Zelli për spastrime të kujtesës
Gëzim Qëndro e quan gabim të pafalshëm heqjen e mozaikut. “Ndërtesë të realizmit socialist muzeun nuk e bën mozaiku, por i gjithë konceptimi i ndërtesës. Atëhere ç’mund të bëjmë? Ta prishim krejt? Vështirë se ka ndonjë që e merr seriozisht parasysh këtë alternativë” (Artikullin e gjeni ketu). Pak kohë para 27 janarit, “Ditës së kujtesës” ndërkombëtare, një muze kombëtar në Tiranë del me një tezë kundër kujtesës. Lexuesi u njoh dje me idenë e drejtorit Beqir Meta për të hequr mozaikun mural në lule të ballit të Muzeut Historik Kombëtar me motivin se nuk i përshatet “thelbit të identitetit, të shpirtit shqiptar” dhe “brendisë së muzeut”. Pikërisht tani që atij përbindëshi i ngritur në qindra metra katrorë i është dhënë të gëlltisë miliona për restaurimin e zhguallit, ngrihen teza për thelbin e shpirtit shqiptar në fasadë të një muzeu kombëtar që në brendi është i mbushur me replika dhe bukë peshku si dëshmi të historisë së shqiptarëve.
Studiuesi i artit pamor, Gëzim Qëndro, merr pjesë në debatin që ka hapur zoti Beqir Meta. Duke shpresuar të kontribuojmë në forumin e ideve mbi bazë të të cilave drejtori në fjalë do të veprojë (!), ja dhe komentet e Qëndros i cili ka një përvojë deri diku të ngjashme të problemit që hap heqja ose jo e muzeut, problem i lidhur jo aq me aksionin konkret se sa me qëndrimin ndaj historisë, simboleve dhe trashëgimisë, qofshin këto të ngjyera në ideologji.
Nuk është hera e parë që drejtues të ndryshëm të MHK i kanë ardhur rrotull heqjes se mozikut. Në fillim i hoqën yllin pesëcepësh si një ndjenje turpi a bezdije për atë kohë, por kësaj radhe duket se kërcënimi është real. A kemi të bëjmë me revanshe ndaj historisë zoti Qendro, nëse jo si do ta komentonit qëndrimin e mësipërm ndaj mozaikut mural?
Mendoj se nisma për të pastruar ballinën dhe pjesët e tjera të jashtme të Muzeut Historik është për t’u lavdëruar. Kjo pasi imazhi i një institucioni është i lidhur ngushtë me dinjitetin e tij. Por nëse muret e jashtme të Muzeut Kombëtar është mirë të pastrohen sa herë që arrijmë të gjejmë fonde, ky zell pastrues mendoj se nuk duhet të përfundojë në spastrime të cilat detyrimisht ngrenë disa pyetje me karakter artistik dhe etik. Le t’i marrim me radhë.
Në rrafshin artistik:
A ndryshon gjë nëse Muzeut Kombëtar i heqim mozaikun? A do të fitonte ai të drejtën e qytetarisë si një koncept arkitekturor tipik për një shoqëri demokratike pas një ndërhyrjeje të tillë? Përgjigjen po e jap duke marrë si shembull dy imazhe metaforike të Gjermanisë, njërit prej vendeve në pararojë të qytetërimit perëndimor, njëri, pavijoni i paraqitur në Ekspozitën Universale të Parisit në 1937 me autor arkitektin e parapëlqyer të Hitlerit, Albert Speer, dhe pavionit të RF Gjermane në Bruksel të vitit 1958. Edhe pa parë shqiponjën dhe kryqin e thyer ndjejmë se ndërtesa kolosale e pavijonit të ndërtuar nga nazistët në stilin neoklasik dhe e lartë 150 metra ka diçka kërcënuese, përjashtuese dhe agresive, ku gjejmë arrogancën e Racës së Epërme dhe dëshirën për të shtypur nga ana psikologjike këdo që i afrohet, çka nuk na çudit, pasi është imazhi metaforik i një Gjermanie që po armatosej me shpejtësi për të pushtuar popujt e Evropës e më pas të të gjithë botës.
Ndryshe nga vertikaliteti dhe pamja imponuese e ndërtesës së pavijonit nazist, Egon Eirmann-i, autor i pavionit të 1958-ës ka zgjedhur një imazh paqtues dhe aspak agresiv për të gjitha ato kombe që i kishin ende të freskëta plagët që u shkaktoi Gjermania naziste dhe i druheshin rimëkëmbjes së shpejtë të saj në vitet ‘50. Shtrirja e pavijonit është horizontale, ndërsa zgjedhja nga ana e autorit të materialit kryesor, xhamit, lidhet si me tejdukshmërinë, një element thelbësor i një shoqërie demokratike, ashtu edhe me brishtësinë dhe thyeshmërinë e tij, çka kontraston hapur me zgjedhjen e një materiali vështirësisht të shkatërrueshëm si beton-armeja, si në rastin e ndërtesës së Albert Speer-it. Edhe përmasat e pavionit të ‘58, përveç shtrirjes horizontale janë rreth dy herë më të vogla se sa ndërtesa imponuese e pavijonit nazist. Pyes, çfarë do të ndryshonte sikur RFGj të paraqitej në pavijonin e 1958 me të njëjtën ndërtesë, duke hequr vetëm shqiponjën dhe svastikën naziste. Kush do të mendonte se tashmë RFGj është një vend demokratik dhe pluralist? Vështirë se do ta besonte kush.
Pra, edhe në rastin e muzeut tonë kombëtar problem nuk është mozaiku. Duke hequr atë nuk ndryshon pothuajse asgjë. Kjo për arsye se arkitektët e kohës së socializmit, për të mos u ngrënë hakun, të mbikëqyrur edhe nga komisione fanatikësh syçelët, dinin shumë mirë të përkthenin në gjuhën pamore të arkitekturës ideologjinë komuniste, çka shpjegon edhe dështimet spektakolare të këtyre arkitektëve, disa prej tyre të talentuar. Ku lexohet ideologjizimi i kësaj ndërtese? Nëse e vëmë re me kujdes, muzeu ngjan me një bunker masiv betoni dhe mermeri, përshtypje që ta përforcojnë edhe dritaret të ngjashme me frëngji të gjata. Kjo përshtypje është në harmoni të plotë me imazhin që kërkonte të përcillte pushteti për “kalanë e pamposhtur në brigjet e Adriatikut”. Duket qartë që marrëdhënia e brendisë së ndërtesës me hapësirën jashtë saj synon të theksojë hermetizmin e saj, po ashtu një karateristikë e njohur e Shqipërisë së asaj kohe. Përveç kësaj, në të është “shkruar” koncepti historicist, një mendësi tipike për ideologjitëtotalitare si komunizmi; se historia lidhet me një memorje dhe me një projekt të paracaktuar, të shkruar në AND- e shoqërisë njerëzore, dhe komunistët shqiptarë ishin të zgjedhur nga historia për të udhëhequr shqiptarët në rrugëtimin drejt parajsës komuniste, ku do arrihej pa dyshim pas ndërrimit të njëpasnjëshëm të sistemeve shoqërore. Sipas kësaj logjike, shqiptarët deri para themelimit të partisë komuniste ishin udhëhequr nga prijësit e gabuar dhe kishin bërë zgjedhjet e gabuara. Këtë besim, që është baza e mesianizmit laik të komunizmit dhe e eskatologjisë së tij e gjejmë në organizimin grafik dhe hapësinor të mureve të muzeut. Duket qartë se pjesa e sipërme e ndërtesës, me ngjyrë të çelur dhe më e gjerë mbështetet mbi një brez muri të veshur me mermer të errët. Kjo ndarje pamorisht kërkon të përçojë idenë se historia e Shqipërisë komuniste mbështetet mbi një traditë historike e cila, sado e mbushur me përpjekje dhe luftëra, nuk mund të krahasohet me arritjet dhe fitoret e arritura nga populli shqiptar pas fitores së komunizmit. Nëse e vemë re me kujdes, hyrja në portën kryesore të muzeut duket se fillon pikërisht në nivelin ku fillon kati i dytë (i periudhës së socializmit) mbështetet mbi të parin duke na përcjellë bindshëm idenë e fillimit me këmbën e mbarë të historisë për shqiptarët. Të njëjtin funksion ndarës midis dy epokave luan edhe brezi zbukurimor me simbolet e parapëlqyera të komunizmit; ylli, kazma, pushka, libri, dafina etj.
Po ashtu totalitare dhe tipike janë edhe artikulimi i brendshëm i hapësirave të pavijoneve të cilat paraqesin vështirësi të riorganizohen duke humbur çdo lidhje me konceptimin e mëparshëm. Pra, ndërtesë të realizmit socialist muzeun nuk e bën mozaiku në ballinën e tij, por i gjithë konceptimi i ndërtesës. Atëhere ç’mund të bëjmë? Ta prishim krejt? Vështirë se ka ndonjë që e merr seriozisht parasysh këtë alternativë. Të zgjerojmë dritaret, të ndërrojmë ngjyrën e mermerit të pjesës së poshtme duke prishur përshtypjen e mbivendosjes së katit të dytë mbi të parin? Do të ishte një operacion plastik që do të ishte “politikisht korrekt” por do të ishte jo koherent për nga konceptimi artistik, çka është shenjë e pagabueshme amatorizmi. Pra në pamundësi për ta “përshtatur” me konceptet e kohës së sotme, nëse nuk mund ta zëvendësojmë krejtësisht si në rastin e pavijoneve gjermane ndërtesën totalitare me një ndërtesë me konceptim tipik për një shoqëri demokratike, atëherë le ta ruajmë si një relike e një sistemi të përmbysur pa i ndryshuar asgjë.
Para disa vitesh si drejtor i Galerisë Kombëtare të Arteve ju krijuat sallat e kuqe dhe blu, me vepra të realizmit socialist. A vlen ajo përvojë, ato reagime që pati koncepti juaj për të diskutuar situatën në fjalë që me ç’duket i takon riciklimit të një debati të lënë përgjysmë, një debat i pakryer ndërmjet brezave, politikës, me historinë.
Mendoj se pyetja juaj lidhet me anën morale dhe etike të problemit që po shqyrtojmë. Nëse duhet shkatërruar mozaiku, atëhere mbi këtë filozofi duhen shkatërruar të gjitha tablotë dhe skulpturat që gjenden në fondin e Galerisë Kombëtare, të gjithë filmat e Kinostudios “Shqipëria e Re” e kështu me radhë. Para pak kohësh patëm një rast i cili më la shije të hidhur. Familja e trashëgimtarit të fronit, pas marrjes së pronës, ish- pallatit të Pionierëve, shkatërroi me një zell dhe mllef për të cilin mendonim se nuk ishin të aftë, një mozaik me fëmijë të së njëjtës periudhë, por më të vjetër se mozaiku i muzeut. Sigurisht që është e drejta e pronarit të mbajë apo të shkatërrojë një mozaik, por respektimi i tij do të dërgonte një mesazh qytetarie aq të nevojshëm për tranzicionin e gjatë dhe rraskapitës që po kalojmë. Nëse dëshira për të shkatërruar mozaikun e Muzeut do të tingëllonte i pranueshëm deri-diku në vitet e para menjëherë pas rrëzimit të regjimit komunist, sot mendoj se një qëndrim i tillë i skajshëm është i tejkaluar nga koha dhe nuk mund të shërbejë si bazë legjitimuese për operacione spastruese. Përveç kësaj më lejoni t’u kujtoj se përballë mozaikut, në ballinën tejet elegante të Bankës Kombëtare shohim disa relieve të mbijetuar nga fushatat e spastrimeve që ndërmerreshin rregullisht në kohën e komunizmit. Ato relieve të papranueshme për moralin puritan të komunistëve dhe që vështirë t’u kenë shpëtuar syve të tyre të kudogjendur për fatin tonë dhe të ndërtesës së Bankës u toleruan.
Sa për ekspozitën që përmendni ju “Surrealizmi Socialist” më kujtohet se u shoqërua me reagime të ashpra nga ekstremistët e të dyja krahëve. Për komunistët vendosja e veprave në konceptin ironik të surrealizmit socialist u perceptua si fyerje e “epokës së ndritur të socializmit shkencor”, ndërsa vendosja e bustit të Komandantit në një raft të çfarëdoshëm si një blasfemi e papranueshme. Ekstremi i djathtë “me largpamësi” e pa si shenjën më të qartë të rivendosjes së neo-komunizmit në Shqipëri dhe bënte thirrje për vigjilencë përpara këtij rreziku të afërt. Pas gati dhjetë vitesh, të dyja këto reagime tingëllojnë të tepruara dhe gati komike, ndërsa ajo ekspozitë mendoj se mbetet përpjekja e parë për të riparaqitur në një kontekst të ri një periudhë traumatike si ajo e periudhës 1944-’90. Përveç kësaj mendoj se një trashëgimi kulturore duhet ruajtur duke mos harruar brezat që do të vijnë. Përfytyroni pesëdhjetë vjet më vonë një grup studentësh të arkitekturës të cilët studiojnë historinë e arkitekturës së kryeqytetit dhe dëgjojnë ndër të tjera nga pedagogu i tyre se aty dikur ka patur një mozaik i cili u shkatërrua sepse i përkiste periudhës së komunizmit. Ka shumë të ngjarë që ata të bëjnë pyetjen e pafajshme: po përse e prishën? Arsyeja se i përkiste një sistemi të egër totalitar të përmbyshur nuk besoj se do t’i bindë.
Ekziston dhe një “tip i ri” qytetari shqiptar që thotë se ai mozaik nuk na përfaqëson. Ç’përgjigje do t’i jepnit atij?
Mendoj se problemi shtrohet gabim. Ai mozaik nuk është aty për të përfaqësuar qytetarët e Tiranës apo të Shqipërisë. Ai është aty si dëshmi e një mendësie dhe një epoke historike, e një regjimi që pa dyshim provoi të ishte një fatkeqësi e vërtetë kombëtare, pasojat e të cilit do t’i ndjejmë edhe për shumë kohë, por me trashëgiminë e të cilit nuk mund të sillemi siç u sollën ata me trashëgiminë e regjimeve që u paraprinë. Atëherë do të tregonim se jemi pasardhës të denjë të mendësisë së tyre, të fanatizmit dhe intolerancës së tyre. Nuk e kemi luksin të fshijmë nga kujtesa jonë kolektive pamore çfarëdo dëshmie të së kaluarës. Ky qëndrim do të ishte mendoj ana tjetër e medaljes së totalitarizmit, e revanshizmit të fitimtarit, e idesë se shkrimi i historisë është e drejtë vetëm e tij. Marrja e një pozicioni të tillë është vërtet trishtues pasi tregon se nuk kemi kuptuar asgjë nga gabimet e shkuara dhe nuk kemi mësuar asgjë nga e tashmja.
11 January 2008 @ 5:24 am
Ç’ta heqim, nuk thua shyqyr që kemi nja dy gjëra për t’u fotografuar. Le të ndërtojnë disa vepra të reja njëherë pastaj të hapin debatin e të vjetrave. Shumë shumë, atij partizanit që ka ngritur grushtin lart, le t’i ngrejnë dy gishta në formë V-je (ose edhe gishti i mesëm mjafton kështu si kanë vajtur punët me drejtuesit e kombit)
Ja një fotografi që i bëra unë kur isha këtë verë. Mozaiku në përgjithësi është në gjendje të mirë (përveçse andej nga e djathta), por tavanit ku vijnë kollonat i duhet shkuar një dorë bojë se është për ibret.
11 January 2008 @ 5:27 am
Une mbeshtes heqjen e mozaikut per disa aresye. Sepse eshte ideologjik dhe i perket nje ideologjie te deshtuar e tejkaluar, sepse ka pretenduar te jete artistik dhe eshte thjesht skematik dhe i shemtuar, sepse pretendon te jete simbolik i historise dhe qyteterimit shqiptar dhe eshte thjesht nje tjeter simbol i bunkerizimit envero-komunist.
Shikojeni me vemendje rrumbullakesine e personazheve qe te jep idene e bunkerit. Numuroni sa veta jane me harqe, shtiza, mushqeta, paticka e mitroloze e sa jane me pene a me vegla qe simbolizojne ndertimin apo thjesht edhe paqen. I vetmi njeri me shkolle duket nje rilindas qe ka nje leter te bere tub ne dore dhe duket sikur thote:”Po une c’bej ketu?” I punes duket vetem ai me perpajse kepucari ne te majte, qe ka hedhur nje si peshqir plazhi ne kurriz qe ecen perkrah asaj gruas me pushke qe ngjan si e cmendura N qe kerkon “leket tona”. Por edhe punetori nuk duket sikur shkon per te punuar. Duket me shume sikur i eshte bashkuar “te forteve” me pushke e thote:”Hajt me ne p… te semes! Po qe puna per sherr po futem edhe une.”
Megjithate mendimi im eshte qe mozaiku nuk duhet shkaterruar. Une mendoj se ai mozaik tashma duhet te hiqet nga balli i muzeumit dhe te vihet aty ku e ka vendin. Ne muzeum.
11 January 2008 @ 7:13 am
Një italjan, një gjerman dhe një shqiptar po shikonin një pallat të ri të sapopërfunduar;
italjani: unë do të isha përpjekur që ti shtoja diçka për ta kompletuar më mirë dhe paraqitjen, dhe një pallat të tillë, unë do ta ndërtoja për 6 muaj.
Gjermani: Për 6 muaj do ta ndërtoja dhe unë, por edhe pse do përdorja një strukturë më të lehtë, do të bëja diçka shumë më të qëndrueshme.
Po ti? Ç’konkluzione nxore nga vrojtimi- ju kthyen shqiptarit.
Unë për 6 minuta e kisha hudh përtokë… ja kam vu synin se ku e ka pikën e dobët.
Shkatërrim! E vetmja gjë që na vjen më mirë dhe në mënyrë të pariparueshme ne shqiptarëve.
Rroftë terapia e shock-ut!
11 January 2008 @ 7:33 am
edrus,
Thone qe ca gjera duhen te vuhen qe te kuptohen.. Ca njerez duhet ti vujne ca gjera ne nivel personal..
11 January 2008 @ 7:43 am
Pse të duket se pak vuajtëm(ops, më fal:u kënaqëm) me terapinë e shockut??
Gjëja më e mirë (por po ta them me zë të ulët se mos dëgjojnë andej nga kryeministria) do të ishte që ta FSHININ Tiranën nga faqja e dheut… Ta bënin më të re dhe bashkëkohore andej nga Bathorja.
11 January 2008 @ 7:57 am
Ngelen duka na minu ata, armiqte naten, ne nderto komente diten, ata i vene dinamitin naten.. me duket a dune Mamozen me nje dore, me nje kembe e me nje.. jashte murit a ska..
Edrus ta kisha ne ate qe terapine, doktoret, e praktikuan ne kurrizet tane dhe jo te tyren.. e keshtu ti perfundove atje, une akoma verdalle, e tjetri vje verdall tu nderru flamur nga merzitja qe ndje kur shef se edukimi i sotem si meso njerzve as se cili o kuptimi i ‘Portit’ dhe se c’sjell ai me vete.
shkurt mahabetit ka ardh koha qe ta bojme si me ato pinjatat meksikane, po pa lidh syte hic…edhe mundesisht te gjith njeheresh..
11 January 2008 @ 8:24 am
E kam pas nga te njohurit e mi ate qe hoqi Yllin.Eshte reale dhe biseda..
-Pse- i thashe ? A nuk vertetojme ne vete se ne nuk JEMI KOMB me VIJIMESI apo HISTORI ? Ne jemi shtet i ri pa GJURME si shoqeri e SHTET i ORGANIZUAR ? A nuk i sherbejme SERBVE sdhe GREKEVE duke zhdukur e fshire simbolet tona kur ata edhe nje k/kriminel si S.Dushani e glorifikojne si ZOT? Edhe fustanellen na i kane marre greket a nuk te duket e njejta dore e IDE me zhvarrosjet sidomos te varrit te SKENDERBEUT…..
- E di c’ke ti IDRIS ! A vjen te besh sikur mba shkallet te te rras lala nja !miljon lek ne dore…
Une ndoshta jam penduar dhe i kerkoj ndjese per merine qe e mbajta ne se dikur dhe diku i lexon keto fjale tek peshku….
Megjithate do kisha mendimin qe ne duhet te kuptojme ate qe bie z.QENDRO por jo te njenjeshme me ate qe percjell AI .
Gjermania KISHTE dhe KA c’te tregoje se ka qene KOMB dhe ndoshta nje periudhe te caktuar ku vendi i tij ktheu RROTEN e Historise prapa,mundet edhe ta modifikoje ne OBJEKTE MADHORE.
Po ne qe kemi 20 vjet qe nxjerrim vetem sharlatane dhe hajdute ,matrapaze te mendimeve e injorante,mllefaxhij e anadollake qe kerkojne te prishet GJITHSHKA sepse ka qene DIKTATURA forme qeverisjeje,ne te cilen njerzit besuan e krijuan,ndertuan qeshen gezuan u martuan e lane prapa ….PJELLA DESHTAKE, me gjykim te KUFIZUAR sipas vleresimit te sistemit si “deshtak”
Ky muhabet mbyllet bukur vetem me propozimin e EDRUSIT…
TE ndertojme historine e fluturusve me presh ne BATH nga BATHOTJA….
11 January 2008 @ 9:21 am
Non passaran…:)
11 January 2008 @ 9:26 am
Une di qe ai i shkreti qe ka bere gjithe ate mozaik faranoik eshte paguar vetem 40 mije leke te vjetra
Aq leke ne ate kohe mjaftonin te blije nje televizor bardhe e zi (me autorizim), edhe me duket se televizor bleu.
11 January 2008 @ 11:42 am
Do isha dakort me heqjen e atij mozaiku vetem nese zoterinjte e Muzeut Historik Kombetar do dilnin me nje ide akoma me te pelqyeshme per ate qe do mbaje ballina e nderteses se Muzeut.
Eshte per te ardhur keq qe artistat qe ka pasur ai sistem, te mos ndihmohen dhe tu jepen pune per te ndertuar vepra akoma me te bukura nga sistemet e tanishme. Objektet skulpturore apo mozaiket keto 17 vjet demokraci s’besoj se jane pare me te krijohen si dikur.
11 January 2008 @ 1:13 pm
Ore e ka nje zgjidhje ky problem. Mblidhen baballaret e kombit(deputetet), krijojne nje komision Parlamentar dhe te vendosin qe:
1-Atij burrit me fute qe eshte ne ball, ti veshin uniforme xhandari te Zogut.
2-Ate gruan ne mes ta lene ashtu si eshte(gruaja komuniste qe po shkon ne zbor)
3-Ketij tjetrit qe mban flamurin ti zevendesohet kapelja me ate te nje ballisti.
4-Partizanit me grushtin lart ti nxiren dy gishta perpjete dhe ti hiqet ylli nga kapelja bashke me shallet e kuq.
5-Te shtohet ne mozaik dhe figura e nje burri me qime perpjete dhe me hunden si spec duke punuar ne laptop.
Te shihet gjithashtu mundesia qe ne nje prej pjeseve bosh te mozaikut
te jepet dhe figura e elektricistit duke lidh telat e korentit.(kjo opsionale)
11 January 2008 @ 1:18 pm
Ne ka ndonje institucion qe duhet rindertuar me rrenje, eshte Pallati i Kultures, ai perbindesh mauzoleumi kinez…
11 January 2008 @ 2:06 pm
ASKUSH NUK ESHTE AQ I PASUR SA TE BLEJE TE KALUAREN E VET.
OSCAR WAJLD
11 January 2008 @ 2:09 pm
Lufta ka qene gjithnje pjese e historise se popullit tone — keshtu qe e te ankohesh se ka shume shtiza e harqe e mushqeta m’duket e kote. Futu brenda ne muzeum, e vetem shtiza e harqe e mushqeta do shohesh.
…sidoqofte, po qe per te zevendesu, une them t’veni nja dy gishta t’mdhenj tip “liri-demokraci” qe ta bejme sa me bashk-kohor mesazhin.
11 January 2008 @ 2:16 pm
Une habitem si ka njerez qe mendojne qe mozaiku duhet hequr. Njerezit po kerkojne copa mozaikesh nen dhè , per te rindertuar historine e tyre dhe per te treguar çfare ishin ne gjendje te benin, kurse ne dhe ate qe e kemi te plote dhe qe s’e ka zene pluhuri apo ndertimet duam ta prishim. Ca populli paskemi qene, s’paskemi te ngopur me shkaterrime dhe kafshime te vetvetes. S’kemi per te pare hajer hiç me kete mendje, dmth secili per vete dhe mbase, po si popull keq e kemi.
11 January 2008 @ 2:28 pm
Trendi i qeverisjes se re eshte shume i qarte drejt shkaterrimit, heqjes, ndryshimit te gjerave, por nga krahu tjeter pa ndertuar asgje te re, pa ofruar asgje me te mire. Vetem shkaterro dhe le germadha. Dhe se kam llafin vetem per gjera te prekshme, po do ta filloja qe tek administrata, pushtetet etj etj.
Turp e faqja zeze. Tani do merren dhe me mozaikun.
11 January 2008 @ 2:37 pm
Epo me rradhe eshte kjo pune
U prish ndertesa e ish-Komitetit Ekzekutiv te Tiranes Iishte e ngjashme me ndertesat e Ministrive dhe te Bashkise (plotesonin arkitekturen e qendres ndertuar nga italianet ne kohen e Zogut).
Pastaj vetem Moza - ikun duan te prishin, jo tere ndertesen!!!!
Keta qe kane idererera
te tilla, jane “duke ikur duke shpikur”.
Shpresoj te mos e kene seriozisht.
11 January 2008 @ 2:40 pm
Nje pyetje admin: Pse mua s’me del flamuri si gjithe te tjereve?
Mos doni te krijoni pershtypjen qe jam pa flamur? Apo qe jam me 700 flamure?
11 January 2008 @ 3:22 pm
se cfare te keqe i ben njerezve ai mozaik une akoma nuk e kam kuptuar??Sikur shqiperia mos te kishte propleme te tjera e ne te meremi me heqen e mozaikeve…Shkoni mer zoterinje qe qeverisni.., e rregulloni rruget, bulevardet e fasadat e pallateve te shqipetareve se ato kane nevoje me te vertete jo mozaiku qe nuk sjell as nje dem.Madje ai mozaik me duket mjaft i bukur si ne estetike(pervec ca rregullimeve)dhe ne kuptim.Ai eshte muze historike kombetare,dhe tek ai mozaik jane te paraqitura nepermjet figurash njerezish gjithe etapat e historise se kombit tone,tashme ai mozaik eshte ber dhe simbol per te gjithe dhe per te huajt qe vizitojne shqiperine.
11 January 2008 @ 3:25 pm
..tani qe po mendoja,mos kush e di eshte BALLIT KOMBETARE ai drejtori qe do te heqi ate mozaikun…??Jo se ndoshta i ka ngelur hatri qe ska surratin e na nji ballisti te vete aty?!
11 January 2008 @ 3:28 pm
Per turp!! E pastaj duam te mos na mohojne historine te tjeret, kur vete i kemi vene kazmen pas cdo nderrimi qeverie. Historia sikur eshte nje pale breke qe hidhen kur vjeterohen e duhen nderruar sipas modes.
11 January 2008 @ 3:31 pm
mg ashtu them edhe une: “Po me uren c’paten xhanem?!:( C’te keqe u bente kjo ure?!
“
11 January 2008 @ 3:35 pm
Mos ndoshta ka menduar SALI BERISHA te vendosi fytyren e tij aty prandaj do te heqi dhe mozaikun?!!!Nuk jam kundra te gjithe meritat i ka pse jo,ka kontribuar 20-vjet ne etapat me domethenese ne historine shqiperise,eshte pasardhesi me i denje i sh.Enver pastaj figurave si ai i ka hije nje veper e tille..
11 January 2008 @ 3:56 pm
Dy gjera nuk kane fund;e para eshte hapesira,dhe e dyta eshte pamendesia e njerezve…Per te paren nuk jam shume i sigurt..A.Ainshtajn. Z .Beqiri ,hiqni edh monumentin e Skenderbeut nga sheshi kryesor i Tiranes ,se nuk i pershtatet.
11 January 2008 @ 4:08 pm
Turp vertete. Gjithmone mohojme cdo gje qe kane bere parardhesit tane, prandaj dhe nuk ecim. Mendjen per shkaterrime e kemi.
11 January 2008 @ 4:22 pm
Nuk e marr vesh ku qendron “turpi”. Me teper se gjysma e mozaikut tregon histori komuniste…tregon partizan. Mire qe te jene partizanet…po gjysma e historise se shqiperise eshte me partizane?? Pse qenka turp qe te zevendsohet ky mozaik qe perfaqson me teper nje epoke…sesa nje histori te Shqiperise…me nje TJETER qe perfaqson ate histori me mire??
Se pari te dalin me propozime per mozaikun e ri…qe s’besoj se do kete ndonje shenje politike.
11 January 2008 @ 4:39 pm
Turpi qendron ne faktin qe nuk kemi shtylle kurrizore per te pranuar qe ne te shkuaren toke ka patur kohe te hidhura, te embla, me spec, te dhimbshme…po nuk duhet t’i hedhim poshte e te rremojne ne kazanet e Europes per te gjetur nej histori qe pershtatet me mire “modes”. duan mozaik te ri? Bukur fort, le ta bejne edhe nje te ri, qe te kemi cte trashegojme edhe per ato qe perjetojme sot. Po me kete mentalitet, kot ta bejne se pas 10 vjetesh do vije nje qeveri tjeter qe do thote “Koha e tranzicionit ishte kohe mizerje” e ja dhe nje mozaik tjeter ne plehera. Nderkohe qe brezat qe vijne e mesojne historine te cunguar e te shperfytyruar sipas midese te njerit politikan apo tjetrit.
A nuk do kishte qene mire t’i kishim akoma kishat apo xhamiat shume shekullore qe u prishen gjate komunizmit? A nuk ishin ato vepra te cmuara arti me te cilat do te ishte mburrurr cdo komb? A nuk do te kishte qene mire t’i kishim akoma statujat e kohes se ilireve te cilat iu shiten te huajve per nje pako camcakez? Kush nga ne e njeh ne detaje historine e Shqiperise gjate shekullit XX? Asnje, sepse u fshi e u rishkrua kaq here..e ne hamendesojme per ato qe ndodhen. A nuk eshte turp te mos dish c’behej ne kombin tend para jo me shume se disa dekadash? Kaq thelle na e paska rrenjosur Enveri deshiren per te shkaterruar te shkuaren e njekohesisht edhe te ardhmen tone?
11 January 2008 @ 4:47 pm
Do ishte shume gabim heqja e mozaikut. Pavarsisht se cfare ka qene dhe cfare ka perfaqsuar me pare tani ai eshte pjese e trazhgimise kulturore dhe e fytyres se Tiranes. Do ishte idjotsi vertete nese do te hiqej sepse arti nuk ka moshe.
11 January 2008 @ 4:50 pm
…po ti marresh te gjithe personazhet me rradhe, asnje sme duket i papranueshem….pertoj ti marr me rradhe ata…po mua ashtu me duken,… historia e shqiperise qe kam mesuar ne shkollat para viteve 90,
…nese historia ka ndryshuar….duhen prishur shume gjera edhe me te medha se mozaiku,,,…
11 January 2008 @ 4:55 pm
PF edhe format e rrumbullakta te femrave te kujtojne bunkeret ty?? Pse duhet patjeter qe gjithshka ta lidhni me simbolet e komunizmit.Ajo eshte e verteta e historise se Shqiperise, gjithshka i eshte dashur ta arrije me lufte.Ku eshte problemi ketu???
11 January 2008 @ 5:37 pm
Si ne cdo gje tjeter edhe ne kulture dhe art i vume dhe vazhdojme ti veme kazmen cdo gjeje ne emer te “antikomunizmit”
Por duke mos dashur te dal nga tema, do te flas vetem per mozaikun megjithese nuk jam artist, bile kam deficite te theksuara ne kete drejtim.
A nuk eshte ai mozaik pjese e hisotrise se popullit tone?, Duke hequr ate mozaik ne kemi hequr nje pjese te historise se popullit tone.
Partizani me grushin lart thone disa. Me thoni te nderuar sa % e popullsise perkrahu partizanet gjate luftes Nacional clirimtare? Perse kerkoni te hiqni ate pjese shumice te popullsise nga historia e popullit tone per hir te pakices. Ne fund te fundit, lufta e tyre u be kunder pushtesit, dhe grushi lart perfaqson kete lufte. Dhe gjithashtu perfaqson pjese te historis sone te hidhur qe ndodhi ne te njeten kohe ate te luftes civile Komuniste -anitkomuniste. Perse ta harojme apo ta fshehim kete gje. Me mire ta dime ta kemi aty ne balle te kryeqytetit qe sa hete te thyejme kariget ne parlament te mendojme se ku mund te na coje ajo rruge.
Bunkeret thone disa te tjere. Por zoterinj a nuk jemi si ne bunker kur kemi shoviniste ne dy anet e kufirit tone. Perse duhet haruar kjo? Apo ne emer te globalizmit dhe internacionalizmit? Zoterinje mendoj se ne kete pikpamje ai mozaik perfaqson kushtet ku jetojme
Shtizat dhe harqet thote dikush tjeter. Zoterinj a nuk kemi lufuar per mijra vjet, kujtoni Iliret, arberit, shqiptaret me bukur se kjo nuk e perfaqson asnje gje tjeter hisorine e popullit tone .
Punetoret dhe fshataret thone dikush tjeter. Do tju kujtoja se ishin ata punetore e fshatare qe derdhen djersen dhe mundin e tyre per te ndertuar e bere dicka. Sa efektive ishte ajo kjo eshte tjeter gje por mos haroni sa mijra e mijra vete moren pjese ne ato aksionet e rinise per ndertimin e hekurudhave qe kemi akoma sot, te elektrifikimit qe kemi akoma sot, te tharjes se kenetave e mocaleve per toka buke qe sot jane akoma prodhuese, per ngritjen e taraceve ne male qe japin akoma pordhim sot. Perse duhen haruar ata? Duhet denuar sistemi qe coj dem djersen dhe mundin e tyre por jo ata qe derdhen ate mund dhe djerse. Kam qene nje prej tyre dhe ndihem i fyer nga ky percaktim. Si une besoj ndihen te fyer edhe tere bashkmoshataret e apo prinderit e mi. Dhe ju garantoj qe shumica jone ishin atje per nje shqiperi me te mire, per ndertimin e shqiperise, dhe jo per te mare perfitim personal nga ai aksion. Na genjyen ata qe kishim ne krye atehere na poshterojne keta qe kemi sot ne krye, valle nuk kam te drejt te ndjehem i fyer?
Zoterinj, desha tju kujtoj se sot jemi popull pa histori, per te njejtat arsye qe duhet te heqim kete mozaik, jemi pa uje buke e drita per te njetat arsye qe duhet te heqim kete mozaik, jemi pa shkolla e kulture kombetare per te njetat arsye qe duam ta heqim ate mozaik. Mendoj se korigjim i bere me yllin ishte i pranushem por kaq te tjerat jane pjese e hisorise se popullit tone dhe ju lutem atyre qe e kane ne dore kete pune, thjesht si nje akoma qytetari i kombit shqiptar mos e ngacmoni, lereheni rehat dhe ju lutem shikoni nese ka mundesi te riktheni edhe ato shkaterime qe keni bere me pare ne emer te dekomunizmification( u quajt debathification ne Irak dhe ja pasojat sot).
ps. Ah sa deshire do te kisha ta lidhja kete teme me ate te meritokracise partiake, te shkaterimit te shkollave, kanalve vaditese e kulluese, te shkaterimit te industrise sone, te arsimit tone, te mentalitet tone ne lidhje me punen, e ligjin, etj etj aspekte te jetes sone qe ashtu si ky mozaik jane pre e ketij dekomunizmificatioitn te kryer nga ishkomunistet sot antikomuniste. Por do te jete jashte teme keshut qe po e mbyll ketu
11 January 2008 @ 5:49 pm
WASu ai mozaik eshte krijuar pikerisht me ate pikpamje…pra qe sot jemi ne ne pushtet dhe historine e bejme ne…dhe 50% e historise se Shqiperise figuron si historia e Partizanve.
Ne nuk duam politizim te historise…atehere ta heqim politiken edhe nga ky mozaiku. Besoj se kjo eshte ajo qe kerkohet nga ata…jo zevendsimi me zogun apo ballin…
11 January 2008 @ 5:50 pm
Kam mendimin se edhe ne menyre KOMPOZICIONALE ai MOZAIK eshte nje bazament i vertete i huistorise se SHQIPRISE i DATUAR deri ne vitin e Mozaikut.
Ai ne te dy krahet ashtu sic eshte paraqitur shpreh se ku jane rrenjet e kesaj SHQIPRIE MODERNE dhe ne c’rruge ka kaluar deri sa mbriti ketu
LUFTE,DIJE PUNE.
Ka dhe nje te vertete te madhe per kohen. Ku jane sharlatanet ne drejtim qe leshuan KOMBIN pa FRE rrugeve si arixhij?
Ku jane kazmaxhijt dhe komisionet e varrim-zhvarrimeve?
Ku jane MEGA hajdutet qe e shiten djersen dhe pronen e kombit ne furnaltat e Europes per te mbushur xhepat.
Ai Mozaik nuk shpreh dhe nuk duhet ta shprehe qeverisjen e mytebereve me FATOS e SALI sepse thjesht me vandalet e sikaret shpirterore te tyre kane bere ANTIHISTORI ose TURPOHISTORI per kete KOMB.
Nje te pasur ne formen e GLOBIT me pjese me te ndricuara,duke hedhur mbeturina dhe nje lufte e paprincipte me thika,pistoleta,kallashe te figurave qe u perngjajne SALIUT dhe FATOSIT ,duke vrare e rrembyer nga sofra e qeneve-do te ishte nje perqasje e spikatur per permbajtjen e MOZAIKUT qe mendohet te paraqitet… Si detal ao te propozoja nje sulm ne forme peshqish(barkuliq u thonin te ura e DAJLANIT)qe mesyjne nga ajri si pjestare te eskortes historike ne IDE.
Me shume dashuri per punen e ARTIN e derdhur ne te, nje GRUP SHQIPTARE-do te dinte te kombinonte brenda atij MOZAIKU edhe vulen e asaj qe do ishte me e arsyshme per te PLOTESUAR.
11 January 2008 @ 6:10 pm
Grupi, une nuk mendoj se Partizanet jane element politik. Megjithe cfare ndodhi pas L2B ne Shqiperi, Lufta Antifashiste Nacional Çlirimtare per mendimin tim perfaqson nje moment te ndritur ne historine e kombit. Gjyshi/gjyshja tone kane luftuar deri ne Presheve, mosha 18 vjec, 16 vjec (te fejuar) - Politike nuk dinin, dinin Atdhedashuri. Le ta shkaterroje mozaikun, sakrifica e atyre qe dolen ne mal nuk do harrohet, me pare do harroen keta viktimat…
Dhe sigurisht qe ne nje mozaik ngjarjet qe jane historikisht me afer (ne linje kohore) do zene me shume vend, se epokat e lashta, per vete faktin qe ka partizane ende te gjalle, ndersa Pellazget i njohim me te pyetur…
11 January 2008 @ 6:10 pm
ku eshte 50% e mozaikut partizane se nuk e kuptoje?tek ata dy partizanet qe jane aty?po ti pse shef vetem nje ane te mozaikut shiko dhe tjetern ku ke qe nga lashtesia e deri ne shek.20 histori.pastaj te gjithe e diome sa zgjati epoka partizaneve nuk eshte se duke e vene aty dhe kjo do te thote qe kane bere 50%te historise,mgjths 50-vjet i kane bere dhe me te drejte atyre i takon se deri me tani historine me te gjate te popullit tone ata komunistet partizane e kane bere..mire apo keq historia eshte histori..
11 January 2008 @ 6:25 pm
Po edhe sikur ai mozaik te tregoje qe komunistet e mbanin veten si nje pjese e madhe e historise se Shqiperise, ku eshte problemi? A eshte ky nje fakt? Pse duhet ta prishim me patjeter qe ta hedhim poshte ate qe ata mendonin. A s’do ishin piramidat ofendim per sklleverit qe kane punuar ne to, i ka rrezuar njeri vetem sepse ishin simbol i pushtetit te faraoneve? S’e kuptoj nga lind gjithe ky mllef, sidomos ne njerez qe presupozohet te kene mendjen me te hapur.
p.s: Sidoqofte s’do ishte keq te ndryshohej, psh ne vend te asaj gruas me pushke aty perpara te vihej Saliu me dy gishta lart, keshtu po, qe do simbolizonte pike per pike historine e popullit tone.
11 January 2008 @ 6:26 pm
Po c’te keqe kane dhe partizanet mer amon? Shume shume tregon qe ne kemi luftuar pushtuesit ne luften e 2 boterore. Shume shtete krijojne histori ose legjenda per te ngrejtur historine e vet. S’ka asgje te keqe.
Mos te flasim pastaj per punen kolosale qe krijuesit e mozaikut kane bere per ta krijuaj.
11 January 2008 @ 6:40 pm
hajde hajde edhe ato (shume-shume) pak gjera kulturore qe jane duan ti prishin, sikur ai moziku perfaqeson X apo Y party apo qeveri. Nqs ka me shume gjera te kohes komuniste ne te, le te jene se ne ate kohe eshte bere …pershkruan nje kohe, dhe nuk shkruan parrulla!!! Nqs duan ti fusin ne pune artistet (nqs ka ndonje) le te bejne dicka Ilire ne te majte te mozaikut, dhe e djathta te mbushe mas nja 100-200 vjetesh. Ose te lihet sic eshte dhe te besjne mozaike Nano-Berishiste nga prapa qe te kenaqen partite me “art” te kushtuara atyre
Por nqs u hane duart artisteve …ta zmadhojne Skenderbeun nja dhjete here se aty afer e kane.
Ne Angli krejt Kolonizuesit i kane bustet …te gjitha ndertesat jane bere me mundin, djersen e gjakun e te tjereve. Kane vrare e prere per ato piktura, mozaike, buste, kollona …por askush nuk thote qe ti prishim
11 January 2008 @ 6:59 pm
Iris, Ke shume te drejte dhe jo me kot e kam lidhur idene e heqjese se ketij mozaiku me debathificationin ne Irak. Ideja e Debathificationi ne Irak erdhi nga Chalabi, nje antiSadam ne mergim qe kerkonet te behej president i Irakut, per kete ai beri gjithe perpjekjet e tij deri ne genjshtra ndaj administrates amerikane per te bindur ameriken dhe boten se duhej nderhyre, jo vetem kaq por ai kerkoj dhe programoj idene se ushtria irakjane duhej shkateruar plotesisht, pasi ishte pjese e Sadamit, cdo antar i partise Bathe qofte edhe njerezit teknicine( mbi 1,4milion vete llogariste Chalabi) duhen lene pa pune se ishin bathiste ( si komunistet tane) cdo figure apo kulture e zhvilluar apo e ruajtur gjate viteve te Sadamit duhej hequr e shakteruar. Dhe kjo shihet nje nga arsyet qe Iraku ka ato probleme qe ka sot.Njesoj kjo edhe me Berishen Per te ardhur ne pushtet, per te mos lejuar qe njeres qe ishin me te afte se ai me te pregatitur se ai te vinin ne pushtet ai krijoj dhe nguli ne mendjet tona qe ne fillimet e viteve 90 idene e dekomunizifikimit te shqiperise. Aq shume ka zene renje tek ne ky koncept sa ky mozaiku eshte nje gje shume e vogel perpara gjerave te medha qe kane ndodhur e ndodhin perdite ne shqiperi edhe sot pas 18 vjetesh, edhe sot kur themeluesit te keasj ideje Berishes i kane humbur piket e dashurise ne popull. Le te shikojme ketu tek peshku. Sa e sa kundershtare te berishes, nga ata qe urejne berishen me kuptimin e vertete te fjales urejtje, shajne Kadare si Komunist , ose shajne luften NC si lufte komuniste, kerkojne hapjen e dosjeve si pjese e luftes kunder komunizmit, akuzojne se bijte e komunisteve jane akoma ne pushtete etj etj etj idera si keto te krijuara nga vete Berisha ai njeri qe ata e urejn kaq shume. Kush ka jetuar ne vite 90 ne shqiperi ju kujtohet parulla “do ti heqim nga puna komunistet dhe do veme “njerezit tane”, “ai eshte nga “familje komuniste”, “ai ka studiuar jashte se “ka patur lidhje me komunistet”, etj etj, mentalitete qe edhe sot shprehen tek kjo tema e mozaikut apo tek tema tjera
Qellimi i Berishes ,dhe kesaj ai ja ka aritur me se miri, ishte te vinte ne pushtet vete, ne emer te shkaterimit te komunizmit ai shakteroj kombin. Por shembull me te mire per kete do te ishte Hitleri, ashtu si Berisha nga komunist u ktheyr ne antikomunist Hitleri nga njeri me gjak cifut u kthye ne anticifut. Pralelizmat jane te njeta kur idete dhe qellimet kthehen ne qellime personale.
Shqiperise nuk i duhen me antikomuniste ashtu si Irakut nuk i duhen me antibathistet, ashut si gjermaise nuk i duhen me anticifutet, SHqiperise i duhet nje force qe do te bashkoj ate popull ne nje te vetem, nje force qe te mare e trashegoj cdo gje te mire si nga komunizmi dhe nga demokracia e ketyre 18 vjeteve, apo dhenga hisoria shekullore e kombit tone, dhe keto te mira nuk jane te paka as ne komunzime as ne demokraci, as ne hisorine e popullit tone, Arti dhe kutura do pare sic eshte dhe jo e perpunuar me politken. Zoterinj komunizmi nuk eshte tek individi por tek mentaliteti yne.
Ku vajti ideja “Bashkfajtore dhe bashvuajtes” ?
ps. Admin mund ta hiqni nese e shikoni si jashte teme kete koment ska problem e nxora dufin
11 January 2008 @ 6:59 pm
Keto prirjet e njepasnjeshme per te zevendesuar me vrik cdo mbetje apo shenje te pushtetit paraardhes jane shenje e nje kombi te papjekur, nje kombi pataban, nje kombi te pasigurt per vendin e vet ne histori. Jane gjithashtu reflektues te nje realiteti te nje qeverie apo kohe ku mungesa e aftesise per krijim te con tek me e lehta ..ajo per shkaterrim, pasiguria per veteveten te con drejt qorrsokakut paranoik te zbulimit te armiqve imagjinare, ku mungesa e qetesise shpirterore te con drejt metamorfozes se shterpesise se perbrendshme.
Shqiperia jone eshte me e lashte se ky mozaik, me dhjetera mozaike te tjere do ti shtohen fasadave te qyteteve tona dhe cdo nje prej tyre do e pasuroje me teper fondin e vetedijes sone historike. Te zgjedhesh ne menyre kapricoze zhdukjen e ndonje syreshi prej tyre tregon sa mjerane jane ata qe marrin te tilla vendime te tilla e vetem kaq, pasi sic eshte thene edhe me siper historia jone e mire apo e keqe sic eshte, me Gjergj Kastriot apo me Hamza Kastriot, me Mbretereshe Teuta apo me Gjorg Golem, me Ismail Qemal apo me Haxhi Qamil. me partizane apo balliste eshte ajo qe eshte, ajo qe na ben ne shqiptaret ajo qe jemi. Cdo inxhinjerim pispiruq me tendence drejt perndritjes se sforcuar se te kaluares sone do tregonte zhveshur sa te krimbur jemi perbrenda e cfare shpirti meskin posedojme. Cka nuk eshte fare e vertete..me perjashtim te kesaj kohe dhe qeverie debile e cila ne asnje menyre nuk perfaqeson ata mijera shiptare qe nuk pranojne te behen pjese e ketyre debiliteteve moderne. Jam kunder ketij akti idiot te revizionimit te dhunshem te se kaluares sone, le ta pranojme vetveten sic jemi.
Me duket se mllefi me i madh eshte me figurat partizane. Hmm. Them qe pavaresisht tjetersimit qe i beri Enver Hoxha sakrifices se luftes dhe partizaneve kjo nuk i zhvesh aspak partizanet nga heroizmi dhe vetemohimi qe treguan. Eshte ndoshta bashke me luften e Gjergj Kastriotit nje nga epokat me krenare dhe pozitive qe kemi prodhuar si komb. Te hedhesh poshte vepren e tyre te pashoq vetem se Enver Hoxha i u largua idealizmit te tyre eshte njesoj si te rrish tere diten ne rradhe per te blere nje TV dhe kur te shkoshe ne shtepi te zere dhimbja e kerbishtes nga lodhja dhe nga inati ta hedhesh ne kosh TV si shkak i lodhjes.
11 January 2008 @ 7:05 pm
Le te shtojne ne mes nje ballist me nje qylaf ne koke e me nje pushke ne dore dhe zgjidhet ky problem pse duhet prishur..Po deshi Berisha e Josi le te futin pak surratin ne nonje cep e kaq..Keshtu shpeton mozaiku..Mbas disa vitesh shohim e bejme.Helbete alla shqiptarce si i thone fjales…
11 January 2008 @ 7:06 pm
Mos e harxhoni kot energjine e cmuar me keto budallalleqe “fellow-slackers” te dashur!
Keto jane shashka te qeverise. Jane llafe kot ne tym qe t’i marrin mendjen njerezise me tyryryry!
Asgje nuk do ndodhe. As mozaiku nuk do hiqet as Dinamos nuk do i (ri)ndryshohet emri.
Biles, biles, une kam i’ mendje (bast nanjoni?) qe Saliu do dale pas ca ditesh si Zeri i Arsyes dhe Moderimit dhe do te thote qe Mozaiku nuk duhet te hiqet sepse ne, …aghm…., shikojme perpara drejt NATO-s dhe BE-shit, dhe jo pas.
11 January 2008 @ 7:16 pm
Nuk eshte puna te mohoen partizanet apo jo…po ky eshte nje muze historik kombetar. Ai reflekton historine e kombit Shqiptar…nje histori 3 mije vjecare…ku ngjarjet me te ndritura mund te themi se ishin Iliret, Skenderbeu dhe Rilindasit…ndersa mozaiku faktikisht reflekton me teper epoken e gjysmes se dyte te shekullit te XX. Ka 5 partizane ne mozaik…1 ilir, 2 mesjetar dhe 2 rilindas.
Muzeu historik nuk reflekton sic thote Blendi kohrat me te aferta sepse per kto kemi me shume njohuri. Ai reflekton histori…dhe permban histori brenda.
Gjithnje kur behen vepra historike si kjo…nuk relfektohen historite e kohrave me te aferta…pikerisht sepse ka polemike.
Kjo veper…sado madheshtore dhe e bukur qe eshte…eshte kryer me mentalitetin qe vuri po ashtu edhe flamurin me yll dhe shkronjat PPSH mbi te. Po sikur te kishin vendosur Enver Hoxhen ne kte mozaik…sic ishte dhe nje ide?? Atehere ne kjo veper eshte kryer per te gjitha ato aresye qe ju that me siper se ishin te gabuara…atehere…pse te mos korrigjohet?? Jo te zevendsohet me nje tjeter me te njejtin mentalitet…por te zevendsohet me nje veper po aq madheshtore, po aq e bukur, me te njejtin stil…po qe reflekton ne menyre me te barazuar historine 3 mije vjecare te kombit Shqiptar.
Une dua te shikoj propozimet se pari…se mbase eshte ndonje qe eshte me te vertet me e bukur se kjo. Per mendimin tim ato 3 figurat ne mes ti mbajne ashtu sic jane bashk me flamurin…edhe nje partizan mbetet atje…po ajo ana e djathte duhet zevendsuar…po ashtu edhe ajo e majta te zgjerohet ne anen e djathte…pra anet te jene per Ilriet, per mesjetaret e Skenderbeut dhe per Rilindasit…dhe 3 figurat ne mes perfaqsojne “njeriun e ri”…ashtu i thencin.
Nuk besoj aspak se kta qe duan zevendsimin e mozaikut kerkojne te krijojne po ashtu nje politizim sic eshte vet mozaiku. S’ka te bej as Berisha e as Zogu e as Balli ne kte mes…
11 January 2008 @ 7:20 pm
Po mendoja cfare vlerash mund ti shkonte kjo periudhe 18 vjecare e domokracise hibride alla shqiptare. Po ja ate pertizanin ta zevendesonim me ndonje bathors qe ka ne dore shenjen ‘toka asht e xan’. Ate partizanin tjeter ta zevendesonim me ndonje hero te kohes sone..psh me ndonje tip qe ka shtrenguar ballin me dore nga halli ne ndonje kazino te tiranes, ate partizanen me shami ne koke ta zevendesonim me ndonje cuce me ferexhe ne koke, ata vashen ne balle te mozaikut ta zevendesonim me sic thote Idrizi me ndonje buce italie qe ka marre rrugen me gomone, ate partizanin te cepi ta hiqnim dhe te venim ndonje garip me kallash ne dore ne tarrace te pallatit, ate xhaxhin me liber ta hiqnim dhe te venim ndonje kokorroc qe eshte ul ne kafe qe ne oren 9 te mengjesit, ate punetorin ta hiqnim fare dhe te venim ndonje punetor modern te papune qe ka qe ne oren 7 ne rradheper vize te kangjellat e ambasades taljone… dhe keshtu me rradhe.
11 January 2008 @ 7:21 pm
Toko! Jo vetem qe nuk duhesh fshire …por se bashku me Kafirin kini dhene ne nje Qartesi te Plote idene se kush nga IDIOTET me PUSHTET nuk eshte SHQIPTAR ne konceptimin e HISTORISE se POPULLIT te TIJ…Ketu nuk eshte fjala per nje GJYKIM ndryshe..
Per me teper deklarata e Kafirit se “NE JEMI KETA qe JEMI” nuk ka perse te “Revizionoje”(do thoja me mire RETUSHOJE) HISTORINE…
Cdo shprehje e “fytyre-grijve” ne asnje popull nuk ka zene vend..me se shumti kane krijuar vjersha te perhumburish ose proze qe s’ka me kohe te lexoje njeri…
Desha te shtoja se Mendimtaret tane duhet TE SHKEPUTEN nga krahasimet “SOT” me shume nga shtetet qe permendin si forma krahasimore… dhe te perqasin SHQIPERINE po me ato shtete por “DJE ”
Nje mendim i perparuar duhet te jete PLOTESISHT i QARTE se SDHQIPRIA nuk ka BERE HISTORINE e BOTES as e ka NDOTUR ATE.
Shqiperia prej vitit 1912 ka HISTORINE e SAJ ashtu si dhe KOMBI i SAJ i LASHTE qe ka jetuar ne keto troje qe kur ka LE DIELLI….
11 January 2008 @ 7:29 pm
Lapsuss .Ne vend te KAFIR kam dash te them SHEFI i PERSONELIT.
:D
11 January 2008 @ 7:30 pm
Ej, a nuk eshte ironi madheshtore fakti qe i vetmi rob i veshur sakte (me kostum dhe kollare) eshte ai Rilindasi?
So much about the progress Albania during the Glorious Years of Socialism!!
Te jete valle nje hakmarrje e fshehte e autoreve meqe i dhane pak leke per hakun e punes? Bo vaki, bo vaki!
Megjithate, kjo eshte nje arsye me shume qe Mozaiku te MOS hiqet! (Jo se ka nevoje per arsye ky muhabet, por mua me pelqejne nenkuptimet e fshehura neper veprat e Soc-realizmit, qofte edhe ato aksidentale)
11 January 2008 @ 7:37 pm
Zoterinj
Kam mendim kundra nga disa nga komente e fundit ketu. Historia nuk eshte dicka qe mbetet ne vend ajo evolon sepse pasqyron ne kohe ngjarje qe kane ndodhur, ndersa moazaiku eshte nje snap-shot ne kohe, Ne rast se do ta shikojme me menyren tuaj duhet qe cdo 5 apo 10 vjet atje te behet nje mozaik i ri. se ngjarjet evolojne. Une nje gje do te pyesja. A pasqyrion ai mozaik historine e popullit tona ashtu si ka qene
( jo vem ate te lavidshe apo vetem ate te pa lavdishme) Nje difekt qe kemi ne nga komunizmi ( prandaj them se komunizmi jeton nementaliteitn tone jo tek individet) eshte se duam te tregojme vetem anen e lavdishme te historise sone, ndersa te qe sic quhet ne disa raste faqe te zeza te historise tone ne i anashkalojme. Perse? Sepse kemi akoma ne koke idene qe duhet te jemi fanar ndricues ne bote.Jemi kombi me heroik me i lavdishem ne bote. Zoterinj ne jemi popull si gjithe popujt e tjere, kemi faqe te ndirtura dhe faqe te zeza ne historine tone. Mire do te jete qe keto faqe ti leme ashtu sic jane, qe te mesojme jo vetem nga faqet e ndritura por edhe nga to te zezat. Qe ne te ardhemn te kemi sa me pak faqe te zeza dhe sa me shume faqe te ndritura.
Lereni mozaikun ashtu sic eshte, qe te na kujtoj se kemi punuar e derdhur djerse per kete vend, se kemi luftuar e mbijetuar ne kete bote, por edhe se kemi gabuar e mbajtur gjalle diktatura e shakterime. Se ne kete bote jemi bashfajtoredhe bashkvuajtes te gabimeve tona, ashtu sic jemi krenare te fitoreve tona.
11 January 2008 @ 8:39 pm
Toko.
Duke perdorur fjalen “Ne” na fut te gjithe peshqve ne nje thes. “Ti” mundet te jesh bashkefajtor se mundet te kesh qene pjese e sistemit..nga menyra se si shkruan, por “ne” nuk jemi bashkefajtor me “ju” os e me “Ti”. Nqtse e ndjen veten bashefajtor me sistemin atehere bej “autokritike te shendoshe” nqtse nuk e ke bere akoma…
11 January 2008 @ 8:55 pm
Kopetenti ti ke qene reaksionar ?? Mik me Ameriken qe ath?
11 January 2008 @ 9:03 pm
Odysseus,
Ate referencen per autorin qe bleu televizor me paret e mozaikut e ke te sakte?
Mund te te citoj?
11 January 2008 @ 9:18 pm
…eshte per tu cuditur…por sa vjen edhe me normale behet…qe sa here ne krye kemi saliun, diskutohen gjera per tu prishur, shkaterruar, “ndryshuar”, pushuar etj etj….
11 January 2008 @ 9:22 pm
Minator une e njoh nje nga ata qe kane ndertuar mozaikun. Ta pys?:p Kane qene 5 vete , jo vetem nje.
11 January 2008 @ 9:38 pm
Parrulla, do kesh konkurence ne kte punen e mozaikut me duket. Te tjeret paskan fillu me mbledh refrencat.
Heqja e mozaikut, një marrëzi
Gazeta Shqip
1-11-08
Anastas Kostandini, një nga autorët e mozaikut “Shqipëria”, në fasadën e Muzeut Kombëtar shprehet se debati për heqjen e tij është absurd”
“Mozaiku hyjnizon Shqipërinë dhe pikërisht për këtë ajo nuk mund të zhbëhet. Ne u ndodhëm në një periudhë të Artit Shqiptar, ku monumentalizimi i historisë sonë i jepte tonin arteve”. Anastas Kostandini, apo ashtu siç njihet nga të gjithë miqtë “Taso” e përkufizon me këto fjalë atë çfarë mbart mozaiku “Shqipëria” në fasadën e Muzeut Kombëtar. Si një nga autorët e kësaj vepre, piktori që ndan jetën në qytetin e Pogradecit nuk mund të rrijë indiferent ndaj deklaratave të bëra nga drejtori i Muzeut Historik Kombëtar se ka ardhur koha që vepra të tilla me frymë ideologjike të zëvendësohen.
A mund të hiqen shenjat e historisë, ato shenja që identifikojnë historinë e një periudhe që ka qenë pjesë e rrugëtimit tonë të përbashkët? “Sigurisht që jo”, thotë Kostandini. “Ethet për të shkatërruar një vepër arti që është pranuar nga të gjithë, tash të provokuara prej aparaçikeve, po e teprojnë kur shohin vetëm simbole të komunizmit në të”, thotë ai. Ai imazh nuk mund të shihet thjesht si produkt i një ideologjie, pasi njerëzit që punuan për të mbartën në të art, dhe si i tillë, ai nuk mund të hidhet tej vetëm se “kohët kanë ndryshuar”. E tashmja nuk mund ta përjashtojë së shkuarën, përveçse mund ta ruajë atë. “Duhet thënë që atje ka edhe art mbi një sipërfaqe të iluminuar prej pasionit të sinqertë, epokë në të cilën është krijuar.
Realiteti human në tërësinë e saj që përmban kjo vepër e mbron këtë mozaik pasionant nga halucinacionet për të parë në vend të saj, ndoshta asgjënë. Pra, mënyra pasionante e koloristike me të cilën ajo ekziston do ta mbrojë atë nga njerëzit e çoroditur që s‘dinë ç‘kërkojnë”, thotë Kostandini.
Atij i kujtohen kohët kur bashkë me shokët e tjerë mundoheshin t‘i jepnin jetë atij mozaiku. “Ne, autorët e saj që dikur përfaqësonim moshën e re nuk vinim nga zyrat e partisë, por ishim produkti i natyrshëm i përvojës dhe i traditës së mjeshtërve tanë kombëtarë dhe botërorë. Marrëzia për të prekur sipërfaqen kombëtare është fëminore dhe komike, pasi ikonoklastët e urrejnë figurën. Mozaiku hyjnizon Shqipërinë dhe pikërisht për këtë ajo nuk mund të zhbëhet. Ne u ndodhëm në një periudhë të Artit Shqiptar, ku monumentalizimi i historisë sonë i jepte tonin arteve. Të gjithë shokë, në Institutin e Lartë të Arteve, patëm nderin që të punonim bashkë me ish-profesorin tonë, Z/Vilson Kilica. Bashkëpunimi fantastik në nivele kolegësh, në të gjitha fazat mbresëlënëse dhe të vështira të ndërtimit të veprës, janë një eksperiencë nostalgjike dhe e rrallë në sojin e vet të pikturës monumentale. Të ndaluar për t‘u specializuar jashtë shtetit, nuk na pengoi gjithsesi të realizonim si Goliathi fitoren mbi Kollosin”, thotë Kostandini.
“Piktori na tregon disa vizatime të kohës si një mundësi njerëzore e një epoke, si për të na treguar pasionin me të cilin e dashuronin artin edhe nën censurë. Vizatimet që shoqërojnë këtë shkrim janë bërë pikërisht në atë periudhë kur Kostandini bashkë me autorët e tjerë të mozaikut mundoheshin t‘i jepnin jetë kësaj vepre. Por piktori na beson dhe të tjera detaje nga ajo kohë, duke nxjerrë nga arkiva personale imazhet e një kohe të shkuar, që dhemb aq shumë në të tashmen. Dhe e gjitha kjo, për të treguar se asnjë vepër nuk mund të jetë e mirë nëse nuk është fryt i një pasioni.
“Ndihem krenar për kolegët e mi tashmë të famshëm dhe të përbetuar në artin e tyre pozitiv. Vilsoni, Josifi, Aleksandri, Agimi janë vërtet emra të nderuar edhe tash në botën e hapur të artit. Disa prej nesh si Josifi apo Agimi vazhdojnë një karrierë të lartë të artit monumental dhe jashtë vendit. Shpresoj të jetë vetëm një ornamentike zbavitëse i ashtuquajturi “Debat” për heqjen në fakt të simboleve të artit tonë”, thotë Kostandini.
11 January 2008 @ 9:38 pm
Jo Iris une nuk kam qene reaksionar. Babai im ka qene thjesht nje magazinier. Une tani jam 29 vjec. Ameriken e kam pare per here te pare 16 vjet perpara. E nuk dua qe te quhem bashkefajtor me komunizmin.”Po ti moj Irenke c.pate..Cte dogji.” Sigurisht qe Pallatin 176 e kam pare..Me fal ju quheni Iris…
11 January 2008 @ 9:55 pm
Iris, do me besh nder. Sigurisht, une do t’a shpreh mirenjohjen kur te vije dita dhe dija te tregtohet.:) Une tani per tani vetem mbledh referenca dhe dokumentoj, trope, sot per sot ne ambjentin shqiptar eshte me mire te degjosh se sa te flasesh. Ose me zbavitese, gjithsesi.
11 January 2008 @ 9:56 pm
Kopentet Nuk ta di moshen Por ne se je i ri sa viti 1990 te ka gjetur ne moshen e adoleshences ke te drejte Ne se je i moshes me te madhe se kjo ka vend te te pyes
Cfare ke bere ti per rezimin e sistemit te vjeter? Une jam fajtor qe nuk kam bere gje, megjithese e dija pas moshes sime te adoleshences qe ishte sistem i keq, ne te kundert une kam dale ne paradat e 1 Majit, ne festat e 28-29 nentorti dhe kam parakaluar perpara udheheqesit diktator duke i shtuar atij jeten ne pushtet. Kam pregatitur ne pune cod te hene informaconin javor me artjet dhe sukseset e sistemit komunist dhe me kalbezimin e sistemit kapitalist. Ndjehem fajtor megjithese e kam bere kete edhe nga frika. Prinderit e mi besoj dhe tuajt me 1945 kur Enveri pushkatoj deputet antikomuniste nuk besoj se bene ndonje gje, perundrazi i dhane atij edhe me shume pushtet, duke i perkrahur veprimet e tij ose me e pakta duke mos bere azgje.
Koperton Enverin e fuqizuam dhe e ngritem ne, populli, ne e mbajtem per 50 vjet, ne fillim nga endra qe na krijoj ,me vone nga frika, por ama ishim ne qe e ushqyem dhe per kete jemi fajtor.
Per ju dhe tere atyre qe hiqen se nuk jane fajtore dua tju pyes
“Si shpjegohet qe jeni akoma gjalle sot? Ai sistem po te mos ishte me te por kundra tij te hiqte te drejten per te jetuar. ”
Nese quan lufte ndaj pushtet se i mbaje pantallonat kauboj apo favoritet e gjata, kur ne mesimin e historise ne shkolle si papagall mesoje ( si edhe une jo per fyerje) se cfare aritjesh kishte bere partia me sh Enver ne krye, Nese je aratisur nga ai sistetm dhe me vone je mare me jeten tende te perditshem ne perendim une dua te te them se je fajtor, njesoj si une qe nuk mbajta pantallonat kauboj apo favorite te gjata apo nuk u aratisa ne perendim, pasi pantallonat kauboj apo favoritet e gjata apo dhe aratisja tuaj ne perendim ishte nje veprim personal dhe jo nje lufte ndaj komunizmit dhe rregjimit ne pushtet, Sepse atehere kur duhej kjo lufte ndaj sistemit, ( te ngriheshe ne klase e te thoshe se keto jane genjeshtra partia dhe Sh Enver po persekuton kete popull, apo te ingranoheshe ne klubet antikomuniste ne perendim) ju zgjidhet te beheshit papagal ( si edhe une) apo rehatuat jeten tuaj private ne perendim. Dhe ne se je persekutuar per favoritet apo pantallonat kauboj apo familja jote eshte internuar se ju u aratiset, kjo ishte padrejtesi por jo merite e nje lufte ndaj komunizmit.
Mund Koperton te me thuash cfare ke bere ne lufte kudner Komunizmit ne shqiperi dhe si ke mbetur gjalle?
11 January 2008 @ 10:02 pm
Nuk diskutohet qe eshte nje gabim i madh, qe sa here ndrohen qeverite , sitemet, te ndrohet gjitheshka(deri edhe pastruesja) te shkatrohet cdo gje e bukur dhe artistike qe mbart me vete.
Shiptarce do te thoja “Kujt po i ha buken ai Mozaiku!”
11 January 2008 @ 10:05 pm
Kompetent Te jap te drejte, qe nuk je bashkfajtor por kjo nuk te jep aspak te drejten te kekosh te ndrosh historine e popullit apo edhe nje mozaik te thjeshte qe lidhet me kete mozaik, sepse se pari keni qene 13 vjec kur keni ikur nga shqiperi, pra nuk keni kontribuar ne ate histori, dhe se dyti jeni vetem nje ze ne turmen 10 milioneshe te njerezeve qe perbejne ate histori. MIre do te ishte edhe per ju si per cdo njerin nga ne te pyese me pare si ka qene historia para se te kerkoj ndryshimin e saj
ps. ndjehem keq per ngaterimin e emrit, ju kerkoj ndjese edhe nje here
11 January 2008 @ 10:08 pm
….”thjesht magazinier” ne kohen e socializmit ishe nje bos i vertet….kurse “fajtoret” e vertet te komunizmit skishin breke ne byth….
11 January 2008 @ 10:25 pm
Qe te perseris ate qe kam thene tek Kolektiviza, Libri i Qeshjes dhe i Harreses, nga Milan Kundera fillon me nje fakt historik. Pas Luftes se dyte, kur Cekia dhe Sllovakia u clirua nga fashizmi, kryetaret e ketyre dy vendeve dolen ne fotografi se bashku. Me pas, kur u krijua Cekosllovakia, e cila kishte marre udhet e komunizmit, kryetari i ketij shteti te ri ishte vetem njeri, tjetri u quajt tradhtar, dhe me menyra teknike u hoq nga ajo fotografia ngadhnjimtare.
Nje tjeter parabole ne lidhje me harresen e kushtezuar te totalitarianizmit, vjen nga George Orwell, ku personazhi kryesor i librit 1984, punon ne ministrine e kujteses, dhe puna qe ben eshte te fshije nga dokumentet figura te cilat quhen tradhtare.
As Spanja nuk ben mire, qe heq simbolet e kohes se Frankos, pasi mbetja e emrave dhe simboleve te Frankos i kujton spanjollet dhe gjithe boten qe u sul t’a shpetonte Spanjen, nder keta edhe George Orwell, se lufta me fashizmin nuk eshte kollaj te fitohet. Duke i larguar simbolet e humbjes se kesaj lufte ndaj fashizmit, spanjollet po ulin mbrojtjen, pasi memoria ka funksion sa kognitiv dhe difensiv.
Dhe as me mozaikun nuk do te behej mire. Jam shume dakord me Gezim Qendron. Simbolet e diktatures mund te hiqen, edhe pse mozaiku nuk eshte nje i tille, por vete heqja e tyre ne vend te nje interpretimi te tyre, nenkupton se mentaliteti i diktatures nuk eshte hequr akoma.
Me vjen keq qe sapo hapet nje muhabet mbi te kaluaren komuniste, shume prej nesh ngrene gishtin dhe delegojne fajet neper bashkevuajtes ne vend qe te perpiqen te kuptojne. Mozaiku eshte ne kontekst kohor me periudhen kur eshte krijuar, as qe nuk diskutohet, por derisa te nxirren mesimet e duhura ne lidhje me kete periudhe, dhe derisa keto mesime te vihen ne praktike, mozaikut nuk i ka ardhur ende radha per te zbritur. Nese ka dicka qe duhet te iki nga kryet e vendit, ai nuk eshte mozaiku.
11 January 2008 @ 10:26 pm
Une them…t’bejm referendum!!!
11 January 2008 @ 10:36 pm
Nga ana tjeter, heqja e mozaikut do ishte si puna e atyre pallateve ngjyra ngjyra te Tiranes. Nderkohe qe struktura e tyre eshte per te ardhur keq qe nga mungesa e ujit dhe e dritave, deri tek lageshtia dhe pislliku i oborreve te brendshme, do na dukej se kemi arritur dicka duke krehur balluket.
11 January 2008 @ 11:05 pm
une personalisht jam 100% Zogist dhe i djathte, 50 vjet kam qen i persekuatuar politik familjerisht dhe dhe me thoshin nxenesit dhe mesuesit shife kulakun,Gjithsesi i thash keto jo per tu politizuar, por per te treguar se jam kundra shkaterrimit.
c’do gje e nedertuar i takon kujtimit historik qofte dhe bunkieret e enver hoxhes pse mos ti leme si kujtim historik.
ne kemi lejuar xhamijat qe i ka ndertuar perandoria osmane qe ishte pushtuese e shqiperise,
Enver hoxha ishte shkaterruesi i c’do gjeje qe kishte ndertuar Naltmadhnia Zogu i pare.
valle pse ne duhet te jemi te tille te shkaterrojme.
gabim!
11 January 2008 @ 11:43 pm
Emathialegend, mbaj mënd kur kam qënë fëmijë që shkoja në kampin e pionierëve… tek vila e Zogut.
Edhe xhamitë ose kishat nuk u shkatërruan… ndoshta vërtet i hoqi funksionin për të cilin ishin ndërtuar dhe i ktheu në magazina apo kinema… por nuk shkatërroi.
11 January 2008 @ 11:58 pm
Kuptohet qe gjerat nuk duhen shkaterruar vetem se ka ndryshuar mentaliteti…po edhe kjo ka nje far limiti. Edhe bustin e Enverit e hoqem nga sheshi dhe kudo qe ndodheshe…dhe dikush mund te sillte argumentin se s’duheshin hequr bustet e Enverit…spese na kujtonin te kaluaren dhe ate pjese te historise etj etj. Po ja qe edhe duheshin hequr…apo jo?? Dicka duhet hequr…
12 January 2008 @ 12:00 am
ca pytje?
-Si,dhe kush e ka kopetencen per te marr nje vendim te tille,pra heqjen ose prishjen e mozaikut?
-Drejtori i Muzeut?
-Urdheri i Kryetarit?
-Artistet e politizuar ?
-Do te krijojne ligj per zhdukjen e mozaikeve?
Kush do ta heqi mozaikun?
12 January 2008 @ 12:03 am
Ufffff, 74 pergjigje (75 me kete) per nje ceshtje koti, boshe, qesharake. Me c’duket duke qene se 28-29 Nentori s’bejne dot me aq shume tym sa c’duhet, paskemi filluar te merremi me mozaikun e Muzeut.
Nuk besoj se ka shume njerez ne Shqiperi qe i intereson shume se c’behet me mozaikun. Besoj se ka akoma me pak njerez ne Shqiperi qe i intereson se c’behet me Muzeun (
) Te flasesh kaq gjate per kete ceshtje eshte te ngresh nje stuhi ne nje gote uji. Une per vete dua qe ato pak para qe ka shteti im te mos i harxhoje per idiotlleqe (sa do kushtonte prishja/heqja/ndryshimi i mozaikut?) por te merret me gjera qe me prekin cdo dite, cdo ore, cdo minute. Nuk calon gomari (shoqeria/historia Shqiptare) jone nga veshet (mozaiku)!
12 January 2008 @ 12:05 am
Kush e ka radhen pas Mozaikut? Apo, monumentet qe jane ngritur ne kohen e sistemit komunist, duke filluar qe nga Vlora me monumentin e Pavaresise e duke perfunduar ne Tirane me heqjen e Monumentit Nene SHqiperi!
Turp!
12 January 2008 @ 12:12 am
Bellë, pastaj e ka rradhën xhamija… është reaksinare sepse as Enveri nuk e prishi
12 January 2008 @ 12:15 am
Ll,
Po te ishte “kot2 pse e keni sjell ketu, nuk e kuptoj c`fare diskutimi mund te behet ndryshe ?
Ju veshet e gomarit (mozaiku) eshte tema.
12 January 2008 @ 12:17 am
Edrus, eshte acaruese vertet! Po, pse s’merren njerzit me dicka me produktive sesa heqjen e ketyre mozaikeve? Pak probleme me imediatike ka Shqiperia sot, qe njerzit t’i kushtojne kaq rendesi ketyre vogelsirave te ish-sistemit. Eh po, njerzit qe kane vuajtur nga ai sistem vertet jane ne gjendje te dallojne edhe te miren edhe te keqen, dhe nuk ngrihen me arme ne dore te shkaterrojne gjithcka qe eshte pjese e ish-komunizmit, ,por mundohen te jene racionale dhe te kuptojne qe ok, jane pjese e asaj kohe, por kane dhe ato vleren e tyre.
S’jam per shkaterrim!
12 January 2008 @ 12:25 am
Siç duken tashmë e kanë marrë seriozisht, sepse pak kohë më parë lexoja Këtë artikull tek një blog… për të ardhur keq!
Kujtova se herën e parë kiushte qënë ndonjë “vandal”, por siç duket, vandalizmi është kthyer në sistem
12 January 2008 @ 12:40 am
Mqs kane qejf te ndryshojne simbolet le ta fillojne me toponimet pasi 90% e tyre jane me origjine sllave. Te pakten mozaiku eshte “made in Albania”
12 January 2008 @ 12:41 am
Lexova shume nga shkrimet, por mu duk se pak merreshin me anen artistike funksionale, dhe pjesa me e madhe varionin qe nga “gjynah si i shkreti pershesh po ha” e deri tek “te na marrin te keqen armiqte: te jashtmit e te brendeshmit”. Une them se ajo qe duhet diskutuar eshte se sa ai mozaik dhe ai muze jane vertet perfaqesues te Shqiperise dhe sa i qendrojne kritikes artistike dhe arkitektonike. Per mendimin tim , ngritja e atij muzeu qe me shume ngjan si mauzoleum e qe i rri me qosh sheshit Skenderbe dhe i rrinte me fytyre monumentit te Enver Hoxhes, ishte goditja e fundit dhe vdekjeprurese qe arkitektura diktatoriale (po ka edhe nje stil arkitektonik diktatorial) i dha sheshit ne qender te Tiranes. Ai muze krijoi nje gunge ne rrumbullakesine apo katrorin e sheshit te projektuar nga arkitekte me fame italiane, qe duhet rregulluar patjeter me nje nderhyrje arkitektonike. Ne shembull mjaft pozitiv dhe gjenial p.sh eshte Royal Ontario Museum ne Toronto. http://en.wikipedia.org/wiki/Royal_Ontario_Museum
Sa per mozaikun, edhe duke i lene menjane shakate eshte nje pune (se me vjen turp ta quaj veper) qe mbase ironikisht eshte paguar aq sa e meriton: nje televizor bardhe e zi. E vetmja vlere e tij mund te jete qe perfaqeson ne menyren me te hapur idiotesin dhe skematizmin e artit te Realizmit Socialist. Ndaj them se duhet ruajtur ne muze. Sa per zevendesim them se aty duhet vene nje simbol i shtetit sic eshte ne te gjithe muzete nacionale te botes. Le te themi nje shqiponje e gdhendur a stema e republikes a perkrenarja e Skenderbeut, thjesht dicka qe eshte e pakontestueshme nga cdo shqiptar e parti e cdo kohe.
12 January 2008 @ 12:56 am
Peshk, mozaiku nuk u bë për të zbukuruar muzeumin ose për ti dhënë një karakter atij.
.
Mozaiku është pjesë e sheshit… Aq lart dhe kërkojnë ta prishin
Jam dakord me ty peshk, bile do thoja që ato pare që do marrë më tepër qeveria nga shitja e librave që vijnë nga jashtë (si dhe revistave porno), të investojë për të bërë një MUZE të ri…. sipas teje kanë ndonjë ide se si mund ta bënin?? Apo do ja jepni me konçesion ndonjë turku??
12 January 2008 @ 1:06 am
PF, ne çfare bazohesh ti qe thua qe s’ka vlera artistike? Je kritik arti? Se nese s’je kritik arti, mund vetem te kesh per baze gustot e tua.
12 January 2008 @ 1:15 am
Edrus
Une thjesht dhashe nje mendim timin, dhe nuk dua ti imponohem ndokujt. Kjo eshte si puna e votimit , ku une i shtohem nje grupi qe eshte per heqjen dhe parashtroj argumentet e mia. Dhashe edhe nje variant se si mund te behet. Por nuk jam une ai qe merr vendime, aq me teper tani qe jam mijera kilometra larg.
Aresyeja pse e hapa kete muhabet eshte se une gjithe jeten e kam pasur shtepine ne qender te Tiranes, vetem 500 metra larg mozaikut, dhe cdo dite kur dilja ne ballkon e kisha perballe dhe e kam soditur kaq shume sa mbase mund te te them sa gure mozaiku ka koka e partizanit. Dhe vertet qe me eshte dukur dicka qe ta shpifte. Por dhe njehere ky eshte mendimi im personal, mbase ti ke nje aresye tjter qe te pelqen dhe mund edhe te ma thuash se muhabet po bejme.
12 January 2008 @ 1:22 am
Iris
Jo nuk jam kritik arti. Po ti?
Argumentat e mia i kam parashtruar me lart. Po ti?
12 January 2008 @ 1:58 am
Eh o Ll, po e mban mend ti cbehej tek AlbShkenca vjet per flamurin e Kosoves? U shkatarruan “akademiket” shqiptare gjithandej duke u bere pershesh per flamurin e ri dhe simbolet e reja dardane, nderkohe qe per statusin e Kosoves nuk shkruan asnjeri asnje oped te hajrit ketu ne Perendim dhe jane pothuaj te gjithe duke pritur cfare thote Brukseli apo Uashingtoni. Keta ketej thone kosovaret dhe shqiptaret nuk jane negociatore te forte, ata andej shqyeshin per flamurin (me viza apo pa viza? me shqiponje apo me nje mini-flamur amerikan?)
Kam frike se e ke gabim Ll: per corapet e Edit, simbole, mozaike, dhe kollare mendafshi te atij ministrit qe me shume jeton ne Hollande se sa ne Tirane ka plot interes tek shqiptaret e zakonshem. Fatkeqesisht interesi vetem aty eshte, dhe media e riprodhon. E riprodhojme dhe ne. Merzitet robi kur pervec se i duhet te jetoje si ne mesjete, duhet edhe te flase per jetesen si ne mesjete tere kohen. Shashkat, pra, kane efekt neutralizues.
12 January 2008 @ 1:59 am
Artikull i botuar sot ne gazeten Tema:
Status-quoja e një muzeumi
Nga Lorjan Agalliu*
Drejtori aktual i Muzeut Historik Kombëtar në një intervistë në gazetën Shekulli të datës 08, 01, 2008 ka hedhur idenë e heqjes së mozaikut që ndodhet në fasadën qëndrore në sheshin Skëndërbej të muzeut që ai drejton. Për këtë ai sjell gjithashtu disa argumenta, ku ndër më kryesorët janë vlerat ideologjike që përcon vepra dhe sensibiliteti i një pjese të kombit ndaj një periudhe e cila nuk mund të përfaqësojë gjithë historinë tonë.
Para se të jap ndonjë mendim për këtë më duhet të theksoj fillimisht se po bëhet vazhdimisht e qartë se tashmë kemi nevojë për të përcaktuar një qëndrim të përgjithshëm ndaj trashëgimisë kulturore të diktaturës. Në gazetën Korrieri të datës 16, 12, 2007 Fatos Lubonja adresonte po të jëjtin problem në shkrimin me titull “Biznesi banal me nostalgjinë e komunizmit”. Ndërsa autori fokusohej në shkrimin e tij në “trushpëlarjen” që i bëhet sot publikut me veprat e realizmit socialist, dhe më saktë nëpërmjet muzikës me anë të spektakleve që i ripërpunojnë këto vepra që edhe publiku t’i ripërtype ato më kollaj, ai gjithashtu prezanton edhe dy koncepte të ndryshme të trajtimit të këtyre veprave:
1. ruajtjen për arësye të studimit të fazave të ndryshme të asaj kohe, per të dalluar, nëpërmjet ndryshimeve të teksteve dhe të melodive, periudhat e ndryshme të diktaturës dhe të propagandës socrealiste që e ka shoqëruar atë.
2. rimarrjen e cila ndryshe nga ruajtja kërkon identifikimin me veprën për atë që angazhohet në rrimarje. Dhe për ta ilustruar më tej me shembuj ai përmend dikë që këndon këngën e komandantit Che Guevara dhe identifikohet me të sepse beson në mitin e revolucionarit, apo edhe komunistit do shtoja unë. Ndërkohë kush mund të identifikohet sot me këngën “Shoqet tona ilegale” apo “Baballarët” që janë këngë që u bënë shumë më vonë, jo në kohën e Luftës, për të rritur edhe më tej kultin e shoqeve (si shoqja Nexhmije) dhe shokëve (si shoku Enver) udhëheqës të partisë që në emrin e Luftës shtypën e çnjerëzuan një popull të tërë për 45 vjet? Është e qartë se kush, po të përjashtojmë një pjesë të “trushpëlarëve” për të cilët rëndësia për t’u identifikuar me ndonjë vlerë nuk është në rend të ditës.
Por ndërsa solla përqasjen e Lubonjes për të përkufizuar nocionet e vleresimit të këtyre veprave, më duhet të theksojë gjithashtu një ndryshim cilesor midis rastit që analizon Lubonja, dhe që i referohet kryesisht muzikës, dhe rastit në fjalë i cili implikon artin dekorativ, arkitekturën dhe urbanistikën. Ky ndryshim ka të bëjë me dimensionin e ndryshëm publik që kanë këto arte nga njeri tjetri, gjë që e bën si ruajtjen ashtu edhe rimarrjen të trajtohen ndryshe në këto arte.
Muzika mund të jetë sa nje experiencë private aq edhe publike sipas dëshirës së atyre që duan ta shijojnë ate, pra nuk është dicka e imponueshme. Edhe nësë artit muzikor që evokuon nazizmin, apo komunizmin i hiqet mundësia për t’u shfaqur në publik kjo nuk i pengon individe të vecantë ta “shijojnë” atë. Gjithashtu mundësia që të lejon vetë mediumi nëpërmjet rregullimit të orareve të transmetimeve në radio apo kanaleve private televizive, ose shfaqjeve të limituara për publikun e gjerë është një mënyrë tjetër për ta adresuar këtë problem. Pra dimensioni publik i muzikës është i tillë që e lejon ruajtjen si të ndryshme nga rrimarja.
Arkitektura nuk e ka këtë fat, ndryshe nga pjesa më e madhe e arteve si letërsia, muzika, piktura, skulptura, fotografia, filmi etj. Dimensioni publik i arkitekturës është si të thuash i pashmangshëm – c’ka do të thotë se edhe ruajtja, edhe rrimarja në arkitekturë kanë dimension publik. Procesi i ruajtjes për efekt studimi dhe njohjeje në arkitekturë nuk mund të bëhet jashte funksionalitetit të veprës, po aq sa c’është e vërtet që ky lloj funksionaliteti implikon vazhdimisht rimarrjen. Dhe në rastin në fjalë megjithëse flasim për një mozaik, ai ka tashmë një dimension të padiskutueshëm arkitektonik, c’ka domethëne se vlerat e mozaikut dhe të ndërtesës janë të ndërlidhura. Arkitektura është një art që i ka vlerat kryesore në cilësitë hapësinore dhe strukturore – na angazhon jo nëpërmjet cilësive vizuale sic bën piktura, por nëpërmjet cilësive hapësinore. Muret (struktura) shërbejnë për të orientuar vëmendjen tonë drejtë hapësirës. Pikërisht për këtë artet dekorative në arkitekture kanë një funksion primar ndërmjetës midis hapësirës dhe strukturës. Nga ana tjetër nëse ka ndonjë art që qëndron tërësisht mbi themele ideologjike kjo është arkitektura sepse i ka disa dimensione të detyrueshme sic janë ai social, ekonomik, politik dhe historik. Pra si të thuash arkitektura i vë në punë elementet e saj në unison. Edhe sikur të mendohet se mozaiku do zëvendësohej me një mozaik tjetër me përmbajtje ideologjike dhe stil tjetër, a nuk do ishte ky i vendosur në vendin e gabuar, dhe a do t’i shpëtonim ne asaj që e quajmë rimarrje?
Është e vërtet që historia ka njohur gjithmonë raste të tilla , sidomos në konvertime që kanë shënjuar momentet historike të kalimit nga një ideologji fetare tek tjetra (kristianizëm – myslymanizëm, hinduizëm – budizem etj.), por këto asnjëherë nuk kanë pasur vlerësimin historik dhe kulturor si dimension. Të thuash që problemi qëndron tek mozaiku, ndërkohë që nuk do (nuk di) të njohësh problemet e arkitekturës, nuk e adreson problemin por i ke hapur mundësinë një problemi akoma më të madh që ka lidhje me strukturën arkitektonike apo akoma më shumë atë urbane. Dhe për mendimin tim është pikërisht në këtë të fundit – urbanistikën – që duhet kërkuar zgjidhja.
Një nga dukuritë më negative do thosha unë por edhe më e përhapura që është vërejtur në zhvillimin urban të qyteteve tona, është mungesa totale e respektit për stukturat ekzistuese. Dhe këtu nuk e kam fjalën për mungesë e respektit qëqytetarë e thjeshtë apo edhe firmat e ndërtimit kanë për ambientet e banimit, parqeve, fushave të sportit apo ku e di unë se c’farë, që janë okupuar nga ata, duke dëmtuar shpesh edhe cilësinë e jetës së tyre. E kam fjalën për atë mungesë respekti që strehohet pikërisht në instancat më të larta vendimarrëse që kanë në dorë planifikimin në Shqipëri. Kush mund të harrojë shkatërrimin e Kinema 17 Nëndorit me vendim të KRRTSH-së dhe ngritjen në të të pallateve, dhe që u premtua nga kryetari i sotëm i Bashkise së Tiranes bashkë me kryeministrin e atëhershëm se do ndërtohej njësoj si e para?! Kush mund të harrojë gjithashtu Projektin e famshëm Francez për Tiranën, që planifikonte në oborrin e brendshëm të këtij Muzeu për të cilin flasim të ngrihej një kullë xhami (ëndrra falike e kryetarit të bashkisë në mes të Tiranës!), kurse në ish godinën e Komitetit Qëndror mbivendosej parlamenti. Të gjithë e kanë parë se c’farë travestie arkitektonike u përzgjodh në konkursin më të fundit për t’u ndërtuar atje! Sigurish përvec atyre që i planifikojnë këto monstra dhe nuk rreshtin së lavdëruari ato.
Ndërkohë kjo dukuri negative në planifikim patjetër që do shoqërohej ose do vinte si shkak i një dukurie po aq negative sa c’është mungesa e vizionit në planifimin urban. Planifikimi i kryeqyteti Shqiptar e ka reduktuar gjithë vëmëndjen e zhvillimit të dimensionit të vet publik në qëndër! Kujt nuk i bën përshtypje përshembull se ndërsa popullsia e Tiranës është pothuajse trefishuar, shërbimit urban nuk i është shtuar as edhe një linjë e vetme urbane, dhe as edhe nje kilometër më shumë se c’kishte në vitet 80-të dhe fillim të viteve 90-të.
Po c’fare lidhje ka e gjithë kjo do pyesi dikush me mozaikun e Muzeut Historik. Ka shumë lidhje do thosha unë, sepse jeta urbane në Tiranë vazhdon të mbetet e varfër me gjithë energjitë që rrezaton. Në fakt dikush duhet të kishte menduar se nëse kjo ndërtese bashkë me mozaikun e vet që nuk na përfaqson, në vend se të kerkohej për të hyrë në operacione gjysmake, ndoshta do ishte me vend propozimi i një Muzeu te ri për Historinë e Shqipërisë, që do bënte të mundur eleminimin e shumë të metave që paraqet muzeu aktual. Kjo do e linte atë në nivelin e një relikeje, ashtu sikurse qëndron sot piramida e ndërtuar për nder të diktaorit. Nisma të tilla si ajo e ndërtimit të Parlamentit të Ri, Muzeut Historik Kombëtar, monumenteve për Nënë Terezën, duhet të përdoreshin për t’i dhënë gjithë qytetit dhe strukturës urbane një dimension të ri, dhe jo të reduktoheshin në konvertime të dyshimta që nuk duket se i sjellin asgjë publikut. Nëse ai mozaik dhe ajo godinë por edhe shumë të tjera kanë atë ndikim në politikë dhe shoqëri sa kanë sot, nuk i kanë për vlerat që mbartin, por për shkak të qëndrimit tonë ndaj tyre. Hapësira e sheshit Skëndërbej vazhdon të trajtohet sikur të ishte gjithcka që shkon keq me Tiranën. Edhe kur kërkohet të preket, trajtohet si e ngurtë, sikur gjithcka që ajo i ofron këtij qyteti sot të ishte në rregull përvecse trafikut dhe mungesës së ndonje ndërtimi të lartë në periferi të saj – në të njëjtën kohë i lejojmë vetes të trajtojmë fare pa kujdes strukturat rreth saj, në një perpjekje donkishoteske për të dominuar status-quone.
*Arkitekt dhe Urbanist, Nju-Jork
12 January 2008 @ 2:47 am
Ujk … ma plotesove porosine akoma pa ta kerkuar
un akoma po bluaj, kjo e jotja me sherbeu shume.
12 January 2008 @ 3:02 am
Ne kete mozaik mungojn lufta e klasave , burgjet politike , rradhat e gjata per buke dhe qumesht , nuk duken te deklasuarit , mungojne veprat socialiste , mungojne shume gjera per te thene se ky mozaik perfaqeson realizmin socialist
Ky mozaik eshte nje krijim politiko - propagandistik i kohes se komunizmit diktatorial .
Personalisht nuk jam i sigurt nese duhet shkateruar ashtu si bustet e diktatorit , apo duhet rruajtur .
Ta ruajme per cfare ?! Qe ti tregojme femijeve ta ne se si na mashtroi nje diktator ?
Apo qe ti tregojme botes se sa popull koketrashe dhe i percare jemi ?
12 January 2008 @ 5:25 am
Une them te veme shokun sali aty.
12 January 2008 @ 8:06 am
Këto propozime për heqjen e mozaikut, më kujtojnë talebanët dhe “suksesin” e tyre për të shkatërruar monumentet gjigante të Budës.
Edhe ato monumente nuk është se paraqisnin vlera të tilla për njerëzimin (ose të paktën për ata si puna ime që as që ju hyn në punë se kush është Buda), por është mënyra talebane e të vepruarit, që është në kundërshtim me konceptin e bashkjetesës në shoqërinë e zhvilluar të shekullit të XXI.
Pse nuk i konsideron si talebanë dhe qeverinë tonë Bushi??
Mbase ka rast tjetër që të mos bëhet pishman që pse nuk bombardoi dhe një herë më parë se të mbarojë mandatin e tij (e dëgjuat të fortën e djeshme për Aushvitcin?)
12 January 2008 @ 9:32 am
Sala,do te zhduki moton komuniste..ne njeren dore kazmen dhe ne tjetren pushken..dhe do te vendosi moton berishonaniste..ne njeren dore pushken dhe ne tjetren dinamitin.
12 January 2008 @ 1:42 pm
po, shume mire. le te prishim gjithcka -kamza vazndon te kete nje rol udheheqes ne nenkoshencen tone-, e pastaj te mesojme historine tone nga studjuesit serbe, greke e maqedonas.
pika Beqir Metes, e pika kafsheve qe e kane vene ne krye.
12 January 2008 @ 4:22 pm
me behet qefi qe shumica juaj jane kundra heqjes se mozaikut. z.beqir ti vi turp per proposten e tij.tregon qe vendin qe ka zene nuk e meriton.kazmen ta perdorin per te shvendosur drejtorin dhe jo mozaikun.
12 January 2008 @ 5:54 pm
Ujk,
me pelqeu artikulli. Ndoshta e ke lexuar edhe kete te Lubonjes.
12 January 2008 @ 7:56 pm
Self, edhe mua mu duk shkrim interesant. Faleminderit per linkun.
12 January 2008 @ 8:28 pm
A ka vend kendveshtrimi dhe analiza per burimin e frymezimit ne kompozicionin e VEPRES?
Do desha te beja kete pyetje duke dhene sqarimet perkatese “si i mendoj “ne raport me ndonje mendim “si mendonte”
Si paranteze do te marr ne menyre ABSOLUTISHT te MIRQENE debatet dhe diskutimet te kryera ne gjirin e GRUPIT te ngarkuar per te pasqyruar MOZAIKUN
Te gjere ,te edukuar,te plote ,te ditur dhe specialist,por ne te njejten kohe pa i hequr edhe konceptet brenda kohes e situates qe jetonin.
Ideja qendrore ne formen e gruas nuk eshte pasqyrimi cdo GRUAJE me bikini sipas disave….
Ajo per mua perfaqson MEMEN SHQIPERI te ardhur nga Lashtesia ,te rrahur,goditur te shkelur POR gjithmone e FRESKET e FUQISHME sepse rrenjet e saj vijne nga ….shikoni anash.
Dhe si kishte mundur te MBIJETONTE e te vinte perseri e FUQISHME ?
Vetem nepermjet QENDRESES dhe:- ne se ne qendresen SHQIPTARE ,KRYESISHT kane qene LUftrat ne krah te saj,ideatoret me shume mjeshtri i kane dhene edhe portretin e DIJES nepermjet figures se nje RILINDESI duke e perfaqesuar ne horizont siportret i N.FRASHERIT.
Deri ne kete pike per te thene se AI mozaik nuk ka asgje te perbashket me historite lloj-lloj te atyre qe ne ato figura shohin kurva e diktatore.
13 January 2008 @ 12:14 am
Nuk shoh ndonje cudi te madhe me kete opsionit e heqjes se mozaikut.Ose me mire thene nuk me duket nje ceshtje madhore per zhvillimet shoqerore ne Shqiperi.
Ne nje kohe kur politika jone e jashtme shterpe ka deshtuar teresisht ne misionin e saj,e ka denigruar teresisht figuren e shtetit shqiptar me pasivitetin e saj dhe e ka futur shtetasin shqiptar ne nje izolim total (te krahasueshem me ate te 50 viteve te diktatures);ne nje kohe kur mbas 17 vitesh clirimi qytetari shqiptar vuan akoma per kushtet elementare te jeteses qe detyrimisht duhej ti ofronte taxambledhesi;ne nje kohe kur balta para stadiumit kombtar Qemal Stafa te mbyt dimer vere,keta maskarenj (shih klasen politike) vazhdojne e luajne akoma me ndenjat (ato qe kane mbetur) kombtare te ketij populli.
Nuk me duket shqetesim pra,pasi shqetesim per mua si individ por dhe si shqiptar ne rradhe te pare eshte preokupimi per demokracine shqiptare.Ne nje shtet ku kalaja e fundit ka mbetur vetem Kreu i Shik-ut nga sulmi barbar politik,nuk paraqet nje interes te vecante mozaiku.Ku ishim ne kur behej gjithe kjo maskarade me uzurpimin politik te institucioneve te shtetit?Ku ishim ne te ngrinim zerin me mbledhjen reale e gjithe pushtetit tek nje njeri i vetem?!
Ne kete aspekt nuk me duket dhe ndonje cudi e madhe qe dhe Ekrem Spahiu te jete zevendeminister i Kultures,rinise dhe sporteve.
Hajde na qofte per hajer pra…
13 January 2008 @ 12:25 am
Me sa kam lexuar ne tema te tjera juve ketu keni pohuar se keni qene ata qe keni rezuar bustet e diktatorit .
Si ka mundesi qe shkaterimi i busteve te tij nuk na u quajtka shkaterim ?!
Si ka mundesi qe juve keni vepruar si talibane na akuzoni ne si talibane ?!
Apo pjesmarja nje rezimin e bustit te diktatorit ka qene nje genjeshter e juaja ?
Cfare te besojme nga ju ?!
13 January 2008 @ 12:55 am
Shqipo, Eshte ndryshe busti i diktatorit dhe ndryshe mozaiku.
Busit i diktatori perfason nje individ, mozaiku nuk ka individe ne te ka popull . Popull ashtu sic eshte, luftetar, te lavdishem dhe te percare. Ne qofte se diktari krijoj nje genjeshter me imazhin e tij, mozaiku nuk eshte i tille. Mozaiku eshte nje realitet i kohes ku jetuam.
13 January 2008 @ 2:19 am
Nja dy gjera nuk kuptova une nga gjithe kjo zallamahi:
Kur te prishet moza-iku si do te ndahen copat e tij,ne baze te ligjit 75….(s’me kujtohen shifrat) apo kush te jete i zoti te marre me shume copa.Jo se dikur thonin :Mos e kruaj b…me qeramidhe.
Po te jete me force Saliu ka mundesi si i babezitur qe eshte te marre me shume copa e atehere ç’do te mbeten per ne te tjeret.
Thone se muzeumi i historise do te behet ne Viçidol,sepse atje ka lere burri qe qe ka bere me shume gallat me shqipot;te jete e vertete….
13 January 2008 @ 3:55 am
Jo pse ta heqin. Un them ti shtojn Nexhmijen, Lenka Cukon e Ramizin & co. dhe ta zgjerojn dhe ca…
Mua nuk me duket normale qe ne nje mozaik i tille (me gjith vlerat artistike qe mund te kete) vazhdon te qendroje ne qender te Tiranes. S´eshte as koha e as vendi i duhur.
13 January 2008 @ 7:26 am
Traum .E morem vesh qe je per ngritjen e URES po nuk kuptuam se ne c’drejtim do e ngresh…Ne te kundert apo ne drejtim te rrjedhjes LUMIt..Apo ishe qe ishe the pse mos te bej nje dore gallate …
13 January 2008 @ 2:27 pm
Idris si je ti? Un jam shume mire flm. Te pershendes dhe ia kalofsh sa me mire sot:
http://youtube.com/watch?v=USFr5VeLQ2o
13 January 2008 @ 3:31 pm
Mozaiku duhet te hiqet. perveç faktit qe eshte ideologjik me ben pershtypje se e vetmja koke “maloku” mezi sa duket. Ai labi me fustanell duket sikur i ben karshillek Skenderbeut. Edhe partizanet duhet te jene nga jugu. Kemi dhe nje grua dropullite qe nuk dihet se me ke e ka me grekun apo me çamet. Ndersa gruaja ne qender nuk ka asnje lloj identiteti. Xhubleta eshte Shkodrane, rrypi ne mes i jugut dhe kemisha e dropullit. Jepi dum. I gjith grupi i njerezve te paraqitur aty duket sikur i ben yxhym gjith te huajve qe hyjn e dalin ne shqiperi (delegacioneve qeveritare te vendeve kapitaliste, turisteve qe duhet te jene te gjithe spiune, pale Bushit, çudi si ka shpetuar pa u shkely………).
13 January 2008 @ 4:47 pm
çfare lesh vlerash artistike ka ;nje hermafrodite ne qender e ç’naturizuar!!
Disa ngaqe nuk munden me te shprehin keqardhjen e vertete per heqjen e mozaikut kapen si i mbyturi pas\fijeve te kashtes.Orrendo eshte ai mozaik.Pse duhet ta leme aty ,apo per te lemerisur ne vazhdimesi njerezit qe e shohin??Apo per ti thene ç’dokujt shih se çjemi ne??Ai muze qe kur u ndertua nuk kishte asnjefare logjike arkitektonike,artistike,kulturore,historike.Nese behet e mundur çdonjeri prej jush eshte i lire te vetpropozohet ta adoptoje mozaikun e ta vere ne fshatine tij te lindjes duke filluar nga Lumi i Vlores ,Shashica,Kurveleshi e pa Leshi,Mamurrasi,Balldreni ,e nuk e di ku tjeter.
13 January 2008 @ 6:16 pm
Traum! kisha haru kokat me t’….Ku e gjete qe jam me Astem????
:D 
13 January 2008 @ 6:35 pm
Cdo lloj diskutimi per mozaikera e barelievra ne Shqiperi zhvleresohet para faktit qe ne nuk kemi uje dhe drita ne Tirane. Keto jane lukse qe i meritojne te tjeret (psh Viena dhe permendorja per cifutet - Rosenthal; Vienes i vjen uji nga 250 km larg ama, dhe eshte me i mire se uje bjeshkesh) Ne jo, s’e meritojme ate luks. Se kjo na ben llafazane mbi plehra. Sokrate te vuejtun gjithe jetes. Njerez qe “i duem humbjet prore”. Ne jemi shoqeri qe duhet denuar me ndalim konsumi shpirteror deri sa te sjellim uje, drita, transferim plehrash dhe trafik te rregullt ne kryeqytet. Cdo kryeminister duhet te pirdhet brenda 6 muajsh po nuk pati vertetu qe ka permiresu dicka domethenese ne ket drejtim. Nuk e kuptoj si po ju RR(TM)-et kaq shume per mozaikun, qe eshte pa fjale nje ekzemplar i kulluar i realizmit socialist, por e ca pastaj, ke vret kepuca aty, really?
13 January 2008 @ 6:35 pm
Traum… a big smile for that link…. Gruess dich!
13 January 2008 @ 6:36 pm
Nuk besoj se ndokush duhet të ketë “frikë”, ose perbuzje për mozaikun. Problemi është thjesht kulturor. Në të gjithë botën “janë lën” simbole të së kaluares që thjeshtë janë dëshmi e asgjë tjetër. Sa stema të liktorit shihen në Itali dhe sa spitale ka me emrat e mbretërve. Vetëm në vendet e Lindjes, pak nga injoiranca, pak nga “inati” janë rrëzuar edhe monumente që edhe mund të liheshin. Vetem “një mur” duhejt të rrëzohej, të tjerët edhe mund të rrijnë, kur kanë vlera artistike dhe kur “flasin” ose tregojnë një epokë.
Pra “asnjë frikë”.
13 January 2008 @ 6:49 pm
Pasi nuk janë në gjëndje që të bëjnë diçka të re, të denjë për të justifikuar qënien në qëndër të Tiranës, e vetmja gjë që akoma konsiderojnë si DETYRË të tyre, mbetet vetëm shkatërrimi i gjithçkaje të bërë nga të tjerët.
Unë habitem se përse bëjnë kaq zhurmë, fare mirë mund ti kishin vënë dinamitin dhe ta hidhnin në erë, me gjithë mozaik e Tosun Baç, dhe pastaj t’ja hidhnin fajin “vandalëve” që urrejnë Artin shqipëter(se ata të shkretë artistë u këputën duke krijuar)
13 January 2008 @ 6:56 pm
Debati per heqjen e fasades nuk tregon as nje gje tjeter vecse ne Shqiperi ka njerez qe kane shume kohe te lire.
Edhe faj nuk i ve dot qe duan ta heqin. Me nje gje do merren njerezit, pune ska, drita ska, internet po ska, librarive ja kane harruar dyert, televizori kur ka drita jep po te njejtat gjera, muhabetet neper kafe jane bere bajat, te studiosh per shkolle nuk ka nevoje se jep ato parat ne fund te vitit.
Teorirat se kush e organizoi 97, CIA, Greku apo Nastardini jane konsumuar!!!
Me nje gje do merren njerezit!!!!!
Keshtu qe rrine-rrine edhe thone - Po sot me cfare do merremi? Hajt heqim ndo nje gjo!!!!
Kto debatet qe behen ktu per mozaikun, jo-po tregon vlera, histori, karakter, lufte klasash, demagogji, realitet, lufte shekullore, diktature, tja tregosh dikujt ne Tirane qeshin me te madhe.
E di si thone ne Tirane?? Amerika i bo robt budallej!!!!
Ka rene shume niveli ne Shqiperi miq te dashur.
13 January 2008 @ 7:17 pm
Nuk e kuptoj pse mungesat e ujit e dritave duhet te lidhen me mozaik yes ,mozaik no.Mozaiku eshte orrend,me ate hermafrodite maloke ne balle.me nje urysh te pergjithshem pa sens.Minimumi edukon ose me mire ç’edukon e zhvesh nga çdo lloj ndjenje te bukur kedo.Bile edhe ndertesa qe e bart nuk e kam ditur kurre se ç’bente aty ne mes te Tiranes.Me shume nje mauzole se çfaredo tjeter.
Tashti le te flasim per uje e drita.Ne ato kohera kur vertet mungonte “drita”,librat,poezite,arti,na shpetuan nga sterilizimi i plote i shpirtit.Tashti nuk ka drita e uje e u dashka t’i themi shpirtit ik pi…u,me parrulla Lej Fen-iste.Po nuk pati drita e uje nuk flitet me per asgje tjeter…
13 January 2008 @ 7:24 pm
Zana ! Nuk eshte ndonje fatkeqsi e madhe se nuk e kupton ti…
:D
Dhe, qe ta kuptosh ,duhet te dish se nje qeveri qe nuk i siguron POPULLIT te VET mjetet me te mundshme te Ekzistences ne KETO KOHE si DRITA dhe UJI….
Nuk ka me c’te merret tjeter vetem te “nderseje” njeren pjese te POPULLIT kunder pjeses tjeter me GJERA BOSHE…
Kete besoj se nuk e ke kuptuar shume…:D
13 January 2008 @ 7:31 pm
Pikerisht Idris,une ato qe nuk i kuptoj i them me lehtesi sepse e di qe kam miq inteligjente ketu tek peshku qe me shume bujari mi spjegojne.
Shume te fella keto pune Idris………..
13 January 2008 @ 7:42 pm
Zana, kam frike qe mozaiku (i cili eshte pershkruar nje here ashtu “me nge” nga E. Ypi, ne vaktet kur ai shkruante me 100 oktane, me ato spiridhickat etj - te kujtohet besoj, te “Inisi”), pra kam frike qe mozaiku, qe eshte si eshte, po keqperdoret per alibine e rradhes. Koka turku (sado fajtore qofshin) nuk i hyjne ne pune as dreqit. Sa me teper effekt do kishte kritika e bere ne kushte te plotesuara bazike! Dhe sa rrezikohet keshtu e bere maje plehut. A nuk e sheh?
Zane, nuk pihet shampanje ne hale! E kemi bere nje here ate muhabet. Nuk ka shans asnje lloj edukimi nga ai qe pretendojme ti dhe une, kur fytet e cezmave thahen dhe pocat te tavani jane relike te kohes para Edisonit (jo Ypit, Thomasit them).
13 January 2008 @ 7:43 pm
shkruhet ti sbagli -çajup.Kjo eshte e verteta jote çajup…Jeta diskutohej atehere kur na jepnin 1kg saraga te thata me tollon ne muaj,Kur duhej te tregoheshe super entuziast e te gjeje vlera tek mozaiku orrend apo tek veprate Kristaq Rames.
Nuk po e mohoj aspak se mungesa e ujit dhe e dritave nuk eshte e rende e ofenduese.Kjo nuk do te thote qe te monopolizoje çdo diskutim tjeter.Jeta vazhdon me drita apo pa drita.
13 January 2008 @ 7:49 pm
Desha me thene Zane, qe nuk mund te vejsh Jenna Jameson tu flase adoleshenteve mbi te keqiat e mundshme te pronografise… vetem kaq. Shpresoj qe te mos jemi keqkuptuar.
15 January 2008 @ 9:03 am
Shiko, duhen hequr edhe monumentet si Nënë Shqipëri se ai flamuri që e mbështjell atë është flamur komunist. Edhe monumenti i Pavarësisë në Vlorë duhet hequr se djali i atij që e ka bërë atë është Socialist, dhe se ai vetë, Xha-Kristaqi ka qenë komunist (apo nuk ka qenë? nëse jo, atëherë le ta shikojë parlamenti me pjekurinë e tij se mund ta lënë atje ku është monumenti po qe se Petrolifera është dakord)
Edhe Monumenti i Qëndresës në Durrës duket si bunker ashtu. Le që lere se ka Rroftë PD si parrullë me “spray paint” Ah, po ka edhe “Guns and Roses” graffiti.
15 January 2008 @ 4:49 pm
Ja c’tha Rama sot per kte ceshtje:
Rama ne Njesine 9, flet per Mozaikun e Muzeut Kombetar
Përveç problemeve te infrastrukturës, qytetarët u interesuan lidhur me debatin për heqjen e mozaikut nga fasada e Muzeut Kombëtar
Kreu i Bashkise se Tiranes gjate nje takimi me banore te Njesise Bashkiake Nr.9, ne vijim te degjesave publike nen logon “Thuaj Fjalen Tende”, eshte shprehur edhe lidhur me debatin per heqjen e mozaikut nga fasada e Muzeut Kombetar, institucion qe eshte ne territorin e kesaj njesie. “Qeveritaret e sotem, qofte ne nivelin e kryeministrit, qofte ne nivelin e ministrave, apo qofte ne nivelin e drejtoreve te institucioneve, nuk dine te punojne dhe besoj e keni degjuar shprehjen qe kur “nuk kane ç’bejne, luajne deren”. Edhe drejtori i Muzeut, si nje shprehje tipike e kesaj politike te vjeter te paaftesise dhe te dembelizmit mendor, thote ‘ta marrim mozaikun ta fusim brenda dhe te bejme nje mozaik tjeter me permbajtjen e muzeut’. Asnje kuader i kultures staliniste nuk do te arrinte dot te ishte kaq stalinist ne menyren e te shikuarit te historise, te marredhenies se nje godine me nje qytet, te raportit te artit me historine, te raportit te nje qeverie me historine dhe mbi te gjitha te raportit qe kane keta zoterinj qe qeverisin sot me kulturen, jo thjesht si kulture shqiptare, por me kulturen si nocion”, u shpreh Rama duke komentuar deklaraten qe Drejtori I Muzeut beri pak dite me pare, duke e quajtur ideologjik mozaikun e quajtur “Shqiperia”, per cka ai duhet zhvendosur dhe zevendesuar me nje tjeter te konceptuar sipas profilit qe ka ky muze.
“Ky eshte nje qendrim prej nje dembeli mendor dhe nuk ka te beje asgjekundi me ate qe ka nevoje ai muze, i cili duhet reformuar teresisht, sepse eshte nje muze qe nuk ka asnje kopje te tij ne asnje vend te botes se qyteteruar, nje krijese staliniste, e cila nuk eshte me pak staliniste edhe pasi ka hequr te gjitha simbolet e dukshme te stalinizmit, por qe e ka stalinizmin ne mendesine e drejtimit dhe mendesine e administrimit te atyre hapesirave”, perfundoi Rama.
———–
Nuk e di pse disave nuk ju pelqen arkitektura e muzeut…mua me pelqen ky lloj stili “fashist” (me duket e bazuar ne arkitekturen Italiane te viteve 30)…sic jane dhe godinat e universitetit. Te pakten i jep Tiranes nje stil te vecant qe nuk e gjen dot me…
16 January 2008 @ 12:19 pm
Ti heqim te gjithe mozaiket,gjithe yjet partizane,te gjithe simbolet komuniste,asgje nuk ndryshon ne mbrendesi te shpirtit Shqiptar,urrejtja per ate qe nuk mendon si NE,qe nuk “punon” si NE,qe nuk “bertet” si NE,eshte nje ndjenje e pafshishme.
18 January 2008 @ 5:34 pm
shume turp!
te gabosh e te mos zesh mend eshte vertete fatkeqesi.
duam ta fshijme shpejt e shpejt te kaluaren qe te mos jemi te afte te shohim paralelizmat me te shkuaren me duket.
20 January 2008 @ 10:23 pm
Te zhvendoset mozaiku, te vihet ne dyshemen e hyrjes, nga jasht ose brenda muzeut.
Te mos vihet as gje ne vendin e tij, pra, te lihet bosh vendi ku tani eshte mozaiku. Ruhet mozaikun duke mos zene vend fare, dhe qetson per gjithnji propaganden e ballit te Muzeut Kombetar.
25 January 2008 @ 2:15 pm
ja dhe varianti i ri i Mozaikut, me Salen dhe Jozin ne balle
Nxirreni i cike ket foton me vete se une smarr vesh nga keto pune :
http://www.shekulli.com.al/news/142/ARTICLE/20551/2008-01-25.html
25 January 2008 @ 2:24 pm
hahahahah Rrofsh Moza e modhe je. Po te te kisha afer do te te jepja nje “qe pala” Oh sa kam qesh. Nuk e lexova artikullin por fotoja oshte e modhe.
7 February 2008 @ 8:26 pm
Eshte shume e trishtuar ajo pamja, por me mire mos ta heqin. Ndoshta vlen si rikujtim.