Me gjasë, ç’çan kryet shqyptari për komb t’vet;

Pse e shoh veç atje ku xhixhllon ari.
Gjergj Fishta 

Kombi është një bashkësi historike. Ai është produkt procesesh shoqërore, ekonomike, kulturore të modernitetit, të cilat janë objekt i kërkimit të studiuesve. Epoka e kombeve zakonisht mendohet se ka nisur nga mesi i shek. XVIII dhe akoma edhe sot kombi vazhdon të jetë bashkësia themelore politike kudo në botë. Mendohej se globalizimi i dhjetëvjeçarëve të fundit po çonte në një zhvlerësim të kombit, drejt formave mbikombëtare të identifikimit dhe organizimit politik, por nuk po ndodh kështu. Pikërisht tani statusi i shtetit kombëtar është bërë më i lakmueshëm se kurrë: shteti më i ri kombëtar, ai i Sudanit të Jugut, po njihet nga shtetet e tjera, midis tyre edhe nga Shqipëria.

Me kombëtarizim mund të quajmë proceset e formimit të vetëdijes kombëtare, të përhapjes së saj në një popullatë të caktuar dhe të organizimit politik rreth idesë dhe projektit kombëtar. Kombëtarizimi i shqiptarëve ka filluar në gjysmën e dytë të shek. XIX dhe vazhdon edhe sot. Themi se vazhdon edhe sot, sepse kombi duhet kuptuar si bashkësi e gjallë në shndërrim dhe përshtatje me dinamikat e ndryshme shoqërore dhe identitetet e tjera në një territor apo një shtet të caktuar. Politika kombëtarizuese zbaton sidomos shteti, por krahas tij edhe faktorë të tjerë, si partitë, shoqatat kulturore, media, arsimi, sipërmarrja private etj.

E kundërta e kombëtarizimit është shkombëtarizimi. Zakonisht në historinë tonë shkombëtarizimin e shqiptarëve e kemi menduar si një proces të dhunshëm nga ana e sllavëve dhe grekëve, me luftë, masakra, spastrim etnik, shpronësim, vendosje kolonësh, sisteme aparteidi, moslejim të mësimit të shqipes etj., me qëllim marrjen e territoreve historikisht të banuara nga shqiptarët. Mirëpo nëse do t’i përmbahemi kombëtarizimit si një proces, atëherë edhe shkombëtarizimi duhet parë si një proces i kundërt, që e shoqëron atë. Edhe një periudhë paqeje (d.m.th. në mungesë të luftës) kemi shkombëtarizim. Shkombëtarizimin mund ta kryejë edhe shteti që supozohet se duhet të mbrojë kombin. Në Shqipëri ligji famëkeq i tokës 7501 ka një përmasë shkombëtarizuese përderisa pronën e trashëguar të shqiptarëve, por të shtetëzuar gjatë komunizmit, nuk ua kthen pronarëve të ligjshëm, por ua shpërndan në disa zona pakicave joshqiptare që nuk kanë pasur pronësi mbi tokën më parë. Gjithashtu, me mosveprimin e tij ndaj fushatës greqizuese 20-vjeçare në jug të vendit dhe tani me regjistrimin e popullsisë sipas etnisë dhe fesë, shteti shqiptar e ka përkrahur shkombëtarizimin. Në Kosovë, përpjekja për të hequr vitin 1878 nga emblema e Komunës së Prizrenit është një veprim shkombëtarizues, sepse kërkon t’i mohojë identitetin politik shqiptar (Lidhja e Prizrenit) këtij qyteti dhe bashkësisë së qytetarëve të tij. Në IRJM përpjekja për të ndërtuar një kishë ortodokse në kalanë e Shkupit, pikërisht në vendin e një kishe të lashtë katolike është një veprim shkombëtarizues, sepse u heq shqiptarëve të sotëm të Shkupit mundësinë e identifikimit me qytetin e tyre për shkak të trashëgimisë së tij historike përpara ardhjes së sllavëve në Ballkan: shkurt është një përpjekje për të maqedonizuar Shkupin dhe për t’i quajtur shqiptarët “ardhacakë” në këtë qytet.

Shkombëtarizimi ndodh sidomos nga neglizhenca e anëtarëve të kombit. Kombi vdes si frymë atëherë kur anëtarët e tij nuk e ndiejnë se i përkasin bashkësisë kombëtare, se të tjera identitete të veçanta (individuale, fisnore, krahinore, apo fetare) marrin përparësi ndaj kombit dhe projektit për të krijuar të mirën e përbashkët. Atëherë kombi kthehet në një çështje administrative, thjesht në një vulë, tabelë, apo shqiponjë-stemë në kapelën e policit. Dëshmitë e shkombëtarizimit i shohim përditë dhe kudo, por sidomos në jugun e Shqipërisë, për shkak të veprimtarisë së ethshme greqizuese.

A doni prova? Hapni gazetën “Shqip” të datës 30 gusht 2011 (dita e Bajramit) dhe aty do të gjeni disa lajme e komente në dukje pa lidhje me njëri-tjetrin, por që po të lexohen me kujdes janë dëshmi e shkombëtarizimit. Në f. 2 është një lajm nga Korça: dega e “Omonias” e këtij qarku u bën thirrje vllehve të zonës që të shpallen grekë në regjistrimin e popullsisë. Gazetari na kujton se kreu i “Omonias” së Korçës është po ai që në mënyrë të paligjshme ndërtoi një përmendore në fshatin Boboshticë për dy ushtarë grekë të vrarë në Luftën e Dytë Botërore. Kjo përmendore “është zgjedhur për pelegrinazhe të përvitshme si nga përfaqësues të “Omonias” dhe të ardhur nga Greqia”. Gara për të greqizuar sa më shumë qytetarë shqiptarë është në kulmin e saj dhe me gjasë regjistrimi i popullsisë do të prodhojë shifra të paqena të një pakice të shpikur greke në Korçë. Nga një grekofili historike në këtë qytet shkallë-shkallë është kaluar në një grekofoni, e cila ka dëshmorët e saj dhe që kryhen pelegrinazhet e saj, ndryshe nga nderimi i dëshmorëve shqiptarë.

Le të qëndrojmë edhe ca në Korçë. Në f. 24 të gazetës përshkruhet odiseja e monumentit të Luftëtarit të Lirisë që po e zhvendosin andej-këndej nëpër qytet. Siç duket prania e tij në qendër të qytetit prish pamjen e katedrales gjigante dhe se grupe të caktuara ndihen më mirë me identitetin e Korçës si një qytet ortodoks, të simbolizuar nga katedralja, sesa si pjesë të një kombi, të cilin e përfaqëson monumenti i Luftëtarit të Lirisë.

Shkojmë pak më tutje, në fshatin Polenë të Qarkut të Korçës, ku ka ndodhur një incident që përshkruhet si lajm të f. 22 të gazetës. Mësojmë se në Polenë fshatarët janë organizuar në disa grupe të armatosura për të patrulluar fshatin ndaj “jabanxhinjve”. Viktimë e tyre ka rënë një djalë i ri nga një fshat i afërt, i cili është plagosur në tentativë për të vjedhur një shtëpi të Polenës. Përtej incidentit, ç’janë këta njerëz të armatosur që patrullojnë, ku kjo është detyrë e strukturave shtetërore? Cilët janë “jabanxhinjtë”? Këta janë “myslimanët” të cilët fshatarët e Polenës nuk duan që të vendosen për banim në fshat. Pra, e duan fshatin “të spastruar” prej “myslimanëve”. Cili shtet që synon standardet europiane (meqë ra fjala është edhe anëtar i NATO-s) lejon praktika të tilla që të kujtojnë Jugun e Thellë të Amerikës së para një shekulli ku të bardhët e Ku Klus Klanit “vigjilonin” mbi zezakët? Ç’janë këto identitete “të krishterë” e “myslimanë”, po qytetaria shqiptare sa vlen në këtë vend? Këta njerëz janë gati të vrasin nëse je “jabanxhi” në këtë fshat, gjë që do të thotë se “i krishterë” është kategoria themelore politike sipas së cilës ata veprojnë. Sikurse në Himarë në kohën e Bollanos nuk u lejohej pasaportizimi “turqve” me banim në qytet. Në këta shembuj, përcaktimi përbashkues “shqiptar” nuk përdoret më, ose përdoret thjesht për arsye të praktikave burokratike: në vend të tij kemi “të krishterë”, “grekë”, “myslimanë”, “jabanxhinj”, apo “turq”. Gazetari për vigjiluesit e Polenës përdor termin “struktura paralele”, gjë që menjëherë të kujton të ashtuquajturit Rojet e Urës që ndajnë më dysh qytetin e Mitrovicës dhe që i kanë spastruar shqiptarët nga pjesa veriore. Sa Polena-Mitrovica të tjera kemi në jug të Shqipërisë ku “jabanxhinjve” u ndalohet hyrja?

Zhvendosemi në rrethin e Gjirokastrës. Në f. 28 përmendet harresa ndaj memorialit në rrënim e sipër që përkujton qindra banorë të Hormovës që u masakruan nga shovinistët grekë më 1914. Gjendja e mjeruar e tij, ngjashëm me shumë monumente të këtij lloji në jug të Shqipërisë është në kontrast të plotë me varrin-monument të Boboshticës dhe me varrezat e reja të ushtarëve grekë që po ndërtohen në disa vende me lejen e qeverisë shqiptare. (Meqë ra fjala, këta të fundit janë viktima të luftës italo-greke të zhvilluar në territorin shqiptar dhe nuk ka arsye të qëndrojnë në Shqipëri. Ndoshta sepse për shtetin grek ata u vranë për çlirimin e Vorio-Epirit prej shqiptarëve!) Një fakt tjetër interesant është se pas një restaurimi të pjesshëm që iu bë memorialit para disa vitesh, në pllakën e tij shkruhej se hormovitët ishin masakruar pabesisht nga “bandat shoviniste në mars të vitit 1914”. Qëllimisht është lënë pa përmendur përkatësia kombëtare e bandave. “Shovinisti” mbetet i papërcaktuar si një specie që masakron njerëz të pafajshëm për arsye të papërcaktuara. Duke u hequr mbiemrin kombëtar masakruesve dhe të masakruarve, ngjarja izolohet nga konteksti dhe humbet domethënia e përkujtimit të saj sot. Kështu, “shovinisti” shfaqet së paku si një fatkeqësi natyrore që godet rastësisht, ose së shumti si “terrorist” që është i mllefosur me tërë botën dhe që ka qëllime utopike a përtej kësaj bote. Nëse ia vlen të përkujtohet rënia e atyre njerëzve të gjorë në vitin 1914 duhet shprehur qartë se ata u vranë sepse ishin shqiptarë, prej strukturave të mirorganizuara paraushtarake greke (jo “banda”) që kërkonin të zhbënin pavarësinë e Shqipërisë dhe të pushtonin territorin shqiptar. Përkujtimi sot i ngjarjes shkon në kahun e kombëtarizimit, ndërsa harresa apo fshehja e disa fakteve shkon nga kahu i shkombëtarizimit.

Intermexo. Duke lexuar për “bandat shoviniste” te lajmi, na kujtohet ajo që kemi lexuar në f.5 të gazetës tek intervista me z. Pandeli Majko, ish-kryeministër i Shqipërisë. Duke dënuar procesin e përfshirjes së etnisë në regjistrimin e popullsisë, ish-kryeministri nuk harron të përmendë se “Shqipëria dhe Greqia nuk bënë marrëveshje për shkëmbim popullsish, siç bëri Turqia dhe Greqia...” Këtë ai e quan si shenjë miqësie midis dy popujve, por për hormovitët e vrarë, çamët dhe ndoshta për vllahët e Korçës sot që duan t’i greqizojnë, ndoshta do të ishte më mirë sikur kishte pasur një marrëveshje të ndërsjellë të pranueshme nga të dyja palët, sepse së paku Greqia do të hiqte dorë nga pretendimet territoriale që ushqen edhe sot! Këtë e themi për efekt retorik, sepse marrëveshjet që interesojnë Greqisë janë të tipit të Protokollit të Korfuzit, apo asaj të demarkacionit të kufirit detar që u hodh poshtë nga Gjykata Kushtetuese e Shqipërisë pak kohë më parë. Më poshtë ish-kryeministri thotë: “Dy fqinjë aq të vjetër që s’kanë bërë luftë të mirëfilltë midis tyre për shekuj me radhë e që janë martuar, gëzuar dhe vdekur krah njëri-tjetrit, ndryshe nga marrëdhënia e plasaritur të shqiptarëve me sllavët”. Kur lexon përshkrime të tilla rozë atëherë e kupton se përse duhet që sot të përkujtojmë se hormovitët e vitit 1914 nuk janë masakruar në një “luftë të mirëfilltë”, por thjesht nga “banda shoviniste”! (Në frymën e miqësisë, edhe kreu i policisë greke zotohet se nuk do të grisen më pasaporta shqiptare në kufi – f. 11 e së njëjtës gazetë).

Të gjitha këto lajme të së njëjtës ditë dhe vetëm të një gazete të përditshme tregojnë se në Shqipëri po mbizotërojnë identitetet lokale dhe fetare dhe se procesi i shkombëtarizimit po lulëzon. Lexuesit e këtij artikulli mund të gjejnë të tjera në shtypin e ditëve në vijim. Të ndarë në identitete të thërrmuara lokale e fetare, që nxiten edhe nga jashtë, qytetarët e këtij vendi po humbasin lidhjet me njëri-tjetrin. Ideja përbashkuese e kombit është në zbehje përkundër identiteteve përçarëse, që do të na pengojnë të ndërtojmë një të ardhme të përbashkët. Duhet ta përmendim në mbyllje të shkrimit tonë se dobësimi i identitetit kombëtar nuk ndihmon aspak për forcimin e shtetit ligjor dhe të demokracisë, të cilat janë edhe meraku i përfaqësuesve ndërkombëtarë. (Ambasadori Arvizu në f. 2 të gazetës bën thirrje për një pakt kombëtar për integrimin europian).

P.S. Në këtë situatë, përbetimi i një politologu në Tiranë se ai do të rreshtohet kundër nacionalizmit shqiptar, që, sipas tij, po ia merr frymën identiteteve të tjera në vend, duket si një tallje e pavend. Unë nuk ofroj ndonjë zgjidhje të gatshme për prapsur shkombëtarizimin e Shqipërisë. As nuk do t’i drejtoj thirrjen klasike qeverisë për të gjetur zgjidhje; të paktën jo kësaj qeverie që po me regjistrimin e popullsisë po zyrtarizon greqizmin e shqiptarëve të shkombëtarizuar. Thirrja ime është për ata shqiptarë që e kanë të shtrenjtë idenë e kombit që të mobilizohen e të gjejnë forma veprimi kolektiv kundër shkombëtarizimit.

67 Komente

 Shkrim i drejte dhe i sakte , por pa "venie ne dukje" . Teprohet me karakterin e tij "pershkrues" ......nuk te jep nje orjentim per zgjidhje. 

Gjithesesi  , eshte per t'u lexuar.

 P.S. Në këtë situatë, përbetimi i një politologu në Tiranë se ai do të rreshtohet kundër nacionalizmit shqiptar, që, sipas tij, po ia merr frymën identiteteve të tjera në vend, duket si një tallje e pavend.

_________

Do isha i interesuar te dija emrin e ketij politologu (?) .....

pasi po kerkoj ne shqiperi per politolog ....por e veshtire te gjesh me shum se sa nje tallall.

ne fakt, eshte veshtire te gjesh edhe historiane, edhe filozofe -- se, ashtu si autori i artikullit, jane kthyer te gjithe ne ideologe e demagoge. Mua kjo me duket edhe me shume problematike.

Te jap une nje liste:

Lubonja, Vehbiu, Misha, Klosi etj.

 Lubonja politolog??? Klosi politolog???
 te lutem , duhet te informohesh cfar do te thote te jesh politolog. 

 

Edhe ate e bejne ata.  Jane polimater te gjithe.

 tregojne perralla , cdo nate ne c'do emision. Perralla per femije . Jan bere si nje cerdhe ....na tregojne se cfar ndodh cdo dite . Ne mesojne se cfar eshte politika dhe ne tregojne ideal-jetesen. Brockulla pa fund . Politologjia nuk eshte opinion  , por shkence. Ne shqiperi nuk ka politolog , ka tregues perrallash. Nuk kam degjuar ndonjehere qe Lubonja te thote qe " problemi i shqiperise ne kete moment eshte ai qe kishte France ne kohen e anciem regime para 1789 " dhe te citoje ndonjehere locke , smith , pareto , kelsen , bobbio etj etj . Jane tregues perrallash , dhe do jene te tille derisa populli shqiptar do kete deshire te degjoj perralla .

aq shume qenkemi shkombetarizuar sa dhe vete autori s`po gjen zgjidhje...mbase duhej t`analizonte me shume shembuj gazetash...

Unë nuk ofroj ndonjë zgjidhje të gatshme për prapsur shkombëtarizimin e Shqipërisë.

kjo thirrja per shqiptaret qe paskan te shtrenjte kombin me kujton mbylljen e intervistes se fundit te Rames ...

Thirrja ime është për ata shqiptarë që e kanë të shtrenjtë idenë e kombit që të mobilizohen e të gjejnë forma veprimi kolektiv kundër shkombëtarizimit.

 Enis Sulstarova? Really? Keto jane shqetesimet e nje saidiani qe deri dje akuzonte Kadarene per orientalist? Qe kur paskan filluar akademiket t'i mbyllin ligjeratat me thirrje? Qe kur paska arritur puna deri aty sa te dale akademiku ne shtyp me kritere kombetare per cfare perben arsye te ekzistences se shtetit?

Vazhdoj te mahnitem me lehtesine me te cilen mendjet e shendosha te shqipes bien pre e "red herring" te politikaneve. 

 Pse akademik me gjithmen apo e thua ashtu kot  ?

 Lul, po me ben pershtypje, nje lloj kritike qe u ben ti shkrimeve te tilla. Me vjen keq, qe merresh me autorin, qe une te pakten nuk e njoh, por edhe po ta njihja, problemet qe ai shtron, me duken, te sakta, ne thelb. Nese ti ke ndonje kundershti, thuaje bile, bej edhe ndonje oponence artikullit, po te mos merremi me autorin. 

Frika e shkombetarizimit qe autori ngre, me duket i pavend, po politikat e bera nga shteti, edhe mua nuk me duken te drejta, se te thuash qe ne shqiptaret ne vendin tone, jemi minorance, dhe shteti te heshte, ose te beje te paditurin, me duket si diçka bajate. Nuk e di nese ka ndonje vend ne bote, ku shteti, te mos beje gjithçka qe ka ne dore, per te mbrojtur dinjitetin e shtetareve te vet. Po nuk e di nese ka ndonje vend ne bote, qe ti neperkembe detyrimet kushtetuese, te nenshtetasve te vet, siç po ben qeverria e sotme. Kur ne te gjithe boten, behet çmos qe te minimizojne minoritetet, ne po bejme çmos qe te minimiizojme vetveten, dhe kjo, ne baze te politikave te ketij palo shteti.

Ketu me duket se eshte thelbi i shkrimit.....

 +1

 "problemet qe ai shtron, me duken, te sakta, ne thelb."

Ne fakt, une nuk e mohova kete. Ajo qe mohova eshte vlera e ketyre problemeve per sa i perket shkaqeve te deshtimeve te shtetit. Nese shteti shqiptar konsiderohet deshtak, vetem ne fund te nje liste te gjate mund te merren parasysh politikat shkombetarizuese si shkaqe te ketij deshtimi. E megjithate (po, Sulstarova eshte akademik, dhe kam shume respekt per punen e tij ne akademi) veren qe del akademiku ne skenen mediatike kur del me te rralle per te ngritur shqetesimin e deshtimit te shtetit, dhe c'degjon? Paska zene te kendoje himnin kombetar me thirrje te ngjirura! Seriously man! WTF?

O Lulian, po nuk e kupton vertete qe ajo WTF eshte per tu bere tatuazh te ballin tuaj. Po nqs nuk qenka mungesa e atdhedashurise problemi i pare ne listen e arsyeve te deshtimit, kush na qenka ne krye te kesaj liste? Cila eshte arsyea qe ne presim nga politikanet tane qe te bejne gjerat e duhura per kete vend? Ne emer te kujt do i bejne keto te mira po nuk i bene ne emer te atdhedashurise. Shkombtarizimi eshte konsekuence direkte e kesaj.

Pa lidhje me ty personalisht. ka nje tendence te disave per tu 'revoltu' me cdo intelektual, qe refuzon te dali e te sulmoje njeren apo tjetren pale shkaterruese. Po une mendoj qe gjithkush respekton sadopak veten, refuzon te behet pale ne kete qelbsinllik. Pastaj se ndihen aq te konsernuar nga ceshtje kombetare, sa te dalin e te flasin per te, kjo eshte sipas deshires. Po kurrsesi nuk mund te akuzohen ata qe dalin e flasin per kete se nuk po bejne 'detyren' se s'po flasin per gjera me te rendesisshme (nenkupto sulme partiake).

obobo shih kush po flet, Lizandri. Ai qe perkrahte marreveshjen detare dhe shante Myslim Pashen. Ai qe nuk e thoshte kurre nje fjale kunder xhaxhi Berishes deri dje, dhe qe vetem tani kur xhaxhi Berisha i shau Kusheririn, i tha Lavire Bulevardi (ose Horr Bulevardi se nuk e mbaj mend mire) vetem tani ka filluar te hedhi nganje psheretime kunder xhaxhi Saliut. Shko ore pirdhu ti bashke me kete sulstaroven qe na flitka per shkombetarizim dhe na beka me faj Pandeli Majkon !!! Po kush e pjerdh njehere Pandeli Majkon ne Shqiperi? Ai na qenka e keqja e shkombetarizimit? Apo jane e keqja ata fshataret e Korçes? E si te mos mendoj une qe ky thjesht po devijon muhabetin e po ben vetem lojen e Saliut. Qe Saliu te dali i lare, dhe faji t'u ngelet atyre fshatareve te Korçes... apo Pandeliut !!! Dhe guxon ky gjasme akademik qe ta mbylli shkrimin duke thene se nuk do ia bej ate "thirrjen klasike Qeverise per te gjetur zgjidhjen"... jo s'ka pse t'ia bej ate thirrjen klasike, ate thirrjen e rendomte qe e bejne vetem injorantet!!! Ky se ben ate thirrjen injorante sepse ky eshte akademik gjasme dhe e "di" shume mire qe s'ka asnje lidhje qeveria me shkombetarizimin, e aq me pak kjo qeveri e korruptuar ??? (shiko se me sa poshtersi i leshon gjasme nje sharje qeverise por nderkohe i heq edhe gjithe pergjegjesine qe ka ajo per shkombetarizimin e Shqiperise)... dhe ja ku u servir nje shplarje truri per çdokend qe eshte i etur per pak atdhedashuri dhe e merr si ar te kulluar çdo shkrim ku permendet fjala Komb.

Duhet ditur nga te gjithe qe fajtor i vetem per shkombetarizimin e Shqiperise ne keto vite ka qene Qeveria. Cdo tentative tjeter per t'ia hedhur fajin popullit apo Pandeli Majkos ne pension... eshte vetem nje tentative e shemtuar per manipulimin e opinionit publik. 

Dhe mos ki hiç frike o çerr, se hiq ju Berishistet, nuk ben njeri tjeter politike me çeshtjen kombetare. Ajo eshte e shenjte. Tregojeni te pakten ju te aleances qe kete pune e keni me tere mend te shenjte dhe nuk jeni thjesht qe neser tej te ndertoni edhe ju ndonje rruge kombi, si ajo qe beri Saliu, vetem e vetem qe te keni mundesi te vidhni edhe ju nja 200 milion euro sic beri Berisha me rrugen e tij te kombit. Deri atehere mos kujto se i ha njeri keto pergjerimet tuaja per kombin.

O Lizander, po me cin me ngaterron mu mer vlla, me qafsh? Po c'lidhje ka goditja e njeres pale per te mbrojt tjetren ne ate qe po them une mer jahu. Nuk e di me ke lexuar me poshte apo jo, por une me duket se e kam bere te qarte WTF-ne time, te pakten ne dy drejtime. E para, vetedija kombetare, dhe kete Sulstarova qe e ka studiuar kete pune me themeli duhet ta kete menduar mire me veten e vete, nuk mund te vije pa nje shtremberim te figures se tjetrit. Historikisht, shtetet kombe europiane jane formuar nder te tjera duke denigruar imazhin e tjetrit (meqe ke qene edhe ne France, ma kujto icik si eshte ai vargu me zorr perjashta i himnit francez?) Te njejten thirrje eshte duke bere edhe Sulstarova ketu. Mire qe s'ka dale te vere tellalin se te krishteret po na perdhunojne motrat shqiptare. Jo te beje nje kritike Shqipit, menyres se portretizimit te problemeve prej Shqipit, e fundja edhe agjendes se Shqipit, por llokum e ne goje pa pike qasjeje kritike dhe o burra per memedhe. Imagjino deri ku shkon mungesa e mendimit kritik, sa qe per nje problem si ai i shkaktuar nga 7501-shi, problem qe duhet zgjidhur me konsistence, Sulstarova vete dhe fut grekun si gogol qe po perfitoka nga rremuja. Problemi per Sulstaroven dhe per gjithe kombetaristet, nuk qenka zallamahia e krijuar e pronave, vellavrasja qe vjen si rezultat i ketij kaosi, jo, problemi eshte te mos perfitojne greket, se qe vret shqiptari shqiptarin eshte zero sum game per kombetaristet. Atdheu i pari, thua ti. Por eshte edhe atdheu i Kainit edhe i Abelit se, dhe per sa kohe Kaini eshte atdhetar, nuk po me duket se ka ndonje problem nga menyra se si e ka shtruar muhabetin Sulstarova. Mjafton Atdhedashuria, medemek, dhe gjithe te tjerat rregullohen si me magji. Me fal, por une nuk kam shume besim tek magjia.

Tashti ti mund te vazhdosh e te shfrysh se ne duhet ta kemi tattoo ne balle WTF? por une me duket se e kam te argumentuar WTF?-ne time, argument qe te pakten nga dikush si Lizander Saraci pres qe ose te pranohet ose te sillet nje kunderargument i te njejtes vlere. 

Duket dora e nje patrioti Berishist. Nese nuk gjen nje sharje per te ne shkrim, atehere eshte e sigurt qe kemi te bejme me nje te tille. Ja merrni vetem kete shkrimin me siper dhe do shikoni qe goditet Majko, nje ish-kryeminister qe na paska dhene nje interviste??? ndersa Berisha, ai qe shkel kushtetuten per ti dhene detin grekut apo qe miraton ligjet e grekut duke vjedhur votat ne parlament, as qe zihet me goje. Ose permendet vetem Greqia por lihet ne heshtje Turqia qe po na kerkoka te mos kendojme me ne libra: Shqiperine e mori Turku i vu zjarr... hiç asgje, na kerkohet vetem qe te heqim dore nga Rilindasit, jo kushedi se çfare, e megjithate, nuk permendet fare kjo gje, sepse ne jemi me identitet te perzier sipas ktyre Berishisteve, dhe Turqia eshte e mire.

Sidoqofte nuk ju merr njeri seriozisht ju atdhetarve te Atij. keshtu qe mos u lodhni kot se edhe prishni pune jo per gje. Kur nuk e hodhet nje fjale edhe per rastin e marreveshjes detare, por perkundrazi, dolet e shat ne kor Myslim Pashen njelloj si Berisha, aha, s'ka me shprese qe t'ju marri me njeri seriozisht. Jeni bere Karagjoze.

Pervec percaktimit te kombit ne konstekstin shqiptar, shkrim goxha i mire dhe i argument i mbeshtetur me se miri me fakte.

Ja dhe lidhja me temen e diteve te kaluara se kujt duhet ti shkoj prona:

Në Shqipëri ligji famëkeq i tokës 7501 ka një përmasë shkombëtarizuese përderisa pronën e trashëguar të shqiptarëve, por të shtetëzuar gjatë komunizmit, nuk ua kthen pronarëve të ligjshëm, por ua shpërndan në disa zona pakicave joshqiptare që nuk kanë pasur pronësi mbi tokën më parë.

Pra kush kunder kthimit te prones tek pronari i ligjshem, mban edhe qendrim antikombetar dhe shihet qarte kush eshte kunder kthimit te prones te pronaret e ligjshem...

bukur enis. smiley

me pelqeu.

kam thjesht pak problem me disa koncepte.

pronaret e ligjshem, psh. 

ka pronare qe kane prona prej ndoshta 200 vjetesh. ligji nderkohe ka ndryshuar dhjetra e dhjetra here, dhe me te edhe statusi i prones apo pronesise mbi te.

duhet riformuluar termi, riperkufizuar.

e nuk e marr vesh famekeqesine dhe perdorimin e saj njekohesisht me praktiken e regjimit te kaluar.

ne rast se kthimi i prones prodhohet ne nje kohe te ketille, me qeveri te ketilla - shkombetarizuese, sikur na krijohet pak si nje paradoks nese permendet regjimi i kaluar, qe ishte thellesisht kombetarizues.

mendoj une.

shkrimi: shume bukur. te lumte dora.

Vetem ate problem kishe ti? Pa lexoje dhe njehere?

e lexova ora. ka dhe ca qe nuk i kam permendur(prandaj thashe me siper "disa koncepte". del shume gjate.

krijimi i kombeve qe ky e percakton me shekullin e 18. per mua eshte budallallek, po jo me brire, po supergjigand.

kombetarizimi i shqiptareve ne shekullin e 19... kjo eshte epike fare pastaj... dhe nuk e kaloj dot poshte.

shtete kombetare, dhe shembull sjell sudanin e jugut: CIA rendit 17 etni te ndryshme ne perberjen e popullsise dhe nja 7 gjuhe.

Shiko tani, une mendoj se vetem fakti qe metermend po e vuajm shkombetarizimin nuk do te thote qe gjithkush qe e perdor si teme, apo sapo ta perdor dikush si teme ka te drejte. Kjo na ben naiv. Ky artikull ka shume gabime, duke filluar qe me fjaline e pare kur ben nje gabim te pafalshem mbi kombin shqiptar dhe origjinen ( nga dikush qe presupozon te shkruaj nje artikull mbi shkombetarizimin???). Artikulli  perdor nje arsye shume te drejte e legjitime per te sulmuar pastaj arsye paksa anesore, gje qe tregon mungese sinqeriteti, ose kthjelltesie nga ana e autorit, dhe se synimi nuk eshte fare nje ndergjegjesim mbi rrezikun e shkombetarizimit, por egzagjerimi i disa faktoreve anesore. Nqs do besh nje artikull mbi shkombetarizimin e nuk do permendesh ARSYET ME MADHORE mua nuk ma mbush dot mendjen me cingla mingla. Madje nuk dua te shkoj aq larg sa ta quaj edhe kete artikull pjese te se njejtes shpurre...

Enis, shkrimi eshte yll por kjo beteje eshte e humbur qe ne fillim (mund te shikosh pergjigjet e tipit gozhde dhe patkua me siper si prove per kete). Gjeji vetes ndonje vend ku mund te jetosh rehat dhe mos e vra mendjen per keto pune se nuk ja vlen te lodhesh.

bie dakord me ty - sa i perket pergjigjeve. Enisi ben mire qe e shkruan, edhe si pedagog edhe si aktivist. Pastaj te tjeret le te ndjekin rrugen e zakonshme e te rremujshme te shqiptarit.

Politologu te cilit i referohet Sulstarova eshte Dr. E. Hasimja.

smiley

+1

 Tashti kam nje pyetje une per Sulstaroven, se vallaj, ky lloj dyzimi, kjo mungese konsistence, sikur eshte pak e pakapercyeshme. Nis e flet per konceptin modern te kombit, qe "rastesisht," shfaqet ne histori pikerisht me shfaqjen e romanticizmit dhe orientalizmave qe e perbejne, ku shperfytyrimi i figures se tjetrit eshte element thelbesor. Tashti du me dit nga Sulstarova, kete shperfytyrim te figures se tjetrit, vertete e sheh si problem krejt te vecante nga krijimi i vetedijes kombetare? Apo mos duhet pare me thelle kjo pune, e mos duhet shperfytyrimi i tjetrit te konsiderohet pikerisht si nje nga shtyllat themelore te vetedijes kombetare? Pa i rene shume gjate, por pervetesimi i 7501-shit nga nje ligjerate kombetariste, ku problemi me i madh na dilka se keto shpronesime po shkokan ne favor te grekut, a nuk eshte shperfytyrim total i problemit, duke e portretizuar grekun, tjetrin, krejt te shperfytyruar? 

Sa here duhet thene kjo mer jahu se po na lujme mendsh me keto demagogjira qe burojne nga foltoret e dijes: Nuk ka greker e cifute, ashtu si nuk ka greker e shqiptare; ka vetem shtet te se drejtes dhe shtet te hienave. Perndryshe boll me keto kacmyftarizma se late nam.

shyqyr me ne fund qe po zgjohen akademiket shqiptare.edhe kristo frasheri ka folur here pas here.ne fakt zera te tille klani lubonjisto-krahinaristo-grekoturkoserbist perpiqet ti minimizoje,ti ironizoje,ti lere ne hije.lufta e sinkronizuar kunder atdhetarizmit eshte bere tashme qartesisht e dukshme se ka per qellim perfundimtar egzistencen e shtetit  shqiptar.nje shtet shqiptar pa identitet kombetar ,per ata qe i kane bere llogarite ,eshte lehtesisht i shnderueshem ne nje bosnje te re,ku ''republika grecka'' e  ''republika turkska'' do te duan ti bashkangjiten ''qendrave'' te tyre fetare.nuk eshte aspak pa lidhje katrahura ekonomiko-moralo-mjedisore me luften lubonjste(jo se eshte vetem ky ideologu i shkombetarizimit,por edhe babai shpirteror i sali berishes,ekzekutuesit te shtetit shqiptar) gjoja parimore kunder atdhetarizmit ,i cili eshte mjeti i vetem qe kane shqiptaret per mbijetese.ore po c'ishte njeri qe e quante saliun patriot?jo per gje po do i ngelet hatri bollanos

 "klani lubonjisto-krahinaristo-grekoturkoserbist" 

Po ekziston, o ekziston, e po s'ekzistoi, therrasim ne ndihme frankeshtajnin, pa problem.

"lufta e sinkronizuar kunder atdhetarizmit"

A don ti Gjin, me i luftue turqit?

"nje shtet shqiptar pa identitet kombetar ,per ata qe i kane bere llogarite ,eshte lehtesisht i shnderueshem ne nje bosnje te re,ku ''republika grecka'' e  ''republika turkska'' do te duan ti bashkangjiten ''qendrave'' te tyre fetare."

Eshte 2011, or Tunxh, c'eshte kjo gjuhe qe flet qe s'eshte shqip?

"atdhetarizmit ,i cili eshte mjeti i vetem qe kane shqiptaret per mbijetese"

A mbijetese? Prandaj shkruan nga Gerrqia zotrote? Ke shkuar per punet e atdheut, dhe si tjeter mund te zgjidhen punet e atdheut pervecse duke mbijetuar ne Gerrqi? 

Ah, medet!

......... A mbijetese? Prandaj shkruan nga Gerrqia zotrote? Ke shkuar per punet e atdheut, dhe si tjeter mund te zgjidhen punet e atdheut pervecse duke mbijetuar ne Gerrqi? ...................

Lulo, ketu ja ke fut kot, po kot fare.......menoje dhe i here, menoje........

+1. smiley

Ca te menoj? Une, ti, shqiptari i vjeter, kushdo qe e ka mor njehere ne jete rrugen e mergimit, e aty ka zbuluar se edhe Naimi nuk kish me shume se nje mergimtar qe i qante zemra per atdheun, nuk ka hik prej patriotllikut, por prej nevojes per mbijetese. Eshte pikerisht kjo nevoje per mbijetese qe te ben te marresh nga syte kembet e te lesh pas komb e atdhe e te gjitha. Kombit dhe mbijeteses i ndahen rruget. Nese do te mbijetosh, iken dhe e le kombin. Nese do kombin, i ben naften mbijeteses dhe rri aty dhe sakrifikon veten per te. Jane praktika te paperputhshme. E megjithate, ngrihen ane e ster anes, njerez qe per nga shqipja jane krejt analfabet po te mos ishte per nje doze te vogel vjershash patriotike, e duke shperfytyruar tjetrin me lloj e sterlloj sharjesh, te njejtet qe deri dje te thonin tosko-greko-komunist e qe sot te thone turko-vllaho-sllav, dhe te tregojne se si kombi dhe mbijetesa mund te perdoren ne te njejten fjali, nderkohe pa u marr vesh ne bote se c'jane duke thene pervecse duke folur percart. Te percarturit s'jane trima, or jo, ashtu si dhe s'jane patriote. Po kujt i thua, thuaj, se mes percartjes po duan edhe te bindin veten se jane jo pak, por patriotet me te medhenj e te vetmit qe ka pare ndonjehere kjo toke, e se po nuk fole percart, je lubonjisto-greko-sllavo-turko-tosko-komunist. Per hir te zotit, a di njeri shqip mes ketyre pseudo-patrioteve, apo vetem te lehin dine? 

 Lulo, perseri po te them, menohu, ma mire, masanej shkruj, se po m'duket, se sikur je nevrikos me nonjonin dhe po i shfryhesh tasieres.....

JO çdo njeri qe le memedheun, per turrli shkaqesh nuk eshte patriot, ashtu sikunder jo çdo njeri qe nuk e le ate, po per turli shkaqesh eshte patriot....kete maje men...

 Se mohoj. Po c'lidhje ka kjo me te foluren percart, ku ceshtja e kombit ne kete moment qenka ceshtje mbijetese?

 kjo eshte e vertete, po lexoje mire artikllin, se ta kam thone ne nje koment me siper, nuk eshte puna ketu, po gjetke fle lepuri, dhe   .......gjahetari bredh me kale......

 ore po ju qe keni bere vaksinat e ''qorrit'' nuk shikoni fare ,apo ju duket vetja 'trendy' qe hiqeni si nderplanetare?                                                                                                        eshte viti 2011 thua,po pse luftrat ne jugosllavine multietnike qe ju pelqen aq shume si model kur perfunduan dhe perse u kthyen te shtetet kombetare?sa per ate klanin qe permenda duhet ose te jesh pjese e tij ose te jesh ne 'autobus' qe mos ta shikosh.                dhe bej ndonje xhiro nga shqiperia qe te ''shikosh'' me mire.ve bast qe per ndonje vit sa te dale komplet nga moda 'multikulti' dhe internacionalizmi ti dhe ndonje tjeter do antaresohesh te 'aleanca kuq e zi'

 Ku e di ti cfare me pelqen mua? Apo nuk ke menyre tjeter per ta treguar kompleksin tat te inferioritetit, patriotizmin tat te rreme, pervecse duke hedhur balte?

"ve bast qe per ndonje vit sa te dale komplet nga moda 'multikulti' dhe internacionalizmi ti dhe ndonje tjeter do antaresohesh te 'aleanca kuq e zi'"

Ndersa une ve bast, qe sapo te mos iu interesoje me politikisht cunave trendi si Kreshnik Spahiu, dhe askush nuk do degjoj me per aleancen kuq e zi.

"eshte viti 2011 thua,po pse luftrat ne jugosllavine multietnike qe ju pelqen aq shume si model kur perfunduan dhe perse u kthyen te shtetet kombetare"

E c'lidhje ka kjo? Pse ku te ktheheshin? Ne tribu? Normal qe tek shteti-komb do ktheheshin, por kjo s'do te thote asgje mbi formen me te mire te shtetit. E di si eshte ky arsyetimi yt. Ke pare ujin qe avullon, dhe thua se gjendja normale e ujit eshte te jete e avulluar. Po njesoj, shikon shperberjen e jugosllavise ne shtet-kombe, dhe thua se forma me e mire e shtetit eshte ajo e shtetit komb. Shteti-komb eshte ceshtje administrative, si c'eshte krahina, qyteti, kantoni, federata, bashkimi, etj, etj. Shteti eshte shteti i se drejtes, dhe nuk ka pike rendesie se cfare njesie behet fjale mjafton qe te behet drejtesia. Ca s'kupton? Apo nuk di shqip, me duket mua? Apo je i vetmi qe te qan zemra per atdheun, dhe se paske zbuluar edhe komplote turko-sllavo-greko-lubonjiste. Sa qesharak mer jahu.

 Jam plotesisht dakort me mendimin tend, po kjo vlen per vende me demokraci te kultivuar, me shtete qe jane me te vertete shtete te se drejtes, dhe jo shtete ligjore, se ka i fare dallimi ketu.... tani ti ku e fut ket venin tone te nerum, pastaj le te bojme komente sa te dum.....se ketu fillon ai i shkreti diskutim......

 "tani ti ku e fut ket venin tone te nerum"

Shtet muti. Po shiko ku eshte problemi. Edhe Sulstarova, shtet muti thote. Po pse? Po ja se s'ka dhene ende nje zgjidhje konsistente ne lidhje me ate 7501-shin, them. Edhe Sulstarova, ate thote. Se po s'u zgjidh ceshtja e pronave, do vritet vellai me vellane, them une. E mo c'i qi t'emen, thote Sulstarova, mjafton mos na vrase greku. 

Ja keshtu e lexoj une kete njesine "universale" moderne te quajtur komb. Sidomos kur permbyllet me thirrje. As me te mire, as me te keq se sa identitet fetare qe kritikohen. Burim diskriminimi dhe melhem i rreme.

 po te kisha kompleksin qe permend do ti futja 2-3 fjale me ''paradigma'' me ''census'' dhe dialekt petrele.ne lidhje me shtetin e te drejtes ku e shikon papajtueshmerine me shtetin -komb?pse p.sh slovenia u shkeput nga jugosllavia se i mungonte shteti i te drejtes ?apo sllovakia nga cekia?meqe shteti-komb qenka ceshtje administrative pse nuk zgjodhen nje forme tjeter si krahina,qyteti,kantoni,federata,bashkimi etj?sa per komplotet ato jane te tilla per sa kohe jane te fshehta,ndersa ne shqiperi deklarimet dhe veprimet behen haptazi me mbeshtetjen e qeverise dhe anal-isteve lubonjiste.                                                                 ''apo nuk di shqip ,me duket mua?''-po kjo kjo arrogance adoleshenti 'mer jahu' ku ngjit?

 Ja ta them une. Neser pasneser, hapet nje sherr prone. Jo une ty... jo ti mu... jo ti je komunsit... jo ti je malok... jo ti je grek... plas grushti e shkrep pushka si me pas shkrep moti. Vjen Shqipi, kap ca zera ne ajer, "vrasesi pretendon se greku i kishte hyre ne hak." Greku? Si greku? Rroi gjithe jeten shqiptar, do e varrosim grek? Vjen Sulstarova thote "rreziku grek mbi juguuuuuuuun..." Vi une them, "ca rreziku mer vlla, keni lujt mendsh?" Vjen ti thua: "hik ere, u bone ti, "trendy." Hajde hajde, futja edhe ndonje "paradigme" tashti. Te thashe ja ku jane lobet greko-sllavo-turko-lubonjiste. Une te tregoja ujkun, ti me kerkoje gjurmet. Ja ku i ke. I kishte hyre greku dhe i pretendonte token me 7501-shin." Vjen Aleanca Kuq e Zi, dhe e denoncon bujshem dhe e liston si fakt me vete ne fitoret e saj. Fund.

Qellimi i mire dhe i drejte. Artikulli i dobet. Shqiptaret jan kombi me i vjeter ne europe, dhe kombi shqiptar u rizgjua ne shek 19-20, por ka lindur qysh me Skenderbeun te pakten.

 Shteti Komb eshte ceshtje administrative , ashtu eshte po!.. por po shikojme se ky shteti komb po dobsohet nga dita ne dite, dhe nuk po punon si duhet,analistat nuk jane burra shteti, ata shpjegojne opinionet, nuk jane keshilltare shteti, mire do te ishte qe buirrat e shteti komb, te bejne analizen e vet, po kjo nuk po ndodh,shenjat e `shkombetarizimit` po i vene re me shume, njerz  jashte administrates shtetit  komb, se sa vet shteti komb, arsyeja dihet e ka thene ne vargje poeti Ali Asllani!

Skandal!!!! Flamuri kombetar sot ne Qemal Stafa 

omg smiley

 Mire flamuri kokeposhte, po pse flamuj te bardhe xhanem? Dorezohen pa luajtur akoma?

Si perhere shqiptaret i bejne punet me bythe

 He se edhe flamuri francez kokeposhte do jete, vetem se aty s'ka si te vihet re.

 

Nice! smiley

Kur cdo gje eshte me kokeposhte pse te mos jete edhe flamuri kokeposhte! #-o

pse te mos jete? psh, qe te mos ecim te gjithe me vertikale qe t'i shohim gjerat sic jane? jo te gjithe mund ta bejme. apo jo? edhe sikur, biologjikisht, ka pasoja. te bie gjaku ne koke dhe... shume gjera mund te ndodhin, edhe hemorragji cerebrale. shkurtohet kaq shume jeta e njeriut thjesht per t'i pare gjerat ne normalitet? shume skic paska shkuar. smiley cmim shume i larte per t'i pare gjerat normalisht, apo jo?

po cfare ti thuash kesaj! Ai qe ka vene flamurin me siguri ka qene nga ata qe i ka rene gjaku ne koke! smiley

Po manaxherri ku i kishte syte mo? smiley

Do kete qen ndonje nga kta shqiptaret e famshem qe tkapi per zhelesh e perjashti..

lakuric lakuric te delni ce te dy. rrugeqer. smiley njaj a flamuri natos, i ni veni antar t'aleancs ma t'fucishme n'bot, aleancs s'liris dhe demokracis. si s'kini turp, puqista. delni perjasht qi tu di; rrugeqer se ju xorra per zhælesh.

Ka edhe me keq. Policia nuk lejon Tifozat Kuq e Zi te fusi nje flamur me harten e Shqiperise natyrale, ku nuk ka as emra qytetesh as nuk shkruhen gjera te tipit "Republika e Shqiperise". Pra nuk shkel asnje ligj apo rregull. Thjesht kujton nje te vertete historike.

Aman ere aman

shyqyr qe jane kto tifozat e sportit

(qe shajne nga nona ne kor , si me qene ke operat e verdit smiley&nbspsmiley

qe na majne gjalle patriotizmin dhe kombin natyral

smiley

hiqja bishtin shqiponjes..dhe pastaj eshte pak a shume simetrike dhe e ve dhe mbrapsht pa problem flamurin.

dega e “Omonias” e këtij qarku u bën thirrje vllehve të zonës që të shpallen grekë në regjistrimin e popullsisë.

Vllehet te shpallen greke? Po pse? Vllehet duhet te deklarohen vlleh dhe pike. Kjo nuk eshte as mburje dhe as poshterim. Eshte thjesht nje e vertete historike qe nese do ti interesoje qeverise shqipetare apo kujdo qofte le ta dine. Prandaj une i bej thirrje te gjithe njerezve me origjine nga prinder vllehe, qofte edhe nga njeri prej prinderve kur ky eshte babai, te deklarohen vlleh se ne kete menyre i bejne nder vehtes por respektojne edhe parardhesit e tyre.

E. Sultarova nuk i heq presje artikullit tend apriori, shqetesimi qe ngre eshte aty ku e ngre vetem kam nje problem qe te kete shkombtarizim duhet te kete komb. .. duke rremuar ne historine tone me duket sikur vetem komb nuk kemi qene ndonjehere.. ato linjat qe na bashkojne pertej linguistikes jane ndarese ..  dhe gazi po i hidhet dhe kesaj te fundit .. per tu kombtarizuar me duket se jemi dhe do jemi gjithmone me vonese kjo sepse ka kontekste gjeografike e kohore..  kshu pra kemi pararojesit e kozmopolitanizmit qe jane si UFO ne ballkan e qe kane krijuar ate  klasen  pseudo aristokrate te mendimit apo ideologjive te reja avantgardiste ne nje  kontekst ballkanik ku fqinjet tane akoma  kane pretendime territoriale...mua me duket se mes kombeve te tjere ne kemi mbetur pak " retarded" .. mbase kshu mund te shpjegohet ky fenomen

alidea, ti dhe e paske lexuar (apriori), po dhe historine na e njihke mire.

degjo, pertej mllefeve, pershtypjeve dhe emocioneve momentale, sinqerisht, rishikoje qendrimin me siper.

Cer nuk lexon njeriu i shkrete. E dua shume zotin meshirplote !

Mësojmë se në Polenë fshatarët janë organizuar në disa grupe të armatosura për të patrulluar fshatin ndaj “jabanxhinjve”. Viktimë e tyre ka rënë një djalë i ri nga një fshat i afërt, i cili është plagosur në tentativë për të vjedhur një shtëpi të Polenës.

Po te shkosh ne Polene (jo me shume se 6 km nga Korca) te bie ne sy ne te dy krahet e rruges ka plepa te larte. Edhe ne vitet 1990-1993 kur te gjithe ju "turren" dhe nuk lane asnje peme ne kembe, banoret e Polenes po ne te njejten menyre i mbrojten. U organizuan fshatce per te mbrojtur pronat e tyre. Ne Polene nuk ka gardhe dhe mure rrethuese ne fusha apo ne kodrat perreth mbushur me peme frutore te ndryshme (po, edhe ato kane mbijetuar ne te njejten menyre si edhe plepat), udhetari qe kalon mund te kepute e te provoje mollet qe i varen mbi koke, por askush nuk mund te ndalet e te mbushe koshin, makinen me ato qe jane mundi dhe djersa e banoreve te Polenes, apo me keq te futet per te vjedhur ne shtepite e tyre.

Sipas E.Sulstaroves dhe teorive te tij me luftra fetare, po te ishte hajduti i "krishtere" banoret do ti kishin hapur dyer e dritare dhe do ti thoshin; urdhero e merr cfare te duash se qenke i yni. 

Pak jashte teme, por nuk me pelqen kur behen hamendesime me qellim te behet sa me interesant shkrimi ne gazete.

kot pa lidhje me temen: a dini se sipas regullores (udhezimit) per regjistrimin/censusin, grupi i regjistrueseve e ka per detyre qe te tentoje vetem nje here per te bere regjistrimin? Nese nuk gjen njeri ose nuk gjen kryefamiljaret por ta zeme vetem ciliminjte, atehere ju le nje numer kontakti per te lene nje takim te mundshem. Pra, nese edhe kjo gje nuk kryhet nga familja, atehere kjo familje nuk regjistrohet.  

 

 Nga një grekofili historike në këtë qytet shkallë-shkallë është kaluar në një grekofoni

"grekofili historike" - WTF are you talkin about, debil?

Artikulli me pelqeu, dhe per komentatoret do shtoja apo perforcoja, se, vertet ne Shqiperi, me shume ndihej shkombtarizimi se sa kombtarizimi. Kuptohet, fale qeverise tone te dhjere.  

1* apo me hater 2 pa pak

 

Tifozët Kuqezi: Na ndaluan hartën etnike

 

Tifozët Kuqezi kanë reaguar ashpër ndaj Policisë së shtetit të Shqipërisë, e cila mbrëmë, para fillimit të ndeshjes eliminatore të Euro 2012 Shqipëri-Francë iu ka ndaluar koreaografinë e tyre, duke përdorur dhunë. Në atë koreografi, sipas tyre, do të paraqitej harta e Shqipërisë Etnike.

“Tifozat Kuq e Zi njoftojnë të gjithë shqiptarët në shtetet etnike, trojet e pushtuara dhe diasporë se policia pengoi sot futjen e koreografisë në stadium për ndeshjen Shqipëri – Francë. Kjo u realizua nëpërmjet presionit psikologjik, kërcënimeve para ndeshjes dhe në dhunë brutale gjatë hyrjes në stadium. Turp për policinë! Tifozat Kuq e Zi kanë pasur gjithmonë sjellje të mirë dhe të saktë në hapjen e koreografive”, thuhet pos tjerash në komunikatën e tyre.

Tema//

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).