nga shenjat më flagrante të kësaj, e jo vetëm, është edhe kontrolli i numërimit të votës nga militantët e dy partive dhe jo vetëm. Normalisht ne duhet të kishim shkuar përdrejt një shteti ku me zgjedhjet merret administrata shtetërore dhe të mos kishte probleme votimi. Kurse të thuash këtë gjë sot në Shqipëri të përqeshin si i marrë dhe askush nuk arrin të kuptojë se pikërisht kjo përqeshje flet shumë për nivelin e demokracisë sonë.
Mirëpo, për të kuptuar se pse ne kemi arritur në këtë gjendje, duhet të zbresim poshtë për të kuptuar se çfarë kemi ndërtuar në katet e poshtme mbi të cilët do të duhej të ndërtohej vota e lirë. Sepse ka  shumë që thonë se vota e lirë qëndron në themel të demokracisë, por, duke u nisur edhe nga përvoja e këtyre njëzet vjetëve, besoj të kundërtën: se vota e lirë është rezultati dhe njëherësh treguesi i ndërtimit të të gjithë atyre insitucioneve demokratike që sigurojnë votën e lirë.
Nuk po zgjatem shumë, por po përmend vetëm disa nga drejtimet e mbrapshta që kemi marrë gjatë këtyre viteve që na kanë çuar në këtë gjendje:
Së pari, le ta fillojmë nga ajo që quhet bazë e bazave, ekonomia. Ne kemi një treg që nuk rregullohet e nuk funksionon sipas ligjit, por një treg që fuksionon sipas ligjeve të klientelizmit të partive politike. Dhe sa kohë që politika shihet si një zgjatim i biznesit, zor se do të kemi votë të lirë. Dhe anasjelltazi, sa kohë që biznesi, për të mbijetuar, do të ketë nevojë të përdorë pushtetin politik, ai nuk do të jetë kurrë i pavarur dhe nuk mund të luftojë për votë të lirë. Mbushja e partive me biznesmenë, disa prej të cilëve as nuk ngurrojnë të të thonë hapur se i kanë hyrë politikës për t’i shërbyer bizneseve të tyre, është tashmë shenja më e qartë e këtij deviacioni.

Së dyti, ky deviacion i ekonomisë është i lidhur fort edhe me deviacionin e gjyqsorit. Një gjyqsor normal ka si parim bazë barazinë përpara ligjit të të gjithë qytetarëve. Një ekonomi tregu që rregullohet në bazë të respektit të ligjit e imponon një gjyqësor të pavarur, sepse është ai që duhet të garantojë konkurencën e ndershme, në mënyrë që më i miri dhe më i zoti të fitojë më shumë. Kurse tek ne ndodh e kundërta. Gjyqsori ynë funksionon sipas parimit se e drejta qëndron tek më të fortit që e sigurojnë këtë forcë në saj të politikëbiznesit. Ai është shndërruar madje në një biznes më vete që nxjerr fitime mu pse në vend të drejtësisë apolikon, ashtu sikurse edhe politika e biznesi, padrejtësinë, klientelizmin, rryshfetin.
Së treti, një deviacion tjetër i rëndë është ai i administratës. Në vendet e qytetëruara zgjedhjet kryhen nga administrata që janë stabël, me funksionarë që qëndrojnë atje në sajë të meritave dhe jo në sajë të klientelizmit partiak. E kundërta ndodh me administratën tonë. Çdo parti që vjen në krye të shtetit ve militantët e vet në administrata si zgjatim i biznesit ose edhe thjesht sepse një punësim i militantit në administratë siguron luftën e tij për partinë, ditën kur do të vijnë zgjedhjet. Partia Demokratike në pushtet e ka thelluar këtë fenomen në mënyrë galopante kohët e fundit.
Së katërti, më duket e tepërt të  zgjatem për një deviacion tjetër dramatik, atë të mediave, jo vetëm se kam shkruar shumë për këtë temë, por edhe pse është shumë evident. Nuk mund të bëhet transparencë e votave të cilësdo parti, dhe as dënim moral i padrejtësisë me media që në vend se garante të interesave të së drejtës dhe së vërtetës janë garante të interesave të padrejtësisë, si pjesë integrale e të devijacioneve të sipërpërmendura.
Në tërësinë e vet situata në vend gjykoj se është rënduar përsa i përket mundësisë që qytetari të ketë jetën e tij, lirinë e tij dhe votën e tij të respektuar. Njërëzit gjithnjë e më me vështirësi punësohen pa përkatësinë politike në njërën nga partitë e mëdha, njerëzit gjithnjë e më me vështirësi mund të mbajnë bizneset e tyre pa këtë përkatësi, njerëzit gjithnjë e më me vështirësi mund të fitojnë një gjyq pa këtë përkatësi, njerëzit gjithnjë e më me vështirësi e gjejnë interesin e tyre dhe të vërtetën të mbrojtur në mediat, pa këtë përkatësi.
Ekziston pra një zinxhir i tërë me hallka të lidhura me njëra tjetrën që çojnë tek vjedhja e votës e cila, jo domosdoshmërisht, është vjedhje fizike. Ndërkaq, ajo që mungon dramatikisht në debatin tonë politik mbi hapjen e kutive është pikërisht analiza e kësaj dhune strukturore që ka çuar edhe në dhunën ndaj kutive. Opozita e kërkon hapjen me një miopi të skajëshme sipas mendimit tim: ajo thjesht synon të deligjitimojë pushtetin e kundërshtarin, ta fusë atë kësisoj në krizë dhe të përshpejtojë rrëzimin e tij. Por ajo nuk shkon as aq larg sa të kërkojë të parashikojë se çfarë do të duhet të ndodhë më tej. Sepse hapi tjetër do të ishin zgjedhjet e reja të parakohëshme. Dhe, duke patur prasysh analizën që bëra më sipër, thjesht e vetëm hapja e kutive nuk siguron assesi askend se zgjedhjet e reja të parakohëshme do të ishin të ndershme. Ja pse gjykoj se opozita, pa hequr dorë nga kërkesa për hetimin e plotë të zgjedhjeve nga komisioni parlamentar do të duhej të punonte për një projekt alternativ që do të siguronte themele të reja të një ndërtese që do të siguronin votën e lirë. Disa çështje që përmenda si ndarja e politikës nga biznesi që lidhet edhe me kërkimin e transparencës përsa i përket sponsorizimit të partive edhe me kërkesat ndaj kandidaturave, deklientelizimi i administratës, ndarja e medias nga pushteti i politikës dhe biznesit, kërkojnë tashmë projekte serioze. Përndryshe, ashtu sikurse ka ndodhur edhe më parë, do të gjindeshin mjete të tjera për të dhunuar zgjedhjet. Ajo që duhet të ndryshojë, e përsëris, është dhuna strukturore që kanë ngritur partitë për të vjedhur votën. Çështja nuk është të sigurojmë kutitë nga vjedhësit, por që të mos kemi vjedhës si roje të kutive. (Korrieri, 8 mars 2010)


 

67 Komente

Fatosin duhet ta ndalojme te merret me tema historike dhe ta leme te perqendrohet tek aktualiteti smiley

Pikat mbi i! Kjo duhet te lexohet nga te gjithe kutihapesit dhe kutimbyllesit, nga militantet e te dyja paleve, e per me shume nga militantet qe kur gjenden kunder dikujt qe eshte kunder partise e udheheqesit te tyre, kalojn ne fazen miope o me ne o kunder nesh edhe e etiketojne bashkedebatuesin si mbeshtetes se pales tjeter armiqsore ndaj tyre duke e bere kshu me te lehte per mendjen e tyre te vogel dilegjetimizin e kundershtarit te tyre.

Ai buron nga fakti se ne kemi shkuar në drejtim të kundërt përsa i përket ndërtimit të shtetit dhe institucioneve të tij; se jemi në gjendjen e një parashteti ose të një shteti të falimentuar,  nëse me këtë kuptojmë një shtet që nuk kontrollohet nga institucionet dhe ligji, por nga grupe dhe klane të fuqishmish, që, normalisht, s’duhet të kenë asnjë mundësi të dhunojnë institucionet e shtetit. Një nga shenjat më flagrante të kësaj, e jo vetëm, është edhe kontrolli i numërimit të votës nga militantët e dy partive dhe jo vetëm. Normalisht ne duhet të kishim shkuar përdrejt një shteti ku me zgjedhjet merret administrata shtetërore dhe të mos kishte probleme votimi. Kurse të thuash këtë gjë sot në Shqipëri të përqeshin si i marrë dhe askush nuk arrin të kuptojë se pikërisht kjo përqeshje flet shumë për nivelin e demokracisë sonë.

[...]

Ekziston pra një zinxhir i tërë me hallka të lidhura me njëra tjetrën që çojnë tek vjedhja e votës e cila, jo domosdoshmërisht, është vjedhje fizike.

Jeser, kur thote Mroklla. lol

Por, shumices se analisto-specialisteve te digave, Kushtetutes dhe energjise se gjelber te preshit, s'i intereson analiza e mirfillte e situates, qe te dalen ne perfundime te tilla. Atyre i intereson cic-mici qe bejne Berisha me Ramen, si ushtare llogoresh qe jane.

Ndaj dhe debati publik, per sa mund te quhet i tille, perqendrohet ne cic-micerime te tilla siperfaqsore dhe njerzit gumezhijne si bletet ne fushata lulesh (por jo si Bleta e Peshkut).

Megjithese per hir te vertetes, eshte folur tek-tuk dhe nga ndonje tjeter pervec Lubonjes, per faktin skandaloz qe tek ne zgjedhjet menaxhohen (komisioneret etj) nga njerez partiake, nga me besniket e feudaleve te partive politike dhe qe pa ndryshuar kete (dhe ca gjera te tjera) eshte e kote te flitet per permiresime kodi zjgedhor etj.

 

Naim kete kam thene dhe une me pare, Lubonja eshte i pazevendesueshem persa i perket aktualitetit dhe politikes (per ceshtjet historike dihet qe s'para jemi dakort me te, dhe ai me duket e ka kuptuar se s'flet me shume per to lol), eshte nga te paktet analiste qe thellohet dhe qe nuk analize-leshtjerron nga pozicioni i nje llogoreje (gazetari llogorosh, tm Lubonja).

 

Peshku do bente mire ta qiste ne krye kete shkrim. Ka ku e ku me shume vlera sesa "lajmi" qe serbet s'na pelqekan. lol

Në këtë aspekt kanë të drejtë ata që thotë se dy njerëzit që janë më pak të interesuar se kuzhdo tjetër për hapjen e kutive janë Sali Berisha dhe Edi Rama. Sepse këta të dy, si tipologji lideri e kulturë politike, mbijetojnë politikisht pikërisht në sajë të polarizimit të ashpër që krijojnë raste të tilla si ky i hapjes ose jo i kutive, që vazhdon t’i ndajë njerëzit në “o me mua, o kundra meje.”.

 

 

I ka thene te gjitha qe mund te thyhet per politiken ne Shqiperi.

Mroklle, pertej te majtes, te djathtes, dhe diversion-futboll-analogjise dhe nderrim teme me artikuj te shqiptare-gazetarise, mund te na thuash dicka mbi analizen analitike lubonjistike dhe ceshtjet qe rrek-prek?

 

Ne rastin tone, vjen verdalle si 'repist'

Historia perserit vetvehten, por heren e dyte qe gjene-vjen verdalle,  si komedi!

Pse si repist? smiley

E ke llafin si raper kuller, apo repist "si t'qee me llune" smiley

Shume dakord me shkrimin. Nuk ka nevoje per komente te tjera.

As njoni nga ju me siper qe keni komentuar nuk e keni kuptuar artikullin,kjo tregon dhe nivelin e dobet te komenteve,jeni mjaftuar "i ka vene pikat mbi i"

asgje tjeter lexojeni dhe njehere qe te kthjelloheni,nuk ju detyron njeri me zor te shkruani nje koment,aq me shume qe disa nga ju kane jo me shume 10 komente ne dite.

Brad.

Lubonja paguhet , ne paguajme.

Kemi kete te drejte te sillemi si na pelqen, e te themi çfare deshirojme, kur te paguhemi do jemi me serioz.

Lubonja ka thene diçka shume domethense, pamvarsisht se per hater te lexuesve, zgjatet, zgjatet, deri ne infinit te çeshtjes, pa u mbyllur rrethi, Lubonja mbyll artikullin, se perndryshe po te vazhdoje me gjate, do arrije aty qe te mohoje ato qe ka shkruar ne fillim per te pohuar ato qe shkruan ne fund.

Demokracia eshte ne rrezik,( ne rastin tone mund te thuhet, çfare demokracie po krijojme?) kur figura politike eshte me i fuqishem se institucioni.

Ne kemi dy figura, qe jane me te fuqishem se institucionet, sidomos Rama,dhe per inerci  behet edhe Berisha, ndryshe do kishim vetem nje figure ate te Edit.

Edi, me levizjen diabolike per hapjen e kutive, forcoi poziten e vet ne parti, kjo eshte e pamohushme, dhe anasjelltas forcoi figuren e Berishes, mjafton te shikojme se sa afer i rrin partia Lsi-s.

 

Megjithese per hir te vertetes, eshte folur tek-tuk dhe nga ndonje tjeter pervec Lubonjes, per faktin skandaloz qe tek ne zgjedhjet menaxhohen (komisioneret etj) nga njerez partiake, nga me besniket e feudaleve te partive politike dhe qe pa ndryshuar kete (dhe ca gjera te tjera) eshte e kote te flitet per permiresime kodi zjgedhor etj.

Deri tani, pervec Lubonjes une kam digjuar vetem nje person tjeter ta zeje ne goje kete gje: Nje fare, Leonard Solis...sekretar i Partise Hom...em PBDNJ-se desha te them.  Te gjithe "analistet" e tjere flasin per te drejtat ligjore, morale, demokratike te Berishes apo Rames, per hapje/mos hapjen e kutive.  S'guxon njeri te dali jashte vijes se padronit, se ngelet pa pune.

Nje person tjeter publik e ke llafin besoj, se sa per te thene te gjitha ato qe thote Lubonja aty me siper jan thene e jan sterthene edhe ne kete blog me qindra here, edhe ti citoj po deshe, ato qe mund te kene ngel pa u fshire nga moderatoret e zellshem. Por me vjen keq te konstatoj se jeni pikerisht ju qe po ju pelqen ky shkrim keshtu ne siperfaqe qe jeni edhe me partiaket ne kete blog pro Berishes dhe PD-se, si xhibi lumidrini, hurbinek etj qe vetem nga fakti se keni kontradikta edhe brenda te njejtes fjali duket qarte qe jeni besnike primitiv te liderit dhe partise per motive te dobta, komplekse etj.

Po sigurisht qe e kam per nje person tjeter publik, se keshtu njerez me mend ne koke jo militante injorante ka plot qe e kane thene por s'jane publike.

Per te tjerat, te te vije keq te konstatosh ate qe konstatove se je koke e kembe gabim, te pakten per mua.  Per me shume lexo komentin tim te pare ne teme, ose zevendeso emrin tim me emrin tend te fjalia jote e Berishen me Ramen, dhe ja ku del besniku primitiv i liderit te partise.  Mos harro se ti je ai qe ke thene, po ku je o Enver djali cohu dhe njehere se na mori malli.

E kam thene dhe e them perseri 100 here, dhe nuk kam kurrfare kompleksi ne lidhje me kete, biles te garantoj qe e ka thene shumica e popullit tone shume here gjat ketyre 20 viteve (ku vuajtjet, vrasjet etj i tejkalojne jo vetem ato te gjith periudhes komuniste te marar sebashku po futi edhe luftene  pare dhe te dyten brenda qe tju afrohesh, dhe si pasoje direkte e pushteteve te dy partive kryesore te plehrokracise, bashkevuajtes e bashkefajtor? eheh!), megjithese ashtu si edhe une mendojne se ka qene nje shtet i padrejte, dhe shpresonin tek ndertimi i demokracise ne Shqiperi. Megjithate e kaluara nuk ka perse te na frenoj te japim mendime te qarta, te ndershme dhe te llogjikshme ne respekt te vetes dhe shoqerise ku jetojme per aktualitetin dhe te ardhmen e perbashket tonen dhe te femijeve tane si familjare, miq, kolege, bashkefshatar, bashkeqytetar, patriote dhe shqiptar. Ne qofsha gabim ma thuaj.

 

ps. dhe me ka vajtur buza mbrapa veshit duke thene se shteti shqipetar ka detyrime per te lare kunder shume nenshtetasve te vet, te cileve u ka rene ne qafe padrejtesisht, pa kryer asnje faj kunder vendit dhe shoqerise te tyre.

Mos u be doreshtrenguar, po shto dhe luftrat ballkanike dhe kryengritjet ndaj osmanllinjeve qe te arrihet barazimi me vuajtjet e plehrokracise.  Sa per djeni ne luften e pare botrore Shqiperia ka humbur 10% te popullsise se saj, pra aty afro 100 000 te vdekur.  Gjithashtu sa per djeni llogaritjet doreshtrenguara per viktimat e krimeve te komunizmit jane aty afro 110-120 mije te vrare, burgosur e internuar (numrat jane me te medha po te behet nje studim me i perpikte).  Pra ato konstatimet e tua jane komplet pa baze dhe nuk permbajne asnje te vertete.  Problemi ama nuk qendron te krahasimet sasiore te numrave te viktimave gjate periudhave te ndryshme, por te krahasimet cilesore.   Demi me i madh i sistemit komunist eshte pikerisht krijimi i atij njeriut te ri qe synonte, atij njeriu pa bese, pa nder, pa moral, pa vizion, servil, frikacak, spiun, i nenshtruar e besimtar qorr ndaj udheheqesit te tij.  Ky eshte ai njeriu qe sot e kesaj dite voton Berishen apo Ramen. 

E kaluara nuk ka pse te te frenoj qe te japesh mendime te qarta e te llogjikshme ne respekt te vetes dhe shoqerise ku jeton, ama qe kjo te ndodhe duhet qe ne fillim ta konfrotosh te kaluaren ndershmerisht, burrerisht e sinqerisht.  Ta studiosh ate thellesisht, ti denosh krimet e saja rreptesisht e te disntancohesh prej saj realisht.  Nqftse e ben kete me mendje te kthjellet e te hapur, pa interes, pa ligesi e me gjak shqiptari ke per ta pare ti e te gjithe te tjeret, qe as nuk do enderronit me per te thene "po ku je o Enver djali, cohu se na mori malli".

Mos u be doreshtrenguar, po shto dhe luftrat ballkanike dhe kryengritjet ndaj osmanllinjeve qe te arrihet barazimi me vuajtjet e plehrokracise.  Sa per djeni ne luften e pare botrore Shqiperia ka humbur 10% te popullsise se saj, pra aty afro 100 000 te vdekur.

Me mire mos tja fillojme fare te numerojme viktimat e ketyre 20 vjeteve si pasoje direkte e politikave te qeverive, vetem aksidentet rrugore jan si bilanc lufte plako, pa u marr me vdekjet e kota ne spitale, te kriminalitetit, hakmarrjes e ehuu lista eshte pafund.

Gjithashtu sa per djeni llogaritjet doreshtrenguara per viktimat e krimeve te komunizmit jane aty afro 110-120 mije te vrare, burgosur e internuar (numrat jane me te medha po te behet nje studim me i perpikte).  Pra ato konstatimet e tua jane komplet pa baze dhe nuk permbajne asnje te vertete.

 

Po flasim per viktima, prandaj mos i fut te gjith ne nje thes, sepse te vrare nga komunizmi te marre sebashku rreth 6 mij jane, ka edhe numer te sakte te vrasjeve qe jan kryer, dhe studime te perpikta po deshe. Une per vete nuk kam perse te distancohem nga e kaluara e krimeve te komunizmit sepse skam pas fare te bej me to ne rradhe te pare, por nuk e di se sa vazhdojne te te influencojne ty ne jeten tende dhe llogjiken tende. Mua aspak, zero. Nga ana civile, humane por edhe patriotikle denoj cdo veprim te padrejte te marr nga shteti shqiptar ne cdo kohe, por sidomos ato te kohes komuniste kur kan qene vendime te marra arbritarisht nga shteti kundrejte individeve te caktuar pa kryer asnje dem ne kurriz te shoqerise, shpesh edhe ne kundershtim me vete ligjet e atij sistemi. Une kete gje e kam thene edhe me qarte edhe me prere, biles edhe me sakte se ty eshume te tjere qe jan me te ndjeshem se une ne kete ceshtje. Sa per Enverin as nuk dua te marr mundimin te te mbush mendjen ty, por po preferoj qe ne Shqiperi te kete nje dore te forte qe udheheq Shqiperine me krenari, qe i mbron sigurine kombetare dhe dinjitetin, nje shtet qe nderton, nje shtet ku punohet, ku ka siguri ne rruge mbizoteron dora e ligjit. Kur them c'u bere Enver djali e them me keqardhje, jo me nostalgji.

Me mire mos tja fillojme fare te numerojme viktimat e ketyre 20 vjeteve si pasoje direkte e politikave te qeverive, vetem aksidentet rrugore jan si bilanc lufte plako, pa u marr me vdekjet e kota ne spitale, te kriminalitetit, hakmarrjes e ehuu lista eshte pafund.

Ne amerike afersisht cdo vit vdesin 40 000 njerez ne autostradat e ndertuara nga shteti ne vitet 50.  Si pas kesaj llogjike duhen shkaterruar autostradat e duhen fajesuar te gjithe ata qe i ndertuan si kriminele? 

Po flasim per viktima, prandaj mos i fut te gjith ne nje thes, sepse te vrare nga komunizmi te marre sebashku rreth 6 mij jane, ka edhe numer te sakte te vrasjeve qe jan kryer, dhe studime te perpikta po deshe.

Njerzit qe shpenzuan rinine e tyre neper burgje, ata qe u degdisen ne fshatrat e thella per te punuar pune te renda fizike, ata qe u shkaterruan fizikisht e psiqikisht, atyre qe u mohua e drejta per edukim, ata qe u persekutuan ne cdo skaj te jetes se tyre, per ty nuk jane viktima?

Ne amerike afersisht cdo vit vdesin 40 000 njerez ne autostradat e ndertuara nga shteti ne vitet 50.  Si pas kesaj llogjike duhen shkaterruar autostradat e duhen fajesuar te gjithe ata qe i ndertuan si kriminele?

Po flas per ata qe kan vdekur si pasoje direkte e politikave te gabuara te qeverive ose qeveritareve plotesisht te ndergjegjshem qe me ane te perfitimeve materiale te tyre duke mos zbatuar ligjet, por nepermjet korupsionit apo politikave te gabuara do te krijojne kushtet per vdekjen e gjith atyre shqiptareve. Ndryshimi ne Amerike eshte qe shteti ben te pamunduren te minimizoje aksidentet, kurse ne plehrokraci nepermjet korupsionit dhe politikave deshtake, shume here biles edhe dashakeqese, behet maksimizimi i vrasjeve (sepse kur ka ndergjegjie te vendimit te marr  nuk mund te quhet aksident por vrasje).

 

Njerzit qe shpenzuan rinine e tyre neper burgje, ata qe u degdisen ne fshatrat e thella per te punuar pune te renda fizike, ata qe u shkaterruan fizikisht e psiqikisht, atyre qe u mohua e drejta per edukim, ata qe u persekutuan ne cdo skaj te jetes se tyre, per ty nuk jane viktima?

Padyshim qe jane, dhe e kam thene vazhdimisht, por kjo nuk me ndalon te shoh qe ky shtet vazhdon te prodhoje akoma me shume viktima, biles shume here me shume ne plehrokraci ne te gjitha aspektet, dhe pa kryer asnje detyrim minimal as per te paret biles, qe jane edhe kauz-morali i vet plehrokracise. Pra mos i mbyll syte para krimeve te plehrokracise, ne rradhe te pare sepse as vete nuk ke gjetur drejtesi ne kete sistem, sepse ne kete plehrokraci s'ka shqiptar te ndershem, pavaresisht i cilit krah politik apo shtrese shoqerore qe te kete shijuar drejtesi.

Opozita e kërkon hapjen me një miopi të skajëshme sipas mendimit tim: ajo thjesht synon të deligjitimojë pushtetin e kundërshtarin, ta fusë atë kësisoj në krizë dhe të përshpejtojë rrëzimin e tij. Por ajo nuk shkon as aq larg sa të kërkojë të parashikojë se çfarë do të duhet të ndodhë më tej. Sepse hapi tjetër do të ishin zgjedhjet e reja të parakohëshme. Dhe, duke patur prasysh analizën që bëra më sipër, thjesht e vetëm hapja e kutive nuk siguron assesi askend se zgjedhjet e reja të parakohëshme do të ishin të ndershme.

 

Mu me mjafton te deligjimohet

1) Qeveria qe institon se ishin me te mirat. Madje guhake si puna e Alibeajt insistojne qe institucionet e Arrnautistanit jane aq serioze sa me organizimin zgjedhjeve, tashme, duhet te merret Ministria e Brendshme

2) Nderkombetaret qe i vulosin zgjedhjet si te pranueshme. Kjo do ishte fitorja e me e madhe. Duhen deligjitimuar dhe demaskuar pazaret e nderkombetareve qe shkembejne drejtesine me fitimin e perkohshem te stabilitetit

Qafir, ta zeme ndodh ajo qe thua ti dhe deligjitimohet e pastaj behen zgjedhje te parakohshme.  A mendon se ato zgjedhje do jene te rregullta?

"....Ai buron nga fakti se ne kemi shkuar në drejtim të kundërt përsa i përket ndërtimit të shtetit dhe institucioneve të tij; se jemi në gjendjen e një parashteti ose të një shteti të falimentuar, nëse me këtë kuptojmë një shtet që nuk kontrollohet nga institucionet dhe ligji, por nga grupe dhe klane të fuqishmish, që, normalisht, s’duhet të kenë asnjë mundësi të dhunojnë institucionet e shtetit. Një nga shenjat më flagrante të kësaj, e jo vetëm, është edhe kontrolli i numërimit të votës nga militantët e dy partive dhe jo vetëm..."  

 

"....Mbushja e partive me biznesmenë, disa prej të cilëve as nuk ngurrojnë të të thonë hapur se i kanë hyrë politikës për t’i shërbyer bizneseve të tyre, është tashmë shenja më e qartë e këtij deviacioni. Së dyti, ky deviacion i ekonomisë është i lidhur fort edhe me deviacionin e gjyqsorit..."  

 

"....Gjyqsori ynë funksionon sipas parimit se e drejta qëndron tek më të fortit që e sigurojnë këtë forcë në saj të politikëbiznesit. Ai është shndërruar madje në një biznes më vete që nxjerr fitime mu pse në vend të drejtësisë apolikon, ashtu sikurse edhe politika e biznesi, padrejtësinë, klientelizmin, rryshfetin.Së treti, një deviacion tjetër i rëndë është ai i administratës..."  

 

"....Çdo parti që vjen në krye të shtetit ve militantët e vet në administrata si zgjatim i biznesit ose edhe thjesht sepse një punësim i militantit në administratë siguron luftën e tij për partinë, ditën kur do të vijnë zgjedhjet..."  

 

"....Së katërti, më duket e tepërt të zgjatem për një deviacion tjetër dramatik, atë të mediave, ..."  

 

".....Në tërësinë e vet situata në vend gjykoj se është rënduar përsa i përket mundësisë që qytetari të ketë jetën e tij, lirinë e tij dhe votën e tij të respektuar. Njërëzit gjithnjë e më me vështirësi punësohen pa përkatësinë politike në njërën nga partitë e mëdha, njerëzit gjithnjë e më me vështirësi mund të mbajnë bizneset e tyre pa këtë përkatësi, njerëzit gjithnjë e më me vështirësi mund të fitojnë një gjyq pa këtë përkatësi, njerëzit gjithnjë e më me vështirësi e gjejnë interesin e tyre dhe të vërtetën të mbrojtur në mediat, pa këtë përkatësi..."  

 

"....Ajo që duhet të ndryshojë, e përsëris, është dhuna strukturore që kanë ngritur partitë për të vjedhur votën. Çështja nuk është të sigurojmë kutitë nga vjedhësit, por që të mos kemi vjedhës si roje të kutive..."  

 

 I ka rene pikes, tamam. Analiza e Lubonjes me pelqeu.  

Mu me mjafton te deligjimohet

Ky eshte problemi kryesor i situates politike ne Shqiperi: Cfare te intereson ty.

Presidenti Topi kishte nje deklarate sot ku thoshte se duhet marre parasysh kjo gje urgjentisht.

Qafir, ta zeme ndodh ajo qe thua ti dhe deligjitimohet e pastaj behen zgjedhje te parakohshme.  A mendon se ato zgjedhje do jene te rregullta?

Jo!

 Ate pra, po thote dhe Lubonja!

Leje ate muhabet!! Mos kerko asigjo, se nuk je me i mire!

Duhet bo nga fillimi shtetin, po jo tani!

Kupto ti tashi pershembull! smiley 

 

Athere i bie te kthehemi atje ku ishim prap apo jo? Sic thote Lubonja, ne historine tone post komuniste, kemi vetem mbase nje here (1992) ku humbesi ka pranuar qe ka humbur zgjedhjet.

Lubonja nuk eshte nje analist i ndershem! Nuk mban qendrim te ndershem, biles do te thosha qe eshte avokati me i sofistikuar i Berishes. Nuk e kuptoj kete manine e tij te pergjithesimit, eshte nje problem qe  duhet ti pergjigjet Lubonja. Nqs eshte intelektual i ndershem te na thote perse ishte pjese e mashtrimit publik tek televizioni klan gjate zgjedhjeve? Perse nuk ben detyren e intelektualit dhe te akuzoje drejtepersedrejti mediat, sidomos ato afer qeverise si puna e tv klan, qe nuk kan kurre asnjegje te keqe per te thene per qeverine dhe administraten a thua jetojne ne nje vend ku gjerat shkojne vaj?? Ne krahun tjeter kan paturpesine te merren me opoziten dhe faturojne pergjegjesi qe jan eskluzivisht te qeverise?? Nuk jan me mire mediat e majta, por te pakten Top-channel ka nje fare pergjegjesie qytetare kur pasqyronte gabimet e pushtetit te PS-se dikur ( kur pikerisht te njejtit qe e shajne sot e mburrnin fiksin e topin kur ishte Berisha ne opozite) dhe ato te pushtetit te PD-se sot.  Nuk e kuptoj se si mund te vendosen para te njejtes pergjegjesi pala qe kerkon transparence te zgjedhjeve dhe pala qe kundershton transparencen (vetem per hamendesime mbi synimin politik te paleve). Do te kisha deshire te ma shpjegonte Lubonja kete. Nuk mund te thuash qe PS-ja paska po aq faj sa qeveria sepse nuk i intereson vertete e verteta e zgjedhjeve por ka arsye tjeter, pa dhene fare as arsyen qe supozohet. Kjo eshte nje teze shume abstrakte.

Megjithate nuk kam pike dyshimi vete qe si PS-ja si PD-ja jan dy grupe qe terhiqen per hundesh nga te njejtet bosa, por qe nxjerrin nje fare fitimi ne kurriz te popullit hallexhi. Une kam hapur nje teme mbas zgjedhjeve ku pysja nqs Rama duhej te kerkonte falje per mos ruajtjen e votes ashtu sic premtoi para zgjedhjeve, kur e garantoi elektoratin shqipetar qe ishte zgjedhur kodi me i mire zgjedhor ne bashkepunim me Berishen, dhe i ftoi shqipetaret te dilnin masivisht ne zgjedhje sepse "ska zot te vjedh voten" e shqiptareve. Nje jave me vone uluriti andallim loje, pa pike turpi e tha na u vodhen votat, por mire ti behet ketij populli partiak e pa kulture politike qe vazhdon e voton per keto dy parti qe me pushtetin etyre i kan sjell ketij vendi vetem shkaterrim, vuajtje e zi.

zgjedhje te reja...se ndryshe ikem per lesh prap

Ka kohe (qe perpara bisedimeve PS-PD) qe kam postuar nje teme pikerisht mbi zgjedhjet e reja si nje mundesi e daljes nga kriza politike. Pra palet te shkonin ne bisedime pa pasur fare ne axhente zgjedhjet e kaluara dhe kutite e votimit, por te gjehej gjuha e perbashket per kur do te mbahen zgjedhje te parakoheshme dhe parandalim te perseritjes te gabimeve te kostatuara kete rradhe nga nderkombetaret. Pra nqs me hapjen e kutive PS-ja nuk synon pushtetin atehere ndodhemi perballe nje fakti te kryer, dhe nuk ka c'flitet me per ato zgjedhje, le te fitoje PS-ja zgjedhjete  ardheshme dhe ti hap kutite e te gjitha zgjedhjeve qe jan mbajtur ne Shqiperi keto 20 vjet po te doje si transparence dhe pergjegjesi ndaj popullit qe meriton te dije te verteten.

 

Moderatoret e zellshem te peshkutpauje nuk e botuan postimin.

Paradoksi i pamundësisë së administrimit zgjedhor?!

 

08/03/2010      Artan Hoxha

 

1. Në raportin e OSBE/ODIHR për zgjedhjet 2009 radhiten një numër defektesh të administrimit të tyre. Parë me kujdes, burimi kryesor i këtyre defekteve është natyra bipartizane e administrimit zgjedhor, i cili u mundëson partive përdorimin e taktikave destruktive sipas interesit politik të çastit nëpërmjet administratorëve të emëruar politikisht në pikat ose nivelet e ndryshme administrative: qendër votimi, tryezë numërimi, instancë ankimi etj. Në këto zgjedhje u vërejtjen të njëjtat defekte e taktika destruktive të përdorura edhe në zgjedhjet e mëparshme, por në një sasi më të vogël.

2. Sistemi bipartizan i balancuar i administrimit zgjedhor, shkurt sistemi bipartizan, ka në themel të tij dy faktorë: I ) dyshimin e çdonjërës palë se pala tjetër do të tentojë të manipulojë; II) çdo palë i ka të gjitha mundësitë të emërojë administratorë besnikë, qoftë edhe duke i ndërruar në minutën e fundit. Në këto dy kushte, korrektësia e administrimit zgjedhor është produkt i simetrisë së përfaqësimit dhe/ose i mundësive të njëjta për të përdorur dhe/ose për të kërcënuar me përdorimin e metodave destruktive nga administratorët përkatës të palëve, metoda që zbatohen sipas urdhrit partiak nga këta administratorë, të cilët ndihen përgjegjës shumë më tepër ndaj palëve përkatëse politike sesa ndaj zgjedhësve, ligjit, moralit dhe interesit publik.

3. Në kushtet e ekuilibrit ose të dyja palët nuk lejojnë manipulim ose që të dyja lejojnë me konsensus manipulim të barabartë me efekt neutral në rezultatin zgjedhor. Problemi lind kur prishet ekuilibri në një mori pikash dhe/ose nivelesh administrative dhe si një ortek, rrezikon të përhapet në një shkallë të gjerë duke e rrënuar të gjithë administrimin zgjedhor. Sistemi bipartizan është modeli tipik i mirënjohur i ekuilibrit të paqëndrueshëm. Një ngacmim në një pikë mund të shkaktojë daljen nga ekuilibri të administrimit zgjedhor në mënyre të parikthyeshme.

4. Fenomeni ortek nuk u vërejt në zgjedhjet e vitit 2009. Sistemi mbeti në ekuilibër, me përjashtim të orëve dhe ditëve të fundit të numërimit dhe ankimit zgjedhor. Numri i vogël i defekteve flet për moslejimin reciprok të manipulimeve dhe për lejimin, ndoshta, vetëm të një numri të vogël manipulimesh simetrike pa efekt në rezultatin relativ ndërmjet dy palëve në garë. Shkurt, ky sistem në qershor 2009 i tejkaloi edhe parashikimet më optimiste. Teknologjia moderne, monitorimi i rreptë e i gjerë vendas dhe ndërkombëtar, prania masive e medias, si edhe pritshmëria e lartë e publikut dhe e institucioneve ndërkombëtare për ndershmëri zgjedhore, kanë pasur ndikimin e tyre pozitiv. Por këta faktorë duhen mënjanuar nga analiza si neutralë, sepse mund të ishin të pranishëm edhe në rastin e një sistemi tjetër të administrimit zgjedhor.

5. Të dyja partitë kryesore kishin të njëjtat pritshmëri për fitore në zgjedhjet e kaluara. Simetria në pritshmërinë për fitore ndikon në forcimin e vetëbesimit, të qetësisë dhe besnikërisë së administratorëve të të dyjave palëve dhe që nga ana e tyre, forcojnë prirjen për sjellje konstruktive gjatë administrimit zgjedhor, sikurse ndodhi. Me përjashtim të pak rasteve të izoluara e pa efekt, taktikat destruktive filluan të përdoreshin kryesisht në momentet e qartësimit të rezultatit dhe shpalljes së aleancës PD-LSI. Edhe analiza e zgjedhjeve 2005 dhe 2007 tregon se pritshmëria simetrike për fitore është faktor përcaktues në ruajtjen e ekuilibrit të sistemit bipartizan të balancuar. Zgjedhjet më të hershme u administruan me një sistem të pabalancuar, ndaj dhe nuk duhen marrë në analizë.

6. Gjithsesi, edhe pritshmëria për fitore është një faktor jashtë sistemit bipartizan. Si përfundim, suksesi i këtij sistemi varet tërësisht nga faktorë jashtë tij dhe jo nga logjika e tij e brendshme. Karakterizuar nga ekuilibri i paqëndrueshëm, në rrethana të jashtme të pafavorshme, sistemi bipartizan ka risk të lartë për dështim. Kjo është një arsye e fortë që zgjedhjet e ardhshme duhet të administrohen me një sistem normal në të cilin garantët janë administratorë të përgjegjshëm ndaj votuesve, ligjit dhe shtetit e ku partitë kanë të gjitha të drejtat e vëzhgimit dhe ankimit. Një vend anëtar i NATO-s dhe së shpejti kandidat për anëtarësim në BE nuk mund të bazohet më në një sistem bipartizan, i tejkaluar në raport me stadin ku jemi tashmë.

7. Sjellja radikale paszgjedhore e opozitës, që shpjegohet kryesisht si një taktikë për interesa të ngushta politike, e ka gjithsesi një mbështetje te mosbesimi në rezultatin e zgjedhjeve 2009, mosbesim ky që bie ndesh me certifikimin e zgjedhjeve nga administratorët e palëve, nga gjykatat dhe vëzhguesit vendas e ndërkombëtarë. Në këto rrethana, besimi se rezultati i vërtetë zgjedhor është i ndryshëm nga ai i shpallur, shpjegohet vetëm nëpërmjet hipotezës teorike të “konspiracionit perfekt”. Kemi të bëjmë pra, me një “mosbesim naiv” te rezultati zgjedhor 2009. Në qoftë se fillimisht mosbesimi naiv u provokua, sot duket se ai ka zënë rrënjë te një pjesë e mbështetësve të opozitës. Ndërkaq, shmangia me këmbëngulje e përdorimit të mjeteve ligjore dhe institucionale për të arritur të ashtuquajturën “transparencë paszgjedhore” nga opozita, e justifikuar me pretendimin se sistemi institucional dhe ai ligjor është i pabesueshëm, përhap dhe rrënjos farën e një tjetër mosbesimi naiv.

8. Mosbesimi naiv krijohet dhe rrënjoset lehtë sidomos në ato segmente shoqërore që kanë prirje të besojnë më tepër tek e keqja a te konspiracioni sesa te të kundërtat e tyre. Militantët politikë janë me të ndikueshmit edhe për shkak të besimit të verbër që ushqejnë për drejtuesit respektivë. Pas arritjes së një mase kritike mosbesimi, nxitësit e tij – udhëheqësia opozitare - edhe sikur vetë të besojnë të kundërtën, do ta kenë të vështirë t’u kthejnë mendjen mosbesuesve naivë. Aq më tepër kur vetë nxitësit mund të kenë pas ushqyer ca mosbesim naiv e të jenë vetëbindur tashmë. Keqpërdorimi i gjatë i këtyre dy tezave do t’i mbajë gjallë të dy mosbesimet naive të cilat, herët a vonë, do të bëhen pengesë serioze për të marrë vendimin politik për të ndryshuar sistemin e administrimit zgjedhor.

9. Duke mos pasur alternativë tjetër, sistemi i vetëm mbetet ai bipartizan. “Kur s’ke pulën, do hash sorrën!” Çështja është nëse do ta kemi makar edhe sorrën! Besimi naiv opozitar te  konspiracioni perfekt është në thelb mosbesim te dy shtyllat ku mbahet në këmbë vetë sistemi bipartizan i balancuar: besnikëria e administratorëve opozitarë dhe mundësia reale e balancimit të forcës administruese. Sa më i theksuar dhe i përhapur të jetë mosbesimi naiv, aq më pak do të besojë opozita në sistemin bipartizan. Sa për krahasim, demokratët në opozitë, me gjithë ankesat dhe provat për manipulime, asnjëherë nuk e humbën besimin tek administratorët e tyre zgjedhorë. Përkundrazi, duke pasur besim të plotë tek ata, kërkuan me këmbëngulje balancimin e sistemit.

10. Mungesa e këtij besimi naiv deri në zgjedhjet e ardhshme, në rastin më të mirë, do të shkaktojë përdorimin masiv të taktikave destruktive nga opozita, për pasojë edhe nga mazhoranca, me efekte shkatërruese. Ndërrimi i shpeshtë i administratorëve, përfshirë vështirësitë për gjetjen e tyre, braktisja masive e qendrave të votimit a kontestimet masive të votave në numërim ka shumë gjasa të ndodhin në zgjedhjet e ardhshme. Maksimalisht, ky mosbesim, nëse forcohet, mund të shkaktojë mospjesëmarrjen e opozitës në zgjedhje, sidomos nëse ajo do të perceptojë mundësi të pakta për fitore.

11. Hetimi ose rinumërimi i pakufizuar, po të ishin të kushtetutshëm ose të mundur, nuk do ta zhbënin dot mosbesimin naiv. Një rezultat rinumërimi që konfirmon numërimin fillestar nuk ka gjasa të besohet nga naivët, sepse këta sërish mund t’i besojnë një tjetër konspiracioni perfekt. Në të kundërt, çdo diferencë, sado e vogël, e shkaktuar nga ndonjë gabim njerëzor që do të rezultonte në rinumërim, do të interpretohej dhe do të perceptohej si manipulim. Pale se ç’zhurmë do bëhej për ndonjë rast të veçantë shkeljeje, pavarësisht nga mosndikimi në rezultat! Trajtimi politik e mediatik i rastit “Ruzhdie” deri te loja me të ashtuquajturat “karta false të identitetit” na parathonë se opozita do të përdorë taktika propagandistike destruktive në hetimin parlamentar. Mosbesimi naiv vetëm do të forcohet dhe zgjerohet nga ky hetim.

12. Sido që ta trajtosh, çështja e administrimit zgjedhor të ardhshëm nuk ka zgjidhje. Udhëheqësia opozitare, me dashje ose pa dashje, e ka shkaktuar vetë këtë situatë paradoksale. Ndoshta, qëllimi i vërtetë i saj është mungesa e zgjidhjes. Përballë një humbjeje me shumë gjasa në zgjedhjet e radhës, mbajtja e një situate radikale dhe pa zgjidhje është e vetmja mënyrë e gjetjes së justifikimit të humbjes, pra dhe e mbajtjes së rolit udhëheqës. Asgjë s’humbet; ndoshta, ndoshta mund edhe të fitojë. Ku i dihet! E vetmja rrugë që mbetet në këtë situatë, në shërbim të interesit publik, është rezistenca maksimale ndaj destruktivitetit opozitar duke iu referuar gjithnjë Kushtetutës dhe ligjeve me shpresën se, me hir ose me pahir, udhëheqësia opozitare do të rikthehet në normalitet dhe se mosbesimi naiv, i pamanipuluar dhe i paushqyer në vazhdimësi, do të shuhet gradualisht deri në zgjedhjet e ardhshme.

http://216.75.13.41/index/opinion/a96d9b...

Ky eshte personi me sharlatan qe ben komente politike ne media. Bile eshte aq sharlatan sa ndryshon opinion per te njejten brenda 2-3 ditesh.

Tani te me ndjeni qe do shkruaj nje barcalete te vjeter qe e dine te gjithe besoj por ky nuk ka si ta kuptoje ndryshe qe eshte kokrra e idiotit. ( ne fakt nuk eshte barcalete por skec  i Luftar Pajes )

Lalucit Luftar Paja i kishin vjedh lopen dhe ngrihet i gjithe fshati dhe i shkon per ngushellim e duke i dhene keshilla :

- E ke gjumin e rende o Luftar, ndaj nuk i ke ndjere hajdutet - i thote i pari.

- Luftar xhan, duhet te mbash qen jo si ky qe ke se ky eshet kone - thote i dyti.

- Luftar , mo ke ndonej deitor ene ta ka marr per borxhet - i thote i treti

- Luftar , keshtu eshte kur e ben mootin sa nje sovjetik dhe nuk run lopen - thote i katerti

E keshtu me rradhe te gjithe, duke pire kafene dhe duke ndez nga nje cenare. E ti erdh Luftarit ne maje te hundes :

- Po mire mer po ai qe vodhi lopen nuk paska faj fare ee?

--

Shkurt keto qe thote ky palloshi i Arres jane si keto te laluceve. Eshte i vetmi komentator qe ka qe nga koha qe i rane floket per sikletin se e shkarkun nja nje Keshill drejtues, qe vertitet nga njera bole ke tjetra per te tregu devocion ke qeveriu. Ishte nje u bene dy Fahri Balli tani. smiley

O lubonje mire qe e mer te dhene faktin se po te hapen kutite del qe berisha ka vjedh, madje si thua ti do ishte habi po te ndodhte e kunderta, po me mbrapa si vazhdon? Se mbas nje pohimi te tille cdo njeri normal do kerkonte e pakta zgjedhje te parakoheshme, se s'ka si te mbaje nje popull qe e mban veten per sovran nje qeveri qe ka pushtuar vendin.

Po mire hajde ta tolerojme kete qeveri (qe s'i paska fituar zgjedhjet) te qeverisi se po e boka mire. Po edhe ketu ngec. Se ti e shef qe ne gjithe shqiperine po rreshket dheu, shkodra u permbyt dy here, maliqin e ktheu prape ne kenete, fieri kenete, taksat po i rrit, ossh te vjedh sy per sy, E kapen tu dhuru detin pasi kishte shkel dhe kushtetuten (po ti se ke problem se dy peshq ishin siç deklarove, po hajde po them qe po e kthen shqiperine ne koshin e plehrave te italise se te terheq me shume si teme) me nje fjale ca eshte tu bo ky qe t'ia falim edhe keto zgjedhje qe eshte hera e dyte qe po i vjedh? Apo t'ia bejme hallall se ti se shifke dot me sy ed ramen. Dhe te fevziu ngele tu dhon men per t'gjitha, per revistat e modes, per kofshet e femrave per serialkiller per pederastet per t'gjitha je specialist ti?

ha ha ha - Lubonja u ka bo si kuceder, me 7 koka intelektuale

Lubonja ben argumentime "te veshtira" duke thene se nuk mund tja lesh ujkut ti r(r)uaje delet, duhet zgjedhur nje kafshe jo-mishngrenese. Fundja kshu ben dhe bota.

Replikat e "sofistikuara" te disa peshqve ndaj ketij argumenti jane vertet gallate.

Si ky p.sh.:

O lubonje mire qe e mer te dhene faktin se po te hapen kutite del qe berisha ka vjedh, madje si thua ti do ishte habi po te ndodhte e kunderta, po me mbrapa si vazhdon?

Jo mer ti specialisti i mullinjve me eren e gazrave te fasuleve, nuk eshte duke thene ate gje Lubonja. Ju keput bretku juve duke ja kap nga bishti argumentat Lubonjes dhe kujtdo tjeter qe s'ju vjen sipas midese tuaj.  

Ai po thote qe sistemi i tille ku zgjedhjet administrohen nga njerzit me partiake te vendit gjithmone do kete manipulime, dhe nuk e ve rendesine tek kutite tuaja te famshme* pikerisht per kete arsye.

 Kova e letres s'e mban ujin thote ai, duhet material tjeter. Po juve insistoni qe duhet hedhur kjo kova e letres dhe duhet nje kove tjeter letre, meqe ashtu eshte nje pune kete here qe ngelet ne opozite.

Juve nqs do ju digjej kaq shume barku per drejtesine e votes dhe standartet e zgjedhjeve ne te ardhmen do ishit dakort me argumentin e Lubonjes, se kjo eshte llogjike, s'mund te presesh qe te administrohen zgjedhjet nga milicat partiake dhe te mos kete parregullsi. Ashtu si s'do ishte kjo ndonje shpikje, se vendet perendimore e kane zgjidhur kete pune me kohe, nuk administrojne zgjedhjet me hajdutet partiake. 

E sa here juve e shifni kutizmin ne rrezik nga argumentat e Lubonjes, mundoheni ta sulmoni ate personalisht duke qene fort te bindur qe nje ose disa komenta anonimesh nga Peshku do ja shkaterrojne atij karrieren, ose se paku do ja bejne argumentat me pak te vlefshme. Don Kishota fasulesh. smiley

 

* Po te kapeshin kutiat tuaja te famshme, o Ruzhdijsa, rezultati do dilte ndryshe jo vetem nga gabimet njerezore (kaq i mjafton kutistit qe te vazhdoje anarkine antiligjore), po sidomos nga manipulimet e te dyja partive kryesore, kryesisht ne kuriz te partive te vogla (Ram-kutisti e beri kastile ate kod zgjedhor qe te qiste LSI jashte loje, se partite e tjera te vogla jane insignifikante ne te dy krahet). Pra dro dilte qe ka vjedh Berisha me shume, dro dilte qe ka vjedh kutisti me shume, nisur dhe nga raporti i OSBE-se per zgjedhjet qe thote se aty ku kishte me shume parregullsi shumicen e komisionerve e kishte .... kush valle? Kutisti, i cili s'e hapi gojen per parregullsi dhe kuti deri ne momentin qe e morri vesh se Meta do bente koalicion me Berishen dhe enderra e tij per kryeminister shkoi per lesh, por e pa qe i duhej dhe te jepte doreheqje nga PS.

 

Nejse, juve vazhdoni duke tjerr qimet e kutive, per cdo arsye (dro ca nga juve me flamuj kuq e si jeni vete pjese e kesaj rrjete merimange aty), dhe duke "diskredituar" Lubonjen.

Po nderkombetareve si do ja beni p.sh. se dhe ata e kane kritikuar shume here sistemin partiak te administrimit te zgjedhjeve? Apo do AndreaStefanoheni dhe SkenderGjinushoheni dhe do thoni qe dhe ata jane te korruptuar nga Berisha. Apo do thoni se jane te joshur nga botha e Ciljetes?

         

 

              SHTATE  MEKATET  SHOQERORE

 

1-  Te vesh pasuri   - pa punuar

2-  te besh  tregti      -pa moral

3-  te besh  shkence   - pa ndjenja njerzore

4-  te besosh ne zot  - pa sakrifikuar

5-  te kenaqesh        - pa vetdije

6-  te njohesh          - pa njohur karakterin

7-  te besh politike   - pa principe

Dridhe like me lesh fabrike ngeli duke then ky...Vetem per disa gjera ka te drejte, qe kauza e hapjes se kutive eshte e drejte dhe qe Dy strumbullaret e te ashtuquajtures politike po e perdorin kete situate per te polarizuar mendimin e kesaj shoqerie  dhe ushqyer qenien e tyre politike me konfliktualitete artificiale...

Ja dhe ky 'prit gomar te mbije bar' qenka. PO NUK TE BESOJ(ME) OR TUTKALL! PAJK! IK NE ADRIATIK me pleqt plaken thmiun Amarildo Ferrero Roche-ne e vogel!

Mosbesimi naiv vetëm do të forcohet dhe zgjerohet nga ky hetim[...].E vetmja rrugë që mbetet në këtë situatë, në shërbim të interesit publik, është rezistenca maksimale ndaj destruktivitetit opozitar duke iu referuar gjithnjë Kushtetutës dhe ligjeve me shpresën se, me hir ose me pahir, udhëheqësia opozitare do të rikthehet në normalitet dhe se mosbesimi naiv do të shuhet gradualisht deri në zgjedhjet e ardhshme.

 

E vetmja rrugë që mbetet në këtë situatë, në shërbim të interesit publik, është rezistenca maksimale ndaj destruktivitetit opozitar duke iu referuar gjithnjë Kushtetutës dhe ligjeve me shpresënse, me hir ose me pahir, udhëheqësia opozitare do të rikthehet në normalitet dhe se mosbesimi naiv do të shuhet gradualisht deri në zgjedhjet e ardhshme.

Ah të kishim ca Ilirë Metë të tjerë dmth?

Mirë e ka Lubonja. Pse duhet të ashpërsohet situata kur fare mirë hajdutët (bandat, sipas Lubonjës) mund të bënin shoqëri/firma bashkë... dhe nuk do ziheshin më?

Ne te gjithe boten zgjedhjet vidhen, mua me habit kembengulja titanike e kutihapsave per te bere transparence mbi  nje fenomen qe ka njezete vjete qe shkelqen me te gjithe ndricimin e vet kaleidoskopik. Me duket krejtesisht qesharake qe te sjell fakte shkerdhimtare nga eskperienca personale si antar komisioni ne nje legjislature.   Pretendoj qe e njoh shume mire mekanizmin diabolik te vjedhjes se votes ashtu si mund ta njohin edhe te tjere njerez.  Eshte gje e thjeshte: Kap pikat nevralgjike (komisionet nga me te ultat deri me te lartat) gjej pikat nevralgjike brenda cdo komisioni (njerzit me ekonomi me te dobet ose karakter me te dobet dhe ne shqipet nuk vuajme per mungese sumlepiresish) jepu nje sasi parash sipas mendjes dhe nivelit te tyre intelektual dhe sapo procesverbali hidhet ne kuti, virgjeresha kthehet ne putane dhe putana behet e virgjer.        Kjo eshte alkimia qe rrjedh nga zoteruesi i parase.

Sipas nje dokumenti te zbuluar nga forcat e ndihmes amierikane per shtetin e Irakut (Uri, Shumeri, Akadi e dhjetra shtete te tjera deri tek Babilonia ne kohen e lashte) del se Pap-sukali (paraardhesi yne direkt dhe i larget i shqiptareve) shkruante per fenomenin e kutive te votimit me  pllaka argjili dhe per manipulimet qe bente Hamurabi dhe me vone Sargoni i Pare.   Ne nje pasash pershkruhet se kutia e fshehte e votimit eshte e shenjte dhe nuk duhet te dhunohet. Per kete, sapo te merrej rezultati i zgjedhjeve, me njehere duhet te  hidheshin ne det per ti ruajtur Anu-ja  me anen e disa perbindeshave te detit.

Kaq sa per  tani, me tutje do kemi edhe te tjera filozofime mbi ate kutullicken e Pandores.

Sipas refimit tuaj i dashur Tiku, do te isha kurioz te dija se me sa leke u cmua niveli juaj intelektual kur keni qene anetar komisioni?

Lubonja ka shkruar gjithè kètè...e prapè nuk e mora vesh unè:ky èshtè apo jo pèr hapjen e kutive?dhe kot kèshtu...si ka mundèsi qè nga 92 e kètej nuk kemi bèrè kurrè zgjedhje normale? çfarè ndodhi nè 92'?...e di si èshtè kjo punè...njeriu e di si tè sillet me budallin...me memecin..me shurdhin..me qorin...po si ti'a bèj me ata qè bèjnè budallin,kanè gojè e nuk duan tè flasin,kanè veshè e nuk duan tè dègjojnè,kanè sy e nuk duan tè  shikojnè...e forta èshtè se mosdèshira pèr tè parè,dègjuar e folur na serviret edhe si zgjuarsi e madhe, tè paanshèm dmth..vèrtet ka njeri nè shqipèri qè nuk e di se cilès bandè i pèrket lubonja??

Ore, kete Artan Hoxhen, Berisha ka dash me e rras brenda ne 93. Si eshte puna tani mbas 17 vjetesh, qe na bohet avokat, apo po i kthen nderin Doktorit me qe e fali ne ate kohe.  Si eshte kjo puna e paradoksit te pamundesise per te administruar zgjedhjet, apo kjo vlen sa te jete ustai i tij ne fuqi. Ç'domethene kjo, apo lodhuni kot se s'keni per te pas ndonjehere shans per te pasur ne krye ate qe doni, por vetem Doktorin e tij te "forte".

permbledhje e asaj qe ka shkruar Lubonja:

"Une kam nja 7 muaj qe me pyesin nese kauza e hapjes se kutive eshte e drejte apo jo.. dhe me se fundit une vendosa se ka ardhur koha te pergjigjem, por sic mund ta kuptoni, fakti se kan nja 7 muaj robt qe me pyesin edhe nuk u jam pergjigjur, duhet te jap te kuptoj se cfare mendoj une.. mgjth nuk mban me uje pilafi kshtu qe une tani do shkruaj nje shkrim shume te gjate ktu me poshte.. ku do pretendoj se po merem me ceshtjen e kutive, edhe do e ve nje konteksts sa me te gjere ne menyre per ta holluar rendesine e kauzes se hapjes se kutive, edhe ne kete menyre do e ngre nja 50 kauza te tjera duke  ebere kauzen ne fjale shume insignifikante.. edhe ne kete menyre une do i bej bisht pyetjes edhe per 7 muaj te tjere sepse une me te vertete qe e kam inat Edi Ramen, mirepo ma ka zene cik rrota bishtin sepse si analist nga me te miret qe pretendoj te jem ne republike, eshte shume e rendesishme te paraqitem si nje individ objektiv e me integritet profesional.

kjo eshte thjesht nje permbledhje e asaj te cilen e kam elaboruar e gjate e ne menyre me elokuente me poshte..

flm."

Ndofta e ke me "ma hodhe qerrata" ate pyetje or zoti berber, por po jap nje pergjigje, ne dac besoje ne dac jo. Ne Bugjujevice ne po vemi/ Kush s'e beson borxh s'ja kemi.   Duke me njohur per njeri te ndershem e paten droje qe pyetjen te mos ma benin se sa leke  do qe te te japim por pyetja ishte egzaktesisht kjo:  Cfare do ti ......... adriatik??             Une i thashe se nuk dua me shume se xy vota per forcen qe perfaqesoja.   Kur denononcova nevojtoren, te cilen, para se te hyja, e konsideroja si vendin e shenjte te votes se lire, me ndodhen ato gjera qe u ndodhnin te gjithe hebrejve, te gjithe te presekutuarve te botes dhe atehere thashe: Te dhjefsha mu ne demokraci dhe mu ne rregjimin fashist.  Ky ishte dhe fundi i marrdhenieve te mija me ate shtet qe vjen ere pordhe dhe shperndan eren e ujrave te zeza shqiptare ne te gjithe rruzullin toksor. Shqiperia me dhemb shume por shtetin e fashistit Berishe, e urrej me te gjithe forcen e shpirtit pasi me perzuri dhe me la pa atdhe!

Adriatik, PS-ja eshte me shume se e vendosur per ta cuar deri ne fund kete lufte me fashizmin e malokut, dhe me beso jemi shume prane fitores. Jo fitores se popullit opozitar, por fitores per te drejten, ngadhnimit te se mires ndaj te keqes. Shume shpejt do me japesh te drejte, dhe me siguri do te kesh edhe gezim per te ardhur ne atdhe, qofte edhe si turist.

Do te ishte interesant qe nje sondazh i ngjashem te behej ne Shqiperi por pyetja te ishte:

Cilet urreni me shume greket apo serbet?

C'fare shifrash/resultati mund te kishim? smiley

Nuk mund te urrej/pelqej nje njeri nese nuk e njoh, e aq me teper kombe apo popuj te tere. Kush jep konsiderata te tilla eshte thjesht nje idiot.

Haha mire se erdhe berbero! Ju jeni peshku i pare qe rate ne grepin e kesaj pyetje! "Po kjo ishte loja more" smiley

Tani une e kuptova qe ju jeni "per paqe ne Ballkan" ashtu si une! smiley

Shiko anen tjeter te monedhes:

Ne sondazhin e serbeve: "ne kategorine 'afer' Shqiptaret kryesojne si me te papelqyerit (dmth te urryerit) ... "

Po ashtu mund te kishte shume shqiptare mund t'i pergjigjeshin me zell kesaj pyetje apo jo?

 

Sidoqofte lojen e dekonspiruat shume shpejt. Dhe tani asnje peshk nuk do te bjere ne grepin tend. Ah po te kishe hudh ndonje rjet dhe te prisje disa ore, sic bejne peshkataret, do te kishe kap shume peshq.

Ate shprehjen "per paqe ne ballkan" pse e ke fut ne thonjeza? Eshte ironike?

Pa shume pervoje ne peshkim! E fillova me grep tani per tani, por do kalojme nga rrjetat se shpejti!

Jo, sinqerisht nuk ishte aspak ironike venia ne thonjeza e "per paqe ne Ballkan". Vetem se eshte si nje shprehje/parulle e perdorur shpesh here per te treguar kjo shprehje nuk eshte e imja!

.....por edhe çështje e strukturave të dhunës mbi votën që kanë ngritur partitë....

Nje nga pasojt me kryesore  te kesaj shoqerie qe nuk del dot nga realiteti i futjes se letrave ne vrima kutish...dhe jo vetem ceshtja por bazamenti i vertete ose druret e bazes mbi te cilen eshte ngritur kjo shoqeri.

Drejt i nerumi Lubonja dhe asnjehere nuk eshte e thene qe Ju apo dikush tjeter ti thote te gjitha .

Por te kapesh ate qe eshte me esenciale ne psikologjine e nje Populli pranimi i Dhunes dhe nenshtrimi ndaj saj e me pas brohoritja per suksesin e saj ne turma qindramijeshe eshte me teper se nje vezhgim i holle.

Dhuna pjell dhune , ne cdo fushe qe te aplikohet.

Keshtu qe nga votat ajo transmetohet tek Parlamenti me ze e hire te "burneshave " , ne institucione ku spikat arroganca e mungesa e transparences dhe me pas ne ato qe quhen organe te drejtesise smiley ( te pakten nuk ka nje vendim qe te tregoje se ekzistojne ne shqiperi ) dhe ne fund ne fund fare tek ne qe " e kemi deken si me le " ku per nje vije uji e nje gardhiqe , per nje me "ke shef ti me jahu " dhuna mbetet zgjidhja kryesorja.

Kjo lloj shoqerie qe kemi ndertuar e po vazhdojme te argumentojme eshte sa nje e pjerdhur e atij njeriu qe edukoi Partia e Punes dhe qe u quajt formalisht njeriu i RI . As qe mund te perqaset nje individ i asaj kohe me turma e tufa te tera te sotme .

Pa hyre ne sisteme teknike e me pervoja shumevjecare te botes si emertimet bipartizan etj etj , do te thoja se ne cdo vend te botes eshte ne fuqi Postulati STALINIAN teorikisht e praktikisht i PAKUNDERSHTUESHEM

Ju kini per detyre te coni njerzit ne kutite e votimit Votat i numeroj une.

E gjithe bota me plus minuset e kesaj teze arnon kode zgjedhjesh etj etj pa fund . Por c'ka ndodhur qe jane ku jane e sidomos pas zgjedhjeve ?

As vendi as koha as profesioni nuk Ju mungon per te arritur ne perfundime rekomanduese sidomos per probleme te kohes . Vetem se Ju lutem

Largo nga kuptimi i prurjeve tuaja nderhyres te kapshem me menyra xhibliste si tipike te atyre qe pregatisn podiumet dhe megafonet dhe pas nje - dy -tre , prova teknike  leshojne piskamen :

Qytetare do t'ju flase kreu i k/areve te shtetit me nje fjalim Histerik , per miqt dhe miqt e miqve qe pranuan zgjedhjet

Ne Bugjejovice ne (do te )po vemi/ Kush s' beson borxh (nuk )s'ja kemi

Z. Adriatik !

Kam bere ca nderhyrje qe duhet te me falesh ne se nuk i desheroje .

Ne kete fare inteligjence ku profesioni kryesor eshte te kurveruarit e mendimit me lejoni te recitoj dhe vargjet pasardhese si pjese perberese e kesaj poezie dhe ku me shume finese dallon zevendesimi i fjales se "rende " kurva ,  me fjalen cingrisese ZUSKA . 

Kur neve shkonim per ne marshim

zuskat qanin me ngasherim smiley

Idris, vetem nje korregjim te vogel kam, per hir te Shvejkut dhe Hashekut:

 

"Ne Jaromjerzh ne po vemi, kush s'beson borxh nuk ja kemi" smiley

i respektuari dajosh (dikur te pata thene djalosh por ti me kritikove), sa per dhalle, po sjell edhe pak nga Hasheku:

Ecen dhe mrrshon/ Grenevili kalon/ Ne Prashna Brana shkon/ Shpata i shkelqen/ Cupat e nurshme qajne/ Dhe vehten me s'e mbajne.

Dhe pastaj, (Shvejku eshte duke kenduar ne kuzhine)

Ne jemi ushtare zoteri/ cdo cupe ra ne dashuri/ Para ne kemi plot/ Per sot edhe per mot/ Kudo qe ne te vemi/ Gjithmone mire jemi.

Ajo puna e Jaromerzhit apo si quhet eshte e vertete, nuk eshte Bugjujevica. Por nje kenge tjeter thote:

Eshtë gardjani në shtëpi?/ Po, ai fle në qetësi..../ Po serdhi ndihma e shpresuar/ Beteja jonë ka mbaruar/  Ahere ai fillon merr masa/ ngre barrikada me dërrasa/  I thur himnet e lavdise/ Perandorit të Austrisë.

Ose tjetra.....             Fronti është plot me morra, anembanë/ në tëre trupin morrat po na hanë/ Dhe gjenerali ynë i nderuar çdo natë në krevat/ Me morrat duke luftuar i gjori sgjen rehat/ Morri në ushtri smerzitet asnjëherë/ E, po se vrave, ben edhe karrierë..../  Ky morracak /"kryeministër spithjak"/  Dëfrehet kur ndërzehet/ Nga morri i Sërbisë.

Rrofsh adriatik, i kisha harruar te gjitha keto. Deri para 20 vjetesh i dija te tera permendesh. Shvejku me shoqeronte ne tavoline, ne shkolle, ne WC....Po vecanerisht kjo me poshte eshte kryeveper:

"Ne jemi ushtare zoteri/ cdo cupe ra ne dashuri/ Para ne kemi plot/ Per sot edhe per mot/ Kudo qe ne te vemi/ Gjithmone mire jemi."

smiley

 

 Kush e ka perkthy Shvejkun ?

 

M'gjan Robert Shvarc, jo 100% i sigurte.

Gëzim Erebara dhe Tonin Bushati, përkthyen nga origjinali.

Yes! smiley

 smiley Jaromjerzh smiley Sakte shume sakte .

Ne shoqerine tone e kishim kompozu dhe mbyllej nata me kete kenge .

E paskam lli dajosh ..... Po ta dijsh se ma futi Tiku se une per ne Jaromerzh isha tu shku . Tiku  po bertiste : 

shpejt shpejt , vish cizmet se iku batalioni " smiley

Amin! Flaken!

Shqiperia me dhemb shume por shtetin e fashistit Berishe, e urrej me te gjithe forcen e shpirtit pasi me perzuri dhe me la pa atdhe!

berber, mos me thuaj idiot, se po te ze une dhe te caprashis mbi fjalen berber, nuk del dot i fituar. Sa per fillim po te them se ne shkrimet e Urukagines, mbretit legjendar qe erdhi nga nje shtrese e ulet shoqerore ashtu si edhe Hamurabi me Sargonin I, flitet gjere e gjate per berberet dhe masterizimin e zanatit te tyre ne te gjitha fushat e rrojes, qe nga kodrat dhe lisat e deri tek pellgjet dhe kanalet e vaditjes.  Nje gje te vogel per dijeni.  kam qene fillimisht antari PD sepse kujtoja se punonim per vendosjen e drejtesise shoqerore dhe kunder atyre sekretareve pordhace te partise dhe sidomos kunder disa putanave komuniste qe arrinin deri ne drejtimin e ministrive.   Po c'me shohin syte,  e gjithe puna po behej per te sjelle ne fuqi nje fshatar nga vicidoli ashtu si fshatari i burgajetit, (po ashtu si dhe fshatari kokelope i cepanit ne kohet e vona).

Me pas as qe jam menduar partia x apo y .   Por nuk mund ta mohhoj mendimin perparimtar qe egziston tek njerez te paket ne te dy kampet qe me teper (kampet) i ngjajne Hajdutit te zgjuar dhe  Policit budalla. Me te vertete do te gezohesha ne se votimet do te beheshin ndershmerist vetem, vetem edhe nje here po them VETEM, nje Here.  

Per Idrizin qe kam respekt. Ja keshtu po hetonin rehidoret e te dy fshatrave, si ai pallmeshkerbyesi ashtu dhe ay qe u genjye nga pallma gomarore e te parit.

"Ja keshtu po hetonin rehidoret e te dy fshatrave, si ai pallmeshkerbyesi ashtu dhe ay qe u genjye nga pallma gomarore e te parit."

adriatik, kjo me kujton nje varg nga Servantesi tek Don Kishoti:

"ja, keshtu pelliten de, i pari e i dyti alkalde" - (theksi tek e-ja). Alkaldeja ishte bicim kryeplaku ose kryetari bashkie.

 Lideri i saj Rama, kur u drejtohet ndërkombëtarëve, u thotë se ky turp i trajtimit të shqiptarëve jashtë standarteve me të cilat evropianët trajtojnë veten duhet të marrë fund,  se ne meritojmë të trajtohemi me standartet e tyre dhe hapja e kutive do të sigurojë këtë.

A më jep dot njeri ndonjë referencë për këtë. Kur e tha, ku, në ç'kontekst.

Kutitë i hap Ruzhdia!

Blendi Fevziu

Duket se debati i lodhshëm dhe i zhurmshëm mbi hapjen e kutive dhe hetimin e zgjedhjeve, që ka dominuar ndjeshëm jetën politike, por edhe shoqërore të gjashtë muajve të fundit, ka hyrë në një rrugë  zgjidhjeje.  Ndryshe nga sa pritej, zgjidhja nuk ka ardhur as nga një marrëveshje PD – PS, as nga tryeza e Presidentit, as nga komisioni parlamentar, as nga delegacioni i stërmadh i Këshillit të Evropës, as nga deklaratat e BE, por nga një rast i thjeshtë, i parashikuar nga ligji, rasti i Ruzhdies. Hetimi i Ruzhdies nga Prokuroria, problemet e dala atje dhe mënyra se si u procedua, duket se kanë ofruar një mënyrë se si mund të hapen kutitë, të hetohen zgjedhjet dhe të ndëshkohen ata që kanë shkelur ligjin. Në fund të fundit, rasti i Ruzhdies, dëshmoi se rruga ligjore, pra apelimi në Prokurori funksionoi dhe opozita e ka tashmë shumë më të thjeshtë: të dërgojë gjithë rastet e evidentuara në Prokurori, të bëjë denoncimin e saj dhe të presë hetimin ligjor. Ky rast, dëshmoi se mënyra ligjore e ofruar edhe më parë, ka funksionuar dhe se sistemi i ngritur për të kontrolluar zgjedhjet, është gjithnjë funksional.
Do t’i kthehem kësaj logjike më vonë, por doja të thosha se Ruzhdia, është rasti tipik, ku ligji dhe institucionet që mbrojnë atë kanë funksionuar, ndërsa mënyra se si partitë kanë ndërtuar kontrollin e votës, përmes kodit të tyre zgjedhor, jo! Kjo e fundit ka dështuar. Kodi elektoral i aprovuar nga dy partitë dhe i propozuar nga PS, nuk ngrihej mbi moralin dhe besimin, por mbi kontrollin. Komisionet e votimit dhe më pas ata të numërimit, nuk u ndërtuan me persona të pavarur, me gjykatës apo prokurorë, me mësues apo funksionarë të tjerë, por me militantë partish. Në çdo komision raporti ishte i balancuar dhe sistemi parashikonte që njëra palë, të ruante dhe kontrollonte palën tjetër. Nëse do të përdorja një frazë që është fyese, por që shpjegon disi logjikën, ideja ishte që hajduti të ruajë hajdutin. Në Ruzhdie, komisionerët e njërës palë janë larguar në mesditë, duke e lënë krejt terrenin në dorën e palës tjetër. Natyrisht, janë larguar duke marrë me vete edhe vulën dhe duke krijuar një problem që ka mbërthyer brenda tij, Komisionin Zonal dhe KQZ, por kjo nuk ka asnjë rëndësi. Me këtë është marrë gjykata. Largimi i komisionerëve të njërës palë, ka lënë pa kontroll palën tjetër dhe sistemi i kontrollit mbi të cilin ishte ndërtuar kodi, nuk ka funksionuar. ç‘do të ndodhte nëse në gjysmën e vendit do të qenë larguar nga qendrat e votimit komisionerët e PS dhe në gjysmën tjetër ata të PD?! Do kishim një rezultat me zero në të dyja anët sepse ligji qe ndërtuar mbi ruajtjen dhe jo mbi besimin. Ky ka qenë edhe një defekt i kodit. Nëse kjo do kish ndodhur, ne nuk kishim një mekanizëm që të mundësonte votimin dhe numërimin normal, në mungesë të palës tjetër. Pra, sistemi ynë, nuk ka qenë një sistem i së drejtës, por thjeshtë garantuar mbi bazën partiake.     
Gjithsesi, rezultati i deformuar i Ruzhdies, është apeluar në gjykatë dhe kjo e fundit e ka quajtur atë të pavlefshëm. D.m.th, votat e Ruzhdies nuk janë numëruar në rezultatin përfundimtar të zgjedhjeve dhe kjo dëshmon edhe një herë se sistemi në vetvete ka funksionuar. Se aspekti i funksionimit të ligjit ka qenë në lartësinë e duhur, ndërsa ai i kontrollit partiak, mjaft mosfunksional.
Pra funksionimi i sistemit në të gjitha ato raste kur ka pasur probleme dhe denoncime ka qenë normal dhe i tillë po vijon. Aktivizimi i Prokurorisë së Fierit në Ruzhdie, dëshmoi se opozita ka një rrugë për të bërë hetimin e zgjedhjeve dhe mund ta bëjë këtë sa më shpejt. Ajo duhet të mobilizojë gjithë strukturën e saj për të denoncuar rastet e shkeljeve dhe jo t’i bëjë presion Prokurores së Përgjithshme për të bërë atë gjë që duhet ta bëjnë komisionerët dhe strukturat e opozitës.
Nga ana tjetër, Rasti i Ruzhdies, po aq sa një rast që dëshmon se strukturat ligjore kanë funksionuar në zgjedhje, është edhe një rast që dëshmon falimentimin e sistemit dy partiak të garantimit të votimit dhe numërimit të votave. Mobilizimi i militantëve duhet të zhduket nga skena zgjedhore shqiptare dhe në vend të tyre, ose të garantohet votimi me persona të pavarur, ose të kalojmë në një numërim elektronik. Në të kundërt, Shqipëria rrezikon të vijojë në një kolaps të vazhdueshëm nga i cili nuk e nxjerr dot as Sali Berisha, as Edi Rama dhe aq më pak, Ina Rama…

Gazeta Panorama

ose të kalojmë në një numërim elektronik

 

Athere do kemi mobilizim hackerash dhe specialistesh informatike nga te dyja partite...

 Permirsim eshte edhe ai, se te pakten do jene njerez qe nje shkolle do e kene bere, dhe nje cop buke dine te fitojne me apo pa politike. Ndersa keta qe jane tani jane gjysma analfabet.

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).