Politika e dhunshme e “frikës nga tjetri” Arbër Zaimi Filozofi Slavoj Zizek në librin e vet “Dhuna”, vë re dy lloje të dhunës, një të dukshme, e një të padukshme. Koncepti i tij interesant zhvillohet edhe më tej. Dhunë të dukshme ai quan aktet e krimit dhe terrorit, trazirat civile, konfliktet ndërkombëtare, dhunën që ushtrohet fizikisht prej një subjekti, që mund të jetë individ a grup. Mirëpo sipas filozofit, kjo dhunë e dukshme bëhet e mundur apo kultivohet e nxitet prej një konteksti më te gjerë të dhunës së padukshme, të asaj që ai e quan dhunë në nivelin gjuhësor, apo në atë sistemik. Për të vëzhguar këtë burim të padukshëm të dhunës, Zizek këshillon që të bëjmë një hap pas, ta shkëpusim vëmendjen tonë prej shkëlqimit tërheqës të kësaj dhune “subjektive” të vëzhgueshme drejtpërdrejt, kësaj dhune të ushtruar prej një agjenti të identifikueshëm qartësisht. Kështu Zizek e qartëson aksiomën e tij: “dhuna subjektive është thjesht pjesa më e dukshme e një triumvirati që përbëhet edhe nga dy forma objektive të dhunës. Së pari është një dhunë ‘simbolike’, e trupëzuar tek gjuha e tek format e saj, tek ajo çka Heidegger-i do ta quante ‘shtëpia e qenies sonë’. Ky lloj [...]

37 Komente

 Ehuuuuu, ti ke shkarë fare. Bëj dhe një hap kshu siç e ke nis e do gjendesh tek "ai i vrau, ai tjetri i çoi për t'i vrarë". 

gjys Lubonjë gjys Albin Kurt. 

p.s njëshin e ke nga mua.

 

"E perftuara eshte e paftuar." (fh)

poshte sali berisha!

 jo, jam unë gabim. Mbajeni, ta gëzoni. 

 

Nuk je gabim, se qe te jesh gabim - duhet te thuash ndonje gje. Dhe, e mbajtura vjen pikerisht si pasoje e sjelljes qe po modelon ti. Pra, "mbajeni, ta gezoni" do te duhet te ta kisha thene une, sic edhe ta kam thene permes artikullit.

Nese mendon se per "te zhdukur Berishen" (hajde qellim hajde), mjaftoka per opoziten qe te beje te njejtat sjellje politike (sjellje idiote, me lejo ta them), atehere po te bashkangjitem, poshte Berisha e njekohesisht mbajeni, ta gezoni.

   u shkëputa se nuk e di a kam dot durim, fuqi, nerva të merrem me këtë çështje (mbase në parametrat që do të pëlqente ty). Po më duket shumë qorrllik barazimi dhe simetrizimi i dhunës, qoftë kjo e formës verbale. Diskursi politik vdiq në Shqipëri, jo më 21, më 17 Janar. Aty në parlament. Më 21, çdo gjë vdiq përfare, duke filluar që nga ndarja dhe dallimi i të mirës me të keqen. 

   I ke bërë ndonjëherë pyetjen vetes, pse kaq shumë vrasje, vjedhje, krime që prej asaj dite, e duke vazhduar më tej deri më sot? A ka një shpjegim kjo? Mund të gjesh çfarë të duash, po simetrizimi i sforcuar që kërkon të bësh, nuk është zgjidhje për mua. Jo më zgjidhje që nuk është, por qorrllik i paparë. Se vrasjet nga njëra anë, nuk i simetrizon dot. Vjedhjet e votave, nuk i simetrizon dot. Deri edhe dhunën ndaj atyre inspektore në bashki, nuk e simetrizon dot. 

  E di çfarë? As dhunën verbale të njërës palë tamam këtu tek peshku (që është një sample i vogël i shoqërisë shqiptare), as këtë NUK e simetrizon dot. 

Ky artikulli jot, ka një të keqe të madhe që mund të përshkruhej me frazën: "si kofini pas të vjeli". Pasi kanë ndodhur të gjitha ato më lart, është shembur njerëzilliku tek të gjithë njerëzit, e tashmë këta, operojnë jo më në sistem racional, por në sistem instiktiv. Si kafshët. Tani që janë shndërruar të gjithë në kafshë, ti vjen e thua "të gjitha kafshët janë njësoj". Jo ore, me të vërtetë? 

Po burimi i të gjithës kësaj çfarë është? Se ka reaksion, antireaksion. Veprim, kundërveprim. Do duhet të dish të dallosh njërën nga tjetra. 

Ti me këtë artikullin tënd, po u bën padrejtësi të dyfishtë të gjithë atyre që i kanë heq njëherë në kurriz, madje duket se u thua që e meritojnë! - prandaj më thua mua: ta gëzosh ti. Unë e kam alternativën, të ikjes. Të daljes jashtë prej vorbullës së sistemit. Këtë po mendoj të bëj. 

Po shiko një gjë ama, që kam dash të ta them: me anë të këtij qëndrimi që mban, mos pretendo të fitosh kapital politik. Sepse apologjinë pushtetit, po ia bën ti. Dhe është sëmundje e keqe kjo që ka zënë vatanin. Nga ato që nuk ka shenja të jashtme. Ama brënda është mbush gjithë qelb e gjak. Edhe këto pasoja do vuhen për vite e vite me rradhë. Me këtë artikull nuk do kishte mundësi që të binin dakort të paktën 400.000 vetë. Që u është bërë padrejtësi hapur fare, kur vota e tyre është shpërfillur. I fut ndonjëherë në ekuacion këta ti kur shkruan? Se duhet të bësh llogarinë me ta. Apo pretendon të kesh tjetër audiencë? Korin e zhabave që të hedhin dorën në qafë e të fusin gishtin, nuk i quaj unë. S'kam gjet ndonjë këtej rrotull që të jetë parësisht kundër pushtetit, opozitar e të të thotë, po! Ke të drejtë. Kor zhabash kam parë që bëjnë guak guak e të lënë në baltë pastaj, se shkojnë e votojnë Lulin. Apo legjitimojnë revanshin dhe terrorin. S'e kanë problem ca e ca. E shef buçko, si e lexon situatën politike ti ta marr vesh unë? 

Që të vijmë dhe tek ... "qëllimi" i faturuar, si gjobë polici. Përfaqësimi i pushtetit të sotëm, për mendimin tim, është struktura, organizimi partiak më primitiv, më tribal, më arkaik dhe më terroristi që ekziston sot në Shqipëri. Hapur fare. "Heqja e Berishës", do të thotë o kapedan, prishje e kësaj strukture, dhe riformatim i saj. Të njëjtën gjë që thosh edhe Bojaxhiu. Të njëjtën gjë që thoshin edhe dy ish presidentët te wikileaks, i ke lexuar ti? 

e një gjë të fundit, ky artikull, është i padrejtë ndaj meje, personalisht. Që kur pashë se çfarë ndodhi deri para zgjedhjeve, isha i bindur dhe optimist, se pushteti i vrasjeve dhe vjedhjeve do të dënohej nga populli, me votë. Radikalizimin tim, e "fitova" më vonë, pasi i hoqa nga larg të gjitha gjëmat. Megjithatë, e hedh përsëri poshtë dhe radikalizimin, se du të mbetem njeri në fund të fundit. Prandaj o shpirt, ke të drejtë ti, në fund fare. 

po dhe Berishën, ti do e gëzosh. 

 

Me kete artikull... me kete artikull... me kete artikull... Nuk shoh te kesh cituar asgje nga ky artikull qe te mbeshtesesh gjithe c'thua. Prandaj dhe te thashe qe ne fillim, "e perftuara eshte e paftuar." E megjithate... 

"S'kam gjet ndonjë këtej rrotull që të jetë parësisht kundër pushtetit, opozitar e të të thotë, po! Ke të drejtë. Kor zhabash kam parë që bëjnë guak guak e të lënë në baltë pastaj, se shkojnë e votojnë Lulin. Apo legjitimojnë revanshin dhe terrorin. S'e kanë problem ca e ca."

Kaja nonen Jul e ke lli muhabetin fare. Me kete qe ke thene e ke dalluar veten me force nga korri i zhabave.

 O Lul, mos të ngeli qejfi që nuk tu përgjigja? smiley Ma bëj kabull, se ishte vonë prëmë dhe isha i lodhur, e normalisht atë pjesë që citon nuk e kam me ty. Unë rezervoj aq respekt për ty sa të mos të të fus në atë kategori, po edhe nëse kam diçka me ty, të ta them hapur. Kshu që pa merak. 

Por ama ajo që shkruaj aty, është komplet legjitime! Madje më shumë se aq, është vërtetim që debat nuk mund të ketë! Sepse Soli mirë shkon edhe shkruan për çka e si e ndjen, po vjen tjetri e ta përdor artikullin si pre', i shkëput një llokmë mishi e hajt shëndet, ta gëzosh ti lojën me Zhizhek! 

Loja me zhizhek, është e pamundur në kushte si të Shqipërisë. Këtej nga mua, po. Mund të luash me Zhizhek gjithë ditën. Sepse këtu... dëgjova në radio mbrëmë: deputetët kanë frikë të dalin në rrugë, sepse abuzojnë qytetarët me ta!! I shajnë dhe duan t'i rrafin!! 

Aty u referohem atyre që nuk janë në të njëjtin 'state of mind', me mua, Solin, ty etj... Po për shkaqe oportuniste bien dakort, jo për parim. Dhe ka shumë të tillë këtej rrotull. 

Ndërsa për kritikën më lart, nëse ia kam keqintrepretuar ndonjë gjë, ti më thuaj. Po mos e gjuj me llastiqe çkam shkruar si të ishte poç llambe.

 

 "Loja me zhizhek, është e pamundur në kushte si të Shqipërisë. Këtej nga mua, po."

Mos fol marrezira, or Tunxh. Nuk ka asgje te keqe te flitet. Kjo eshte e gjitha. Madje eshte e domosdoshme. Ti ngrihesh tashti dhe thua, parafrazoj, "c'jane keto fjale, ka nevoje per veprim, jo per fjale." Ka or ka nevoje per veprim, por ka nevoje edhe per fjale, para pilafit, gjate pilafit, edhe pas pilafit madje, se qe ta them ne menyre personale e klishe fare, Jeta vazhdon. Dhe nuk eshte e thene te vazhdoje vetem ne kushte shtrengimi dhembesh. Fjala nuk eshte dorezim, nuk eshte shprehje frike, dhe frika nga tjetri eshte edhe frika nga fjala. Po qe se kategoria e Zajmit via Zizek eshte e sakte, kjo qe thua ti si c'e kam parafrazuar une, eshte pjese e frikes nga tjetri. Ne cfare bote imagjinon ti se do kene frike te dalin ne rruge politikanet tane kur ti vete e shpreh me ane te frikes ndaj fjales friken nga tjetri. Ne cfare kushtesh mendon ti se 21 janari nuk do behet norme po qe se frika ndaj tjetri vazhdon, me simptoma te tilla si kjo e jotja, shprehur me ane te frikes ndaj fjales. Ti thua "t'i biem, t'i biem, t'i biem, t'i biem, me mbaj Lul se do i bie." Po keto jane klithma. Ne mungese te se renes fjala duhet te jete e peshuar, e jo thjesht klithme e ulerime shtazore. Or Tunxh.     

 Kush të tha që ka gjë të keqe të flitet ore? Pse, nuk po flasim ne tani? Po ajo që them unë, nuk është të mos flasim e të veprojmë. Po të shprehet çka duhet të shprehet me rregull. T'i bëhet lexim situatës. Pse Solit si i thashë unë më lart: si e lexon ti situatën? 

Të thuash që loja me zhizhek nuk është e mundur, është e folur, jo vetëm që është e folur, po sipas meje është përshkrim real.

Për mua dilema është shumë e thjeshtë, në këtë pikë që ndodhemi. Si në futboll, në rast se dikush bën faull të rëndë, duhet nxjerrë nga loja me karton të kuq. Meqë arbitër nuk ka dhe as është fair, atëherë ky lojtar që bëri faullin duhet të bëhet çmos të dalë. Duhet nxjerrë jashtë me çdo kusht, që loja të vazhdojë prapë. Që të mos i humbë sensi më "lojës". 

Unë nuk them "bjeri t'i biem", unë i them Solit hapur: mbështet opozitën. Kjo ka ngel e vetmja rrugë dhe mënyrë për të dalë nga ky qorrsokak. Madje kjo duhet bërë sa nuk është vonë, pa u përfshirë TOTALISHT të gjithë si popull në një zënkë të madhe. dhe me përfshirjen totale, do të humbë përsëri sensi i të drejtës, sepse po u përfshinë të gjithë, e keqja pastaj relativizohet. Nuk e ka më fajin pastaj lojtari që duhet të dilte me të kuqe, por e kanë fajin "të gjithë". 

 

 Loja me zhizhek nuk eshte loje, por aparat, instrument, qe nuk ndalon tek pershkrimi real, por tek paralaksi diagnostik i gjendjes, ku dhe nuk me duket se Zaimi e ka aplikuar gabim. Nuk e marr vesh ca je tu thone.

Why, why, why? Pse me e mbeshtet opoziten? Imagjino tashti te dilte barazim Shqiperia ne Luksenburg e te ktheheshin ne Shqiperi e te thonin "Fituam. Na e bene me hile, nuk na dhane nje penallti, por ne fituam." My ass! Pse te mbeshtetet opozita. Where is the fucking realism in it? Fluturon Edi? Fluturon, fluturon. Hik ere me qafsh, Shqiperia nuk ka opozite. Ka nje Edi Rame qe do te jete edhe kryetar bashkie, edhe kryeminister, edhe kryetar opozite. Fuck that and wake up. 

Mirë Lulian. Varja. 

Ta gëzoni pra. I FCKING QUIT. nuk merrem mo.

 

 Te gjithe bashke, plako, se tek njoni qe kishim var shpresat s'ka me shprese. Te pershendes.

 dhe një keqkuptim tjetër në këtë mes, që e bëni ju të dy, edhe ti, edhe Soli, është që i trajtoni njerëzit e identifikuar me opozitën, si të jenë ushtarë zbori. 

'dale se nuk bëhet kështu, do duhet të durosh, çjanë këto ulërrima'

unë nuk vij që të qahem. unë kërkoj çka kam të drejtë e ky artikull spo e jep, qoftë ME FJALË. si e qysh, i kam vënë në dukje te replika ndaj solit. 

 

o djale, nuk po ma hedh poshte shkrimin, po ma verteton se po sillesh tepke sic parashikon kategoria e pershkruar.

Ajo qe po them une, e qe s po kupton ti, eshte qe si premise une po te them qe duhet rrezuar berisha dhe pushteti dhunues e mafioz.

Ajo qe po them une eshte se nuk duhet falur 21 janari, dhe se pas 21 janarit "politika" nuk do te duhet te qe si me pare.

Ajo qe thua ti eshte krejt njesoj, eshte thene vazhdimisht per 20 vjet. Ajo qe thua ti e harron 21 janarin, sic e harroi opozita - qe nuk ofroi as mbrojtje ligjore per te arrestuarit e te keqtrajtuarit neper komisariate. Per ta u ankua dhe Amnesty... PS jo. I la neper paraburgime. Tani, se nuk dua te zgjatem shume, ti ke mendjen tende, e cila ngjan me shume mendje te tjera.

Adorno thoshte qe s'kish vend me per poezi pas Aushvicit. E megjithate njerezimi i beri vend poezise edhe pas Aushvicit, ama pasi i dha fund atij tmerri duke e denuar rende jo vetem hitlerin, po edhe regjimin e sistemin.

Ndersa ti (mainstream opozita) menjane me thua qe s'ka vend per poezi pas 21 janarit, m'ane tjeter vijon te kerkosh e te recitosh poezi njesoj si me pare, me te vetmin ndryshim, qe ti as fajtorin e as regjimin nuk e ke denuar (dmth poezite po i reciton pergjate aushvicit, e kjo nuk premton mire) - e me sa thuhet zyrtarisht - nuk duket se do te denohet as fajtori e as regjimi.

Krahasimi me Hitlerin eshte pak i forte dhe i pavend, mirepo nuk eshte i imi, eshte i mainstream-opozites, i perdorur gjate se famshmes greve te urise, imazhin e mbylljes te se ciles e mbaj mend si tani, me buqeta me lule, e me nje rame te buzeqeshur qe e perqafon spiropali e shamku, ne mbyllje te nje aksioni te suksesshem per popullin opozitar.

Dhe sa per Lubonjen dhe Albin Kurtin, verej qe as ata s'i paske lexuar e kuptuar hic, le mua qe e morem vesh...

Here tjeter eshte mire te permbahesh ne linje komunikimi normal, se nuk i ben nder as socializmit mikroborgjez shqiptar (tm idlir azizi) nje mbeshtetes i tille.

 

  Po unë nuk jam druajtur që të të sfidoj, apo ta vë në pyetje këndvështrimin tënd, Sol. 

  Ty të duket vetja "çekan" për të përdor një metaforë, e po më thua, uh po ti qenke gozhdë! Unë në fakt po të them: bën vaki që nuk je çekan, Sol. Si i bëhet halli në këtë pikë? Apo të është mbushur mendja top që je? 

   Është fyese të më thuash se "nuk të kuptoj". T'i lëmë mënjanë këto. Mund të të them edhe unë që ti smë kupton. Ti nuk kupton psh se ndjenja e padrejtësisë ndër njerëz për çka u është bërë, është shumë e fortë. Nuk e shoh të shprehur mjaftueshëm në ato që shkruan, as të vënë në kandar. Ti mund të më thuash që kjo nuk i shërben analizës tënde, dhe unë po të them që vërtet, ama është e padrejtë! Siç është e padrejtë citimi më lart që PS nuk ndihmoi të paraburgosurit, ama as nuk i futi në burg. Si i vete dmth, kush të fut në burg e kush nuk ANKOHET, na qënkan njësoj? Për të mos u marrë me cic mice vërtet, po Rama e dënoi aktin, në mitingun e datës 28, mesa mbaj mend. Kur tha "vure horrat të rrahin qytetarët". 

 Te ajo njësoj, ky njësojllëku ka për të na ngrënë ne, nuk është aspak gjë e tillë. Asnjëherë nuk është "njësoj". Nuk mund të lahesh dy herë në të njëjtin lumë etj... 

  Po më e rëndësishmja, ka pika të caktuara me potencial ndryshimi. Dhe këto janë zgjedhjet. Tani unë, realisht dhe në mënyrë gjenuine BESOJ, se opozita e tanishme, ka potencialin që t'i ndryshojë gjërat. Ti mund të besosh ndryshe dhe do kesh sigurisht arsyet e tua. Jam i hapur për diskutim në këtë pikë, madje do të ishte diskutim interesant. Opozita ka bërë aq, sa të meritojë mbështetje morale. Unë nuk dal të them që jam i sigurt se do e bëjë, thjesht kam besim. 

  Mainstream-i ka disa të mira e disa të këqija. Është rruga më e lehtë për të ndryshuar një situatë dhe kostoja më e vogël, po gjithashtu ndryshimi është më i paktë, më i vogël. Normalisht, partitë e vogla, "opozita e vogël" është më interesante në qëndrime. Thotë më shumë të vërteta, por nuk gjen bazë të gjerë mbështetjeje, mbase vërtetim ky, që njerëzit janë të lidhur me fije interesash që nuk shkëputen dot lehtë. Mbase vërtetim ky, përsëri, se Zhizheku në rastin tonë, nuk pi ujë. Unë gjithashtu besoj, që po vazhdoi me këtë rend situata edhe pak, aty ka për të plasur keq. Kështu që mbështetjen ndaj opozitës së tanishme, e quaj as më shumë as më pak, por detyrë historike. Për këtë nuk bëj shaka. 

Një vërtetim tjetër për këtë, është dhe vetë diskutimi ynë. Ti mund të diskutosh me mua, mund edhe të më etiketosh si 'socialist mikroborgjez" lol!! po diskutim me "njësojllikun tim", nga ana e djathtë, nuk e kryen dot. Ti mund t'i marrësh intervistë Edi Ramës, e t'i nxjerrësh bojën pastaj hapur fare, ama të njëjtën gjë me Saliun nuk e bën dot. Vëri dhe këto në kandar. 

Tjetra pastaj, thua më lart:

- e me sa thuhet zyrtarisht - nuk duket se do te denohet as fajtori e as regjimi.

Nuk e di se çfarë të dhënash ke për këtë që shkruan, po nuk mund ta imagjinoj Shqipërinë e të ardhmes pa Metën të futur në burg, pa u zbardhur 21 Janari, pa u dënuar ministrat e korruptuar. Është e paimagjinueshme. E di që duket e vështirë, por do realizohet. Edhe e ndryshmja e të gjithave, kësaj rradhe, është që ti dhe unë (e ta them pa shaka kët&eumlsmiley, kemi mundësinë dhe aftësinë të gjykojmë për çfarë do bëhet. Herët e tjera, çdo situatë ka qënë në pësore ndaj nesh. Pra e kemi pësuar nuk kemi pas mundësi vendimi, apo gjykimi. Unë kërkoj që përmes opozitës, ta kemi këtë mundësi. Kjo situatë e zgjatur e tranzicionit, ka qënë e vlefshme për të nxjerrë mësime, se çfarë është bërë gabim në të kaluarën. Marrëveshje nën tavolinë, riciklime figurash të konsumuara, mungesë rendi, rregulli e ligji, mungesë dënimi për të korruptuarit etj. Normalisht nuk do i futemi të njëjtës vorbull si më parë. 

Këto mendoj unë o Sol-o. Vetëm po të më ketë shpëtuar ndonjë gjë të cilën "nuk e kuptoj" akoma. 

Kurti është shumë ok në situatën dhe kontekstin ku ndodhet. Situatë e cila s'mund të riprodhohet në Shqipëri. Për disa arsye të vetat. Ndërsa Lubonja është ku të thërret qameti, pa u ofenduar ti.

 

 

aha, ok

 kaq?

 

 "Ty të duket vetja "çekan""

O Jul, e perftuara... Come on man!

"Mbase vërtetim ky, përsëri, se Zhizheku në rastin tonë, nuk pi ujë."

Jul, ca te them vella, se prape po me duket se me bie ne hise. Nuk eshte korrekte kjo qe thua, jo ne sensin e etikes, por ne sensin e se vertetes se tregut mainstream dhe tregut meskin.

Eshte e vertete qe meskiniteti ne Shqiperi eshte mainstream, muhabet qe tek pejzazhet Xhaxhai e ka bere ne te tjera terma, ne terma LOLOSH. Por mos harro qe Zhizhek eshte mainstream, duam, s'duam, fatkeqesisht qe s'duhet, e fatmiresisht qe eshte.

Nuk e kuptoj kete kembenguljen tende ne kete pike, dhe nuk ka asgje per fyerje ne kete moskuptim. Fakti qe nuk jane njesoj, nuk do te thote se nuk ka vend per kritike mor burre i dheut, dhe ti e di shume mire kete.

Nuk di kush qe njeri qe erdhi nje dite ketu e u hodh si pupagjel "Saktivista ka pushtuar Shekullin e i ben opozite Opozites." Me fal, por kjo eshte bythqirllek, po ta marrim tamam, tamam.

Ore, se mund edhe ndryshe te shenohet muhabeti. Psh, kishe nje Mjaft margjinal qe iu bashkua mainstream-it. Shume, nga mainstream-i dhe margjinaliteti bashke, mbeten te pakenaqur me rezultatet, pasi dhe faktikisht, rezultate nuk pati.

Tashti, mos e kthe muhabetin me Draper e Cekane, por mendoje njehere seriozisht qe opozita t'i bashkohet margjinalitetit, dhe jo e anasjellta? A nuk eshte kjo pikerisht perkufizim dhe detyrim moral i se majtes per te cilen duhet te flasim? Cfare ka ketu per sfide? 

Lul, per sqarim: Zizek ne shkrim nuk vjen si autoritet, po vjen permes nje mekanizmi teorik, te cilin ia citoj e me pastaj e shtoj-transformoj-pershtas me situaten. Dmth vjen nje mendim i Z., jo Z., nuk eshte "name dropping".

Se dyti, Z. nuk eshte mainstream. Shume prej "pasuesve" te tij jane mainstream, ama edhe shume prej "pasuesve" te "Nices" jane mainstream, kjo nuk e ben mainstream vete Nietzchen. Z., me sa me rezulton, eshte nje prej kritikeve me te mprehte te ideologjise, ne traditen marksiste - dhe ka bere nje pune te vleresueshme per Hegelin e Lacanin, duke i aktualizuar e duke i bere operative ne shek. XXI, gje qe nuk e ben mainstream. Natyrisht, ka njerez qe magjepsen pas gjestikulacioneve te tij, apo pas siperfaqjes flamboyante te argumentimit frazegjate, mirepo kjo i ben ata pop followers, jo Z. - i cili eshte i ndergjegjshem me sa duket, qe lexohet ne thellesi te ndryshme.

Sa per debatin, nuk ka aty bardh-e-zi, midis PS dhe PD e kam fjalen. Edi Rama eshte ndryshe nga S.B., nuk ka barazi mes tyre, ama partite e tyre jane ne marredhenie te ngushte me mafian, e cila nuk operon ndarazi ne linja ideologjike. Nje parti qe nuk arrin te shkeputet nga mafia, nuk ka per ta denuar kurre ate.

Kjo puna e barazimit sillet pandershmerisht nga Juli, une nuk e permend kurre ne shkrim, e qe pas 21 janarit kam thene e kam shkruar qe me Berishen nuk mund te barazohet kerkush. Ajo qe po them une eshte qe kemi te bejme me nje opozite impotente e melankolike - e ne kete menyre bashkefajtore. Nuk eshte bashkefajesia barazi.

Megjithate, jam lodhur se debatuari me militante nga ata qe thone "Kush, une militant? Une e di shume mire qe ky joni eshte plot me difekte, po ja te heqim Nanon/Berishen/Ramen (nga bashkia), pastaj do i kthehemi bashke edhe ketij tonit". Traplliqe te tilla kam vjet qe degjoj, e s'kam as nerva t'u bej analize gjithe kohen ketyre lloj mendjeve - dukshem te rrejtura.

  Sol, të të bëj një pyetje legjitime, ti si mendon, cila është rruga që duhet ndjekur për të dalë prej fatalitetit të mafies së dyanshme? 

e qe pas 21 janarit kam thene e kam shkruar qe me Berishen nuk mund te barazohet kerkush. Ajo qe po them une eshte qe kemi te bejme me nje opozite impotente e melankolike - e ne kete menyre bashkefajtore. Nuk eshte bashkefajesia barazi.

Unë këto nuk mund t'i marr me mend, Sol. Se çfarë ke shkruar. Po as ti nuk e pe të nevojshme t'i përmendje në shkrim. 

Më bëre dhe militant... mirë smiley.

 

 Sol, ka vend per diskutim sa te duash, sidomos per sa i perket mainstreamllikut. Thua:

"Z., me sa me rezulton, eshte nje prej kritikeve me te mprehte te ideologjise, ne traditen marksiste - dhe ka bere nje pune te vleresueshme per Hegelin e Lacanin, duke i aktualizuar e duke i bere operative ne shek. XXI, gje qe nuk e ben mainstream."

I beg to differ.

Gjithe historia e mendimit kontinental, duke filluar qe nga Kojeve e ketej eshte marre me aktualizimin e Hegelit secili sipas periudhes se vet, secili sipas menyres se vet, perfshi edhe vete Lacanin. E lashe vete Marksin jashte debatit, qe ne fund te fundit mund te lexohet si nje riaktualizim i Hegelit, pasi jam dakord me Fukone kur thote se Marksi i perket shekullit te 19.

Gjithe historia e mendimit analitik, duke filluar qe nga filizat me te brishta te Pragmatizmit prej Peirce (po ja bej me hile Marksit, po ani, Peirce shkruan deri pertej kufirit te 1900-es) e deri tek James, Russell, Quine e Kripke, mund te lexohen si operatore te dialektikes hegeliane.

Gjithe sa me siper duhet marre me nje kokerr kripe, pasi nuk behet fjale thjeshte dhe vetem per vazhdimesira, por edhe per thyerje, zhvillime, apo karshilleqe.

Te besoj qe nuk eshte name-dropping nga ana jote - sqarimet jane te panevojshme. Fakti mbetet qe arsyet e shtruara per te vertetuar se Z. nuk eshte mainstream, ne fakt vertetojne te kunderten. 

ka disa pasaktesi ne ate qe ke shkruar, e gjithsesi autoret qe permend e qe sipas teje merren me aktualizimin e Hegelit, nuk e bejne Hegelin mainstream filozofik, as Zizekun mainstream.

Se pari, Kojeve po, ka qene njohes dhe lektor i Hegelit, lexues i mire jomarksist i Hegelit. Lacani ka ndjekur (si gjithe shoket e vet) leksionet e Kojeve, po kjo nuk e ben Lacanin Hegelian stricto sensu. Ne fakt Lacani i vuri per qellim vetes qe te aktualizonte Freudin ne Marks, t'i lexonte permes njeri-tjetrit. Natyrisht ishte strukturalist, po strukturalizmi nuk eshte Hegelianizem, as mainstream. Per Lacanin nuk do thosha se ka qene Hegelian, ne menyren qe ne e perdorim termin per te vecuar dike - se natyrisht qe Hegelin e njihte bajagi mire, nuk mund te jesh filozof pa njohur guret kilometrike.

Lacani ka qene marksist - jo ne sensin bajat te fjales - e ketu marksi, me plot gojen mund te themi se e gjejme ne shek XX, te gjalle e te shendetshem (filozofikisht). Po keshtu i dha jete Marksit - Lenini, Mao, apo Gramshi, po keshtu Althusseri etj. Ne shek XX Marksi ka qene me i gjalle se kurre, ne lexime te shkelqyera te vepres se tij. Sot Marksi, ne sensin filozofik, eshte duke u ringjallur, ne forma te reja. Mendoj se Marksi ka qene filozofi me i rendesishem i shekullit te XX, ne perzgjedhjen time, mes aktualizimit te autoreve qe permenda siper. Duket pjellor edhe ne shekullin XXI (po e marr filozofin ne sensin e pare te fjales, pra vepren e tij si nje set mjetesh - mekanizmash)

Zizeku - e kjo ngaterron shume njerez - nuk eshte ortodoks ne diskursin e tij. Anekdotat, Kung Fu Panda, filmat, kalimi nga dega ne dege (this rings a deleuzian bell), botimi i dhjetera librave e artikujve bejne qe Zizek te duket pop-fenomen. Kritiket gjejne edhe kontradikta ne mendimin e Zizek, dhe ia vene re ndonjehere problemet ne koherencen e vepres. Mirepo nuk ekziston (ende) nje sistem Zizekian. Zizek aktualisht eshte duke bere dicka aspak mainstream per filozofine (mainstreamin e se ciles e sheh paaaksa me qarte te Badiou, apo te Laruelle (te kuptohemi, keta te dy jane larg se qenit mainstream, edhe pse autoritete), e qartazi fare te filozofia e dekonstruksionit, apo te nouvelle philosophie). Ajo cka ben Zizek, e qe nuk eshte mainstream, eshte vazhdimi i tradites se Sokratit (via Marx - Althusser - Badiou), ai shtron pyetje dhe hedh dyshim mbi gjithcka qe gezon pranim konsensual. Te Zizek mund te gjurmosh linja heterodokse te zhvillimit filozofik, megjithate perzierja e tij Hegel - Lacan, dhe me pas, me pak vizuale por gjithsesi te rendesishem e te ndjeshem, burimet e mendimit te tij ne Lenin, Mao, Althusser, Badiou, Marx, Engels, Nietzche, Freud, Cantor, Kant, Spinoza formojne nje autor qe une mendoj se do t'i mbahet mend emri gjate.

Gjithsesi, me duket se po debatojme mbi dicka pa percaktuar premisat. Per mua mainstream philosopher eshte BHL, apo fjala vjen Rawls - tani qe e kane kthyer ne mantra neo-cons ne britani e ne US. Rorty i dashur i Artan Fuges eshte gjithashtu mainstream. Derrida spektakolar eshte mainstream.

Zizek, pavaresisht faktit se ka dale shpesh diskutim mbi te te peshku (kryesisht prej saktivistes), nuk eshte ndonje pare e kuqe e akademise. Natyrisht, te qenit filozof-aktivist te ben te shfaqesh e te shkruash me shpesh se c'pritet (pritje e ideologjizuar rende), po kjo nuk nenkupton qe je mainstream - mainstreami i filozofise eshte fatkeqesisht anti-aktivist, i lidhur pas katedrave.

E keshtu, po e leme, se nuk dua te diskutoj mbi Zizekun ne nje teme qe nuk ka te beje me te.

 Te kerkova t'i marresh me nje kokerr krype, ne rradhe te pare, dhe ne rradhe te dyte, pasaktesirat jane te tuat. Sqarohem:

"strukturalizmi nuk eshte Hegelianizem, as mainstream"

Per pjesen e pare mund te biem dakord qe strukturalizmi nuk eshte hegelianizem, megjithese tentoj te anoj nga Lacan ne kete pike, te pakten per sa i perket skenes primale master/skllav, ku per mendimin tim mund te zberthehet krejt struktura e dialektikes hegeliane, dhe tere struktura e psikanalizes Lacaniane analist/analizuar. Ne vete fjalet e Hegelit ne Hyrje te Fenomenologjise, parafrazoj: "kujt i intereson ai studiues qe nuk eshte ne gjendje te kape filozofine pa pasur nevoje te shkoje pertej parathenieve." Parathenia ketu jo vetem qe mund, por ne nje fare forme edhe duhet te lexohet si maket apo strukture e se teres. Per pjesen e dyte, do isha kurioz ta shihja argumentin "strukturalizmi nuk eshte mainstream," perballe nje tryeze dinosauresh te historise se mendimit. Strukturalizmi eshte aq mainstream, sa edhe Foucault, edhe Derrida u deshen te jene me shume se nje here eksplicit ndaj konfuzionit te metodave perkatese me strukturalizmin.

"Lacani ka qene marksist - jo ne sensin bajat te fjales - e ketu marksi, me plot gojen mund te themi se e gjejme ne shek XX, te gjalle e te shendetshem (filozofikisht). Po keshtu i dha jete Marksit - Lenini, Mao, apo Gramshi, po keshtu Althusseri etj. Ne shek XX Marksi ka qene me i gjalle se kurre, ne lexime te shkelqyera te vepres se tij. Sot Marksi, ne sensin filozofik, eshte duke u ringjallur, ne forma te reja. Mendoj se Marksi ka qene filozofi me i rendesishem i shekullit te XX, ne perzgjedhjen time, mes aktualizimit te autoreve qe permenda siper. Duket pjellor edhe ne shekullin XXI (po e marr filozofin ne sensin e pare te fjales, pra vepren e tij si nje set mjetesh - mekanizmash)."

Absolutisht dakord dhe pa asnje pike hezitimi, dhe do rradhisja pas Marksit ne te njejten renditje sipas rendesise ne shekullin e 20, Nicen, Hegelin, Kantin, Kirkegardin dhe Spinozen.

"Mirepo nuk ekziston (ende) nje sistem Zizekian"

Germo Tare germo! Dhe nuk ka per te pasur kurre. Zizek nuk eshte sistematik, por metodologjik. Cka ne Histori te Mendimit (dhe me histori te mendimit une kam parasysh premisat e mia mbi termin mainstream, gje qe me vjen keq qe nuk e kuptove nga renditja qe shtrova, por u harxhove kot) e ben mainstream, ne kuptimin e thjeshte qe ka vetem two main streams, ai sistematik, dhe ai metodologjik, dhe ne kuptimin e perbere, qe trendi kryesor mes ketyre dy streams, qe pas Huserlit, eshte ai metodologjiku.

BHL nuk e llogaris fare. Per Rawls besoj se ka ende vlera.

Natenemire, a miremengjes, si ta kesh, dhe rrofsh per kenaqesine, se po nuk qe per Saktivisten ne pergjithesi, e per ty ne vecanti, nuk do e kisha mundesine e te shqiptuarit te ketyre gjerave.  

 Do shtoja tek ata qe i dhane jete Marksit ne shekullin e 20, dhe ne nje fare menyre edhe si paraardhes te Lacanit per martesen e Freudit me Marksin, George Batailiene.

Po mirë ore Lulian, ma vërteto ti që Zhizheku pi ujë. E di si? Kap një të pëdësë këtu tek peshku edhe diskutoje me të! A është e realizueshme diçka e tillë? 

E di cili ka qënë bqlliku MË I MADH për mua këtu tek peshku? Kur vetë Solin, mua, ty, etj etj iu janë drejtuar me fjalën e parë duke na thënë KOMUNISTA. Dhe jo njerëz dosido... po të (ashtu)quajtur artistë, poetë, piktorë... u know... 

Kjo është të të hedhin poshtë QËNIEN me një të rënë të lapsit. Është si të të vrasin mendimin, pa e hapur fare gojën. E do thotë Soli, ja ti je gozhdë!! Po ça të bëj unë, që KËSHTU është? Ky mendimi im pra, është LEGJITIM. Hajde e ma hidh poshtë po deshe. 

Edhe kjo nuk është diçka që ndodh vetëm këtu. Nuk është çështje e izoluar. Thoshte ai inspektori i sapohequr nga puna tek bashkia: na shajnë, na ofendojnë. Na thonë komunista, socialista. Edhe një herë në Fier kishte shkuar Fiksi dhe i thoshin: Ikni nga bulevardi, komunista. 

Sa i përhapur është ky fenomen këtu, as më thua? 

Opozita delegjitimohet prej këtij qëndrimi. Të ikë Berisha, do të thotë që një qëndrim i tillë TË MOS SHPËRBLEHET MË. Është qorr kush nuk e sheh këtë. 

Historia do shkruajë pas 10-20 viteve që Berisha e legjitimonte veten, duke shfrytëzuar dhe shpërdoruar kartën antikomuniste. Ja këtu do jemi ne prapë. Nuk e dallon dot ti kaq gjë? Ajo që po udhëheq në Shqipëri, është politika revanshiste. Dhe kjo nuk sjell asgjë të mirë, nuk sjell asnjë zhvillim. Të vetmen gjë që sjell - edhe ka sjellë, është DHUNA ndaj njërës palë. Dhe kjo mund të vërtetohet matematikisht. 

Unë realisht dua që Zhizheku të legjitimohet, "të pijë ujë". Po duhet kryer ky hapi më parë. 

Ti më thua që ok, s'janë njësoj, por kritikën e tyre e duan. Shumë dakort. Po këtu më duket se po vuaj që t'i ndaj një herë nga njëra tjetra. Dhe tjetra pastaj, ndryshe e kritikon nga brenda, ndryshe nga jashtë, opozitën. Ndryshe është kur i beson e je palë me të dhe ndryshe prej pozicionit komod të asnjëanësisë. 

Dakort jam unë që t'i bashkohet margjinalitetit. Ja një tentativë reale, po e bën Rama. http://edirama.al/blog/2011/09/diskutojme-se-bashku/

" Po mirë ore Lulian, ma vërteto ti që Zhizheku pi ujë. E di si? Kap një të pëdësë këtu tek peshku edhe diskutoje me të! A është e realizueshme diçka e tillë? "

Ne vend. Sapo te me jepet rasti.

 "Opozita delegjitimohet prej këtij qëndrimi."

Se tashti e lexova te gjithe komentin. Si mor u delegjitimoka opozita nga ky qendrim. Opozita ka nje tradite te papare te komunizmit, po kur i thone atij palles Edvin Kristaq Rama, rri si mut e merret me bojra ne vend qe t'ia ktheje si c'e kane hak. Po, komunizmi ne Shqiperi ishte brutal, po u kryen krime, po, i denojme kategorikisht keto krime, shume prej nesh pse jo te perndjekur pikerisht pse ishim vertete komunista, por jo, e majta eshte e majte dhe te jesh komunist eshte etike, aq me teper me qe edhe Berisha ka qene i tille, qe e gezofsh e te rroje sa malet. 

Po kush do e thote. Te mutosurit? Te kapurit nga mafja qe thote Soli? Edhe nje Lubonje qe e thote "eshte qorr" eshte ziliqar pse Kadarakaragazatarat qenkan me te mire. Hik aman, me qafsh.

 Ne fakt, ti je aq gabim sa s'mund te jesh as gabim. Nese nga nje ane ke qorra qe i thone te zezes se bardhe, gjithe c'ofron ti, eshte ti thuash te zezes se zeze, dhe cdo gje tjeter qe thuhet, ty te duket sikur po i thuhet gri. Ok, u mor vesh qe e zeza eshte e zeze. Now what? What in the meantime?

Estragon: In the meantime let us try and converse calmly, since we are incapable of keeping silent.

Vladimir: You're right, we're inexhaustible.
Estragon: It's so we won't think.
Vladimir: We have that excuse.
Estragon: It's so we won't hear.
Vladimir: We have our reasons.
Estragon: All the dead voices.
Vladimir: They make a noise like wings.
Estragon: Like leaves.
Vladimir: Like sand.
Estragon: Like leaves.
Silence.
Vladimir: They all speak at once.
Estragon: Each one to itself.
Silence.
Vladimir: Rather they whisper.
Estragon: They rustle.
Vladimir: They murmur.
Estragon: They rustle.
Silence.
Vladimir: What do they say?
Estragon: They talk about their lives.
Vladimir: To have lived is not enough for them.
Estragon: They have to talk about it.
Vladimir: To be dead is not enough for them.
Estragon: It is not sufficient.
Silence.
Vladimir: They make a noise like feathers.
Estragon: Like leaves.
Vladimir: Like ashes.
Estragon: Like leaves.
Long silence.
Vladimir: Say something!
Estragon: I'm trying.

Interesant koncepti i dhunes se gjuhes. Pa dyshim qe shkrim i mire..Nje film i mire per sa i perket frikes; The village.

 Sipas meje,si shoqeri  kemi  arritur ne  gjendjen natyrore hobsiane.Dhe kjo eshte  arritur pasi jemi disa vite kthim mbrapa, duke perfunduar ne nje neotirani... te demokratures.Tipari dallues eshte nxjerrja jashte funksioni  e njerit prej pushteteve me te ndjeshme prej publikut;pushtetit te  katert.E pate  si  i cilesoi  kabllot e ambasades amerikane? "... pasqyre e shtypit te  perditshem.."

 Tipari me kryesor i tiraneve ka qene dhe  eshte  urrejtja per shtypin.Sepse shtypi ngre masat qytetare  ne revolta dhe revoltat kane rrezuar tiranet. Shtypi eshte shkaterruar ne themele, duke u kapur nga tirania dhe  ne te  udheheq mafja.

   Ndoshta  nuk ju  kujtohet,  por J.Kendi pati caktuar nje njeri me detyren e posaçme qe nder numrat me te pare te Gazetes  Ny.Times, t`ja  sillte mundesisht qe nga "Bocat".Ne garen me Nikson, kjo sherbeu  si  kriter dhe  ju quajt  njera prej perparesive.

  Te gjendja jone,  eshte neotirania,  perben kupolen mafioze.Ç`do gje e dale ne shtyp, konsiderohet thesh e them. Ja  ka arritur  qe te nxjerr jashte  sherbimi, krejt jashte veprimtarise  shtypin,   medien ne teresi. Duke e ktheyr opinionin shoqeror,ne amorf dhe   pa ndjesi.  Dhe  per  pasoje edhe pa reagim.

   Eshte  krijuar  ideja se ne kete vend,  asgje e mire nuk mund te  realizohet  me mjete institucionale.Mungon autoriteti, i oficereve  publike, ne te  gjitha rangjet dhe ku  detyrimi,  gjithmone i me me shume po  neneshtrohet analizes se çdo  individi.

  Vini re ju  lutem qe edhe marredheniet kontraktuale te vete   shtetit,  pergjegjesite dhe perfitimet u neneshtrohen tekave te  neotiranit e sejmeneve te  vet, ne favor te nje kupole mafjoze,  mafjes qe qeverris.Gjendje  kjo  qe do te   perbuzej  edhe.... nga anarkizmi.

  Libri  themeltar  i shtetit, Kushtetuta eshte ktheyer ne nje karte  pa asnje vlere.Nga kjo gjendje delet vetem duke marre  fatet e vendit ne dore...Kush, mendoni ? Vetem populli ne revolta te  fuqishme

  Kam studjuar te drejtat e Gjykates Kushtetuese.Jam habitur kur kam konstatuar se vendimet e  saj...  nuk kane asnje fuqi detyruese..!!!!

E  dini si e ka...ne  Austri? .....

 A di gjo njeri, qe ate Shkelzenin (Berisha) e kon thirr n'Vashington, per te deshmu per Gerdecin? (pjesen amerikone, gjithsesi).....Mahet sekret..... po llafet dalin.......gojet e liga flasin....(ka shku me gjithe legalen e vet, Argiten)

 Do e kete bo Bideni me koken e vete, tha, se une e Obama, s'dime gjo smiley

 *******!!!!

besoj qe duhet nje parti e trete smiley

Edi Rama eshte ndryshe nga S.B., nuk ka barazi mes tyre, ama partite e tyre jane ne marredhenie te ngushte me mafian, e cila nuk operon ndarazi ne linja ideologjike.

 

Eh kshu nuk eshte burre i keq Edi, vecse i ka ikur pak partia nga duart e i eshte mbushur me ish nomeklaturiste, narkotrafikante, kontrabandiste, mafioze, "te forte", mundsa e biznesmene milionere te dyshimte.  Tashti ca ti bej ai, s'eshte se ka pushtet absolut ne parti! Kot i bien ne qafe!

Për të komentuar tek Peshku pa ujë, ju duhet të identifikoheni ose të regjistroheni (regjistrimi është falas).