Masakra e Qafë Gjashtës, kapet në Greqi Mikel Këndezi
Nga Greqia: ANILA JOLE
Masakra e Qafë Gjashtës, kapet në Greqi Mikel KëndeziATHINE- Policia greke ka vënë në pranga një shqiptar, i cili akuzohet për masakrën e “Qafë Gjashtës” ndodhur në Sarandë në vitin 1997.

49 vjecari Mikel Këndezi, nga fshati Pustec i Korcës, i cili njihej edhe me emrat Flamur dhe Vladimir, është vënë në pranga nga Policia e Athinës, pasi për të ekzistonte një urdhër arresti ndërkombëtar, lëshuar nga autoritetet shqiptare.

Mediat greke bëjnë të ditur se ai u arrestua sot ndaj të gdhirë në Athinë dhe se do të dërgohet menjëherë në Prokurori për t’iu komunikuar akuza dhe për të filluar procedurat e ekstradimit.

Mikel Këndezi, 49 vjec, bashkë me 9 persona të tjerë, akuzohet si pjesëmarrës në masakrën e Qafë Gjashtës, ngjarje e ndodhur në 4 Mars të vitit 1997 në Sarandë, ku pas torturave, u vra dhe iu dogj kufoma, oficerit të policisë së Sarandës, Gjergj Mehmeti. Të akuzuarit mbajtën peng dhe torturuan për 3 ditë policin Eduart Alija, ndërsa dy policë të tjerë mundën të largoheshin.

49 vjecari ka marrë dënimin në mungesë, nga gjykata e Krimeve të Rënda. Ai është dënuar në mungesë me 15 vjet burg, dënim që pritet ta vuajë pas ekstradimit të tij në Shqipëri nga autoritetet greke.
(BalkanWeb)

1 Komente

Ky qenka maqedonas ne ne Pustec vetem maqedonas ka.

15 vjet burg pervrasje ,djegje kufome dhe tortura?

Cfare duhet te beje qe te denohet me vdekje?Te vrase tere shqiptaret?

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).